مشكلتي

أنا عندي 31 سنة مطلقة وعندي ولد تعرفت على شاب عنده 36 سنة بغرض الجواز نيتي ونيته على الحلال قعدنا فترة بنتعرف على بعض وجاب أهله عندنا وقرينا فاتحه هو بصراحة شاب محترم

وبيصلي وهادي وبيمشي جنب الحيط في يوم كان ابن خاله بيتخانق فقام يتدخل عشان يفك بينهم الولد اللي كان بيتخانق مع ابن خاله ضربه خطيبي رد عليه وضربه واتحبس اتحكم عليه بسنتين وتسع شهور وهو دلوقتي قضى منهم سنة وسبع شهور فاضل له سنة وشهرين وأنا مستنياه وبيكلمني في التليفون ومتعلق بيا وأنا كمان بحبه بصدق بس بتيجي لي فرص جواز أحسن وأرفىض وأحيانا بفكر وأقول أضىيع من عمري سنة تانية ولا أتجوز وأبدأ حياتي من جديد وفي نفس الوقت صوت جوايا بيقول لي استني كمان وهو بيحب ابني كأنه ابنه وابني بيحبه جدًا فدلوني أعمل إيه