جوزي قالي أن خالته جايه للكاتبه علاالنشار
جوزى قالى ان خالته جايه من الصعيد تقعد عندنا كام يوم ….وبما ان حمـاتى متـوفيه هتقــعد عندى
جهزت لها الاوضه بس هى صمـمت انها تقعد فى شـقه الضيوف تحت
اصل البـيت كله ملك جوزى لانه كان وحيد أبوه وامه
فااحنا عاملين الدور الاول للضيوف وشــقه حماتى الله يرحمها فى الدور التانى وشــقتى انا فى الثالث ….
جت بليل قعدت معانا شويه……وبعد كده نزلت علشان تنام …الغريبه انى ما شفتش وشها طول مانا قاعده ….
لانها منتقبه وما رفعتش النقاب طول الوقت خالص حتى عنيها مش باينه ولابسها كله اســود
يعنى عبايه ســودا وخمار اسـود ونقــاب اســود وجونت اسود وفى حاجه شفافه على عنيها مغطيه عنيها كمان ….
وما اتكلمتش طول القعده
عرفت من جوزى ان زورها ۏجعها ومش قادرة تتكلم .
جوزى بليل بعد هى ما نزلت قالى اجهز الغدا بكرا فى شــقه حماتى لانها عايزه تقــضي اليوم فى شــقه اختها ….
بعد جوزى ما نام قولت انزل الخضار والحاجه تحت فى الشـقه واجهز الا اقدر عليه علشان بكرة يبقي الباقي سهل
لانى هعمل ماحشي …
المهم خد الحاجه ونزلت تحت الشــقه ولسه بفتح الباب سمعت حركه جوا …..قولت اكيد بيتهيألى انا حماتى وحمايا ميــتين
وانا مجهزه شــقه الضيوف لخالة جوزى ونزلت معاها لحد تحت وهى نازلة تنــام وجـوزى نــايم …يبقي اكيد انا بيتهيألى
سميت الله ودخلت …ببص لقيت اوضــه المرحومه حماتى بتتفتح وحماتى خارجه منها …
نفس
احييييه حتى نفس صوت حماتى بس فى بحه فى صوتها حتى صوتها مرعـب اكتر …..انا اتخشبت وبرقت وقعد اصوت …وخرجت جرى من الشـقه …اتلغبـط بدل ما اطلع فوق نزلت جرى على الشارع وعفــريت حماتى ورايا
اول ما خرجت من البيت فضلت اصوت واقول عفــريت حماتى بيجرى ورايا ….اول ما عفــريت حماتى خرج من البيت
الناس كلها بقت تبسمل والرجاله عملوا دايرة حواليها وقعدوا يقروا قراءن بصوت عالى والعفـريته تصوت وهما يقروا اكتر
ويعلوا صوتهم ….لحد ما لقيت جوزى خارج جرى من البيت
قولتله عفـريت امك طلع ……ما ردش علية ودخل
الراجل اټجـنن من الصـدمه وانا اقوله ياقلبي دى عفريت
ابعد لتأذيك واصـړخ فيه علشان يبعد عنها …لحد ما اخيرا نطق وراح مزعق فينا كلنا وقال عفــريت اى دى خالتى
اتارى خالته تبقي تؤام امه وانا ما اعرفش …
المهم دلوقتى انا عند ابويا غضــبانه وخالة جوزى حالفة عليه لو ما طلقنـيش مش هتعرفه تانى …اصل قعدت اضحك عليها وعلى شكلها لما كانت الناس
بتقرا عليها قراءن مفيش حد فيكم يجى يتوسط للصلح اه نسيت اقولكم لما جوزى
جابها وجه علشان اعتذرلها اول ما شفتها قعد اضحك لحد ما صنيه الشاى ما وقعت منى
كل يوم بإذن الله هنشر لكم قصة جديدة ضحك وفرفشة
انا كل اللي يهمني فرحتكم
تمت
