ندم العشق
كانت واقفه فاوضتها بتروح وتيجي پغضب بتتنفس بصعوبه وعڼف هتجنن انه رجع يعيش معاها تاني فالبيت بعد اتطلقوا ..
شوق.. انا انا يعمل فيا كده ويضحك عليا لحد ما يعمل اللي هو عاوزه ماشي يا احمد أما وريتك مبقاش انا شوق ..
خرجت من أوضتها ومسكت الفازة اللي علي ترابيزة السفره وحدفتها عليه ..
احمد كان قاعد ماسك الفون واول ما شافها حدفت الفازة بعد بسرعه وقال بخضه.. يا مچنونة ايه الجنان اللي بتعمليه ده ...
شوق.. وانت لسه شوفت جنان انا ياض تنيمني نني وتقولي انك هتسافر وتسبلي الشقه وارجع من الشغل الاقيك لسه فيها ...
احمد ..اعملك اي يعني السفر اتأجل شهرين ف اضطريت ارجع ..٠
شوق.. ومرجعتش علي بيت امك ليه يا حيلتها ..
احمد ..ما انتي عارفه ان اخويا ومراته قاعدين فيه اروح ابوظلهم حياتهم وبعدين انا ليا فالشقه دي زيك بالظبط انتي ليكي النص وانا ليا النص ..
شوق.. خلاص بيع ليا النص بتاعك وهاتلك بيه شقه تانيه شوف عايز كام وخدهم إنما تعيش هنا انسي ..
احمد ..اجيب شقه تانيه عشان اقعد فيها شهرين بس واقفلها بعد كده خمس سنين ..
شوق اتعصبت.. ما انت اللي عملي فيها مهم ورايح توافق علي عقد خمس سنين خمس سنين يا مفتري ايه معندكش انتماء معندكش ډم تبعد عن بلدك خمس سنين
احمد بصلها وراح وقف قدامها واقعد..ليه السبب الوحيد اللي كان ممكن استني عشانه مش موجود
شوق اتلغبطت وقالت بتوتر..ولو برضه اسمع انت تمشي من هنا احسنلك اقولك روح اقعد فأوتيل الشهرين دول وانا هدفعلك الفلوس واعتبرهم ايجار النص بتاعك من الشقه
احمد ضحك وراح قعد علي الكنبة وقال باستفزاز.. تؤ تؤ انا حابب اقعد هنا اقعد فاوتيل ليه وانا عندي بيت
شوق بصتله بغل ودخلت اوضتها قفلت الباب بقوة وقعدت علي السرير
احمد ضحك وقال بصوت عالي شوق سمعته ..وانتي من اهله يا حبي
شوق حطت ايدها علي دماغها وقالت بضيق ..راجع ليه انا بحاول انساه وأتئقلم علي عدم وجوده رجع عشان يثبتلي اني مقدرش اعيش من غيره رجع عشان يتعب قلبي تاني
شوق فضلت تفكر طول الليل ودموعها زي الشلال لحد ما نامت من التعب وصحيت تاني يوم علي صوت دوشه جامده جايه من المطبخ
شوق.. انت بتعمل ايه ..
احمد بضيق.. بحاول اعمل فطار عندي شغل طول اليوم ومظنش هعرف اكل ..
شوق ابتسمت بسخريه لان احمد فاشل جدا فاي حاجة ليها علاقه بالمطبخ.. ههه وانت اصلا بتعرف تعمل كوبايه شاي ...
احمد ..شوق اصطبحي وقولي يا صبح وامشي من هما يلا بت باردة ..
شوق قالت باستفزاز ..شوف وانا اللي كنت ناوية اعطف عليك واعملك الفطار بس بطريقتك والله مت هعملك حاجة ..
احمد.. وانا مش عايز منك حاجة اصلا يلا امشي بقي ...
شوق قعدت وقالت بدلع.. لا مش هخرج انا حابه اتفرج عليك وانت محتاس كده ومش عارف تعمل حاجة ..
احمد ..شوق بقولك اخرجي احسنلك ..
شوق ضحكت ..طيب طيب سيب سيب انا هعمله ادخل انت البس ..
احمد ..لا شكرا انا هعمله مش عايز منك حاجه ..
شوق ضحكت ..احمد احنا الاتنين عارفين انك عمرك ما عرفت تعمل فطار روح اللبس ..
أحمد خرج من المطبخ وشوق ابتسمت وكملت الفطار شوية وخرجت بيه وحطته علي السفره وجت تمشي ..
احمد..اقعدي افطري معايا ..
شوق بارتباك.. لا شكرا مش عايزة ..
احمد شدها وقعدها.. اقعدي بقولك انا عارف انك بتحبي الاكل ده لو سمحتي
شوق قعدت فعلا واكلوا وهما ساكتين شوية وخلصوا اكل ..
احمد ..انا نازل وعارفه يا شوق لو عملتي اي حركه من حركاتك انتي حرة...
شوق.. امشي يالا من هنا...
احمد طلعلها لسانه وضحك باستفزاز وخرج ركب تاكسي وهو مبتسم .. اما شوق كانت متغاظه اوي من احمد فقررت حاجة وقامت تنفذها شوية خلصت وابتسمت بشړ .. أما عند احمد فضل طول اليوم في شغله واول خلص وروح البيت بتعب واول ما دخل اتفاجي ب شوق قالبه البيت كله وبتنضف ..
احمد پصدمه ..شوق ايه ده ...
شوق ببرود.. ابدا لقيت البيت كله فجاة كده مش نضيف ف قولت اما انفض
احمد بزعيق.. حبكت اليومين دول ما انتي عارفه اني عندي جيوب انفيه ومبتحملش التراب
شوق بلامبالاة ..معلش بقي انت عارف مبحبش الكركبه ..
احمد بصلها پغضب.. ماشي يا شوق ماشي ...
شوق ابتسمت بانتصار وفضلت تروق وتظبط لحد ما احمد خرج من الاوضه واتفاجي بشوق حاطه علامات علي الحيطه واسهم ..
احمد حط ايده علي دماغه.. ايه ده ايه اللي عملاه
شوق ..حطيت علامات علي الحيطه عشان كل واحد مننا يعرف مكانه الحاجات اللي باللون الأحمر خط فاصل المكان اللي عليه علامه الأزرق ليك والبينك ليا ..
احمد بنرفزة.. شوق بطلي الهبل ده وشيلي العلامات دي ..
شوق.. لا مش هشيلها والمطبخ كمان انا عملت مواعيد فيه من ٦ الصبح ل ١٠ الصبح المطبخ ملكك واستلمه منك نضيف وممكن كمان تستخدمه من ٦ بالليل ل ١١ اظن كده فيير جدا وملكش حق تعترض ..
احمد بخبث.. امممم بقي كده طيب البلايستيشن بتاعي ملكيش دعوه بيه والكنبه المريحه دي ..
شوق.. كله بالميعاد يا اسطي ..
احمد بصلها بغيظ وقال.. فيه اكل ايه انا جعان ...
شوق..وانا مالي اطلب اكل من برا ..
احمد ..وانتي معملتيش اكل يعني ..
شوق.. لا معملتش ولو عملت اكيد مش هعمل حسابك احنا دلوقتي مش متجوزين عشان تنتظر مني اخلي بالي من اكلك و شربك ..
احمد بصلها بخبث ..هي بقيت كده طيب يا شوق انتي اللي جبتيه لنفسك ..
احمد دخل الاوضه وكان هيتجنن بسبب تصرفاتها وجنانها هو عارف وواثق انها قاصده كل ده عشان تستفزه وتزهقه منها وقرر انه مش هيسكت ..
احمد ..مش هسيبك يا شوق مش هسيبك والله لاعلمك الأدب ..
احمد طلب بيتزا ومعاها بطاطس وبيبسي وقال بخبث ..أما نشوف بقي مين اللي هيكسب يا ست شوق ..
شوية والبيتزا وصلت واحمد نزل جابها ورجع البيت تاني اول ما دخل وشوق شمت ريحه البيتزا جريت عليه ..الله بيتزا جبتلي واحده
احمد ببرود ..لا طبعا وأنتي فاكره نفسك لسه مراتي عشان اجبلك اكل معايا ..
شوق دبت رجليها فالارض.. ماشي يا احمد براحتك ...
احمد ضحك باستفزاز..وانتي اتضايقتي ليه مش ده اللي انتي عيزاه كل واحد يخليه فحاله بقي ..
شوق دخلت اوضتها وفضلت قاعده وشامه ريحه البيتزا وهي متغاظه وفجأة باب اوضتها خبط ..
شوق قامت فتحت ..يا نعم ...
احمد ..عندي ليكي عرض هايل أنا جايب البيتزا حجم كبير وبطاطس وبيبسي تعالي كلي منها بس بشرط ..
شوق.. لا شكرا..
احمد ضحك..خلصي بس انا عارف انك ھتموتي وتاكلي منها وشرطي الوحيد انك تعمليلي بكرا الباستا اللي انا بحبها نفسي اكلها من ايدك
شوق تصنعت التفكير وربعت ايدها وقالت ..اممم مفيش مانع موافقه ..
احمد وشوق راحوا قعدوا على السفرة وبداو ياكلوا..
احمد.. طعمها حلو اوي ..
شوق.. تؤ اللي كلناها ف بورسعيد قبل كده كانت احلي ..
احمد ضحك وقال بتلقائية.. فاكره الموقف اللي حصل معانا هناك ..
شوق
ضحكت.. الا فاكره دا انا كنت خاېفه اوي وعماله ابص حواليا يمين وشمال ليطلع علينا حراميه ولا حاجة وانت عشان عارف ان انا عندي حساسيه من الناموس ا
احمد بصلها وقال.. وانتي فضلتي صاحيه جنبي تلاث ايام منمتيش حتى ربع ساعه على بعض عشان تحطي لي الكريم بانتظام وتبقي معايا
شوق.. اه دي كانت سفرية نحس نفسى اعرف مين اللي بصلنا فيها ده كان معاناة ومشاكل ومصايب بتحصلنا
فضلوا مندمجين فترة فالكلام والضحك ونسيوا كل مشاكلهم للحظه وكأن الزمن وقف بيهم وفجأة شوق بطنها وجعتها اوي وقامت جريت علي الحمام احمد قام وراها وقال ..مالك فيه ايه ..
شوقه.. بطني بتوجعني اوي اوي انت حطيت ايه في البيتزا يلا ..
احمد ..هحط ايه يعني حتي وانتي تعبانه لسانك طويل تعالي اديكي مسكن ..
شوق.. اااه مش عايزة منك حاجة الحقوني هيموتني
احمد.. هتموتك ايه يا عبيطه تعالي بس ..
شوق راحت معاه واحمد اداها مسكن لحد ما هديت شوية وعملها يانسون وراح اوضتها ..ها احسن شوية ..
شوق ..اه احسن كنت عايز تخلص مني يا احمد انا ياض تحاول تقتلني ..
احمد..لا يا اختي ده بسبب الرمرمة اللي بتعمليها شوفي طفحتي ايه برا عمل فيكي كده ..
شوق ..امشي ياض من هنا ..
احمد بصلها بقرف وقال..
طيب خارج قال يعني خارج من الجنه انا هقوم اظبط حاجات فالشغل وانتي اشربي اليانسون وبعدين نامي شوية ..
شوق.. طيب مش نايمه بقي واصلا عندي شغل مهم وعايزة اللاب علي فكرة يعني متفكرش تاخده ..
احمد پحده ..وانا كمان عندي شغل مهم عليه ومع اجانب كمان..
شوق ..مليش دعوه اللاب بتاعي وانت قولت كل واحد ليه حاجته وانا ورايا شغل ..
احمد ..وانتي قولتي كل حاجة بالميعاد وده ميعادي ..
أحمد اخد اللاب وخرج من الأوضه ف شوق قالت بخبث.. وانت فاكر اني ههنيك علي حاجة في البيتتبقي مغفل والله لاطفشك يا احمد واخليك تقول حقي برقبتي ..
احمد رجع تاني ودخل دماغه من الباب وقال بضحك..سمعتك
شوق.. مش نايمه ..
أحمد.. براحتك هو أنا اللي تعبان ولا انتي..
اول ما خرج
