زوجة يوم العيد
جوزي قالي أنه أتجوز عليا
قالهالي بعد صلاة العيد على طول
دا بدل ما يديني عيديه..
او يقولي كل سنه وانتي طيبه
استخسر فيا الفرحه وباع العشرة .. و بيقولي انه اتجوز عليا
كنت فكراه بيهزر ..
بس طلع الموضوع بجد ووراني الصور وبعدها نزل وسابني .. غالبا راحلها يعيد معاها
اصلهم اتجوزو قبل رمضان بشهر .. وكان بيقولي انه مسافر شغل
هوا مرتاح جدا ماديا ..
بس كان على قده قبل ما نتجوز
ساعة ما ربنا كرمه معايه .. بدل ما يفسحني ويفرحني ويعوضني عن جوازنا
اللي كان من غير فرح
عن شبكتي اللي كانت ببلاش
تقريبا ومهري اللي في متناول اي فقير
كل ده والدي عمله عشان نسهل الامور
عشان بحبه
وكنت فكراه بيحبني .. عدى على جوازنا خمس سنين ..
وراح يتجوز من ورايه وبيقولهالي بكل برود
أنا مابقتش عارفه
أعمل ايه ساعتها
لدرجه اني فضلت ساكته وهوا بيحكيلي وبيوريني صورهم ..
فضلت أعيط كتير
لدرجه ان جالي ضيق تنفس واغمى عليا وقعت على الارض ومالقتش حد يلحقني
صحيت لقيت نفسي
مرميه على الارض صعبت عليا نفسي انهرت أكتر .. اتصلت بيه مابيردش بعدها قفل تلفونه
جالي يوسف ابني
لسه عنده أربع سنين يطبطب عليا ويقولي معلش يا ماما ..وبيسألني بابا فين
ماعرفتش ارد عليه بعدها طبطبت عليه قولتله عنده شغل سالني مش هيوديني الملاهي النهارده
قولتله هيوديك بس مش النهارده عشان عنده شغل
عدى أسبوع
من ساعة ما أختفى من البيت .. وكل قرايبنا اللي بيتصلوا عالبيت بقولهم هوا نايم كان نفسه يعيد
عليكم وهيكلمكم لما يصحى
وبعدها لقيته راجع بعد اسبوع دخل فتح الثلاجه وياكل ولا كان في حاجه .. وقفته قولتله احنا محتاجين نتكلم
حرام عليك
حتى لو مش عشاني يبقى عشان أبنك المسكين
قالي يوسف ماله .. انا اتجوزت ودا حقي الشرعي
اخرجي واتفسحي روحي لامك ..
اخرجي مع يوسف اعملي اللي انتي عايزاه
ولقيته بيزقني عشان يدخل ينام
انا بصراحه ما بقتش
وقومت نازله الصيدليه واشتريت حاجه ورجعت البيت وعملتله
الاكل
اللي بيحبه
وقبل ما أقدمله الاكل .. حطيت عليه دواء وتركيبه عملتلهالي الدكتوره في الصيدليه لانها صديقتي
دواء بيسبب العقم والضعف وقالتلي على شويه زيوت وحاجات اجيبها من عند العطار
وانا بصراحه
ما قصرتش معاه كان بيجيلي ثلاثه أيام في الاسبوع ..
بعمله فيهم الاكلات اللي بيحبها كلها .. واحطله التركيبه في الاكل ..
بعد فتره
بقى
يقعد في البيت عندي خمس أيام وعندها يومين بس وبقى يرجع مخڼوق من بره
يا حبيبي يابني .. كان نفسي أساعدك بس أنت ما تستاهلش غير انك تكره نفسك وتكره عيشتك
بعدها بدات اتزوق
واقوله كلام من نوعيه انت راجل بشخصيتك .. وغيبتك
وكفايه حسك في البيت.. وانت بتوحش يوسف جدا ..ماتخليك معانا
لان اكيد الكلام ده
مش بيسمعه منها بيسمع كلام تاني يسم بدنه فبقيت أنا اللي بقوله كلام
حلو
وبقى يرتاح عندي في البيت اكتر .. وبعدها الدكتوره صحبتي قالتلي بطلي تحطيله حاجه عشان ما يسببش عقم نهائي
وبالفعل انا كنت مبطله
قبلها .. وبعد فتره اكيد الموضوع ده خلاهم يقولوا لبعضهم كلام يسم البدن
وفعلا بعد شهر اتطلقوا ورجعلي البيت يعتذر ويستسمحني .. وكان بيكبي من الندم
بعدها رجعنا أخيرا
لعيشتنا الطبيعيه وهوا حاسس بقيمتي
عقاپا ليه وعشان
يكون هوا كمان تاثير التركيبه راح منه ..
ونرجع نعيش احسن
من الأول ونحافظ على بيتنا على قد ما نقدر عشان ابننا يعيش
ويكبر وسطينا
تمت القصة ونتعلم منها ان الزواج احتواء حياة بين زوجين واطفال يجب التفكير بهم اولا قبل اي شئ لانهم هم من يدفع ثمن أخطاءنا
