قلبي موجوع

انا وابن عمي بنحب بعض.. ساكنين ف بيت واحد بيت عيلة والكل عارف اننا بنحب بعض اتفقنا سوا انه هيسافر الامارات يشتغل كام سنة ويرجع نتجوز ع طول . لانه احنا يعتبر عارفين وفاهمين بعض . ف مفيش داعي نعمل خطوبة وتعارف والكلام ده .

لما سافر انا وقتها كنت ف ٢ ث وهو اكبر مني ب ٥ سنين . قعد ف الامارات ٦ سنين وف خلال السنين دي كنا بنكلم بعض وبنتواصل وعلاقتنا بقت اقوي من لما كان هنا كان دايماً يطمن عليا ويقولي احكيلي عن يومك وكان حنين عليا ولو كان حد مزعلني عندي كنت بشكيله وهو بيتصل بيهم ويبهدلهم .قضي

٦ سنين وبعدها قرر انه ينزل اجازة لانه من ساعة ما سافر ف خلال ال ٦ سنين منزلش اجازة ولا مرة وياريته ما

بعد شائعـات إصابتــه بالســرطان.. عمرو مصطفى يكشف تطورات حالته الصحية
لما ابن عمي سافر كانت اختي وقتها ف ٢ اعدادي كانت صغيرة يعني . ابن عمي رجع وشاف اختي انبهر بيها .. ومكنش مصدق انها كبرت واحلوت كده .
بقي كل ما نقعد مع بعض يفضل يقولي اختك ميار احلوت اوي وادورت وبقت مزه وكلام كتير من النوع ده .. انا فالاول مكنتش بدقق ولا بركز ف كلامة كنت بقول عادي دي مهما كانت زي اخته الصغيرة . لكن مع

الوقت بقيت بلاحظ انه بيهزر معاها كتير وبيبصلها وبيغمزلها ولما بنكون ف تجمع عائلي عينه مبتنزلش من عليها والمصيبة اني اكتشفت ان اختي كمان بتبادله نفس الشعور وبتلاغيه . اكمني يعني هي تفوق عليا ف الجمال بعيونها الخضرا وبياض وشها وعيونها
ف يوم لقيت ابن عمي بيقولي انه مش هنكمل ف علاقتنا دي وقالي انه مشاعره من ناحيتي اتغيرت وقالي شوية كلام تاني لا داعي لذكرهم .. وبعدين خدت الصدمة اللي خلتني اروح ف دنيا تانية لما قالي انه اعجب باختي وحبها اوي وانه هيكلم بابا ويخبطها . انتوا اكيد تخيلتو شكلي واحساسي وصوت قلبي وهو بيتكسر .. اللي هو انت بتقول ايه . وازاي انت كده وازاي انا هونت عليك وهانت عليك سنين عمري اللي حبيتك فيها .. الف سؤال جه ع بالي وقتها واخرتها ايه كلم ابويا وابويا وافق والكل ف البيت وافق ، اللي قهرني انه محدش راعي لمشاعري .. لا هو ولا ابويا ولا اختي ولا امي .. دول حتي قالولي فيها ايه لما يسبيك وياخد اختك .. خليها تتجوز وتفرح

طب ما كلهم عارفين ان انا وهو بنحب بعض من زمان . انا ازاي هونت عليهم كده ؟! ليه عملوا فيا كده ؟! ليه كسروني بالشكل ده .

طبطوا عليا انا قلبي موجوع اوي

والله .