جوزي اتجوز عليه

انا زوجي اتجوز امبارح من أرملة طبيــبة بعد 8 سنيــن زواج بينــا كلها حــب و حنان و كرم منه مشوفتش منه حاجة وحشة و لما كان بيحصل خلاف بينا و يبقى فيه تجاوز كان بيجي يصالحني حتي لو كنت غلطانة ، من فترة قالي انا محتاج اتجوز بصراحة كدا و هو مقتدر من كل وجه ، فكرته بيهزر كعادته بس طلع بجد و عنده نية

مسبقة و زي اي ست اټجننت و اتعصبت عليه و انهرت و في النهاية طلبت اروح لأهلي عشان مكنتش كويسة نفسيا و كان فيا ألم ميتوصفش ، قولتله انا مش هقف في طريق الحلال ولا قدام شرع ربنا بس انا محتاجة اقعد مع نفسي و أقرر عشان مظلمش نفسي ، قعدت شهر عند اهلي و كان بيجي يطمن علي الولاد أو يبعت عربية تخدهم ، بعد القعدة دي عرفت اني مش هقدر ابعد عنه لأني بحبه اكتر من نفسي و مقدرش احرم الولاد منه عشان بيحبوه ، بعد ۏجع رهيب و دموع و ألم قررت
ارجع ، ابي و امي وافقوني علي قراري و هو بعد ما رجعت احتواني و قالي ان كل حاجة كنا بنعملها سوا مش هتتغير و هتفضلي ست البيت و كبيرتي و انا عارفة انه بيحبني معنديش شك و كان نفسي اعرف ايه احتياجه انه يتجوز بس مقالش و مش بيقول غير أنه محتاج وبس ، مش قادرة اتصور ان فيه ست تانية في حياته و لا قادرة اتصور انه واخد قرار انه يتممهم أربعة و يقولي انتي عندي كل حاجة بس انا محتاج كالعادة ، الحمد لله علي كل حال و مش عارفة بس دا أشد ابتلاء في حياتي و أشد اختبار في عمري كله