صحبتي عندها بنت وانا لسه مخلفتش

صحبتي عندها بنت عندها شهر كل يوم بنتكلم معاها وورتني بنتها مرتين. أنا متجوزة بقالى 6 سنين وربنا مرزقنيش بأطفال. يمكن علشان بحب الأطفال بقيت عايزة أشوف بنتها وكل ما أطلب منها تصورها ليا بحس

إنها بتتهرب. كل مرة تقوللي دي نايمة دي بترضع خليها بعدين يعني واضح إنها مش عايزة.
أنا بصراحة حسيت بضيق وبقيت أفكر هل هي خايفة مني خايفة أحسدها ولا إيه امبارح لما قلتلها تصورها ليا ردت بنفس الطريقة وقالتلي انا بأكلها فيها وقتها حسيت إنها بتتحجج وزعلت لأن ده حصل أكتر من مرة. قلتلها خلاص خليها عندك أنا بس كنت عايزة أشوفها ومش معنى إنك خلفتي وأنا لا إن ده مضايقني واني ممكن احىسىدها
راحت ردت عليا الصبح بعتتلي رسالة في التليفون وقالتلي ربنا مرزقكيش بأطفال عشان قلبك أسود. الكلمة دي وجعتني حسيت إنها بتتهمني بحاجة أنا ماليش ذنب فيها. دلوقتي مش عارفة هل أنا اللي غلطانة