حمل مراتي

حمل مراتي

السلام عليكم مراتي كانت حــامل عند بيت ابوها وده اول حـمل ليها وخفت عليها قولت لابوها خليها عندك اول ٣شهور في الحــمل عشان امها واخواتها يهتموا بيها وامها عندها خبره في كده لأنها ست كبيره وهتخــاف عليها وانا كنت قايم بكل حاجه كل اسبوع كنت ببعتلها ٥٠٠جنيه علي كد حالي انا شغال علي باب الله تصرف منها وكده وكنت بروح اخد معايا الفلوس واكل وكده مش لحاجه والله

لكن عشان مفيش حد يقول ده رمــيها عن أهلها ومصدق المهم مرت ٣شهور ونص وفي اليوم اللي

هصبح اجيبها فيها عندي حصلها تعب والحمل نزل الحمد لله علي كل حال قولت مش هينفع تروح سبتها ٢٠يوم تاني ترتاح من الإجـهاض وكده وبعد كده قولتلها انتي خفيتي قالت الحمد لله بقيت كويسه تعالي خدني انا مش هقعد هنا تاني انا مش مرتاحه وانت بعيد عني وخلاص وبنضحك ونهرج وكل حاجه كويسه وانا عندهم في

البيت عشان اخدها ابوها قال مش هتروح غير بعد شهرين تاني طيب ليه ياعمي هي موافقه وعايزه تروح وكلمتني وقالت تعالي خدني واهي عندك قولها لو انا كداب قال لا يعني لا والكلام خلص واتفصل مع السلامه مراتي فضلت تعيـط وتقول لابوها حــرام عليك انا هروح يعني هروح حلف

طــلاق محــرمات لو طلعتي برا الباب منتي داخله هنا تاني رحت سابته وطلعت معايا وقالت مش عايزه ادخل وكانت بيهم خــناقه

وانا مش عارف اعمل ايه بعد كلام كتير مع ابوها منغير نتيجه قولت لمراتي معلش عشان خاطر النبي خليكي الشهرين دول كده هتتقــطعي من أهلك وناسك ولا حد هيسال عليكي ولا هيجيلك خليكي هنا وامرك لله واقنعتها تقعد عند ابوها الشهرين دول ملحوظه انا معنديش ام او أب الله يرحمهم وكنت وحيدهم يعني معنديش حد بتكلم مع ابوها يرد الطــلاق ده او يتنازل لسه باقي ٥٠يوم علي الشهرين حد عندو حل
# احكي