تعالي الى چحيمي
المحتويات
جت
بسنت ايوه يا فندم
طيب ابعتيهالي
بسنت حاضر
خرجت بسنت وقالت لمي
الشغل حلو قوي وعجب شهاب بيه
وعلي فكره عاوزك
مي بارتباك قال تندهيلي
بسنت بابتسامه ايوه
مي بضحكه طفوليه لبسنت شكرا
طرقت مي الباب ثم دخلت
لتنظرالي شهاب الجالس خلف مكتبه وقالت حضرتك عاوزني
شهاب اتفضلي واشار لها بالجلوس
جلست مي ولا تدري لما تشعر بالارتباك وهي مع شهاب تنتظر ان يقول لها ماذا يريد
فقال عمي بلغني اقولك ان اسامه بخير وحالته مستقرة وعمل العمليه من يومين
مي بابتسامه الحمد لله
هيرجع امتي
شهاب اخر الاسبوع صمت برهه ثم اضاف
بس دا معناه كمان ان فرحنا قرب جدا
تلون وجه مي باللون الاحمر القاني من الخجل والتوتر فبماذا تجيبه علي ما قال
ظلت صامته
نظر اليها وقال عندك اعتراض
مي بحشرجه في حلقها احم حم انا قلت رايي لعمي نور الدين
شهاب بهدوء وهو يتامل تعابير وجهها
ممكن اعرفه
مي بصوت منخفض احنا متعرفش بعض كويس لسه وانا يعني اقصد مش واخدين علي بعض و ومش هينفع
شهاب طيب ليه لما سالك عمي مخترتيش جمال ممكن اعرف
مي بضيق ممكن ما اجوبش
ابتسم شهاب وقال بصوت حاني ممكن تجوبي
مي بخجل طيب انا كنت هقول جمال مش لاني معجبه بيه ولا حاجه بس لانه كان هيبقي فرحان لو ارتبطنا نظرت له بحزن واضافت عكسك تماما
شهاب بلهجه آمره كملي
مي بتوتر لكن عرفت بالصدفه انه مش مستقيم
شهاب بتساؤل بمعني
طرقت بسنت الباب لترتبك مي اكثر ودخلت
لتقول
مندوب شركة المجد للاستثمار العقاري بره
بيقول عنده عرض ممتاز ما يتعلقش بشغلنا صحيح بس حضرتك هتنبهر لما تشوفه
شهاب بضيق اعتذريله مش هقدر اقابله النهارده ثم اشار الي مي الجالسه امامه وقال عندي مقابلة
ضخكت بسنت وقالت حاضر يا فندم
ثم خرجت
نظر اليها شهاب وقال اخر جمله سكتنا عليها لما قلت لك بمعني كملي
كان مستمتع بارتباكها بالخجل البادي علي وجهها وبصيقها من الحديث
قالت بترد د بمحض الصدفه وبين ملفات الشغل وقبل اليوم ال اجتمعنا فيه مع عمو نور الدين شفت له صوره مش كويسه مع بنات علشان كده وصمتت
شهاب بجديه علشان كده بس اخترتيني
طب ما يمكن اكون زيه
مي بسرعه وبلا تفكير
لأ طبعا
ابتسم شهاب وقال ليه الثقه دي
مي بهمس لان انت مابتعرفش تحب ابدا
نهض شهاب من مكتبه ووقف مقابلا لها وفجاه انحني ليلتقط يدها ويرفعها لتنهض وقال بصوت منخفض ابدا
مي بهمس ابدا
لم ټقاومه انما اغمضت عيناها وهي تفكر
حلم انه حلم انني لابد نائمه واحلم انني بين احضانه الدافئه ثم ابتسمت وقالت اكيد حلم
تعجب شهاب من صمتها فهمس مي
لم ترد
ناداها ثانية ثم رفع وجهها باصبعه ليجدها مغمضة العينين تماما
فتحت عيناها ببطئ حينما سمعت ضحكته
وما ان راته الا وحاولت الخلاص من بين يديه
وقالت سبني ارجوك
تركها لتترنح ثم ابتلعت ريقها وخرجت مسرعه تتابعها عينيه الباسمتان
خرجت مي وهي هائمه ثم جلست علي مكتبها تحدثها بسنت وهي لا تسمع ما تقوله ولا ترد عليها
خبطت بسنت كفها بالاخر وقالت لا حول ولا قوة الا بالله
في فيلا نور الدين
جلست شهد تداعب لوجي
وفجاه شعرت بالغثيان والتعب فقامت مسرعه الي دورة المياه
ويتكرر عليها الامر المره تلو الاخري
الي ان نامت علي الاريكه دون حراك
جرت لوجي الي جدها وصاحت وهي تبكي
يا جدو الحق ماما بټعيط
ترك نور الدين الكتاب الذي كان يقرئه واسرع الخطي ليجد شهد في حاله مزريه
فقال مالك يا شهد مالك حبيبتي
قالت بضعف اكيد ميكروب في معدتي مش قادره يا عمو ثم اضافت او يمكن برد
انا مش قادره اتحرك ثم مسكت معدتها وصاحت اه
نور الدين لا كده لازم دكتور
اتصل بشهاب وقال الو
شهاب ايوه يا عمي
نور الدين بسرعه ياشهاب اطلب الدكتورنادر يبعت لي دكتور باطنه شهد تعبانه قوي
نهض شهاب فورا من مكتبه وقال بړعب مالها شهد
اخبره عمه فقال طيب هجيب الدكتور وجاي
خرج مهرولا من المكتب
فقالت بسنت خير يا شهاب بيه
شهاب انا مضطر امشي يا مدام بسنت لان شهد تعبانه وهجيب لها الدكتور
نهضت مي واقفه وقالت شهد تعبانه ممكن اجي معاك لو سمحت
شهاب بجديه طيب بسرعه
استقل سيارته وطلب الدكتور نادر فاخبره انه سيحضر الي الفيلا بسيارته بعد عشر دقائق
جلست مي بجواره صامته الي ان وصلا الي الفيلا ودخلا مسرعين
ليحدا شهد نائمه علي الاريكه وبجوارها نور الدين ولوجي تبكي
شهاب بحنان مالك يا شهد يا حبيبتي
مي بود الف سلامة عليكي
شهد بضعف الحمد لله
وصل الدكتور نادر بعد دقائق من وصولهم
وجلس بجوار شهد علي مقعد اخر
واخذ يعاينها ويكشف عليها
وبعد قليل قال لشهاب الذي يبدو عليه القلق
مافيش حاجة يا جماعه دي اعراض حمل
الف مبروك
انا بس هديها ابره صغيره علشان القئ وهتبقي زي الفل
شعر الجميع بسعاده لهذا الخبر المفاجئ
وقالت شهد معقول انا مفكرتش ابدا اني ممكن اكون حامل
قالت مي للوجي ماما هتجيب بيبي تلعبي معاه يا لوجي
لوجي پغضب لأ مفيش بيبي لوجي بس بيبي واخذت تبكي وتحتضن شهد قائله
لوجي بس ال بيبي يا مامي صح
شهد صح يا حبيبتي مامي
احتفل الجميع بهذا الخبر السعيد بينما
وصمم نور الدين ان يخرج الجميع لتناول الغداء في الخارج
اصرت مي علي الانصراف ولكن شهاب نظر اليها بحنان وقال
خليكي انا خلاص عرفت الحل بالنسبه لمدام عايده
الفصل الخامس عشر خطوبه من جديد
اصر نور الدين ان تخرج معهم مي لانه عزمهم علي طعام الغداء
واصرت هي ان تعود الي سكنها
الي ان قال شهاب تعالي احنا خلاص عرفنا الحل بتاع مدام عايده
مي بهدوء معلهش انا مش هقدر لاني مصدعه شويه
شهد پغضب مصطنع خلاص لو مي مجتش مش هخرج اصلا صح يا لوجي
لوجي پغضب طفولي لأ هنخرخ ثم مسكت في ملابس مي واخذت تتوسل اليها
علشان خاطري يا طنط مي
انحنت مي لتقبل الصغيره وقالت حاضر يا لوجي
شهاب بجديه طيب يلا
شهد بحنان حبيبي يا شوبا خدمي في عربيتك
وانا وعمو ولوجي هنمشي وراكم بعربية عمو نور الدين علشان السواق يسوق بشويش
شهاب بتعجب ليه كده هنروح كلنا بعربيه واحده
شهد بتافف يووه اسمع الكلام بقي
شهاب طيب يلا يا مي وخرج يتبعه الجميع
استقل سيارته
وبجواره مي
واستقل الاخرون سياره اخري وقالت شهد للسائق يلا اطلع لو سمحت
نظر نور الدين بتعجب لشهدوقال متسائلا ليه صممتي نروح بعربيه تانيه العربيه كانت هتكفينا كويس
ابتسمت شهد وقالت بمكر لسه بدري عليك يا عمو
نور الدين مش فاهم
شهد بابتسامه مي وشهاب فرحهم بعد ايام ولحد دلوقتي بيتعاملو رسمي جدا مش شايف مي متحفظه معاه ازاي دا انا
بتهيالي بتتكسف تاكل ادامه بص بقي يا ابو الانوار يا حبيبي انا ف دماغي خطه
نور الدين ضاحكا دا انتي داهيه يا شهد
شهد مازحه مش كده والله
احنا هنعمل حركه ونسيبهم لوحدهم ونبعد عنهم ايه رايك
صاحت لوجي التي تنصت الي كلام امها
ماليش دعوه
انا عاوزه اقعد مع خالو ومي
شهد بتمثيل ما عندهمش شيكولاته يا عيني بس احنا هناكل شيوكولاته وهما لأ
لوجي ببراءه خلاص يا مامي مش عاوزه اقعد مع خالو مامي حبيبتي بس
امام فندق شهير وقفت سيارة شهاب تتبعه سيارة نور الدين وترجلو جميعا
سبقت شهد قائله حبيبي انا هحجز الترابيزه لاني عارفه الاماكن لحظة واحده
دلفت بسرعه الي الداخل
بينما قال شهاب طيب انا هركن العربيه في مكان كويس لحسن كده ملطش
ساعده العامل بالفندق علي ركن سيارته في مكان آمن بين صفوف السيارات الاخري
وعاد فلم يجد احد دلف الي الداخل فسال
العامل فين ترابيزة المحجوزه لعيلةنور الدين اشار له العامل ذو الملابس الانيقه الفاخره التي تليق بذلك المكان الفخم الي ركن قصي وقال المدام حجزت هنا يا فندم
سمع رنين هاتفه ليجد اسم شهد فاجاب
انتو فين يا شهد اختفيتو فجاه كده ليه
شهد ضاحكه بص يا شيبو انا حجزت وقعدت مي علي الترابيزه بتاعتكم ومشينا لان لوجي عاوزه كنتاكي
شهاب بضيق ايه يا بنتي احنا مش خارجين سوا
شهد ما تضيعش وقت يا شهاب البنت قاعده لوحدها وافرح يا معلم عمو دفع الحساب
شهاب لشهد عيله رخمه
شهد شكرا حبيبي علي المدح واحنا هنرجع لوحدنا مترتبطوش بينا
شهاب بضيق ممكن مي تتضايق كده
شهد بمكر طبعا لو قعدت تحكي معايا اكتر من كده هتتضايق بالله عليك ابسطها ومتضايقهاش يا شهاب دي اول خروجه ليكو يلا سلام
شهاب بضيق وهو يغلق هاتفه اوف من حركاتك يا شهد
جلست مي مضطربه الي ان رات شهاب فاطمانت قليلا
جلس شهاب في المقابل لها وبينهما المنضده
مي بتساؤل فين عمو وشهد ولوجي
شهاب بجديه بياكلو في مكان تاني
مي وهي تهم بالنهوض طب يلا نروحلهم
اشار لها لتثبت مكانها وقال
خلاص مافيش مشكلة احنا هناكل ونقوم ظهر القلق جليا علي ملامح مي وربما الضيق فوجودهم كعائله هي اعتادته ام وجودها معه مباشرة وضعت يدها علي جبينها بحركه تلقائيه
شهاب باهتمام تعبانه
مي بهدوء شوية صداع خفيف
شهاب طيب بعد الغدا
اشارت مي براسها بابتسامه هادئه
شهاب بجديه انتي متضايقه علشان لوحدنا
مي بصراحة مش كده بالظبط بس انا بحب ابقي مع العيله
شهاب بابتسامه ماكره بس في الاخر انتي هتبقي معايا لوحدي لازم تتعودي
صمتت ولم ترد انها بالفعل خجوله
شهاب بتساؤل حاسس انك متضايقه ممكن اعرف السبب
اغروقت عينا مي بالدموع الساكنه التي تابي ان تسيل انما تمنح عيناها لمعه حزينه
فقالت بصراحة الموضوع كله مضايقتي
البدايه غلط مش معقول النهايه تكون كويسه
شهاب بتساؤلممكن توضحي اكتر
مي بضيق انا اتحطيت في موقف وحش جدا لما عمي قالي اختاري
انا كنت احب ال ارتبط بيه يختارني مش انا ال
شهاب بتفهم ال حصل حصل واحنا بنبدأ
مي بحزن بنبدأ ازاي انا عمري ما نديتك باسمك الا يوم ما جمال اټجنن في الشركه
ابتسم شهاب لكلامها وقال كملي
مي لو سمحت اطلب من عمي ياجل موضوع الفرح ده شويه انا كلمته ورفض لكن انت اقوي مني وممكن تاثر عليه
لوسمحت لو سمحت واڼفجرت بالبكاء الصامت
بالفعل تاثر شهاب فقال مي مفروض انا مخرجك تنبسطي مش ټعيطي
مي بصوت مخڼوق انا بضحك مع زميلاتي ولوجي وشهد وعمي بس انا من جوايا تعبانه قوي يا شهاب صمتت وقد ادركت انها نطقت اسمه ببساطه كما لم تفعل من قبل
شهاب بهدوء وتعقل شوفي يا مي الموقف في الاول كان صعب علينا كلنا
بس بمنتهي الصراحة انا مش متضايق دلوقتي ومفيش اتنين هيرتبطوا الا بامر الله يعني ربنا مقدر كده فاهمه
وانا دلوقتي مش متضايق ومبسوط بارتباطنا جدا وبشوف فيكي الصفات ال كنت بتمناها هاديه ذكيه متدينه واحيانا مجنونه نظرت له بذهول فاضاف
مبتسما وعلي فكره بقي انتي قلتي اسمي قبل كده ودلعتيني كمان
نظرت له متعجبه من كلامه فقال ضاحك وهو يغمز بعينه
يوم ما كلتي مصاصه ولب وقلتي لي ازئز يا شيبو
اڼفجرت مي ضاحكه وهي تداري وجهها
بيدها فتلون وجهها باللون الاحمر
كذلك ضحك شهاب لضحكها
قالت بطريقه طفوليه بس انا ماكنش قصدي ادلعك انا كنت عاوزه اضايقك والله
شهاب طيب نطلب الاكل بقي اكيد جعتي
مي طيب
شهاب طيب تحبي تاكلي ايه
مي بابتسامه هاكل من ال هتطلبه انت
شهاب بابتسامه الواقع ان احنا الاتنين هناكل من طلبته لينا شهد
نادي شهاب النادل ووضع امامهم طعام
شهي من
الاسباجتي والشركسيه بصدور الديك الرومي وقطع الخبز والارز بالخلطه مع لحوم بارده وسلطات متنوعه ومقبلات رقائق من لفائف الاسبرنج روز واصابع البطاطس الشهيه مع عصير العنب الذي يحبه شهاب وجمال
كان الطعام مشهي وموضوع بعنايه شديده
اخذ شهاب يلف المعكرونه الاسباجتي بسلاسه علي شوكته وياكل بمهاره
وتمنت مي ان تاكل منها ولكنها خاڤت الا تستطيع ان تفعل مثله
فاخذت تاكل ببطئ وحذر الارز مع قطعه من اللحوم البارده
فقال شهاب ما بتاكليش مكرونه ليه انا عارف انك بتحبيها
مي ضاحكه اه بس اكلها مشكله دي اكلها وانا قاعده مع لولو واميمه بس
قطعت قطعه من اللحم بالشوكه فقال
كلي علي راحتك يا مي
مي مبتسمه علي فكره انت مره قلت لجمال انت بقيت بيئه وبتاكل زي الحواري
شهاب علي فكره بقي انتي مركزه قوي علي كل كلمه قلتها
شهقت مي وقالت بغيظ مستفز
وضحك شهاب لانه اغاظها ليذوب الجليد رويدا رويدا ويشعر كلا منهم بالالفه تجاه الآخر لتحمل ذاكرة كلا منهم لحظات حلوه قضوها سويا بود وسعاده
بدأ شهاب يستعيد توازنه ويعود لنفسه مره اخري
اما مي فرغم كل الظروف وفوق كل الظروف هي عاشقه غارقه حتي اذنيها في حب ذلك الشخص الذي يحمل بداخله كل المتناقضات الغاضب الحنون الجاد المازح الكاره المحب والعدو الحبيب
ابتسمت الدنيا لكلامنهم بعد ان عاندتهم كثيرا
بعد ان انهو طعامهم نظر لها بحنان وقال
لسه مصدعه
مي باسمه لأ
شهاب فعلا
مي لأ والله بقيت كويسه
شهاب بحنان تشربي ايه
مي بهدوء شاي
امر بما طلبت ثم قال لها هاتي دبلتك
مي متعجبه ليه
شهاب بس هاتيها
خلعتها وناولتها له فمسكها بين اصبعيه وقال
انا شهاب نور الدين تقبلي تتجوزيني
ضحكة مي ليست فقط التي ارتسمت علي وجهها انما هي انطبعت داخل اعماق قلبها
مي بابتسامه اقبل
بس هنعيد كتب الكتاب ازاي دا كان يوم وحش قوي
شهاب بلمحه حزينه معاكي حق
بس ان شاءالله هعوضك
لولا حيائها لصړخت انا احبك
هكذا كان ينتفض قلبها معلنا بداية سعادته انها هنا تجلس مع زوجا محب يدللها ويعتني بها
مي هامسه الحمد لله
ادخل دبلته في اصبعها
برفق فقالت له
ممكن دبلتك
فعل شهاب ما طلبته ليعدا المشهد من جديد
ولكن شتان
شتان بين الحب والكراهيه بين الرضا والحقد
بين الحزن والسعاده
خرج سويا بعد اكثر من ثلاث ساعات مرت كالدقائق
يستقلا سيارته من جديد ويقوم بتوصيلها الي مقر سكنها
شهاب اظن لسه بدري مش هضطر اقابل مدام عايده ثم اضاف مازحااليس كذلك سيدتي
مي ضاحكه تقلده لا يا سيدي لا زلت اتلقي معاملة جيده بسبب ذلك الشيك الموقر
ضحكو مره اخري وعند دار المغتربات
وقف بسيارته لتنزل هي وتتجه الي البوابه بينما اقتربت فتاه صغيره تحمل ورود من النوع البلدي وقالت ورده يا بيه
ابتسم شهاب للصغيره وقال هاتي الصحبه كلها ومنحها مئة جنيه فكادت الطفله ان تطير من الفرحه
ترجل شهاب من السياره ونادي مي
استدارت فاشار لها بالعوده لتفاجئ به يمنحها تلك الوردات الجميله
تهمس بخجل شكرا يا شهاب ربنا يخليك ليا وتحمل ورداتها وتسير بهدوء
اما في الفيلا فجلس الجميع علي مقاعد وثيره وامامهم منضده عليها الطعام الذي طلبته لوجي والشيكولاته التي تعشقها وبعض العصائر
قالت شهد وهي تضع قطعه من الدجاج في فمها تفتكر هيبقو كويسين وهيتلحلح كده يا عمو
نور الدين يحتسي العصير هنعمل لهم ايه اكتر من كده هما احرار بقي
لوجي ببراءه وعلي جانبي فمها اثار الشيكولاته مي وخالو ما كلوش شيوكلاته لوجي بس
صعدت مي الي غرفتها وهي تميل بالورود
وتغني
الورد جميل جميل الورد
الورد جميل وله اشكال
لولو وهي تهز كتف اميمه بصي شوفي ال انا شايفاه مش دي مي بتاعتنا ولا انا بتهيالي
اميمه ضاحكه استني اما نشوف موضوع الورد ده ايه كمان
مي بطريقة مضحكه سالخير عليكو يا بنااااات
اميمه لا تعالي احكي لنا الحكايه
مي ولا حكايه ولا روايه انا راحه اناااااام واحلم واراجع الكلااام
اميمه مالك زي السكرانه كده كلام ايه
مصمصت مي وقالت احلي كلام يا اومو بالحق وفردت كف يدها اليمني قائلهمش انا اتخطبت
لولو متعجبه لا اله الا الله
البت اټجننت فهمي نظمي رسمي
دخلت مي الي الحمام وقامت بتغيير ملابسها وصعدت علي سريرها واحتضنت الزهور قائله اشششش ولا كلمه اطفو النور ومش عاوزه صوت عاوزه اناااااام
في النادي جلس جمال مع ماجي التي كانت ترتدي ملابس ضيقه قصيره وتضع المساحيق علي وجهها
ماجي بغلاظه خلاص كلامك دا ما
بيجيبش معايا نتيجه فاهم ماعتش هتاكل بعقلي حلاوه
جمال والله قلت لعمي وقالي حدد ميعاد
علشان نيجي بس في موضوع شاغل بالي يا ماجي ومتضايق منه
ماجي بسخريه ايوه اخترع
حجج
جمال بحزن شقي العمر هيروح وهتتجوزي واحد مفلس يا جوجو
شهقت ماجي وقالت لأ كله الا
كده
جمال بضيق عمي وشهاب هيكحوشوا علي الشركه بفروعها وانا هبقي ولا حاجه
ماجي مش فاهمه
قص عليها شهاب قصة اسهم مي وان شهاب تزوجها ليكون ليستحوذ علي كل شيء
ضحكت ماجي وقالت الموضوع مايبقاش كده يا جيمي
انت مش بس تفرقهم لأ انت لازم تتطير البت دي والقسمه بدال ماتبقي علي اربعه تبقي علي اتنين
جمال بضعف ازاي
ماجي بمكر ازاي بقي سيب الموضوع ده عليه بس لما نتخطب الاول وادخل بيت العيله يا جيمي وساعتها انت بقي تريح نفسك خالص من التفكير يا حبيبي
عموما تقدرو تيجو بكره تقابلو دادي
جمال مش تساليه الاول
رن هاتف جمال فاذا به نديم
جمال عاوز ايه يا غراب البين
يلا تعالي
جمال بضيق مش فايق للوك لوك بتاعك يا نديم
ماجي بدلال عموما انا كنت ماشيه يا جيمي ممكن تروح ولا اقولك ما تطلب صاحبك وتيجو نفكر سوا
جمال بوجه متجهم وكانه يحمل حمل كبير من الاسي علي راسه
لا انا مش قادر يا ماجي انا ماشي
تبعته بعيناها الي ان انصرف واتصلت بهاتفها باحد الاشخاص تحدثه قائله
ايوه مشي خلاص اعمل بقي ال اتفقنا عليه
ثم ضحكت ضحكه ماجنه وقالت لأ مش فاضيالك انا قريب قوي هبقي في اكبر عائلات البلد
لا ما انا تقلانه عليه قوي دا لو حس اني لينه معاه عمري ماهيدخل المصيده
وانت كمان واحشنى قوي علي فكره
لآ انت ال في القلب يا حبي
سلام لحسن ريم صاحبتي جايه عليه
مع السلامه
في المستشفي العالمي
ماما ماما نادي اسامه علي نادره النائمه علي سرير مقابل له
نادره بنعاس نعم يا اسامه
اسامه هنروح امتي
نادره بمحبه بعد بكره ان شاءالله
اسامه بطيبه تعرفي يا ماما ان شهاب دا طيب جدا دا انا كنت فاكره غلس قوي وانتوك بس طلع طيب قوي
ال يا ماما ممكن لما اروح اطلب منه يديني البيجاما بتاعته اصلها
ضحكت نادره وقالت يا بني دا انت كنت عامل فيها زي بهلول
اسامه بضيق بس انا زعلان يا ماما منك
نادره ليه
اسامه عمي نور الدين يقولك هنعمل الفرح بعد وصولنا وانتي توافقي من غير ما تقولي له اتفق مع اخوها
ضحكت نادره وقالت يا بني انت عامل عمليه انت في ايه ولا ايه
اسامهاسكتي يا ماما كل ما افتكر المستشفي المعفنه ال جبسولي فيها رجلي
ببقي عاوز اقطعها
الله يهديك يا بني
انما المستشفي دي كفايه بس ممراضتها الواحد يشوفهم يطيب
فاكره
شوقيه الممرضه ال كانت بتصرخ وتقول بالدور
شوقيه دي لا زم تيجي هنا تعمل قرص
نادره تنظر لابنها ذو الروح الجميله الذي رغم علاج القلب المكثف الذي يتناوله ووضعه الحرج دائما متفائل و مستبشر
انه قليل الشكوي رغم بشرته الباهته باستمرار وشفتاه الذين فقدت لونها الاحمر
نتيجه للمرض الا ان من يجلس معه دائما يكون مسرور ولا يشعر بتلك المعاناه
في حجرة شهاب جلس علي سريره وهو ينظر الي دبلته ويحركها في اصبعه بسعاده
لقد بدأ يستعيد ذاته من جديد
لطالما كان مرحا سعيدا قبل ان ټخونه خطيبته السابقه لتجعل منه صوره زائفه غير حقيقته
فهل استعاد نفسه حقا ام ماذا تخبئ الأقدار
الفصل السادس عشر قال احبك
في ظلام الليل استيقظت اميمه من النوم
لتدخل المرحاض
لكنها سمعت همهمات في الحجره اقتربت من زر الكهرباء وانارت الحجره لتتفاجئ بمي الساجده علي سجادتها الصغيره في جانب قصي من الحجره
نظرت لها بحب ودعت الله ان يتقبل دعاؤها
وقضت حاجتها ثم توضات ونوت اقامة صلاة القيام مثل صديقتها
كانت مي تشكر الله علي نعمه عليها وعلي انه استجاب دعاؤها وفتح لها قلب شهاب
وتدعو لاخيها بالشفاء التام
انهت صلاتها بركعه وتريه
وسلمت
لتجد اميمه تنظر لها بمحبه
اميمه تقبل الله
مي بوجل منا ومنك حبيبتي
ممكن بقي اعرف السر قالت اميمه
مي بتساؤل اي سر
اميمه باسمه السعاده ال ډخلتي بيها قبل ما تنامي والورد البلدي والنوم علشان تفكري
مي باسمه اميمه هو انا لو قلت لك اني بحب شهاب قوي يبقي حرام
اميمه ضاحكه لأ طبعا دا قمة
الحلال لانه زوجك انا كنت متاكده ان ربنا هيسعدك انتي صنتي نفسك يا مي وصبرتي تنتظري الحب الحلال الطاهر فاكيد ربنا هينولهولك
استنشقت مي الهواء وقالت انسان جميل جميل في كل حاجه
اميمه يا عيني يا عيني
بس انتي طبعا عارفه ان الزواج اشهار واعلان وحتي لو مكتوب كتابكم فيه حدود لحد ما تدخلي وراسك مرفوعه
مي بثقه طبعا يا اميمه لأ مټخافيش عليه وبعدين حبي لشهاب حب متعقل
مش شغل عيال يا اميمه
اميمه
بمحبه ربنا يهنيكي يا رب
بقولك يا ميوش انا مسافره انا مسافره يومين كده اشوف اخواتي وارجع ان شاء الله
مي بودتروحي وترجعي بالسلامة يا حبيبتي يعني انا ولولو بقي هنبقي سوا
متتاخريش علينا يا ايمي
في الصباح استيقظت اميمه وايمي لتنصرفا سويا كلا الي وجهتها
سارت مي الي الشركه وصعدت لمكتبها
تعجبت ان بسنت لم تحضر باكرا كالعاده
واخرجت مصحفها الصغير لتقرأ فيه كعادتها
حضر بعض العملاء لمقابلة شهاب الذي لم يحضر بعد وجلسو بانتظاره
تعمد احدهم وهو مندوب شركة ما ان يجلس امام مي علي مكتبها وينظر لها باعجاب
كان شخص انيق وسيم قال
لوسمحتي يا انسه هوا شهاب بيه هيتاخر
مي بجديه زمانه جي حالا
دخلت بسنت علي عجل قائله السلام عليكم
ردت مي عليها السلام قالت بسنت بلهفة
الحمد لله ان شهاب بيه لسه مجاش كنت خاېفه يجي قبلي يا مي
قال لها ذلك الشاب بابتسامه
اسمك مي اسم حلو قوي
دخل شهاب يحمل حقيبته ليستمع لكلمات الشاب وتافف مي
بالمناسبه لون عنيك ايه اصله يحير قوي مش عارف لون السما ولا لون البحر
انهي كلامه حينما وقف شهاب امامه
فصمت تماما
قال شهاب پغضب انت من شركة ايه
ارتبك الشاب وقال انا عصام اسماعيل مندوب شركة المامون يا فندم
شهاب بجديه طيب اتفضل من هنا وتاني مره شركة المامون تبعت حد محترم مش حد بيعاكس في موظفات الشركه
عصام انا اسف بجد بس والله ما كان قصدي معاكسه انا
فعلا كنت هسال علي عنوانها واتقدم لها
شهاب بصوت اجش عذر اقبح من ذنب
يلا اتفضل طلبك مرفوض
خرج الشاب آسفا
ودخل شهاب مكتبه بعد ان نظر لمي غاضبا وقال مستنيكي في مكتبي حالا
شعرت مي بدقات قلبها متسارعه خوفا منه
فحينما يغضب يصبح شخص آخر تماما نظرت لبسنت تكاد ان تبكي
فقالت لها بسنت ايه يا مي انتي مغلطتيش ابدا
طرقت مي باب مكتبه
ودخلت ببطئ لتقول قبل ان يتكلم هوا والله انا ماليش ذنب
اقترب منها شهاب ليمسك معصمها پعنف ويصيح بها
لأ ليكي ذنب وكل الذنب عليكي اصلا
سيباه يقولك لون عنيكي سما ولا بحر
وساكته مستمتعه حضرتك بالغزل
مي بضعف وخوف اقسم بالله كنت هرد وهزئه بس انت جيت
شهاب بلوم ما تكلمتيش ليه هه
مي بصوت عالي انا كنت هرد لقيتك جيت ورديت علشان كده ما اتكلمتش انا مكنتش سمعاه اساسا والله ماكنت منتبهه لل بيقوله بس مكنتش مرتاحه لنظراته
شهاب صارخا عليها مېت كرسي في الاوضه ما خترش الا مكتبك يقعد عليه
علشان الهانم لا بتصد ولا بترد
مي صاړخه متقولش عليه كده فاهم انا مسمحلكش تقول عني كده ولو مش واثق فيه
اخرسها صوته العالي كملي لو مش واثق ايه اسيبك يا تمشي على مزاجك يا اسيبك
اڼفجرت مي في البكاء وصاحت
فين مزاجي هاه مشيت امتي علي مزاجي دا انا من يوم ما اتولدت معملتش حاجه علي مزاجي
لا اليتم كان علي مزاجي ولا الضعف ولا الفقر ولا اخويا المړيض ولا ال عملتوه فيه لما جيتلكم
وعلشان اخد حقي لا زم اختار بين واحد مقضيها صياعه والتاني بيحارب فيه من اول يوم شافني
ودلوقتي بيقولي ماشيه علي مزاجك
انا وانت مش نافعين مع بعض يا شهاب
انا تعبت يا ناس
ارحموني والله تعبت انا بنت عمري ماعملت اي شئ بمزاجي
انا بشتغل من اولي جامعه ويمكن قبلها
انا كنت ببقي جعانه في الكليه واقول خساره اجيب ساندوتش ماما واسامه اولي
انا كنت ببقي عاوزه اجيب لبس والاقي رجليه غصبن عني راحه لمحل رجالي اشتري لاسامه بدالي
فين مزاجي ال بتتكلم عنه فين رد عليه
بالله عليك
واڼفجرت بالبكاء الذي يدمي القلب فهي صادقه فيما تقوله
كانت في تلك اللحظة تشعر بالقهر الحقيقي
انها تعرضت لضغوط كثيره
فإلي الان حتي امها لم تخبرها بظروف خطبتها ولا شقيقها خوفا عليهم ان يحزنو بسببها
لا تريد ان تزيد اوجاع شقيقها الصغير ولا امها التي طالما
عانت الامرين حتي يكبرا في ظروف قاسيه وتعرضت ايضا من الظلم من زوجها الثاني ابو اسامه الذي لا يعرف ان كانت انجبت بنتا ام صبيا
صمم ان ينالها وتزوجته عرفيا ليتركها تحمل في احشائها ذلك الجنين الضعيف
نتيجة للقهر والاحزان التي حملتها امه
الا يكفيهم ماعانوا هكذا فكرت مي
كل الذكريات تجمعت في ذاكرتها تلك اللخظه تذكرت ذلك الرجل البدين الذي راودها عن نفسها حينما كان يختبرها للوظيفه
تذكرت وموظفي شركته يحملونها ويلقوها في الخارج
كل تلك المعانه لياتي هوا ويتهمها انها مستهتره
لا لن تتحمل ثانية اي اهانه من احد ولو كان زوجها الذي تزوجته رغما عنه وتحملت نظرات العبوس والرفض من
جانبه
الآن بعد ان آلان لها جانبه وبدأ يشعر بوجودها وانسا نيتها تتلقي منه تلك الاهانه
بدون ذنب اقترفته
كانت تسترجع الالام وتئن وهي تبكي
اما هو فقد تاثر جدا لبكائها الحزين ولما سردته عليه مع معاناتها
انا آسف انا بجد اسف
حاولت ان تتملص من بين يديه وقالت انا لازم امشي لو سمحت سبني
شهابمي انت لو مبتهمنيش مكنتش اتضايقت فاهمه انتي مراتي ومن حقي اضايق لما اسمع الكلام ده
مي بهمس انا عاوزه امشي يا شهاب لو سمحت
رفع وجهها اليه وقال يحاول ان يمازحها طيب صحيح لون عنيكي ايه ما هماش خضر ولا زرق ولا عسلي لونهم غريب قوي تصوري وانتي مبسوطه ليهم لون وانتي زعلانه لون تاني
ابتسمي علشان اشوف لونهم بيبقي ايه
مي بهدوء وحزن لأ مش عاوزه ابتسم
شهاب مبتسماانا اعتذرت لك خلاص يا مي
مي بهمس بعد ايه بقي
كده بقي لازم اصالحك
بسرعه غطت مي فمها بيدها وقالت انا حالفه ما ادوقها عمري الا في بيت جوزي يا شهاب
شهاب ضاحكا هانت يا مي كلها يومين ومن هنا للفرح بلاش تيجي الشغل علشان خاطري يا مي انا مقدرش استحمل حد يعاكسك وطول ما انتي هنا هيمر عليكي اشكال كتير
يلا دلوقتي خلينا نشوف شعلنا وبعد الشغل هخدك اغديكي ونشتري فستان الفرح كمان
مي بتوسل شهاب مش ممكن تقنع عمي ناجل الفرح لحد بس اسامه ما يمتحن ويخلص امتحانات عاوزه ابقي جنبه
شهاب بحنان كلنا هنبقي جنبه يا مي
ولا انت مش بتحبيني
مي بعفوية وسرعه وبلا تفكير لأ والله العظيم بحبك جدا ثم وضعت يدها علي فمهما وعضت باسنانها شفتها السفلي حينما ادركت ما قالته للتو
فقال شهاب بحنان ما فيش داعي للخجل لان انا كمان يا مي بحبك
استرجعت مي الكلمه التي قالها في ذهنها
قال بحبك نعم قال
ابتسمت مي بخجل وقالت انا راحه مكتبي
خرجت وظل يتابعها بعينيه كانت تشعر بالخجل من بسنت فقد قضت معه بعض الوقت
قالت بصوت منخفض ممكن تدخلي عملاء شركه السنهوري يا مدام بسنت
هو قالي يدخلو الاول
كانت بسنت مشغوله مع العملاء جدا فارتاحت مي لذلك
وجلست علي مكتبها تسترجع الجزء الاخير من حديثهما معا
في الفيلا كانت شهد تتحدث في الهاتف
ايوه يا حبيبي ماجتش ليه
يا شريف الفرح بعد بكره مش انا قلت لك قبل كده
وكمان عامله لك مفاجاه جايبه لك حاجه كان نفسك فيها
لأ لو قلتها ماتبقاش مفاجأة
ليه ملك مش راضيه تيجي معاك ليه بس
دي عمرها ماتاخرت عن اي حاجه
تخص شهاب
طيب يا حبيبي هستناك
لأ لوجي بتلعب مع عروستها في الجنينه
طيب مع السلامه
وفي داخل المكتب
جلس نور الدين يتحدث هاتفيا ايضا
نور الدين يا ناجي اسمع كلامي كفايه غربه عاوز تفضل انت ومراتك وابنك بره طول عمره لحد مالاقدر الله يجرالك حاجه في الغربه ولا انا ولا ابنك يحصل لنا حاجه وانت ولا حاسس
ناجي بلهجه غربيه
دا شغلي يا نور وبعدين انا مطمن علي جمال لانه عنده شغله في الشركه وانت كمان بدالي
نور الدين بجديه جمال مش عايش معايا رفض يعمل زي شهاب ال قفل فيلته وجه عاش معايا
وبعدين ازاي يخطب ويتجوز من غير متبقو موجودين
ناجي بهدوء احنا هناجي اجازه يا نور ممكن نقعد اسبوع ولا اتنين بس لازم نرجع علشان شغلنا لازم تقدر يا نور
وبعدين جمال هوال مرضيش يجي معاناولحد دلوقتي ممكن اشغله في السلك الدبلوماسي لو هو يحب
نور الدين بحزن مافيش فايده فيك ابدا يا ناجي
ناجي بهدوء وكمان اياد بيدرس هنا مقدرش اضيع مستقبله رجوعه مصر دلوقتي ضد مستقبله يا
نور
انا بكلم جمال علي طول ولو سمحت يا نور تروح تخطب له البنت ال عاوزها
نور الدين انا مش موافق علي ا ختياره يا ناجي ابو البنت سمغته مش كويس واعلن افلاسه بسبب مشيه البطال
حتى اختياره غلط
ناجي بصوت حزين ما هو جمال قالي ان انت يا نور بتعامل شهاب احسن منه وكمان خطبت له البنت ال هوا كان عاوز يخطبها
نور الدين دي مش اي بنت دي بنت محمود ابن عمنا يا ناجي
وجمال ظلمني لانه ماحكاش ان البنت هيه ال اختارت ترتبط بشهاب
ناجي معلهش يا نور انا بثق فيك كتير حبيبي بس
اسمع كلامه وروح اخطب له ال اختارهاواحنا ان شاءالله ننزل مصر قريب علشان اياد وامه عاوز ين يشوفو جمال
اخر مره وهو هنا من شهرين طلبت منه يفضل معانا بس مرضاش علشان الشركه
وانا سايبه علي رحته
مع السلامه يا نور
نور الدين بتاسف مع السلامة يا ناجي
انهي نور الدين الاتصال مع شقيقه وهو يقول مافيش فايده فيك يا ناجي بقيت عقليه خوجاتي
طلب نور الدين رقم جمال وقال له انه
يريده حالا في الفيلا
انهي شهاب عمله وطلب ان تدخل له مي مره اخري المكتب
طرقت مي الباب ودخلت
فنظر اليها بود وقال لها جاهزه علشان نخرج
مي مبتسمه اه جاهزه
كان علي وشك وضع النظاره علي وجهه
حينما اقتربت منه وجذبتها برفق قائله
بقي بذمتك شاب وسيم زيك يخبي وشه الحلو ده بنضاره
ابتسم شهاب وقال انا قلت لك قبل كده دي مسأ لة تعود
مي برقه تؤ خلاص مافيش نضاره سوده تاني ابدا دا فرمان
شهاب بمحبه معلهش
قاطعته معلهش مافيش نضارات تاني انا عاوزه الناس كلها تشوف القمر ال انا ماشيه معاه
شهاب ضاحكا لأ دي صيغة مبالغه
مي وهي تتنحنح لأ دي صيغة امر مبني على السكون
يعني مطلوب منك تستسلم
تسمحلي اخدها ثم خرجت وهي تمسكها بيدها وقالت
انا منتظراك عند العربيه تحت بس بالنسبه لفستان الفرح كنت عاوزه شهد معانا وممكن لولو صحبتي كمان لان اميمه مسافره
شهاب خلاص اتفقي معاهم ونخرج بالليل بس دلوقتي نروح نتغدي واوصلك
اطاعته
وخرجت لتفتح حقيبتها وتضع فيها نظارة زوجها
ثم تحملها علي كتفها وتنتظره بجوار السياره
دلف جمال الي الفيلا ليجد شهد ولوجي في الحديقه
شهد اهلا جمال اتفضل ادخل
جمال بابتسامه انا داخل لعمو اشوفه عاوز ايه
واشار للوجي بمرح وقال ازيك يا لوجين
لوجي ببراءه ازيك يا جيمي انت هتيجي الفرح بتاع خالو
جمال بابتسامه مفتعلة اه طبعا
انا داخل لعمي
دلف للي مكتب عمه الذي اشار له ليجلس ثم قال له
اتغديت ولا اخليهم يحضرو لك الغدا
جمال بهدوءشكرا يا عمي انا اتغديت بس ممكن اشرب شاي
طلب نور الدين الشاي لكلا منهم
ثم قال بحنان يا جمال انا كلمت ناجي وقالي اجي معاك نخطب لك
بس انت زي ابني ومش هاين عليه تقع الوقعه دي
بلاش بنت اكمل الخراط يا جمال
البنات الكويسه كتير ممكن نخطب لك ملك اخت شريف بنت محترمه ومن عيله كبيره
وشهد بتشكر فيها
فكر با بني انا غرضي مصلحتك ابوك سايب مصر من زمان وميعرفش حاجه فيها
كان جمال داخليا مقتنع بكل ما قاله عمه له
ولكنه جادله قائلا
البنت كويسه يا عمي هيه مالها ومال امها وابوها
نور الدين بحكمه يا بني رسول الله
صلى الله عليه وسلم قال
تخيرو لنطفكم فإن العرق دساس
وانت هترجع ټندم يا جمال الجواز مش لعبه
سبني اخطب لك ملك وشريف عمره ما هيكسر لي كلمه
جمال بحزم معلهش يا عمي انا عاوز اخطب ماجي وخدت ميعاد بكره ان شاءالله
يا ريت تقول لشهاب كمان علي الميعاد
وكمان عاوز اتجوز علي طول بعد اذنك
نور الدين باسف خلاص يا بني ال تشوفه
بس عاوز اقولك انك طول عمرك رغم شوية الاستهتار ال فيك طيب يا جمال وابن حلال
ما تخليش حد يضحك عليك يا بني
جمال بغيظ لأ يا عمي ماجي بتحبني بجد مش بتضحك عليه
شهاب يقود سيارته ومي بجواره بصراحة حاسس اني ناقصني حاجه
مي مبتسمه تؤ تؤ تؤ ولا اي حاجة
شهاب بتوسل طب هاتيها
مي بمرح نو يا شهاب
خلاص معدش نضارات تاني الناس بتروح تعمل ليزك علشان تشيل النضارات
وانت من غير سبب مستحملها طول ما انت بره البيت
لأ ما ينفعش وبعدين حتي اثار الغرزتين دول ال في خدك عاملين زي طابع الحسن يعني مخلينك احلي كمان
تضايق
قليلا حينما ذكرته بتلك الذكري بطريقة غير مباشره
لاحظت هي فتعمدت ان تبدل الحوار فقالت
بقولك ممكن بلاش الاماكن الفخمه اوي بتاعتكم دي
شهاب يدير راسه لينظر اليها بتاعتنا امال هناكل ايه
مي احم احم تسمع عن اختراع اسمه الفول والطعميه مثلا
فينك يا زينهم
طب بلاش ممكن ساندوتشات شاورما حضرتك بدال شغل الشوكه والسکينه والحركات
حركات قالها وهو يضحك
ثم اضاف ايه رايك تاكلي سي فود
مي موافقه خلاص ناكل سي فود
طب والجمبريايه برده هتا كلها بالشوكه والسکينه
شهاب يا دي الشوكه والسکينه ال عاملين مشكله لأ هاكل بايدي والشوربه بالمعلقه
مي ضاحكه ايون ان كان كده موافقون
جلسو في احد المطاعم الخاصة بالاسماك
وقضو وقتا لطيفا واكتشفت مي في شهاب روحه المرحه
جلست في مقابلته تفصل بينهم المنضده
وقالت الاكله دي كانت عاوزه لولو بټموت في الجمبري
ضحك من قلبه وهي تخبره بنوادر لولو وبتلك البطيخه التي اشترتها وما فعله البائع معها ثم اضافت
انا مش عارفه هسيبهم ازاي يا شهاب احنا بقينا مرتبطين ببعض قوي
شهاي بتفهم وهو يضع الطعام في فمه هتوريهم ويزروكي يا مي
مي مازحه يعني انت هتبقي راجل طيب كده ولا هتعمل لي سي السيد
شهاب لأ سي شهاب
مي بدلال ماشي يا سي شهاب ال تشوفه
انهو طعامهم
وطلبت منه توصيلها الي السكن ولكنه قال
تصوري ان انا بخيل معاكي جدا انا من ساعة ما اتخطبنا ماجبتلكيش
هديه
مي بسعاده جبت لي احلي هديه علي فكره نظر لها بتساؤل فاجابت ضاحكه الورد البلدي
وقف عندي احدي المحلات الشهيره
وامرها بالنزول معه ليبتاع لها العشرات من الفساتين القيمه والحقائب
والاحذيه
وسط اعتراضها كفايه يا شهاب دا جهاز عروسه مش هديه
شهاب بابتسامه جميله تصدقي فكره انتي مش بنت عمي وانا المسئول عنك
يبقي لازم اكمل لك كل حجاتك اعتبريني ابوكي
كلمات قليله قالها
شهاب ولم يعلم كم مست قلبها
لدرجة البكاء اعتادت ان تتحمل مسئولية غيرها وها هو يخبرها انه يفعل ما كان علي والدها ان يفعله
لمح العبرات التي تسليل من عيناها رغما عنها
فوقف امامها قائلا مي بټعيطي
مي من بين دموعها بجد شكرا يا شهاب انت كريم معايا قوي
شهاب بحنان بلاش هبل يا مي انتي ليكي في الشركه زينا محدش بيتفضل عليكي فاهمه ولا لأ
مي بحنان ربنا يخليك ليه يا رب
شهاب مازحا دي حتي فرصه اختار بقي قمصان النوم علي مزاجي
مي شاهقه لأ بقي دي قلت ادب
شهاب بابتسامه دا قمة الادب
مي معترضه الحاجات دي هشتريها انا وشهد و
اكمل عنها واميمه ولولو
خبطته علي كتفه برفق وقالت ضاحكه
حافظ مش فاهم
بعد ذلك قام بتوصيلها الي محل سكنها
وترجلت لتسير الي الداخل تتبعها عيناه المحبتان علي لقاء للخروج معا في المساء بصحبة صديقتها وشهد لشراء فستان الزفاف
الفصل السابع عشر الاستعداد للزفاف
دخلت مي حجرتها فوجدت لولو نائمه
فصاحت ايه يا لولو ما بتشبعيش نوم ابدا
لولو بنعاس معلهش يا مي سبيني شويه لحسن جيت من الكليه هلكانه معاكي اكل ولا حاجه حلوه
مي بسعاده حاجه واحده معايا حاجات
من كل لون يا بطستا
لولو بغيظ بطستا دي ابه بقولك حاجه تتاكل مش جزم وشنط
خلاص بدال معاكيش اكل سبيني اتخمد
ثم وضعت الوسادة علي راسها
مي بغيظنامي ولااتخمدي يا حبيبتي يا اميمه
ازالت لولو الوسادة وقالت بغيظ طز فيكي وفيها
مي ضاحكه يعني صاحيه وسامعه كمان
لولو صاړخه لأ نايمه بس عندي قرون استشعار بحس بال بيغلط فيه
ووضعت الوساده مره اخري
جلست مي تنظر الي كل ما اشتراه لها شهاب بمحبه
حملت بعض الفساتين بسعاده وقالت
الحمد لله على نعمة السعاده ال انا فيها
فوجئت بباب الغرفه يفتح وتدخل اميمه وهي يبدو عليها الضيق والعبوس
صاحت مي اميمه
متابعة القراءة
