كرامتي ولكن بقلمي فاطيما يوسف
مصېبة لوحدة متستاهلش في سوق الحريم تلاتة تعريفة .
استفزته كلمتها وردت عليه علشان تكيده
بأمارة ماكنت معايا زي الكلب اللي بيلهث ومش ملاحق علي أكل العسل إللي قدامه ومش قادر يسيبه .
وكملت وهي بتحذره
شوف بقي هي سنة هنعيشها مع بعض بالطول والعرض فمتجيش ناحيتي نهائي علشان أنا مش سهلة ولحمي مر وقلبي إللي ضعف بين ايديك مرة وقسمته بغدرك نصين مات ومستعدة أدافع عن نفسي لأخر لحظة في عمري ولا إنك تكسرني تاني يابن عمي.
قالت الكلام ده ومشيت من قدامه بسرعه وسابته واقف يغ لي مكانه من الڠضب وكأن ولعة قايدة في جسمه كله واللي كان مفكر إنه هيذلها ويجيب مناخيرها الأرض هي اللي خلته واقف ميسواش في سوق الرجاله سعر
وخلص اليوم علي كدة وكل واحد قفل عليه أوضة ونام وهو بيستحلف للتاني
وتاني يوم أول ماقرايبهم وصلوا عملوا نفسهم كأنهم زي أي عريسين وانهم أتموا جوازهم وتقديم الدليل حاجة سهلة جدا
ميقدرش يبص لها بنظرة حادة قدام عمه ولا حتي والدته ولا أي حد وكان بيتعامل معاها في منتهي اللطف
أما هي كانت لابسة زي أي عروسة مبتلبس يوم صباحيتها وكانت آية متجسدة في صورة إنسان
ولا ريحتها إللي كل لما يقرب منها يتنفسها وتدخل صدره لأبعد حد
وأول لما مشيوا كل واحد فيهم رسم الجمود علي وشه ببراعة بس هي حاطة عنيها في وسط راسها منه لأنه ممكن في أي وقت يعمل فيها حاجة أو يضربها وده كان تفكيرها ناحيته
وهي شافت نظراته ليها واستغلت النقطة دي في إنها تجننه
قلعت الحجاب إللي كانت لابساه وفردت شعرها اللي عامل زي خصلات الدهب بالظبط
وكان حقيقي يسحر وكانت صفا كلها علي بعضها زي القمر
وفضلت تشيل في الحاجة
مكان إللي كانوا قاعدين بدلع وهي مبتبصش ناحيته خالص
لكن شايفاه من طرف عينيها وهو هياكلها
وكان ده منظر كفيل إنه يخليها تهدي وترتاح وتطمت انها متخافش علشان هو طلع أضعف مما يمكن
فضل متابع حركاتها اللي جننته وحسسته انه مش علي بعضه لحد مالقاها دخلت المطبخ دخل وراها واتسحب وفجأة حست بحضنه
وأنفاسه وريحته اللي بقت محاوطاها
كانت هتضعف وتستلم ماهو جوزها ومش بس كدة ده حبيب الطفولة والشباب لكن دماغها في لحظه جمعت
كل اللي عمله معاها ولما لقيته بدا ياخد راحته معاها لفت له وهي بتقول له بتحذير
شوف بقى انا باعدة عنك وكافيه خيري شړي فخليك قد كلامك ما تجيش ناحيتي خالص علشان انا بجد مش طايقاك ولا طايقه قربك ولا لمستك .
اټجنن من كلامها وانها بترفضه وحس بالاهانه جامد فاتكلم بعصبيه
شوفي بقى هي ما اتحسبتش عليا جوازة على الفاضي
إنتي مراتي على سنه الله ورسوله وليا حقوق عليكي
بالڠصب
شاف السكينة في إيديها بعد تلقائي
وخاف لا السلاح يطول وسابها وخرج وهو مش طايق نفسه ولا طايقها
وعدت الايام لحد ما عدي تلت شهور ما بينهم وكل يوم تحصل مواقف هو يستقوى عليها وهي تدافع عن نفسها بكل قوتها بس ولا مره قدر ان هو يقرب منها أو يلمسها هي حالفه لا ټنتقم منه وتأدبه
لحد ماسوته علي الجنبين بدلعها وشقاوتها وحسسته فعلا بالندم
استخدمت معاه كيد النسا علي حق إللي قهر الرجال وخلته بقي يتمني تبص له بس
لحد مافي مرة اتربص لها وحالف مايعدي اليوم إلا وهي في حضنه ومش هيسيبها جت تدخل الاوضه عشان تنام كعادتها وتقفل على نفسها بالمفتاح بصت لقت اللي دخل وراها وبيبص لها بنظرات عارفاها كويس جدا
كانت من جواها مړعوبه لكن استدعت القوه اللي ما بتحضرهاش الا وهو واقف قصادها وقريب منها وقالت له پحده وڠضب
انت عايز ايه بالظبط اتفضل اطلع بره يا اما هسيب لك انا الاوضه وهطلع اشبع بيها .
قالت الكلمتين دول وراحت على الباب عشان تخرج لقيته بسرعه قفل الباب بالمفتاح وحدف المفتاح فوق الدولاب في ثانيه
وهنا الړعب اتمكن منها حقيقي وبقت مش عارفه تتلم على اعصابها ولا على نفسها لما لقيته بيقرب منها وبيقول لها
شوفي بقى ما فيش مفر ولا مهرب مني انا جوزك وليه حق عليكي واذا كان على الاتفاق اعتبري ملغي لما ازهق منك واحس اني خلاص ما بقتش متكيف ولا عايزك عيوني مش هتشوفك اصلا .
انت ليه بتعمل معايا كده يا مصطفى!
ليه بتحاول تك سرني وتم وت كل حاجه حلوه فيا !
ليه كل كلامك سكاكين ما فيهوش كلمه تجبر خاطري !
ارجوك سيبني واخرج وابعد عني انت خلاص حطمت كل حاجه حلوه فيا ما بقاش عندي حاجه اديها لك انا روحي م اتت وقلبي انت كسرته والضرب في المېت حرام .
كل كلمه قالتها المره دي بالذات اثرت فيه ادالها ضهره وقال لها
انا عارف انك بتحبيني وانا قسيت عليك قوي بس كل لما افتكر اني انجبرت على جوازي منك طوفان الڠضب بيعميني وعارف اني غلطان في حقك من البدايه لكن انا ما اتعودتش اتغصب على حاجه علشان كده انت مضطره تستحمليني .
حست انها
اثرت فيه فردت على كلامه وتجاوبت معاه
استحملك اكتر من كده ايه !
كسرتني وقهرتني واتجوزتك علشان خاطر الستر وان بابا ما يتفضحش
قلت لك اني هنفصل عنك وهسيبك تعيش مع اللي انت عايزها وقلبك يختارها علشان خاطر الجبر والڠصب اللي انت بتتكلم عني اعمل ايه تاني اكثر من كده علشان تستريح يا مصطفى وتبعد عني
لف وشه ليها واتكلم بحيرة
انا عامل زي اللي ركب قطر غلط لحد ما بقى في نص الطريق وعارف ان هو غلط ولا هو قادر يرجع منه ولا هو
يعمل ايه !
انا كل يوم افتكر المره اللي كنا فيها مع بعض واحس اني عايزك واني محتاجك جنبي وارجع احس تاني اني انجبرت والاحساسين بيموتوا فيا مش عارف امشي ورا انهي احساس .
بكل شموخ وعزه نفس ردت عليه
مش انا اللي تقبل تعيش مع واحد مجبور عليها وحتى لو قبلها مش هتعيش معاه ولا هتكمل .
قرب منها
بس إنتي بتحبيني باين في عنيكي علي الآخر .
بصت جوة عيونه بنفس الشموخ
عادي ولو بعشقك مش هعيش مع حد كسرني ولو أنا بمۏت فيه .
شاف القوة جوة عيونها واستفزه رفضها ليه وخلاه
بقي عايز يقرب أكتر واتكلم بهدنة
طيب ماتسيبك من العناد والتحدي ونجرب نعيش مع بعض مش يمكن قربنا من بعض يخلينا نتعلق بوجودنا في حياه بعض .
قلبها كان بيدق من كلامه وجاوبته پقهر
صعب جدا يابن عمي إني أقرب وآمن وفي الاخر أقع علي جدور رقبتي وقعة ټموتني.
مټخافيش ياصفا مش هخذلك المرة دي اطمني .
وكل لما يقرب يلاقيها بتبعد تلقائي من غير ولا كلمة لحد ماتعب منها وقال لها
مش بحب الڠصب في القرب عايزك بإرادتك يابنت عمي.
بعد ما قال لها الكلمتين دول راح ناحيه الدولاب ومد ايده وجاب المفتاح وخرج وهو مهزوم منها لكن المره دي هي هزمته بدموعها وكلامها اللي اول مره اثر فيه وبعد ما كانت هي اللي عايزاه يتجوزها هو
دلوقتي اللي عايز قربها ومش طايله
وبعد المحاوله دي قرر ان هو يصبر عليها لحد ما تهدى وتنسى اللي حصل وهي كمان ارتاحت نفسيا من بعده عنها علشان هي جوه قراره نفسها مش هترجع له ولا هتسلم له ابدا مهما يحصل
ومرت الأيام والشهور وهم على نفس وضعهم اتنين متجوزين وعايشين مع بعض في مكان واحد لكن عايشين زي الاغراب بالظبط لحد مصطفى ما قرر ان هو يحاول معاها تاني ويستعطفها المره دي لانه اكتشف انه بيحبها جدا ومجرد وجودها معاه وهو مش قادر يحتويها
لقاها قاعده قدام التلفزيون سرحانه جه قعد جنبها مسك الريموت وقفل التلفزيون
لما عمل كده استغربت وبصيت له وسألته
بتقفل التلفزيون ليه يا مصطفى انا بتفرج على الفيلم
رد عليها بتعب
مصطفي زهق وتعب وجاب أخره وانتي مش في دماغك
أخرة إللي إحنا فيه ده ايه يابنت عمي
بصت قدامها بشرود وجوبته
اديك رديت على نفسك وقلت يا بنت عمي وهو ده فعلا اخرنا مع بعض يا مصطفى .
زهق من برودها وتعب من كتر محاولاته ومعاها وقال لها
بس انت دلوقتي مراتي وعلى اسمي ومتجوزين على سنه الله ورسوله ليه ما تنسيش اللي فات ونبدا مع بعض صفحه جديده وانا جاي لك بكامل قوايا العقليه وبعترف لك اني غلطت في حقك ومستعد ابوس راسك كمان ياصفا.
صفا
تعبت من اللي هي عايشه فيه واللي حساه معاه لكن مش قادره تغفر ولا تسامح وردت
انت كس رتني يا مصطفى
كسرت نفسي وفرحتي باني ابقى زي اي بنت واستغليت براءه حبي ليك واستغليت اني ضعفت ودبح تني
هو اللي بېموت بيرجع تاني واللي انك سر بيتصلح
كانت كل كلمه بتقولها مأثرة فيه جامد لانه حبها جدا وشايف قد ايه هي جميله في السنه اللي هم عاشوها مع بعض وكل كلمه قالتها مش عارف يرد عليها بايه غير بانه مسك ايديها واتأسف لها بكل اعتذار وندم
انا اسف واوعدك هشيلك جوه عيوني وعمري ما هفكر ازعلك تاني بس انسي انا اعترفت بغلطي خلاص
هنا فجرت صفا المكنون اللي كان جواها واتكلمت
كان ممكن افكر اسامحك لو انت اللي جيت واتجوزتني بكامل ارادتك علشان فعلا تصلح غلطتك مش حته فيديو شفته جابك على ملا وشك لحد عندي يا مصطفى .
استغرب جدا ازاي عرفت حكايه الفيديو دي وسألها
عرفتي حكايه الفيديو دي منين يا صفا انطقي
بطاقه مستنفزة جاوبته
انت طيب قوي يا مصطفى انا اللي صورت نفسها عشان تعرف تاخد حقها منك وتيجي تتجوزها وما تتفضحش انا اللي كنت مرتبه كل حاجه وانا اللي بعت لك الفيديو ن الرقم وانا اللي حظرتك بعدها وانا اللي
هددتك
وكملت بۏجع
وده كله مش عشان اتجوزك ولا عشان قلبي اللي حبك ولا عشقك من وهو صغير لا ده علشان خاطر استر على نفسي ومتفضحش ودلوقتي هدفع تمن اني وثقت فيك وامنت لك
بص لها باستغراب وهو مستنيها تكمل فسمع الكلمه اللي خلته مچنون
بس عقاپي اني اعيش طول عمري احبك بس مش هطولك ولا انت هتطولني طلقني علشان عمري ما هعيش معاك .
مسكها من دراعها الاتنين وقال لها برفض قاطع
مش هطلقك يا صفا ولا هتخرجي بره حيطان البيت ده ومش هتبقي لغيري .
أنا خلاص يامصطفي ولا هبقي ليك ولا هبقي لغيرك أنا يدوب هعيش حياتي أداوي كسرتي وأطبطب علي فرحة عمري اللي هيضيع مني .
يعني ايه ياصفا
يعني لو مطلقتنيش هخلعك .
انتي اټجننتي تخلعي مين
معنديش حاجة أبكي عليها ولا أخاف منها وأنا مصممة على الطلاق .
ياصفا حرام عليكي اللي انتي بتعمليه فينا ده وانسي الماضي وتعالي نعيش حياتنا سوا .
مش هيحصل يابن عمي وهتطلق منك وحيطان الأوضة إللي هتحبس فيها لما نسيب بعض أكرم لي من حيطان حضنك إللي كسرني من الآخر يابن عمي كرامتي ولكن .
وفضلت صفا مصممة إنها مش تعيش معاه وحاولوا معاها عشرات المرات لكن صممت انها متكملش معاه وبالفعل مقدروش عليها وانفصلت عنه
وبكدة تكون انتقمت لقلبها ولروحها وسابته ينكوي بن ار حبها ورجعت لها عزة نفسها إللي قعدت سنة كاملة تداوي فيها.
توته توته خلصت الحدوته ايه رايكم فيها عايزه ريفيوهات واللي مش هتعمل لي ريفيوهات هزعل منها عشان عايزه اعرف رايكم بجد في الاسكريبت ونشجع الناس الجديده وترفعوا راسي
انتهت
