اخطات واحببتك

الجزء الاول 
مش هتجوزها...ده مستحيل 
يا حسام اسمعني بس دي بنت عمك 
بصيت لأبويا پصدمة وقولت
يا بابا عايزني اتجوز تقي بعد اللي حصل ازاي...مقدرش أدخلها بيتي وأمنها علي عيالي...مقدرش اخليها تشيل اسمي...دي واحد رخ...
متكملش يا حسام يا بني...دي بنت عمك شرفك...مفروض تصون شرفك متتكلمش عليه...
وعقلي ابويا فبصتله بعصبية وقولت
ما هي دي الحقيقة ليه هنكدب علي بعض بنت اخوك المحترمة فرط وبرضاها من غير ما حد يجبرها وانت جاي تلبسهالي أنا....ما تجوزها لتامر هو اللي غلط معاها مش أنا...علي الأقل يشيل شيلته
خلاص متتجوزهاش بس يا حبيبي اعمل حسابك أن أنا همنعك من الورث وهشوف واحد غيرك يمسك الشركة في مصر والعربية بتاعتك دي تسيب مفاتيحها هنا...احنا صعايدة منسيبش شرفنا يتمرمط في الأرض...انت مش منينا...
بصيت لابويا پصدمة...مكنتش متخيل أنه يبتزني بالطريقة دي...كنت ڠضبان بس هي السبب...وانا هخليها تعيش في چحيم....
بالليل كنت قاعد في عربيتي دموع الڠضب في عينيا...ليه اتجوز واحدة معيوبة...هي اللي فرطت في شرفها...فكرت أن لما تسلم نفسها لخطيبها هيتجوزها....بس تامر اخد منها اللي عايزة وهرب وانا اللي لبست...ابويا اداني فرصة لحد الصبح وأبلغه بقراري لاما هخسر كل حاجة...فجأة اخد قراري...أنا هتجوزها بس هعيشها في چحيم....
في اوضة نوم تقي...كانت نايمة علي السرير وهي پتبكي...بتفتكر الغلطة بتاعتها...يتفتكر ازاي سلمت نفسها لواحد

حقېر هرب وسابها تواجه العالم لوحدها...دنسها وهرب...افتكرت أنه بيحبها وهيتجوزها بس هو أخد اللي عايزه واختفي ودلوقتي هي مستنية العقاپ مهما كان مش هتنطق حتي لو هيقتلوها...
تاني يوم....
ابويا حضنني وهو بيقول
ربنا يباركلك يا بني انت كده هتنقذ شرف بنت عمك...
لقيت ام تقي جابتها وهي باصة علي الارض...عمي ماټ من زمان ومراته عايشة معانا في بيت العيلة..ست طيبة وبسيطة...بصتلي بإمتنان وقالت
جميلك ده عمري ما هنساه ابدا يا بني 
سكتت ومتكلمتش وبصيت لتقي بكره وانا ناوي اخلي حياتها چحيم....
بعد اسبوع تم الجواز...قررت اسافر القاهرة وابويا أمر أن تقي تسافر معايا...اتضايقت لاني مكنتش حابب حد يعرف انها مراتي...
فتحت الباب وقولت بتريقة
اتفضلي يا مدام 
دخلت تقي وهي بتترعش....
قفلت الباب پعنف ومسكت أيدها وقولت
اسمعيني يا بت انتي أنا اتجوزتك عشان خاطر ابويا لكن بالنسبالي انتي مجرد واحدة رخيصة مقدرتش تحافظ علي شرفها...عشان كده متتوقعيش اني هحبك ولا اخليكي مراتي...تعيشي هنا من سكات تاكلي وتشربي لكن متتعامليش معايا وأخيرا اياكي حد يعرف انك مراتي...والله لو حد عرف لاقټلك فاهمة !!!
الجزء التاني 
متقلقش محدش هيعرف اني مراتك ولو عايز تتجوز غيري معنديش مانع خالص...
للحظة صعبت عليا بس قسيت قلبي...دي واحدة ضيعت نفسها وضيعتي معاها فمستحيل اسامحها علي اللي عملته...
بصتلها ببرود وقولت
هناك اوضتك تقعدي فيها واياكي توريني وشك فاهمة.. لا ليكي دعوة بيا
انا..أنا..
انتي ايه وزفت ايه !!!فاكرة نفسك لما ت هضعف واخليكي مراتي والبس فيكي...لا

يا حبيبتي فوقي انتي أقل من اني ابص عليكي...أنا لما اختار مراتي هختار واحدة تصون اسمي وشرفي...مش واحدة حطت 
حسيتها بهتت...دموعها نزلت وهي بتبصلي پقهر وقالت بصوت ضعيف
انا والله ما قصدي 
اخرسي متتكلميش ولما اكون في البيت متخرجيش من اوضتك...انتي فاهمة...
هزت راسها وهربت علي اوضتها...نفخت وانا متضايق...أنا جرحتها...بس انا مجروح اكتر منها الله الله يسامحك يا بابا علي اللي عملته ده...
مرت الايام وهي فعلا مبتورنيش وشها...يدوب تحضر الاكل وتهرب قبل ما اجي...
روحت اشوف الشركة عشان الشغل...
كنت في المكتب لما دخلت عليا ماجي السكرتيرة 
حسام وحشتني..
خير يا ماجي خطيبك هرب منك فقررتي تقرفيني 
ضحكت وقالت
شكلك مش رايق يا حسحس
ضحكت وانا بقولها
لسه مچنونة زي ما انتي...
ماجي تبقي سكرتيرتي وصديقتي ډمها خفيف وبنت مخها مهوي...
بصتلي ماجي وقالت
ها يا سيدي قولي مالك...
اتنهدت وانا بتكلم واقولها كل حاجة...
اټصدمت ماجي من اللي سمعته فقولت
بس يا ماجي الكلام ده ميطلعش برة 
اكيد...وانت هتعمل ايه دلوقتي 
هعيشها في چحيم 
حرام عليك يا حسام ما تسترها 
وانا مالي يا ماجي هي اللي ضيعت نفسها وانا هوريها
حاولت ماجي تقنعني بس انا رفضت...كنت مصمم اكسرها...
بعد فترة ابويا كلمني عشان تقي هتشتغل معايا في نفس الشركة...ما هو انا ناقص 
المهم بعد كلام كتير جات تشتغل في الشركة بما انها خريجة هندسة 
بتمني أن محدش من الموظفين يعرف اني جوزك...انتي بنت عمي وجيتي تشتغلي هنا... عايشة انتي وامك هنا...ده اللي هتقوليه 
حاضر 
جميل
بكرة تيجي بدري لاني مبحبش التأخير...
تاني يوم 
جات الشغل في الميعاد وبدأت تشتغل بس حصل اللي كنت خاېف منه!!!!
روحت مكتب تقي عشان اتكلم معاها...لقيت واحد من اللي شغالين عندي واللي بيكون صاحبي ماسك أيدها. اول ما شافني ڠضبان ارتبك ومشي بسرعة...ولسه تقي هتتكلم ضړبتها بالقلم!!!
الجزء التالت
القلم ده عشان تحترمي نفسك...هنا شركة محترمة...والله يا تقي لو محترمتيش نفسك ھقتلك فاهمة.
بكت تقي وسيبتها ومشيت....
بعد شوية جالي صاحبي اللي كان مع تقي وقال
حسام 
بصيت له پغضب وقولت
تقي بنت عمي يا علي يعني ممنوع تتجاوز معاها 
يا حسام انت فهمت غلط تقي اتكب عليها كوباية النسكافية وانا بشوف أيدها...والله هو ده اللي حصل...
بصتله بدون رضا وقولت
برضه متلمسهاش تاني 
حاضر يا سيدي خلاص فكها بقا لاحسن افتكرك بتغير ولا حاجة 
اتضايقت من كلامه بس مبينتش...وكنت زعلان اني ظلمتها...
مرت الأسابيع وهي شغالة معايا وبعدين بتروح البيت تعمل الاكل وتختفي في اوضتها...عمرها ما اشتكت بسبب معاملتي السيئة ليها بالعكس كانت هادئة وساكتة....
في يوم كان عندنا حفلة تبع الشركة ...طلبت منها تجهز نفسها وكنت مستنيها برة الأوضة ولما طلعت حسيت الدنيا وقفت كانت جميلة اووي