اسكربيت طال غياب الحب بقلم ياسمين الكيلاني
كوباية القهوه واتكلمت
بغيره وغيظ
فكر كده تعملها واخليك أنت وهي تطفحوها يا ادم
قرب منها وخد القهوه
هو انا اقدر يا ملك دا القهوه لو مكنتيش انت اللي تعمليها مشربهاش
ابتسمت بحب وحنان كبير علي حبه ليها
ملك القهوه يا حبيبتي
فاقت من شرودها وراحت بسرعة عملت القهوه وطلعت قدمتها بهدوء ورحبت بيهم
ابتسم لما لقاها لسه فكره نوع قهوته اللي بيحبها ف اتكلمت نرمين بهدوء
شقتك جميله يا ملك أنت اللي اختارتي التصاميم
لا هو بصراحه انا وكريم دي الشقة اللي هنتجوز فيها
واو
باين عليكم قصة حب متتوصفش ذي انا وادم كدا
طيب ممكن تفرجيني عشان لو حبيت حاجه اعملها ف شقتنا يا دومي
حاسة بضيق جواها لكنها اصطنعت الود
تمام اتفضلي معايا
دخلت البلاكونه بعدين الأوض ووقفت عند اوضتها واتكلمت نرمين بتساؤل
ملك السلسله دي بتاعتك
اه
غريبه
اي الغريب فيها !
ادم معاه واحد شبها بالظبط بس نص تاني مش بيستغني عنها أبدا ودايما حاطتها ف اوضته
ادم!! تقصدي أنه معاه واحده شبها !
اه دي تعتبر نسخه منها ولما سألته قالي انها من شخص عزيز اوى عليه
ابتسمت ملك ورجعت فرحتها تاني
بتقولي حاجه يا ملك
هه لا أبدا اتفضلي معايا افرجك علي باقي الديكور
خرجوا خلاص
ف اي يا كريم اي حصل
ادم بيخم ف اللعب المفروض انا اللي اكسب والبت كانت معايا بس ازاي طول عمره حونطجي
اتكلم ادم ببرود
مش هرد عليك أنت اللي معرفتش تاخدها أو ب الاصح هي من حقي انا
شوفتي لمض ازاي شوفتي طيب يا ادم يلا مره كمان واهو ملك ونرمين موجودين يشهدوا علي نصبك
قعدوا يلعبوا وملك كانت بتضحك هي ونرمين علي صغرهم ف اللعب لحد ما جي الدور علي ادم وخد البنت
لا أنت حونطجي ازاي تكسب مرتين !
عشان أنت اللي غبي مش فاهم إني كل مره لازم اكسبك والبنت هتبقي معايا المفروض تعمل حسابك
شوفتي رخمته طب خلي الحكم ل ملك المفروض البنت تبقي معايا ولا معاه
اتوترت ملك جدا وحست انها ف حصار بينهم
قرب ادم منها واتكلم بغموض
تفتكري البنت المفروض تكون لمين ف النهايه !
انا ولا هو
اټصدمت من تصريح السؤال رغم انها حست هو يقصد اي لكنها حاولت تاخدها علي منطق الهزار
كريم دي مجرد لعبه ولو ادم كسب مره ف الفرصة ممكن تجيلك مره تانيه
انا معنديش مانع انه يكسب بس من غير غش
انا مش بغش انا باخد حاجه كانت من حقي
اتكلم كريم بهزار واستفزاز
من حقك إنك تاخد حاجه المفروض بتاعتي !
اتكلم ادم بغيظ وعصبيه بانت عليه
ايوه لانها مش ليك ولا هتكون ف يوم ليك يا كريم
الاجواء اتغيرت واختلف الهزار لجد خصوصا من ناحية ادم ف اتكلمت ملك هي كمان بحزن جواها
ليه لازم تكون البنت ليك مدام أنت بتقول إنك مش عايزها !
بانت اللمعه اللي ف عينيها وهو عحز أنه يصارحها لحد ما اتكلمت نرمين بتغير الموضوع
خلاص يا جماعه ليه الخلاف تعالوا نشوف اي حاجة تاني ننبسط بيها اي رايكم نشغل music
اي رأيك يا ملك
مفيش مانع انبسطوا
مسكتها نرمين واتكلمت بحب
تعالي رايحه فين
شغلت نرمين الأغنيه مع ادم وملك مع كريم لحد ما خلصت الاغنيه واتكلمت نرمين بهدوء
مع كريم يا ملك
اتفضلي
قعدت ملك بهدوء وهي بتتفرج عليهم لحد ما اشتغلت اكتر اغنيه فكرتها بذكريات رجعت بيهم لوراء من تاني
واتكلمت نرمين باندهاش
معقول ليكي ف الاغاني دي!
اتكلمت ملك بارتباك
تقصدي اي
اقصد اني افتكرت ادم الوحيد اللي بيسمع الاغنيه دي من كتر ما كرهتها
اتوترت ملك جدا وحاولت تغير الموضوع
هقوم اعملكم قهوه
اتكلم ادم ببرود
متتعبيش نفسك احنا ماشيين
اي يا بني انت لحقت تقعد
معلش يا كريم ورايا حاجات كتير عن اذنك
مشيوا بهدوء وشردت ملك ف اتكلم كريم بمشاكسه
سرحان ف اي يا جميل
كريم هو هو أستاذ ادم كلمك قبل سابق عن حبيبته الأولي
مش كتير بس كل اللي اعرفه
بس اي سبب السؤال
ق قصد لحظة أنه مش بيحب نرمين ودا ممكن يكون مخليه مش عارف ينسي حبيبته الأولي
انا عارف ادم كويس مش بينسي ب الساهل بس برضو مش بيسامح بسهوله
عدت أيام ونزلت ملك تشتري شويه حاجات للبيت لكنها كانت حاسه بشوية تعب بسيط ف عيونها لأنها بتتعب بسرعة من اشعة الشمس من صغرها
مالك يا انسه ف حاجه
لا أبدا بس لو ممكن تقولي اخد تاكسي ازاي عشان انزل
شرحلها الطريق لكنها مقدرتش تكمل طريقها اتصلت ب كريم وبلغته انه يجيلها
قعدت ف كافية وطلبت عصير لمون واستنت كريم يجيلها لكنه اتأخر
الو كريم أنت فين
والله يا ملك مش عارف اتصرف ورايا حاجات كتير اعملها يا حبيبتي لو ممكن تاخدي تاكسي أو
خلاص يا كريم انا هتصرف سلام
اتضايقت جدا وحاسة بتحسن بسيط لكن لسه الصداع ملازمها
لو سمحت الحسا
سكتت فجأة لما لقته جي وقلع النضارة ببرود وقعد قصادها واتكلم بهدوء
سيب الحساب دلوقتي نزل فطار
نفذ العامل طلبه ونزل أكل كتير واتكلم ادم بهدوء وامر
خلصي فطار عقبال ما اخلص المكالمة
جت تتكلم مناعها واتكلم بغيظ
مش عايز مناهده افطري الأول بعدين نتحاسب
قام وسابها شويه لحد ما خلص المكالمة وابتسم انها سمعت كلامه بعدين حاسب وخدها
هو انت عرفت منين اني
كريم كلمني لأنه مشغول ف الشغل وقالي اطمنه عليكي لما اوصل
