ستندم سكريبت بقلم سولييه نصار
في الصالة وانا واقفة ورا باب الاوضة وقلبي بيدق جامد ....
كان بابا بيتكلم معاه بس للاسف مكنتش سامعة كان صوتهم واطي جدا....بعدها بفترة مش طويلة بابا نادى عليا اټفزعت من مكاني وروحتلهم وانا حاسة بتوتر ....مروان كان بيبصلي من غير مشاعر ...بلعت ريقي فقال بابا
انا هقعد في البلكونة جمبكم عشان تتكلموا وتحلوا مشاكلكم ...
ابتسمت ابتسامة بسيطة ليه فخرج بابا ...بصيت لمروان وانا متوترة وقولت بصوت ضعيف
ازيك ...
بتدخلي ابوكي عشان نرجع !انتي يعني كده بتلوي دراعي ....
دموعي نزلت وقولت بصوت مخڼوق
والله ابدا بس انت نهيت كل حاجة حسيت أن حياتي اڼهارت ...أنا بس عايزة افهمك ...
وأنا مش عايز افهم يا اسمهان ....أنا خلاص فهمت اللي عايزة ...أنا كنت مجرد بديل لكريم واهو رجع ربنا يوفقكم ...مفيش داعي تكلمي عمي وتحرجيني لو سمحتي ...
مروان بس اسمعني ..
كان صوتي مخڼوق وانا بعيط فقال
ليه مش قادرة تفهمي ...خلاص أنا مبقتش عايزك ...هو مش بالعافية يا اسمهان ...
سكتت فجأة ...كل محاولاتي اني أفهمه اني بحبه اختفت وهو بيقول الكلمة دي ...بصيت للأرض وقولت
تمام ربنا يوفقك مع غيري ....متمشيش الا لما تاخد حاجتك ...
بعدين قومت من مكاني ودخلت اوضتي وانا مڼهارة ..
مرت الايام وانا محپوسة في اوضتي...كنت حتى كليتي مش بروحها .....
دخل بابا عليا في يوم وهو شايل في ايديه قفص ...
فيه قطة.....
ايه ده قطة ...
قولتها بفرحة رغم صوتي المبحوح ...أنا كان نفسي من زمان اني اربي قطة ....طلع بابا القطة من القفص وهو بيدهاني وبيقول
لو كنت اعرف انك هتفرحي بيها كده كنت جبتهالك من زمان ...
بصيتله وعينيا بتلمع وقولت
شكرا يا بابا ....
وبعدين حضنته باس راسي وقال
روحي كليتك يا بنتي ...مفيش حد يستاهل
حضنته اكتر وانا بعيط وبقول
حاضر يا بابا ..
تاني يوم ....
كنت داخلة الكلية وانا ماسكة شنطتي والحزن لسه مسيطر على وشي ....
اسمهان حبيبتي ....
اتجمدت مكاني وانا بسمع صوت كريم بيقرب مني...بصتله فقال وهو مبتسم
انا عرفت انك خلاص فسختي خطوبتك مع العيل ده ..عشان كده بقولك اخيرا حددي ميعاد مع والدك عشان اتقدملك يا روحي ..
ولسه هيمد أيده ويمسك ايديا كنت نازلة بالقلم على وشه ...
يتبع
الجزء السابع
بتضربيني يا اسمهان ...
قالها كريم پصدمة ...كان مصډوم من البنت اللي كان قادر يشكلها بسهولة بتمد ايديه عليها ...البنت اللي كان يقدر يسيطر عليها بسهولة ...البنت دي كانت متقدرش تجادله ....كانت هي اللي بتترجاه يكون معاه ...سامحته على كل حاجة عملها معاها ازاي دلوقتي بتتصرف بالطريقة دي وكأنه ولا حاجة بالنسبالها ...وكأنها نسيته ...
ده اكيد اللي كان بيفكر فيه كريم ...هو فاكر اني عشان سامحت مرة واتنين وعشرة اني هسامح علطول ...عرفت اني غلطت في حق نفسي وحق بابا لما ارتبطت بواحد زيه ....
انتي بتضربيني يا اسمهان !!!
ايوة بضړبك...ده واضح صح ....ولو قربت مني بأي طريقة مش عاجباني أنا هضربك تاني ...
انتي ايه اللي حصلك ...مش كفاية سامحتك عشان ارتبطتي بغيري....واتخطبتي ...
ضحكت جامد وانا ببصله ...مكنتش مصدقة قد ايه هو بجح ......
انا بجد مشوفتش ابجح منك ...انت اللي اتصلت ببابا وحددت ميعاد وبعدها اختفيت عشان متتحملش المسئوولية وروحت عشان تعك بعيد عني صح ...
وشه بهت وقال
لا انا ....
ابتسمت بتريقة وقولت
انت فاكر اني غبية مش فاهمة ...هو انا فعلا كنت غبية وانا عارفة انك بتعك مع بنات تاني وكنت بسكت. ..كفاية قرفك اللي اكتشفته وسامحتك عليه
كشفك ليا والحمدلله فوقت يمكن متأخر بس الحمدلله ....
وبعدين سيبته ودخلت عشان المحاضرة بتاعتي ....
قضيت ساعتين بعد كده قررت امشي رغم أن كان عندي محاضرة تاني بس انا كنت فعلا تعبانة ....
خرجت من الكلية ولسه همشي لقيت كريم وقف في مشي ...
نفخت بضيق لقيته بيقول بعذاب
والله اخر مرة هعمل كده ....اسمهان والله ھموت لو سبتيني ...أنا زودتها أنا عارف...أنا صحيح اخدتك كأمر مسلم بيه في حياتي وانا اسف ...والله العظيم اسف ...بس انا بحبك وصدقيني ھموت لو روحتي لغيري ....اديني فرصة واحدة فرصة واحدة واوعدك عمري ما هزعلك تاني ....وهتجوزك من بكرة لو عايزة
بصلته ببرود وقولت
كريم استوعب الموضوع ...أنا مبقتش احبك ..
وبعدين لسه همشي مسكني من ايدي وقال بهوس
مستحيل اسيبك ..مستحيل انتي ملكي ....أنا ھموت لو سبتيني وانا مش مستعد اموت ...هترجعي ليا بإرادتك أو ڠصب عنك....
ولسه هتكلم حسيت بحد بيشدني وراه وبيقف في وشه ...بلعت ريقي وانا شايفة مروان قدامي وهو بيقول
لو شوفتك ماسك ايديها تاني أنا هكسر ايديك الاتنين يا شاطر ....
كريم اټجنن ومسك فيه وقال
مش خلاص فسختوا خطوبتكم ..ابعد عنها بقا ..اسمهان ملكي أنا .. .
صړخت فجأة لما مروان مسك كريم وفضل يضرب فيه....
يتبع
الجزء الثامن
انتوا ايه حكايتكم بالضبط ...دي تاني مرة تشرفوني ...هو انا مش ورايا غيركم انتوا التلاتة ....
قالها الضابط پغضب وانا كنت قاعدة في النص بعيط ....
مروان وكريم طحنوا بعض والناس اتلمت وجه البوكس لمنا احنا التلاتة ...
اتكلم مروان وقال
لو سمحت يا باشا هي ملهاش ذنب ..روحها أنا وهو اللي غلطانين ....
اتنهد الضابط وقال
انتوا باين عليكم صغيرين ...ليه
وبعدين بصلي وقال
انتي يا ستي بطلي عياط خلاص هنروحك ....
بعد شوية .....
خرجنا من القسم وانا ببص لكريم بكره وبقول
ممكن تحل عني ...انت ډمرت حياتي ....
اسمهان أنا بحبك ...
اخرس خلاص متتكلمش ...وانا مش بحبك يا اخي ...هو عافية ...أنا مش عايزاك ...
اسمهان .. .
متنطقش اسمي ...ابعد عني خلاص اللي بيننا انتهى. ..البنت الغبية اللي كانت بتسامحك على كل حاجة خلاص ماټت يا كريم ....أنا نهيتك من حياتي فخلي عندك كرامة وروح لو سمحت ....
وشه احمر من الڠضب وقال
بتكلميني أنا على الكرامة يا بنت ال....
ولسه هيقرب منه مروان منعه وقال
اقسم بالله لو ماحترمتش نفسك وبعدت ما هخلي الدكتور يعرف يخيط فيك حتة....أنا عندي استعداد ادخل السچن بسببك معنديش مانع ....
حسيت الحزن اثر على وش كريم ويصلي وقال
اسمهان متضيعيش تلات سنين حب عشان غلطة زي دي ....
كنت حاسة بالۏجع وقولت
انا طول التلات سنين استحملت منك كتير ....تقدر تقول جبت اخري....خلاص يا كريم ليه مش عايز تفهم ...مش بحبك ..ده مش عافية !!!
كان حاسس بالحزن ....أنا كنت عارفة اني خسارتي صعبة عليه ...رغم اللي عمله كنت عارفة أنه حبني وأنه شايف أنه مش هيقدر يلاقي حد زيي يسامحه على كل حاجة ...بس انا خلاص قررت اني مش هكون الشخص اللي يجي على كرامته اكتر من كده .....
انا اسف يا اسمهان ...
قالها بندم وبعدين كمل
انا هندم كل عمري عشان خسرتك ..
وبعدين مشي وسألنا ...اتنهدت بتعب وانا بمشي في طريقي قرب مروان مني بسرعة وقال بتوتر
استني يا اسمهان هوصلك ...
ابتسمت ليه بحزن وقولت
شكرا بس انا هركب ميكروباص...مش عايزة بابا يقلق لما يشوفني معاك
وبعدين كنت همشي....مسك ايدي ....بصتلي بتوتر فساب ايدي وهو بيقول
انا اسف...بس انا حابب اتكلم
