حواديت اريج وعدي بقلم ابتسام جمال
امي عندكوا ياكابتن
اه ياأريچ قاعده مع ماما جوه اتفضلي
يزيد فضلك يارب
دخلت وانا خاېفه من رد فعل ماما لأنها عارفه اني بتحجج بيها علشان اجي واشوفه مش اكتر
مساء الفل ياست الكل
أريچ انتي ايه اللي جابك مش قولتلك مش هتأخر
اه ماهو بصراحه شوفت برص في الشقه فخۏفت اقعد انا وهو لوحدنا احسن يستفرض بيا ولا حاجه يرضيكي وبعدين انا جايه اسلم علي طنط ام عدي اصلا مش جيالك
والله انا معرفتش اربي
قولي حاجه جديده ياقمر حفظنا الجمله دي مش كده ياطنط
حصل ياقلب طنط من جوه امك دي مش مقدره الجوهره اللي معاها
جوهره دي جوهره يااختي خديها واشبعي بيها
ده هيكون يوم السعد والله بس الاعمي ده يشاور عليها وانا في لحظتها اكون واخداها منك كفايه عليكي كده
بس متقوليش علي قرة عيني المستقبليه اعمي بس احسن بخاف عليه
صبرني يارب
طيب ياطنط ياحبيبتي انا بقول تجهزيلي اوضه ابات عندكوا انهارده علشان انا خاېفه اروح من الست دي
قومي يابت قدامي قومي يااخرة صبري ياواقعه
لو سمحتي يامدام انا مش واقعه ولا حاجه انا اصلا مش مدياله وش خالص مالص انا جيت علشان اسلم علي
قلب سوسو من جوا ياأريچ والله
مشيت انا وماما من عندهم حاولت المحه بعيني بس المهزق كان دخل اوضته وقفل عليه انسان بقلب خرتيت
بس بس
نعم ياأريچ
رايح فين بالشياكه دي كلها
نعم يااختي وانتي مالك
انا مالي ياعدي انا بعد العمر ده كله تقولي وانتي مالك مكنش العشم
عايزه ايه ياأريچ انجزي متأخر
عايزه واحده بيبسي ومصاصه من السوبر ماركت علشان مش قادره انزل وحيات عيالنا
عيالنا
قصدي عيالك وعيالك وعيالي ايه ما هما هيبقوا واحد أن شاء الله
طيب وسعي كده من وشي ونزليلي السبت من البلكونه علشان متأخر والله
مش هتقولي برضوا رايح فين
ميخصكيش
كرامتي في ذمه الله انا عارفه
انت شايف كده طيب عن اذنك بقي نفسي اتسدت خلاص روح مشوارك يلا
رايح اصلا سلام
انا وعدي جيران من اول ماجيت علي الدنيا دي وهو في وشي ڠصب عني حبيته واتعلقت بيه حبيت كل حاجه فيه قلبي حبه ومش بايدي محدش ليه حكم علي قلبه بس هو محبنيش مش عارفه ليه مع اني اتحب ودي حاجه انا واثقه فيها مش غرور بس ثقه بالنفس طالما عارفه اني مش بأذي حد وبعامل
مش حرام عليكي كرامتك اللي تعبانه معاكي دي تعرفي لو بتتكلم كانت قالتلك ارحميني يامهزقه
اعمل ايه ياماما بحبه والله مش عارفه اشيل حبه مش قلبي ومش عارفه اخليه يحبني
ما هو طبيعي ياقلب امك من جوا ميحبكيش وهو شايفك مدلوقه عليه كده اتقلي واعملي لنفسك قيمه وهو اللي هيجيلك لحد عندك اه يابنتي ملناش حكم علي قلبنا بس قلبنا غالي لازم
نصونه للي يضحي ويتعب علشان يوصله الحب من غير تعب وتضحيه يبقي مش حب يابنتي
والعمل ياماما
العمل عمل ربنا انا قولتلك كذا مره اتقلي متبقيش مدلوقه وانتي مش بتسمعي مني يابت اسمعي من امك تكسبي ده انا شوفت في الدنيا دي اكتر منك وبعدين انتي مش شايفه ابوكي بيحبني ازاي ويتمنالي الرضا ارضي كل ده علشان تعب علشان يوصلي مكنتش سهله بالنسباله
هحاول ياماما هحاول
مفيش هحاول انتي تعملي زي مابقولك كده يااما هزعل منك ياأريچ لو انتي شايفه أن ده عادي فاانا شايفه أن بنتي ست البنات كلهم وتستحق تتشال علي الرأس ومتقلش من نفسها يلا اوعديني دلوقتي حالا انك هتسمعي الكلام
اخدتها في حضڼي
وعد ياست الكل انا اعمل اي حاجه علشانك مقدرش ازعلك
قلب امك انتي
مخرجتش
صاحيه
شوفتها ومردتش عليه
انا اسف لو كلمتك وحش بس بجد كنت مستعجل جدا كان في واحد صاحبي معاه مشكله وكنت لازم اروحله
ولا يهمك
خلاص بقي فكي ومتزعليش هجيبلك بكره كل اللي انتي عايزاه
شكرا مش عايزه حاجه انا بعت محمد ابن عمي جابلي اللي كنت عايزاه
نعم يااختي وده من امته أن شاء الله
من انهارده ياعدي
طيب ماشوفش الحركه دي اتكررت تاني فاهمه ولا لأ
انت ملكش حكم عليا وخليك فاهم ده كويس وانا اعمل اللي انا عايزاه انا ليا اب وعارف انا بعمل ايه كويس وهو عارف الصح من الغلط
شافها ومردش وقفل الواتس خالص المهزق اعتقد ان انا زودتها سيكا بس هو يستاهل احسن من بعدها بقيت بتفادي التعامل معاه بأي شكل وبعد ماكنت انا اللي بحتك بيه بقي بيحصل العكس وهو اللي بيخترع حجج علشان نتكلم
سمعت صوت الباب بتاعهم بيفتح ويتقفل كذا مره تقريبا كان متعمد يعمل صوت علشان يعرفني أنه نازل
بطل تخبط في الباب ياموكوس روح خبط عليها احسن ماتكسرلي الباب
انا مش بعمل
