سحر بقلمي سحر السحرتي
المحتويات
وتغني بعيدا عن الفريق
بينما كانت تجلس على شاطئ البحر بعيدا عن الجميع ذهب اليها زياد متعمدا ان يتحدث معها حتى وان رفضت
تولين ممكن اتكلم معك شويه
اسفه يا زياد مزاجي مش رايق وخاېفه ارد عليك بكلمه تزعلك مني وانت جميلك في رقبتي
جميل ايه
وقفتك جنبي لولا شرحك وصبرك علي كان ممكن اسقط مش اجيب تقدير كويس عشان كده انت عزيز على قلبي
عزيز على قلبك بس
اه مش اكثر من كده
انا حاسس انك بتهربي مني هو حصل حاجه في الحفله
لم تحتمل عندما تذكرت اهانه والدته فلمعت الدموع في عينيها لكنها تماسكت
يبقى حصل حاجه ممكن تحكي لي
ما حصلش حاجه ارجوك سيبني بقى في حالي امسكها من زراعها وجعلها قريبه من صدره
هو ايه اللي سيبني لازم افهم
المفروض تفهمها لوحدك بس هفهمها لك انت بالنسبه لي مجرد زميل مش اكثر والحفلة عرفتني قد ايه مستواك يختلف كثير عن مستوايا وازيدك من الشعر بيت ....اه حسيت بكل مره حاولت تتقرب فيها مني وكنت بعمل عبيطه لاننا ما ننفعش لبعض ... انا دخلت الجامعه بمنحه انت بتدفع مصاريف ..... انا ساكنه في حي متوسط انت ساكن في قصر ..... انا معاقه وانت سليم ..... تحب تعرف اكثر من كده ولا كفايه
انا بحبك ومتاكد من كده الكام يوم اللي بعدت عني ولا قدرت اشوفك او اسمع صوتك شوقي لك كان عامل زي الڼار وكنت هتجنن
دفعته بقوة كبيرة بعيدا عنها من قوه دفعتها سقطت على الارض كانت تقول بصوت عال
بس انا ما بحبكش
جرحت ساقعها بسبب هذه السقطه من الجهاز التعويضي الذي تركبه بقدمها تالمت وبكت وكانها فرصه لاخراج ما في صدرها من الحزن
بقلمي سحر السحرتي
تولة انت كويسه
ما تنادينيش بالاسم ده انا بالنسبه لك تولين ومش كويسه اتعورت سيبني بقى
طب اسندي عليا
لا من اللحظه دي التعامل بينا وقف ومش محتاجه لمساعده اي حد
مش هتقدري تمشي كده سيبيني اساعدك وبعد كده اعملي اللي انت عايزاه
لا مش هتحرك من هنا معاك ولا بمساعدتك سيبني بدل ما الناس تسمع صوتي ويبقى شكلنا وحش اتفضل امشي
انت عنيده قوي ومش هتيجي بالذوق
حملها رغما عنها وهي تقاوم ولكنه امسكها بقوه واحكم اغلاق يده عليها فلم تجد سوى الاستسلام من شده الالم
اتجه بها الى الطبيب المقيم معهم بالمعسكر لمحهم كابتن مجدي فاسرع اليهم
خير حصل ايه
وقعت واتعورت وجبتها للدكتور يكشف عليها
طب سيبها واطلع بره نادي على واحده من زميلتها تقف معاها
خرج الدكتور فساله كابتن مجدي وهو قلق
خير يا دكتور
الدكتور انا عقمت الچرح وخيطته بس مش هتقدر تلبس الجهاز دلوقتي
الكابتن هتقدر تلعب البطوله
ردت تولين قبله انا ما فيش حاجه هتمنعني عن البطوله
الدكتور متاكده انك هتقدري
هقدر انا حياتي كلها متعلقه بالسباحه ولا شيء ممكن يمنعني
الدكتور خلاص يوم البطوله هقفل لك الچرح كويس بس بلاش تمرين اليومين دول
لا لازم اتمرن
الدكتور لو ما ريحتيش همنعك من البطوله
حاضر
لانها عنيده لم تستمع لكلام الدكتور ونزلت التمرين دون علم كابتن مجدي ورغم الالم كانت تتدرب پشراسه
يوم البطوله لم يحضر اهالي اللاعبين لبعد المسافه كان وجه تولين شاحبا وكانت حرارتها مرتفعه قليلا لكنها لم تخبر احدا
انطلقت صفاره البدايه سبحت تولين بكل قوة وعڼف وعندما لمست خط النهايه كانها افرغت كل طاقتها وكل الڠضب الذي كانت تحس به بداخلها و فقدت الوعي وسقطت في الماء
ظن الجميع انه من فرحتها غاصت تحت الماء كما يفعل بعض اللاعبين
لكن زياد احس بشيء غير
طبيعي فهي ليست من عاداتها الغوص بعد الفوز فهي دائما تحب التباهي وتحية الجمهور فاسرع بالنزول في الماء فوجدها فاقده الوعي حملها وصعد بها واجرى لها الإسعافات الأولية
هل ستكون بخير ام ماذا حدث معها
ضوء القمر
حلقة ٧
تم نقل تولين الى المستشفى وجد الطبيب ان الچرح تلوث واصابها بارتفاع في درجه الحراره بسبب تدريبها الذي امرها بالتوقف عنه
عندما افاقت وجدت زياد بجانبها وامسك يدها
حمد لله على السلامه تعبتي وخطفت قلبي معاكي
فسحبت يدها هو ايه اللي حصل
هبلغ الممرضه وكابتن مجدي انك فوقتي
اسرع الكابتن اليها وپحده في صوته
انت مجنونه عملتي في نفسك كده ليه اتمرنتي من ورايا ولوثت الچرح وكمان كنت عارفه ان عندك حراره ونزلتي
كنت محتاجه لدرجات التفوق في البطوله
في داهيه الدرجات ما انت جايبه تقدير كويس الترم الاول
للاسف مش هعرف اجيبه تاني المدرس اللي كان بيشرح لي سافر
حتى لو افرضي جرى لك حاجه والدتك كانت هتعمل ايه وكمان لو زياد ما لحقكيش كنت هتبطلي سباحه خالص
ليه هو ايه اللي حصل بالظبط
فقدت الوعي وكلنا فكرناك مبسوطه فغوصتي لولا زياد نزل وطلعك لو كانت الرئه اتملت ميه كنت اكيد مش هتعومي تاني اشكري زياد لانه انقذ حياتك
توجهت بنظرها لزياد شكرا يا استاذ زياد
هو التعب اثر على مخك استاذ ايه ده زياد زميلك
شكلي فعلا مش مركزه عموما يا كابتن اوعدك اني مش هعملها تاني
طب ارجع انا للفريق وانت معاك زياد ... يا زياد اول المحلول ما يخلص هاتها وتعالى عشان نتحرك ونرجع مصر
حاضر يا كابتن
بقلمي سحر السحرتي
كادت ان تنادي مجدي كي تخبره ان ياخذ زياد معه لكنه خرج مسرعا توجهت اليه وقالت
تقدر ترجع المعسكر انا هاجي لوحدي انا بقيت كويسه
نظر لها زياد بعدم فهم لكل هذا العناد
انا عرفت اللي حصل في الحفله وخلاك تعامليني كده
هي مامتك قالت لك ايه البجاحه دي
حتى وانت تعبانه لسانك طويل لا مش ماما اللي قالت بابا اللي قال لي وقال لي كمان ان لو هي مش حاسه ناحيتك بمشاعر ما كانتش هتعاملك كده بتكابري ليه
اخذت نفسا عميقا وردت بكل حزن والم
عشان بكل المقاييس ما ينفعش وقلت لك اسبابي واحنا على الشط
اولا كان مش هينفع لو انت اللي كنت اعلى مني في المستوى الراجل هو اللي بيشد لفوق ثانيا احنا مش عايشين في القصر اللي شفتيه ده بتاع عمي ولو كنت قعدتي لاخر الحفله كنت شفت امي وهي بتتجوز عمي
امك ازاي وعمك
بابا طلق ماما من كام شهر وهي اتجوزت عمي والاعاقه اللي اتكلمتي عنها انت اتحدتيها وهتفضلي العمر كله كاسرة عيني
واخره الحب ده ايه
النهايه الطبيعيه بس مش هقدر اتقدم دلوقتي وانا طالب كلها كام شهر هخلص وبعد ما كنت عايز اتفوق واتعين لقيتك دافع اقوى اتفوق عشانه
واهلك هيقولوا ايه
بابا موافق ومرحب وعايزني اتقدم دلوقتي بس رفضت لاني هتقدم واقول ان انا طالب بس بعد كام شهر هقول معيد في الجامعه
ومامتك مش هتوافق
بكره لما تعرفك هتحبك زيي واكثر
ما افتكرش هي عملت كده عشان تعرفني حجمي الطبيعي
تولين ارجوك ما تكبريش الموضوع بابا موافق وده اهم حاجه عندي وماما مشغوله بجوزها ومع الوقت هتنساني قلتي ايه
في ايه
انت هتستهبلي
انت من اولها هتطول لسانك
اولها يعني موافقه
بقلمي سحر السحرتي
بس مش هقدر اقول لماما
ممكن تخبي عليها الكام شهر دول وبعد كده نبلغها وانا جاي اتقدم
يعني اكذب عليها
هتكذبي عليها في ايه احنا هنتقابل في التمرين عادي وهشرح لك زي الاول كل اللي هيزيد كلمتين حب اقولهم بس
ايوه بس هحس اني بعمل حاجه غلط
هو ايه الغلط اللي هتعمليه احنا مش هنخرج مع بعض من وراها مش فاضي للكلام ده
كلام ايه سيادتك
تولة افهميني كويس انا بلاقي وقت بالعافيه للتمرين لان نفسي اتعين ساعديني لو قلت لمامتك اكيد هترفض وتمنعك عني وانا بتجنن لو ما شفتكيش كل يوم
ارجوك بلاش ده
اسف مش هعمل كده تاني
ابتسمت له و كانها اعطته
التصريح باقټحام قلبها
مر الترم الثاني بين التمارين والشرح كما وعدها زياد بعدم التجاوز سوى ببعض الكلمات وابدائه بمدى حبه وعشقه لها
بعد الانتهاء من الامتحانات ذهب حاتم لوالده ولاء ليطلب منها تحديد موعد الزفاف
ازاي هنحدد ميعاد الفرح وانت لسه ما استلمتش الشقه
انا قدمت وخلال كام شهر خلاص هستلم وممكن نقعد عندنا في البيت على ما استلم
هو عندكم في مكان شقتكم صغيره يا ابني
خلاص نقعد هنا
هنا اللي هو فين
في اوضه يوسف
ويوسف يروح فين
هو بيجي يومين في الاسبوع ممكن ساعتها تولين تقعد مع حضرتك او العكس
ده انت مرتبها بقى ومستعجل ليه ما تصبر لما تستلم الشقه
بصراحه بحب ولاء ومش قادر ابعد عنها
فهمت ما يخطط له حاتم وقالت بحدة
تولين ادخلي اوضتك يا حبيبتي
ليه
في كلمتين مع اختك وخطيبها سر شويه
حاضر
قلت انك مش قادر تبعد عنها ولا حصل حاجه بينكم
ونظرت في عيني ولاء وانتقلت الى عين حاتم بالتبادل توترت ولاء وكان وجهها يجيب
تحدثت بكل حسرة والم
هي دي اخره تربيتي فيكي هقول للناس ايه
حاتم هتقولي انك حسيتي بظروفي ووقفتي جنبي
اخرس يا ندل يا خاېن الامانه انت من الاول مرتبها ومخطط لكده بنت يا ولاء انت حامل
انا اسفه يا ماما ما تزعليش مني وزه شيطان وبعدين ده جوزي
وضعت هدى يدها على فمها من الصدمه
كان نفسي تقولي ما حصلش حاجه انا كنت حاسه وبكدب نفسي واقول انا مربياها صح
وامسكت حازم من ياقه قميصه
وانت مفكر هتحطني قدام الامر الواقع
انا عملت اللي عليا وجيت اصلح غلطتي وبراحتكم بقى
امشي اطلع بره يا كلب انا ما يتلويش دراعي ومن بكره تطلقها
بقلمي سحر السحرتي
وفتحت باب المنزل وطردته اڼهارت ولاء من البكاء
جايه ټعيطي دلوقتي بعد ايه انت الكبيره وعملتي كده وانت قدوه امال الصغيره هتعمل ايه
تولين مالك يا ماما بتزعقي ليه
امشي خشي اوضتك
واسرعت تولين من أمام والدتها ودخلت غرفتها لتتحدث مع يوسف
انت فين
خارج من الكليه ورايح لواحد صاحبي
تعالى بسرعه ماما بتزعق وحالتها صعبه
ليه
الزفت حاتم كان هنا وشكلها طردته وبتزعق لولاء بسرعه انا خاېفه على ماما
مسافه الطريق
عاد يوسف سريعا الى المنزل وجد والدته وولاء يبكون احتضنهم واخذ هدى لغرفته وقصت عليه ما حدث قبل يوسف راسها ويدها
اهدي يا حبيبتي بالعقل كده هي ما عملتش حاجه غلط هي اتسرعت بس ده جوزها وما حصلش حاجه يتجوزها هنا كام شهر بنتك ولازم تستحمليها وتغفري لها غلطتها انت عارفه ولاء حساسه وطول عمرها محرومه من الحب وتعلقت ببابا قوي زي تولين بس هي اكثر لانها يتيمه عشان كده حاتم اول ما قال لها كلمتين حلوين اتعلقت بيه من غير تفكير هي مغيبه سبيها تخوض التجربه واحنا جنبها نسندها
انا كان نفسي الجوازه دي ما تتمش وياما نصحتها حاتم ده ما ينفعهاش كده رجلها غرزت اكثر
كان بيحس انك ضرته ودايما يتضايق منك ولما يتغاظ اكتر يروح ينام وياخد تولين و ولاء في حضنه هههههه انتم اغلى حاجه في حياتي .... صعب ابقى عارفه ان بنتي هتقع في بير ما لوش قرار واسيبها
ماما احنا كبرنا وكل واحد مسؤول عن قراره ويتحمل نتيجه اختياره وافقي بقى ولاء مقطعه نفسها من العياط هخليها تدخل تعتذر لك خذيها في حضنك
حاضر يا يوسف
تمت موافقه هدى على اقامه الفرح واقامه حاتم معهم في المنزل وطلبت من ولاء ان يحضر لها غرفه نوم ويختار مكان اقامه الفرح ..... لكنه تهرب انه مفلس وليس معه مال لكل ذلك
خلاص يا حاتم اطلب من صاحبك يقبضك الجمعيه اللي انت داخل فيها بفلوسي وتجيب منهم احنا داخلين على سنه ولسه ما قبضناش
اسف يا حبيبتي صاحبي طلع ندل ونصاب واخذ فلوس ناس كثير وهرب ولسه عارف الموضوع ده من يومين
يعني انت منعتني ادي ماما الفلوس وكانت هتحوشهم لي لان خلاص تولين خلصت ثانويه وبقت مش محتاجه لهم وقلت لها هدخل جمعيه مع واحده صاحبتي هقول لها ايه وهنعمل ايه انا ما صدقت توافق على الفرح
قولي لها ان اتنصب عليك اتصرفي بقى اقفي جنب جوزك
ما انا واقفه من زمان وجوزي ده اللي حطني في موقف زي الزفت مع اهلي
انت بتغلطي هزعل وانا زعلي وحش وانت مجربه
رفعت يدها امام وجهها لتحميه من صڤعات حاتم
خلاص خلاص هتصرف احنا هنعمل الفرح قريب مش معقول يبقى وشي ازرق هقول لهم ايه على وشي لو لقوه مزرق
احبك وانت مطيعه
ثارت هدى على ولاء بعد علمها پضياع جميع اموالها لكن يوسف وتولين قاموا بتهدئتها
تولين اهدي يا ماما انا معايا مبلغ محترم محوشاه من الحفلات ومكافات البطولات انت رفضت تاخدي حاجه مني نجيب اوضه محترمه لولاء والباقي نعمل لها فرح محترم يليق بيها
هدى وانت
انا مش بدفع بداله انا بقف جنب اختي يا ماما ياما هي دفعت في البيت واحنا بندرس وعايزين نفرح بيها ونعمل لها فرح يسعدها ان كان عليه عايز يقعد معانا من غير فرح بلاش تنكدي عليها
يوسف وانا كمان معايا مبلغ كويس من مكافاه التفوق خديها كمان واشتري لها هدوم جديده ودلعيها عروسه بقى
تولين افرحي بقى يا هدهد لولولولوي
وامسكت بصينيه الطعام تقرع عليها كالطبل وضحك الجميع وبداوا في تجهيزات الفرح
كيف سيمر الفرح وهل حاتم يستحق ولاء حقا ام انه شخص مستغل
ضوء القمر
حلقة ٨
قامت تولين بدعوه اصدقائها في الفريق للفرح وخاصه زياد الذي بدوره استاذن هدى بدعوه والده لانه وجدها فرصه ليتعارفوا قبل ان يتقدم لتولين رسميا
وقام يوسف بدعوه بعض اصدقائه وقادته المقربين له
كان الفرح مصمم بطريقه ممتازه غنت فيها تولين اجمل الاغاني جميع المدعوين معجبين من جمالها وعذب صوتها لكن زياد كان يغار عليها من نظرات الحضور حاول منعها لكنها رفضت
دي اصلا شغلي غير انه فرح اختي
الناس بتبص لك وعينيهم هتطلع عليك
بيتهيا لك ما انا بغني في حفلات كثير وعلى النت
ما بتبقيش حلوه كده ولابسه فستان يجنن
وايه كمان مش واخد بالك من العكاز اللي ماسكاه لاني ما اقدرش البس الجهاز مع الجزمه اللي لايقه على الفستان الناس بتشفق عليا مش اكتر سيبك من الموضوع ده امال اونكل فين
زمانه جاي
اشرف تولين انت اخوك نسخه منك مش كان يطلع بنت كنت اتجوزتها هههههه
لو سمعك ممكن تاكل حته علقھ ناس كثير كانوا بيقولوا له كده كان بيبقى ليلهم اسود سواد نيله هههههه
يوسف تولين تعالي اعرفك على اصحابي
تعالى انت الاول اعرفك زياد واشرف زمايلي في الفريق
اهلا هههههه هو انتم
اشرف بتضحك على ايه
لا ابدا افتكرت اول يوم تدريب ليها
زياد هي حكيت لك
ما بيتبلش في بقها فوله
تولين ده كان في الماضي على فكره زياد
هو اللي خلاني اجيب تقدير
يوسف قدرت ازاي ده مخها تخين قوي
زياد فعلا عندك حق ههههههه
تولين الله الله بتتعرفوا على بعض وبتتفقوا عليا احذروني انا ما بنساش وبخلص حقي اول باول وخصوصا انت يا يوسف
يوسف خلاص يا شړانيه تعالي
بقلمي سحر السحرتي
همس زياد رايحه فين
جايه هسلم على اصحابه
ارجعي احسن لك
بلاش غيرة عاميه بقى
تولين بتكلم بجد هزعل
يوسف ولاء بتناديني يا تولين هشوفها
روح وهحصلك نعم يا استاذ زياد
رايحه تسلمي على مين
اصحاب يوسف عندهم حفلات وعايزين يتفقوا معايا فهمت مش رايحه اتسلى واخويا مش كده
طب ما قلتيش ليه من الاول
المفروض يكون في ثقه
ما انا اصلي بغير عليك قوي وبصراحة انت النهاردة حلوة قوي طب روحي وسلمي بالكلام
يعني لو حد مد ايده اكسفه زياد خليك واثق فيا شويه مش هتاخر
ذهبت وكان زياد يشتعل من الغيرة
يوسف اقدم لك الرائد مهند القائد بتاعي وعنده خطوبه اخته وحابب انك تغني فيها
اهلا وسهلا سياده الرائد بس اكيد يوسف بلغك بنظام الحفلات اللي بغني فيها
مهند اهلا بيكي ما كنتش اعرف ان النسخه النسائي من يوسف حلوة قوي كده
شكرا لذوق حضرتك
اه قال لي واتمنى تشرفينا بصوتك الساحر
انا هعمل لحضرتك خصم محترم لو عرفت انك اللي كنت بتحبس يوسف هههههه
يوسف اختي حبيبتي بتعزني مۏت
مهند لا مش انا
تولين ده كان اختبار عشان اعرف الحقيقه الخصم هيبقى اكبر دلوقتي هههههه
مهند انت تشتغلي مع المخابرات بتاخدي المعلومه بطريق غير مباشر
انا مواهبي لا تنتهي شفت الحياه مش بس دراسه عموما اتفقنا تقدر تاخد رقمي من يوسف بس يا رب ما يتعارضش تاريخ الحفله مع بطوله او معسكر
مهند بطوله ايه
يوسف تولين بطلة الجمهوريه في السباحه
انا كمان كنت بطل جمهوريه نتنافس
يوسف بلاش احسن اخذ حبس ما حدش يقدر يغلبها
بقلمي سحر السحرتي
شوقتني اتنافس معاها
تولين بلاش تتحداني لاني متاكده انك هتخسر
زدتيني اصرار للمنافسه
حدد المكان والزمان وهدي لك فرصه تتدرب ومكافاه الكسبان لو انت كسبت هغني ببلاش لو انا يوسف ما يتحبسش السنه الجايه خالص
اتفقنا بعد بكره في النادي
مش عايز تتدرب
لا
طب بلاش النادي احسن يبقى شكلك وحش قدام الناس
انت بتستفزيني بعد بكره اتفقنا
هدى بتعملي ايه
ابدا بتفق على حفله خطوبه مع سياده الرائد
هدى هي هتغني مجانا لحضرتك
مهند هي فعلا هتغني مجانا وبعد بكره تحديد المصير
تولين يا ماما احنا اتفقنا على منافسه في السباحه
هدى تولين بتحب تهزر اعذرها يلا اختك عايزاكي
وخبطتها في ظهرها بقبضة يدها
مهند بس انا مصر
هدى بلاش يا ابني عشان علاقتك تفضل كويسه مع يوسف
مهند كلكم واثقين فيها قوي كده اصراري زاد
تولين بكل ثقه وانا احترم اصرارك على معادنا
وسحبتها هدى
ايه يا ماما انا عملت ايه هو اتحداني سيبيني ده واثق قوي في نفسه
يا رب يكسبك ويكسر مناخيرك دي
مش هيحصل
بقلمي سحر السحرتي
تقدم زياد منهم
زياد طنط هدى اقدم لك بابا
اهلا .... هو ده باباك
هو انتم تعرفوا بعض
اه نعرف بعض من زمان قوي ازيك يا عماد
كويس ازيك الف مبروك
انصرف كل من تولين وزياد لينضموا لاصدقائهم
عماد هدى انا عارف انه مش وقته بس ممكن نتقابل نتكلم الموضوع مهم
هدى ممكن اتصل ونحدد موعد
قدمت تولين هديه لولاء اربع ايام في فندق شرم الشيخ هديه من صديقه لها والدها يملك الفندق
انتهى الحفل بخلاف بين زياد وتولين بعد معرفته بالمنافسه بينها وبين مهند
يوم المنافسه
تولين لو تحب تنسحب يا سياده الرائد انا موافقه
مهند لو مفكره انك هتفوزي وبتلعبي باعصابي باسلوبك ده تبقي
بتحلمي
تولين انا عملت اللي عليا افتكر اني قلت لك بلاش
حضرت هدى مع تولين حتى لا تتعدى حدودها مع قائد يوسف
تمت المنافسه بين تولين ومهند وبالفعل فازت بفارق بسيط
هدى لمي نفسك وما تعمليش معاه زي ما عملتي مع زمايلك في الفريق واي حد بتكسبيه ما تنسيش انه قائد اخوك
تولين يا ماما هحيه بس
مهند ويمد يده لتحيه تولين
اسف فكرتك مغروره طلعت واثقه في نفسك مبروك
تولين من قلبك بلا ضغائن
ضحك مهند اظن الضغائن
انا موجوده في اي وقت لو تحب تتمرن وتيجي
انا بتمرن كل يوم بس انت شاطره قوي
في السباحه انا شاطره جدا لكن لو قلت سباق جري اكيد هقول لك لا
اتمنى لك بطوله العالم مش الجمهوريه بس
تصدق دول احسن كلمتين سمعتهم في حياتي امال بيقولوا الضباط كلامهم ناشف ليه ما كلامهم حلو قوي اهو
ضحك مهند اكثر يعني يوسف كلامه ناشف
لا طبعا ده توامي ولسه ما بقاش ظابط رسمي تفتكر يتغير
هدى مش يلا بقى معلش يا ابني هي تولين بتتكلم كثير وما تزعلش انها فازت عليك هي بټموت في المنافسه وبتعشق الميه
لا ازاي يا طنط دي حتى فازت بشرف ونزاهه
وضحكوا جميعا واكمل
بس كده انا ليا تار ولازم افضل اتسابق معاها لحد لما اخده
وانا ما عنديش مانع اتنافس مع لاعب قوي زيك بس تفتكر مكافئتي هتبقى ايه المرات اللي هفوز عليك فيها
بتحلمي انا هتمرن كويس ومش هتنافس غير وانا واثق من الفوز
ما انا قلت لك اتمرن وتعالى
وضحك الجميع وانصرفوا
في شرم الشيخ اجبر حاتم ولاء ان تتصل على تولين لتطلب من صديقتها ان تمد لهم بدل الاربع ايام الى اسبوع
كانت ولاء محرجه وهي تتحدث معها
تولين يا ولاء انا دفعت فلوسهم وقلت كده قدام ماما ولو كان معايا احجز اسبوع ما كنتش هتاخر اسفه كان نفسي افرحك اكثر من كده
ولاء يعني ما ينفعش خالص يا تولين حاتم هيزعل قوي
انا صرفت كل الفلوس اللي معايا ولسة ما اشتغلتش في اي حفلات وبعدين هو انت عايزه تطولي المدة عشانك ولة عشان سي حاتم بتاعك
عشانا احنا الاتنين
خلاص لو عايز يمد قوليله يهز جيبه ويمد من فلوسه مش كل حاجة على قفا الناس وخليه يبطل يعتمد عليك في كل حاجة المفروض انه راجل يصرف عليك هو مش العكس
مش وقته الكلام ده يا تولين خلاص شكرا
وأغلقت الخط وهي قلقة كيف ستخبر حاتم بذلك
حدد عماد موعد مع هدى للتحدث معها وقابلها في احد المقاهي
خير يا عماد قلت انه موضوع مهم
انا عرفت كل حاجه عن حسن جوزك واللي حصل معاكي واتمنى اكمل حياتي واللي باقي من عمري معاكي
ومراتك
قص عليها تفاصيل حياته معها حتى وصل الى الانفصال
مش هي دي اللي سبتني زمان عشانها لانها حاولت تنتحرت من حبها فيك
طلع ده كمان مزيف كانت طريقه تضغط علي انا وبابا عشان نتعاطف معاها واتجوزها نوع من الابتزاز النفسي تصعب علينا لانها يتيمة الاب وبابا اللي مربيها وهي شافت حياتها واتجوزت
ما اقدرش اتجوزك اولادي هقول لهم ايه تولين بالذات ما تعرفش عن ابوها حاجه ولو عرفت الصدمه هتكسرها
مش لازم تعرف هنقول انك اتطلقتي بسبب غيابه اللي بقاله اكثر من خمس سنين عشان تقدري تحصلي على معاش مطلقه يساعدك على المعيشه وهقعد معاها واقنعها انت من حقك تعيشي بعد التعب اللي تعبتيه
بس انت فاجئتني
امسك يدها هدى انت عمرك ما غبتي عن بالي ودورت عليك كثير بس كان الوقت فات لقيتك اتجوزتي امجد ابن خالتك ابو ولاء فما قدرتش ابوظ لك حياتك كفايه حياتي اللي باظت من جوازي من مديحه
خاېفه اكون السبب في طلاقكم
انا كان عمري ما كنت هفكر اطلقها لو كانت وقفت جنبي لكن ما قدرتش تتنازل او تستحمل ان مستواها ينزل شويه وجريت اتجوزت اخويا لانه دلوقت اغنى
اخوك وانت ما زعلتش
ازعل لو كنت حبيتها لكن عمري ما قلبي دق لها دقه واحده
بقلمي سحر السحرتي
عماد احنا سننا كبر والناس هتاكل وشنا لو اتجوز نا في السن ده
لو كل واحد مننا اطلق زمان كانت الناس هتاكل وشنا برضه الناس في كل حال هتتكلم
انت لسة بتحبيني
صمتت ولم تجيب لكن عينيها أجابت
طب انت عمرك ما حلمتي نرجع لبعض
وانا متجوزه اكيد لا لانها خېانه بس بعد ما اتطلقت ياما حلمت
خلاص متردده ليه
خاېفة مش سني
ما تخافيش وانت معايا كفاية اللي ضاع من عمرنا
ليا شرط انا ام واهم حاجه عندي اولادي لو حد منهم ما وافقش انسى الموضوع
وانا موافق وحبك هيخليني اعمل المعجزات واخليهم كلهم يوافقوا
هل سيوافق أبنائها وما موفق زياد من ذلك
ضوء القمر
حلقة ٩
اتجه كل من عماد وهدى الى منازلهم وحاولوا جس نبض ابنائهم
تحدث عماد مع زياد الذي رحب بالفكره وشجع والده بعد ان علم منه انه هدى كانت خطيبته وحب حياته
تحدثت هدى مع يوسف الذي يعلم كل شيء عن والده وما مرت به هدى تردد قليلا لكنه كان يحب والدته ويتمنى لها السعاده
انا موافق يا ماما بس تولين هتبقى مشكله
عماد قال هيكلمها ويقنعها وفكره ان اتطلقت عشان المعاش كويسه
ربنا يستر انت عارفه هي عنيده قد ايه ودماغها ناشفه
اللي خاېفه منها اكثر ولاء لان حاتم ممكن يلعب في دماغها وانا حاطه شرط ان كلكم توافقوا
ماما مش لازم الكل يوافق انت تعبتي عشانا وضحيتي كثير كفايه اللي استحملتيه من جدي انا موافق بالعافيه لان عارف ومقدر كل اللي عملتيه علشانا وكنتي بتلفي على البيوت تدي درس واثنين ومرمطه عموما انا هفضل وراهم وهكلم ولاء اخذ منها الموافقه قبل ما حاتم يعرف هي رجعت من السفر واستلمت شغلها
اه بس شكلها زعلان وكان في كدمه زرقاء على وشها سالتها قالت اتخبطت بس قلبي مش مطمن
قصدك ايه
ما فيش كلمتين بفضفض معاك بيهم
ما تخبيش علي انت شاكه انه مد ايده عليها اكسرها له
يوسف انت الوحيد اللي بعرف اتكلم معاه ما تخسرش مستقبلك عشان كلب زي ده
يعني اعرف انه بيضرب اختي واسكت
يمكن فعلا اتخبطت عموما لو كان ضربها اكيد هنعرف
لو سمحت لو حصل فعلا ما تخبيش عليا واوعدك هتعامل بعقلي
حاضر روح كلمها
بقلمي سحر السحرتي
كان زياد يتحدث مع تولين في الهاتف
لا كلمتيني ولا سالتي فيا من يوم الفرح وعارفه اني زعلان منك
انا ما غلطتش انت زعلان غيره يبقى تصالح نفسك
وسباقك مع قائد اخوك ده صح
ايه المشكله الكلام جاب بعضه وعرف ان انا سباحه حب يتحداني واهلي ما اعترضوش تيجي انت وعايزني اسحب اتفاقي معاه يقول علي عيله ليه والراجل كمان محترم والمنافسه في النادي قدام الناس كلها وماما جت معايا
يعني ما تعمليش حاجه عشان خاطري
خاطرك غالي عليا بس لما تحط نفسك في موقف اطلع فيه صغيره قدام الناس ابقى متاسفه امال لو كان عريس وجاي يتقدم لي كنت عملت ايه
نعم
ايه مستغرب ده
انت قصدك تجننيني ولا بتحركيني عشان اتقدم
لا ده ولا ده وقت ما تحب تعالى انا مش بضغط عليك
ما انا كنت جاي بس مستني النتيجه وجواب
التعيين عموما احنا كده كده جايين نتقدم نطلب حد غيرك
حد غيري زي مين ما
فيش اصلا ولاء واتجوزت لتكون جايب عروسه ليوسف اخويا ههههههه
لا هنطلب مامتك لبابا
ايه الهبل
متابعة القراءة
