صدفه صنعت العشق بقلم إسراء ابراهيم

باحتة نورتي بيتك يا سناء هانم بعد اذنكم عندي شغل
مشي اياد وكانت متابعاه سناء بقلق ووقتها سعد ابتسم براحة لانه كان قلقان من رد فعل اياد
ملك بحماس يلا يا هنا تعالي هوريكي اوضتك انتي هتبقي جمب اوضتي علطول وفي وش الاوضة بتاعة اياد
طلعت هنا مع ملك وهي فرحانه انها اخيرا بقي ليها عيلة واهل واخت كمان بس سناء كانت سرحانة وهي باصة بعيد وسعد اخد باله فمسك ايديها بحب
سعد بحب مالك يا سناء شايفك سرحانة وباين عليكي انك قلقانة 
سناء بتردد اياد يا سعد حساه مش متقبل فكرة اننا نعيش معاكم عشان كدة بقول ياريت متضغطش عليه عالاقل لحد ما يتقبل الموضوع وانا هاخد هنا ونرجع نعيش في شقتنا اللي في
سعد برفض واصرار متكمليش يا سناء انا مش هسيبك تبعدي عني تاني ومش هتحرم من بنتي اللي معشتش معاها طفولتها وكنت مېت بالنسبالها ارجوكي يا سناء شيلي الفكرة دي من دماغك واياد مع الوقت هيتقبل الفكرة انتي بس اديله وقته
سناء بابتسامة ماشي يا حبيبي ان شاء الله خير
بليل خالص كانت هنا جعانة اوي ومش عارفة تعمل ايه ولا تقول لمين بس حاولت تشجع نفسها وتقنعها ان ده بقي
بيتها خلاص فلازم تتعامل بطبيعتها فاتشجعت وخرجت من اوضتها وراحت المطبخ عشان تشوف حاجة تاكلها وفعلا عملت
ساندوتش وقعدت تاكله
علي السفرة اللي في المطبخ لحد ما اتفاجأت باياد داخل عليها فاتحرجت بس هو اتجاهلها وراح يعمل قهوة وكأنها مش موجودة فاضايقت هنا اوي
هنا ببرود عليكم السلام ورحمة الله وبركاته
اياد بسخرية فاكرة انك كدة بتحرجيني لا انا قاصد معبركيش يمكن ده يوصلك حاجة معينة
هنا بغيظ وانا ولا كأني واخدة بالي اصلي ده بيت بابا وانا مش قاعدة عن حد
اياد پغضب بيت باباكي وبيت امي وانتي وامك ملكوش اي حق فيه وياريت ترجعو مكان ما جيتو
هنا بتلقائية يا صغنن ده انت ناقض تدبدب رجليك في الارض وتغنيها عموما ده بيت با
ملحقتش تكمل هنا كلامها لما اتفاجأت باياد بيقرب منها وبيمسكها من ايديها پغضب وهو بيشدها عليه
اياد بهمس غاضب اياكي تجيبي سيرة امي علي لسانك انتي فاهمة لو فكرتي تجيبي سيرتها صدقيني هندمك
هنا پخوف ودموع سيبني انا خاېفة
اياد كان مركز في عيون هنا ولدموعها اللي في عنيها وبعدين سابها پغضب فجريت هي وسابته وطلعت علي اوضتها بسرعة وقفلت علي نفسها وبقت ټعيط بحړقة
تاني يوم كانت واقفة سناء بترص اطباق الفطار عالسفرة وكان قاعد سعد وملك وهنا اللي كانت باصة قدامها بشرود
سعد بابتسامة مالك يا هنا حاسك متغيرة كدة في حاجة مضايقاكي
هنا بصت لاياد اللي كان نازل عالسلم وسامع سؤال سعد ليها وهي كانت خاېفة منه اوي واياد لاحظ ده
هنا بصوت واطي مفيش يا بابا انا بس منمتش كويس
سناء بابتسامة وحنان اياد حبيبي تعالا يلا افطر الفطار جاهز اهو
اياد بجدية شكرا عندي شغل مهم
سناء بابتسامة الشغل مش هيتعطل من دقيقتين تفكر فيهم يلا عشان خاطر بابا بلاش عشان خاطري
اياد نفخ بضيق وراح قعد عالسفرة وبدأ ياكل من غير ما يتكلم
سعد بابتسامة اعملي حسابك يا هنا انتي وملك اول يوم شغل ليكم من بكرة تنزلو انهاردة تحضرو نفسكم عشان بعد كدة مفيش دلع
هنا بتردد بعد اذنك يا بابا انا كان ليا طلب
سعد بحنان طبعا يا حبيبتي انتي تؤمري ها عاوزة ايه 
هنا بحزن انا مش عاوزة اعيش هنا عاوزة ارجع شقتنا تاني وبالنسبة للشغل فانا هتعين في مستشفي حكومي كدة هبقي مرتاحة اكتر فياريت توافق
سعد بص لاياد وحس ان في حاجة فرد بابتسامة طب ممكن افهم سبب القرار المفاجئ ده ايه 
هنا بصت لاياد اللي كان متجاهلهم وبيفطر ببرود وبعدين رجعت ردت علي ابوها بحزن مفيش بس انا مش مرتاحة
ملك بتكشيرة اخس عليكي يا هنا عاوزة تسيبيني بعد ما خلاص كنت فرحت ان ليا اخت ومش هبقي لوحدي تاني 
سناء بحب حبيبتي انتي ممكن تيجي تعيشي معانا صدقيني ده احنا هنشيلك في عنينا بس انا كمان شايفة ان كدة احسن
سعد بضيق واضح انكم واخدين قراركم وان كلامي ملوش اي لازمة انا رايح المستشفي واما ارجع هبقي اشوف الموضوع ده
مشي سعد وكانت متابعاه سناء بحزن وحيرة لانها مش عارفة ترضيهم هما الاتنين بس كان بالنسبالها هنا اهم حاجة عندها وهي حاسة انها مش مرتاحة بسبب اياد ومعاملته ليهم عشان كدة قيدت قرارها في نفس الوقت قام اياد ببرود وسابهم ومشي وكانت متابعاه هنا پخوف وملك بتفكير لحد ما جتلها فكرة فنادت بسرعة علي اياد
ملك بابتسامة اياد حبيبي ممكن تاخدنا في طريقك عاوزين نروح المول عشان نجيب شوية هدوم
اياد بضيق مش فاضي وهتأخر خدو اوبر يا
ملك
ملك باصرار اخس عليك يا اياد هتسيبنا نركب اوبر واحنا اتنين بنات لوحدينا مكنش العشم و
اياد بضيق خلاص خلاص هستناكم
برة ياريت بسرعة عشان
متأخرش
ملك بحماس فوريرة يا باشا
خرج اياد وراحت ملك بسرعة لهنا اللي قالت باندفاع لا يا ملك مش هروح مع البني ادم ده في مكان انا بقي هركب اوبر وانتي ابقي حصليني
ملك باصرار يا بنتي والله اياد ده طيب اوي وحنين جدا هو بس جد حبتين وبعدين منا معاكي اهو يعني مش لوحدك بليز يلا يا هنا بقي
هنا بقلة حيلة ماشي يا ملك بس دي اخر مرة هطاوعك
ملك بفرحة مش مهم المرة الجاية اشوف سكة تانية اقنعك بيها يلا بقي نغير بسرعة احسن اياد ينفخنا
طلعت ملك وهنا وكانت متابعاهم سناء بابتسامة وحيرة في نفس الوقت
في العربية كانت قاعدة هنا ورا هي وملك وكانو بيتكلمو وبيهزرو واياد من وقت للتاني يبص لهنا في المراية بس هي مكنتش واخدة بالها لحد ما انتبهت هنا لكلام ملك معاه
ملك بخبث قولي يا ايدو عملت ايه في البت اللي قولتلي انها معجبة بيك في الشغل دي
اياد بجمود معملتش سيبتها تعجب بيا اصلي مش هروح لكل واحدة واقولها متحبنيش
هنا بصوت ضعيف لكنه مسموع مغرور
اياد برفعة حاجب نعم انتي قولتي ايه 
هنا بتوتر مفيش بقول مبروك ده اسم محل شوفته دلوقتي
اياد بغموض وهو بيوقف العربية تمام بقولك يا ملك انزلي هاتيلنا حاجة نشربها من السوبر ماركت ده
ملك بحماس بجد قشطا مش هتأخر
هنا برفض لا استني هروح انا خليكي انتي هنا والنبي
ملك بابتسامة يا بنتي مټخافيش كدة قولتلك ان اياد والله مش زي ما انتي فاكره
هنا سكتت بتردد وملك نزلت من العربيه ووقتها هنا اتفاجأت باياد يتبع 
الجزء الاخير
صدفة صنعت عشق
بقلمي اسراء ابراهيم
اتفاجأت هنا باياد بينزل هو كمان من العريية بس بيركب جمبها مكان ملك فكانت لسة هتصرخ وتنزل بس اياد حط ايده علي بوقها وكانت عنيهم مركز في عيون بعض هنا نظراتها خوف لكن اياد نظراته ڠضب اتحولت اعجاب
اياد بهمس بقي انا مغرور مش كدة تحبي اوريكي دلوقتي المغرور ممكن يعمل فيكي ايه 
هنا الدموع بتلمع في عنيها فكمل اياد بسخرية دلوقتي خاېفة سبحان الله مكنتيش كدة من شوية عموما احسنلك متستفزنيش وخليكي بعيدة عن طريقي يا ما هندمك
هنا باندفاع انت بتكرهنا ليه احنا عملنالك ايه هو انت فاكر اننا عاوزين نعيش معاكم انا عملت كدة عشان خاطر ماماعشان هي تستاهل اني اسكت لانها بتحب ابوك ومكنش ذنبها ان تيتة كانت پتكرها ولولا ده محصلش مكنش زمانك موجود في حياة بابا اصلا 
اياد بهمس غاضب ولو ملك مكنتش قابلتك مكنش بابا هيعرف اي حاجة عنكم اصلا
هنا بصوت مخڼوق انت للدرجادي اناني كل همك نفسك وبس لكن سعادة الشخص اللي عاملك زي ابنه مش فارقة معاك انت لو فعلا بتصون العشرة كنت عملت زيي وكنت ساعدت جوز مامتك يعيش سعيد بعد اللي قدمهولك وانه خلاك راجل بجد
اياد كأن الكلام وجعه بصلها پغضب وسابها ونزل وركب مكانه وشوية وملك جت واستغربت شكل هنا اللي بتمسح دموعها وتوقعت علطول ان اياد ضايقها كالعادة
بليل كان داخل سعد وباين عليه التعب واول ما شافته سناء خاڤت اوي فقربت منه بلهفة
سناء پخوف مالك يا سعد طمني فيك ايه 
سعد بحب مټخافيش يا حبيبتي انا كويس هو بس ضغط الشغل المهم انتي عاملة ايه
سناء بحزن انا اسفة يا سعد عارفة اني كنت انانية بس انا خاېفة
وحاسة بالذنب لان بنتنا مش مرتاحة
سعد بحنان ولا يهمك يا حبيبتي انا عارف ومقدر ده كويس وعشان كدة مزعلتش
منك انا بس اضايقت لاني مش
بايدي حاجة اعملها وفي نفس الوقت مش عاوزكم تبعدو عني لاني ما صدقت اني لقيتكم
سناء بابتسامة واحنا لا يمكن هنسيبك يا سعد كفايا احساس الامان اللي كنا اتحرمنا منه من سنين متقلقش انا هحل الموضوع وده اللي قررت اعمله
سعد براحة ربنا يباركلي فيكي يا سناء انا هطلع اغير وانزل نقعد سوا
سناء بحب ويخليك ليا يا سعد اطلع يا حبيبي
طلع سعد وفي نفس الوقت كان دخل اياد واتحرج اما شاف سناء فكان هيطلع علطول بس وقفته هي بصوتها
سناء بابتسامة ممكن نتكلم شوية لو مش هعطلك يعني يا اياد
اياد بضيق تمام اتفضلي سامعك
سناء بحنان وهي بتقف قدام اياد اسمعني كويس يا اياد انا يمكن غلطتي اني متكلمتش معاك من وقت ما جيت