رواية سليم كامله
انها اتحرمت من امها لا وكمان حرمتها من ابوها ورميتها عندي
ثم تابع شريف وهو يشير بيديه الي نفسه
انا الي ربيتها وكبرتها
وفجاه اكتشفت المعلومه دي ولا ايه !
قالها مراد ساخرآ شريف
لا اكتشفتها لما لقيتك عايز تاخد الحلو بس تبقي ابو العروسه في الخطوبه وكتب الكتاب لكن اي حاجه تاني ملكش دعوه بيها مشاكل نيره الي فاتت بردو ملكش دعوه بيها وترمي الغلط عليا
ايوه انت السبب دلعك فيها هو الي وصلها تروح بيت واحد
ميخصكش انت رميت زمان ودورك انتهي من حياتها
قالها شريف بجمود ليقول مراد
زمان نيره اول ما اتولدت كانت هتخسرني مني ودلوقتي اهي
بتخسرني اخويا
قال جملته تلك ورحل ليتنهد شريف بقوه .. لم يعد يتحمل افعال مراد تلك ..
هتف فادي الي سليم
انت اخر واحد المفروض اخد رايه في حاجه زي كده بس انا مش قدامي غيرك اعمل ايه اعرف حسام ولا اسيبه فاكر انه حازم بس زي ما حكيتله قبل كده
والله انا شايف ان مفروض حسام
هو الي يعرف يعني ده حقه اصلا
والجوازه تبوظ صح
قالها فادي باقتضاب ليقول سليم
وتبوظ ليه هو مش قال قبل كده انه ميفرقش معاه حاجه غير نيره
هفكر
ثم تابع بتساؤل
هو انا كل ما اعوز اقابلك هتنزلي ونقف قدام العماره كده في الشارع !
ده شرط اشرقت انك متدخلش البيت
مر اكثر من يوم وفادي يفكر ..
هل يخبر حسام اما يترك الامور تسير كما هي !
متبقي
علي حفله الزفاف عدده ايام فقط ...
وفي النهايه قرر اخباره وليحدث ما يحدث ...
قام بالاتصال به واخباره ليقول حسام
بس انت قولتلي حازم بس !!
هتف فادي بتوتر
كنت فاكر كده بس طلع كلهم
نيره عرفت حاجه
هي من البدايه مش مصدقه ان حازم بس الي عملها
خلاص متكلمش معاها في الموضوع ده واقفله لابد
يعني انت بنسبالك مفيش مشكله
مشكله ليه الي حصل لنيره هي ملهاش ذنب فيه
ابتسم فادي وتنهد بارتياح قائلا
ريحت قلبي
يوم حفل الزفاف
تتعلق في رقبته وتتراقص معه وسط الالعاب الناريه والاغاني المرتفعه ...
وعندما انتهت الرقصه حملها هو وظل يدور بها ...
صفق الجميع ماعدا سليم الذي يتابع ما يحدث بصمت تام وبداخله غير راضي ...
كان يآمل ان يرفض حسام ان يستمر مع نيره بعدما يعلم انه لم يكن حازم فقط ولكن لم يحدث ذلك ..
لم تحضر عائله نيره ف مراد رفض ان يحضر هو وابنائه حفل الزفاف بسبب كلماته شريف الاخيره له
وكمان جايه الفرح بنفسك لالا ده كتير والله
قالها فادي وهو يقف بجانب نيره لتقول هي
عايز ايه تاني مني اشرقت رجعت بيتها وخلصنا
كنت عايزك تتعذب وانت بتشوف ايه الي بيحصل لنيره بسببك
شفيتي غليلك مني ولا لسه
ابتسمت وهي تهتف
لا شفيته وارتاحت لما خدت حقي منك سمعت انك لما بتكون عايز تقابل اخوك بتقابله في الشارع لدرجادي وضعك صعب كده
انا مبسوط انك معندكيش تانيب الضمير من ناحيه الي عملتيه في نيره وفيا لانك مكنتيش هتقدري تستحملي عذابك ضميرك وخصوصآ الي عملتيه في نيره
قالها ورحل لتقول هي
ده علي اساس انك حسيت بتانيب الضمير ناحيتي ! انت بس الي وجعك نيره والي عمله فيها حازم لكن عملتلك فيا ولا فرقت معاك ..
دلف العروسين الي الشقه زوجيه الخاصه بهما ..
تحركت نيره بفستان زفافها ثم جلست علي الاريكه وقامت بخلع حذائها هاتفه بتعب
ااه يا رجلي
لما انتي عارفه انك مش هتقعدي دقيقه واحده وهتقضيها رقص ملبستيش جذمه عاديه ليه بدل الكعب ده
قالها حسام وهو يجلس بجانبها لتقول هي
الي من غير كعب شكلهم مكنش حلو دي الي عجبتني
رجلك وجعاكي اووي
يعني
ضغطت نيره علي قدميها وهي تهتف
اووي وكمان لسه عايزه اقوم اغير الفستان ده
ايوه هو لازم يتغير اكيد
مش ناويه تنامي بيه يعني
نهضت من مكانها وهي تضغط علي قدميها بصعوبه وصاحت متالمه ليقول حسام وهو ينهض
معقوله هتروحي الاوضه بنفسك وانتي تعبانه كده
هدوس عليها براحه لحد ما اوصل واستحمل الالم هعمل ايه يعني
قالتها بتوتر ليحملها حسام بين ذراعيه قائلا
انا الي هعمل مش انتي وهوصلك لحد الاوضه بنفسي
هعرف اروح لوحدي هدوس عليها براحه واروح بلاش تعمل حجج فارغه ملهاش لازمه
ضيق بين حاجبيه وهو يقول
انا بردو الي بعمل حجج فارغه وامي الي بتقول رجلي والكعب يعني بقالك ست ساعات شغاله رقص وتنطيط بالعكب ومفيش اي حاجه حالا اول ما دخلنا الشقه الالم قام عليكي
ايه ده قصدك ايه اني بكدب عليك وبشتغلك
ابتسم وهو يتحرك بها ناحيه الغرفه قائلا
شوفي نفسك بقي
صمت ولم تجيبه بشئ منذ ان انتهي حفل الزفاف وهي تفكر في طريقه تتخلص بها من حسام هذه الليله لا تريد ان يقترب منها تشعر پخوف بداخلها منه لا تريد ان يحدث شئ بينهما .. كلما تخيلت ذلك الامر
تنكمش في نفسها وتشعر بالضيق والاختناق ..
وضعها علي الفراش برفق وهتف
خليكي زي ما انتي بلاش تتعبي نفسك ورجلك التعبانه دي انا هجبلك الهدوم لحد عندك
وتلمس نبره السخريه في كلماته تنهدت وهي تعتدل في جلستها قائله
ايوه والتريقه بتاعتك دي هتخلص امته سوري يعني
هي فين التريقه دي !
قالها بدهشه مزيفه ثم ظل يبعث بالملابس التي في الخزينه ثم اخرج رداء احمر اللون وهتف
اييوه هو الاحمر ده
انهي جملته تلك ثم القي عليها ذلك الرداء لتقول هي
ايه المسخره الي عايزني البسها دي
ماله يعني لونه احمر وحلو
نظرت الي الثياب هاتفه
هو انا بقولك البسيه في الشارع
نهضت من مكانها وهي تتمسك بفستانها واقتربت منه قائله
اوعي كده انا هطلع هدومي بنفسي
تفحصها من اخمص قدميها الي راسها قائلا
رجليكي بقيت كويسه اهي
اه خفت الحمدالله
ثم تابعت وهي تبعث بالخزينه
ممكن تخرج علشان اغير هدومي
هو انتي خاېفه مني ليه
حركت راسها بالنفي قائله
مش خاېفه ولا حاجه انا بس عايزه اغير هدومي
تناول من الخزينه ثيابه ثم هتف
انا فاهم كويس تصرفاتك من اول ما دخلنا علي عموم مفيش حاجه هتحصل ڠصب عنك يلا غيري هدومك واتوضي وانا كمان هروح اغير هدومي واتوضي
قال جملته تلك ورحل هو يشعر بخۏفها منه منذ ان دلف كلاهما
الي الشقه وملامحها تحولت شحب وجهها وشفتيها
...
انتهي كلاهما من الصلاه نهضت نيره وهي تقول
يلا تصبح علي خير انا ھموت وانام بجد
ومالو وانتي من اهله يا نيره
قالها وهو يضغط علي شفتيه بضيق ثم تمدد علي الفراش وهو غير راضي تمامآ عن افعلها تلك ..
اقتربت هي منه ثم قامت بوضع وساده بجانبه تفصل بينهما ضيق بين حاجبيه وهو يقول
كمان !
انا مبعرفش انام غير كده
قالتها وهي تتمدد بجانبه علي الفراش وتخفي جسدها بالغطاء ..
يتقلب في الفراش يحاول النوم ولكنه لا يستطيع كلما اغمض عينيه راي نيره برفقه
حسام ..
نهض وهو يزفر بقوه قائلا
ولا هعرف انام في الليله السوده دي
مالك يا سليم
قالتها اشرقت وهي مغمضه عينيها وغارقه في النوم ليقول هو
ولا حاجه كملي نومك هقوم اشوف تالا متغطيه ولا زايحه الغطاء كالعاده
خرج من الغرفه ثم وقف في الشرفه اصدر تنهيده طويله
وهو يهتف
عايزه مني ايه يا نيره تعباني معاكي
وانتي قريبه وتعباني اكتر وانتي بعيده
لم تغمض عينيها دقيقه واحده لا تستطيع النوم تتقلب في الفراش بملل وحسام كلما غفل استيقظ من حركتها تلك
واخيرآ هتف بنفاذ صبر
هو ده الي مېته نوم بقالك تلات ساعات شغاله تتقلبي يمين شمال فين النوم
مش عارفه انام
اعتدل في نومته ثم اشعل الاضاءه التي بجانبه وهتف
طبيعي مش هتعرفي تنامي طول ما بالك مشغول وبتفكري
مش بفكر في حاجه
كدابه وستين كدابه كمان انا مش هتوه عنك طلعي كل الي في قلبك!
اجبلك من الاخر !
قالتها نيره وهي تجلس امامه ليقول هو
هاتي
انا مش عايزه يحصل اي حاجه بينا
ويكدبوا ليه هما كانوا متاكدين ان فادي مش هيقدر يبلغ ولا يعمل حاجه وحتي لو بلغ فين الدليل
وكلمات حسام تلك لم تقنع نيره هتف حسام
ليه جايه علي نفسك كده وبتعذبيها خلاص الي حصل حصل انا اصلا سمعت من فادي ان اتنين منهم اتخانقوا مع بعض وواحد فيهم اټقتل والتاني اترمي في السچن
حازم محصلوش حاجه وعايش حياته عادي اهو
لسه عقابه جاي يا نيره
انسي الي حصل وبلاش ټعذبي نفسك اكتر من كده
انهي جملته الاخيره وهو يزيح الوساده الفاصله بينهما ثم ضمھا الي احضانه لتقول هي
وانت هتقدر تنسي
يا روحي انا ناسي اصلا الحكايه دي مش بفتكرها غير لما بتجيبي سيرتها انتي ممكن تنسيها بقي
حركت راسها بالموافقه مرر حسام يديه علي شعرها برفق هتفت هي
هو ممكن يكون فعلا محدش لمسني غير حازم
ايوه حازم هو الي كان عايز ياخد حقه من فادي صحابه ملهمش علاقه
حاولت هي اقناع نفسها بكلمات حسام تلك اما هو يتمني ان لا تكتشف كدبته تلك وينتهي ذلك الموضوع في عقلها وتتسي كل شئ .
استيقظ من نومه علي صوت رنين الهاتف تناول هاتفه ليجد سليم قام بالرد عليه ليصل له صوت سليم
لسه نايم
اه ساعه كام اصلا
قالها فادي بنعاس ليقول سليم
واحده قولي كلمت نيره ولا لسه
اكلمها ليه
قالها فادي باستغراب ليجيبه سليم
يعني تشوف الدنيا ايه عندها يمكن حسام يطلع مريض زيك ولا حاجه
لا يا راجل
قالها فادي
طب خلاص خلي ماما تكلمها تطمن عليها
ما هي كانت قدامك يا ابن الناس ومراتك كمان ومكنتش فارقه معاك ايه الي اختلف دلوقتي بقيت سكر اول ما حبت واحد غيرك
اقولك الحق ومتتريقيش عليا انا نفسي مش عارف مالي في ايه لو حطيت مقارنه بين اشرقت ونيره هختار اشرقت وفي نفس الوقت مش عايز نيره تروح لحد ولا قلبها يبقي مع حد
دي اسمها انانيه
الكلام ملهوش لازمه خلاص هي دلوقتي متجوزه وبتحب واحد تاني ربنا يسعدها ويطلع حسام جدع وميكسرش قلبها زي ما انا عملت
قالها سليم ليقول فادي
ربنا يهديك دايما كده
بس بردو خلي ماما تكلمها تطمن عليها
وضعت الافطار علي الطاوله تناول حسام الافطار بصمت ونيره ايضآ صامته ...
واضح انك ست بيت هايله طبق بيض مقلي مش عارفه تعمليه
ماهو انا مبعرفش اطبخ مدخلتش المطبخ خالص قبل كده
ما شالله ومين هياكلنا احنا الاتنين علي كده !
صمتت قليلآ بتفكير ثم هتفت
انا عندي حل لما كنت متجوزه سليم كان جايب طنط عايده علشان تقعد
معايا وكده كانت بتطبخ وبتنضف الشقه وبتعمل كل حاجه احنا ممكن نجيبها تيجي اول اليوم تطبخ وتنضف الشقه وتمشي اخر اليوم ايه رايك
اااه لما كنتي متجوزه سليم
قالها حسام وهو يمط شفتيه بعدم رضا ..
انتبهت الي ما نفسها ثم قالت
مش قصدي بس كلمه طلعت مني كده وانا بشرحلك يعني
نهض من مكانه وهو يقول
تمام لو عايزه نجيب الي اسمها عايده دي نجيبها اهي حاجه من ريحه الحبايب
انت ليه كلامك كده معايا مكنش قصدي كلمه طلعت مني ڠصب عني
ولما سالتيني سليم كان زعلان ولا لا كانت كلمه طلعت منك بردو انا من وقت ما عرفتك جبت سيره ريم معاكي ب اي حاجه ولا مره نطقت اسمها اصلا غير لما انتي بتفتحي الكلام عنها
قال كلماته تلك بعصبيه وزعيق لتقول نيره
خلاص يا حسام انا اسفه مش هتكلم تاني خلاص
علي فكره ريم كانت شاطره جدا في الطبخ كنت باكل من ايديها احلي اكل
وعندما لم يجد اجابه منها وتحولت ملامحها للضيق هتف
شوفتي بتوجع ازاي
قالها ورحل من امامها لتنهد هي بحسره واضحه ..
هتفت ناديه وهي تضع الهاتف علي الطاوله
مش بترد بردو تلاقيها لسه نايمه
حتي حسام موبيله مغلق
قالها فادي ليقول شريف
انتو عايزين تعملوا قلق للعرسان ليه ! سيبوهم براحتهم
انا عايزه اطمن علي بنتي
قالها ناديه باقتضاب
جلست بجانبه وهتفت
انا اسفه عارفه اعذاري كترت بس دي اخر مره مش هجيب سيره سليم تاني
تمام ولا يهمك
قالها بجمود لتقول هي
يا حسام خلاص بقي مفروض اننا عرايس في الصباحيه مينفعش نزعل من بعض كده
والله قولي لنفسك
اقتربت منه هاتفه بدلال
مش هزعلك مني تاني ولا هقولك اي حاجه تضايق
هعمل كل حاجه انت عايزها بس بلاش تتعصب عليا تاني وتزعق فيا زي ما عملت من شويه
اقترب حسام منها هاتفآ بهمس
حاضر يا قلبي ..
تغفو في النوم بداخل احضانه وتخفي جسدها بالغطاء ..
استطاع القضاء علي خۏفها وجعلها تستسلم له ..
نظر الي ملامحها وعلي شفتيه ابتسامه منذ اول لقاء بينهما وهي شغلت عقله ..
لم يهتم بكلمات فادي عندما اخبره عن ماضي نيره فقط نظر الي نيره التي امامه لم يهتم بماضيها ذلك ...
في العياده الطبيه
خرجت ريم برفقه
زوجها وعينيها ممتلئه بالدموع والرؤيه مشوشه امامها كاد ان تسقط وهي تسير اسندها منير وهو يقول
حاسبي يا ريم
هتفت هي باكيه
انا مش هخلف ابدا يا منير ا
رتب عليها منير هاتقآ
هنروح لكذه دكتور اكيد في علاج
مفيش علاج يا منير مفيش انا واحده عقيمه عقيمه
قالت جملتها الاخيره باڼهيار
ضمتها ناديه الي احضانها بحب وهتفت
كده بردو يا نيره تقلقيني عليكي بالشكل ده
مش بتردي علي موبيلك ليه
اسفه يا طنط والله الموبيل من يوم الفرح صامت حتي معرفش هو فين
وانت يا استاذ حسام موبيلك مقفول ليه
قالها فادي ليجيبه هو
عريس بقي
ثم تابع وهو يقف بجانب فادي هاتفآ بهمس
عايزك في كلمتين
رحل كلاهما لتقول ناديه وهي تمسح علي شعرها برفق
انتي كويسه يا حبيبتي مبسوطه
ابتسمت نيره وهي تحرك راسها بالايجاب هاتفه
مبسوطه اوي يا طنط
اما عند فادي وحسام ..
هتف حسام اليه
الموضوع الي كلمتني فيه قبل الفرح متفتحهوش نهائي مع نيره حتي لو هي جات في يوم سالتك تقولها نفس كلام الي كنت بتقولها قبل كده انهم قالولك حازم بس الي عملها فاهمني يا فادي
ايوه فاهم بس هي من الاول متاكده ان مش حازم بس الي عملها
نيره اصلا مش عارفه الحقيقه فين شاكه بين حازم الي عملها لوحده
ولا كلهم سيبها كده احسن ما تعرف الحقيقه ونفسيتها تتدمر اكتر وانا بعد فتره كده هقنعها تروح لدكتور نفسي لانها محتاجه ده
محتاجه ليه هي من يوم ما عرفتك بقيت كويسه واتحسنت
اتحسنت اه لكن من جواها مليانه عقد كتير رفض ابوها ليها وانه رماها عند اخوه من صغرها وجه اخوك كمل عليها ورفض حبها كل ده خلاها تحس انها واحده مرفوضه محدش عايزاها علشان كده اول كلمه حلوه سمعتها من حازم جريت عليها دي عقده عندها من
زمان بس انتو محسيتهوش بيها
يا حبيبتي اهدي شويه انا هسفرك براه وهتتعالجي وتجيبي طفل واتنين وعشره كمان
قالها مراد وهو يضم ابنته الي احضانه ويرتب عليها ليقول منير
قولها يا عمو لاني غلبت معاها
الدكتور قال مفيش امل وانسي انك تخلفي في
يوم
قالتها وهي تبكي لتقول ميار زوجه امجد
انتي سمعتي الكلام ده من دكتور واحد بس لازم تلفي
وتروحي ل اكتر من دكتور ممكن يكون تشخيصه غلط
مش غلط يا ميار انا مبخلفش عقيمه
قالتها هي صاړخه ووالدتها تبكي بصمت علي حال ابنتها الحبيبه ومراد يرتب عليها يحنو ويحاول ان يواسيها وملامحه ممتلئه
بالحزن ..
هتف فادي الي سليم بالهاتف
لا اطمن نيره تمام ومبسوطه علي الاخر طلعها من دماغك وخليك في حياتك
انا غلطت لما طلقتها كان مفروض اسيبها غلي ذمتي واتجوز اشرقت صح
قالها سليم جملته تلك بتساؤل لقول فادي بعدما ضحك
لدرجادي انت اناني يا سليم !
نيرها من صغرها مش شايفه غيري ازاي يجي في يوم وتنساني كده وتحب غيري حازم كانت هتجوزه علشان تغيظني لكن حسام هي بتحبه وده مضايقني
همشي معاك لاخر قدامك اختيارين يا تكمل حياتك مع اشرقت يا مع نيره هتختار مين
اشرقت طبعا
قالها سليم بثقه ليقول فادي
يعني بتحب اشرقت وعايز نيره علشان بس تشوف نفسك وقد ايه انت مقطع السمكه وديلها ده انت انسان عجيب بجد
خلاص يا فادي انسي كل كلامي معاك عن نير
ما انا هنسي فعلا وانت كمان لازم تتسي لان نيره دلوقتي خلاص بقيت ملك حسام
وبعد مرور شهرين ...
تجلس علي الاريكه تشاهد التلفاز وتبتسم كل شئ في حياتها اصبح رائع وكل هذا بفضل حسام هو الذي جعل حياتها هكذا لولا وجوده لكانت في غرفتها تتحدث مع دفترها ...
وعندما شعرت بوضع المفتاح في باب الشقه ووصول حسام اخفضت صوت التلفاز ظهر امامها حسام هتفت هي بعصبيه
لسه بدري المره الجايه ابقي ادخلي البيت ساعه اتنين تلات نص الليل ماهي وكاله من غير بواب
ضحك وهو يجلس بجانبها هاتفآ
اسطوانه كل يوم حرام عليكي يا شيخه ده انا جاي الساعه تسعه يدوب خلصت الشغل وجيت عايزاني اجيلك بدري ايه اكتر من كده
يا حسام انا مبقتش اشوفك زي الاول طول الوقت في الشغل وبترجع تقعد
معايا شويه وتنام وتاني يوم السيناريو يتعاد تاني قبل كده لما كنا صحاب كنا بنتكلم كتير علي واتس حتي في فتره الخطوبه كنت بشوفك دايما
يا نيرو ڠصب عني والله انا الايام دي شايل الشغل كله لحد بابا ما يرجع من السفر ووقتها كل حاجه هترجع زي ما كانت قبل كده
ثم
متزعليش مني
ثل
حقك عليا
ابتسمت نيره وهي تقول
عندي ليك مفاجاه
ابتعد عنها ثم حرك راسه بتساؤل لتجيبه هي
روحنا انا وطنط عند دكتور النهارده علشان الدوخه الي كل شويه بتجيلي دي
وقالك ايه الأنيميا زي ما كنتي فاكره !!
حركت راسها بالنفي هاتفه
تؤ تؤ مطلعتش الأنيميا خالص
امال ايه
اقتربت منه وهتفت بهمس الي اذنيه
انا حامل
جلس بجانب ابنته هاتفآ
منير شاريكي يا ريم ومش عايز غيرك هو بنفسه قال ان الخلفه مش فارقه معاه
دلوقتي مش فارقه لكن بعدين هتفرق وانا مش هستني لما يتجوز عليا مش هستحمل اشوفه مع واحده غيري
قالت كلماتها بحزم ليقول مراد
يا حبيبتي مين قالك انه هيتجوز عليكي منير بيحبك ومستحيل يجرحك
تمسكت بيد والدها هاتفه برجاء
علشان خاطري خليه يطلقني ارجوك يا بابي
انهت جملتها تلك ثم بكت ضمھا مراد الي احضانه هاتفآ بقله حيله
حاضر يا ريم حاضر
كلما راي حاله ابنته الحبيبه تمزق قلبه من الالم .. ليته يستطيع ان يجعلها تصبح ام وحل مشكله العقم التي لديها ..
تمني لو كان بامكانه دفع اي مبلغ حتي تشفي ابنته ..
ولكن لاسف لا يمكن ..
منذ ان علم بخبر حملها وهو يشعر انه يمتلك سعاده العالم باكمله في يديه ..
وضع اذنيه علي باطنها هاتفآ
انا مش سامع اي حاجه ليه مش مفروض اسمع نبض بتاعه زي الافلام ولا ايه !!
ضحكت نيره وهي تقول
يمكن الصوت ضعيف علشان هو لسه صغنن استني يكبر شويه ويكمل شهرين ولا حاجه
مرر يديه علي باطنها وهو يقول
طيب هو كده حاسس ب ايدي ولا لا
مش عارفه بصراحه
وتساليه ليه ! انا مره الجايه رجلي علي رجلك عند الدكتور وهساله بنفسي وكمان اخليه يورهوني علي جهاز السونار واشوفه
اطلقت ضحكه وهي تقول
مش هتشوف حاجه يا حبيبي ده لسه مكملش شهر علي بعضه
حرك راسه بتفهم ثم قال
طيب ممكن بقي تسمعي كلامي ونشوف دكتور نفسي نروحه
زفرت بملل هاتفه
تاني هتعيد الموضوع ده انت شايفني مجنونه قدامك !!
لا يا روحي مش كل الي بيرحوا لدكاتره
يبقوا مجانين علشان خاطري يا نيره فكري في البيبي الي جاي لازم يتربي تربيه صح وعلشان ده يحصل لازم تتعالجي وتتخلصي من العقد الي جواكي دي
مفيش عقد جوايا انا نسيت كل حاجه عدت وبدات من جديد
تمسك بيديها وضغط عليها هاتفآ
نجرب طيب مش هنخسر حاجه احضري جلسه حتي ولو مرتاحتيش يبقي متروحيش تاني وانا مش هفتح الموضوع ده معاكي تاني نهائي ايه
رايك جلسه واحده بس يا نيرو
حاضر يا حسام حاضر
قال عبارته تلك بانفعال ليقول حسام
لالا انا مش عايز البيبي يطلع عصبي مش هيبقي هو ومامته عليا كده كتير عليا
لم تجيبه نيره بشئ وظلت تنظر امامها بجمود لا تريد فكره الطبيب النفسي ذلك هي اصبحت بخير لما حسام يصر عليها !!
خلاص بقي افردي وشك يا ستي جربي لو مرتاحتيش خلاص اهي تجربه وخلاص
حاضر هروح بس عايزه افهمك حاجه انا بقيت كويسه من يوم ما قابلتك حياتي كلها اتغيرت بسببك انا عمري ما كنت اتخيل اني هعيش اللحظه دي وهبقي ام بنسبالي كانت حاجه مستحيله مين ممكن يقبل
هنروح سوا لدكتور وتاخدي جلسه واحده ارتاحتي هتكملي مرتاحتيش خلاص متروحيش تاني اتفقنا يا حبيبتي
اتفقنا
ايوه كده شاطره
قال جملته تلك وهو يضمها الي احضانه ويطبع قبله علي فروه راسها ..
قامت نيره بالذهاب الي الطبيب النفسي حتي ترضي حسام ولكن بداخلها تقرر انها جلسه واحده ولم تذهب مره اخري ..
وعندما تحدثت مع الطبيب واخرجت كل شئ بداخلها .. اخبرت حسام انها ستذهب الجلسه الثانيه وتستمر في العلاج معه ..
شعرت بانها تحتاج لذلك العلاج النفسي حتي تستطيع تربيه طفلها القادم .. هكذا اخبرها الطبيب ..
مرت ايام وشهور واصبح نيره في شهورها الاخيره ..
وناديه دائما تذهب لها حتي تطمئن عليها ..
هتفت نيره بعدم تصديق
التؤام طلعوا بنتين يا حرام فادي قالي انه كان نفسه في ولد
لتقول ناديه
كل الي يجيبه ربنا كويس مفيش اسمها عايز ولد ولا عايز بنت
ايوه معاكي حق وهو طبعا زعلان
قالب وشه زي الجذمه القديمه من يوم ما عرف نوع الجنين
صمتت نيره وهي تضع كفه يديها علي باطنها المنتفخه سليم سيصبح لديه ثلاث فتيات
هتفت بداخلها
يارب بلاش تعاقبه في بناته انا مش عارفه اسامحه لا هو ولا فادي بس بلاش تخليه يشوف حاجه وحشه في بناته يارب
يفكر كثيرآ سيصبح اب لثلاث قتيات سيكون ابو البنات !!
يخشي ان يري عقابه في فتياته
لم يقف بجانب نيره واختار صف اخيه ..
ماذا لو حدث لاحد من فتياته شئ
كالذي حدث لنيره ! لم يتحمل ذلك سوف ېموت اذا حدث لهم مثلها
اخفي وجهه بين يديه وهو يتنهد بقله حيله هاتفآ
ياااارب
لما بحثت له ناديه عن عروس .. يتم رفضه بسبب ما حدث في ليله الزفاف مع مريم ..
هتف ضاحكآ
عيشي يا مريم حياتك وافرحي بس فرحتك مش هتدوم لسه في ذنب نيره متعلق في رقبتك ولازم ربنا هيخصله منك في يوم من الايام ..
تحمل ابنها بين ذراعيه وعلي شفتيها ابتسامه وبجانبها حسام يحاوطها يضمها اليه قائلا
شبهك خالص يا نيره
ابتسمت نيره وهي تمرر اناملها برفق علي بشره الصغير قائله
انا مش حلوه زيه كده شايف ملامحه جميله ازاي
قررتي تسميه ايه يا نيره
قالتها ناديه بتساؤل لتقول هي
هسميه شريف علي اسمك
يا شيخه اختاريله اسم حلو شريف ايه ده كمان
قالها شريف لتقول نيره
انا من اول ما عرفت نوع الجنين وانا اختارتله اسم شريف
ابسط يا عم
قالها فادي بمزاح ليقول شريف
يعني خلاص الاسامي اختفت مفيش غير اسم شريف اختاريله اسم حلو مش بتاع عواجيز
متحاولش معاها هي ناويه علي كده من بدري
قالها حسام لتقول نيره
انا بحبك وعايزه ابني يطلع زيك وشبهك ومش هغير راي مهما اتكلمت انا هسميه شريف
لمعت عين شريف وهو ينظر اليها بحب ..
لم تكن بنسباله ابنه اخيه فقط بل اعتبرها ابنته منذ اول يوم احضرها مراد له ..
دلف سليم وهو يحمل باقه الازهار علي ذراعيه هاتفآ
حمدالله علي سلامتك يا نيره
قال جملته الاخيره ثم اقترب منها ووضع باقه الورد بجانبها نظر الي الصغير الذي بين ذراعيها ثم قال
ممكن اشيله
اومات راسها بالايجاب وناولته اياه حمله سليم ثم هتف
بسم الله
ابتسم وهو يتامل ملامح الصغير قائلا
ده شبهك اوي
مامته بقي لازم يطلع شبها امال هيطلع شبه الجيران
قالها حسام باقتضاب تجاهل سليم كلماته تلك ثم هتف
اختارتي اسم ولا لسه !
لتقول هي
لا اختارت همسيه شريف
رحل الجميع ولم يتبقي في غرفه المشفي سؤي فادي وحسام ..
يحمل فادي الصغير وينظر له بحب ..
لم يحمل الصغيره تالا عندما انجبها سليم لم يهتم بوجودها من الاساس اما ذلك الطفل يشعر بسعاده كبيره وهو يراه امامه ..
لاحظ حسام ان نيره من حين الي اخر تنظر الي باقه الورد الي احضرها سليم ..
نهض من مكانه ثم تناول باقه الورد وقام بالقاءها سله
القمامه هتفت نيره
ليه كده يا حسام حرام عليك الورد كان شكله حلو وعاجبني
الورد ولا صاحب الورد !
قال جملته بسخريه لتقول نيره
سليم دلوقتي بنسبالي ابن عمي وبس بلاش هبل
ماهو واضح ده انتي عينك منزلتش من علي الورد بالله عليكي يا نيره اسكتي
شايف يا فادي بيدور علي اي خناق ازاي
قالتها نيره ليقول حسام
لا ادور ولا بتاع انا ماشي خالص وسايبهالك
نهض فادي من مكانه ومنع حسام من الرحيل قائلا
هتسيب مراتك وابنك ورايح فين كل ده علشان بوكيه ورد !!
وضع الصغير بجانب نيره ثم تناول باقه الورد من سلسه القمامه هاتفآ
انا هاخد ام البوكيه اۏلع فيه وخلصنا
علي كده مش مستاهله الخناق ده كله
لالا متولعش فيه لحسن نيره تزعل
قالها حسام ساخرآ
ضغك نيره علي شفتيها هاتفه ببرود
لا ۏلع فيه انا بقولك ۏلع فيه
والله عيب عمايلكم دي بجد
انا رايح ابلغ بابا وماما ان نيره ولدت لانهم نبهوا عليا قبل ما يسافروا المصيف ان اول ما تولد اعرفهم
قالها حسام ورحل لتزفر نيره بقوه هتف فادي
معلش بس هو غيران عليكي وكمان سليم بيستهبل بوكيه ورد ايه الي داخل بيه !!!
بس شكله حلو بجد
قالتها وهي تبتسم ليقول فادي
لميها يا نيره بدل ما تتطلقي في يومك ده
انت كمان هتعملي زي حسام !!! ايه يا فادي متنساش ان سليم ابن عمي
سامحتيني انا وسليم يا نيره ولا لا بس جاوبي بصراحه
ضغط نيره علي يديها هاتفه بتوتر
بحاول يا فادي وبذات معاك انت بحاول اسامحك
بس مش عارفه انا مش زعلانه منك ونسيت كل
حاجه بس مش عارفه اسامح الدكتور الي بتعالج عنده قالي مع الوقت هتلاقي نفسك سامحتي
ابتسم فادي بالم وهو يقول
معاكي حق متقدريش تسامحيني الي حصلك بسببي مش سهل
سليم ميهمنيش اني اسامحه قدك انت لانك السبب في وجود حسام في حياتي سيب كل حاجه لوقتها واكيد هيجي يوم واسامحك
وسامحي سليم ده
هيبقي عنده تلات بنات
يارب ما يشوف فيهم اي حاجه وحشه ابدا انا اه دعيت علي بنته بس كان ڠصب عني ولحد دلوقتي ندمانه وبدعي ربنا يسامحني مهما كان الي حصل انتو اهلي الي اتربيت وسطهم ومش هفرح لما حد فيكم يتاذي ولا تحصله اي حاجه
قرا علي شبكه التواصل الاجتماعي منشور من شريف يكتب به ان اصبح لديه فرد جديد في عائلته وهو شريف حسام الدين ..
هتف مراد بضيق
بقي انتي تخلفي وبنتي يطلع عندهم عقم !! طب ليه مطلعش العقم عندك انتي وبنتي لا !!
ليه ريم قلبها يتكسر وانتي تفرحي !!
تابع وهو يبتسم بسخريه
وكمان سميتي شريف !!!
وبعدين معاك انا واحده لسه والده ومش حمل خناق قولتلك الورد فادي خده رماه في ايه تاني
قالتها نيره بملل ليقول حسام
ولا اي حاجه خالص ايه رايك نسمي البيبي سليم !
يالهوووووووووووووي
قالتها وهي ټضرب وجهها بخفه ليقول حسام
لا بجد لو عايزه انا معنديش مانع
ياريته كنت اتشليت قبل ما احكيلك اني كنت بحبه في يوم يا حبيبي سليم بنسبالي ابن عمي وبس زي فادي كده بلاش عقلك يبقي صغير كده
نظر لها بضيق لتقول هي
افرد وشك ده خلاص ليك عليا بعد كده لو شوفت سليم وقالي ازيك ولا اي كلمه هشتمه مبسوط كده
اه اشتميه انا عايزك تشتميه كل ما تشوفي وشه
حاضر حاجه تاني
حرك راسه بالنفي ثم اخرج من سترته سلسله ذهبيه ومعلق بها اسمها بالحروف الانجليزيه قائلا
ايه رايك في دي !
تناولتها منه وهي تهتف بسعاده
تحفه يا حسام
هاتي طيب البسهالك
ناولته اياها وبالفعل قام بوضعها حول عنقها ونيره تبعث بااحرف اسمها هاتفه
ربنا ميحرمنيش منك
حاوطها بين ذراعيه ثم ضمھا الي صدره قائلا
ولا منك يا روحي
هتفت نيره
سليم ايه الي انت متخيل انه ممكن يكون لسه بحبه دي كانت فتره مراهقه خلصت خلاص
ولما حبيتك اكشتفت ان مشاعري لسليم مكنتش مشاعر حب كانت مجرد تعود مش اكتر
معاك عرفت يعني
ابتسم حسام ثم قال بضيق مزيف
لا دلوقتي خلاص شريف هيشاركني في قلبك
حبي ليك هيبقي زي ماهو مش هيقل
طيب قوليلي السلسله بتاعتي احلي ولا بوكيه الورد بتاع سليم
قالها حسام بتساؤل
اغمضت عينيها ضاحكه بصمت ثم حركت راسها وهي تخفي وجهها في احضانه ابتسم هو الاخر ثم قام بضم نيره اليه اكثر وهتف بهمس اليها
بحبك
تمت بحمدالله
الخاتمه
اليوم حفل زواج مريم
الجميع حضر الحفل حتي فادي ..
تحمل
نيره صغيرها علي ذراعيها وبجانبها زوجها ..
الذي يقول
هو فادي مصمم يهين نفسه ليه ازاي يحضر فرح طليقته !!
عادي يا روحي احنا عيله فيري جدااا
انتو عيله عجيبه مش فيري
فادي ازيك
قالتها فتاه وهي تجلس بجانبه ليقول هو بدهشه
ريهام !!
هتفت هي ضاحكه
تخيل
صافحها بحراره وهو يبتسم قائلا
فينك اختفيتي وقطعتي كل حاجه تقدر توصلني ليكي
لا متقولش هو انت حاولت توصلي
قالتها بسعاده واضحه
يعني كنت عايز اطمن عليكي بس
اختفت سعادتها تلك وهتفت
اول ما شوفتك مقدرتش امنع نفسي اني
اجي اسلم عليك معلش بقي شكل العمل الي عملتهولي متفكش
قالت جملتها الاخيره وهي تضحك بحزن ..
كان بينهما فتره ارتباط كبيره منذ العديد من الاعوام من قبل حاډثه نيره تلك ..
تعلقت بيه ريهام كثيرآ ووقعت في حبه وعندما مل هو وبحث عن غيرها ظلت ريهام تتطارده وتطلب منه ان يعود لها ولكنه رفض وظل يخبر جميع رفاقه انه قام بعمل عمل لها جعلها متعلقه بيه لهذه الدرجه ويضحك ساخرآ ..
صحيح ايه الي حصل في ليله فرحك ده مصدقش ابدا انك مريض بشكل ده
العروسه الي هناك قالت كده
قالها وهو يشير
براسه ناحيه مريم لتقول مريم
ليه تفتري عليك بطريقه دي حرام عليها بجد
ابتسم فادي وهو يهتف
لسه طيبه زي ما انتي يا ريهام
انا عاشرتك فتره كبيره وفهماك كويس متنساش اننا قضينا تلات سنين مع بعض وحفظاك اكتر من نفسك
وبتحبيني اكتر من نفسك بردو
ازاحت خصلات شعرها خلف اذنيها وهي تقول بتوتر
ده كان زمان لما كنت صغيره دلوقتي كبرت وعقلت وفهمت ان مفيش حاجه اسمها حب
علشان كده متجوزتيش لحد لوقتي ! لسه چرحي ليكي واجعك بعد المده دي كلها
قالها وهو ينظر ليديها الخاليه من اي خواتم لتقول هي
كسرتني يا فادي هونت عليك تفتح المايك لصحابك وتسمعهم صوتي وانا بعيط وبطلب منك ترجعلي !
فاكر انا بعتلك من كام اكونت فيس وكل مره اقولك انا ريهام تعملي بلوك حتي مش بتستني تشوف كلامي
لمعت عينيها بالدموع وهي تتذكر ما فعله بها ليقول فادي
كنت عيل يا ريهام عيل غبي بيلعب بمشاعر بنات الناس
يلا ولا يهمك ومبسوطه اوي اني شوفتك النهارده عن اذنك صحابي مستنيني
طيب هوصلك تاني ازاي!
ضحكت وهي تقول
تاني يا فادي !!!!
لا المره دي في الحلال
يجلس في الجنينه ويفكر في كل شئ فعله ..
مقابلته لعلا والده نيره واعجابه بها .. قراره ان يتزوجها بشرط ان لا تنجب .. حرصه بوضع القرص لها كل يوم .. معرفته بخير حمل علا ورفضها ان تجهض الجنين ولاده نيره ...
معرفه مني بخبر زواجه وطلب الطلاق ...
طلاقه لعلا حتي يرضي مني ولا تهاجره ..
مۏت علا وترك نيره له ..
واخيرآ وضع نيره عند اخيه ونسيانها ..
كل شئ يتذكره يوميآ مرارآ وتكررآ .. والذكريات تطارده ..
انتبه من شروده علي صوت ريم وهي تقول
انا خارجه عايز حاجه
بلبس ده
مالو شيك وجميل
صاح مراد
يوووه موال كل يوم
نهض والدها من مكانه وهو يقول
مالك يا ريم بقيتي كده ليه كل يوم خروج وسهر وماشيه مع شله مش بتاعتك بترجعك كل يوم سكرانه
امال عايزني اعمل ايه اقعد جمبك واندب حظي سيبني في حالي يا بابا واعتبرني مش موجوده انسي ان ليك بنت اصلا
قالتها ورحلت من امامه .. منذ ان تطلقت من منير وهذا حالها ..
لا يستطيع التحدث معها..
تنهد وهو يجلس بحسره واضحه ونيره ظهرت في عقله ..
ولا يفهم لما نيره تطارده هكذا !!!
نهض حسام وتحدث بالهاتف وعندما وجد سليم الطاوله فارغه نهض هو واقترب من نيره قائلا
هو احنا مش المفروض ولاد عم !! علي اقل يبقي في سلام ما بينا
ابتسمت له باحراج هاتفه
معلش شريف مش مخليني عارفه اتحرك من مكاني
نظر الي الصغير الذي يبلغ من العمر عدده اشهر
هاخده
لواحد من بناتي التوام تالا كبيره عليه مش هتنفع
ابتسمت نيره وهي تهتف
ناوي توجع قلب بنتك بايدك ولا ايه انا مش ضامنه ابني لما يكبر مشاعره هتكون لمين
لما يكبر مشاعره هتكبر معاه وهتتغير ڠصب عنه هيلاقي نفسه عايز واحده تانيه ومش شايف غيرها وده الي حصل معايا مشاعري اتحركت لاشرقت
في ايه يا سليم جاي
تعيد في الي فات ليه
الي فات كله تاعبني يا نيره خاېف الي عملته فيكي يحصل في بناتي علقتك بيا من صغرك وبعدين حبيت غيرك ظلمتك وقت الحاډثه بتاعتك ووقفت في صف فادي جرحتك بالكلام كتير بس انا كنت بتجنن لما بشوفك مع اي حد شايف انك بتاعتي ملكي تتعلقي في رقبتي وعينك متبقاش شايفه حد غيري حتي لو انا مش شايفك مش هكدب عليكي واقول اني كنت بكون غيران لا انا قلبي مع اشرقت
انا فاهماك يا سليم انت اتعودت اني بجري وراك ومش متخيل ازاي انت تتنسي كده ويبقي ملكش اي قيمه في حياتي ..
علي فكره انا اكتشفت اني مكنتش بحبك ولا حاجه كان مجرد تعود علي وجودك وانك لازم تتجوزني علشان انت فهمتني كده لما تكبري هتجوزك متتعبش نفسك وانسي الي فات زي ما انا نسيته
في ايه يا حسام من بعد ما خلصت مكالمه في الفرح وانت مقلوب كده
قالتها نيره بانفعال ليقول هو
انتي مش هتروحي اي مناسبه تاني فيها قرايبك
نعم ليه ان شالله
لانك مش عامله اي احترام للطرطور الي متجوزاه وشغاله تتسهوكي مع ابن عمك ايه لسه بتحبيه خلاص مش قادره تنسيه
قال جملته بعصبيه لتقول هي بملل
اه خڼاقه كل مره بسبب سليم لا انا فاصله وعايزه انام ومليش خلق للخناق نكمل بكره يا روحي
قالتها وذهبت من امامه وهو يشتغل من الغيظ كانت تبتسم له .. تحدثت
معه مده طويله .. كل هذا يضايقه كثييرآ
انت بتعمل ايه !!
اجابها ببساطه
نعم !!!
صحابي كانوا عايزين يشوفوكي يا مريومه
ظلت
تقلب في الهاتف پصدمه وعدم استيعاب كيف زوجها يفعل بها شئ كهذا ..
هي زوجته عرضه وشرفه .. تحمل اسمه ..
صړخت به في اڼهيار واضح
انت مريض مچنون مش طبييعي
برغم انه تحدث معها وافصحي عما داخله الي نيره ولكنه يشعر انه يحمل حمول العالم باكملها فوق راسه ..
يخشي المستقبل وان يصيب فتياته اي شئ ..
نيره الي الان لم تستطيع ان تغفر له هو وفادي ..
وهذا يقلقه كثيرآ ...
وفي صباح اليوم التالي
استيقظت من نومها علي صوت حسام وهو يقول
نيره قومي فادي براه عايزك
فتحت عينيها وهي تقول باستغراب
فادي ما احنا لسه كنا مع بعض امبارح !!!
نهضت من نومها ثم اتجهت الي دورة المياه حتي تقوم بغسل وجهها وتبديل ثياب النوم ...
وانت جاي
بدري كده علشان تقولي ان حازم اتصل بيك !!
حرك فادي راسه بالايجاب وهو يقول
رنيت عليكي مردتيش مقدرتش استني لحد ما تصحي
هو قالك ايه اصلا !!
كلام ملهوش لازمه بس قال حاجه هتفرحك
نظرت له بتساؤل ليقول هو
حازم عمل حاډثه من كام سنه واټشل
منه لله اخوك دمر اختي وميل بختها
قالتها اشرقت الي سليم بعدما اخبرتها والدتها علي ما فعله زوجها به ليقول سليم
وفادي مالو المره دي
خلصت من الساډي وقعت في واحد معندهوش رجوله
هتف سليم بداخله
والله شكله العيب هيطلع من اختك في الاخر
تبكي بداخل احضان والدتها التي ترتب عليها بحزن علي حال ابنتها تلك ..لتقول مريم باكيه
جوزها طلع كده يا ساتر يارب
قالها فادي بعدم تصديق لتقول والدته
ده علي اساس انك كنت عدل اووي ما انت ومفيش واحده راضيه تقبل بيك
يا ماما قولتلك اتعالجت انسي بقي الحوار ده
الناس مش ناسيه كل ما اشوفلك عروسه بترفضك
ودي كمان اتحلت خلاص انا لقيت عروسه جدعه وبنت حلال وبتحبني اوي فوق مما تتصوري
تلهو مع الصغير وتضحك منذ ان اخبرها فادي ان خازم فقد قدرته علي المشي وهي تشعر بالسعاده ...
وحسام يصوب عينيه علي التلفاز متجاهلها تمامآ ..
انت هتفضل زعلان كده كتير
وازعل ليه ! اتكلمي مع سليم واتسهوكي معاه براحتك
قالها بجمود لتقول نيره
يعني واحد جاي يكلمني اقوله ايه ! سليم تعبان
يا اختي اسم الله عليه مالو بسلامته عنده ايه
قالها بجديه ممزوجه بالسخريه الواضحه لتهتف هي
بلاس تريقه وبرود
سليم تعبان بسببي حاسس بذنب من ناحيتي خاېف كل الي عمله فيا يتردله في بناته .. واصلا هو قالهالي من الاخر امبارح ان مشاعره ڠصب عنه اتغيرت لما كبر وراحت لاشرقت يعني هو مش بيحبني ولا حاجه علشان تغير منه ..
يا حلاوه وكمان اتكلمتوا في الحب
الكلام جاب بعضه وخلاص يا حسام متكبرش الموضوع مش هكلمه تاني
شوفي نفسك عملتي ايه لما زعلت علي ريم علشان طلعت مبتخلفش واطلقت
ايوه تزعل عليها ليه وتتاثر ومسكينه ده انت كان ناقص شويه وتقوم تروحلها
زعلت عليها لاننا متربين سوا وعارف قد ايه هي بتحب الاطفال ولان المړض مفهوش شماته انتي كان ممكن جدا تطلعي زيها مش بتخلفي
انا مش شمتانه بس هما كلهم بهدلوني
مهما كان هي
مهما كان ايه ! اختي يا شيخ ده انا زمان كنت ببعتلها هي واخوها اد علي الفيس مفكروش يقبلوا حتي ولا يلغوا سابو متعلق كده متقوليش بلاش تشتمتي لا انا شمتانه فيها وشمتانه في بابا وانا شايفه مكسور كده وقلبه واجعه علي بنته
هو انتي مش عايزه تسامحي ابدا
عمري ما هسامح حد منهم عارف سليم او فادي ممكن يجي يوم واسامحهم لكن بابا واخواتي مش هسامحهم ابدا
تنهد حسام وهو
يقول
الي يريحك يا نيره
ثم تابع بتحذير
بس بردو متتكلميش مع سليم تاني يا ستي انا بغير عليكي منه قدري مشاعري
حاضر يا حسام مش هكلمه تاني
اما نشوف
اسندت راسها علي كتفه وهي تقول
هقولهالك للمره المليون انا مفيش حد في قلبي غيرك ومش شايفه غيرك
تمت ...
