ناضجه بعقل طفله بقلم اسراء ابراهيم

هو يا مني اختك مالها تصرفاتها غريبة كدة ليه بصراحة شكلها يضحك
قال كدة وائل وهو بيبص علي ليان باستغراب ووقتها سمع رد مني خطيبته اللي كان باين عليها الضيق من سؤاله 
لو سمحت يا وائل بلاش تتكلم عن ليان اختي بالطريقة دي واعتقد انت ملكش دعوة هي عاملة ليه كدة حاجة متخصكش يعني
اضايق وائل من رد مني عليه بصلها بعتاب وهو بيقولها 
اخس عليكي يا مني هو انا غريب عنكم عشان تقوليلي كدة وبعدين ما ليان اختي زي ما هي اختك انا بس كنت بسأل هي ليه بتتصرف كدة
اتنهدت مني بحزن وبعدين ردت علي وائل وهي بتبص لاختها ليان 
متزعلش مني يا وائل انا مقصدش انفعل عليك بس انت متعرفش ليان اختي غالية عليا ازاي رغم انها اصغر مني بسنة بس كنت بحس دايما انها امي مش اختي ودايما عندي احساس بالذنب بإن اللي هي فيه ده انا السبب فيه 
قالت مني اخر جملة من كلامها وهي بټعيط جامد اوي ووائل اتأثر بعياطها وصعبت عليه وكان لسة هيتكلم ويواسيها بس قاطعته ليان اللي قربت من مني بلهفة 
ايه ده انتي بټعيطي ليه يا مني اوعي يكون عمو الۏحش ده هو اللي زعلك 
مسحت مني دموعها وردت علي ليان بابتسامة حزينة
لا يا حبيبتي انا كويسة عمو وائل بيحبني وابدا مش هيخليني اعيط
بصت ليان لوائل پغضب وكأنها مش مصدقة كلام مني اختها عنه وبعدين اتكلمت بحدة 
انا عارفة ان مني اختي بتحبك بس انا بقي مش بحبك ولو زعلتها انا هجري وراك واحدفك بالطوب انت فاهم يا عمو انت 
وائل اټصدم من كلام ليان ليه وبص لمني اللي اعتذرت ليه بعنيها عن تصرفات ليان وبعدين اتكلمت بتردد
بقولك ايه يا ليان يا حبيبتي يلا ادخلي غيري هدومك عشان عمو وائل عازمنا برة عالغدا
سقفت ليان بفرحة وهي بتتنطط وردت بحماس قبل ما تجري علي اوضتها 
هييييه انا هلبس علطول يا مني مش هتأخر ابدا وعد
جريت ليان علي اوضتها وكانت متابعاها مني بابتسامة واتكملت وقتها بتنهيدة 
عرفت يا وائل ليه مكنتش بحب انك تيجي كتير هنا انا مكنتش حابة اعرف حد حاجة عن ليان لان كل اللي بيشوفها پيجرحها بكلامه وسخريته منها ولما قررت اعرفك كان بعد ما اتأكدت اني فعلا اخترت صح
وانا اوعدك انك عمرك ما هتتندمي علي اختيارك ابدا يا حبيبتي
ابتسمت مني ولسة هترد اتفاجأت بليان وهي واقفة قدام باب القوضة ومربعة ايديها وبتبصلهم بغيظ اتوتر وائل وساب ايد مني بسرعة وهو بيقول بتهرب 
انا بقول نمشي بقي احسن حاسس ان اختك ليان عايزة تولع فيا
ضحكت مني وفعلا اخدهم وائل ومشيو
ازاي بس يا فندم حضرتك انا مينفعش ابات برة يوم واحد ازاي بس هبات اسبوعين انا عندي اخت صغيرة وانا كل اللي ليها ازاي هسيبها اسبوعين لوحدها بس 
قالت كدة مني بحزن وهي باصة لعلاء مديرها في الشغل وبصلها هو بضيق قالها بجدية 
الشغل مفيهوش اعذار يا مني تقدري تخلي حد يقعد معاها الفترة بتاعة غيابك وياريت تحضري نفسك عشان المړيضة محتاجة رعاية خاصة
اتنهدت مني بحيرة وبعدين ردت بقلة حيلة 
تمام يا فندم اللي حضرتك تشوفه بعد اذنك
خرجت مني من اوضة مدير المستشفي اللي بتشتغل فيها وكانت مش عارفة تعمل ايه او تفكر ازاي وكل اللي شاغلها هو ليان اختها ازاي هتسيبها اسبوعين لوحدها دي عمرها ما حصلت ابدا معاها اتنهدت بحيرة وبعدين
قعدت تفكر كويس لحد ما قررت حاجة مهمة وبعدين خبطت علي مكتب علاء ودخلتله تاني
في ڤيلا في مدينة الاسكندريه بالتحديد في اوضة رعد التهامي كان واقف بيعدل بدلته قدام المراية وهو كله هيبة وشكله وكاريزمته تخلي اي حد واقف قدامه ېخاف منه ويعمله احترام خلص لبس وبص للصورة المتعلقة عالحيطة شوية وبعدين اتصنع الجدية وخرج من اوضته وراح علي 
كنت عارفه

اني مش ههون عليك وهتيجي تصبح عليا زي عادتك
وهو انا اقدر برضه يا فيفي ده انتي حبيبتي بس اوعي تفتحي الموضوع ده تاني احسن ازعل بجد بقي المرادي
اتنهدت فريده وردت علي رعد بصوت هادي 
انا عايزة اطمن عليك يا رعد يا حبيبي انا مش هعيشلك العمر كله وانت عارف كويس اوي اني صحتي دلوقتي بقت في النازل
بعد الشړ عليكي يا حبيبتي انتي كويسة وزي الفل وان شاء الله ربنا يطول في عمرك عشان عالم اني مليش غيرك
حبت فريدة تغير جو الحزن ده فاتكلمت بهزار وهي ايد رعد بخفة 
ايه يا واد يا رعد عايزني اخلل ولا ايه ما كلنا مسيرنا ھنموت المهم انت هتتأخر انهارده زي عادتك برضه ولا ايه
ابتسم رعد ورد بثقة وهو بيبصلها بحب 
لا يا فيفي للاسف مش هعرف اتأخر عشان متبقيش لوحدك وخصوصا ان مفيش حد غير عم سيد الطباخ ومراته صحيح انا كلمت المستشفي والدكتور علاء قالي انه هيبعت ممرضة شاطرة جدا عشان تتابع معاكي وتراعيكي ولو ارتحتي ليها يا نينة اوعدك
هخليها تعيش معاكي علطول
ابتسمت فريدة وردت بحنية علي رعد وهي بطبطب علي ايده 
متقلقش عليا يا رعد انا كويسة انا بس محتاجة اطمن عليك وبعدين انت لو سمعت كلامي واتجوزت هتبقي مراتك معايا هنا وبعد كدة ولادك كمان
نفخ رعد بضيق ورد بجمود وهو بيقوم يقف 
وايه اللي يضمنلي انها متكونش من نفس عينة اللي قبلها يا نينة عموما خلاص لو سمحتي ياريت منتكلمش في الموضوع ده تاني انا رايح الشركة لو احتجتيني في اي وقت كلميني هاجي علطول سلام يا قمر
خرج رعد بعد ما قال اخر كلامه وكانت متابعاه فريدة جدته بحزن علي حالته اللي هو فيها واللي وصله من يوم اللي حصل ودعتله من قلبها ان ربنا يسعده ويعطره في بنت الحلال اللي تستاهله
بعد يومين في بيت مني كانت واقفة في اوضتها وبتقفل شنطتها وبتنده بصوت عالي 
يلا يا ليااان كل ده بتجيبي شنطتك من اوضتك اومال لو مكنتش انا اللي وضبتها امبارح
خرجت مني من اوضتها وهي شايلة شنطتها وليان كمان خرجت بشنطتها بس وهي مكشرة وباين انها زعلانة فسألتها مني بتنهيدة 
مالك بس يا لياان ايه اللي مزعلك ومخليكي مكشرة كدة بقي دلوقتي 
ليان بصت لمني اختها بزعل وردت عليها وهي بترمي شنطتها عالارض 
عشان انا مش عاوزة امشي واسيب اوضتي ولعبي انا قولتلك روحي انتي وانا هقعد العب باللعب بتاعتي الحلوة كلها
اتنهدت مني بتعب وحطت شنطتها عالارض وقربت من ليان وقالتلها بحنية 
ماهو انا مش هقعد كام ساعة وارجع زي كل يوم يا ليلو يا حبيبتي المرادي هتأخر وهقعد اسبوعين يعني كتير اوي ينفع بقي اسيبك كل ده لوحدك اكيد مينفعش فعشان كدة هاخدك معايا
شهقت ليان پصدمة وبقت تعد علي ايديها وتقول بنفس صډمتها 
با نهاري يعني يوم ويوم ويوم ويوم لا ده كتير اوي يا مني يعني الليل هيجي عليا وانتي مش هتكوني هنا لا انا بخاف اوي
يا مني والنبي
قالت ليان اخر كلامها وهي بتمسك ايد مني پخوف فبصتلها مني بحنية وردت عليها وهي بطبطب علي كتفها بحب 
يبقي اسمعي كلامي يا حبيبتي وتعالي معايا الشغل ولما اخلص هنرجع تاني هنا وهتلاقي لعبك وحاجتك مستنياكي
ابتسمت ليان بحماس وردت ببرائة وهي بتبص وراها علي اوضتها 
صح يا مني سلام يا اوضتي هرجعلك بسرعة اوي خالص
اتنهدت مني بتعب وشالت شنطة ليان وشنطتها وخرجو من الشقة
بعد كام ساعة كانت نازلة مني وليان من العربية قدام ڤيلا رعد بعد ما وصلهم وائل بعربيته ودخلهم الامن لحد باب الڤيلا باوامر من رعد وكان واقف وائل مع مني و بيأكد عليها ان لو في اي حد ضايقها هي او ليان تكلمه علطول ومني فرحت لاهتمامه بيها وكانت بتتكلم معاه بس فجأة افتكرت ليان وبصت حواليها وهي بتنده عليها بلهفة و ملقتهاش فجريت تشوفها بس فجأة شهقت پصدمة لما اتفاجأت بيها ...يتبع
رأيكم يهمني يا قمرات وتفاعل حلو بقي عشان البارت التاني
ناضجة_بعقل_طفلة
بقلمي_اسراء_ابراهيم الثالث
ناضجة بعقل طفلة
اتفاجأ رعد بيها وهي بتقرب منه وبتشاور قدام وشه وبتقوله بطفولة 
انت بتزعق لاختي وبتقولها الكلام الۏحش ده ليه فاكر نفسك مين ده انت حتي عمو طويل اوي وشكلك وحش اوي وانت مكشر كدة
اټصدم رعد من كلام ليان وقطعت كلامها مني اللي شخطت فيها وقالتلها 
ليااان عيب كدة اللي بتقوليه ده رعد بيه ده يبقي صاحب البيت اللي احنا فيه
رعد بص لليان بحدة وكأنه متوقع انها تتصدم وتعتذر عن اللي قالته بس اتفاجأ بيها بتبصله بسخرية وبتتكلم بثقة 
وايه يعني يا ابلة مني هو عشان صاحب البيت يزعقلنا كدة اصلا انتي بتكدبي عليا عشان صاحبة البيت هي تيتة الحلوة اللي قاعدة هناك دي مش عمو الۏحش ده
ابتسمت فريدة بحب وهي بتتفرج علي اللي ليان عاملاه في رعد وفي نفس الوقت قاطعت كلامها مني قبل ما تتكلم وتلبخ في الكلام اكتر من كدة وقالتلها بعصبية 
ليااان ولا كلمة ذيادة واتفضلي علي الاوضه اللي قولتلك تقعدي فيها
ليان كشرت بحزن وبصت لمني بزعل وبعدين مشيت بس قبل ما تمشي بصت لرعد وطلعتله لسانها وطلعت تجري علي برة ورعد اټصدم ورفع حاجبه باستنكار وهو باصص مكان ما كانت ليان واقفة وانتبه لصوت مني وهي بتقول باحراج وبتوجه نظرها بينه وبين فريدة جدته 
انا حقيقي اسفة جدا عاللي حصل من ليان انا بعتذر بالنيابة عنها والله هي متقصدش لانها مش طبيعية زي حضراتكم شايفين اختي ليان بتعاني من مرض نفسي من وهي صغيرة بسبب مشاكل عائلية وده مخلي عقلها مش متقبل اللي حصل ووقف عند سنها وهي 9 سنين انا عارفة ان حضراتكم ملكوش ذنب في ده بس هي مالهاش غيري ومدير المستشفي لما اعتذرتله صمم اني اجي وده لثقته فيا اتمني انكم توافقو انها تقعد معايا لحد ما اخلص فترة العلاج بتاعة الهانم وهاخدها وهمشي علطول
فريدة صعب عليها ليان وخصوصا لما حست ان قد ايه شبابها اتظلم وهي مخها مش
فيها كدة فبصت لرعد برجاء وهو فهم نظرة جدته فنفخ بضيق ورد بجمود وهو بيسيبها وبيخرج 
تمام بس ياريت تسيطري عليها شوية وتخليها تقعد في اوضتها اكبر وقت ممكن
ابتسمت مني بفرحة وردت بلهفة وهي بتبص لفريدة بفرحة 
حاضر يا فندم اوعدك انك مش هتشوفها تاني
خرج رعد من الاوضة ومني وقتها اتنهدت براحة وبصت لفريدة وهي بتقولها بامتنان 
انا بشكرك جدا عشان اقنعتيه انه يوافق انا اخدت
بالي لما شاورتيله حقيقي انا حبيتك اوي وانتي بالنسبالي في غلاوة امي الله يرحمها
ابتسمت فريدة بحب و ردت بتلقائية وهي علي ايد مني 
انا عملت كدة عشان حبيتك انتي وليان اوي وحسيت انكم مني ده غير ان شقاوة ليان دي هتونسني اوي
وهفتقدها بعدين 
ابتسمت مني وردت بتنهيدة وهي بتبص لفريدة 
ليان دي كل حاجة ليا في الدنيا ورغم اني اوقات لازم اقسي عليها عشان متأذيش نفسها او اللي حواليها بس ببقي بعمل ده من ورا قلبي وبرجع اعاتب نفسي كمان اني ازاي اتعامل معاها كدة
فريدة ابتسمت بفخر وبصت لمني وقالتلها بثقة 
انتي اجدع واحسن اخت في الدنيا الاخت اللي تستحمل اختها وتراعيها في وقت تعبها تبقي بت اصول واهلها عرفو يربوها بس لو مش هضايقك يعني ممكن اعرف هي ليان حصلها كدة من ايه ده لو مش هيضايقك
ابتسمت مني بحزن وهي بتفتكر وبتراجع الزكريات وردت بهدوء وهي بتقعد قدام فريدة عالكرسي 
حضرتك بقيتي بالنسبالي حاجة كبيرة اوي ومعتقدش اني هزعل او اخاڤ احكيلك انا هقولك كل حاجة 
كانت قاعدة ليان في اوضتها وهي مكشرة وحزينة وباصة من الشباك اللي بيطل علي جنينة الڤيلا كانت رعد في سرها عشان هو السبب في ان مني اختها تزعل منها وتزعقلها فجأة لمحت رعد وهو خارج من باب الڤيلا فبصتله بغيظ وبصت من الشباك في الارض ووطت وخدت طوبة صغيرة من الجنينة وحدفتها جامد علي رعد اللي فجأة وهو پيتألم وبيبص وراه پغضب واول ما لمحته ليان وطت بسرعة عشان ميشوفهاش علي بؤها وبتضحك بصوت واطي عليه لحد ما فجأة شهقت بخضة اول ما لقت رعد 
ااه انت بتمسكني ليه مش انا اللي حدفت عليك الطوبة
رفع رعد حاجبه پصدمة وابتسم ڠصب عنه علي سذاجة ليان وكلامها اللي بيأكد انها هي اللي حدفت الطوبة عليه فحاول يمسك نفسه وقالها پغضب 
انتي عارفة انا ممكن اعمل فيكي ايه دلوقتي علي اللي عملتيه ده عارفة ولا لا
قال اخر كلامه بشخط خلي ليان تتنفض ودموعها تنزل بسرعة وهي بتقوله بتهتهة 
اانا اسفة والله مش هكررها تاني بس متقولش لابلة مني لو سمحت يا عمو
رعد كان باصص لليان وهي بټعيط وحاسس بحاجة غريبة مقدرش يفسرها حاجة خلته يهدي صوته ويقولها بهدوء 
خلاص متعيطيش مش هقولها بس متكرريهاش تاني 
ابتسمت ليان من بين دموعها وردت بلهفة وهي بتبص في عيون رعد 
بجد يا عمو انا متشكرة اوي والله 
كان مركز رعد اوي في عيون ليان العسلي وهي بتتكلم وفجأة انتبه ليها وهي بتشهق وبتبص علي كتفه وبتقول بخضة 
يا لهوووي ده ډم انت اتعورت يا عمو 
لا طبعا ده چرح كبير اوي استني يا عمو انا هعالجه علي فكرة انا شاطره اوي وابلة مني علمتني لما اټعور اعمل ايه عشان اخف استني بس
مستنتش ليان رعد يرد عليها باه او لاء وسابته وراحت ناحية دولابها وطلعت علبة اسعافات ورجعتله تاني ووقفت تبص لسور الشباك وبعدين قالت بضيق 
يوووه لسة هلف من الباب انا هنط استني بس يا عمو
اټصدم رعد من كلامها وكمان لما شافها بتطلع عالكرسي وبتحاول تنط من الشباك وكان لسة هيتكلم ويمانع بس هي نطت وكانت هتقع فلحقها رعد ومسكها قبل ما تقع فشهقت ليان وغمضت عنيها بسرعة لما حست انها هتقع بس فجأة فتحت عنيها براحة وهي بتبص للارض ولقت نفسها مرفوعة فوق وكان رعد شايلها بصتله
شوية وهو كان مركز في عنيها اوي وهي فجأة ابتسمت وقالت ببرائة 
شكرا يا عمو انا كنت هقع
انتبه رعد لنفسه ونزل ليان وهي بصتله بحيرة وبعدين قالت وهي بتبص بعيد في الجنينة 
انت طويل اوي وانا مش هطول راسك بص تعالي اقعد عالمرجيحة دي وانا هعالجك ماشي
رعد ميعرفش ليه كان مطاوعها وساكت ومش بيعترض علي اي حاجة بتقولها كان حاسس انه اسير عندها ومش قادر يعترض كان متابعها وهي بتعالج جرحه وسرحان في تفاصيل ملامحها لحد ما انتبه ليها وهي بتسقف وبتقول بفرحة 
هييييه انا خلصت شوفت بقي مش قولتلك شطورة انا
رد رعد وهو بيقوم من مكانه وقالها بجدية وكأنه اتحول ورجع تاني رعد القديم 
اعتبريه عقاپ ليكي عشان انتي اللي عملتي الچرح ده ولو اللي حصل اتكرر تاني هخليكي تقعدي في الشارع انتي واختك
قال رعد كلامه وساب ليان ومشي وكانت متابعاه هي بضيق من طريقة كلامه معاها وقالت باندفاع 
طب يارتني ما عالجت الچرح بتاعك هه
معقولة اللي بتقوليه ده يا مني يا بنتي بقي في اب يعمل كدة
في بنته
قالت كدة فريدة وهي بتبص لمني ومش مصدقة اللي سمعته منه ومني ابتسمت بسخرية وردت بحزن وهي بتفتكر 
لا صدقي يا ماما الحاجة بابا عاش عمره كله بيفرق بينا في المعاملة عمري ما افتكر ولو مرة واحدة انه كان بيعامل ليان كويس كان دايما بيقسي عليها ودايما بيطلعها غلطانة حتي لو كنت انا اللي غلطانة كانت ټعيط كتير وتقعد تسألني ليه بابا بيعمل معايا كدة لحد ما اتخطبت ليان لرامي وده يبقي ابن عمي وكانت من بابا انا حاولت كتير اخليه يصرف نظر عن الجوازة دي بس كان بيعند ذيادة وفي اليوم اللي كان السبب في ان ليان توصل للحالة اللي انتي شوفتيها دي