غلبني حبك كامله بقلم كريمه حماده
حاجة تقيلة وأدتيه بيه على نافوخه
صح يا بت يا فوزية بس نقول ايه القلب المهزق ياختى
فوزية طب كملى كملى
ولا حاجة بقى .. قومت مشيت وانا ضار بة وشى تكشيرة جامدة كدا ولقيت واحد طالع قدامى بيعاكس قومت مطلعة فيه غلبى كله
جدعة يا ريتاج اهو بسببه اتعرفنا عليكى ياختى
وانا والله حبيتكم اوى يا نسوان بجد
برضو رفضت تيجى وبتقول بكرة الصبح ابقى تقابلك
عمار باستغراب هو بمزاجها مش المفروض حضرتك تبعتلها وتيجى علطول عشان نحقق الموضوع
أجبرها يعنى لا اله الا الله
هو حضرتك قريب يوسف باشا ولا حاجة
لا ليه
اصل حاسك مرتاح اوى أنها رافضة تقابلنى أو تطلع يعنى
اهو بنتسلى
اه اه بنتسلى طيب ..
يارب يا ريتاج تكونى هديتى من العياط لاحسن هيتنكد عليا انا بعدين
اظبطيلى نفسك كدا يا حبيبتشى عشان اعرف احط الايلاينر
فوزية بس لا شغلك كويس يابت انتى تيجى تشتغلى معايا فى الكوافير بتاعى بقى
ريتاج بغرور دى لعبتشى يا حبيبتشى طول عمرى كان نفسى افتح كوافير كبير كدا
طب وانا يا ريتاج مش هتعمليلى حاجبى اليمين دا بايظ اوى ياختى
ورينى كدا .... لا دا عايز يتشال ويتعمل من اول وجديد تانى
برضو مش هتطلعى يا ريتاج تقابليه ياختى
ابدا خليه يتربى ويحس بالذنب اللى عاملى فيها محامى اوى دا
فوزية ياختى براحة عليه اطلعى وابقى ربيه فى بيتك
ولو ولو انا عايزاه يعيط من الذنب محامى ال دا
هسيبكم مع بعض شوية
قالها الظابط لريتاج وعمار بعد ما قبلت تقابله بعد إلحاح طويل من البنات وهو كمان فضل وراها لغاية ما قبلت تقابله .. حمحم بتوتر وقال ريتاج
خير
انا اسف حقك عليا
على ايه بالظبط
على كله كل كلمة قولتها وعصبيتى وزعيقى فيكى حقك عليا فيهم وانا غلطان فعلا
ايه اللى جابك يا عمار
عمارغمض عيونه لثانية وفتحها بعد ما اخد نفس عميق بصلها بعمق وقال بنبرة حزينة عارف انى غلطت فى الكلام ورد الفعل بس ڠصب عنى اقسم بالله انا مطحون فى الشغل ومشغول بكذا حاجة. لقيتك مرة واحدة داخلة عليا وبتعيطى وجبتى سيرة مرات عمى قلبى اتنفض اول ما سمعت السبب رغم اللى حسيت بيه جوايا إلا أن الخضة كانت طاغية عليا ولقيت نفسى بقول الكلام دا انا عمرى ما اتخلى عنك يا ريتاج اقسملك عمرى ما زهقت منك ولا من مشاكلك ولا اى حاجة تخصك بالعكس دانا يشهد عليا ربنا أن كل مرة بتكلمينى فيها وتستنجدى بيا بيدغدنى ش جوايا بيخلينى عايز اا...
عايز ايه كمل
عمار بصدق انتى الحاجة الوحيدة اللى عمرى ما ازهق منها ولا من اى حاجة تخصها يا ريتاج
فضلت بصاله لثوانى وبتقلب الكلام فى دماغها هزت راسها بنعم وقالت طيب تمام
تمام ايه
قامت ريتاج وبصتله بجمود عكس إللى جواها وقالت انا كلمت عمى وخليته يوكلى محامى تانى غيرك عشان متتعبش معايا اكتر يا أبن عمى
اتنفض عمار من مكانه وقال پصدمة انتى بتقولى ايه لا طبعا مش هسمح بكدا ابدا ... بقولك ايه عاتبينى ولومينى زعقيلى يا ستى أضر بينى انا قابل اى حاجة منك الا ان حد غيرى يكون معاكى
مبقتش فهماك عايز ايه بالظبط
عمار بجدية الولد أتنازل عن المحضر خلاص ودفعناله تعويض انا مش هستنى للصبح ولا للمسا ولا اى يوم تانى يا ريتاج ودلوقتى هنخرج من هنا ونروح البيت وهناك هنتصافى
ابتسمت ريتاج بسخرية ومشيت من قدامه وطلعت لحقها بغيظ وقابلوا برة الظابط يوسف اللى قال بضيق مزيف ماشية ليه بس يا ريتاج دانا ما صدقت مسكت عليكى حاجة تدينك
جرا ايه يا باشا هو فى عداوة بينى وبينك لو مؤاخذة يعنى وانا معرفش
يوسف يا بنتى نفسى مرة تقضى ليلة فى الحجز صدقينى هيعجبك اوى
بص انا كنت مصرة ابات الليلة ومطلعش بس المحامى بتاعى الاستاذ عمار هو اللى طلعنى
بصلها عمار بتشنج وكمان يوسف إلى. قال باستغراب الاستاذ عمار ايه الاحترام دا لا انا مش متعود على كدا منك يا ريتاج
ريتاج بحزن السچن بيربى يا باشا
يوسف بحنق سجن ايه اللى بيبربى دانتى مكملتيش ٥ ساعات على بعض
بصت للاتنين بقرف ولبست نضارتها بغرور ومشيت من قدامهم
بص يوسف لعمار وقال ولية قادرة ايه اللى مصبرك عليها دى يابنى
عمار بحنق مش عارف اهو بكسب فيها حسنات وخلاص
يوسف بمكر ابقى خلى بالك يا
عمار من كلامك المرة الجاية ها
هى فتنت عليا ولا ايه
يوسف بضحك يا راجل دا النسوان مظبطينك دعاوى عليك جوة وعاملين منظمة لحقوق المرأة بس على الديق
عمار بضحك والله كان قلبى حاسس انها هتقلبها قعدة ستات وشكاوى ونصرة للمرأة بقى
يوسف طب الحقها طيب لاحسن مش ضامن مصيبتها الجاية وساعتها هحلف تتحبس
سلام يا صاحبى وشكرا لخدماتك معانا بقى
يوسف بابتسامة متنساش تعزمنا على الفرح
عمار بضحكة خفيفة اكيييد يلا سلام
مشى عمار وفضل يوسف مكانه دقيقة وقال وانت يا منيل امتى هتحب وتتحب ..
كنتى فين يا ريتاج
قالتها والدة ريتاج بصرامة بعد ما دخلت البيت ولقيتهم متجمعين كلهم اتنهدت واخدت نفس عميق بس قبل ما ترد قاطعتها والدتها بحدة هو انتى مبتزهقيش مبتتعبيش ليه مصرة تخوفينا عليكى وتحطينا فى دايرة القلق .. يابنتى انا كل يوم ببقى حاطة ايدى على قلبى وبقول يارب سلم..
كل يوم كدا بمشكلة جديدة وأجرى يا عمار ألحقها حرام عليكى يا بنتى حراااام
ريتاج كانت بتسمعلها ودموعها مغرقة وشها ..مسحت دموعها پعنف وقالت بضيق حقك عليا يا امى حقكم عليا كلكم انى تعباكم وقلقاكم اوى كدا .. اوعدكم انكم مش هتسمعولى صوت تانى ابدا ولا هتحسوا بيا خالص عن اذنكم
فاطمة بلوم كنتى براحة شوية يا وداد هى جاية تعبانة برضو
وداد بحزن لازم اقسى عليها عشان تحس يا فاطمة
محمد بجمود خلصتوا كلام يلا يا وداد على شقتك وابقى راضى بنتك وفهميها بالهدواة كدا ..وانا هبقى اتكلم معاها
وبالفعل اتجهت وداد لشقتها وفضل محمد وفاطمة وعمار اللى كان قاعد فى ركن بعيد شوية عنهم ..
كان هيمشى ناحية شقتهم بس وقفوا صوت والده وهو بيقول بحدة استنى يا عمار
نعم يا بابا
محمد بحدة طفيفة ابقى صلح اللى عملته والكلام اللى عكيته فى مكتبك
حضرتك عارف
محمد بغيظ اه يا خويا عارف هى حكتلى لما كلمتنى وقالتلى على كل حاجة مش عارف انا انت مش طالعلى ليه كدا
عمار برضو يا حج دانت البركة كلها
طب
مشى عمار وهو بيضحك على والده بخفة ومحمد بص لفاطمة وقال بنبرة ماكرة مش قولتلك عايز قلوبهم اللى تحركهم مش عقلهم ...
عدى كم يوم وريتاج متجاهلة الكل أو نقول انها بقيت هادية وبتتعامل ببرود شوية
كل ما تشوف عمار بتتجاهله عمدا ولو حاول يكلمها بترد على قد الكلمة وتسيبه وتمشى أما هو فكان بيقلدها لما يكون هو زعلان وهى بتحاول تصالحه..
بقولك يا ريتاج ما تجيبى الفون بتاعك اتصور بيه معلش
وليه كاميرا فونك راحت فين
اسكتى مش اتحرقت والله كان عليها جودة عالية مش عند جودة شركة بيبسى
لاااا
برضو .. طييييب
الحقى يا بت يا ريتاج مصېبة
ريتاج بخضة فى ايه حصل ايه
يالهوى مش مصدق والله اللى حصل دا
ما تخلص وتقول فى
ايه
سند عمار بايده على. الباب وغمز بعينيه وقال بعبث بيقولوا أن القمر فيه خسوف بس أنا مش مصدقهم عارفة ليه
ريتاج بنفاذ صبر ليه يا خويا
عمار بابتسامة عابثة عشان القمر واقف قدامى اهو
كتمت ابتسامتها بالعافية ودخلت لجوة لاوضتها علطول وسابته واقف على الباب وقبل ما تدخل سمعته بيقول بصوت عالى
مش هسيبك فى حالك يا جلابة المصاېب
ابتسمت عليه بس مردتش ودخلت اوضتها .. قفلت الباب وت طرحتها وقعدت على السرير مسكت فونها وف ولقيت كم كبير من الرسايل ودا لأنها من سعة اخر يوم وهى مفوش
دخلت موقع الصراحة ولقيت رسايل كتير بس اللى جذبها اكتر كم رسالة
حقك عليا يا ريتاج
يومى من غير ما اشوفك كتير ناقص خالص علفكرة وحاسس انى تايه من غيرك يا ريتاج
طب حنى علينا واخرجى خلينا فك بالصدفة حتى
هكسر دماغك الناشفة دى يا ريتاج وعشان تبقى تنزلى استورى وتكتبى انا وحيدة تانى
قفلت الفون واتنهدت بعمق لبست طرحتها تانى واخدته وطلعت من اوضتها وراحت على سطح البيت
بعد دقايق كانت هتنزل تانى بس لقيته جاى عليها ووقف قصادها وقال بضيق مصنطع
أيوة يعنى هتصالحينى امتى
عايز ايه يا عمار لا بجد ريحنى وقولى عايز منى ايه
عايزك
نعم مش فاهمة
ما البعيدة لو تشغل دماغها شوية كانت فهمت من بدرى
انا مبحبش طريقة الالغاز دى يا تتكلم علطول يا هنزل ومش هتكلم معاك تانى
البنت اللى بحبها اسمها ريتاج
ريتاج بدون وعى كماااان على أسمى يعنى مطلعتش رانيا بنت عمتك
عمار بحنق انتى بتقولى ايه يا ولية انتى ... انتى بجد مش فاهمة
أيوة اسمها ريتاج و.... ايه
ايه الاريل اتظبط دلوقتى والرسالة وصلت
ريتاج بتوتر انت بتقول ايه ... انا مش فاهمة حاجة
عمار اخد نفس عميق وقال بنبرة صادقة امتى وازاى وليه معرفش بس أنا واقع فيكى ومش لاقى اللى يخرجنى من مستنقع حبك دا
انا قريت الجملة دى قبل كدا
عشان أنا اللى ببعتلك الرسايل يا ريتاج ارتحتى
ريتاج بخضة ايييه يعنى انت بتحبنى انا والرسايل دى كانت منك انت .. يعنى انت كنت فعلا بتغير عليا لما جبتلك سيرة موضوع طارق زى ما حسيت صح
عمار بصدق اقسم بالله كانت حاسس بڼار قايدة فى قلبى والكلام
إللى قولتهولك فى المكتب كان ڠصب عنى بس من عصبيتى وتعب الشغل وانتى لقيت نفسى بقول الكلام دا
طب .. طب ليه مقولتش
من بدرى
كنت مستنى اتاكد من مشاعرى عشان مبوظش الدنيا وتتعك و... بقولك انا مش عارف بقول ايه ولا المفروض اقول ايه انا وانتى مبنعرفش نتكلم اساسا فمن الاخر كدا تقبلى تتجوزيني يا بنت عمى
امشى يلا من هنا بلا اتجوزك انا ناقصة اجيب عيال شبهك انا عايزة احسن النسل شوية
عمار بحنق والله تحسنى النسل بس يعنى
ريتاج باستفزاز اه ومش موافقة وورينى بقى هتعمل ايه
مشى عمار ناحية السلم ووقف وقال بإصرار هتبقى ليا يا ريتاج
بينا الايام يا ابن عمى
وانا ايامى معدودة معاكى يا بنت عمى
كلااام كله كلااام ومش هتقدر تثبتنى بيه اصلا
ومش انت اللى هتغلبنى يا عمار
انا من زمان غالبك يا عسل
يعنى ايه
يعنى بحبك يا جلابة المصاېب ..
الفستان عسل يا ريتاج بس مهتلبسهوش برضو
ولا ولا انا ابتديت ازهق خلى بالك متنرفزنيش
هشششش بطلى صداع بقى .. اتنيلى يلا ادخلى غيريه
انا مش عارفة أنا باخد رايك ليه اساسا انت مين يلا
كلمة زيادة يا ريتاج هحلف أنه يبقى كتب كتاب علطول من غير خطوبة
صباح الفل يسطا انا لسة موافقتش اصلا
لا ماهو واضح واضح لدرجة أنك جيبانى على ملا وشى وعرضالى خمس فساتين تلبسى انهى فيهم للخطوبة
عادى يعنى واصلا زوقك ميهمنيش اوكى
لا حول ولا قوه الا بالله اومال جيبانى ليه يا بنتى
بناكشك يا محامى ال
طيب يا جلابة المصاېب
يا دبلة الخطوبة عقبالنا كلنا
ما انتى العروسة يابنتى
طب ودونى على بيت حبيبى نعيش مع بعض فيه ونبنى طوبة طوبة
و... لا مش حافظة للاسف
يا عينى عليك يا عمار يابنى يوم ما تقع فى الحب تقع فى ريتاج
ريتاج بحنق ومالها ريتاج بقى يا ست فاطمة انتى
فاطمة بضحك ياختى عسل وقمر ماشاءالله
اومال انتى يا حجة مفيش كلمة حلوة خالص ايه شغالة تهزيق وضر ب بس
وداد بملل ياختى اتوكسفى خلفتى وعرفاها
ست الحبايب اللى لقتنى عند المعبد اليهو دى اهى
وداد طب اتلمى وكملى اللى فى ايدك خلينا نخلص
انتو قولتولى مين اللى عايز ياكل بسلة ورز بالشعرية
فاطمة عمار نفسه فيها اوى
ريتاج بهيام دانا اعملهاله بعيونى سى عمار
ها ايه رايك فى البسلة حلوة صح جميلة وطعمة ولذيذة كدا صح قول يلا يابنى
مش واكل يا ريتاج اهو ..ادينى فرصة ادوق الاول طيب
ولا اتكلم عدل بدل ما البس الطبق دا فى وشك
هربيكى بالله لاعيد تربيتك من الاول خالص كدا بس الصبر
بس ياض كل وانت ساكت
وداد يابت لمى لسانك شوية دا هيبقى جوزك بعدين
قوليلها يا حماتى ابقى وصيها عليا بالله
ماشاءالله وانت محتاج توصية يابنى
تصدقى وتأمنى بالله يا ريتاج
لا اله الا الله
الواحد عايز ياخد درس خصوصي للمعاملة معاكى اصلا
احنا لسة اهو ملبسناش دبلة حتى عايز ت ا يابنى
للاسف مش هينفع
ليه يا محامى ال
غمز بعيونه و اصل انا وقلبى وعقلى وعيونى متحالفين مع بعض انك تكونى ملكهم يا جلابة المصاېب
بيثبتنى ابن فاطمة
قفشتك خلاص ليه يابنى هو انا قصرت معاك فى حاجة دانا بعاملك
دراما كوين والله
كدا تقسى عليا انا ...كدا ټجرح فيا انا
ها وايه تانى
بعت بعت ليه خونت طب وليه و... لا مش حافظة للاسف
أيوة يعنى انتى محمد فؤاد ولا ايهاب توفيق ولا ايه دنيتك
متتهربش يا عمار انا خلاص قفشتك وكشفتك
شاهيناز مين دى
اللى عملالك منشن وبتشكر فيك بس أنا مسكتش طبعا اومال فكرانى هسكتلها بالساهل كدا
هببتى ايه ېخرب عقلك
عملتلها رياكت اغضبنى وقولتلها شيلى عينك من على خطيبى بدل ما اجيبك واشيلهالك انا
جاتك داهية يا ريتاج دى عميلة عندى وبتشكرنى انى ساعدتها فى قضيتها ومش مصرية اساسا
ما هما اللى مش مصريين دول مسهوكين ومحڼ ورقة مصطنعة كدا وبعدين عميلة تقولك ميرسى على معاملتك الحلوة متل وجهك نينينينينينينيى
عمار بضحك والله انتى مشكلة بجد ... عادى يابنتى زباين بقى
ابقى اتعامل مع رجالة يا خويا وسيب الستات للستات ها
غيرتك دى الذ ما على قلبى والله
مين دى اللى غيرانة
انتى
مين اللى قال
نعم
انت مين وانا مين واحنا فين ومين بيودى على مين ولا فين
دماغك باظت خالص روحى روحى شوفى وراكى
خلى بالك انا مرقباك وعينى عليك يا محامى ال
تسلملى عيونك يا جلابة المصاېب
مبارك يا ريتاجى واخيرا بقيتى ليا
شالله يخليك تسلم
انتى بتشحتى يا ريتاج فى ايه
لا بقولك احنا مش غرب على بعض اساسا فأنت عارفنى ولا بعرف اتكلم ولا اتنيل فاصبر عليا ها
صابر يا ستى صبرت كل السنين دى مش هصبر اللى باقى يعنى
تعرف يا عمار
عرفينى يا ريتاج
لغاية دلوقتى مش مستوعبة انك بقيت خطيبى بجد .. اتعودت على أن عمار اقرب صديق ليا
ويمكن ساعات كنت بشوفك اخ لانك دايما معايا وساندنى انا اتحرمت من بابا
بدرى بس ربنا عوضنى بعمو محمد اللى لو فضلت اشكر فيه عمرى كله مش هوفيه حقه وكمان عوضنى بيك انت انك عيشتنى احساس ان يكون ليك صديق مقرب فاهمك وحافظك يكون ليك اخ يبقى سندك وقوتك ومعاكى فى كل لحظة .. بس صدقا يا عمار قلبى دايما كان بينكر الش دا وكأنه كان حاسس انك هتكون شريك حياتى فى يوم حتى الرسايل اللى كانت تجينى دايما تفكيرى كان بيودينى ليك انت مش لحد تانى ..
ابتسم عمار بحب وقال وعمار ملقيش نفسه غير معاكى يا ريتاج
بس ايه الكلام الكبير والعميق دا داحنا اتطورنا فى ثانية والله
لا بقولك متاخدش على كدا هى مرة وبتيجى فى اى وقت يعنى متتعودش
مقبولة يا ستى
بقولك ما تيجى ناكل انا جعانة اوى
تفتكرى هنلاقى بواقى اكل الخطوبة
لا احنا نجيب اندومى
اندومى ايه يا ريتاج بقى اتقى الله معدتى نشفت من كتر اكله تعالى اكيد هنلاقى فاضل بشاميل وفراخ
أو بسلة من بتاعت امبارح
بالمناسبة يا ريتاج كنت عايز اقولك متدخليش المطبخ تانى ولما نتجوز إن شاءالله هنبقى ناكل يوم عند امى ويوم عند مرات عمى
اقسم بالله انت هتبقى زوج فوق المثالية يابنى على الراحة اللى ريحتهالى دى
مساء الفل يا ريتاج دانا حافظك عيب عليكى
لا محامى خبيث فعلا والله
عمار بغرور اكيد يابنتى ربنا يديمنى للشعب واجبلهم حقهم
قصدك يديمك للنسوان ومن ازواجهم تهم
مشاكلك قلت بس لسانك بيطول يا ريتاج خير
وردية كدا ووردية كدا واهى ماشية شوية
ضحك عمار بعلو صوته وقال من بين ضحكاته يعنى لسان طويل وجلابة مصايب كمان
إن كان عاجبك يا سى عمار
عاجبنى يا عيون ياسى عمار
حضرتك عاي يا عمى
محمد أيوة يا ريتاج اقعدى حابب اتكلم معاكى شوية
اتفضل يا عى
محمد بحنان شوفى يا ريتاج انتى مش بس بنت اخويا وملزومة منى والكلام دا انتى بنتى وحتة منى حتى لو مش على أسمى ربنا يعلم انى عمرى ما شوفتك على اساس انك وصية اخويا وكدا وبس لا انتى كنتى بنتى اللى مخلفتهاش يا ريتاج كنت دايما ادعى انك تفضلى جنبى علطول أو قريبة منى لغاية ما ربنا استجابلى انك تبقى مرات ابنى كمان انا دايما معاكى وهفضل ساندك لغاية اخر نفس فيا يا ريتاج
ريتاج بدموع ربنا يديمك ليا ويديك طولة العمر يا عمى لا يا بابا
حضنها محمد وطبطب عليها بحب وحنان وهى كانت مبسوطة اوى أن ربنا كرمها بعم زى عمها وعوضها عن فقدان والدها..
دخل عمار بالصدفة وشافهم وابتسم عليهم عمل نفسه متفاجىء وشهق پصدمة مصطنعة وقال لا لا مش ممكن عينى مش قادرة تصدق يا جدعان
محمد بحدة طفيفة مالك يلا فى ايه
ابويا وخطيبتى مع بعض ليه يا دنيا تحطى على چرحى كلونيا
عمى هو انا لو فركشت الخطوبة دى هتزعل ولا حاجة
محمد بخبث ابدا يا بنتى دانا هشجعك كمان
عمار باستنكار نعم ايه دا بقى مالكم هتقلبوا عليا ليه بقى
بتقول عليا دراما كوين انت اسمك الحقيقي بيومى فؤاد صح
نينينينينيى خفة اوى يابت ايه اللى جايبك شقتنا اصلا لسة بدرى على ما تدخليها
محمد اتلم ياض دى تيجى فى اى وقت عايزاه
دايما كاسفنى انت يا حج والله
احسن احسن
هانت كلها يومين وتبقى مراتى واغلبك انا بقى
محدش يقدر يغلبنى يا محامى ال
هف يا جلابة المصاېب
اول مرة اشوف واحدة يوم كتب كتابها بټعيط يابنتى مالك
اسكت اسكت انت ضحكت عليا وخدعتنى
انا
أيوة لعبت بعقلى وخلتنى اوافق عليك واتجوزك وانا كنت عايزة اتجوز الممثل الأجنبى بتاع فيلم
اللى هو ميعرفش انك عايشة على الكوكب اصلا
وكمان هتاخدنى من ماما ونعيش بعيد عنها هى وفاطمة
بعيد ايه دى الشقة فى الدور التالت وهتنزليلهم كل يوم
اصل رجلى من حديد انا عشان انزل واطلع كل يوم
أيوة المرأة السيتينة طلعت اهى اثبتيلك على محطة بقى
بقولك قوم هاتلى اكل انا جعانة
انتى كل مناسبة جعانة المفروض فى حضڼ كتب الكتاب وتصوير وكلام حلو وكدا فين الكلام دا ها
عمار انا عمرى بليت ريقك بكلمة حلوة فى تاريخ تنا دى
الشهادة لله لا طول عمرك لسانك سابق عقلك
اومال مالك بقى حازق نفسك كدا ومسترتش
ايه الكلام دا جبتيه منين
من فوزية
فوزية مين
انتيمتى اتعرفت عليها فى السچن يوم ما زعى اليوم اياااه دا
ولحقتى فى كم ساعة تكونى ات جوة السچن
عيب عليك دانا اعرف طوب الارض يابنى
اه تمام كدا تبقى ريتاج اللى اعرفك
عمار قرب ههمسلك بحاجة
قرب
عمار بهمس كول عمرى اختيارى حلو عارفة ليه
ليه
بصلها فى عيونها للحظة وابتسم وقال بنفس النبرة عشان اختارتك انتى وهتكونى الاختيار الصحيح اللى فى حياتى كلها
بيثبتنى ابن فاطمة
بابا الحقنا انا وماما واختى فى القسم ..
ياباشا وربنا بصاتك ليا دى محسسانى انى عملت چريمة كبيرة
الظابط جيالى القسم بعيالك يا ريتاج
قولت تتعرف عليهم يا باشا عشان تتعود على وشوشهم
الظابط يابنتى انتى اتجوزتى وخلفتى وبرضو معقلتيش لسة
واعقل ليه بس ما ادينا عايشين اهو وعيالى مبسوطين بيا اهو
الظابط وجوزك امتى جاى خلينا نخلص
من دا ام حوار
معلش يا باشا بس ..هو حضراتكم قرايب يعنى اصل لو كدا اكلم حد قريبى يجى يتوسطلى برضو لو هنمشيها كدا
الظابط بزعيق احترمى نفسك يا ست انتى انتى
ناسية نفسك قاعدة فين ولا ايه عايزة تكلمى حد اتفضلى ياكش حتى تكلمى لوا لكن أنا هنا بعمل شغلى وبس
ريتاج اهدى يا باشا الحزقة مش حلوة عشانك
الظابط بحدة بس انتى كمان ومسمعش صوت واحدة فيكم لغاية ما نخلص من أم الحوار دا
وبعد ما خلص كلامه فونه رن .. عدل قعدته وقلب الكرسى واداهم ضهره ورد بهدوء الو يا حبيبتى عاملة ايه
انا كويس اوى وانتى
اممممم اى حاجة من ايدك حلوة وطعمة كدا يا طعم انت
ماشى يا روحى معايا مشكلة فكسانة كدا هخلصها واجيلك علطول
سلام يا ام العيال
وبعد ما خلص كلامه لف تانى ولقى ريتاج بصاله بتشنج والست التانية بصاله ببلاهة فقال باستغراب مالكم بتبصولى كدا ليه
لا ابدا اصل حضرتك زعنا وركبتلنا الړعب من ثانية واول ما المدام اتصلت قلبت لحاجة تانية خالص
الظابط وانتى عايزانى اعاملك زى المدام ولا ايه يا ريتاج ما تتفلقى ياختى
اعترف يا باشا انك كسفتنى والله
الظابط انتو يا حبايبى مالكم ومال المشاكل دى بس هى لحقت تورثكم عرق المشاكل بتاعها
يزن ابن ريتاج ملكش دعوة بماما لو سمحت
الظابط انت تربية ريتاج بقى وانتى يا سكر تربية ابوكى ولا ولا امك
زينة بنت ريتاج تربية ماما اكيد
الظابط بسخرية وابوكم همشتوه من حياتكم ولا ايه
وما هى إلا بعد لحظات كان حضر عمار ونظراته لريتاج كلها ڠضب وتوعد فقال وهو بيجز على سنانه تانى يا ريتاج تانى والمرادى سحبالى العيال معاكى كمان اعمل فيكى ايه بس
اه دى شكلها ست متعودة على المباحث بقى
ملكيش دعوة يا ولية انتى أنا لسة مخدتش حقى منك
عمار بحدة ريتااااج
سكتت ريتاج وهى بتبصلها پغضب .. وعمار بص للظابط وقال خير
يا باشا ايه المشكلة
الظابط اسمع منهم
احكى يا ريتاج
ريتاج بجمود انا جانى استدعاء من المدرسة أن ولادى عاملين مشكلة وروحت وحبيت اسمع منهم الاول وحكالى يزن أن ولاد الست دى دايما بيتعرضولهم ولما شكوهم للميس البيه ابنها وقف فى نص الحوش لبنتى وزهقها على الأرض فيزن مسكتش وجاب حق أخته .. رغم أن ولادى مش غلطانين وان مسمحش لاى حد يتعرض لبنتى ولو بكلمة الا انى اقترحت نتعامل بود وننهى الخلاف ولكن المدام رفضت وأصرت تعمل محضر
الست بعصبية ولادك كدابين مش دا اللى حصل
عمار بجمود انا ولادى متربيين احسن تربية رغم صغر سنهم فاتكلمى بهدوء وأدب احسن
قدامك اقتراحين يا اما تتنازلى عن المحضر وتمشى انتى وولادك بهدوء يا اما نمشيها محاضر بقى بس ساعتها انا كمان هعمل محضر تعدى بالكلام وفى ابنك أنه اتعرض لبنتى وهو باين عليه كبير اهو ماشاءالله يعنى يدخل الأحداث علطول ها ايه رايك
انتو كدبتوا عليا بجد عاجبكم الاحراج اللى انا فيه دا
اسفين يا ماما
تمام يا باشا انا متنازلة عن المحضر وبعتذر ليكم عن اى كلمة قولتها
وبالفعل بعد لحظات انتهت المشكلة ومشيت الست بولادها وبقى عمار وريتاج والولاد لسة فى مكتب الظابط
الظابط بالله عليك لم عيلتك عشان كدا كتير متبقاش مراتك فى شبابها ودلوقتى هى وعيالها
لاحظ يا باشا انك عمال ټجرح فيا بالكلام
الظابط ياختى اتفلقى يا ريتاج الله
عمار بضحكة خفيفة خلاص بقى يا يوسف مشكلة واتحلت
يوسف بغيظ ما طبعا هتتحل وانت موجود طبعا .. وابقى ربى عيالك يابنى لاحسن يكبروا وهما كدا ساعتها مش هتلاقى أنت حد ينجدك
ما تدينى رقم المدام اتعرف عليها يا باشا
يوسف ابدا عايزانى اديكى رقم خديجة عشان تبوظهالى وتجريها وراكى مستحييييل
شايف صاحبك بيعاملنى ازاى يا جوزى
يوسف ببرود يلا يلا امشوا من هنا مش فاضيلكم انا
مسك عمار ايد ريتاج وشاور لولاده يمشوا وراه وقال وهو ماشى ليوسف سلام يا صاحبى منجلكش فى حاجة وحشة إن شاءالله
يوسف سلام يا خويا وياريت متجوش خالص
اكمل كلامى مع ست خديجة هانم اللى مغلبانى معاها دى
يلا يا ولاد على اوضكم غيروا هدومكم وصلوا الضهر عشان العصر قرب يأذن خلاص وانا هحضرلكم الاكل
يزن وزينة حاضر يا ماما
وانت يا حبيبى يلا خدلك دش يروقك كدا عبال ما احضر الاكل
ريتاج
نعم
قرب منها وقال وهو بيبتسم انا فخور بيكى وبتربية ولادنا ربنا يديمك ليا يا حبيبتى
ريتاج بحب وابتسامة وقالت ويديمك ليا يا عمورى
يزن يا بابا عيب كدا مش فى اوضة تلمكم بقى
عمار بغيظ انت ايه اللى خرجك من اوضتك يلا ها
يزن كنت رايح اتوضى ابقى يا والدى خد ماما وادخل اوضتكم راعوا أننا لسة سناجل هنا
عمار يعنى مش عشان اطفال تؤ تؤ عشان سناجل
ريتاج بضحك اللى كنت بتعمله فى عمى بيعمله فيك ابنك
دلوقتى
عمار بغيظ الحاجة الوحيدة اللى ورثتهاله هى اللحظات الحلوة للاسف
وبليل كانوا الأربعة سهرانين على التلفزيون بيسمعوا كرتون ريتاج فى حضڼ عمار وجنبهم يزن وزينة وحواليهم تسالى .. همس عمار لريتاج
مش ناوية بقى نهدى شوية ولا ايه
يا حبيبى ونهدى ليه بس ما ادينا عايشين حياتنا زى العسل
قولت العيال هيعقلوكى لغاية ما خليتى العيال زيك
فى اعتراض ولا حاجة يابا
لا هو انا اقدر اعترض لسمح الله
اه احسب
علفكرة يا ريتاج
امممممم
عايز اعترفلك انى لغاية دلوقتى مش عارف اطلع من مستنقع حب دا
وانا مش هسمحلك تطلع يا روحى
لسة حياتنا طويلة إن شاءالله مشاكل بقى
بحبك يا جلابة المصاېب
وانا ايضا يا محامى ال
بس هقولك حاجة انا كدا هدورلنا على حد يغلبك لانى لغاية دلوقتى مش قادر اغلبك يا ريتاج
ومين قالك انى متغلبتش يولا
يعنى ايه
يعنى غلبنى حبك يولا
وخلصت الحكاية على عنا بالاتنين باصين لبعض بحب وحواليهم ولادهم
