زواج مزيف
أن الستات نكدية أول مرة أشوف راجل بومة كده
غيرت الفستان ولبست بيجامة ورحت أنام حطيت راسي علي المخدة وقلت
أخيرا
غمضت عيني ولسه هروح في النوم حسيت حاجة علي وشي بفتح عيني لقيت الصرصار علي وشي
يالهووووي
جريت علي أوضة سليم وأنا پصرخ ونطيت علي السرير فقام مڤزوع وصړخ
فيه ايه يا بومة انتي
صرصار كان علي وشي يا سليم
يا ربي علي القرف اللي أنا فيه روحي يا ست علي أوضتك متخلنيش ارتكب چريمة النهاردة بصيتله بتوتر
لا قتل يا عسل يالا يا بت علي اوضتك مسكت ايده وقلت
ابوس ايديك يا سليم خليني أنام جمبك النهاردة أنا بټرعب من الصراصير!
أنا مش عايز أنام جمبك
بصتله وأنا هعيط وقلت
معلش ابوس ايديك استحملني النهاردة وبكرة نشوف موضوع الصرصار
اووف بقا
قام وراح جاب مخدات من الدولاب ورماها عليا وقال
حطي
ايه شغل النرم ده
بتقولي حاجة
لا يا أخويا بقول أمرك
أخدت المخدات وحطيتهم بينا ونمنا
تاني يوم
اللي جاب دي هنا! صحيح أنا اتجوزتها امبارح
نفخ وهو متضايق وحاول يبعدها وقال
انتي يختي قومي فزي خلاص الصبح صبح
يا ماما سيبيني أنام
ماما
اتعصب وزقني علي الأرض
آه يا راسي
قولتها ولقيت نفسي واقعة علي الأرض وسمعت سليم بيقول
قومي يا حلوة نامي في أوضتك
بعد ساعة كنا قاعدين أنا وهو علي سفرة الفطار وبنفطر بسكات بصتله بغيظ وافتكرت لما رماني علي الأرض الصبح
ليه بتبصيلي كده
تعالي ارميك من فوق السرير
زي الفار المبلول واكسر عضمك
وبعدين اسأل السؤال ده
مقدرش يتحكم في نفسه وضحك كانت أول مرة أشوفه يضحك
ايه ده انت عندك أسنان وبتعرف تضحك زينا اومال ليه البوز اللي ضاړبه ده
ضحك
في يوم كنا قاعدين مع بعض بنسمع التلفزيون لما قال فجأة
زينب أنا عايزة اعترفلك بحاجة
قلبي دق وبصتله وقلت بكسوف
اعترف
أنا ب
وقبل ما يكمل الكلمة اللي استنتها من فترة جرس الباب رن راح يفتح الباب واللي كان علي الباب آخر إنسان توقعته يجي
علي
علي رجع أخو جوزي وخطيبي القديم اللي سابني يوم فرحي
يتبع
الجزء الاخير من الاسكريبت
يعني ايه عايز ترجعلها دلوقتي يا علي هي بنتي لعبة في ايديك أنطق!
كنت قاعدة وأنا مصډومة حاسة إني في حلم سخيف علي رجع وعايز يرجعلي اتصل بأهلي واهلوا واتجمعوا في
أنا بحب زينب يا عمي وبجد ندمان علي الألم اللي سببته ليها بس ابوس ايديك خليها ترجعلي وأنا هشيلها في عيوني أنا عارف أن سليم اتجوزها بس عشان يداري علي الڤضيحة اللي حصلت واللي أنا السبب فيها عشان كده اسمحلي أصلح غلطي سليم هيطلقها وأنا هتجوزها
مقدرتش استحمل أكتر من كده وقمت وأنا بزعق فيه
أنت ايه فاكر نفسك مين أنت ببساطة هربت يوم فرحك لا فكرت فيا ولا في اهلي ولا أهلك أنت عمرك ما حبتني يا علي انت بس عجبك شكلي ولما حسيت نفسك اتورطت هربت ومفكرتش في المسكينة اللي هتواجه كلام الناس اقولك حسيت بإيه لما هربت حسيت إني رخيصة لدرجة أنك رميتني يوم فرحي ومفكرتش فيا قولي بعد ده كله عايزني ارجعلك ليه وعشان ايه
عشان بحبك
علي متنساش أنها مراتي
زعق سليم
ضحك علي بتريقة
مراتك علي الورق
