أختر لقلبك مايليق به أخترتك
! جاى يوم فرحك
لمى لسانك دا.
ما انا هستنى ايه من واحد زيك صعيدى متخلف.
تعالى بس هقولك حاجه.
مسكت عارف اقسم بالله ان قربت منى لاخليها تاخد طريقها فوشك.
رجع لورا بحركه سريعه شاور بايديه ان هيبطل اللى بيعمله رميت ع الارض ودخلت اقرب اوضه!
ماشى.
احنا أتجوزنا أمتى!
بصيتله بأرف روح فوق وتعالى أتكلم معايا ولا بص اصلا ملكش كلام معايا يلا شوف رايح فين.
رد بستهزاء ليه العقاپ الصعب دا بس! طب هعيش أزاى من غير ما اكلمك طيب.
يسم!
اتكلم وهو بيتحرك ناحيه الحمام اعمليلى الفطار يلا.
وقفت خمس ثوانى أستوعب اللى بيقوله! نعم اللى هو نعم بجد!
عليت صوتى وانت مفكر انك هتعيش ملك وانا هبقى الخدامه اللى أمك جبتهالك! انت تنسى الكلام دا نهائى.
مردش عشان كان دخل الحمام اصلا!
فالحقيقه انا اللى مهزءه وجبته لنفسى اه والله أقابل واحد فالشارع فأقوم متجوزاه عشان متجوزش أبن عمى ولحلاوه القدر يكون هو كمان بيهرب من بنت خالته انا مشوفتش فحظى بجد!
اسمع انا مطبخش لحد.
خلاص انا بعرف أطبخ.
هو ايه الطيبه دى ومبعملش لحد حاجه بردو وكل واحد هنا فالنص بتاعه.
اللى يريحك.
زعقت انت بتتكلم معايا ببرود ليه .
اتكلم بهدوء اكتر عشان دماغى مصدع ولو قومتلك هاكلك والله.
ما هو من القرف اللى انت شاربه.
قرف لما يقرفك يشيخه يبنتى بطلى تستفزينى بقى!
روح اۏلع اجرى خد مسكن.
ملكيش فيه.
خلاص انا هزعق براحتى بقى ومترجعش تقولى دماغك مصدع.
هتموتى وتتخانقى
بصراحه اهه بقى عشان انا متغاظه منك ومتغاظه من نفسى وعمرى ماهسامحنى ع اللى عملته دا بجد.
نامى انهارده ونتخانق بكرا جامد اوى.
بس يلا متتكامش معايا.
الايام عدت عادى ال هو مافيش خناق وفنفس الوقت مافيش كلام اتنين
تاكلى ايه النهارده
اللى تعلمه.
تصدقى يبت انا غلطان انى باخد رايك اصلا
متبقاش تاخده تانى
يبقى احسن ومش هعملك اكل تاني كمان.
اصل أكلك يتاكل أوى.
بأمارة أنك مبتغسليش الاطباق اصلا عشان بتمسحيهم بلسانك.
كداب والله.
او هى بتعدى بخناق بصراحه يعنى
هو أنا مبقيتش أشوف رؤى معاك ليه
اټخضيت ولفيتله بسرعه تعرفها منين!
ابتسم وسحب كرسى قعد عليه من اكونت الفيس بتاعك اللى تقريبا كان كل يومين بينزل صوره عليه ليكو فمكان مختلف.
حطيت طبق الفشار ع ترابيزه قدامى واتكلمت وانا بدخل البلكونه عشان أنهى الحوار بعدنا.
دخل ورايا ليه
بصيتله وأنت مالك.
رفع حاجبه واتكلم يست أعتبرينى جوزك.
وبعد ما أعتبرك!
طب أكسر الفازا دى ع دماغك ولا اعمل ايه يعنى هو انا هشحت الكلام منك.
عليت صوتى طب مش هحكى حاجه هه.
احسن ان شاله عنك ماحكيتى انت هتصدعينى ليه.
دخل وسابنى يعنى هو جاى يفكرنى ويخلينى حزينه ويمشى ولا ايه مش فاهمه! بقالى سنتين ب Move On وبعيط كل يوم وهو بكل بساطه يجى يسئلنى وبعدين يمشى من غير ما يسمع الحكايه!
دخلت جوه أدور عليه عشان احكيله الحكايه لقيته فالمطبخ ماسك السکينه وبيقشر تفاحه!
انت بتعمل ايه!
انت شايفه ايه اقشرلك معايا!
تقشرلى أيه هو بيتاكل بقشره. اصلا مافهوش قشر ليه العبط دا!
مبحبهوش بالطبقه ال فوق دى يست انا حر.
انت حر فعلا انا مالى.
كنت خارجه فنده عليا طب كنت جايه عشان ايه!
احم ماهو لاء مافيش.
اكيد مكنتيش بتدورى عليا فقولى ووالله ماهرخم عليك.
قعدت ع ترابيزه المطبخ
قدامه واتكلمت بتوتر احنا مبعدناش.
شاورلى بعينه عشان اكمل
حط السکينه وبصلى طب هى بعدت ليه!
مش عارفه ولا حتى هى عارفه. عارف احنا كنا صحاب من ابتدائى
اصلا كان مستحيل يجى ع بالى انى فيوم ابقى بعيده عنها او مثلا ابقى فمشكله ومعرفش الجئلها او افكر مره واتنين ومليون قبل ما اكلمها.
كنا أقرب من اننا نبعد والله.
ومكانش عندى غيرها او كان عندى كتير بس مكنتش بحب غيرها كان ليها مكانه فقلبى مظنش ان حد هيقدر يوصلها فيوم من الايام. كنت حرفيا بحبها أكتر من الاندومى بالخضار والله! و
الاندومى بالخضار بتتكلمى جد!
بصيتله بضيق فابتسم وهو بيحط حته تفاحه فبقى وكمل اسف والله بس بحاول اروش عشان متعيطيش يعنى وشكلك يبقى وحش قدامى.
كملت لاء ما انا أتخطيتها بقى بعد سنتين سنتين عياط كل ما أسمع اسمها كل ما أقرء بوست عن الصحاب كل ما اروح مكان كان لينا فيه ذكريات سوا.
اممم ومش شايفه ان سنتين مده قصيره جدا عشان تنسى حد!
حدفته بالطبق اللى قدامى ابو غلاستك يجدع.
ضحك بصوت عالى فكملت بغيظ انا غلطانه أنى بتكلم معاك اصلا والله
قمت وقفت وانا عاوزه اقول
ياريتنى كنت واحد صاحبك بس طلعت كفايه انك سمعت.
حرك حواجبه وابتسم بسماجهمش هكلمك عشان مچروحه بس.
بتشمت فيا!
وانا اقدر برضو
مردتش فكمل المهم تاكلى تفاح مقشر!
بعيد عن انو قلب احزانى لنكته وحاجه تضحك الا أنى كنت حزينه فعلا والله. عمرى ما اقتنعت ان فيه صحاب ممكن يبعدوا الا لو مكانوش صحاب من الاول! فافكره انى عيشت مع شخص 11 سنه فى زيف دى فكره مرعبه بجد!
انا مش ممكن اسامحك فيوم من الايام.
احسن.
زقيته وقعدت جمبه ولا هسامح نفسى كمان.
احسن برضو.
وانت انسان معندكش ډم والمفروض لما اقولك مش هسامحك
واخاڤ ليه
عشان هتدخل الڼار!
ليه هو انت ملك من السما ولا ملك محمد
ضحكت بطل تستخف دمك معايا وتقلب المواضيع الجد لهزار.
بصلى وسند وشه ع ايده قولى يست مش مسمحانى ليه.
اتوترت احم مم متبصليش كدا بص للناحيه قدامك.
ابتسم واتصنع البرائه طب ما دا قدامى اهو!
كشرت هدخل انام بجد.
هز كتفه براحتك هدخل انام معاك.
استسلمتله واتكلمت مش مسمحاك عشان مسبتنيش اتجوز راجل بحبه.
ملامحه اتغيرت وهى الست هانم بتحب
اهدى يجدع فيه ايه مش كدا.
على صوته ملك مبهزرش دلوقت اقسم بالله.
نفخت بضيق يسيدى لاء بس كنت هحب يعنى كان هيجيلى يوم واحب صح!
اتنهد بارتياح وصوته هدى اتف عليك عادى صح .
كل واحد حلم بايه!
ياخد رأى فلبسه وهو رايح الشغل وانا اختارله اوحش حاجه عشان ميبقاش حلو برا وحد يشوفه جميل غيرى.
اودعه وهو رايح شغله وارجع افكر فيه لحد مايجى نحضرو الغدا سوا وبليل نطلع نتمشى نروح لماما او مامته مثلا نقعد لحد 12 بليل وبعدها نطلع نتمشى تانى برضو لوحدنا واحنا بنسمع اغانى ونرجع مهدودين بس مبسوطين مبسوطين اوى انام بعمق عشان نرجع نكرر اليوم تانى وقتها كنت مش هبقى محتاجه حاجه من الدنيا تانى.
وايه كمان يست جوليت
كان هيحبينى أوى وميشوفش غيرى عشان انا اتحب
بصيتله صح
أكد على كلامي وهو بيهز راسه جدا جدا يملك.
سكت فتره بصيت للنجوم ورجعت بصيتله وانت مش مسامحنى انت كمان مش كدا
ليه
عشان دخلت حياتك يالغصب وكان ممكن تقابل واحد وتحبها وتتجوزها وتعيشوا فسعاده يعنى.
مش عارف بس مظنش ان حياتنا صعبه لدرجه أنى مسامحكيش يعنى اهه مبنحبش بعض بس مبنكرهش بعض او ع الاقل من ناحيتى يعنى انا مبكرهكيش.
اتكلمت بسرعه والله وانا مبكرهكش.
ضحك وكمل حلو التقينا فنقطه مش هتنامى
ابتسمت هنام أقفل البلكونه وانت داخل والشبابيك كمان واتاكد ان الباب الكبير
