أختر لقلبك مايليق به أخترتك
عشان يشترى الشرايط بتاعتها.
هو انت متعرفش تتنفس من غير هزار
يبنتى دا بيت عيلتين يبنتى وطول الطريق بقول عمى ومراته وخالتى وعياله وانت البعيده بقره.
متزعقليش عشان مفضحكش جوه والله اخليهم يقولو عليك متجوز رقاصه ويطخوك عيارين.
مديت ايدى سلمت عليه ازى حضرتك يعمو
بصيت لعمر بشك هو دا الراجل ال المفروض بيكرهنى ومعقد وكدا فلقيته بيضحك فرجعت بصيت لعمو انا تمام الحمد لله.
بص لعمر بعتاب ورجع بصلى ينفع اللى عملو دا بتجوز من غير ما أحضر فرحه اصلا من غير ما يعرف حد فينا
دافعت عنه بسرعه هى والله جت بسرعه وبعدين احنا معملناش.
كنت لسا هكمل واقول معملناش فرح لقيته بيوقفنى بعنيه فتداركت الموقف وغيرتها ل معملناش حسابنا اننا نعرف حد من اهلنا وكدا.
لقيته بيهمس جنبى بغيظ يخربيتك هو احنا فلندن جيتى تكحلها عمتيها.
ضحكت وخفيت الضحكه بسرعه احم معلش يعمو عليا دى المرا دى لما يتجوز تانى وعد وعد هخليه يعزمك
معلش يبابا ملك هطلع.
بس بلا انت والله يعمو انا بحاول اخليك متزعلش منه فاهم
ضړب بايده ع راسه واتكلم بنبره مثل فيها العياط بتقوليلى يلا قدام ابويا دا الستات هنا بتاكل بعد ما رجالتها تخلص اكل.
عمو ضحك ومشى قدامنا وهو بيقولنا ندخل وراه عشان نسلم ع الجماعه دخلنا وراه وهو نده لواحده اسمها فاطمه تقريبا مامت عمر وقالها ان عمر هنا.
عليه وع اكله وع صحته وبعدها دقايق بعدت عنه ووقفت تبصلى ايه مش هتسلمى عليا يعنى ولا ايه
اتكلمت ازيك مش كويسه الحمد لله
كنت لسا هرد عليها لقيت عمر بيطبطب ع صدره بيستعطفنى انا اصلا والله مكنتش هعمل حاجه انا كنت هعرفها غلطها بس!
عديت لحد 10 عشان اهدى ومجبهاش من شعرها دى ست كبيره بردو قربت ناحيتها واتكلمت.
طب دلوقت هو ال اتجوز من وراك عشان يخلص من بنت خالته ومن زنكو انا زنبى ايه
طنط بصت لعمر ال هو شمت الناس فينا فلقيته بيلطم ماقدرتش امسك نفسى اكتر من كدا فضحكت فرجعت بصتلى تانى فسكت بسرعه وكملت هو مش
حسيتها اتاثرت فكملت بمسكنه وبعدين عمر طول الطريق بيحكيلى عنك وعن طيبتك وقد ايه انت بتحبى كل الناس وقالى بردو انك هتحبينى اوى طالما هو بيحبنى عشان انتى بتحبيه وبتحبى راحته فضل يقولى أنك اطيب واحسن ام هو شافها فحياته عشان طول عمرك بتدورى ع راحته هو واخواته فحسيت بشويه خذلان لما لقيتك بتعاملينى وحش بس!
طبطبت ع ضهرى وبصت لعمر وهى بتشكر فاختياره وبتباركلى مبروك يحبيبتى.
الله يبارك فيك يطنط.
سابتنا ودخلت المطبخ كنت لسا راحه لعمر اتكلم معاه لقيت جيش نازل من ع السلم اه والله جيش!
جريت عليه بسرعه مين دول يبنى
ولاد عمامى وخلاتى ولاجل حظك عماتى كمان هنا.
احيه والله.
نزلو سلمو عليه كلهم كلهم كانو بيبصولى بشړ لا ثوانى ثوانى بجد انا خۏفت منهم ليه
باباه جه نده عليه وقالو انو عاوزه فمشى معاه فمشيت
وراه واحده من البنات اتكلمت خليكى معانا هنا الحاج عاوز عمر فشغل.
عمو اكد ع كلامها خليكى مع اخواتك هنا.
اخوات مين دول هايكلونى والله بصيت لعمر ال هو لو سبتنى هنا هترجع م تلاقينى فمسك ايدى هاخدها معايا يبابا تتفرج ع الزرع.
واحده تانيه اتكلمت احنا ملحقناش نتعرف عليها يعمر.
بليل ابقى اتعرفى يلا يملك.
الوقت معداش بسرعه ابدا طلعو كلهم پيكرهونى فعلا ماعدا طنط فاطمه بتكرهنى بس مش اوى وعمو جابر القمر اللى قالى انو بيحبنى غير كدا كلهم محبونيش!
بليل بعد ماتعشينا اخوات عمر اخدوه اوضتهم عشان واحشهم وعاوزين ينامو معاه ويشبعو منه وانا سابونى مع بنات عمه!
حاولت اتكلم معاهم وابقى لطيفه بس هما فضلو يتريقو عليا وعلى طريقه لبسى وفيه واحده منهم قالتلى ان عمر متجوزش بنت خالته عشان كان عارف انها بتحب واحد تانى غير كدا هو كان بيحبها اصلا.
انت كويسه!
رفعت وشى انت شايف ايه!
رد وهو بيمسح ع شعرى عيونه والله.
ممكن تخلينى جمبك
ابتسم وهو بيحط
راسى
هزبت راسى ب لاء!
انا اسف أسفه ع السبب ال وصلك لكدا وانا معرفهوش! .
فضل يطبطب عليا كتير لحد ما بطلت عياط فاتكلم قومى يلا هننزل تحت.
نعمل ايه
هنتمشى.
مسكت ايده وقومت يلا.
مسينا اكتر من 15 متر من غير ولا كلمه
انا لسا مستنيك تتكلمى ومش عايز اضغط عليكي علفكرا.
أقوى ايه!
ايه عيطك وخرك من اوضتك وجابك ليا بمنظرك دا
قرايبك.
قعد تحت شجره ومدد رجله كنت هقعد جمبه فشدنى ع رجله واتكلم دا مش لسواد عيونك دا عشان السويت شيرت.
اصلا مش لابساه انا غيرته انت احول
بجد يبقى عشان سواد عيونك بصراحه
ابتسمتله فكمل هتحكى
ما أنا مش عارفه اقولك ايه انا حسيت نفسى عايزه اعيط فجاه فروحت معيطه.
عينى فعينك كدا
عشان فيه واحده من قرايبك قالتلى انك كنت بتحب بنت خالتك ومتجوزتهاش لانك عرفت انها بتحب واحد تانى وعشان كدا اتجوزتنى عشان مامتك وخالتك يبطلو ضغط عليكو انتو الاتنين.
بس كدا
اهه.
طيب. انا فعلا بحب سجده أكتر واحده فالبيت لانها طيبه ومش زيهم هنا حربيات بس أقسم بالله عمرى مافكرت فيها برا حدود الاخوه اقسم بالله عمرى مافكرت فيها زياده عن انها أختى مصدقانى
بصيتله برتياح وكأن حمل جبل اتزحاج من على قلبى مصدقاك.
شكرا.
اسئلك سؤال وتجاوب بصراحه زى ما عودتنى
جربينى.
بتشرب حاجات وحشه ليه
رفع حاجبه حاجات وحشه ازاى يعنى
بصيت بعيد عنه يعنى مثلا زى يوم الفرح لما كنت جاى .
ضحك بصوت عالى جدا فاستغربت وكملت فى ايه بيضحك فكلامى
مسك ايدى الإتنين جامد تقريبا كان مكتفنى عشان انا كنت دايما بحكى لصحابى انى مجبور ع الجوازه دى عشان اقول لاهلى انى متجوز وانى مش طايقك ولا طايق خلقتك فهما شربونى يوميها عشان انسى ومحسش بقرف لما اشوفك.
لا انا فهمت انت مكتفنى ليه عشان عارف انى لو سايبه دلوقت كان زمانى اديتك 100 قلم ع وشك ياللى متربتش انت.
ساب ايدى واتكلم بجرأه طب ورينى.
رفعت ايدى وكنت هنزلها علي وشه بس مهانش عليا
قد ايه انتى عظيمه.
ضحت وقضينا طول اليل قاعدين هنا بنفكر سوا لو كنا اتقابلنا فظروف غير دى لو احنا الاتنين مكناش مغصوبين ع بعض لو كنا اتقابلنا من زمان اكيد حياتنا كانت هتبقى احسن ع الاقل كان هيكون معانا حياه ويحيي
مانتبهناش غير لما الشمس طلعت علينا فقومنا
عشان نرجع عشان ميقلقوش علينا.
عمر.
خير.
شكرا
رفع حاجبه على ايه
ضړبته ع كتفه تك قرف كنت مفكراك هتقول كلام رومانسى ايه الفصلان دا يلا
قولى أننا هنروح عشان انا اتوترت وهيغمى عليا والله.
ضحك ورجعنا سلمنا عليهم ومشينا رجعنا
بيتنا
بصى هو اليوم مامشيش زى ماكنتى عاوزه بس انا انبسطت واتمنى تكونى فرحتى.
فرحت قد السما والله.
هنعيدو اليوم بكرا بس هنا فالقاهره هنعيدوه زى ما بتتمنى.
انت لطيف وانا بحبك
وانا بحبك.
اتكلمت بسرعه زى اخويا فيه ايه يعم!
طب مينفعش زى جوزك طيب
لاء.
ليه طيب دا انا حبيتك والله.
روحت قعدت جمبه وحطيت ايدى ع كتفه وكلمته بهمس ماتقولش كدا بصوت عالى قدامى عشان متبانش مدلوق.
رد بنفس الهمس تفتكرى
ايوه
بس احنا عدينا المرحله دى بقى فمش مهم شكلى يبقى ايه قدامك.
عمر بس عشان هضعف والله وأحبك.
طب ماتحبينى ما أنا جوزك.
لاء انت نسيت دا أنا متجوزاك ڠصب وبعدين انت متفقتش معايا أنك تتطلقنى بعد سنه ليه
اشمعنا سنه يعنى
عشان الناس متتكلمش علينا.
انت كلتى دماغى.
بعدت عنه انا عايزه انام انا مطبقه من امبارح.
اعمل ايه يعنى مش فاهم انام بدالك
عمر!
قام وقف ولما يجيلى الغضروف هتنبسطى
قمت وقفت قصاده قول انك مش هتقدر بقى.
بصلى بحب وضحك تحبى تاخدى لفه فالشقه
غضروفك يجدع.
فداك يست بس بشرطين.
قول.
الاول تحبينى.
انا بحبك اصلا مجتش فجمل يعنى.
اتكا ع الكلام زى جوزك ومش زى اخوكى.
ماشى بحبك زى جوزى.
التانى مش هنسمى يحيي هنسمى سليم.
لا انت تطلقنى بقى واروح اشوف واحد يحبنى ويسميلى أبنى يحيي بعيد عنك.
متهزريش
طب وعشان خاطرى طيب
هو لو يحيي عمر لايق فممكن افكر فالموضوع.
وان قولتلك انو وحياه عيونك لايق
