بيت العيلة بقلم الست نور

ونعوذ بك من شر هذا المنزل ومن شر ما فيه وماعليه
آمين.
نسأل الله أن يبارك لنا في هذا المنزل الجديد ويجعله مأوى صلاح وخير وبركة ورزق واسع من حيث لا ندري ولا نعلم ولا نحتسب.
آمين.
اللهم املأه بالذكر والقرآن.
آمين.
اللهم اجعل كل من في البيت سعيدا واجعله منزلا مباركا فيه.
آمين.
رب اجعله مكان ل لأمن والسلام والإسلام يارب اللهم ارزقنا الخير والبركة والنور والستر والحفظ والمحبة والإخلاص.
آمي ...
نور!
محستش بنفسي غير وأنا بدوخ ومقاومتي اللي كانت من بدري بقاوم بيها تعبي ودوختي اختفت ووقعت على الأرض فدخلني حسين لجوا وهو بيجري يجيب ميه يحاول يفوقني ولما فوقت أخدني من أيدي لأقرب مستشفى يطمن عليا.
أنتوا مكنتوش تعرفوا ولا أي
نعرف أي يا دكتور
إن المدام حامل.
حامل!
قولناها في صوت واحد بصدمة وإحنا متنحين وبعدها بنبص لبعض ونستوعب ف أنا دموعي تنزل تلقائي وهو ب فرحة  ومش مصدق اللي سمعه.
حكمتك يارب أكرمتني ووسعت عليا ورزقتني بالخلفة وأنا في أيسر حالاتي كنت بدعي بالبركة مكنتش أعرف إن معانا خطوة تالتة على عتبة بيتنا.
الحمدلله يارب الحمدلله.
من وقت ما اتجوزنا واستغربنا ليه مفيش خلفة برغم إن تحاليلنا كويسة ومحدش فينا عنده مشكلة ويوم ما حملت حملي مثبتش وسقطت ومن بعدها محملتش تاني والنهاردة بس عرفنا إن ترتيبات ربنا وتدبيره لأمورنا أعظم مما نتخيل ورزقنا وقت مإحنا بقينا جاهزين وأمورنا تمام وده من فضله ولطفه بينا علشان الطفل مكنش ييجي في وقت يحملنا فوق طاقتنا.
اتفضلي يا عمتي نورتونا.
وحشتيني يا مقصوفة الرقبة.
لقيتها أخدتني من على عتبة البيت وبتبوس فيا وسط استغرابي واستغراب جوزي وكل العيلة اللي جم معاها علشان يباركولنا في بيتنا.
وأنت أكتر والله يا عمتي.
بسم الله ماشاء الله ربنا يباركلكم يارب في بيتكم ويعم بالبركة والخير ويسمعنا عنكم كل خير بخرتي
لأ والله يا عمتي.
ودخلتي البيت كده ومبخرتيش هو ده اللي موصياك عليه
أصل نور تعبت أول ما وصلنا وخدتها المستشفى يا أمي.
تعبت! تعبت ليه لاقدر الله
إحم مهو كنا ناويين نفاجئكم بعد ما تدخلوا طيب.
تفاجئونا ب

أي
أصل نور حامل.
يا ألف نهار أبيض يا ألف نهار مبروك.
فجأة الزغاريد اتملت ب بيتنا ووالله وبالله لو أمي عايشة ماكانت هتفرحلي فرحة حماتي دي وهي بتزغرد لحد ما صوتها راح وبعتت ابنها الكبير يجيب شربات وابنها الوسطاني يشتري بيبسي وشوكولاتة ويوزعوا على كل الشارع وجيراننا الجداد.
بتعيطي ليه بس يا حبيبتي
كان نفسي أمي تبقى معايا في يوم زي ده.
وأنا روحت فين بس كده تقلبي عليا المواجع وتفكريني بالغالية ربنا يرحمها ب رحمته الواسعة ألف رحمة ونور عليها.
من وقتها وحياتي اتقلبت 180 درجة حماتي بقت زي أمي حياتي مع زوجي بقت مستقرة وإحنا منتظرين ابننا الأول ونظرا لأن الحمل بتاعي كان صعب فكان مطلوب مني راحة تامة وحماتي مقصرتش معايا كانت بتكسر يوم وتجيلي معاها الأكل والفاكهة وأي حاجة تنقص عندي.
عندي والله يا عمتي جوا كتير.
وماله ربنا يزيد ويبارك.
بقولك يا عمتي.
قولي يا روحقلب عمتك.
هو ليه المحبة ظهرت بعد ما بعدنا
هي كانت موجودة من قبل بس البعيد عن العين أقرب ما يكون من القلب يا بنتي واكتشفت غلاوتك بعد ما مشيتي وملقتش اللي يناكف فيا ويقف معايا في المطبخ يضحكني ويحرق في دمي ببروده لقيتني بقول ياريتني ما خليتكم تمشوا.
أنت عارفة إني كنت بحبك والله وغالية عليا وكل عنادي معاك ومشاكلنا مقللتش حبك في قلبي! ولسة عمتي اللي بمقام أمي وبحبها.
لقيتها وتطبطب عليا وإحنا بنعيط سوا وبيدخل جوزي على صوت شهقاتنا وبكانا وهو بيضحك
أي الميه رجعت لمجاريها واتصافيتوا!
اطلع منها أنت بس وهي هتتصافى.
أها تصدقي يا حماتي هو سبب المشاكل.
إزاي
أنا وأنت كنا زي السمنة على العسل لحد ما اتجوزته وبقيتي حماتي.
هم الرجالة كده يا بنتي يدخلوا في العلاقات يبوظوها.
أنا ده يا أمي
أيوة يابني.
لأ ده أنت حلال فيك أجوز أبويا وأجيبله عروسة.
يا خسارة البطن اللي شالتك اخس.
طب على فكرة حمايا مهما يلف مش هيلاقي ضفر عمتي.
قوليله يا بنتي قوليله.
بهزر يا أمي والله هو أبويا مهما يلف ولا يدور هيلاقي ست زيك
يعني هو لف ودور ده ليلته سودا معايا.
منتظرتش تسمع مننا وسحبت شنطتها ومن غير سلام مشيت وهي مستحلفة لحمايا وفاكراه لف ودور وهي عاملة نفسها مش واخدة بالها إنها ست قادرة ملففاه حوالين نفسه ياعيني.
لو اتطلقوا بسببك قول على نفسك يا رحمن يا رحيم.
اللااه وأنا مالي يا لمبي!
أنت خرابة.
أنا!
ومبوظ علاقات.
أنا!
وابنك مبوظلي جسمي!
أهو دي الحاجة الوحيدة الصح اللي عملها ابني قبل ما يشرف.
اشمعنا
أنت عارفة إن الراجل لا بيحب الست القوية ولا الست النكدية
أومال بيحب مين
الست الملبن.
طب أنت عارف إن أنا هخس بعد ما أولد
يا أهلا بالكيرڤي.
أنت مش ممانع خالص
أنا مش بقول لنعمة ربنا لأ كله عندي محضر خير.
ضحكت بعد ما كنت كاتمة الضحكة وهو شاركني الضحك لحد ما ضحكي اتحول لأنين من بعدها صويت وصراخ
ااااه الحقنييي.
مالك فيك أي
عندي صداع في بطني.
لأ ألف سلامة على الصداع.
نعم!
قصدي أجيبلك بنادول
يالهوي هيموتني اتصل ب أمك هاتلي أمك.
كنت نايمة وأنا مش حاسة ب جسمي ولما فتحت عيوني لقيت كل العيلة حواليا بيتطمنوا عليا كلهم بلهفة ومحبة كانت واضحة ومكدبش اللي قالي اللمة عزوة وسند.
هتسمي أي يا بنتي
عز
رددت الاسم بلهفة وجت باست جبيني ودموعها اختلطت ب دموعي
أنا عارفة إن عمرك ما نسيتيه لذلك أنا جبتلك عز الصغير يارب ييجي ضفر المرحوم في أخلاقه وتربيته اللي طلعتيه عليها.
حماتي كان عندها خمسة رجالة طول بعرض كبيرهم عز كان راجل شديد شايل البيت مع أبوه وشايل شغلهم برا لحد ما خرج وعمل حادثة ب عربية نقل ثقيل ومرجعش تاني من وقتها وحماتي عصبيتها بقت مبررة بتحاول تشغل نفسها علشان أول ما بتقفل عليها بابها بتاخد صورته في وتقعد تبكي.
ماما يا ماما.
نعم ياروح ماما.
تيتة تعبانة أوي ونايمة.
تعبانة! مالها
معرفش لما بابا خدمي هناك كان فيه دكتور عندها وهي نايمة مبتتكلمش.
قلبي اتقبض وجريت لبست عبايتي وحطيت الطرحة على راسي ومسكت عز وروحت على بيت جوزي ولأول مرة رجلي تعتب عتبة بيتي وأنا مش عاطية جوزي علم بس خوفي على حماتي خلاني نسيت أي حاجة.
فين عمتي يا عمي
نور! أنت عرفتي إزاي
يبقى هي تعبانة صح! هي فين يا عمي ابعدوا خلوني أشوفها.
جريت دخلت أوضتها كانوا بناتها حواليها بيحاولوا يسندوها يقعدوها على سريرها لأنها أول ما سمعت صوتي قالتلهم سندوني علشان مشوفهاش نايمة وتعبانة وأزعل.
مالك يا عمتي شالله أنا وأنت لأ.
بعد الشر عليك يا حبيبتي.
أي منيمك كده وهم خبوا عليا ليه ومحدش ليه بعتلي إنك تعبانة آجي تحت رجلك وأشيلك زي ما شيلتيني عمري كله أرد ولو جزء من اللي عملتيه معايا.
اهدي طيب.
دموعي كانت مغرقة وشي وبسبب دموعي كل اللي كانوا في الأوضة بكوا على بكايا ومعاهم حماتي فأخدتها في حضني وبوست على جبينها وكف إيديها
شاوري بس وأنا أجيبلك الحاجة لحد عندك.
أنت جيتي وجبتيلي الغالي مجيتك عليا كبيرة.
حاولت تشيل عز وتضمه لصدرها وأنا طبطبت عليهم وابتسمت شوية واتصلت بجوزي يجيبلي هدوم ليا وليه ول عز لأن هنقعد مع حماتي كام يوم لحد ما تتحسن وتبقى كويسة
مسامحاني يا نور
ليه بتقولي كده
اوعي قلبك يكون شال مني بسبب عمايلي والله غصب عني وعرفت غلطي.
عارفة يا عمتي كنت أوقات نفسي أقولك هو أنا لو أمي عايشة كنتي هتعملي فيا كده كنتي هتيجي ليا لأن ماليش أم تيجي تقفلك سيبك من أبويا وعمامي لأنهم مش هيتدخلوا في أمور ستات.
لقيتها بكت وهي بتهز راسها وبتنفي كلامي
والله أنت بنتي يا حبيبتي متقوليش كده.
ده زمان والله مكنتش فاهماك لكن أنا من بعد ما عاشرتك وعرفتك وأنا بقت روحي فيك ولو كان عندي أم مكانتش هتبقى بغلاوتك دي كلها.
أنا أمك يا نور أنت بنتي اللي مخلفتهاش.
وماتت حماتي اللي بقيت أم لمرات ابنها وبنت أخوها بقيت كل يوم جمعة أروحلها المقابر وآخد معايا زيارة بطلعها صدقة على روحها حتى وأنا معايا رجالة ب شنبات عودتهم يفتكروها ويدعولها بالرحمة ويطلعوا صدقة على روحها.
مش يلا يا نور
استنى أسقي الزرع.
خليك أنا هسقيه.
لأ محدش يسقي الزرع غيري الزرع ده طول ماهو مخضر ف حماتي راضية عني ومرتاحة مكان ماهي موجودة.
كانت بتحبك أوي وبتوصيني عليك.
وأنا كنت بحبها والله.
دموعي نزلت وميلت بوست الحيطة اللي مكتوب عليها اسمها المرحومةزينات عبد العزيز محمد وودعتها وخرجت مع جوزي كان ولادي التلاتة واقفين بيفرقوا صدقة على روح جدتهم فبصيتلهم ب فخر وبصيت لجوزي ورفعت راسي للسماء
ثمرة خير زرعتيها في تربية ولادك والعرق دساس وولاد ولادك بيبعتولك سلامهم أتمنى يكون وصلك وتقل ميزانك سلام ياغالية ... سلام يا أمي
الست_نور