العريس
جنبه كنت أنا على شماله وغيث على يمينه.
_عارفين حكايتي مع عاليا كانت إيه
_ماما الله يرحمها حكتها لينا مرة إحكيها لهم يا بابا.
_قول يا جدو المايك معاك.
_كانت بنت الجيران كان حالهم أحسن مننا شوية كنت بشوفها كتير من وهي بضفاير كبرت قصاد عيني وتعلقي بيها كبر يمكن كانت هي حافز كبير إني إهتم بتعليمي علشان أدخل كلية حلوة وأشتغل وأتقدم لها بس من بعد الثانوي وبدأ ييجي لها عرسان مع كل مرة كنت بعرف فيهم كنت بزعل أوي وأحس إنها هتضيع قررت أشتغل في الأجازة ووقت الدراسة كمان ويبقى معايا مبلغ حلو علشان شبكتها وأعرف أرفع راسي قدام أبوها أنا أبويا كان مجهز لي شقتي بس كان لسة خارج من جوازات أخواتي البنات ف مكنش ينفع أشيله فوق طاقته
وأقول له عايز أخطب في أجازة تالتة جامعة قررت إني هروح القاهرة وأدور هناك على شغل كبير حتى لو مش هنام الليل بس لازم أرجع معايا مبلغ محترم.. وعملت كدا فعلا ويوم ما رجعت كنت فرحان إني هروح أتقدم لها بس يومها أمي قالت لي إن متقدم لها ابن عمها وإحتمال كبير توافق حسيت وقتها بۏجع في قلبي.. حسيت إن حلمي بيتاخد مني بقيت عايز أشوفها بأي طريقة علشان أقول لها ترفضه كنت بدعي ربنا في كل صلاة إنها تكون نصيبي.. وبعد كام يوم عرفت إنها رفضته وقتها من فرحتي أول ما أبويا جه من شغله أخدته من إيده وروحنا نتقدم لها.. ووافقت وبقت ملك لقلبي وكنت طاير من الفرح. وصدق ال قال الصبر مفتاح الڤرج.
_واضح إنك بتحبها أوي يا جدو.
_والله يا ورد عمر حبها في قلبي ما قل ذرة واحدة ومن بعد فراقهاالله يرحمها ما في واحدة شغلتني غيرها
وإسألي أمك أهي هتقول لك إني عمري ما زعلتها أبدا الله يجمعني بيها يارب.
_ربنا يطول في عمرك يا بابا.
_إيه يا جدو بقا مش عايز تحضر فرحي
_ربنا يكمل لك على خير يا حبيبة جدك وأفرح بآية هي كمان قريب إن شاء الله.
إيه الإحراج دا بقا! وطيت راسي بعدين رفعتها أبص على غيث كان بيبص لي بس
_غزل رني على ورد تطلع تبات معانا.
_طيب وأنت قومي إعملي فشار.
_حاضر.
_عيال أنا عايزة أزغرط هو أنتم إزاي هاديين وعندنا فرح بكرة كدا
_إتهدي يا حلوة الساعة 2الفجر بطلي إزعاج علشان الجيران ميحبسوناش.
_طب والله بكرة طول النهار هعمل ضجة وهيصة وخلوا حد يكلمني.
_ورد هو أنت إتهبلتي
_سيبيها يا غزل دي عبيطة ربنا يشفيها.
حدفتني بالمخدة وقعدنا نهزر لحد ما نمنا آخر ليلة لغزل
معانا في البيت والله عايزة أعيط علشان هتسيبنا.
قومنا بدري على صوت ماما وطنط نبيلة علشان نجهز الدنيا.
_المأذون على وصول.
_شكلي حلو يا آية
_أحلى من الحلى يا عيوني والله بسم الله أرقيك من عيوني وعيون كل ال يشوفك يا حبيبي.
_آية تعالي كلمي باباك.
_أستر يارب.
_نعم يا بابا.
_غيث متقدم لك.
_غيث مين
_بت مش ناقصة هبل هو إحنا عندنا كام غيث!
_طب ورب الكعبة ما حد أهبل غير ابن أخوك يا ماماهو دا وقته وأنا مش موافقة.
كنت لسة هخرج بس لقيت ورد بتشدني من الخمار وبتزعق.
_أنت عبيطة يا بت بترفضيه تاني وترجعي تبكي على الأطلال والله يا آية لو رفضتيه وراح خطب
غيرك وسمعت صوتك ل أوئدك.
_سيبيها يا ورد.
_يا غيث إستنى بس.
_خلاص يا ورد.
_مرتاحة كدا
زقتني
وخرجت فضلت لوحدي في الأوضة بستوعب
ال حصل أنا مكنش قصدي أزعله أو أرفض أنا بس كنت مخضۏضة ومش مستوعبة. طب هو أنا كدا خلاص مليش فرصة معاه!!
قعدت على السرير أعيط وأنا بلعڼ غبائي في كل مرة بعد شوية سمعت صوت حد بيزغرط عرفت إن غزل إتكتب كتابها قومت غسلت وشي وطلعت ليها.
_مبارك يا غزل مبارك يا نور عيني.
_لينا كلام سوا علفكرة.
_سيبك من أي حاجة دلوقت خلينا نفرح بيك.
حضنتني أوقات كنت بحس إنها أمي مش بنت خالي فيها كمية طيبة وحنية تكفي العالم وتفيض.
قعدت معاهم وهم بيغنوا وبيفرحوا حاولت أبان كويسة وأفرح
_هو أنت بتعملي فينا كدا ليه
بعد ما غزل مشت والدنيا بدأت تهدى والكل نزل شقته غيرت هدومي ولبست إسدال وخرجت أقعد على السلم وبعد فترة سمعت صوته.
_ما تردي يا آية.
_أنا آسفة.
_وبعدها
أنا طلبتك مرتين يا آية.. مرتين وأنت رفضتيني برغم إني عارف إنك عايزاني ومتأكد من كدا.. يبقى ليه ليه بجد.
_أول مرة أنا كنت تالتة ثانوي كنت متوترة وخاېفة..
أنت عارف إن كتير كانوا مستنين فشلي وبيتنمروا عليا وأنا خۏفت.. خۏفت أفشل فعلا وأبقا مش لايقة بيك.
غلطت.. غلطت وإستحملت نتيجة غلطي لما قررت إنك تسافر وتبعد.
والنهاردة.. مكنتش مصدقة ال حصل أصلا والكلمة خرجت ڠصب عني.. بس أنا كنت متضايقة منك أنتم فجأة بتقولوا لي غيث طالب إيدك.
أنا آسفة يا غيث آسفة على غبائي في كل مرة.
_ونهايته يا آية
هنفضل كدا لحد ما العمر يعدي بينا
آية هو أنت حقيقي مش موافقة بيا!
لو زقيته من على السلم ويقع على دماغه دلوقت هتحاسب عليه!!
_ساكتة ليه
_وأنت عايزاني أشتمه ليه إن شاء الله يكونش غبي زي ناس كدا!!
_بسم الله الرحمن الرحيم بتطلعي إمتى يا ورد
_خليك معايا يا آية.. موافقة عليا ولا لاء أنا مش هقدر أغصب نفسي عليك كتير.. لو رفضتي وكنت مش عايزاني أوعدك إنك مش هتشوفيني
تاني.
_هتسيبني!!
_أنت عبيطة يا بت سيبتي كل الكلام وركزتي في دي
ما تخلصي تجاوبيه خلوني أنزل أنام منكم لله أنتم الاتنين.
_موافقة يا غيث.
نطقتها من هنا وورد زغرطت من هنا وډمرت ودني
حضنتني وهي مستمرة تزغرط جنب ودني.
_خلاص يا ورد البيت كله صحى.
_ودني يا ستي باظت إسكتي بقا.
_
في إيه يا ولاد
_آية وافقت على غيث يا خالتو.
_بجد
_أنتم كتب كتابكم بكرة خلونا نخلص من قرفكم بقا.
مش كنت وافقتي النهاردة كان زماننا نايمين!
_شكرا يا خالو الله يبارك فيك يا حبيبي.
_طب يلا
الساعة سبعة الكل يكون تحت وشوفوا هتجيبوا غزل إزاي.
_جماعة أنتم مصدقين
بعد كام ساعة هبقا على اسمه وهتودوني بيت حبيبي بجد.
_وربي أنا خاېفة تعملي أي حركة غباء وتبوظي الجوازة.
_أنا!! دا أنا هاين عليا أمشي أحضنكم كلكم.
_أنت عارفة يا آية لو زعلتي الولا في يوم أو نكدتي عليه أنا هعمل فيك إيه
_ولا!! بعدين دا غزل مش مهتمة بيه كدا إتهدي يا عسل بدل ما أحرمك منه أصلا.
_متقدريش.
_خلاص أنت وهي إعقلوا شوية.
بعدين أنا سمعتهم بيقولوا إن المأذون جاي في الطريق.
_إمضي يا آية هنا.
_جماعة هو أنا كدا إتسرعت أفكر شوية طيب
_ورب العزة بدل ما هتبقى شهادة زواجك هتبقى شهادة وفاتك ما تخلصي يا بت.
حتة عيلة أصغر مني محسساني إنها أمنا الغولة حسبي الله بجد.
مضيت
وخرج بابا من الأوضة وكام دقيقة وسمعت زغاريط ماما وطنط نبيلة.
_مبارك يا آية
مبارك يا نور عيني.
_غزل أنا بقيت مرات أخوك كدا صح
_محتاجة تتخبطي على دماغك علشان تفوقي.
أنا كدا خلاص بقا ممكن أحضنه وأهزر وأتكلم معاه من غير خوف!
مش ههرب من التجمعات
العائلية
تاني! عادي أبص في عيونه وأغرق فيهم! الحلو دا بقا صاحب دقات قلبي!
دا طلع إن الوصول له لذة جميلة بجد!
فوقت من سرحاني على لمسته لإيدي كانوا خرجوا كلهم من الأوضة وسابونا لوحدنا.
_أنا مش بحلم صح
_تعبتيني وغلبتيني ومرمطتيني.
_مستاهلش
_تستاهلي ورب الكعبة تستاهلي أفني عمري كله لأجل اللحظة دي.
_عارف أنا كنت غبية فعلا في كل مرة أخرت موضوعنا.
بس إتعلمت منها والله وعرفت.. عرفت إن عمري ما هقدر أوجعك أو أسيبك أو أزعلك هعيش لك عمري كله بسعى لرضاك يا غيث.
_غيث مغرم بيك والله وإتطمني.. مبقاش عندك حرية الإختيار إنك تسيبيني تاني.
_لقد كان الطريق مليئا بالصعاب... بس فداك ورب الكعبة.
_الله
ضحكت وضمني
لحضنه آمان العالم كله في الكام لحظة دول مفيش مكان للخوف وأنا في حضنه.
