اسكريبت كامل بقلم سولييه نصار
المحتويات
...كان محتاج للاجازة دي ....واحسن حاجة أنه كان
براحته خالص
كريم ...كريم ...
قالها صاحبه علي وهو بيدخل ...كان بينهت جامد
بصله كريم وهو حاسس بروقان
ولا متصيحش أنا عشت ليلة امبارح ولا في الخيال ....البنت كانت ج....
بنت ايه وزفت ايه شوف ...افتح الموبايل بتاعك وافتح صفحة ريهام صاحبة اسمهان وشوف ....
بصله كريم بحيرة وقال
اشوف ايه ...
هز علي رأسه بيأس وهو بيديله الموبايل وبيقول بتوتر
شوف....
مسك كريم التليفون وبص فيه ...فجأة توسعت عينيه لما شاف اسمهان ...جنب واحد ومكتوب مبروك لصاحبتي اسمهان خطوبتها!!!
ضحك كريم وقال
ايه الهزار البايخ ده بتعملوا فيا مقلب ولا ايه ....هي اسمهان عايزة تعاقبني يعني ...
هز علي رأسه وقال
للاسف أنا اتصلت بصاحبتي واكدت الخبر ...اسمهان اتخطبت !!!
لا ...لا ...ده مستحيل ..
قالها كريم بإنهيار...
يتبع
الجزء الرابع
مستحيل اللي بيحصل ده ...ده خدعة عاملاها فيا اسمهان ...انتوا بتكدبوا عليا صح ....مستحيل تعمل كده. ..مستحيل تروح لغيري....
كان بيتكلم بسرع. وهو حاسس بسخونة...حاسس أنه نفسه يضرب حد في اللحظة دي او ېقتله ...كان بيتنفس بسرعة لدرجة أن علي خاف وارتبك من منظره ....
كريم ...
قالها علي وهو بيحاول يطبطب عليه إلا أن كريم صړخ
لا ابعد متقربش ....ده مش حقيقي ...هي مراحتش لغيري ...مينفعش تروح لغيري....
هز الموبايل اللي في أيده وقال
الصورة دي مزورة اسمهان متقدرش تبص لراجل تاني غيري....متقدرش ....ده كله مش حقيقي....
قال كلمته الأخيرة بصړاخ وبعدين حدف الموبايل على الحيطة عشان يتدشدش ...لطم علي وقال وهو كان هيعيط
الايفون بتاعي....انت عارف ده بكام !
كان كريم شغال
احنا هنرجع دلوقتي !!!
قالها كريم وعينيه حمرا من الڠضب ....
.....
قومت من النوم بكسل ...النهاردة يوم إجازتي من أالكلية ...قررت افطر وبعدين اقعد واتفرج على مسلسلي اللي كنت محملاه من يومين ..... فجأة جاتلي رسالة على الواتس من خطيبي مروان ...فتحتها وقريتها
وتسألني ما الحب
الحب..
أن أكتفي بك..
ولا أكتفي منك أبدا.
نزار قباني
ابتسمت وانا حاسة الفراشات بتتحرك في معدتي ...ممرش اسبوع واحنا مخطوبين وكل يوم بيعاملني كأني حلم حققه ...رغم اني لسه مچروحة بسبب كريم لكن لما بكون مع مروان بنسى أي حاجة ....
ضحكتي وسعت وانا شايفاه بيكتب وبيقول
صباح النور يا لوزة حبيت بس اقولك اني استأذنت من باباكي وهنطلع أنا وانت ونروح السينما ...هستناكي الساعة خمسة ونص ..يالا باي...
ضحكت وانا بقوم بنشاط وحاسة ان الدنيا وردي ..مين كان يصدق اني من كام يوم كنت ببكي بسبب كريم !!
...
على خمسة ونص ودقيقة كنا بنمشي بالعربية .....كنت ببصله وانا مبتسمة ...ابتسم هو وقال
شكلي كده هكسب الرهان .......شكلك هتحبيني قريب. ..
وشي حمر وانا بودي وشي الناحية التانية ...ابتسم وهو بيقول
حقك عليا خلاص متتكسفيش ....
روحنا السينما وبعدها عزمني على العشاء وبعدها شربنا قهوة...حسيت الحياة مثالية اووي....
ما تعترفي بقا ...
قالها بما كنا بنشرب القهوة...قولت وانا بستعبط
اعترف بإيه مش فاهمة ....
اعترفي انك بتحبيني ....
حسيت
أسمهان!!!
ببص لقيته كريم عينيه مليانة غيرة ....لسه كنت هستوعب لقيته بيقرب مني وبيحسبني من ايدي وبيقول
يالا هتمشي معايا ...مستحيل اسيبك لحد تاني !!
يتبع
الجزء الخامس
ايه اللي انت بتعملوا ده يا جدع انت...
قام مروان وضړب كريم على وشه لحد ما وقع على الأرض....
قام كريم واټخانق معاه والكافيه كله اتلم علينا ....
بعد شوية كنا في القسم
...أنا كنت
بعيط جامد ...صاحب الكافيه أصر يبلغ على كريم ومروان عشان بهدلوا الكافية ...رغم أن كريم هو اللي غلطان بس البوليس اخدنا احنا التلاتة ....لما صاحب الكافية شاف اڼهياري قرر يتنازل وروحنا ....
....
خرجنا احنا التلاتة من القسم فقال كريم وهو بيبصلي أنا و مروان ووشه كله مكدوم وبيقول
الموضوع منتهاش لحد هنا يا اسمهان انتي بتاعتي انا وبس ...وهرجعك منه ...احنا اتفقنا اني أنا اللي هتقدملك ...ليه بتلفي من ورايا وبتتخطبي ...بس بسيطة لما نتجوز أنا هحاسبك على الحركة دي ....
انت عايز تتضرب تاني صح ...
صړخ فيه مروان ولسه هيقرب ويضربه مسكت فيه وانا بعيط بإنهيار وبقول
ابوس ايديك خلاص....خلاص يا مروان احنا قدام القسم ....
بصلي مروان پغضب ...حسيت بالخۏف منه للحظة وهو بيسحبني من ايدي ....دموعي نزلت اكتر وانا ماشية وراه ...كان قلبي بيدق جامد وحاسة اني بخسره....كنت بدعي اني مخسرهوش
..أنا بحبه اووي مش هتحمل يبعد عني ....عيطت اكتر فدخلني العربية وساق وهو متضايق....
مروان أنا ....
قولتها بصوت مخڼوق فقال ببرود
مفيش داعي تقولي لوالدك اللي حصل مش عايزين نقلقه على الفاضي ....
سكتت وانا بعيط فراح ضړب على داركسيون العربية
عشان كده مكنتيش قادرة تحبيني صح ...عشان بتحبي غيري ...وانا المغفل اللي كنت بحاول اخليكي تحبيني ...أنا كنت عارف ان مفيش اي مشاعر جواكي ناحيتي بس مكنتش أتخيل أن قلبك ملك واحد تاني ...واحد انتي كنتي متفقة معاه على الجواز ....
عيطت وانا بقول
حرام تظلمني ...اسمعني الأول وبعدين قرر ....
خلصت كلام وانا بعيط وبقول
والله العظيم رغم كل حاجة انا حبيتك...أنا بجد بحبك يا مروان ....
ابتسم پألم وقال
يعني كان واخد ميعاد يتقدم ومجاش فقررتي ټنتقمي منه واكون أنا البديل ...
هو ده اللي فهمته من كلامي يا مروان ....
سكت وساق العربية ...باقية الطريق كنت ببكي...وصلني البيت وهو مشي ..مسحت دموعي كويس قبل ما اطلع عشان بابا ميشوفنيش بالشكل ده ......
.....
تاني يوم .....
خرجت من اوضتي وانا بفرك عينيا الحمرا بسبب العياط لقيت بابا واقف قصادي وبيقول بشك
هو ايه اللي حصل بينك وبين مروان امبارح ...جيتي امبارح معيطة بس مرضتش اتكلم قولت تيجي تقوليلي...
مفيش حاجة يا بابا...
قولتها بصوت مبحوح من العياط فرد وقال
طيب ما دام مفيش حاجة ...مروان ليه اتصل بيا وفسخ الخطوبة!!!!
يتبع
الجزء السادس
سابني...سابني يا بابا بعد ما علقني بيه ....
اهدي بس وقوليلي اللي حصل ....
مسكني وخلاني اقعد على الانتريه وهو ماسك ايدي ...أنا كل اللي كنت بعمله اني بعيط جامد وانا حاسة قلبي هيطلع من مكانه ...مكنتش مصدقة أنه يتخلى عني بالسرعة دي ......
بدأت احكي وانا ببكي لبابا كل حاجة ....
بعد ما خلصت بابا فضل يشتم في كريم اللي مصر يبوظ حياتي ...
بصلي پغضب وقال
هو ده اللي كنتي عايزة تتجوزيه ...شوفتي عمل معاكي ايه
حطيت راسي في الأرض وانا بعيط وحاسة قلبي بيتقطع ...بصلي بابا بشفقة وشد على أيدي
متابعة القراءة
