اسكريبت حصريا بقلم الكاتبة المبدعة أية حمام
حبتيني ولا حبيتي ال عيشتيه معايا
يعني إيه تقصد إيه
أنت فاهمة قصدي كويس أوي
لاء مش فاهمة ومش عايزة أفهم أنت ال محتاج تفهم إنك أناني وشايف إنك محور الكون شايف إن أي واحدة بتحبك يبقى علشان فلوسك ومنصبك بس أنا بقا مش زي أي واحدة أنا غيرهم أنا حبيتك لنفسك بس أنت أعمى ومش بتشوف!
عايزاني أصدق السيناريو دا بقا
لاء عايزاك تصدق إن غرورك دا نابع عن نقص أنت حاسس به وأنا مش هقدر أكمل حياتي في الضغط وعدم الإستقرار دا آدي دبلتك أهي مش عايزة أشوفك تاني
أنت عبيطة أنت بتسبيني أنا
أنا بسيب واحد أنا معرفوش واحد إتخدعت فيه واحد بدايته معايا كان شخص مفيش مثيل له لكن مع الوقت عرفت إن البداية دي كانت قناع وخلاص إتخليت عنه لما ضمنت حبي
بكرة ترجعي ندمانة وتتمني دقيقة واحدة في قربي وقتها هدوس عليك
قبل ما تدوس عليا أنا ال هدوس على قلبي لو فكر يحن لك تاني
قولت كدا وإتحركت من قدامه ودموعي مستمرة
هايل يا ولاد براڤو عليكم
ممكن أستأذن يا دكتور
أكيد بس متنسيش تأكدي على الحفظ العرض قرب خلاص ولازم يطلع بأحسن شكل
هزيت راسي وخرجت ولقيته خرج ورايا
أنت كويسة مالك متأثرة أوي المرة دي بالحوار
مش عارفة خاېفة تبقى نهاية قصتنا زي المشهد ال كنا لسة بنمثله
حبيبتي دا مشهد مكتوب إحنا غير!
ممكن تفضل تطمني دايما
أنا معاك دايما ومستحيل أوجعك أنت روحي!
أنا نازلة يا ماما هستناكم في العرض
لما باباك يرجع هيجيبنا إن شاء
سيبتها ونزلت وأنا براجع الورق ال في إيدي وصلت المسرح ودخلت ألبس وأنا مستمرة في الحفظ لحد ما خبط على الباب ودخل لما سمحت له
جاهزة يا حبيبتي
أها لاء مش عارفة أنا خاېفة ومتوترة أوي
ممكن تهدي دي مش أول مسرحية لينا أنا واثق إنك هتنجحي النهاردة وهننجح بيك ووعد مني هفرحك بعد ما العرض ينتهي
ربنا يديمك ليا بجد مش عارفة مين غيرك كان هيطمني بوجوده كدا
حبيبتي أنا موجود علشانك دايما هروح أكمل حفظ أنا كمان وألبس وهبعتلك عصير تشربيه
خرج وأنا فضلت باصة له بحب على اهتمامه وحبه ليا من تاني سنة في الجامعة ومن بعد ما قررت أشترك في المسرح واتعرفت عليه وأنا حاسة إن حياتي بقت جميلة وخفيفة بوجوده
إتجوزتي
أيوا
بالسهولة دي نسيتي حبك ليا بالسهولة دي
ليه متقولش إن حبه هو ليا كان حقيقي ونساني كل حياتي ال كانت قبله
أنا صعب أتنسى!
صدقني أنت آخد مقلب كبير في نفسك محتاج تتقبل إنك مش فريد أنت إنسان فيه زيك مليارات لو عايز تكون مختلف بجد ف خليك كويس وإنسان نبيل كل ال يشوفك أو يتعامل معاك يقول إنك فعلا تستاهل الحب والتقدير لكن متبقاش عامل
زي النيش في الحياة آخد مكان ومساحة وضجة على الفاضي وهو ملوش قيمة
بربع جنيه أصلا!
سكت ل ثواني قبل ما أرجع أقول كلامي الأخير
أنا أها حبيتك في يوم من الأيام لكن أنت مقدرتش الحب دا لكن لما جه شخص قدر وجودي وحبني بجد كان لازم أوهبه عمري وقلبي أتمنى لك أنت كمان تتغير علشان تحب نفسك بشكل صحي ووقتها هتتحب
خلص الحوار وخلص المشهد وخلصت المسرحية وبدأ تصفيق الجمهور يعلى وقفنا كلنا نحييهم ورفعت عيني له بسعادة ف اتحرك من جنبي ووقف قصادي وطلع من جيبه خاتم والكل بدأ صوته يعلى وأنا ببص له بعدم فهم ف اتكلم
تتجوزيني
بصيت حوليا وبصيت على أهلي ولقيت الكل بيشجعني ف بصيت له لثواني قبل ما أهز راسي بالموافقة ف لبسني الخاتم وسط فرحة الكل
بارك الله لهما وبارك عليهما وجمع بينهما في خير!
في أقل من شهر كانت الجملة دي بيقولها المأذون ليا أنا وهو إزاي وإمتى وفين وليه معرفش!
نورتي عمري يا عمري!
مش مصدقة بجد أنا وأنت في بيت واحد بنتنفس نفس الهوا
لآخر العمر
أنا بحبك أوي بحبك وعايزة نفضل سوا طول العمر
أنا كمان بسعادة وعدم تصديق حاسة إني في حلم جميل لكن مش عايزة أصحى منه!
حبيبي
تعالى نخرج باليل شوية
حاضر يا حبيبتي هخلص الشغل دا ونلبس وننزل
بعد ساعتين ونص كنا جهزنا ونزلنا في الأول بدأنا نتمشى لحد ما دخلنا مول وقاطعنا مجموعة فيها بنات وشباب قربوا علينا ف اتكلمت البنت
أنا عارفاك وبحبك أوي حضرت لك أكتر من عرض وحقيقي العرض بتاعكم الأخير وال proposal ال عمله ليك كان تحفة بجد ممكن أتصور معاك
أكيد
اتصورنا معاهم وبعد ما سابونا حسيت إنه متغير فسألته
مالك يا حبيبي حصل حاجة ضايقتك
تعالي نروح
ليه كدا إحنا ملحقناش!
لاحظت إنه بيمنع غضبه وضيقه فعلا ف استسلمت ورجعت معاه البيت واختارت أسيبه يهدى على ما أغير هدومي وخرجت قعدت جنبه واتكلمت
ممكن
يعني أنت مش شايفة يعني
شايفة إيه
مشوفتيش المتخلفين ال كانوا بيبصوا لك النهاردة وبيثنوا عليك وعلى تمثيلك الواد كان ناقص ياخدك في إيده وهو ماشي!
فرحت من غيرته وقربت منه أكتر ورديت عليه بعد ما رفعت إيدي ومسحت بيها على وشه
لاء مكنتش شايفة ولا هشوف أنا مش بشوف غيرك أنت وبس!
عيني إتعمت عن إنها تشوف حد تاني غيرك
ختمت كلامي وأنا ببتسم من تاني وأنا حاسة بحبه ليا وغيرته عليا
إتأخرت ليه
الشغل كان كتير
دي رابع مرة نأجل معادنا
طب وأنا ذنبي إيه يعني
ذنبك إنك مش عارف تفضي لي نفسك يوم علشان نشوف حل للوضع دا
أسيب الشغل يعني وننزل نشحت
لو هتوصل إنك تسيب شغلك علشاني ف اعملها زي ما أنا سيبت المسرح علشانك!
يووه دي بقت عيشة قرف
سابني ودخل الأوضة ف دخلت وراه
واتكلمت
بدموع
متسبنيش وتمشي كدا وتحسسني إني مش مهمة عندك
أنت عايزة إيه علشان نعدي الليلة دي يعني
عايزاك!
قولتها واتحركت قعدت على السرير أحط وشي بين إيدي وأعيط اتنهد وقرب قعد جنبي وبدأ يطبطب عليا واتكلم
هتبطلي قلق إمتى ليه مش عايزة تسيبي الحياة تمشي بينا زي ما مكتوب لنا
علشان خاېفة تسرقنا وفجأة نكبر ونبقا لوحدنا من غير حتة مننا تسندنا وتونسنا!
فات على جوازنا سنتين ولسة محصلش حمل الموضوع مأثر فيا جامد أنا بنت يعني الأمومة فطرة فيا لازم أتوجع لما تعدي الفترة دي كلها ومابقاش شايلة جزء من روحي وروحه جوايا!
خلينا نصبر
