فخ طبيبه للكاتب سيد داود المطعني
فخ طبيبه
الفصل الأول
للكاتب سيد داود المطعني
انت تعرف يا أستاذ سيد إني بقيت مريضة سكر بسببه وبعد كل ده جاي يقول لي إن والده ووالدته عايزينه يفسخ خطوبتنا بسبب ظروفي الصحية عايز يفسخ خطوبتنا بعد ما جاب لي السكر
ممكن أعرف ازاي ده حصل
انا كنت صيدلانية في المستشفى اللي هو فيها وكان في دكتورة زميلتنا وكانت معتقدة إني أنا اللي بحرض دكتور أكرم ضدها علشان غيرانة
و في يوم بعتت لي روشتة مع حالة مكتوبة بخط مش حلو ودي أكتر حاجة بتستفزني من دكاترة المستشفى إنهم يبعتوا روشتة بخط مش واضح
أخدت الروشتة و الحالة و روحتلها الاستقبال اسألها ايه الصنف ده
قالت لي بصوت عالي قدام الحالات
جرى ايه يا دكتورة هو انتي مش عارفة تقرأي الأصناف ولا ايه
ردت عليها بسرعة لحفظ كرامتي وقلت لها
يبدو انك لحد النهاردة مش عارفة تكتبي الأصناف صح
بصيت جنبي لاقيت دكتور رامي خطيبي اديت له الروشتة وقلت له اقرالي الصنف ده يا دكتور لو سمحت
رامي بص في الروشتة واتكلم بسخرية من غير ما يعرف مين اللي كاتب الروشتة وقال لي
ايه ده دي روشتة ولا طلاسم سحرية
اللي حوالينا كلهم ضحكوا وبصيت للحالة وقلت لها خلي الدكتورة تكتب لك روشتة أوضح
الهانم كانت ھتموت من
و قبل اليوم ما يخلص كانت دبرت فخ لدكتور رامي خطيبي وفي زحمة قسم الطوارئ معرفش ايه حصل بالظبط خلى رامي يخبط بدون ما يقصد
وهنا صړخت فيه الدكتورة الأوڤر قدام الناس معرفش يرد عليها غير بكلمة سوري مقصدش
طبعا الهانم كانت مجهزة اسطوانة مليانة و فرغتها فيه و هي مڼهارة من البكا
هو ده اللي اتعلمته
و بدأت تصرخ و تستغيث بالدكاترة الكبار الموجودين تحت
انا كنت في الصيدلية لحظتها و سمعت الدوشة اللي حاصلة حواليا وعرفت بالموقف اللي اتحط فيه و كنت أدافع عنه دفاع مستميت لكن الموضوع زاد عن حده وخد أكبر من حجمه وبقى مستقبل رامي على كف عفريت
تحقيق في النيابة العامة و شؤون قانونية في الصحة
مفيش حد في
عيلتي أو صحابي من برة الوسط الطبي إلا ويسألني
كنت طول الفترة دي مړعوپة عليه خاېفة على سمعته ده دكتور ومستقبله المهني متوقف
خاېفة كمان يتحبس و يتشطب من النقابة و كده هتبقى کاړثة
في فترة التحقيقات تعرضت لضغوط كبيرة من أسرتي لفسخ الخطوبة لأنه حتى لو بريء
ورغم إني بنت إلا إني وقفت في وش التيار لوحدي وكنت كل يوم انام مخڼوقة و دموعي على عيني
كل يوم خناقات في البيت ونظرات تساؤل عن مصير علاقتي برامي
ده غير نظرات الشماتة في عيون الدكتورة اللي نصبت له الفخ
لكن للأسف مفيش عندي قوة تصبرني أكتر من كده وبدأت أحس بدوخة وريقي كمان بينشف كتير
خفت من الأعراض دي أنا عارفاها بحكم شغلي دي أعراض سكر أيوة هو السكر
جريت عملت كل التحاليل اللازمة و كشفت عندك دكتور أكرم رئيس قسم الباطنة عندنا وصدمني
أكدلي شكوكي كان سكري ٤٣٠ و قال لي كويس انك واقفة على رجليكي ولازم تتقبلي الأمر وتحافظي على نفسك و صحتك
حالتي النفسية ساءت أكتر من الأول حسيت إن كل حاجة اټدمرت حياتي باظت وخطيبي مهدد بالضياع وبقيت لشفقة أهلي عليا و نظرات الشماتة زادت في عيون الدكتورة الأوڤر بعد ما الخبر انتشر
بقيت أنام و اقوم وأخرج و ارجع كل ده بدموعي اللي مش بتبطل تنزل أبدا
وبعد كام يوم كانت النيابة العامة حفظت التحقيقات في قضية رامي و تبين إن واقعة مش مؤكدة خصوصا إن مفيش كاميرات مراقبة في قسم الإستقبال ده غير إن شهادات المرضى و الممرضين متضاربة مفيش حد قادر يجزم
حتى تحقيقات الصحة اتقفلت ورامي طلب ينقل من المستشفى وكنت اطمن عليه بالفون لمدة ١٥ يوم بعدها اتقابلنا علشان أصارحه بإصابتي بالسكري وكنت معتقدة إنه هيتقبل الموضوع عادي خصوصا إن السكر دلوقتي بقى مرض عادي مش خطېر خصوصا اللي بيعرف يظبطه ويحافظ عليه سواء حفاظ في الأكل والشرب أو تحكم في الانفعالات في أوقات الزعل والفرح
اتصلت بيه وعزمته ع العشا في بيتنا احتفالا ببراءته واتعشينا وكان من بين كلام كتير شكرني على وقفتي جنبه وتمسكي بيه واعتذر لي على الأسى اللي اتحملته بسببه
ولحد هنا كنت طايرة من الفرحة لأنه عارف أنا عملت ايه علشانه واعتبرت أن دي أنسب فرصة أقول له فيها إني أصبت بالسكري
رامي عايزة اقولك على حاجة بس اوعدني انك تاخدها ببساطة
قولي
فجأة لساني اتلجم معرفتش أقولهاله ازاي مش لاقية جملة مناسبة تهون الموضوع وهو بيلح يعرف في ايه لحد ما قلت له أن سكري ٤٣٠ واني بتابع مع دكتور أكرم
وهنا موقف رامي كان مفاجأة
فخ طبيبة
ليليان انتي
صيدلانية وعارفة إن مفيش حد بيجيب السكر لحد ده مرض له أسبابه
كلامه صدمني حسسني إني برمي بلايا عليه بورطه في مصېبتي علشان يكمل معايا
قلت له وأنا منفعلة
رامي أنا عندي السكر وشوف نفسك هتكمل
استفزتني
