كبرياء ابنة الخادمة بقلم سحر السحرتي
انت مشغول وهو اكيد عايز يعتذر عن الغلط اللي عمله
ركبت وما اديتلوش فرصه يتكلم ومشيت
بقلمي سحر السحرتي
اتصل يوسف على سامح و بلغه باللي حصل وإحساسه بالندم
هو انت عارف انها مسافره
هي قالت كلمه فكرتها بتعتب عليا بس ما اعتقدتش انها بتتكلم بجد
اسمع يا سامح اتصل على علاء واعرف منه احسن تسافر قبل ما تظهر الحقيقه جبت التسجيلات
للاسف هنا بتقول مسحتهم بعد مؤيد ما اتجوزها ما قدرتش يفضل عندها المخطط القذر اللي ضيع مستقبلها
وانت صدقت
لا طبعا واضح انها بتكذب
طب حاول تاخده منها من غير ما تعرف
دي اول حاجه حاولت اعملها من غير ما تعرف ولما ما لقيتهوش سالتها
طب هاته من على تليفون مؤيد هي اكيد كانت واخداه من على تليفونه
على ما اجيبه مش لو مؤيد كان بيكلم حلا يتفق معاها اكيد سجل مكالماته موجود برقم حلا تقدر تجيب سجل مكالمات الفتره اللي قبل هنا ما تحمل ده هياكد لنا مين فيهم كانت بتكلم مؤيد اكثر
اه فكره خلاص هجيبه
يوسف دور في سجل مكالمات مؤيد
ما لقاش بينا غير مرتين وكل مره اقل من دقيقه وفتره بعيده عن حمل هنا دور
ممكن يكون ليا شريحه ثانيه باسمي ما لقاش لا انا ولا مؤيد بس لقي مكالمات كثير بينه وبين هنا طول الفترة بتاعتة الحمل وقبلها
سامح بلغ يوسف انه ما لقاش على تليفون مؤيد اي تسجيلات ولا حتى محادثات بيني وبينه على اي برنامج تواصل غير كارت معايده وقت الاعياد ببعته للناس كلها دايما ويوسف بدوره بلغوا على اللي وصل له
لو هنا مسحته زي ما بتقول عشان نفسيتها مؤيد هيمسحه ليه دى فرصه كل ما يحتاج فلوس ممكن يهددنا بيه
الا اذا ما كانش موجود الا عند هنا هي بس
احنا كده مش هنقدر نوصل للحقيقه الا لو واحد منهم اتكلم
هنشوف لها حل المشكله ان حلا مسافره اخر الاسبوع
رايحه على فين
جالها عرض في دبي تعمل فرع للشركه هناك فطلبت انها تمسك الإدارة بنفسها هناك
دي كده مش ناويه ترجع
لازم نمنعها تسافر
انا هتصرف بس لازم نشوف حجه تخليها تقعد
اعمل ايه يعني يا يوسف
هقول لك بس محتاجين مساعده من والدك
اتفقوا على الخطه اللي هيوقفوني بيها على امل اني هوافق اقعد
بقلمي سحر السحرتي
مر الاسبوع وانا في
المطار لقيت اني ممنوعه من السفر ويوسف مستنيني
خير يا حضره الظابط هو مين اللي منع سفري
اظن اني مش متجوزة عشان جوزي يمنعني ولا تحت السن القانوني عشان ابويا يمنعني
انا منعته بشكل ودي ارجوك تعالي معايا مشوار مهم
المهم بالنسبة لك اكيد مش مهم بالنسبه لي انا مرتبطه بحجز وتذكره هتروح عليا
هعوضك بس لازم تيجي معايا
واذا رفضت
ما كنتش حابب تعرفي هنا والدك في المستشفى حالته خطړ وسامح معاه و بعتني اوصل لك لان والدك حابب يشوفك يمكن تكون المره الاخيره
صړخت وانا بمسك في هدومه قلبي ما طاوعنيش
بابا انت بتتكلم جد
هو الكلام ده فيه هزار
خدني بسرعه ارجوك
جريت زي العبيطه ونسيت كل اللي عمله فيا
طول الطريق وانا بعيط قلقانه على بابا يوسف استغل الموقف ومسك ايدي يطبطب عليا حنين قوي
هو استهبل وانا بصراحه كنت محتاجه لايده كان واحشني قوي ولاني زي الهبله زي ما انتم عارفين لسه بحبه وحاولت انساه ما قدرتش مش عارفه نسيت حب ادم بسرعه لكن يوسف لا ليه مش فاهمه فقلت استهبلي انت كمان
وصلنا المستشفى وجريت بسرعه عشان اشوفه لقيت سامح طالع من غرفته حزين كنت هصرخ بس لحقني خدني و طمني وقال لي انه حالته صعبه بس هيعدي لو احنا جنبه
دخلت كان ممثل فاشل زي اول مرة لما عملت اني اتجوزت سامح بس عملت زي الجمهور اللي دافع ثمن تذكره السينما فكمل باقي الفيلم يعمل بفلوسه قلت مثلي انت كمان يا حلا لما نشوف اخرتها الطيارة وراحت عليك والسفر واتاجل
بابا حبيبي الف سلامه عليك هتعدي و هتقوم منها
ما استحملتش لما قالوا انك مسافره ومش راجعه تاني
هو مين اللي قال لك و عرفوا ازاي
يوسف كان موجود عشان يلحق يرد بما ان شغله مدربه على سرعه البديهه وتقريبا بقى متولى الردود بالنيابة عن العيلة
اصل سامح كان بيكلم علاء بالصدفه عشان يشوف هيفض شړاكه صافي امتى فقال له لما حلا تاسس الشركه وتشتغل شويه وتجمع فلوس صافي
طب ليه بلغ بابا وهو عارف ان صحته ما تستحملش
ده بابا سمعه وهو بيحكي لي في التليفون
بصيت له بصة بتقوله يا راجل معقول
وانت يا بابا زعلت عليا ليه مش انا البنت الوحشه اللي ڤضحت اختها المفروض انك تتبرى مني وتنساني وبلاش اصعب عليك قوي كدة
سامح حب يسبكها باين انهم عيلة عاشقة للتمثيل لكن فشلة
حلا بابا مش حمل انفعال بعدين ابقى عاتبيه الكلام ده ممكن يزود تعبه
اتاكدت أكثر انهم بيكدبوا عليا لما شفت
يا ترى حلا شافت ايه
وهل هتظهر براءتها فعلا
كبرياء ابنة الخادمة
حلقة ١
لما شفت الاجهزه اي نعم انا صيدلانيه بس فاهمه جهاز الاكسجين شغال ولة لا بس حبيت الفت نظرهم اني فاهمه في شغل الاجهزه اللي بابا مركبها
بس ما تقلقش هتبقى كويس وقفت قدام جهاز قياس الضغط وضربات القلب و كملت
كل المؤشرات الحيويه بتقول انك بتتحسن بسرعه هو الدكتور قال لك يا سامح هو عنده ايه بالظبط
ارتبك شوية وبعدين قال
الحقيقه هو قال كلام كتير و كام مصطلح طبي كده بالانجليزي وكنت قلقان على بابا ما ركزتش هو كان يقصد ايه بالضبط بس كنت مستني انه يقول انه هيتحسن وبس ده اللي كان هاممني وقتها
طب هروح اسال انا الدكتور يطمني ما تقلقش انا هفهم كويس
استني هو جاي دلوقتي هو استاذن بيلف على حالات و هيرجع ثاني بلاش تتعبي نفسك
امال الساحره الشريره فين هو مش المفروض تقف جنب جوزها
قصدك على مين
زي ما فهمت الست والدتك
حلا عيب
لا عيب ايه ده كان زمان قبل ما ابقى شريره و حربايه لكن دلوقتي انا جايه اطمن علي بابا واول الدكتور ما يطمني هسافر وقول لصاحبك لو منعني تاني هقدم فيه شكوى و اضر مستقبله ما بقتش اسكت لحد خلاص وخصوصا انتم
يوسف تعالي نتكلم بره لان كلامك بالاسلوب ده هيتعب عمي
خلاص مش هنطق لما يجي الدكتور و اطمن عليه
بابا تظاهر انه تعبان و بيخرج الكلمه بالعافيه
حلا تعالي قربي جنبي
نعم يا بابا
لو جرى لي حاجه عايزه اموت وانت مسامحاني
سكت وما ردتش عليه بس دموعي جاوبته
مش بتردي عليا ليه انا عارف اني ما ليش حق اطلب منك ده انا قصرت معاكي كتير ومش اول مره اخذلك
الحقيقه يا بابا انت جبت المفيد
سامح وبعدين يا حلا بابا مش حمل طريقتك دي جايبينك تحسنيها مش تقضي عليه
انا خارجه اشم شويه هوا على ما الدكتور يجي
بابا بالراحه عليها يا سامح هي معاها حق تعالي يا حلا بلاش تخرجي عايز اشبع منك
معلش يا بابا اديني 10 دقائق وراجعه حاسه اني مخنوقه هنزل عشان ما ازودش كلام يضايقك و يتعبك
سامح شاور ليوسف يخرج ورايا
نزلت جنينه المستشفى ويوسف ورايا ومش واخده بالي منه قعدت على كرسي و بدات اعيط مش عارفه اسامح ولا ابعد القرار صعب
يوسف قعد جنبي
ما تخافيش هيبقى كويس
بقلمي سحر السحرتي
بعدت عنه كويس عشان الحق اسافر
انت مصره مش خاېفه يجرى له حاجه وانت بعيده عنه
كل شيء مقدر ومكتوب و قعدتي معاه مش هتمنع قدره
ياه للدرجه دي انت اتغيرتي قوي يا حلا
الفضل يرجع لكم بس لا انا كده من الاول انا حربايه
حلا لو سمحتي ده كان اختبار واحنا للاسف سقطنا فيه من وزه الشيطان وهنا كانت رسماها كويس قوي
ايه ده هي ظهرت البراءه وانا ما اعرفش
لا احساسنا
و احساسكم ده يومها كان واقع في غيبوبه يوسف اسمع الكلمتين اللي عندي ومش هكررهم بابا اول ما يخف هسافر ومش عايزة اشوف وش حد ولا اعرف حاجه عن حد وخصوصا انت
اشمعنى خصوصا انا
لاني هتجوز واحد عارف قيمتي واظن انا اه حقودة وحرباية لكن مش خائڼة للراجل اللي هتجوزه
كنت
على چثتي يا حلا تبقي لغيري
قلت بمنتهى السخرية
ايه ده انت عايز تتجوز واحده لا تؤتمن على بيت طب ازاي
هكتفك و اخطفك وبعدين انسي كل
اللي قلناه كانت لحظه ڠضب
كلام كل واحد فيكم محفور جويا بيرن في ودني كل يوم تحب اسمع لك لو نسيت انت قلت ايه
حلا كل حاجه هتتصلح وجواز من غيري مش هيحصل
بصيت له بتحدى وقلت بمنتهى القوة
ولو انت اخر راجل في الدنيا عمري ما هتجوزك
هنشوف يا حلا وقومي نشوف الدكتور رجع ولة لا
اطلع انت وخلي سامح يرن لي لو الدكتور رجع
قومي معايا بدل ما اشيلك
بصت له بنفس نظره التحدي
الكلام ده كان زمان اعملوا مع حد ثاني وبعدين انا مستنيه مكالمه من خطيبي يطمن عليا بما اني لسة ما سافرتش
شالني بايده الاثنين و قال بكل ڠضب
ما اسمعش صوتك احنا في مستشفى وفي عيانين
طب ما ترجعش انت ټعيط
ضړبته في كتفه ما قصرش فيه اتغظت قوي قمت عضاه في كتفه حسيت بصرخه الم مكتومه قال لي وهو متنرفز جدا
لو ما بطلتيش هشيلك زي الزكيبه كده لو حد شافنا هيقول مريضه لكن الثانيه هتبقى غلط في
حقك
بقلمي سحر السحرتي
خفت من شكله وغضبه وسكت دخل عليهم وهو شايلني كده سامح ساله
في ايه
رجلها وهي ماشيه اتلوت وصعب تدوس عليها شلتها مش كده يا حلا
بصت له بسخافه و واديت وش الناحيه الثانيه
في اللحظه دي صافي دخلت وفي عينيها ړعب قلقتنا بس طلبت من سامح يخرج معاها هو ويوسف
سامح طلب مني افضل جنب بابا الفضول كان هيقتلني بس قلت يا خبر النهارده بفلوس وصافي مش بتخبي عليا حاجه
خرج سامح قلقان من شكل صافي
خير يا صافي مالك وشك مخضوض
الحق مامتك جبناها المستشفى ودخلت العمليات
ايه ليه وما اتصلتيش علي ليه
انا قلت انت اصلا هنا مع باباك زي ما فهمتني بس الحق يا يوسف اقبض على مؤيد
ليه ايه اللي حصل
سمعنا هنا بتزعق و بتتخانق مع مؤيد قلنا عادي ده الطبيعي بس لما ضربها جامد وصړخت وقالت حد يلحقني جرينا عليها اتضح انها كانت بتطلب منه فلوس وهو رفض شتمته وضربها لما خلصناها من ايده قال لها
انا رايح اقول لهم على كل حاجه انا قرفت منك لازم يعرفوا انك انت وامك الشياطين و اتهمتوا فيها الغلبانه اللي طول عمرها كويسه معايا حتى لما رفضتني بذوق ما جرحتش كرامتي انما انت طول الوقت بتذلي فيا انت كنت تطول تتجوز واحده زيي وانت دبلوم يا سافله يا اللي بتتجوزي من ورا اهلك
بقلمي سحر السحرتي
سكتت شويه تاخد نفسها
وبعدين جه عشان يمشي هنا قالت
امسكيه يا ماما هيقول لهم
وقف على السلم و طنط ماسكاه بتحاول تمنعه وهو بيفلت ايديها وقعت من على السلم وهي دلوقتي في العمليات
سامح جري على غرفه العمليات لقى هنا مضړوبه و وشها ازرق
يوسف قال له هروح اجيب مؤيد قبل ما نقبض عليه عشان نلمها بدل ما تبقى ڤضيحه ولا عايز تقدم بلاغ
لا خلينا نفهم ايه اللي حصل بعدها نقدم او لا
يوسف اختصر الطريق و بعت رساله لمؤيد رد عليا علشان نلم الدنيا بدل ما يدخل فيها البوليس واكيد انت عارف انا كلمتي واحده
رد مؤيد عليه و قابله
اظن ما بقاش في مجال تخبي لان تقريبا كل حاجه اتكشفت
حكى له ان اتجوز هنا بموافقتها واختلفوا لما حملت وما يعرفش هي عملت ايه خلاهم اتصلوا عليه عشان يتجوزها رسمي لكن فهم من حوارهم انها كذبت عليهم ودخلت حلا في الموضوع بعد ما اتجوزها رسمي
سالها وعرف كل التفاصيل
صاحبتها اللي دلتها على الدواء بتاع الإچهاض جابت لها
واحد يعمل تسجيلات بصوتي وبصوت
حلا ان احنا بنتفق عليها وان حلا اللي خططت ټنتقم منها
وده صحيح
رد مؤيد بانفعال صادق خلى يوسف يتأكد أن اللي بيقوله صادق فيه فعلا
لا طبعا حلا طول عمرها متربية معانا
في الحاره طول عمرها طيبه وقلبها ابيض ويوم ما اتقدمت لها رفضتني بذوق رغم انها دكتوره بس قالت اني زي اخواتها علاء وعادل ولو حبيتني كانت هتوافق رغم اني دبلوم احترمتها الكل مفكر أن اللي متربي في الحواري معډوم الاخلاق والضمير لكن ده غير صحيح
وايه اللي حصل خلاك ټضرب هنا بالشكل ده
الولد بتاع المونتاج اتصل عايز فلوس منها تاني وهددها يقول لاخوها طلبت مني الفلوس
مش معايا يا هنا
دول 100 الف و هتصرف و ارجعهم انت واخد من بابا 2 مليون
وانت مالك بيهم مش دول ثمن خطتك القڈرة ضد اختك وانا سكت و داريت عليك
اسمع انت هتسلفني الفلوس زي ما قلت والا عليا وعلى اعدائي
هتبقى عليك انت بس يا حلوة انا ما اشتركتش معاك في القذارة اللي عملتيها
انت نسيت نفسك يا حيوان مش تحمد ربنا انك متجوز واحده زيي يا بتاع الحواري يا دبلوم وكمان عايش في فيلا اهلك عمرهم ما كانوا يحلموا يمشوا من قدام بابها
بصراحه يا يوسف ما قدرتش استحمل و ضړبتها جامد ولو في عقاپ مسعد استحمله بس هجرجرها معايا هي و بتاع المونتاج انا مش هتسجن لوحدي
طب يا مؤيد اديني عنوان الولد ده او تليفونه
يوسف راح للولد بتاع المونتاج وهدده انه لو اتعرض لهنا هيقدم فيه بلاغ و يتسجن
حاول قدر الامكان يلم الموضوع عشان هتبقى ڤضيحه ويمكن هنا كمان ټتسجن وكفايه اني براءتي ظهرت
بقلمي سحر السحرتي
رجع على المستشفى كانت شاهنده
خرجت من غرفه العمليات هنا كانت ندمانه و بټعيط لاحساسها ان اللي حصل لمامتها كان بسببها
يوسف خير يا سامح الدكتور قال ايه على طنط
جالها شلل نصفي و هتفضل قاعده على كرسي متحرك انت عملت ايه
حكى له على كل الحوار اللي دار بينه وبين مؤيد والولد اللي منتج الصوت
سامح دموعه نزلت عشان ظلمني وجري و ساب مامته ودخل عندي في غرفه بابا اخذني وهو بيعيط من الندم
ايه يا سامح مالك يا حبيبي مامتك كويسه
غلطت غلطه كبيره في حقك بس صافي قالت ان رصيدي كبير عندك ارجوك سامحيني انا عمري ما خذلتك لكن المره دي فعلا انا خذلتك
اهدى يا سامح لو سمحت هو ايه اللي حصل
حكى لي انا وبابا اللي اكتشفوه بابا كمان الدموع فرت من عينه
خلاص يا بابا ارجوك عشان صحتك مش هقدر اكون السبب في اني اخسرك
سامح ماما خلاص يا حلا ربنا انتقملك منها و هتقضي باقي حياتها على كرسي متحرك
اللهم لا شماته بس الحمد لله ده حق امي اللي ضړبتها و استجابه لدعائي ان ربنا يجيب حق امي انا بصراحه مش زعلانه عليها ومش مبسوطه كمان
دخلت صافي ثاني وعلى وشها قلق
سامح تعالى الحق
ايه يا حبيبتي النهارده كل اخبارك سعيده
وانا مالي هنا فقدت الوعي و نقلوها غرفه جنب والدتك تعالى شوفها
ضحكت رغم المواقف الصعبة وانا بقول له
خلي بالك من نفسك يا سامح احسن كده ما فاضلش الا انت
بعد ما خرج قلت لبابا
هروح اطمن على هنا تعالي يا صافي نشوفها
صافي استغربت هتروحي تشوفيها بجد
لا طبعا انا ماشيه و بلغيهم الرساله دي انا مسامحاهم
بس مش عايزه اشوفهم ما حدش يدور عليا
هتروحي فين
هحاول اشوف طياره مسافره دبي دلوقت بس المشكله ان شنطي في عربيه يوسف ممكن تبقي تشحنيهم
مسافره لي يا حلا ما براءتك ظهرت و بتقولي سامحتيهم
براءتي ظهرت هم اللي كانوا محتاجينها تظهر انا كنت عارفه نفسي انا كل ما ببص في وشهم بفتكر كلام كل واحد فيهم مش قادره اتعامل معاهم تاني ساعديني امشي
بقلمي سحر السحرتي
طب بلاش تروحي دبي و سافري اي مكان غيري جو و ارجعي
هشوف و اكلمك لاني فعلا محتارة سلام
ورجعت عند سامح تشوف اخبار هنا
الدكتور قال ان هنا حامل ولازم تستريح لان لو حصل اجهاض المره دي ممكن ما تعرفش تبقى ام ثاني
مؤيد لما عرف انها حامل رفض يطلقها و هددهم انه لو طلقها هياخذ الطفل ويثبت انها ام غير امينه ويفتح دفاتر مقفوله
هنا استسلمت للامر الواقع
كلهم خرجوا من المستشفى
هنا ما قدرتش تهتم بيها هي كمان لانها كانت نايمه على ظهرها باستمرار بسبب الحمل
كانت عايزة تحافظ عليه باي شكل خصوصا انها خاېفه تكون اخر فرصه تبقى ام
وصافي كمان اكتشفت انها حامل و محتاجه هي كمان راحه
شاهنده بالرغم من ان عندها ممرضه مقيمه معها باستمرار الا انها مفتقده الحنان والاهتمام
انا اختفيت ما حدش عارف عني حاجه ولا عرفوا يوصلوا لي يوسف حاول كثير يدور علي حتى صافي ما كلمتهاش ولا بعثت لها اي رساله
شغل الشركه كان ماشي كويس و بتكبر
عادل سافر مكاني دبي و اسس الفرع هناك ونجح
سامح انشغل شويه مع مامته لان نفسيتها كانت تعبانه بسبب مرضها واخدت وقت على ما استسلمت للامر الواقع
سامح كان هيتجنن انه بيظهر لي منتجات جديده بس مش قادر يعرف مكاني فكلم يوسف
انت متاكد انك دورت كويس
ايوه يا سامح هي في مصر انا مبلغ اصحابي لو حاولت تسافر يبلغوني
انا حاسس ان السر عند خالتها تعالى معايا نروح لها
فعلا زاروا خالتي اللي رحبت بيهم و عاتبت عليهم انهم مش بيسالوا من باب المجاملة
طنط لو سمحت احنا دورنا كثير على حلا مش لاقيينها بس متاكد انها مطمناكي واكيد انت عارفه هي فين
مش هكذب في سني ده اه هي مطمناني وعارفه مكانها سيبوها في حالها هي كده مستريحه كل ما بتقربوا منها بتظلموها و تكسروها كفايه اللي حصل لحد كدة اعتبروها مش موجوده زي ما والدك اعتبرها وهي قدامه سنين طويلة مش بنته
يوسف يا طنط انا بحبها
عارفه بس حبك ما كانش كافي انك تصدق انها مظلومه وانت يا سامح من قبل ما تعرف انها اختك وانت سندها وظهرها مره واحده خلتها عريانه من غير ظهر عارف ده عمل فيها ايه
انا اسف اعتذرت لها مره ولو شفتها هعتذر مليون مره لو سمحت قولي لنا هي فين
ما اقدرش هي محلفاني انا ما كذبتش عليكم لكن مش هقدر اخلف وعدي معاها
طب هي في القاهره
يمكن
بقلمي سحر السحرتي
يا طنط ساعدينا باي حاجه
حاضر هساعدكم المساعده هي انكم تبعدوا عنها خالص هي كويسه قوي من غيركم رجعت لها ضحكتها بقت ناجحه اكثر ودموعها قلت عايزين مساعده كمان ولا كده كفايه
يوسف طب ممكن تقولي لها اني بحبها و هستناها العمر كله
لا كده احسن لها لو حسيت ان الكلام ده هيفيدها هبلغها لكن عارفه انه هيقلب عليها ذكريات مؤلمھ بتحاول تمسحها
من حياتها
سامح ممكن تبلغيها ان سبوع ابني يوم الخميس واتمنى تحضر
هحاول لو لقيت عندها استعداد
رجعوا البيت وقررت احضر سبوع ابن صافي بس اخذت معايا ادم وكنت حاطه ايدي في ايده يوسف شافني كان هيتجنن وكمان لابسين دبل
يا ترى حلا فعلا هتتجوز ادم ولا خطه بتغيظ بيها يوسف
الحلقة القادمة هي الأخيرة
كبرياء ابنة الخادمة
حلقة ٢ والاخيره
سلمت عليهم ببرود
انا جايه احضر سبوع ابن صافي لانها صاحبتي واختي
بابا طبطب عليا وهو ودموعه نازله
انت لسه زعلانه يا حلا
تفتكر كلمه زعلانه توصف احساسي باخر مره كنت فيها في البيت ده وكلكم متفقين عليا مع بعض ما حدش فكر يدافع عني ما فيش حد قال انا لو شفتها بنفسي مش هصدق رغم انكم عارفين اخلاقي وعارفين اخلاق هنا
سامح هو كمان ومسح على شعري
انا اسف لو كمان عايزاني على ايدك ورجلك مش هيكفي
لا يا حبيبي انت بالذات زي ما صافي قالت رصيدك كبير عشان كده غلطتك كانت تعتبر في مقټل ليا الوحيد اللي كان نفسي يقول لا باعلى صوت حلا مش كده
اسف يا حلا المصېبه اللي عملتها هنا شلت تفكيرنا كلنا وهي كانت مظبطاها
انا مش جايه اتكلم في دفاتر قديمه انا بحاول انسى واعيش واتقدم انا جايه احضر سبوع ابن صافي
كده يا حلا ابن صافي بس
خليها حجتي اني ادخل البيت ده بكرامتي البيت اللي اتطردت منه و اتظلمت وامي ماټت و اتهانت هنا اظن كمان صافي بوقفتها جنبي تستاهل احضر سبوع ابنها
اللي تشوفيه يا حبيبتي تعالي شوفي العفريت الصغير
بقلمي سحر السحرتي
مؤيد وهو نازل
ومش جايه تشوفي بنتي كمان ده انا اجلت سبوعها مع ابن سامح رغم انها مولودة قبله باسبوعين
انت عارف انك لو طلبت مني احضر سبوعها اكيد كنت هوافق انت عارف معزتك عندي انا بعتبرك اخ رغم اني زعلانه من اللي عملته لهنا وكنت طلبت منك تبعد عنها
معلش بقى يا حلا الشيطان شاطر وهي اللي كانت لازقه فيا وسمعت كلامك لما قلتي
لي سيبهم يكتشفوا الحقيقه لوحدهم
سامح بدهشه بتقول ايه
لما كتبت الكتاب على هنا وقعدت معاها وفهمت منها ايه اللي حصل اتكلمت مع حلا عشان اتفق معاها تيجي عشان اظهر براءتها قدامكم قالت لا ما يستاهلوش هم چرحوني خليهم عايشين في غفله والحقيقه تظهر لوحدها
وانت سبتنا كده
اسف كانت رغبتها وزي ما احترمت رغبتي اني مخبي سكني في الحاره احترمت رغبتها وده أقل شيء أقدمه لها
وكلمتها ازاي وسجل المكالمات ما كانش فيه مكالمه بينكم
رحت عند خالتها طبعا وده كلام يتقال في تليفونات واكيد كانت مڼهاره عمرها ما كانت هترد على حد
هنا نزلت ومعاها البنت والدموع في عينيها
انا اسفه يا حلا مش عارفه ازاي اتبدلت احنا كنا اعز اصحاب واقرب لبعض من اي حد مش عارفه عملت كده ازاي
خلاص يا هنا اللي حصل حصل كل واحد يعيش حياته و يتاقلم انه من غير الثاني
لا يا حلا مش بعد اللي عملتيه معايا واللي لسه بتعمليه
انا ما عملتش حاجه ده دور الاخت الكبيره افضح الصغيره واهلي
مؤيد حكى لي انك كلمتيه كثير عشان يبعد عني وبعد ما ولدت حلفتيه يعاملني كويس ويبدا صفحه جديده عشان بنتنا تعيش في جو كله حب وانا سمعت كلامك واتفقت معاه اسمي البنت حلا عشان تحلي ايامنا زيك
ليه يا مؤيد قلت لها
عشان تاخدي حقك طول عمرك اكثر بنت في الحاره بتتعامل معايا كويس وانت اللي شجعتيني العب كوره واصبر وهبقى حاجه كبيره وفعلا سامحي هنا وهقول لك زي ما قلتي لي هنا بذره طيبه وجواها خير
بس مدفون ادور عليه واطلعه
انت اتعمل معاك بسيط لكن انا اتعمل معايا كثير مش قادره
حلا
الحسنات يذهبن
السيئات مش ده كلامك ليا وحلا الصغيره مين هيعلمها تبقى بنت ب 100 راجل غيرك
هنا ايوه يا حلا خدي شيلي حلا الصغننه
طب ما تعيطيش عشان غلط على الرضاعه ولا بتديها صناعي
لا طبعا الحنيه اللي اخذتها من طنط فاديه مش هحرمها منها
داداه فاديه انا مش بزعل لانها ست عظيمه
سامح انا سميت ابني فادي عشان يبقى قريب من اسمها و نفتكرها كلنا
بجد يا سامح
تحبي تشوفي شهاده الميلاد
وصافي موافقه
صافي يا مجرمه انت عندك شك ان ممكن ارفض قلت هتحضري ولادتي وما شفتش خلقتك
حد يولد وش الفجر لو كنت صحيت علاء عشان يجيبني كان رماني من البلكونه وانا كمان كنت عايزه انام الصراحه قلت هعمل ايه معاها هولدها انا مش دكتوره
سامح هو انتم كنتم بتكلموا بعض
صافي طبعا وهي هتقاطعني ليه هو انا عملت زيك
لمي لسانك ايه زيك
دي
يا حبيبي ما اقصدش حاجه وحشه قصدي فصل النذاله اللي عملته
الله انت بتلبخي
انا خلاص يا سامح واضح انها اتعلمت طولة اللسان مني وبقيت قادره لما ربطتك بالعيال
صافي انت بتهدي النفوس
مش عمته الحربايه
اوعي تقولي كده احسن اغير اسم الولد
لا ده انا حبيته اكثر عشان اسمه
بقلمي سحر السحرتي
ادم شاور لي انه لازم يمشي وشاور على الدبله فيوسف شك وهو ماشي وقلت له بصوت
خلي بالك من نفسك يا حبيبي
سامح خليك يا ادم لسه الناس هتوصل
رديت اصله عنده ميعاد مهم كان جاي يوصلني وكان عايز يرجع ياخذني فقلت له علاء هيبقى يوصلني اصل ادم بيغير عليا مۏت وكل مشوار رجله على رجلي راجل بصحيح وانا استاهل
طبعا كل ده عشان اعصب يوسف
هو علاء جاي
اه صافي عزمته هو وخالتي بس خالتو مش هتقدر تيجي
يوسف لا ازاي انا هروح اجيبها
لا استنى تجيبها ليه وانت مالك
انا بقول بما ان سامح عامل سبوع و صارف ومكلف اعمل كتب كتابي بالمره كفايه كده الناس كلها اتجوزت وخلفت وانا لسه قاعد
مبروك ويا ترى العروسه انا اعرفها
عز المعرفه ممثله فاشله وعندها غباء صغير وما عرفتش تسبكها عليا اول ما برقت لادم اعترف وجري راح لخطيبته
ادم قال لك ايه ده كذاب
مسكني من ذراعي جامد كان هيتكسر وقال بعصبية
داخله ماسكه ايده هعديها وهو ماشي ده انا هعلقك
نفضت دراعي من ايده
تعلقني بصفتك ايه
كمان ساعه هيبقى صفتي جوزك
مين قال اني موافقه اتجوزك
مفيش عندنا بنات توافق ولي امرك اداني كلمه
ولي امري مين بقى
بابا انا يا حلا هتكسري كلمتي ولا مش مالي عينك
اسفه يا بابا بس الجواز مش بالعافيه انا زوجه لا تؤتمن ولة نسيتوا
حلا انا سبتك براحتك الفتره اللي فاتت وكلنا غلطنا وتأسفنا وامك جات لي في المنام وقالت قول لحلا اللي بتعمليه ده مش تربيتي احنا بنسامح و نغفر لابعد الحدود احنا مش زي باقي الناس احنا زي الملايكه
هي قالت لك كده
بكذب انا
العفو يا بابا بس برده مش عايزه اتجوز يوسف
وانا قلت هتتجوزيه اعترضي و اكسري كلمتي
لا طبعا ما اقدرش
مثلت طبعا اني مغلوب على امري
بقلمي سحر السحرتي
يوسف قرب مني ومسك ايدي شديتها بطفوله
مش معنى ان بابا قال اتجوزك يبقى تمسك ايدي لما تبقى بغلا ليا
اسمها بعلا
لا بغلا و ازعل وارفض تتجوزني
بغلا بغلا هو البغل هيتجوز ايه غير حماره زيك
شفت يا بابا بيشتمني هو ده اللي بتغصبني اتجوزه
يوسف دي بتتلكك لم
نفسك و عديها
هي اللي بدات وشتمتني
وانت تستاهل خلصونا خدي يا هنا اختك انت وصافي ولبسوها
يلبسوني ايه
يوسف هنكتب الكتاب وانت عره كده و لابسه لبس طفولي
انا عره ما تبص لنفسك
كنت لسه هضربه سامح مسكني وحشني
خلاص يا يوسف بلاها الجوازه اللي كلها شتيمه دي في بنات كثير جايين كمان شويه اختار لك واحده منهم اذا اختي مش ماليه عينك
ايه يا سامح انت بتهدي النفوس حلا ماليه عيني وقلبي
حقك علي بحب اشوفك متنرفزه
سامح لا مش عايزك تشوفني انا وانا متنرفز اما تتجوز ابقى عيش دور روميو يلا انت كمان ادخل غرفه الضيوف البس الناس قربت تيجي هتعرونا انتم الاثنين
استسلمت لقلبي وطلعت البس هنا كانت حنينه معايا قوي وكانت محضره فستان جميل وعملت لي ميك اب هايل
انت بجد فرحانه يا هنا
حلا انت اختي انا اتغيرت خلاص ورجعت هنا بتاعه زمان ولما بقيت ام حسيت قد ايه انا وحشه و اتمنيت ولادي يعاملوا بعض احسن ومؤيد سمع كلامك فعلا واتغير بقى حنين وانا كمان اتقبلته زي ما هو فرق كثير في معاملتنا مع بعض
ربنا يهنيك
خلصنا وطلعت قمر اكتر ما كنت ما انا اسمي على ما يسمى شويه غرور هههههه حقي عروسه بقى
لما نزلت يوسف كان هيتهبل علي مسك ايدي الاثنين وهمس لي في ودني
انت الفرح يلزمك في حاجه
همستلوا برضو وانا بضربه في صدره
انا ممكن اقلبها على دماغك ومفيش جواز انا عايزه فرح كبير قوي ولا ما استاهلش
تستاهلي الدنيا كلها هعمل لك فرح ما اتعملش في مصر
تصدق خفت الجمله دي غير مطمئنه
طب 10 دقائق وهوريكي
ضحكت وطلعت له لساني
مش هتقدر
خلص كتب الكتاب يوسف شدني من ايدي ودخل على غرفه الضيوف وقفل الباب بصراحه خفت سامح خبط على الباب
يوسف انت يا مچنون بتعمل ايه
كلمتين بس مع اختك مش هينفع قدامكم سيبني بقى بلاش تقطع الارزاق
يوسف خمس دقائق وتطلع هنبدا السبوع
يا عم ما تبدا من غيري هو انا ابوه امشي بقى
بكل خوف ړعب
انت عايز ايه احترم نفسك ولمها احسن ابعزقها
وليك عين تتكلمي كمان مفكراني نسيت داخله و حاطه ايدك في ايد ادم وخلي بالك من نفسك يا حبيبي
اتشجعت بكل قوه المراه الحديديه
مش من حقك تحاسبني على حاجه عملتها وانا مش مراتك و لعلمك انا وافقت عشان خاطر بابا انما انا مش طايقاك ومش ھتلمسني
شدني وانا بقاوم الحقيقه بعمل نفسي بقاوم
اهو لمستك
لو سمحت سيبني عشان الناس ما تسمع صوتنا عيب في سبوع باره
طب جربي افتحي بقك كده
هو انا هخاف منك ياااا
صدق الفنان مصطفى قمر لما قال ويا ناس انا دوبت في دباديبه هي دي بقى يا فنان الدباديب هاجموك على كلام الاغنيه لان محدش فيهم داب زي كده وعرف معنى وإحساس الكلمة
خلص وانا مسهمه وهزني
حلا مالك يا حبيبتي
رجعت لدور المراه الحديديه
نعم لك عين تقول حبيبتي انا مش مسامحاك واعرف ان التعامل بينا جاف
ولا رصاص
ايه السخافه دي
طب اتجوزتيني ليه وانت مش طايقاني
هو انا كدبت عليك بابا اللي اجبرني
ملامحه قلبت جد قوي
ما قدرتش اعرف بيمثل ولة لا
حلا بجد انت مش عايزاني الحق الماذون قبل ما يوثق الورق و ننفصل بهدوء
الدور وقع مني ثاني هو دور ارضي ولة ايييه
لا بابا هيزعل
لو عشان بابا هكلمه ما تخافيش انت عارفه اني اقدر اقنعه
مشي وراح ناحيه الباب قلبي اتخطف
رايح
اتلجلجت شويه ودور المراه الحديديه عمره ما لاق ولا هيليق عليا
ما هو انا موافقه نص نص
بصرامة وحدة تقريبا بيخليني اعترف ما هو ظابط بقى
حلا فيه موافقه او رافضه
اتنحنحت وبصوت واطي موافقه وانا بكح
نعم مش سامع
موافقه ايه بتستهبل ما انت بتسمع كويس
قرب مني وبرقلي
طوله لسان مره ثانيه مش عايز اسمع
بقلمي سحر السحرتي
رديت بدلع قلت اغير الدور
بس انا لسه زعلانه قوي منك
الدموع لمعت في عيني لا مش مش زعلانه انا مكسوره
عارف يا حبيبتي انا اسف و هعوضك عن كل دقيقه وعمري ما هزعلك تاني ده وعد مني يا حلا حياتي
خبط سامح
يا عم روميو انت هتاكل الجو من الاطفال الحفله دي للعيال مش ليكم انجز بقى عايزين نبدا قبل العيال ما تفتح الجعوره
يوسف فتح الباب وهو الڠضب متمكن منه
ما تبدا اعتبرنا ما جيناش هو شمع السبوع معانا ده انت صديق رخم قوي
انا مش عايزك انت خليك براحتك انما اللي معاك دي عمه وخاله في نفس الوقت محتاجينها هي
احلف عليها طلاق ثلاثه ما تخرج من هنا لمدة اسبوع
يا عم ده كتب كتاب مش ډخله وبابا اللي بعتني بيقول لك عيب كده احترم نفسك شويه و هزقني وقال لي انت راجل ازاي سايب اختك معاه كدة
هو انت سايبها مع حد غريب
انا جوه الاوضه ھموت من الضحك عليهم خرجت
خلاص بقى يا حبيبي فعلا ما يصحش
طيب يلا يا حلا اما اشوف اخرتها معاكي انت و اخوك
اخرتها حلا
سامح ما يلا بقى
هو انا لحقت
يا خفيف امشي و همسكك الشمع
ضحكنا كثير والسبوع كان فرحه لنا كلنا
شاهنده فضلت في غرفتها بابا منعها تحضر وقال لها تقول لاولادها انها مش عايزه تطلع كفايه اذيتها ليا ما كانش عايزني اشوفها واسترجع اهاناتها ليا كفايه ظلمهم لما صدقوها هي وهنا
طبعا هتسالوا كنت مستخبيه فين في شقه ماما قدام خالتي المكان اللي ما كانش يخطر على بالهم وكنت حاطة كاميرات على باب العمارة عشان لو حد فيهم فكر يجي وبخرج من الشارع الخلفي للحارة برضة عشان لو حد كان جاي
يوسف كان مستعجل قوي واصر يعمل الفرح في اقرب وقت حدد ميعاد مع بابا ينفع اهله ينزلوا ويحضروا الفرح
كان قد كلمته عمل لي فرح كبير وعزم كل اصحابي من الحاره اول ناس وعزم ادم وخطيبته
كان الفرح من اسعد لحظات حياتي هنا اختي وقفت جنبي هي وصافي طلعت عروسه حلوه بشكل يوسف فضل ساكت مصډوم مش مصدق جمالي
انت مين
انا حلا
انت مش حلا انت احلى واحده في الدنيا
طب يلا بينا الزفه هتبدا
زفه مين
زفتنا
احنا نتزف ونطلع على غرفتنا على طول
ضحكت و اتكلمت بطفوله
لا انا عايزه ارقص في الفرح ماليش دعوه
استوعب لحظه ترقصي ايه على چثتي
ليه رقصي وحش
لا حلو قوي ومش هترقصي
انا عروسه ولازم
ارقص في فرحي
لا يا حلا يعني لا وكلمتي هي اللي هتمشي
الفرح خلص بعد ما قطعته رقص انا وهو وكلمته مشيت فعلا
كنت عايزه اقضي شهر العسل في راس البر بس يوسف اقنعني اني هعيش فيها سنه ويتنقل
اخذني على مكان اجمل وقال هيعجبني كانت مرسى مطروح
حبيتها قوي وطلعت احلى مكان وقضيت ايام عسل فعلا وهو كان عند وعده وعمره ما زعلني
تمت
رايكم يا حلوين ما تبقوش زي القطط تقرئوا وتجروا
اهم حاجة اسلوب سرد الرواية عجبكم
