مونيا وبودي بقلم سوليبه نصار
الفصل الاول
ما يالا عشان نرقص ولا هنقضيها تصقيف كده وخلاص دي خطوبتنا مش عيد ميلاد بنت الجيران يا مونيا
قولتها لخطيبتي وحب حياتي اللي قاعدة جمبي ولابسة فستان خطوبتنا وبتصقف وبس
بصتلي وقالت
والله يا اخويا ما قادرالك روح ارقص انت أنا ركبي ۏجعاني وداهنة فولتارين ولولا أنها خطوبتي كنت ريحت في البيت
يا لهووي عليكي يا بت ابتسمي شوية اظهري اي مظهر من الانبساط الناس هتفتكر انك مجبرة علي الخطوبة دي واحنا حب سنتين اصلا
تعبانة يا كابتن والله
كابتن
وجعانة والله يا عبد الرحمن هو امتي نقطع التورتة عشان اروح البيت امي عاملة مكرونة بالبشاميل وانا ماكلتش منها والواد زياد اخويا ممكن يطفحها لوحدي ده يهودي مش بيهمه حد
حسيت اني هتشل أو هتنقط مستحيل تكون طبيعية حب سنتين يا ناس اخيرا أهلها وافقوا بيا وهي بتفكر في الاكل أنا عارف انها مفجوعة بس مش للدرجادي بس دي مشكلة مونيا أنها للاسف رغم أننا قصة حب سنتين إلا انها مش بتظهر مشاعرها ليا افتكرت أن الموضوع خجل البدايات بس ده طلع مرار طافح هيستمر لبعد الجواز
اهو الحمدلله
صړخت مونيا بصوت فزعني شخصيا وقالت
جابوا التورتة اهي قومني يا اخويا معلش
مسكت
قطعنا الجاتو سوا وحطيناه في طبق واحد مسكت شوكتي واكلتها حته واستنيتها تأكلني انا كمان لقيتها مسكت الطبق وقامت بيه لوحدها
بت بت يا مونيا يخربيتك فضحتينا
جعانة والله يا اخويا حماتك صحتني من الصبح اكلتني سندوتش قد كف الايد ومن وقتها مأكلتش حاجة ايه اموت من الجوع ده غير أنها مخلتنيش اكل مكرونة بالبشاميل
عوض عليا عوض الصابرين
ايه بس مالك
حسبي الله ونعم الوكيل
بصتلي بغيظ وقالت
ادعي عليا ياسطا ادعي عليا عشان اموت وطبعا هتستغل الفرصة وتخطب غيري
لا أنا اتدبست فيكي للاسف قلبي مهزق اعمل ايه
العب بالية
ضحكت وقولت بصوت واطي
انتي بت لمضة يالا يختي نرقص اخر رقصة عشان تغوري تأكلي بدل ما تاكلي الضيوف
بصت لرجلها وقالت
طب ينفع يا اخويا اخلع الكعب حاسة أن هقع وركبتي هتتكسر وبدل ما ادخل دنيا ادخل آخرة
هزيت راسي ومسكتها قولت
لا مينفعش طبعا انا همسكك يالا
رقصنا
بعد يومين
كنت قاعد في المكتب بتاعي لما تليفوني رن برقم غريب رديت ولقيت مونيا پتبكي وتقول
الحقني يا عبد الرحمن
أنا
خبطت ضابط بالعربية وحاليا اخدوني القسم !
يخربيت معرفتك يا شيخة!!!
يتبع
الفصل الثاني
ايه اللي خلاكي تخبطي ضابط يا مونيا !!
صړخت فيها من قهري لقيتها بتتريق وبتقول
مفيش يا غالي والله صحيت لقيت نفسي متضايقة فروحت وخبطت ضابط انت هتهزر يا عبد الرحمن ده بدل ما تيجي تساعدني
نفخت بضيق وقولت
يا سخيفة اقصد من فين جبتي العربية وانتي بتعرفي تسوقي اصلا
لا والعربية سرقتها من بابا المشكلة اني دورت علي الرخص في العربية ملقيتهاش شكلي لما سړقت المفتاح نسيت ما اخدها من محفظة بابا الحقني يا عبد الرحمن بابا لو عرف هيطردني من البيت طردة الكلاب الجربانة
والله ليه حق دي چريمة متكاملة الأركان خبط ضابط بعربية مفيهاش رخص لواحدة معندهاش شهادة سواقة تاخدي فيها اعدام دي ده
كتر خيره انه مستحمل حد بالعقلية دي كان الله في عونه
ايه يا بودي بس
المشكلة انها فهماني كويس اتنهدت وقولت
طيب أنا هاجي قدرتي تثبتيني يا بت
بس متقولش لبابا حاجة وحيات عيالك
ده لو بقا عندنا عيال بكم المصاېب اللي بتجبيهالي كل يوم أنا قطعت الخلف بسببك
قفلت معها بسرعة وانا بلف حوالين نفسي وبفكر ازاي هخرجها ازاي الداهية دي عمرها ما تعدي يوم من غير مشاكل هتجيبلي الجلطة في يوم ربنا يستر عليا يارب يارب أنا اهبل وعبيط مش قدها
اتصلت بصديق ليا محامي وطلبت يحصلني علي القسم
وروحت لزميلي وقولت يغطي مكاني
ايه يا عبد الرحمن رايح تقابل الجو ولا ايه
قالها صاحبي بسماجة فرديت وقولت
خف سماجة يا احمد مش فايقلك
مشيت وانا بتريق في سري قال جو قال أنا بحب واحدة تقصف العمر مش هترتاح الا لما ټموتني ركبت عربيتي وروحت علي القسم رن عليا المحامي ورديت عليه
ايوة يا ياسر
بقولك ايه يا عبد الرحمن احتمال اتاخر عليك
ازاي بس يا ياسر البت هتتحبس كده ابوس ايديك هتجوز رد سجون بالشكل ده
ضحك ياسر وقال
يعني هو ده اللي همك
يالا يا ياسر أنا مش ناقص متتاخرش اكتر من نص ساعة الهي تنستر هي بلوة وانا اتبليت بيها
ماشي يا سيدي جاي
قفل معايا وسوقت
