رد حق بقلم زينب مجدي فهمي من فصل 1 حتى 22 والاخير
المحتويات
إيه
حاولت جهاد أن تنطق لكن لسانها عقد عن الكلام .ومن فرط كسوفها لم تستطع أن ترد
فقال والد زينب...... قولي يا بنتي الناس مستنيه ردك
قالت جهاد .... موافقه وخرجت من الغرفة سريعا
أتفق والد زينب ووالد عمر علي كل شئ
وقال والد عمر أنه متكفل بكل شئ ولا يريد سوي جهاد فقط ولا يريد شي اخر
واتفق أن يكون الفرح بعد شهر واحد فقط
وكتب الكتاب سيكون غدا في فرح أيمن وزينب
وتعالت الزغاريد داخل البيت جهاد زينب بسعادة
فقد بدأت
الفرحه تدق بابها
وهاهي جهاد تفتح لها الباب بكل سرور
طلب عمر أن يجلس مع جهاد وجلست معه جهاد
عمر..... ألف مبروك
كانت خدود جهاد شديدة الحمار من فرط كسوفها
ولم ترد
فقال عمر...... إحنا حددنا الفرح بعد شهر الميعاد ده يناسبك
لم ترد جهاد أيضا
فقال عمر...... والله أنا متوتر يمكن اكتر منك فحاولي تردي عليا
لم ترد جهاد أيضا ولكن خدودها تزداد احمرار
فقال عمر ...حيث كده يبقي السكوت علامه الرضا
كتب كتبنا بكره ويبقي نتكلم براحتنا جهزي ورقك وكل حاجه
واي حاجه تحتاجيها قوليلي عليها
لم ترد جهاد فقال عمر..... يا بنتي هما وكلوكي سد حنك انهارده ولا ايه . ردي عليا بأي كلمة
ولكن تحكم بها كسوفها ولم ترد عليه
ابتسم عمر على خجلها واستأذن هو وأهله ورحل
كانت فرحه البيت فرحتين فغدا ډخله زينب وكتب كتاب جهاد .استعدو لسهرة اليوم وجهزو كل شيء
وعاد عمر وعائلته إلي منزلهم وعندما نزلو من السيارة ظلت والدة عمر تزغرد وتخبر الناس أن عمر خطب وكتب كتابه غدا.
حضنه أيمن وقال ....... مبارك مبارك انا وإنت مع بعض في كل حاجه حتي في الجواز ورا بعض
عمر وملامحه تنطق بالسعادة...... ربنا يجعل أيامنا كلها فرح يارب
بقلمي زينب مجدي فهمي
استأذن عمر من الناس وطلع إلي غرفته توضأ وقام بالصلاة
وظل يشكر الله ويحمده . ويطلب من الله أن يتم له فرحته علي خير . وعندما انتهى من صلاته ابدل ملابسه ونزل إلي الفرح في الاسفل يقف إلي جوار صديقه
كان كل المدعويين في الفرح يباركون لعمر وأيمن
وقضو يوما سعيدا جدا من أسعد أيامهم
وانتهي اليوم وبدأ اليوم التالي يوم الفرح وكتب الكتاب
كان جميع البيوت يقفون على قدم وساق فهذا يوم غير عادي
يوم انتظره عمر كثيرا وأخيرا قد اتي
ويوم يجتمع فيه من كان حبهم سرا بينهم
ليصبح علنا أمام الناس ويشهدون عليه أيضا
ويوم انتظره قلبا ارهقه الألم والضغوطات ليخرج من دائرة الحزن إلي دائرة الفرح الذي ظل يحلم به طوال حياته
ويكون الاسره السعيده آلتي طالما حلم بها
واتي ميعاد كتب كتاب جهاد وعمر وكتب المأذون الكتاب وأصبحت جهاد حرم الباش مهندس عمر رسمي وتحمل
إسمه
اڼفجر البيت بالزغاريد وكان عمر
قد أشتري خاتم إلي جهاد بمناسبة خطوبتهم فألبسها إياه وعلي البيت بالتصفير والتصفيق . وعندما انتهو من كتب الكتاب
حضنت زينب جهاد ووالدها ووالدتها واخوتها تودعهم فقد حان وقت زفتهم
كانت فرقه اسلاميه بسيطه لكنها كانت جميله
امتلئت العربات بالمعازيم وانطلقو الي منزل أيمن يزفون العروسه . وعندما وصلو دخل العريس والعروسه إلي المنزل
وقف الناس أمام الباب يرددون بارك الله لكما وبارك عليكما وجمع بينكما في خير
وانتهى فرح زينب وأيمن. وسوف يبدأ فرح جهاد و
يتبع...........
١٧١٨
17
استيقظت زينب وأيمن على خبط على الباب وصوت الزغاريد يملأ البيت. فتح أيمن الباب وجد والدته أمام الباب
والدة أيمن...... صباحيه مباركه ياعريس ألف مليون مبروك
لولولولولولولي
أيمن..... الله يبارك فيك يا ماما اتفضلي
أم أيمن..... لأ يا حبيبي الضهر أذن هات عروستك وانزل اتغذي مع أبوك
أيمن...... حاضر يا ماما هننزل وراكي اهه
نزلت والدة أيمن وهي تزغرد وقالت ...
بت يا نورا حضري الأكل اخوكي وعروسته نازلين
بعد نص ساعة نزل أيمن وهو يمسك في يده زينب
دخلو سلمو على كل من في البيت وجلسو تناولو معهم وجبه الغداء .شعرت زينب بالألفه بينهم سريعا وجلست تتحدث معهم كان النساء في الداخل يحضرون الطعام لأهل زينب
وبعد العصر حضر أهل زينب وامتلأ البيت بالزغاريد استقبلتهم زينب بفرحه شديدة . كانت سعيدة للغاية برؤيتهم
وسلمت علي جهاد سلام حار وجلسو يتحدثون
قدم لهم أهل أيمن واجب الضيافة وجلسو قليلا ورحلو
وأثناء رحيلهم نادي عمر علي جهاد
عمر..... ازيك يا جهاد عامله ايه
جهاد..... تمام الحمد لله
عمر...... إنتي هتروحي فين دلوقتي هتقعدي في بيت زينب ولا هترجعي المزرعه
جهاد..... أنا كنت عايزه ابات انهارده في بيت أبو زينب ومن بكره أرجع المزرعه
عمر..... بصي بقى بصراحه أنا مش عايزك تباتي عند بيت زينب ولا عايزك ترجعي المزرعه تاني
. جهاد..... آمال عايز إيه
عمر..... أنا عايز أأجرلك شقه الشهر ده لحد الفرح
جهاد..... أنا مش هعرف أقعد في شقه لوحدي وبعدين هو كله شهر هقضيه في المزرعه
عمر...... بصي باتي انهارده في بيت والد زينب وأنا هفكر في حل لحد الصبح
جهاد.... ماشي أنا همشي
بقي
عمر..... ماشي مع السلامه مش عايزه تطلعي تشوفي شقتك
جهاد بسرعه.. لأ ومشيت سريعا صوب العربات وركبت ورحلت معهم
وأثناء وهي في العربيه اتتها رساله
بقلمي زينب مجدي فهمي
هو احسن مني في إيه علشان تواففي عليه وترفضيني
نظرت في مرايه العربية وجدت معاذ ينظر إليها وينتظر اجابه لسؤاله
أغلقت الهاتف ونظرت بعيدا عنه وكأن شيئا لم يكن
ولكن في داخلها كانت خائڤة جدا وعزمت في نفسها أن تعود إلى المزرعه في الصباح الباكر ولن تعود إلى هنا ثانيا
واتي الصباح وعادت جهاد إلي المزرعه ومرت الايام وفي كل يوم يحدثها عمر ويخبرها ماذا أشتري
وكل يوم يرسل لها صورا تختار من بينهم اختارت غرفة نوم وغرفة اطفال جميله للغايه واختارت سفره وغرفة معيشة
وعدا 15يوم بعد فرح أيمن وزينب ورنت جهاد على عمر تخبره أنها تريد أن تشتري جهازها
عمر..... شوفي إنتي عايزه إيه وابعتي الصور بتاعته وأنا اجبهولك
جهاد.... لأ إنت تجبهولي إيه جهازي أنا إللي هشتريه بنفسي وبفلوسي
عمر..... فلوسي وفلوسك إيه ياجهاد وبعدين أنا متكفل بكل حاجه
جهاد.... لأ والله أنا معايا فوق 30الف جنيه هشتري بيهم ولو احتجت فلوس تاني هضطر اخد من الفلوس اللي ورثتها من شريف .في فلوس كتير جدا في البنك
عمر...... أولا متنطقيش إسمه تاني على لسانك
ثانيا أنا لو هعيش عمري كله من غير حاجة في شقتي
مش عايز حاجه من فلوس طليقك ده ماشي
جهاد..... دي فلوسي دلوقتي أي نعم أنا مش حابه اخد منهم حاجه بس في الأول والآخر هما فلوسي
عمر..... جهاد سلام دلوقتي علشان مشغول
أغلق معها الهاتف وڼار الغيره اشتعلت في قلبه
نظرت جهاد إلي الهاتف وقالت .... إيه ده هو قفل في وشي لي انا عملت حاجه
وأثناء تفكيرها وجدت هاتفها يرن برقم هبه
فتحت الهاتف وهي سعيده وقالت
استاذه هبه وحشتيني عامله ايه
هبه...... أنا تمام الحمد لله إنتي إللي عامله ايه
أنا برن عليكي علشان أقولك إني رايحه أولد بكره وعايزاكي تدعيلي أنا بتفائل بدعوتك ولو عرفتي تيجي تقفي معايا
اكون شاكره ليكي . علشان الدكتور قلقان من وضعهم الصحي
وخاېفه علي ولادي أوي
جهاد..... إن شاء الله ربنا يقومك بالسلامه
وتفرحي بيهم
أخذت منها جهاد عنوان المستشفى وقامت بالاتصال على عمر وأخبرته أنها تريد أن تذهب لهبه وحكت له كم ساعدها زوج هبه . حتي وافق عمر وقال أنه سوف يذهب بها إلي المستشفي ثم يعود ويأخدها
ظلت طوال الليل جهاد تصلي وتدعو الله أن يفرح قلب هبه
حتي حل عليها الصباح واتي عمر وأخذها إلي المستشفي
دخلت جهاد عليهم المشفي وسلمت عليهم وجلست بجوار هبه تطمئنها .كان هبه قلقه للغايه وكان حسام قلف جدا
ويجلس بجوار هبه يحاول أن يبث الطمأنينة في قلبها
حتي اتي ميعاد ولادة هبه
ظل الجميع خارج غرفة العمليات يدعون لها حتي سمعو صړاخ الطفل جلس حسام على الأرض ساجدا يشكر الله ..
وبعد ساعه خرجت هبه من غرفة العمليات
ووضعوا الاطفال داخل حضانه اطفال
وعندما فاقت هبه طلبت رؤية أطفالها
حسام..... في الحضانه يا حبيبتي بس شوفناهم زي القمر
جهاد..... ربنا يحفظهوملك يارب زي القمر
وبعد وقت دخل الطبيب ليطمأن على هبه فقالت له هبه
ولادي عاملين ايه يا دكتور
الدكتور..... تمام تمام اتجدعني إنتي بس وشدي حيلك علشان تقومي للبيبي بتاعك .
ونظر إلى حسام وقال .... عايزك دقيقة واحدة يا حسام باشا
خرج له حسام فقال الدكتور
بص هي
في طفل من الاتنين ماټ فياريت تيجي علشان تاخده تدفنه وحاول توصل المعلومة لأمه براحه علشان نفسيتها
يتبع
18
حسام..... لا حول ولا قوة إلا بالله العلي العظيم. ماټ
الدكتور.... البقاء لله عمره كده . خد العيل علشان تدفنه
حسام..... لازم أمه تشوفه الأول
دخل حسام إلي هبه وهو يجاهد أن يرسم البسمة على وجه
ونظر إلى هبه التي كانت
تنظر إليه بقلق
هبه ......في إيه يا حسام قلبي مش متطمن
حسام...... مش تحبي يا حبيبتي إنك يوم القيامة تلاقي حد بيفتحلك باب الجنه
هبه..... بخضه عيالي فيهم حاجه
حسام..... اهدي يا حبيبتي هو ربنا ادانا أمانه واستردها تاني
واحد من الأولاد ربنا اختاره يكون بجواره إحنا نطول الشرف ده
هبه بصړيخ..... ابنااااااااي
حسام....... الصبر عند الصدمه الاولى يا هبه
الصبر عند الصدمه الاولى
ربنا رحيم بينا خد واحد وسبلنا التاني الحمد لله الحمد لله
هبه بدموع..... الحمد لله . عايزه أشوف إبني قبل
ما يدفن
خرج حسام ليأتي لها بالولد
هبه .....ياحبيبي يا إبني أنا فضلت أحلم بيك سنين ولما تيجي تسبني فنفس اليوم .هونت عليك يا إبني
اقتربت منها والدتها وحماتها ووالدها يواسوها ويحاولو أن يخففو عنها
نظرت هبه إلي جهاد وقالت..... ربنا ردلك حقك مني يا جهاد
خد أحلي حاجه كنت بحلم بيها
اتهمتك ظلم وحاولت ابعدك عن البلد....آهو ربنا بعد إبني عني خالص
جهاد.....بدموع غزيرة لا حول ولا قوه الا بالله . اهدي يا ست هبه أنا والله مسامحه في حقي
هبه..... إنتي مسامحه في حقك. ...بس ربنا مش مسامحني في حقه انتي نسيتي وأنا نسيت بس ربنا منساش
دخل عليها حسام وهو يحمل الطفل العايش حتى يخفف عليها قليلا
حسام.... بصي إبنك زي القمر إزاي
هبه..... يا حبيبي يا إبني يا حبيبي يا إبني وأخذته داخل وبكت بفرحه
فرحة لقائها لطفل انتظرته لأعوام كثيره
حسام.... طيب همشي أنا علشان أروح أدفن أخوه
هبه. .. ومازالت تبكي..... عايزه اشوف إبني قبل ما يدفن
.
حسام..... بلاش ياهبه علشان متنهاريش زيادة
هبه بدموع..... إنت مستكتر عليا اشوف إبني إللي بقاله تسع شهور في بطني وأنا بتمني أشوف وشه .مستكتر عليا أشوفه لأول وآخر مره
والد هبه..... هو مش قصده يا بنتي هو خاېف عليكي
والدة هبه بدموع على حال ابنتها..... مستنيكي في الجنه يا حبيبتي . هو إللي هيشفعلك يوم القيامة
دا هيشفع ل٧٠ واحد من أهله
يعني شوفي كرم ربنا عليكي يا هبه .اداكي واحد يكون السبب لدخولك الجنه
واداكي واحد تاني يعوضك سنين الحرمان إللي شوفتيها
وتفرحي بيه .قولي الحمد لله يا حبيبتي قولي الحمد لله
هبه ..... وهي تحتضن فلذه كبدها وقطعه من قلبها تودعه الوداع الاخير تودعه بالدموع الحاره . وتقول الحمد لله
حسام...... هاتي الطفل يا هبه علشان يدفن
هبه...... مش قادره يا حسام مش قادره
وهنا بكي الطفل الآخر لتقول لها والدة زوجها
شوفي إبنك بيعيط إزاي صلي على النبي كده وحاولي ترضعيه خدي إبنك اهه
قبلت هبه الطفل المټوفي واعطته لحسام وأخذت الطفل الآخر تحاول أن تسكته لكنه كان
يبكي بشده فقالت هبه
دا بيعيط على أخوه صعبان عليه أخوه آه يا قلبي صبر قلبي يارب اربط على قلبي يارب
كان كل من في الغرفه يبكي حتي الممرضة آلتي كانت تقف معها كانت تبكي وقالت
والله ربنا بيحبك علشان رضاكي وسبلك عيل تفرحي بيه
دا إحنا بيجلنا حالات تقطع القلب دا كان في واحده الاسبوع إللي فات كانت بتولد وبنتها نزلت وماټت في ساعتها
وعرفنا منها إنها كانت عندها ٣اطفال وال٣ماتو في وقت واحد كانت سيباهم في البيت وحصل ماس كهربائي والعيال كلها ماټت حتي المولود إللي ولدته ماټ يعني إحنا في نعمه الحمد لله
رددت هبه .... الحمد لله وحضنت ولدها الذي نام عندما إلي قلبها وظلت تردد الحمد لله
اتي حسام ووالد هبه بعدما ډفنو الطفل ودخل حسام على هبه يحاول أن يخفف عنها ويحاول أن يرسم ابتسامه على وجهه وقال
حبيب بابا أنا عايز أشوفه واشيله إللي تاعب أمه بقاله تسع شهور ده
هبه ...... دفنت إبني خلاص يا حسام
حسام...... أوحي لها أنه لم يسمع ما تقول وقال بفرحه حقيقيه وهو يحمل طفله الذي حلم به سنين هنسميه إيه يا هبه
هبه...... أنا محتاره بين عمر وحمزة
نفسي أوي يطلع زي عمر بن الخطاب او حمزه إبن عبد المطلب
حسام..... طالما محتاره يبقي ناخد برأي الأغلبية
إيه رأيك يا حمايا نسمي عمر ولا حمزه
حماه...... حمزه
قال حسام..... وإنتي يا حماتي
قالت حماته...... حمزه
نظر حسام إلي جهاد وقال وإنتي يا جهاد
قالت جهاد..... عمر علي اسم جوزها
نظر حسام إلي والدته وقالت وإنتي
يا ماما
قال والدته...... عمر
قال حسام .... ايه ده كده اتنين اتنين
كان حسام يحاول أن يخفف عن هبه ويجعلها تفرح بمولودها الجديد .فقال لها وإنتي اختاري اسم يا هبه
هبه...... لأ اختار إنت الأول
حسام..... أنا هختار حمزه ولو إنتي اخترتي عمر يبقي إحنا كده هنعمل قرعه
قالت هبه...... وأنا أخترت حمزه.... ونسمي أخوه الله يرحمه عمر
حسام...... وأنا موافق جدا
هبه...... هات بقي ياحسام أنا اشيله شويه
حسام..... لأ أنا لسه مشبعتش منه وبعدين إنتي مش عارفه تقعدي أصلا من الچرح
قالت والدة حسام..... لأ أنا إللي
هشيله
ووالدة هبه..... أنا إللي هشيله
تجمع من في الغرفه حول الطفل يريدون أن يحملوه وضحكت هبه وضحك حسام
اتي اتصال إلي جهاد من عمر يخبرها أنه ينتظرها في الأسفل
استأذنت منهم جهاد ورحلت
عمر...... مالك يا جهاد معيطه ليه
جهاد... وقد تجمعت الدموع في عينيها من جديد..... ولدت توأم وفي طفل منهم ماټ وهي يا عيني مقهوره أوي عليه
عمر بتأثر...... ربنا يصبرهم ويعوضهم خير
اهدي إنتي كده وصلي على النبي تعالي نشرب عصير كده وروقي دمك
دخلو الي كافيه وشربو عصير وقالت جهاد
لو سمحت يا عمر ممكن نأجل الفرح شويه مينفعش يبقي إبن الراجل إللي جمايله مغرقاني مېت وأنا أروح أعمل الفرح بعدها بأسبوعين
عمر..... والله يا جهاد أنا مقدر إللي إنتي بتقوليه وموافقك جدا كمان
بس أنا دلوقتي حاجز قاعه وجهزت دعوات الفرح وكل حاجه جاهزه لو أجلت فلوس كل حاجه هتروح عليا
طيب بصي كده حاولي تجسي نبضهم لو حسيتي إنهم هيزعلو خلاص نأجله
الراجل كتر ألف خيره حمالي مراتي من الشارع ووقف جمبها
وكمان ردلها حقها يعني افديه برقبتي
جهاد..... شكرا يا عمر إنك فهمت موقفي
عمر..... الشكر لله . المهم دلوقتي هنشتري الحاجات إللي اتفاقنا عليها ولا ايه
جهاد..... أنا أسفه يا عمر بس أنا مليش نفس خالص أشتري أي حاجة
عمر..... ولا يهمك أنا هرجعك دلوقتي المنصوره ومن بكره ننزل نشتري كل حاجه
جهاد..... وكمان عايزه اشتري هديه لزينب متجوزه بقالها اسبوعين ولسه مروحتش ليها
عمر..... خلاص نشتري الهدايا دلوقتي وبكره بعد ما نجيب الحاجات إللي هنشتريها أودي الحاجات البيت ونطلع أنا وإنتي عند أيمن
جهاد...... ماشي وأنا موافقه
قامو بشراء الهدايا
وعاد عمر وجهاد إلي المنصوره واوصل عمر جهاد إلي المزرعه وعاد إلى منزله
قامت جهاد بالاتصال على هبه واطمئنت عليها
وخلدت الي النوم وفي اليوم التالي ذهبت برفقة عمر واشترو أشياء كثيرة جدا جدا وأصرت جهاد على عمر أن تدفع هي ثمن هذه الأشياء فهي الاشياء تأتي بها العروسه دائما
وقالت انه لا يجب أن تحمله هو كل شيء فلديه مستلزمات كثيره أخري . ڠضب منها عمر ولم يحدثها طوال الطريق حتي وصلو إلي منزل زينب وأيمن
استقبلوهم
بالترحاب الشديد وجلس الفتاتين في الداخل والرجال في الخارج
جهاد...... وحشتيني اوي اوي يا زينب المزرعه وحشه أوي من غيرك
زينب...... إنتي إللي وحشتيني اوي يا جهاد أنا إللي مصبرني إنها كلها اسبوعين وتبقى هنا جمبي
جهاد.... أنا ممكن ااجل الفرح شويه
وحكت لها جهاد علي ماحدث مع هبه تأثرت زينب كثيرا ودعت لهم الله أن يصبرهم
جهاد..... المهم دلوقتي عمر زعلان مني وعايزه اصالحه
زينب..... عملتيله إيه يا جهاد
جهاد..... أنا دا أنا غلبانه وحكت لها جهاد ما حدث
زينب..... لأ إنتي كده مش غلطانه بس حاولي برضه تصالحيه علشان عمر يستاهل كل خير
جهاد..... ما أنا بسألك علشان تقوليلي اصالحه إزاي
زينب..... ابعتيله رساله اعتذري فيها بطريقة شيك
شيك يا جهاد فاهمه
جهاد.. فاهمه.... هو إحنا مش هنخرج نقعد معاهم بره
زينب..... لأ أيمن مش بيرضي يخليني أقعد مع أي حد بره
حتي أصحابه إللي بييجو بزوجاتهم بيقعد هو مع صاحبه بره
وأنا
جهاد...... هو بيغير أوي كده
زينب....... بيغير فوق ما تتخيلي
جهاد..... يا لهوي لو شوفتي عمر واحنا بنشتري الحاجات انهارده
اجي أمسك حاجه علشان اتفرج عليها يقولي متميليش كده شوفي إنتي عايزه إيه وأنا اجبهولك
اجي أقول للراجل علي الحاجة إللي عايزاها
يقولي....قوليلي إنتي عايزه إيه وأنا إللي أكلم الراجل
وبيقولي وأحنا جايبن بعد كده تشوفي محل واقف فيه واحده ست علشان تقفي تاخدي وتدي معاها في الكلام براحتك ومش هنروح محلات تاني واقف فيها رجاله
ضحكو الفتاتين وقالت زينب
باين كده إن العيله كلها الغيره فيها ذياده
ظلو الفتاتين يتحدثون كثيرا حتي نادي عمر علي جهاد
وأخذها واوصلها إلي المزرعه وعاد إلى منزله
واخذ يرص الاشياء التي اشتراها
حتي أتت له رساله من جهاد قرأها وجلس يبتسم
أنا كنت عايشه في ظلمه كبيره أوي
وكنت فاكره إني مش هخرج منها أبدا
بس جيت إنت ومليت حياتي نور
وعيشتني حاجات أنا عمري ما عيشتها
شوفت منك خوف عليا
وتمسك بيا.... حسستني إني ليا قيمه بعد ما كنت فاقده الثقه في نفسي تماما
أنا مش عايزاك تنام زعلان مني ولو غلطت سامحني
أنا دلوقتي مليش غيرك في الدنيا دي كلها
أنا أسفه
قرأ الرسالة وابتسم واتصل عليها ليخبرها أنه
لم يعد غاضب منها
ومر الاسبوع وهم يوميا يذهبون يشترون الاشياء سويا
حتي اكتملت شقتهم من كل شيء
كان عمر يصور لها كل
شيء في الشقه وإن لم يعجبها مكان شئ كان يغيره لها
وجاءها اتصال من هبه تعزمها هي وعمر على سبوع حمزه
حضرت جهاد وعمر السبوع وكان سبوع جميل للغايه وكانت الفرحه مرسومه علي وش هبه وحسام
واستأذنت جهاد منهم أن تأجل الفرح ولكنهم رفضوا بشده وتمنو لها السعاده
وشكر عمر حسام علي ما فعله مع زوجته .وتجمعوا كلهم حول الطفل
وكان البيت مليئ بالبلالين والزينه المبهجه وكان الطفل جميل جدا وضعوه داخل الغربال وقال
والدة حسام..... اسمع كلام أبوك ومتسمعش كلام امك
قالت والدة هبه وهي تدق الهوم..... أسمع كلام تيته بس يا حمزه
وقالت هبه.....اسمع كلام ماما بس
والد هبه......اسمع كلام جدو
حسام....... اسمع كلام بابا بس
وانتهي السبوع وجميعهم سعيدين للغاية
يتبع
أقبل اسبوع الفرح . الفرح المنتظر . كان البيت عند عمر يقف على قدم وساق يجهزون لكل شيء بعناية فائقة فهذا أول شخص يتزوج لديهم. الفرحه به غير
عرض عمر علي جهاد أن يحجز لها قاعه ليوم الحنه لكنها رفضت بشدة
وعرض عليها والد زينب أن يقيم ليلة الحنة في منزله ولكنها رفضت أيضا وبشدة اتصلت بها زينب تحاول اقناعها أن تقيم الحنه في منزل والدها ولم تقتنع أيضا
زينب..... قوليلي لأ ليه
جهاد..... يازينب ما
ينفعش أنا مين يعرفي علشان ييجي يحضر فرحي. إللي بيروح فرح بيروح علشان خاطر الأم والاب مجاملين الناس فالناس بتيجي تجاملهم وعيلة العروسه
وأنا مليش أم ولا ليا أب الناس تيجي علشانهم
ولا ليا حتى عيله تحضر فرحي
بكت زينب على الهاتف.. إنت ليه بتقولي كده إحنا كلنا حواليكي وأهلي هما أهلك
جهاد...بكت أيضا... بقول الحقيقة يازينب أنا مليش
حد في الدنيا غير ربنا ثم بعد ذلك إنتي وعمر
عمر عايز يحجزلي قاعه للحنه مين هيحضر مين يعرفني
أنا حتى في بلد غير بلدي
جهاد وهي تمسح دموعها
سيبك بقي من الكلام ده كله المهم شقتي عامله ايه بعد ما اتفرشت وايه رأيك في زوقي أنا وعمر
زينب .....بسم الله ماشاء الله اللهم بارك
الشقه جميله جدا يا جهاد .. ربنا يملاهالك بركه ويبعد عنكم أي حاجة وحشة
جهاد.... اللهم امين يارب العالمين رصيتي الحاجات اللي قولتلك عليها
زينب..... بصراحه لأ عمر قال أنا إللي هرصهم على مزاجي
جهاد.... هههههههههههه ماشي لما اشوف زوقه
زينب... طيب سلام بقي علشان أيمن جه هبقي أكلمك تاني
أغلقت معها الهاتف وتذكرت أنها كانت تريد شراء بعض الطرح
فاتصلت بعمر تخبره أنها سوف تنزل لشرائها
عمر.... طرح إيه يا أم العيال أنا اشتريت ليكي كل الوان الخمار اللي في البلد
جهاد.... إيه ده إنت اشتريت طيب مش كنت تقولي الأول
وبعدين عرفت إزاي إن في حاجة نقصاني
عمر..... أنا أي حاجة تخص مراتي بآخد بالي منها
جهاد..... استقريت على إيه هتعمل السهره عندك إسلامي ولا مش هتشغل حاجه خالص
عمر..... والله لسه مش مستقر على رأي بفكر أعملها من غير ما اشغل حاجه
جهاد..... والدك
ووالدتك رأيهم إيه
عمر..... أبويا بيقولي إللي إنت ترتاح فيه أعمله
وماما قلباها مناحه بتقولي إنت ليه مش عايزني أفرح بيك
جهاد..... خلاص علشان خاطر والدتك يا عمر شغل إسلامي
خليها تفرح بيك إنت أول فرحتها
عمر..... ماما مش عايزه إسلامي أصلا دي عايزه اغاني افراح ومهرجانات . وأنا مش هغضب ربنا
أنا نفسي ربنا يبارك ليا في جوازتي أقوم اغضبه من أولها
جهاد.... طيب ما كده والدتك هتزعل
عمر..... أنا هحاول أراضيها بكلمتين
وبعدين....من اسخط الله في رضا الناس سخط الله عليه واسخط عليه الناس . وأنا عايز ربنا يكون راضي عني
جهاد.... ربنا يصلح حالكم يارب .روح بقي جهز نفسك عندك حنه بكره
عمر..... ماشي هخلص شويه حاجات ورايا كده وهرجع أكلمك تاني
أغلق عمر معها الهاتف
وجلست جهاد بمفردها تبكي كانت تتمني أن يكون والدها ووالدتها معها في هذه الأيام
كانت تتمني أن تيقظها والدتها في الصباح وتأخذ ها في وتبارك لها وتبكي على فراقها القريب كما فعلت ام زينب معها
كانت تتمني أن يكون والدها موجود ويسلمها لزوجها ويوصيه عليها خيرا ويحذره أن يغضبها .كما فعل والد زينب
فهي حتي لا تتذكر شكلهم
بكت جهاد وتذكرت ايام العڈاب التي قضتها مع زوجها السابق .
ولكنها حمدت الله أن عوضها بعمر الذي ېخاف عليها كثيرا
وحمدت الله على كل النعم التي اغرقتها مره واحده
قامت تصلي القيام فقد أوشك الفجر علي الاذان
وعندما انتهت خلدت إلي النوم فليس لديها عمل
لم تعمل في المزرعه منذ شهر وقال عمر لصاحب المزرعه أن تبقي جهاد داخل المزرعه بدون عمل لمده شهر واحد فقط
وسوف يدفع له عمر اجار هذا الشهر لكن صاحب المزرعه رفض أن يأخذ منه مال ورحب أيضا بوجودها فقد وصي عليها صديقه والد هبه كثيرا
وكل هذا حدث بدون معرفة جهاد
وفي الصباح استيقظت جهاد علي صوت خبط على الباب كان الظهر قد أوشك على الأذان
فتحت جهاد الباب لتتفاجئ بزينب ووالدتها واخوتها هند وابتسام
فرحت جهاد كثيرا لرؤيتهم دخلت عليها والدة زينب
وباركت لها وهنئتها زينب وقالت أنهم سوف يقضون اليوم معها فهذا يوم الحنه الذي تتمناه كل البنات
وجاء إليها
زملائها في السكن واخبروها أنهم في المساء سيتجمعون ويجلسون سويا للأحتفال بحنتها وأنها يجب أن تذهب إلى الكوافير فهذا يوم واحد في العمر
الحو عليها كثيرا حتي وافقت وقامت بالاتصال على عمر تخبره فوافق على الفور وأخذت زينب جهاد وذهبوا إلي صالون التجميل .... ظلت جهاد في الصالون حتي قاربت العشاء على الأذان وكانت لم تنتهي بعد
وعندما انتهو كانت العشاء أذنت فصلوها في الصالون
اتصل عليها عمر واخبرها ان لا تضع أي مساحيق تجميل على وجهها . فوافقت جهاد وعادو إلي المزرعه في عربيه والد عمر الذي اتي بهم
فتح باب المزرعه لتتفاجئ جهاد بهذا الجمال الذي لم تره من قبل فوجدت جهاد المزرعه مزينه بشكل جميل جدا يخطف الانظار . والنور موجود في كل مكان
ووجدت هبه وحسام ووالد هبه ووالدتها يقفون على جنب
وعلي الجانب الآخر وجدت عمر ووالدته وانضم إليهم والده وأخواته وأيمن
ووجدت كل عمال المزرعه يقفون. أمامها
بكت جهاد بفرحه مما تري
اقترب والد زينب ووالد هبه بجوار جهاد . يمشون بجانبها
ليسلموها إلي عمر
وجاء عمر ومعه الورد اعطاه لجهاد
قال والد زينب.... بص أنا في مقام أبوها لو شوفتك بس زعلتها ولا لو اشتكت منك شوف هعمل ايه
وقال والد هبه.... وهي علشان ربنا بيحبها رزقها بأبين
يعني لو فكرت في يوم تزعلها متلومش إلا نفسك
انضم لهم حسام وقال.... بمرح وكمان أخوها الكبير إللي هو أنا موجود . وإنت عارف إني ظابط يعني اليوم إللي تزعلها فيه أعرف إنك هتنام على البرش
ضحكو جميعا وكانت جهاد تشعر أنها داخل أحد أحلامها ولم تستيقظ بعد
وظلت تردد ....هو عوض ربنا حلو أوي كده أنا مش فاكره إني شوفت حاجه وحشه في حياتي
اللهم لك الحمد اللهم لك الحمد
أخذها عمر إلي جزء منفصل
كانت جهاد تنظر إلى الزينه آلتي حولها بفرح فلم تتخيل يوم أن أحد يمكن أن يفعل هذا من أجلها
أخذتها زينب وانضموا إلي النساء الذين يدقون على الدف وقفت وسطهم والتفو النساء من حولها يغنون مع البنات ويسقفون وجهاد داخل الدائرة
التي يدور حولها النساء تسقف بفرح
جاءت إليها حماتها ووالدة أيمن قابلوها وباركو لها وانضمو إلي النساء
اعجبت والدة عمر كثيرا بهذه الفرقه وبالروح الجميله التي يصنعوها هذه الفرقة .وحست بالفرحة الشديدة وأن هذا فرح أبنها التي طالما حلمت به جاءت هبه إلي جهاد وباركت لها ومعها حمزه الصغير جلست على احد الكراسي فهي لم تتعافي بعد من الولادة ولكن ظلت تسقف معهم بسعادة شديدة
كان الرجال في الخارج يهنئون عمر ويقفون حول الفرقة التي اتي بها عمر وقد أعجبوا كثيرا بهذا الجو الجميل
كانت الخضره حولهم من كل مكان والانوار آلتي وضعت على الشجر أعطت له شكلا جذابا جميلا اعطي روح اجمل للفرح
كان كل من في الفرح سعيدين للغايه وتمنو لهم السعاده
مضي الوقت سريعا لم يشعر به أحد
وانتهي يوم من اجمل الايام واسعدها علي قلب جهاد فقد حدثت فيه مفاجآت لم تكن لتتخيلها ولا تحلم بها
ونامت لتقابل غدا يوم جديد أكثر سعاده
يتبع.............
20
كان البيت عند عمر في حالة من الهرج والمرج والحركه السريعه فوالد عمر ذبح له جمل ليطعم المعازيم
وجميع من المنزل يقومون بالتجهيزات بما فيهم زينب
وكان البيت مليئ بالسعادة والفرحة وكان عمر واقفا يشرف على كل شيء
وفي المساء كان المنزل عند عمر مملوء بالمعازيم والمهنيين.
وذهبت زينب إلى جهاد ووجدت نساء المزرعه يجلسون حول جهاد ويغنون لها
وكانت جهاد سعيده للغايه
ووجدت زينب أيضا والدتها واخوتها فهم لم يرحلو أمس ونامو مع جهاد حتي لا يتركوها بمفردها
كانت سهره بسيطه لكنها كانت سعيدة
ذهبت زينب
زينب..... ألف مليون مبروك يا قلبي ربنا يتمملك على خير يارب
جهاد..... الله يبارك فيك يا احلى صديقه في الدنيا سيبتي الفرح هناك وجيتي
زينب...... أنا أقدر اسيبك في يوم زي ده دا إنتي اكتر من أختي
جهاد...... يا حبيبة قلبي تعالي اقعدي جمبي هنا شايفه المزرعه كلها قاعده فرحانه ليا إزاي
أنا عمري ما كنت أتخيل إن حد يقف معايا كده
زينب..... علشان إنتي بس طيبه يا قلبي ربنا بيسخرلك الناس الكويسه
جهاد..... قوليلي بقي الفرح هناك عامل إزاي وعمر عامل ايه
زينب.... بصي الفرح هناك جميل جدا وكل
إللي هناك مبسوطين جدا جدا بالنسبة لعمر بقي فهو فرحته هي إللي بتحركه تحسي كده إنه طاير وسط الناس مش ماشي
نظرت جهاد إلي الأرض بكسوف وضحكت وقامت احدي البنات وشدت جهاد في وسط التجمع وقالت
ارقصي يا جهاد
جهاد..... نعم أعمل إيه دا أنا عمري ما عملتها
الفتاة..... فرحتك هي إللي هتحركك
وشدت زينب ... وقالت
قومي ارقصي مع صاحبتك شجعيها
زينب.... إنتي بتقولي إيه ... يرضيكي أطلق بعد شهر واحد جواز . دا أيمن كان دبحني قبل ما يطلقني
الفتاه.... أولا مفيش بينا رجاله خالص . ثانيا صاحبتك مرضتش تخلينا نشغل أغاني وقالت حرام
ثالثا بنطبل علي جردل وبنغني أغاني انقرضت من سنين
هو ده فرح ده
جهاد .... أيوه فرح
وعجبني جدآ كمان
الفتاة.... لااااا أنا همشي علي رجلي أحسن ما أمشي مشلوله والناس شايلني
جهاد ..... هههههههههههه الله يسامحك تعالي تعالي سقفي معانا
نظرت لها الفتاه بغيظ وتمتمت ببعض الكلمات ووقفت بجانبها تسقف معهم
كان الجميع سعداء للغايه وانهو السهره في وقت قريب وعادت كل واحدة إلي سكنها وجاء أيمن وأخذ زينب
عادت زينب إلي الفرح كان ملئ بالمعازيم دخلت عند السيدات فقالت حماتها
إنتي جيتي بدري وسيبتي جهاد ليه يا زينب
زينب..... جهاد خلاص خلصت سهرتها ونامت وقربت تصحي كمان
أم أيمن..... ربنا يتمم لهم على خير يارب
زينب...... اللهم امين
قامت زينب واندمجت مع النساء الموجودين في الفرح تقدم معهم الأكل والعصير
وكان عمر عند الرجال يقوم بعمل كل شيء بنفسه يقدم الطعام ويستقبل الضيوف
وكان سعادته ظاهره جليه علي وجهه
صديق عمر..... ألف مليون مبروك يا عمر ربنا يتمملك على خير
ويرزقني أنا كمان ببنت الحلال إللي تخليني وشي منور في فرحي كده
عمر..... اللهم امين يارب العالمين دور إنت بس وإنت تلاقي
صديقه..... عمال أدور على أخري اهه
جاء آدم إلي عمر وقال في أذنه
أقعد بقي يا عمر إنت هتتنش عين محترمه انهارده
عمر.... ليه كده يا ساتر يارب خليني أعدي فرحي على خير يا آدم وصلي على النبي كده
آدم....... أنا بصلي يا أخويا أنا بس خاېف عليك من عيون الناس
انتهت السهره عند عمر فى وقت متأخر وذهب كل إلي منزله
وعاد
عمر إلي سريره وهو مبتسم ويحلم بغدا
لم تذق جهاد طعم النوم في هذا اليوم كان التوتر والخۏف مسيطرين عليها كليا
فقامت تصلي وتدعو الله أن يوفقها في حياتها القادمة
اتي الصباح علي الجميع وذهبت جهاد إلي صالون التجميل
منذ الصباح هي واخوات زينب قالت لها والدة زينب أنها ستعود إلى المنزل وسوف تأتي علي قاعه الفرح
عادت والدة زينب إلي منزلها
واستيقظت والدة عمر ووالده وقامو بما يجب فعله وكان المنزل على قدم وساق يجهزون كل شيء
وبعد الظهر ايقظو عمر الذي لم يذق طعم النوم
أمس
قام والده بالجلوس معه واجبره على الطعام بعدما رفض
وقام بنصحه وكيف يجب عليه أن يعامل زوجته
وأن يستخدم عقله بدلا من يده
وأن يتعامل معها باللين والمعروف وأن يتقي الله فيها
وبعد العصر ذهب عمر إلي الحلاق وعندما انتهي لبس بدلته
وقام بالاستعداد للذهاب إلى جهاد
كانت زينب قد ذهبت إلى جهاد
جهاد..... إيه رأيك في الميك اب
زينب...... بسم الله ماشاء الله تبارك الله
زي القمر ربنا يحفظك يارب
جهاد..... بس إيه رأيك في المفاجئة إللي هعملها لعمر
تخيلي كده هتعجبه ولا لأ
زينب...... من واقع عشرتي للجماعه دول أحب أقولك إنها هتعجبه جدآ جدآ جدآ
جهاد...... يارب تعجبه يارب هو رن عليا وقرب يوصل
أنا هخليها تكملي لبس بسرعه
نظرت جهاد إلي فتاه وقالت
بصي أنا عايزاكي تصوريه أول لما ألفله عايزاكي تجيبي رأكشنات وشه واضحه . أنا معتمدة عليكي إنك تطلعيلي فيديو كويس
الفتاه..... متقلقيش خالص هعملك أحلي فيديو في الدنيا
اكملت جهاد لبسها ورن عليها عمر واخبرها أنه في الأسفل
وقفت جهاد وعدلت من وضعها واعطته ظهرها
دخل عمر فابتسم عندما رآها بهذا الفستان الجميل
ولف لها الجه الأخري فلفت جهاد قبل أن يراها
كل ذلك كان يصور
فلف لها مره اخرى وظل ينظر لجهاد بنظرات
صډمه تملؤها السعاده
عمر..... ده بجد
اومأت جهاد برأسها موافقه
عمر...... دي أحلي مفاجئة أسعدتني في حياتي
جهاد..... بجد ...أنا كنت خاېفه أوي إنك متوافقش
عمر..... إزاي موافقش إن مراتي تبقي ليا أنا وبس محدش يشوفها غيري
جهاد..... يعني النقاب حلو عليا
عمر..... مخليكي أحلي قمر طلع في الدنيا كلها
قبل عمر رأسها وأخذها وذهبوا إلي القاعه
كانت القاعه
مملوءة بالمعازيم وفي انتظار العروسين
ادخل عمر جهاد إلي الجزء الخاص بالسيدات في القاعه وعاد هو إلي الجزء الخاص بالرجال
قامت جهاد بخلع النقاب وجلست وسط السيدات بفرحه شديدة اخذو الكثير من الصور .وظلت تتجول بين الضيوف
قامت زينب بالاتصال على والدتها
زينب..... أيوه يا ماما مجتيش ليه لحد دلوقتي
والدة زينب.... أيوه يا حبيبتي أنا كنت بجهز الغمزه لجهاد
يارب المفاجئة دي تعجبها
زينب..... يا حبيبتي يا ماما ربنا يباركلك في صحتك يارب ويجازيكي خير . المهم إنتي هتيجي أمتي
والدة زينب...... أنا قاعده هنا في البيت مع جدة عمر لحد العرسان ما ييجو . هستناكم معاها
زينب.... ماشي يا ماما في حفظ الله
أغلقت معها زينب الهاتف وذهبت إلى جهاد
جهاد... . هي ماما مجاتش ليه لحد دلوقتي
زينب...... قاعده مستنياكي في البيت عند عمر
جهاد.... طيب ليه مجاتش هنا
زينب...... كانت بتجهزلك الغمزه يا ستي الله يسهلك
جهاد.....نظرت لها پصدمه.... هي ليه تتعب نفسها كده وتكلف نفسها
زينب..... علشان خاطر عيونك يا جميل مفيش حاجه في الدنيا تغلي عليكي
جهاد...... ربنا يخليكو ليا بجد انتوا وقفتو جمبي كأنكم أهلي بالظبط
زينب... جهاد يا حبيبتي انهارده فرحك عايزاكي تفرحي كده وتنبسطي
جهاد..... أنا فرحانه والله بلمتكم حواليا أوي
قامو جهاد وزينب واندمجو وسط النساء
وكانت
جهاد النقاب وركبت مع عمر السيارة
ومن أمام السيارة الدراجات الناريه ومن خلف السيارة العربيات الأخري
وصلت السيارة إلي المنزل ودخل
العروسين
ووقف . المعازيم خلف الباب يرددون
بارك الله لكما وبارك عليكما وجمع بينكما في خير
دخل عمر الشقه وأدخل جهاد
كان عمر مزين الشقه بطريقة جميلة جدا خطفت قلب جهاد
وفي بداية الشقه كان يوجد شريط أعطاها عمر المقص وقال
عمر...... قصي الشريط يا عروسه
نظرت له جهاد بفرحه واخذت المقص وقصت الشريط
فقال عمر
إنتي دلوقتي داخل مملكتك طلباتك
متابعة القراءة
