الصدفه
انت اټجننت يا باسم عايزني اخبط علي جيرانا الساعة تلاتة الفجر واقولهم عايزة بصلاية لماما ده حكم صعب اوي لا خلاص شوف غيره
قالت كدة جهاد بتزمر وهي بتسيب ورق الكوتشنة من ايديها فضحك باسم اخوها الكبير عليها وقالها بغيظ
بت انتي لسانك طويل وطالما مش قد اللعب يبقي متلعبيش خلاص يا مريم مش هنلاعبها معانا تاني
ردت جهاد بسرعة وهي بتقوم من مكانها وبتبصلهم بضيق
خلاص خلاص هروح وامري لله انتو اصلا باردين وعلطول بتدبسوني كل مرة
خرجت جهاد ووقفت قدام الشقة اللي قدامها بتردد وهي مش عارفة تعمل ايه بس هي لو مخبطتش هيقوله عليها عيلة ومش هيرضو يلاعبوها معاهم تاني اتنهدت بضيق وحسمت امرها وقررت تخبط وفعلا خبطت خبطة واحدة بسيطة وملقتش رد فخبطت خبطة تاني وبرضه ملقتش رد فاتنهدت براحة ولسة بتلف عشان تمشي لقت الباب اتفتح وبصت منه بنت صغيرة فابتسمت جهاد براحة وقالت للبنت بثقة
ازيك يا قمر ممكن تقولي لماما عايزة بصلة
البنت بصتلها بتكشيرة وقالتلها بطريقة متلقش علي سنها خالص
بصلاية دلوقتي انتي عارفة الساعة كام
اتحرجت جهاد وقالت بتردد وهي بتبص وراها
تصدقي عندك حق خلاص بصي متقوليش لمامتك حاجة وانا كمان هدخل وكأن محصلش اي حاجة
البنت بصتلها شوية وبعدين قالتلها بهدوء
هو انا ممكن اطلب منك طلب
استغربت جهاد وقالتلها وهي بتحرك دماغها بموافقة
طبعا يا حبيبتي عايزة ايه مني
البنت بصت وراها جوة في شقتها وبعدين رجعت بصت لجهاد وادتها ورقة وقالتلها بهمس
قولي لسليم ان عمي قالي هوديكي لبابا وانا جيت هنا معاه بس ملقتش ماما ودلوقتي خليه يجي ياخدني
استغربت جهاد كلام البنت ولسة كانت هتسألها سمعت صوت راجل بيزعق للبنت
انتي كنتي فين كل ده
شهقت جهاد وحطت ايديها علي وشها پخوف وهي بتقول لباسم بړعب
منك لله رعبتني يا شيخ ربنا يسامحك
استغرب باسم من خوف جهاد الزايد وسألها بشك
في ايه ومالك مخضۏضة كدة ليه
بصت جهاد من العين السحرية وبعدين مسكت ايد باسم اخوها ودخلت اوضتها وهي بتقوله پخوف
مش عارفة يا باسم انا مړعوپة انت مشوفتش حصل ايه
استغرب باسم وقالها وهو بيقعد عالسرير وبيبصلها بشك
ايه بقي اللي حصل مخليكي مړعوپة كدة
قعدت جهاد جمبه وقالتله پخوف وايديها بتترعش لدرجة ان باسم اخد باله وعرف ان الموضوع مش هزار
انا كنت بنفذ الحكم وخبطت علي الناس اللي قدامنا وفتحتلي بنت كدة ولقتها بتقولي كلام غريب اني اقول لسليم ان عمو اخدها عشان تشوف امها وان امها مش موجودة وهي عايزة ترجعله بس انا مفهمتش حاجة بس فجأة حد زعق فيها راجل من جوة والباب اتقفل وانا اټرعبت
بص باسم لجهاد شوية وبعدين اڼفجر في الضحك لدرجة ان جهاد استغربت وسألته بغيظ
ممكن اعرف بتضحك علي ايه يا باسم دلوقتي
باسم حاول يوقف ضحك وقالها وهو بياخد نفسه بالعافية
بضحك عليكي وانتي هبلة مش بتعرفي تكدبي اصلا يا حبيبتي الشقة اللي قدامنا مش ساكنه
ربشت جهاد بعنيها كذا مرة وبعدين استوعبت اللي اخوها قاله وقالتله بغباء
لا متهزرش يا باسم ما انا لسه كنت بكلم
البنت الصغيرة دلوقتي اللي فتحتلي الباب
قام باسم وهو بيخبط بايديه الاتنين في بعض وبيقولها
برضه هتقولي بت صغيرة بقولك ايه يا جهاد قومي يا حبيبتي نامي شكلك كدة
السهر اثر علي نفوخك
خرج باسم وجهاد كانت باصة قدامها پصدمة ومش متخيلة ان باسم ممكن يكون بيتكلم جد وكانت بتكلم نفسها
ازاي يعني مفيش حد اومال انا كنت بكلم مين
وفجأة بصت جهاد للورقة اللي في ايديها وفتحتها واتفجأت ان المكتوب عنوان اينعم مش بالتفصيل بس عنوان مكتوب بخط واضح ان طفل اللي كاتبه اتنهدت جهاد واتأكدت انها مكنش بيتهيألها او مثلا ان البنت دي شبح فقفلت جهاد الورقة وقررت انها تروح الصبح تخبط عليها وتتأكد بنفسها من كل حاجة
تاني يوم الصبح كانت واقفة جهاد قدام الشقة وهي مترددة ومش عارفة تخبط ولا لا بس حسمت امرها وخبطت بس ملقتش رد ففضلت تخبط جامد وبرضه محدش فتح فاستغربت وفكرت انهم ممكن يكونه عزلو اكيد وشوية ودخلت شقتها تاني وقعدت قدام نبيلة امها اللي شافتها سرحانة فاستغربت وسألتها بقلق
مالك يا جهاد سرحانة كدة ليه وكنتي فين كدة بلبس البيت
اتنهدت جهاد وهي مش عارفة تقول ايه بس فكرت انها يمكن تكون امها عارفة حاجة عن الناس اللي ساكنين قدامهم فسألتها بتردد
بقؤلك يا ماما هو الشقة اللي قدامنا مش كانت لسة ساكنة من شهر
كشرت نبيلة وقالتلها باستغراب بتبصلها بشك
اه كان راجل كدة كبير شوية هو اللي كنت بشوفه بيدخل الشقة
قربت جهاد من امها وسألتها بسرعة وهي بتشاورلها علي الشقة
صح يا ماما الشقة اللي في وشنا دي كان ساكن فيها راجل وبنته الصغيرة انا شفتها امبارح
استغربت نبيلة وردت بعد ما فكرت شوية
عيلة صغيرة انا مشوفتش عيال صغيرين ده مفيش غير الراجل ده وسمعت انه هيعزل امبارح من صاحب البيت
قامت جهاد بسرعة وهي بتفكر في كلام امها وحاولت
في مكان تاني كانت واقفة سهام بتنشر الهدوم في البلكونة لما سمعت صوت المفتاح في الباب ودخول سليم فابتسمت بحب وقالتله وهي بتقفل بابا البلكونة
حمدالله علي سلامتك يا حبيبي انت اتأخرت انهاردة يعني في الشغل ولا انت خلصت في معادك وكنت بتتفسح بقي ونسيتنا
ضحك سليم وهو بيرمي المفاتيح من ايديه عالكرسي وقرب علي سهام امه وباس ايديها وهو بيقول بحب
وهو انا اقدر بس يا ست الكل والله ده انهاردة كان في ناس كتير و المطعم كان مشغول ومرضيتش امشي عشان الدنيا متوقعش انتي فاهمة بقي
ابتسمت سهام وطبطبت علي ايد سليم ابنها وهي بتقوله برضا
ربنا يوسع رزقك يا حبيبي وينجحك كمان وكمان هقوم احضرلك الغدا
سليم مسك ايد امه قبل ما تقوم ووقفها بصوته وهو بيقولها بتنهيدة
هي ريم برضه في اوضتها مخرجتش
حركت سهام دماغها يمين وشمال بحزن وقالتله وهي بتقعد تاني
لا يا سليم لسة زي ما هي لا بتاكل كويس ولا بتشرب وحالتها تصعب عليك اوي يابني وعندها حق دي بنتها ضناها برضه انا بس خاېفة عليها احسن الحزن ده يعمل فيها حاجة قوملها يابني اتكلم معاها وفهمهما انها
ترمي حملها علي ربنا وان شاء الله هو يحلها من عنده
اتنهد سليم ورد وهو بيقوم من مكانه
طيب يا امي هاتي انتي لقمة كدة وانا هدخلها دلوقتي وهحاول معاها تاني يمكن ترضي تاكل
ابتسمت سهام وقامت هي كمان وقالتله وهي ماشية
ماشي يا حبيبي ربنا يخليكم لبعض
ضناكي
لابسة ورايحة
