رواية جديده وتين وعمير
_الطالبة وتين صهيب الداعي.
قلبي اتقبض!!.. دا اسمي
حسيت بالارتكاب ولقيته المرة دي بيبتسم وقال الدرجة..
_92 في المية مبارك.
دا بجد أنا نجحت وجبت 92 في المية كمان أزقطط من الفرحة
كنت دا كله واقفة مكاني وبضحك ضحكة هبلة لقيت منال بتخبطني في كتفي وبتلفت انتباهي علشان أطلع آخد جايزتي كان مصحف وشهادة ممتنة جدا إن اسمي فيها.
أخيرا حاسة إني عملت إنجاز كنت فخورة بنفسي وهو بيبص لي مبتسم كدا خلصت ورحت لمنال على طول بشاركها فرحتي راحت قالت
_اه يا شقية.. بتراجعي من ورايا مبارك يا ست وتين عقبال الجواز.
ضحكت وأنا مش عارفة ايه جاب سيرة الجواز دلوقتي بس أنا فرحانة وبعدين منال قالت بغرور مصطنع
_بس أنا أكبر منك بتلت درجات برضو.
ضړبتها في كتفها المرة دي بخفة وأنا بقول بتريقة
_هتقارني نفسك يا خاتمة القرآن من الإعدادية بواحدة لسة مخلصة جزء عم
وفضلنا نهزر مع بعض كان يوم جميل ولما رجعت لعيلتي وماما شافت الفيديوهات اللي منال صورتها لي وأنا باخد الجايزة بصيت لي بفخر فكرتني لما الأم تقول لبنتها في الأفلام الأجنبية Thats my girl..
عدت الأيام وأنا مندمجة في الحفظ بس للي مكانش بالحسبان خالص إن جزمتي تضيع ومش لاقياها في الدار.. طب أعمل ايه أروح ازاي
كانوا كل البنات مشيوا وفي الآخر المشرفة شافتني وبتسألني
_مالك يا وتين فيه حاجة
وزي الهبلة حاولت أداري على الموضوع وقلت لها بتوتر
_لا يا ميس أنا بس مستنية منال..
ابتسمت لي بعدها مشيت والمشكلة إن شحن موبايلي خلص مش قادرة حتى أتواصل مع منال حسيت بالإحراج.. ازاي أمشي كدا طيب
فضلت مستنية نص ساعة على أمل إن منال تلاحظ غيابي بس لا.. مجتش لسة.. قالت لي لما جينا مع بعض الدار إنها هتخلص وتمشي علشان تجيب ابن أختها من الدرس صحيح! أنا ازاي أنسى حاجة زي كدا طب أعمل ايه دلوقتي
ايه اللي أنا سامعاه دا سمعت صوت حد طالع على السلم لفوق و... دا عمير هيقفل الدار يا لهوي أعمل ايه
_بس بس!..
_بس بس!
كنت بحاول ألفت انتباهه علشان مجذبش الأنظار أو الشك بصوتي العالي لو وصل للشباب والشيوخ تحت.. هيقولوا بنت مستنية عمير تعمل ايه
وأخيرا انتبه لي مع أنه كان مستغرب أو مخضوض وفعلا لقيته بيقرب من باب الحلقة بتاعي فرحت خرجت فجأة.. اتفزع ورجع لورا وفضل يقول
_أعوذ بالله من الشيطان الرجيم.. أعوذ بالله من الشيطان الرجيم.. أنت بتعملي ايه هنا يا وتين
وتين حاف كدا من غير آنسة الظاهر إنه من الخضة نسي نفسه كتمت ضحكتي عليه من إحراجي وأنا بقول له
_
قلتها له صريحة علشان يساعدني راح بص لي بنص عين.. فاكرني بهزر..
_الجزمة
دافعت عن نفسي بسرعة
_اه والله بقى لي نص ساعة بدور عليها مش لاقياها في أي حتة.. كإن حرامي الشباشب من قدام الجامع جه زار الدار النهاردة!
كنت بحاول أقول أي كلام علشان ميفهمنيش غلط.. بس دا ضحك.. ضحك على كلامي وهو بيبص لي وبيكتم الضحكة بالعافية رفعت حواجبي وحسيت بالضيق.. دا بيضحك علي ولما أهزقه دلوقتي
اهدي يا وتين.. الميس قالت ايه
_الشتيمة حرام.
_بس دي مبتلزقش يا ميس!!
_برضو حرام.
هديت نفسي بس في النهاية لقيته بيقول إنه هيدور معايا أنا كنت عارفة إن مفيش فايدة من التدوير لأنه دورت كتير.. طلعت مني كلمة بدون قصد
_بقول لك يا هندسة.. أنتوا معندكمش شبشب حمام
ما زالت الخصلة السودة في.. مبفكرش قبل ما أتكلم!!
محسساني إني بكلم واخد من الشارع! هندسة شبشب حمام
المهم
________________________________________
حصل اللي حصل وهو بص لي بدهشة كدا.. الواد مصډوم يا عيني..
_ايه
_احم.. شبشب حمام أو شبشب منال وكدا.. هاخده منها النهاردة وأبقى أرجعه لها.
يا لهوي.. بيضحك تاني يا ابني امسك نفسك بقى متخلينيش أهزقك!
المهم سابني ونزل لدقايق وجه بعد
_جبته
كان متوتر وهو بيبص بإحراج.. ايه يا مهندس يا مغرور دلوقتي محرج عملت مصېبة ولا ايه
_ا.. اه جبته.. اتفضلي يا آنسة وتين.
_شبشب بصباع وعليه أرنب أخضر ودانه مقطوعة
المرة دي كان دوري إني أضحك الشبشب كبير وشكله بيضحك ومش هييجي على مقاسي بس ايه يعني أحسن ما أمشي حافية.
_اللي لقيته بقى معلش.
_شكرا يا أستاذ عمير.. أنا آسفة تعبتك معايا.
كانت أول مرة عيني تيجي في عينه مباشرة لون عيونه بني فاتح أول مرة ألاحظ.. أنا عيوني كان لونها أخضر.. بس مش أوي.. ساعات لونها بيتحول على حسب احنا بالليل ولا الصبح.. ولاحظت أنه كان بيبص أوي بس في لحظة ما فضل يستغفر وبعد كدا قال لي بالحرف
_طب يلا يا آنسة وتين.. اتفضلي من سلم السيدات وأنا همر على الشباب.. لعلمك منال موجودة في البيت وعاوزاك هي اللي عطتني الشبشب.
الخبيثة منال.. تلاقيها عطته الشبشب الكبير اللي بيطرقع طول ما أنا ماشية دا علشان تشمت في.. آدي آخرة إن صاحبتي تتعود علي.. مصېبة من مصايب الزمن!
عدى الوقت ورحت لها البيت لقيتها مظبطة قاعدة شاي وبسكوت وفيلم نسمعه.. الفيلم كان ليه علاقة بشهر رمضان.. آه فعلا! دا رمضان بعد كام يوم!!!
قعدنا مع بعض وشربنا الشاي..
_يعني متأكدة مفيش حد في البيت
_يا بنتي أحلف لك يعني ماما عند خالتو مقضينها نم
