تزوجت أختها بقلم Alaa Hosny
خرج الدكتور وعينه في الأرض وقدامه شاب وهدومه كلها ډم
الدكتور _ قدرنا ننقذ المړيضة بس للأسف مقدرناش نلحق .. البقاء لله
بدر _ !!! ايه يادكتور
الدكتور _ حضرتك تقرب للمريضة ايه الأول
بدر _ انا خطيب اختها .. ايه اللي بتتكلم عنه احنا هانخرف !!
حضرتك اكيد متلغبط بين اخت خطيبتي وواحدة تانية
الدكتور _ مستحيل .. مش اخت خطيبتك إسمها زهرة وقصيرة وشعرها أسود طويل
الدكتور _ ده التقرير الطبي بتاع زهرة تقدر تقراه وتتأكد من كلامي .. عن إذنك
بدر مسك التقرير يقراه .. بدأ يبرق وعينه تحمر لما اتأكد من كلام الدكتور بجد
التقرير وقع من ايده في لحظة مش قادر يستوعب فيها اللي بيحصل !
بدر للممرضة _ العربية اللي خبطت عربيتنا اللي كان فيها ماټ ولا عايش ياانسة
الممرضة _ سبحان الله .. الشاب اللي خبطكم بالعربية جبناه هنا ولسة ملحقناش نعمله حاجة اختفى وهرب بالچروح والكسور اللي كانت فيه
وطى بدر جاب التقرير من الأرض
وراح في اتجاه الاوضة اللي فيها زهرة
زهرة نايمة علي السرير دماغها ملفوفة بالشاش وشعرها الاسود مفرود ع المخدة جنبها ودراعها ملفوف .. بدأت تفتح عينيها وتفوق
بدر واقف قدامها باصصلها ووشه احمر وعروقه نافره
زهرة بتعب _ بدر .. انا فين وايه اللي حصل
بدر بعد سكوت لحظات_ حاډثة .. عملنا حاډثة ع الطريق يازهرة واحنا رايحين نطبع دعوات الفرح بس ادينا بخير الحمدلله
زهرة _ يالهوي .. وانت كويس يابدر
بدر باصصلها وساكت ودماغه بتودي وتجيب في اللي الدكتور قاله
زهرة _ بدر
بدر _ آه يازهرة كويس
وهما بيتكلموا جت امها وابوها ومها اختها خطيبة بدر
ابوها وامها جريو علي زهرة يتطمنوا عليها
مها جريت علي بدر
بتمسك وشه بخضة _ انت كويس ياحبيبي ولا فيك حاجة طمني عليك
بدر _ انا كويس يا مها .. شوفي اختك
بتبص علي اختها
مها _ الف حمدالله على سلامتك يازوزو .. حبكت معاكي ياختي تعملوا حاډثة ويحصلك كدا قبل فرحي انا والواد الغلبان ده بأسبوع مكانوش كرتين دعوة رايحين تطبعوهم دول
عبير امها _ يعني هي بمزاجها يا مها ما تخلي عندك تمييز يابنتي
ابوها _ خلاص ياجماعه مش وقت خناق .. المهم دلوقتي ان انتو بخير الحمدلله ومحدش جراله حاجة وزهرة كلها يومين وهتخف وهتبقى زي الفل قبل الفرح كمان
بدر واقف عينه في الأرض وكأنه في عالم تاني مش معاهم
عبير امها _ بدر انت كويس يابني
بدر _ انا عاوزكم في موضوع ياجماعة ممكن تيجو برا دقيقة بس عشان زهرة تعبانة
ابوها _ تعالو برا نشوفه عاوزنا في ايه
خرجوا ال٤ من الاوضة ووقفوا برا
ابوها _ في ايه يابدر هي زهره فيها حاجة !!
مها _ أوعى تقول في اي حاجة ومحتاجين نأجل الفرح لحسن انا مستنية اليوم ده بقالي سنيييين ومعنديش اي استعداد إنه يتأجل تاني
بدر _ لا مفيش تأجيل ولا حاجة الفرح في معاده كمان اسبوع
بس فيه تعديل بسيط هيحصل
عبير _ ايه هو يابدر
بدر _ انا مش هتجوز مها .. انا هتجوز زهرة أختها
مها وعاصم ابوها وعبير امها باصينله پصدمة !!
عاصم _ نعم يااخويا !!!
هو ايه اللي مش هتجوز مها هتجوز أختها انت اټجننت ولا ايه
عبير أمها _ ايه اللي انا بسمعه ده بدر انت اكيد بتهزر صح
مها بتضحك _ ما طبعا بيهزر ياماما انتي بتاخدي
علي كلامه زهرة ايه اللي يتجوزها
هو هيروح يتجوزها عشان حاډثة عملوها عشان انا كنت مشغولة شوية وهي اللي راحت معاه يطبعوا الكروت يعني
بدر _ لا ياجماعة انا مبهزرش انا بتكلم جد وجدا كمان
عبير _ هو اااااايه الي بتكلم جد انت فاكرها سايبه ولا الدنيا ماشية علي مزاجك عشان تقعد خاطب بنتي سنتيييين وهوب يطلع في دماغك تتجوز اختها قبل فرحكو بأسبوع انت اټجننت ولا جرا لمخك حاجة !!!!
عاصم _ بس ياعبير اسكتي
بيبص لبدر _ انت مش هتقول كدا
ولا هتعمل كدا من غير سبب قولي سببك يابدر عشان انا لحد دلوقتي ماسك أعصابي بالعافيه
مها واقفة فطسانه من الضحك وكأنها في صدمة ومش مستوعبة اللي بيتقال
بدر _ عمي انا عايزك خمس دقايق علي إنفراد
عبير _ إنفراد ايه لا انا عايزة اسمع ال...
عاصم بيقاطعها _ خلااااص ياعبير خلصنا.. هدخل اشوفه عايز ايه واخرجلكو
دخل عاصم وبدر علي أوضة جانبيه كدا يتكلموا
مها _ يلا ياماما ندخل نشوف زهرة مش وقت هزار ده البت تعبانة جوا
عبير بتبصلها باستغراب !!
في الاوضة
عاصم _ ها يابدر .. ممكن تفسرلي اللي قولته من شوية بقا
بدر _ انا مكنتش هاجيب سيرة الموضوع لحد ولا هتكلم فيه بس بما إني عارف ان حضرتك اب متحضر وتفكيرك ناضج وعشان حضرتك لازم يكون عندك سبب منطقي عشان توافق اني اتجوز زهرة بدل اختها هقولك اللي حصل
بس تعاهدني عهد رجالة إن الكلام اللي هنقوله دلوقتي مش هيخرج برا ومحدش تالت هيعرفه
عاصم _ ده الموضوع شكله كبير بقا !
عاصم بيبرق وبيمسك بدر من التيشيرت _ لا ده انت كدا زودتها اوووووي
بدر _ تفتكر انا ممكن احور عليك في حاجة زي دي ياعمي دي زهرة اختي وحضرتك عارف كدا من اول ما دخلت بيتكو
عاصم بيهدي لثواني و بينزل ايده _ اومال الي بتقوله ده اسميه ايه
بدر _ سميه اني اټصدمت النهاردة زيي زيك بالظبط لما لقيت الدكتور خارج بيقولي كدا ومن وقتها وانا مخي مهديش تفكير وانا بجمع كل الأحداث جنب بعضها
عاصم بيحط ايده علي دماغه _ ازاي يعني .. ازااااي
بدر _ وده اللي جايبك هنا عشان اكلمك فيه
عاصم _ استني بس ثواني .. ده ايه بإنك تتجوز زهرة بدل مها
رجولة وجدعنة منك يعني ولا ايه
بدر _ لا ياعمي مش رجولة ولا جدعنة .. ده الحق واللي لازم يحصل
.. وعشان كدا قررت اتجوز زهرة حتى لو لفترة بس واحميها
زي مانت فاكر ياعمي وانا اكتر واحد عارفها وعارف هي ممكن تعمل ايه
عاصم _ نعم
يعني ايه مها السبب .. مها هتأذي اختها ليه وازاي اصلا هتعمل فيها حاجة زي كدا هو انت هتألف !! اشرحلي اكتر يابدر متخليش أعصابي تفلت وامسك فيك دلوقتي
بدر _ هقولك ايه شككني في ده ياعمي
عاصم _
سامعك .. اتفضل
بعد نص ساعة
في أوضة زهرة
زهرة _ معلش يا مها انا عارفة إن تعبي ده جه في وقت غلط خالص وانا المفروض أكون معاكي في تجهيزات فرحك كلها
مها _ ولا يهمك ياختي بكرا تتخطبي وتيجي تتجوزي
زهرة _ هو يشرف بس البدر الصغنن ده وانا مش عايزاكي تعملي حاجة أصلا كفاية علينا حبيب خالته يبقى موجود
عبير قاعدة بصالهم وساكتة ومستغربة موقف مها وانها بتضحك وتهزر عادي بعد اللي سمعته ولسة مقتنعة انها هتتجوز بدر في معادها ...
زهرة_ ماما انتي كويسة
عبير _ كويسة يا زهرة
زهرة_ مش حاسه كدا بصراح...
وهي بتتكلم لقوا الباب بيتفتح وعاصم وبدر داخلين
عبير اتعدلت بسرعة وبصت علي عاصم مستنياه يتكلم في اللي حصل ويحكي قالوا ايه
عاصم _ لو خلصتوا ولبستوا زهرة يلا نمشي هي اتكتبلها علي خروج خلاص
بدر _ تمام انا هوصلكو البيت واروح بيتي عشان اغير هدومي
عاصم _ لا يابدر انت هتيجي معانا البيت .. عايزك
مها بتمد ايديها عشان تسند زهرة وتقومها
عاصم بيشيل ايديها من علي
زهرة _ ابعدي يا مها انا همسكها
مها بتبعد باستغراب وعبير وزهرة كمان بيبصوا باستغراب
بعد ساعة ونص في بيت عاصم
زهرة قاعدة علي السرير وساندة دماغها علي السرير من التعب
امها وابوها وبدر قاعدين
مها جايبه صينية شاي وداخلة
عاصم _ شدي حيلك بقا يازهرة واتجدعني كدا عايزك تخفي في خلال يومين بالكتير
بدر _ اشمعنا يومين يعني يابابا
عاصم _ عشان تكوني كويسة وواقفة علي رجلك في فرحك اللي كمان اسبوع بإذن الله
مها وقفت مكانها بصينية الشاي
زهرة باستغراب _ فرحي
فرحي ازاي يعني ياحج انت بتهزر عشان تفكني ولا انا اللي الخبطة اثرت علي دماغي
عاصم _ لا مأثرتش علي دماغك .. انتي هتتجوزي بدر يوم الجمعة الجاية يازهرة
صينية الشاي وقعت من ايد مها لما استوعبت إنهم بيتكلموا بجد مش هزار زي ما كانت فاكرة
زهرة بتبصلهم من غير أي ريأكشنات ومش مصدقة اللي بيقولوه
بدر قام وقف وقلع الدبلة .. مسك ايد مها حط الدبلة في ايديها
بدر _ انا آسف يا مها .. كل شيء نصيب واحنا مش نصيب بعض
انا هتجوز زهرة وانتي ربنا هيرزقك بواحد احسن مني
وبعد اذنك متسألنيش عن تفسير لأي حاجة
مها رفعت عينيها بصت ل بدر .. وفي ثانية راحت رافعة ايديها ولاطشاه قلم بأقوى ما عندها
مها _ كنت فاكره إنكو بتهزروا او انا اللي مش فايقة .. طلعت انت اللي محتاج تفوق وتركز انت بتهبب ايه
بدر عيونه حمرا وبتطلع شرار _ انتي بتمدي إيدك عليا يا مها
مها _ اه بمد ايدي عليك عشان افووووووقك ..
بدر_ اه هتجوز اختك يا مها واللي عندك اعمليه
مها _ لا ده انت قلم مش كفاية عليك انت لازم تفوق بجد
جريت جابت الفازة شالت منها الورد في ثواني ولسة هترزعها في دماغه راحت زهرة ماسكه ايديها وهي واقفة بينها وبينه
زهرة بتشيل الفازة من ايديها وبتحطها ع الترابيزة تاني وبتبص ل مها
زهرة _ لا يامها متوديش نفسك في داهية
بتتلفت الناحية التانية وبتبصله _ انت جايب منين الثقة اللي مخلياك بتقولها بالبونت العريض آه هتجوز اختك
انا مش مستوعبة اللي بيتقال انت جرا لمخك حاجة !!!!
وبغض النظر عن كللللل تفاصيل الموضوع انت ميييين ضحك عليك وقالك اني هوافق اتجوزك اصلاااا
عاصم
_ انا اللي قولت يا زهرة .. ومش بس قولت
انا أكدت واديت كلمة وكلمتي هتتنفذ فعلا.. فرحك علي بدر يوم الجمعة في معاده وفي شقة اختك اللي اتجهزت وبجهاز اختك كمان
عبير _ ازاي اللي بتقوله ده يا عاصم هي سويقة ولا ايه !!
الكلام ده مش هيحصل وانا بنتي هتتجوز في معادها وفي شقتهاااا .. انت طول عمرك مفضل بنت فاطمة علي بنتي وانا بسكت واقول يابت اعتبريها زيها زي مها بنتك دي امها مېتة بس لحد هنا وكفااااية
عاصم _ صوتك ميعلاش عليا يا عبير عشان مجيش اكلك جوز أقلام اقل منك قدام عيالك انا راجلك وكلامي يمشي عليكي وعلي عيالك ومسمعش صوتك لا انتي ولا بنتك
زهرة _ بابا انت واعي للي بتقوله
انت عايزني اتجوز خطيب اختي اللي بعتبره اخويااا انتو بتقولو اااايه ياجدعان متجننونييييش
وهي بتتكلم ومتعصبة داخت ودماغها وجعتها تاني حطت ايديها علي دماغها واتوجعت
عاصم _ الكلام في الموضوع ده خلص .. ادخلي ريحي في اوضتك يازهرة عشان تخفي بسرعة وتجهزي لفرحك
مها _ بجد والله !!!!
بدر
_ عن اذنكو ياجماعة انا همشي دلوقتي عشان اغير هدومي المتبهدلة دي وهجيلكو
بكرا الصبح بإذن الله
.. فتح الباب ونزل ..
مها جريت علي اوضتها وقفلت علي نفسها الباب .. جريت زهرة وراها وقعدت تدب علي الباب من برا
زهرة _ مها افتحي الباب
بتخبط جامد _ يامهااااا افتحي بقولك عايزاكي
يامها بالله عليكي انا ما قادرة اقف ولا اخبط ولا ازعق انا كل حتة فيا ۏجعاني من دماغي لجسمي لمغص بطني اللي مش عارفة مالها والله ما قادرة اناهد
مها مبتردش عليها ولا بتفتح
زهرة _ يامها والله انا ما ليا ذنب في
أي حاجة انا متفاجئة زيي زيك ومستحيل اتجوز الجوازة دي أصلا دا انتي اكتر واحدة عارفاني وعارفة ان بدر أخويا عمره ما هيكون غير كدا
وهي عمالة تخبط تعبت ونزلت قعدت في الأرض وسندت ع الباب
أبوها داخل الطرقة لقاها قاعدة في الأرض بالمنظر دا .. جري عليها وبدأ يقوم فيها
عاصم _ اوعي أشوفك قاعدة القاعدة دي تاني انتي فاهمه
ادخلي علي اوضتك يلا ريحي جسمك انتي
زهرة_ يابابا بالله عليك بطل هزار انا مش فاهمة اي حاجة هو انتو اللي اټجننتو ولا انا اللي اټجننت !!
عاصم _ اتكلمي مع ابوكي احسن من كدا يازهرة ايه اټجننتو دي
زهرة _ يابابا حقك عليا بس انا بجد مش فاهمة حاجة ومش هاتجوز الجوازة العجيبة د..
وهي بتتكلم داخت وحطت ايديها علي دماغها وفقدت الوعي وقبل ما تقع ع الأرض جه حد من ورا مسكها بسرعة فريد أخوها من باباها وشقيق مها
شالها بسرعة جري بيها علي اوضتها ووراه عاصم .. فريد نيمها ع السرير وجاب ازازة ماية وبدأ يرش علي وشها ويفوقها
فريد _ زهررررة .. زهرة ياحبيبتي فوقي
بيهز وشها _ قومي يازهرة انا جيت ياحبيبتي
زهرة بتفتح عينيها ببطئ وبتبدأ تفوق .. شافت فريد في وشها قامت اتعدلت
زهرة _ كنت فين يافريد كل ده .. كنت محتاجاك
فريد بيطبطب عليها _ معلش ياحبيبتي كان عندي شغل والله .. طمنيني عليكي بس عامله ايه
زهرة _ الحمدلله
فريد بيبص لابوه _ بابا هو اللي انا سمعته ده صح
عاصم _ آه يافريد اللي سمعته صح خليك مع اختك وانا داخل أنام عشان تعبان
سابهم عاصم وخرج من الأوضة قبل ما يلحق فريد يكلمه
زهرة _ فريد انا بجد مش فاهمة حاجة ومعرفش ايه اللي بيحصل
دا
فريد _ هو انا كمان مش فاهم بس الحاجة الوحيدة اللي عارفها دلوقتي إن لا بابا هيعمل كدا من غير سبب ولا حتى بدر عيل صغير عشان يغير رأيه في آخر لحظة من واحدة ل أختها
زهرة _ ايه السبب اللي ممكن يخليهم يعملوا حاجة زي دي يافريد انا هتجنن .. واختك دلوقتي هتفكر وانت عارف دماغها وانا من ناحية خاېفة تزعل مني ومن ناحية خاېفة عليها لا تعمل في نفسها حاجة وصعبانة عليا ومن ناحية صعبان عليا نفسي من اللي بابا بيقوله ومش متخيلة إنه ممكن يغصبني علي حاجة مع ان بابا عمره ما كان من الابهات اللي بتغصب عيالها
فريد _ طيب انا عايزك تريحي دلوقتي ومتفكريش في اي حاجة وانا اول ما الدنيا تهدي هتكلم مع الحج في الموضوع واشوف دماغه فيها ايه
بيقوم يقف وبيبوس دماغها_ متقلقيش ياحبيبتي كله هيبقي تمام انتي بس ريحي جسمي
عدلها ع السرير وغطاها وطفى النور وولعلها الاباچورة الصغننة بتاعتها وقفل الباب وخرج
بدر بيفتح باب شقتهم وداخل ..
هند أخته_ ده انت كنت فين ولا ايه اللي حصل يخربيتك
بدر _ شششش ايه دي هتصحي أمك
انا كويس الحمدلله متقلقيش مفيش حاجة
هند _ مفيش حاجة ازاي امال ايه اللي علي هدومك دا صلصة
بدر _ دي حاډثة بسيطة بس انا كويس الحمدلله.. المهم انا عايزك في موضوع مهم
هند _ معاك .. عايزني في ايه
بدر _ فاكرة من شهر تقريبا لما خرجتي انتي ومها وزهرة روحتو مشوار
هند بتبلع ريقها _ فاكره آه .. ايه اللي فكرك بالموضوع ده
بدر _ طيب من غير لف ودوران .. انا عايز أعرف خط سيركو بالظبط اليوم ده خرجتو روحتو فين وعملتو ايه
هند _ خرجنا عادي جدا زي اي خروجة يا بدر وروحنا في ايه
بدر _ هند .. انا عارف انك صاحبة مها وهتلفي وتدوري عشان متقوليش اي حاجة تخصها بس بعددد اذنك انا عايز أعرف ايه اللي حصل يومها بالذات
هند _ وانا مبلفش وادور يا بدر انا قولت اللي عندي عايز تصدق صدق مش عايز انت حر انا هقوم أنام
في أوضة زهرة
زهرة
عمالة تتقلب يمين وشمال مش عارفة تنام من القلق والتفكير في اللي حصل .. فجأة جالها رسالة واتس اب علي تليفونها
مدت ايديها ع الكومودينو جابت الفون فتحته لقت الرسالة من رقم غريب
الف مبروك ياعروسة
مش لاقية غير أختك وټخطفي منها الراجل اللي بتحبه
بس عموما مش هطول في الكلام لأنها كدا كدا مش هتكمل للآخر .. حتى لو يوم فرحك وخلي الكلمتين دول في بالك من هنا ليوم الجمعة
زهرة بتقرا الرسالة ومستغربة كل حرف فيها !!
دخلت ع التروكولر تشوف مين صاحب الرقم اللي باعت الماسدچ وكانت المفاجأة
اللي باعت الماسدچ شريف خطيبها القديم
زهرة _ شريف!!!!
وبعد لحظات في استغراب وصدمة .. قفلت التليفون من غير ما ترد عليه ب ولا كلمة
زهرة _ عايز مني ايه تاني يااخي حرام عليك مش كفاية اللي عيشته وشوفته بسببك
أعلى ما في خيلك اركبه يا شريف انا فيا اللي مكفيني ومش ناقصاك
مسكت الفون تاني ودخلت ع الواتس فتحت الشات بتاع بدر وبعتتله ماسدچ
انا عايزة اقابلك بكرا الساعة 9 الصبح في اللوكيشن اللي هبعتهولك وياريت تيجي ومتتهربش عشان عاوزاك فعلا
تاني يوم الساعة 9 زهرة واقفة في مكان فاضي شبه مدرسة مهجورة او حاجة زي كدا
بدر داخل عليها _ ايه
المكان الغريب اللي جيبتينا فيه ده
زهرة _ جبتك مكان هادي عشان متعرفش تتهرب مني ولا تخلع بأي طريقة وتجاوب علي سؤالي
بدر _ ايه جو الاستجواب ده
زهرة _ هكلمك بمنتهى الهدوء والعقل يابدر
انا عارفة ان انت مش هتقول اللي قولته امبارح ده من غير سبب .. فممكن تفهمني ايه المبرر اللي يخليك تعمل كدا وبابا يصدق علي كلامك
بدر بيسرح لثواني ودماغه بتعمل فلاش باك علي كل حاجة عدت
بدر _ مفيش أسباب ولا مبررات يازهرة
حسيت إن أختك مش مناسبة معايا وانتي مناسبة اكتر ف قررت اتجوزك انتي .. سهلة وبسيطة اهي
زهرة _ لا والنبي
لعب عيال هو
تصحى من النوم ملكش مزاج تتجوز مها فتتجوز اختها
بدر _ آه
زهرة _ ومين اللي ضحك عليك وقالك اني ممكن أوافق اتجوزك بإذن الله
بدر _ ضحك عليا ايه ده عماد مأكدلي
زهرة _ انا مبهزرررررش يابدر
بدر _ اهدي بس مالك كدا في ايه
زهرة _ اه دا انت شكلك اټجننت بجد بقا .. طيب يا بدر انا مش هتجوزك واعلي ما في خيلك اركبه عن اذنك
بتلف عشان تمشي راح بدر ماسك ايديها
بدر _ ولو قولتلك إني هتجوزك يوم الجمعة بالذوق او بالعافيه
زهرة _ ليه بإذن الله ماسك عليا ذلة وانا معرفش !
بدر بيضحك بخبث _
لا ماسك علي اختك ذلة هتخليكي انتي بنفسك اللي هتقنعي الناس إنك تتجوزيني
زهرة _ افندم!!!!!!!!
ذلة ايه انت هتخرف
بدر _ تحبي تتأكدي بنفسك
بدر _ ولو قولتلك إني هتجوزك يوم الجمعة بالذوق او بالعافيه
زهرة _ ليه بإذن الله ماسك عليا ذلة وانا معرفش !
بدر بيضحك بخبث _
لا ماسك علي اختك ذلة هتخليكي انتي بنفسك اللي هتقنعي الناس إنك تتجوزيني
زهرة _ افندم!!!!!!!!
ذلة ايه انت هتخرف
بدر _ تحبي تتأكدي بنفسك
زهرة _ آه احب اتأكد
بدر _ اشطا ..
أختك محامية كبيرة وبتكسب بس خلينا متفقين إن اللي فيه داق مبيبطلوش والطبع يغلب التطبع
طلع الفون وطلع تسجيل مكالمة
بدر _ ده تسجيل مكالمة بين اختك المحامية المحترمة وبين خصم الموكل بتاعها اللي المفروض تكون ضده
زهرة _ وفيها ايه المكالمة
بدر _ فيها اختك وهي بتطلب مبلغ مالي رشوة من الخصم مقابل انها تسلمه أوراق مهمة جدا تخص الموكل بتاعها عشان الخصم يكسب القضية
فتحت زهرة المكالمة وبدأت تسمعها وهي مزهولة وعمالة تبرق مش مصدقة اللي بتسمعه
زهرة _ انت وصلت للمكالمة دي ازاي
بدر _ هو هو نفس الخصم .. بعتلي تسجيل المكالمة وساومني بيه عشان مكانش عارف يوصلها بعد ما خدت الفلوس وخلعت وكملت في القضية مع موكلها ومدتلوش الورق
تخيلي معايا كدا يا زهرورتي لو روحت قدمت المكالمة دي هيحصل ايه
أول حاجة اختك هتتحبس في قضية رشوة
زي الفل الله أعلم كام سنة الصراحة مش دارس قانون تاني حاجة هتتحرم من مهنة المحاماة وهيبقى مستقبلها المهني راح في داهية الحمدلله بعد كللللل ده تالت حاجة بقا تفتكري ابوكي اللي عنده القلب ده هيستحمل قد ايه لما يلاقي بنته بتتحبس
زهرة بصاله پصدمة وساكتة
بدر _ أظن كدا ملكيش حجة يلا بينا نجهز لفرحنا ياعروسة
زهرة _ انت أحقر إنسان شوفته في حياتي..
ده انت غلبت خطيبي القديم اللي كنت فاكراه بطل العالم في الحقارة يااخي
مش عارفة ازاي كنت بتعامل معاك السنين دي كلها علي إنك بني آدم محترم وينفع تبقى أخ
بتلف عشان تمشي مسك ايديها وقفها
بدر _ نسيت اقولك حاجة مهمة
امك ابوكي اختك اخوكي الجيران .. لو كلمة واحدة في المحادثة اللي حصلت من شوية اتقالت لحد أيا كان مين مش محتاج
أقولك بعد نص ساعة اختك هتكون فين .. ف نعقل كدا ونخلي عقلنا في راسنا زي ما هو عشان ربنا يكرمنا
واظن بعد ما سمعتي المكالمة دي وعرفتي اختك الطماعة علي حقيقتها وان مهما عملتو معاها مش هتتغير ده هيساعدك انها متصعبش عليكي
زهرة _ انت ازاي وامتى بقيت كدا بجد !!
كأنك اتبدلت وبقيت واحد غيرك انا مش مستوعبة
طب بغض النظر عن كل اللي فات فيه سؤال هيجنني من امبارح .. بما إنك شايف مها وحشة وطماعة ومرتشية وفيها كل الصفات المنيلة دي كنت مكمل معاها لحد امبارح ليه وكنت هتتجوزها كمان اقل من أسبوع
بدر _ مش هرد ع السؤال ده دلوقتي اوصلك البيت ولا هتروحي انتي وتستنيني اخلص اللي ورايا واجيلكو
في البيت
تحديدا في أوضة عاصم ابو زهرة
عاصم قاعد على السرير لا منه نايم ولا صاحي ومخه عمال يودي ويجيب .. باب الأوضة خبط
عاصم _ ادخل
دخل فريد الاوضة .. قعد قدام عاصم ع السرير
عاصم _ صباح الخير يافريد فيه حاجة ولا ايه
فريد _ صباح النور ياحج .. امبارح الوقت أتأخر وملقتش فرصة اكلمك في حاجة ف دخلت اكلمك دلوقتي قبل مااروح الشغل
عاصم _ خير عايز
تكلمني في ايه
فريد _ هاكون عايز اكلمك في ايه ياحج ماهو حديث المدينة
عاصم _
لو جاي تتكلم في جوازة زهرة وبدر وفر وقتك ومجهودك انا مش هتكلم في حاجة وقوم شوف اكل عيشك
فريد _ بابا انا لا عايز اكسر كلامك ولا حتى أقدر المح ل ده بس دي أختي .. والتانية كمان اختي
قلبي موجوع عليهم الاتنين وعايز أفهم ايه تفسير اللي بيحصل ده ياحج انا راجلهم ومن ابسط حقوقي اني ع الأقل ابقى فاهم الدنيا فيها ايه ياسيدي جربني وقولي ايه اللي حاصل يمكن مخيبش ظنك واعرف اتصرف
عاصم بيسرح وبيفتكر اللي اتقال بينه وبين بدر يوم الحاډثة
Flash back
عاصم _ نعم
يعني ايه مها السبب .. مها هتأذي اختها ليه وازاي اصلا هتعمل فيها حاجة زي كدا هو انت هتألف !! اشرحلي اكتر يابدر وقولي ايه شككك في كدا متخليش أعصابي تفلت وامسك فيك دلوقتي
بدر _ هقولك ايه شككني في ده ياعمي وهقولك ليه ومين ساعدها في ده كمان
عاصم _ سامعك .. اتفضل
بدر _ من شهر تقريبا مها كلمتني وقالتلي إنها رايحة مشوار هي وزهرة وهياخدوا معاهم هند اختي ووقتها انا استغربت وسألتها انتي من امتى بتاخدي اجازة وتخرجي مع زهرة اختك يعني ! قالتلي زهقانين وعايزين نغير جو فقولنا نخرج احنا التلاتة .. فاكر اليوم دا ياعمي
عاصم بيبدأ يركز _ آه فاكر اليوم ده
بدر _ طيب فاكر يومها زهرة كانت راجعة ساعتها لما عديت علينا في طريقك عشان تاخد هند وتروحوا البيت
بدر _ الله ينور عليك ياعمي
عاصم _ أيوة ده ايه علاقته باللي حصل النهاردة بردو
بدر
_ هقولك
طبعا حضرتك اكتر واحد حافظ مها وتصرفاتها وانها علاقتها بزهرة مش قد كده عشان هي مش من نفس الأم والجو ده ده غير انك عارف مها نفسها طبعها عامل ازاي وطمعها للفلوس .. آخر فترة انا كنت بلاحظ ان مها تصرفاتها غريبة وبتعمل
حركات مش مفهومه خالص بس كنت بكبر دماغي واقول متهيألي
ان بعد ما روحنا البيت لقيت هند بقيت اليوم متوترة ومش علي طبيعتها ومن يومها وهي بتحاول تبعد عن مها
والفترة دي كلها انا مستغرب بس بحاول ابعد الموضوع عن تفكيري واقول لو كان فيه حاجة كنا عرفنا او كان حصل اي بوادر
بس كل ده كوم واللي حصل من اسبوعين ده حوار تاني
عاصم _ ايه اللي حصل من أسبوعين
بدر _ انا ومها كنا بنشتري النجف وواقفين بننقي فجأة حبت تدخل الحمام سابت معايا تليفونها وشنطتها وكل حاجتها ودخلت .. بعد ما دخلت بحوالي ١٠ دقايق جالها ماسدج علي تليفونها اظن كدا الفلوس وصلت واللي ليكي عندي خدتيه يارب نبطل زن بقى خليني اركز في اللي جاي.. وزي مااتفقنا متجيبيش سيرة عن اي حاجة لحد مااوصل للي عايز اوصله الاول
ببص علي اللي باعت الماسدج لقيت صورة شريف خطيب زهرة القديم ومها مسجلاه sh
استغربت طبعا وحاولت افتح الفون بسرعة معرفتش عشان الباسوورد اللي عاملاه للفون علي خرجتها من الحمام
مها _ ايه ده انت بتحاول تفتح التليفون ليه
بدر _ افتحيه كدا يا مها عايز اشوف حاجة
مها _ تشوف ايه يابدر انت عايز تفتح تليفوني تفتش فيه انت اټجننت
بدر _ ما تتكلمي عدل يا مها ايه اټجننت دي وبعدين فيها ايه لما افتح التليفون هو انتي شايلة عليه لا سمح الله !!
مها _ شايلة اللي شايلاه دي خصوصيات يا بدر وبعد اذنك الموقف ده ميتكررش ..
بدر _ هو انتي شريف اللي كان خاطب زهرة بيكلمك يا مها
مها بتوتر _ نعععععم .. شريف ايه اللي يكلمني انت شكلك اټجننت رسمي
دي موكلة عندي يابدر اسمها شكيرا وحاطة صورة ابنها وكانت هتبعتلي اتعابي واقسم بالله يا بدر لو اتكررت وحسيتك بتشك فيا انا مش هعديها
يلا نروح انا مش هكمل فرجة علي حاجة واتقفلت
بدر _ نزلنا روحنا وانا قولت خلاص يمكن اتهيألي فعلا عشان شوفت الصورة من برا بس فضل الشك ملازمني ومن جوايا مش مستريح
بس بعد اللي عرفته النهاردة
هتقولي قدر يسيطر علي دماغ مها ويخليها تعمل كدا ازاي هقولك ان طمع مها للفلوس يخليها تبيع اختها او امها او تبيعك شخصيا وده اللي عرفته عنها مؤخرا
عاصم بيقعد ع الكرسي ويحط ايده علي دماغه
بدر بيقرب منه وبيطبطب عليه
بدر _ انا لحد دلوقتي معرفش ايه اللي حصل بالتفصيل وفيه تفاصيل كتيييير لسة مجمعتهاش عن الموضوع وعشان كدا قولت اول خطوة لازم تتاخد اني اتجوز زهرة منها كمان ومنها اعرف مها ان الله حق .. وبعد ما اتجوز زهرة هبدأ اركز واعرف ايه اللي حصل بالظبط وحصل ازاي واللي
غلط ياخد جزاته من اول مها ل شريف ل هند أختي اللي لسة مش عارف ډخلها ايه بالموضوع
أهم حاجة من هنا لحد ما نكشفهم ياعمي مش عايزين اي حد تالت يعرف حاجة عن الكلام اللي قولناه دلوقتي عشان لو حد شم خبر
مش بعيد يحاولوا يأذوها زيادة ومنلحقش نعمل حاجة
رجع عاصم من الفلاش باك
فريد _ بابا انا بكلمك انت سامعني
عاصم بيقوم يقف وبصوت عالي _ وانا قولتلك مش هاتكلم في حااااااجة يافريد قولت اللي عندي واختك هتتجوز بدر ومش هقول لحد أسباب ولا هفسر
اتفضل روح شغلك عشان متتأخرش يافريد
بدر بيفتح باب بيتهم وداخل
ناهد امه واقفة بتجهز السفرة عشان ياكلوا هند قاعدة متدايقة و عمالة تبص لناهد ومستغربة
دخل بدر باس دماغها _ صباح الخير ياحبيبتي
هند _ انت ايه اللي عملته مع مها ده يا بدر انت اټجننت !!!
ناهد _ صباح الفل ياحبيبي .. حماتك بتحبك اقعد بقا عملالك الأكل اللي بتحبه
هند _ اكل ايه ياماما انتي كمان احنا في ايه ولا في ايه
بدر بيبص لناهد باستغراب _ ماما انتي مش عايزة تقوليلي حاجة
ناهد بتسيب الطبق من ايديها وبتطبطب عليه _ لا ياحبيبي مش عايزة اقولك حاجة
بدر _ انتي عرفتي اللي حصل صح
ناهد _ عرفت .. وواثقة فيك وفي اختياراتك وعارفة انك مش هتعمل كدا من غير سبب
بدر _ ساكتة عشان واثقة فيا وفي اختياراتي ولا ساكتة عشان انتي مكنتيش قابلة مها من البداية ولا نزلالك من زور
ناهد _ انا رأيي نقعد ناكل وبعدين نشوف الموضوع دا
التليفون الأرضي رن راحت ناهد ترد
هند _ بدر هي الأسئلة اللي سألتهالي امبارح ليها علاقة بانك عايز تتجوز زهرة بدل مها
بدر بخبث _ لا خالص .. دا كان سوء تفاهم في دماغي بس وراح لحاله خلاص
هند _ اومال ايه السبب في انك تعمل كدا
بدر _ تقدري تقولي حبيت زهرة اكتر مثلا
هند بتبرق _ نعم
هند خلصت الفون ورجعت _ يالا ناكل بقا
قعدوا عشان ياكلوا
بدر بيبص لهند وبينه وبين نفسه _ اقسم بالله لأجننك يا هند لحد ما توقعي نفسك بنفسك واعرف اللي حصل
في بيت زهرة
جرس الباب رن
راح فريد يفتح الباب .. زهرة داخلة من باب الشقة لقت عبير واخواتها الاتنين قاعدين في الصالة
زهرة _ سلام عليكم
محدش رد عليها السلام
عبير _ كنتي فين ياابلة ومقولتيش لحد ليه انك خارجة هي لوكاندا !
راحت زهرة تسلم علي خالتها اللي قاعدة
خالتها بتزقها _ اوعي كدا انا مبسلمش علي خطافة رجالة
زهرة بتتعدل _ خطافة رجالة
خالتها _ أيوة ياختي خطافة رجالة ايه جبت حاجة من عندي
خالتها التانية _ صحيح اللي سمعناه دا يازهرة
انتي بتاخدي خطيب اختك منها
زهرة _ مفيش حاجة اسمها
خالتها _ باختلاف المسميات .. انتي موافقة تتجوزي الجوازة دي
زهرة بتبص في الأرض بتفتكر كلام بدر
عبير _ ما تردي عليهم يا زهرة موافقة علي الجوازة
زهرة _ آه يا ماما موافقة
كلهم بيبصوا بذهول وكأن اللي واقفة قدامهم واحدة تانية .. مها واقفة علي باب اوضتها سمعت الكلمة وشها اصفر وبلمت .. دخلت اوضتها وقفلت الباب تاني بمنتهي الهدوء
عبير بتبرق _ اااااه قولي كدا بقا
قولي ان دي كانت خطتك من الأول
فريد_ بس ياماما ايه اللي بتقوليه ده
عبير _ ده انتي طلعتي حرباااااية ياشيخة حسبي الله ونعم الوكيل فيكي
عاصم _ عبييييير .. مش عايز أسمع صوت
تاني اكتمي
زهرة _ انا داخلة أنام شوية ياجماعة عشان منمتش من امبارح وانا أصلا تعبانة .. عن اذنكو
سابتهم زهرة ودخلت علي اوضتها تنام
بعد ساعة
بدر طالع على السلم في بيت ابو زهرة عمال يفكر في كل حاجة بتحصل واللي هيحصل اول ما يدخل عندهم البيت .. وقف قدام باب الشقة مش عارف هل يخبط ولا ياخد بعضه وينزل تاني .. وقف قدام الباب
في نفس الوقت
زهرة في اوضتها غطسانه في النوم من التعب سواء تعب الحاډثة ا او تعب قلة النوم .. مها بتفتح باب الأوضة وبتدخل عليها بتتسحب
بتبص عليها وهي نايمة وبتطلع من جيبها صغيرة
مها بصوت واطي _ قديما قالوا كل شئ متاح في الحب والحړب وقالوا
بردو من الحب ما قتل
انا آسفة يا زهرة بس مش انا اللي هتسمحلك تاخدي منها خطيبها بالطريقة دي واقف اسقفلكو وتقولولي عقبالك
مش كفاية عليكي انك خدتي حب ابويا كل السنين دي ومكانش شايفنا بسببك جاية دلوقتي وعايزة تاخدي خطيبي كمان واسكت عشان اختي ده على يازهرة
رفعت ايديها
صړخت زهرة صړخة سمعها البيت كله
رفعت ايديها اللي هو بالتقريب جنبها
صړخت زهرة صړخة سمعها البيت كله
عبير داخلة تجري شافت
عبير _ يانهار اسود يانهار اسد٣ ايه اللي هببتيه دهههه يخربيتك
زهرة بصوت واطي وتعب وبتغمض عينيها _ الح.. الحقيني ياماما
وفي ثانية عاصم وفريد دخلوا ووراهم بدر بيزقهم بسرعة وبيجري علي جوا ..
بدر واقف باصص لزهرة ومصډوم
وكلهم واقفين مبرقين مش عارفين يعملوا ايه في المصېبة دي
عاصم _ زهررررررة
بدر _ لا يازهرة مش ھتموتي احنا هنهزر ولا ايه
جري بسرعة شالها بطريقة مناسبة للچرح اللي في جنبها
بدر _ فريد جهز العربية بسرعة هنروح علي أقرب مستشفى
عاصم بيقف قدامه _ مش هينفع يا بدر
بدر _ هو ايه اللي مش هينفع ياعمي
عاصم _ مش هينفع نروح بيها علي مستشفى
فريد _ ازاااااي يابابا ايه اللي بتقوله ده البت بتموووت
عاصم _ احنا لو روحنا بيها ااااي مستشفي دلوقتي ان شاءالله تحت السلم هيبقى فيها س و ج وحكومة ومحضر ومها اختك هتروح في الرجلين لازم نتصرف بعقل
بدر _ نتصرف بعقل ازاااااي يعني عشان ست مها متتحبسش هنسيبها ټموت !!!!!!!
عاصم بيمسك الفون _ انا هتصل بالدكتور بتاعنا ييجي بسرعة بالمعدات بتاعته يشوف الچرح ولو مش غويط اوي وميحتاجش أوضة عمليات يتصرف هو
بدر _ واحنا لسة هنستني الدكتور ييجي
انا هتصرف
بيحط زهرة ع السرير
وبيحط ايده يكتم الچرح عشان مينزفش
بدر _ فريد تعالي بسرعة حط ايدك هنا كدا
فريد _ بيكتم الچرح
عاصم _ هتتصرف ازاي انت
بدر بيقلع
الچاكت وبيشمر ايده _ انا كنت شغال مع دكتور قبل مااتخرج وهعرف اتصرف علي ماييجي الدكتور
بيكتم الچرح مكان فريد
_ فريد أنزل هاتلي الحاجات اللي هقولك عليها من الصيدلية بسرررررعة .. وانت ياعمي كلم الدكتور ييجي
عبير _ هي هتعيش طيب
بدر بيتلفت وايده علي الچرح _ ممكن تاخدي بنتك وتطلعوا من الأوضة
عبير _ ايوة بس انا
بدر _ بعدددد اذنك يا ام فريد الوقت مش مناسب للمناهدة خااالص دلوقتي خدي البت دي من قدامي واخرجي معاها ولما نخلص وتقوم بالسلامة ابقوا تعالو شوفوها
مها بتضحك _ آل يعني ھتموت بعد ده كله
دي حلوفة بسبع أرواح متخافش عليها اوي كدا
بدر _ ايه الغل ده ياشيخة أعوذ بالله من امثالك
اطلعي برااااااا بقوووول
عاصم حاطط الفون علي ودنه بيتصل بالدكتور .. وفي نفس الوقت بيشد مها من دراعها بيخرجها من الأوضة
عاصم _ نخرج بس من المصېبة دي وحسابك معايا بعدين يابنت الكب .. أيوة يادكتور
في الأوضة
بدر واقف كاتم الچرح .. فريد دخل ومعاه الحاجات اللي قاله يجيبها
بدر _ عقم ايدك بسرعة وتعالي ركز معايا عشان نلحقها
بعد نص ساعة
عاصم _ تعالي يادكتور اتفضل
بدر واقف قدام زهرة بعد ما خيط الچرح .. زهرة شبه نايمة او مغم عليها وكلها عرق وبتتنفس بصعوبة
الدكتور بيبص ع الچرح
بدر _ الچرح كان سطحي الحمدلله وانا عملت اللازم وخيطته زي ما حضرتك شايف بس عاوزك تشوف ايه مطلوب يتعمل تاني وتكتبلها ع الأدوية عشان حرارتها بدأت تعلى
الدكتور _ تسلم ايدك الچرح متخيط كويس جدا وهو باين عليه سطحي فعلا وده ستر ربنا .. بس الحرارة دي لازم تنزل قبل ساعتين عشان هتأثر عليها وعلي الچرح
بيطلع روچيتا وبيكتب أدوية وبيديها لفريد ينزل يجيبها
في الصالة
عبير ومها واقفين
عبير _ انا عايزة افهم انتي مخك كان فين وانتي بتعملي اللي بتعمليه
مها باصة في الارض وساكتة
عبير _ ردددددي ع اللي خلفوني انا مش بكلم
امي .. عايزة تقتلي اختتتتتك يابنت المتخلفة
مها بزعيق _ اااه عايزة اقټلها واخلص منها وياريتها كانت ماټت وغارت في داهية .. طول عمرها سارقة السعااادة والحب والاهتمام من ابويا ودلوقتي عايزة تسرق خطيييييبي
كان لازم اقټلها وده أقل واجب اقدر اعمله معاها ولو مماتتش المرة دي هحاول تاني وتالت وعاشر
فريد خارج بيسقف _ لا بجد ابهرتيني ..
عملتيها ازاي دي قدرتي تجمعي ازاي الجحود والكره والغل والحقد
والغباء وكمان الإجرام في كاس واحد وتشربيه لوحدك وتكوني الإنسان العظيم اللي واقف قدامي ده
هتحاولي تقتليها تاني وتالت وعاشر صح
ده لو لحقتي بقا عشان انا اللي هقتل اللي خلفوكي
بيجيبها من شعرها وبينزل فيها ضړب وشتيمة عبير بتصوت _ يافرييييد اختك ھتموت في ااااايدك
فريد بيزق امه _ اوووووعي ياما عشان مضربكيش انتي
عاصم وبدر خارجين يجروا علي برا يشوفوا في ايه وبيحوشوا فريد من علي مها
فريد بينهج _ اللي زي لازم تموووووت مينفعش تعيش وسطنا دي حرباااااية يابابا
عاصم _ خلاااااااص يافريد قولت
مها بتمسح الډم وبتعيط _ بتضربني عشان خطافة الرجالة اللي جوا دي بكرا تعمل فيك زي ماعملت فيا ياغبي وتيجي ټعيط بالدمووووع انا بكرهك وبكرههاااا .. بكرهكو كلكو اصلا منكو للللللله .. وانت يابدر وحياة امي لا اوديك في دااااهية
فريد بيحاول يزق ابوه _ سيبني عليهاااااا يابابا دي عايزة تكسير دماغهاااااا
عاصم بيسيب فريد وبيروح يمسك مها من دراعها _ شكلك مش هتجيبيها ل بر بس انا عارفة دواكي فين
بيشدها وبيدخل بيها علي اوضتها بيدخلها وبيخرج يقفل عليها الباب من برا بالمفتاح
بدر شد فريد دخل بيه عالبلكونة
بدر _ جرا ايه يافريد احنا من امتى بنمد ايدينا علي حريمنا
فريد _ لما يكونوا حريمنا عايزين يتربوا من اول وجديد نمد ايدينا عادي ولا انت عايزني استني لما ټقتلها بجد المرة الجاية
بدر _ ده مش هيحصل يا فريد ولو انت سمحت بيه انا اللي مش هسمح بيه لأن زهرة تقريبا بقت في حكم مراتي بس كله بالعقل وبالدماغ يا فريد مش بالضړب والعافيه
فريد _ كل ده حصل بسبب القرار الغرررريب اللي فجأة قررته انت وابويا وانا مش فاهم ليه وازاي يعني
بدر _ مش وقته كلام في الموضوع ده يا فريد
عبير داخلة عليهم البلكونة _ بټضرب اختك يافريد
فريد _ واكسر دماغها كمان
عبير _ تكسر دماغ اختك شقيقتك عشان اختك اللي مش شقيقتك
فريد _ لا والله! وهي عشان مش اختنا شقيقتنا نقتلها بقا صح
بدر _ استهدوا بالله ياجماعة مش هنسيب الموضوع الاساسي ونتخانق
عبير _ انت بالذات مسمعش صوتك .. انت السبب في اللي احنا فيه أصلا ومتدخلش بيني وبين ابني
فريد _ ماماااااا
بدر _ بس بس يافريد خلاص .. هي عندها حق
عن اذنكو انا رايح ابص علي زهرة
سابهم ودخل راح علي اوضة زهرة يشوفها ...
لقى عاصم قاعد قدامها وهي نايمة باصصلها وعينه مدمعة
بدر بيطبطب عليه _ قوم يا حج غير هدومك وخد دش كدا وانا هخليني جنبها متقلقش
عاصم _ ماشي يابدر .. شوية وراجعلك
قعد بدر قدامها وبصلها وهي نايمة وشها احمر وردي من التعب وشعرها الاسود الطويل مغطي جزء من وشها الصغير البرئ .. وفجأة لقاها بتشهق او شبه بتتشحتف
تخريف نوم وتعب قرب منها طبطب عليها وشال شعرها من علي وشها
بدر _ مټخافيش يازهرة .. من اول دلوقتي عيني مش هتتشال من عليكي ومش هسمح لحاجة في الدنيا تأذيكي
انا
عارف إنك في النهاية مش هتكوني نصيبي وكلها فترة وكل واحد هيروح لحاله وهنتطلق بس من هنا لحد ما الفترة دي تخلص أوعدك مفيش مكروه هيصيبك وانا موجود بعد ربنا
جسها عشان يشوف حرارتها
بدر _ الحمدلله الحرارة نزلت
وهو بيتكلم لقى صوابعها بتتحرك .. مسك ايديها بسرعة وبدأ يفرك فيها ويفوقها
زهرة بتفتح عينيها براحة وبتبدأ تفوق .. بتبص حواليها بتعب وبترفع عينيها بتبص ل بدر
زهرة بخضة _ في ايه يابدر انت قاعد قدامي كدا ليه
بتشد ايديها _ وماسك ايدي كمان ليه اوعي يا بدر
وانا ايه منيمني لحد دلوقتي أصلا
بتحاول تقوم فجأة عشان تقعد ..الچرح ۏجعها جدا
زهرة بتحط ايديها علي جنبها _ اااااااه
بدر بيسندها عشان تنام تاني _ بس بس متتحركيش عشان الچرح
بدر _ چرح
چرح ايه
بدر باصصلها وساكت
زهرة بتبدأ تفتكر اللي حصل وهي نايمة لما اختها
غمضت عينيها وكأنها
حست بۏجع داخلي اكتر من ۏجع الچرح اللي في جنبها .. بدأت دموعها تنزل ووشها يحمر اكتر من الحزن والعياط
بدر بيطبطب عليها _ الف سلامة عليكي يازهرة
متعيطيش عشان العياط هيرفع حرارتك تاني وهتتعبي احنا ما صدقنا نزلت
زهرة بتبعد ايده _ وانت مالك انت الحرارة تطلع ولا تنزل ما انت السبب في كل اللي احنا فيه
بدر _ اهددددي يازهرة الزعيق هيتعبك تااني وممكن يفتح الچرح
زهرة _ اطلع برا يا بدر انا مش عايزة اشوفك
فريد داخل الأوضة _ متكلميهوش كدا يا زهرة .. لولا بدر كان زمانك الله اعلم فين ده هو اللي انقذ الموقف ولحقك لحد ما الدكتور جه
زهرة _ ياريته كان سابني اموت احسن
فريد بيبوس دماغها _ بعد الشړ عنك يا حبيبتي .. حمدالله على سلامتك
مش عايزك تفكري في ااااي حاجة ممكن تدايقك دلوقتي خفي انتي بس واحنا هنصلح كل حاجة
عاصم وعبير داخلين الأوضة
عاصم _ حمدالله على سلامتك يازهرة
حاسه بأيه دلوقتي ياحبيبتي
زهرة بتعب _ الحمدلله يابابا انا بخير متقلقش
بدر _ طيب بما اننا متجمعين كلنا كدا انا عايز اكلمكو في موضوع مهم
عاصم _ موضوع مهم دلوقتي يا بدر في اللي احنا فيه
بدر _ ماهو عشان اللي احنا فيه انا هكلمكو في الموضوع دلوقتي
فريد _ خير يا بدر في ايه
بدر _ بصراحة انا مبقتش متطمن علي زهرة وهي هنا في الوضع ده وشايف إننا نقدم الفرح شوية
فريد _ تقدم الفرح ايه اكتر من كدا ما هو يوم الجمعة الجاية خلاص !
بدر _ هنخليه بعد بكرا .. بكرا نجهز كل حاجة وبعده نتجوز تكون قدرت تقف علي رجلها
زهرة بتبرق
عبير پصدمة _ يخربيت بجاحتك ياشيخ !!
ده انت مش هامك حاجة ولا حد بجد بقا
عاصم _ وانا موافق يا بدر
فريد بيبصله باستغراب
عاصم _ أيوة موافق يا فريد ومتبصليش .. بدر بيتكلم صح وخير البر عاجله
بدر _ تمام ياحج .. انا شقتي جاهزة وكل حاجة تقريبا جاهزة بس ممكن نلغي حجز القاعة ونعمل كتب الكتاب في مكان كويس بيننا وبين بعض ونروح ع البيت لأن زهرة تعبانة ومش حمل أفراح دلوقتي
عبير بتبص لزهرة وبسخرية _ وانتي رأيك ايه يا عروسة في الكلام ده
زهرة _ موافقة علي اللي هيتفقوا عليه أيا كان
عبير _ بجد والله
زهرة بتغمض عينيها من التعب وانها مش قادرة ترد تاني
عاصم _ خلاااص يا عبير خلصنا البت تعبانة مش قادرة تتكلم اصلا .. يلا نخرج ونسيبها ترتاح
في أوضة مها
مها _ عايزين تحموها مني وتجوزوها خطيبي بعد بكرا ..
وانا بقى طير مكسور الجناح هيسيب أخوه ياكل
اكله ويقف يتفرج عليه مش كدا
بتطلع تليفونها بتطلب رقم وبتحط الفون علي ودنها وبعد الجرس ..
مها _ أيوة ياشريف
شريف _ قولتلك كام مرة متتصرفيش من دماغك
مها _ مقدرتش استحمل
شريف _ زهرة لو كان حصلها حاجة وربنا المعبود لا كنت سففتك التراب
مها _ واديها محصلهاش ياحنين وقامت زي القرد واللي حصل جه في مصلحتنا كمان وقدموا الفرح خلوه بعد بكرا
فرصتك بقى وريني شطارتك
شريف _ حلو اوي الكلام ده
طيب ركزي معايا كويس بقى عشان اللي جاي أهم بكتير من اللي فات وبعد بكرا هيبقى مجزرة
تاني يوم الساعة 12 الضهر
بدر رايح علي اوضة زهرة عشان يشوفها بقت عاملة ايه
وقف قدام الاوضة خبط ع الباب .. محدش بيرد
بدر _ زهرة انتي جوا
مبتردش ليه دي !!! معقول تعبت واحنا مش معاها
بيفتح الباب وداخل ...
بص حواليه ملقاش حد في الأوضة!!
بدر بيدور يمين وشمال _ زهرررررة
مفيش اي اثر ل زهرة
في المقاپر
زهرة قاعدة جنب قبر مامتها ومفيش ولا شخص حواليها .. قاعدة حاطة ايديها علي جنبها علي الچرح اللي بيوجعها جدا بس مش مهتمة بالۏجع
زهرة _ انا مفتقداكي اوي ياامي .. اي نعم انا ملحقتش اوعى عليكي بس اللي متأكدة منه إنك لو جنبي
دلوقتي كان زمان حاجات كتير اوي اتغيرت
ع الأقل كنت هعرف أقولك ع اللي جوايا واللي مش عارفة أقوله لأي مخلوق علي الارض ... انا تعبانة اوي ياماما
تعبانة ومش عارفه أروح لمين يفهمني
ويحس بيا ويحللي مشاكلي .. من ناحية الجوازة الغريبة اللي طلعتلي فجأة من شخص عمري ما شوفته غير اخويا ولقيت نفسي هتجوز بكرا وحياتي هتبوظ ومن
ناحية ټهديد بدر ليا اني لو اتكلمت هيحبس اختي ومن ناحية اختي اللي فهمتني غلط وكرهتني من غير ما تعرف حاجة واللي من ناحية صعبانة عليا ومن ناحية مش متخيلة هي ازاي اتحولت وبقت شخص غريب كدا ! من ناحية أبويا اللي تعبان وخاېفة عليه ومن ناحية شريف خطيبي القديم اللي عمال ېهدد فيا طول الوقت وانا مش فاهمة حاجة
بتحط ايديها علي جنبها والچرح بيشد ودموعها بتنزل _ اااااه .. يارب هون يارب
فجأة تليفونها جاله ماسدچ وهو جوا شنطتها
فتحت الشنطة طلعت الفون تشوف الماسدچ
شريف _ العد التنازلي بدأ ياعروسة .. كلها يوم واحد وهخليكي تحضري فقرة الساحر اللي هتخلي مخططاتك كلها تكون في إتجاه وهوب تلاقيها في اتجاه تاني
زهرة بتشوف الرسالة ووشها بيجيب ألوان .. بدأت تفتكر اللي فات
Flash back
من سنة
زهرة _ شريف انت بتقول ايه
جاي بعد سنة ونص خطوبة تقولي احنا مش مناسبين ولازم نسيب بعض
شريف _ آه يا زهرة ده الصح .. احنا دماغنا مش شبه بعض وبصراحة انا لو كملت هبقى بظلمك وبظلم نفسي
زهرة پصدمة _ وانت فجأة كدا اكتشفت إننا مش شبه بعض بعد سنننننة ونص
ازاي يعني انا مش فاهمة حاجة .. هو ايه اللي حصل اصلاااا لكل ده احنا كنا زي الفل ما تفهمني في اااايه
طب انا لو عملت حاجة او زعلتك في حاجة عرفني
شريف_ لا ولا زعلتيني ولا عملتي حاجة انتي إنسانة زي الفل بس العيب فيا انا اللي مش مرتاح وحاسس اننا مش هننفع مع بعض فعلا
زهرة دموعها نازلة_ طب كل ده كان ليه من الاول!!
ليه قولتلي إنك بتحبني وليه عيشتني أجمل سنة ونص في حياتي مكالمات وخروجات وحب
ورومانسية وهدايا ومواقف حلوة وداخلين خارجين قدام كل الناس .. ليه طلعتني لسابع سما وهوب اديتني بالنص رزعتني في سابع أرض من غير حتى ما تقولي ليه
شريف _ انا آسف يازهرة
زهرة بتقعد علي الأرض بكسرة وصدمة _
آسف على ايه بالظبط
آسف انك حړقت قلبي ولا على كسرتي وۏجعي ولا اسف اني عمري ما هثق في حد تاني بسببك ولا آسف إنك بالموقف ده هتكبرني 30 سنة علي عمري الحقيقي آسف علي ايه ولا ايه
ياشيخ حسبي الله ونعم الوكيل فيك .. ربنا يردهولك في أغلى ما عندك يا شريف بتقلع الدبلة وبترميها في وشه بعياط وحړقة حسببببي الله ونعم الوكيل فييييك ياشيخ
رجعت زهرة من الفلاش باك عينيها مدمعة وقلبها ۏاجعها وايديها علي جنبها
البارت الجاي هنفهم بقيت قصة زهرة وشريف واللي حصل بعد فسخ الخطوبة
قامت زهرة وقفت ومسحت دموعها وبدأت تحرك رجلها واحدة واحدة عشان تروح ...
وفجأة
في بيت ابو زهرة
بدر خارج من اوضة زهرة بيجري _ يازهررررة
عاصم وعبير جايين يجروا _ في ايه يابدر
بدر _ زهرة مش في اوضتها .. راحت فين
عاصم _ ازاي يعني مش في اوضتها !
دخل عاصم بسرعة يبص عليها ملقاهاش
بدر _ هات مفتاح اوضة مها ياعمي بعد اذنك
عاصم _ ليه
بدر _ بعد اذنك ياعمي بسرعة بس
عاصم بيطلع المفتاح وبيسيبهوله .. بيجري بدر علي اوضة مها وبيفتح الباب لقى مها واقفة قدام الباب بالظبط
بدر _ اختك فين
مها _ افندم !
بدر _ زهرة فيييين يا مها انطقي
مها بتشوح بايديها _ وانا ايش عرفني ماتروح تدور عليها بعيد عني وانا ناقصة بلاوي تتحدف عليا
بدر بيمسكها من رقابتها وبيخنقها وبصوت عالي _ هتقولي زهرة فييييين ولا اطلع بروحك دلوقتي
مها بتكح _ والله مااعرف حاااجة انت هتموووتني
عبير بتجري وبتشدها من ايده _ انت اتجننننننت يابدر عايز ټموت بنتي ماتغور
تدور علي خطيبتك في
بدر _ دلوقتي بقت خطيبتي!!!
طيب انا هروح ادور عليها بس وعزة جلالة الله يا مها لو طلعتي في الاخر انتي اللي ورا اختفائها انا مش هقولك انا ممكن أعمل فيكي ايه هسيبهالك مفاجأة
سابهم ونزل يجري عشان يدور عليها ...
وهو عمال يلف عليها في الشارع تليفونه رن زهرة
بدر _ زهرة !!!
بدر بيرد ع المكالمة بسرعة _ أيوة يا زهرة انتي فين
الو سلام عليكم
بدر _ مين معايا
حضرتك ده تليفون بنت مغم عليها في الشارع وفاقدة الوعي تماما واحنا بنحاول نفوقها وانا اخدت الفون وفتحته بباصمة صوباعها عشان أقدر اتصل بأي حد ييجي يلحقها
بدر بخضة _ انتو فيييين دلوقتي بالظبط
احنا في مقاپر ال حضرتك
