تزوجت أختها بقلم Alaa Hosny
المحتويات
عارفها اكيد
بدر _ اقفل انا جاي حالا
في بيت بدر
ناهد _ قومي ياهند معايا خلينا نطلع نكمل فرش شقة اخوكي ده خلاص الفرح بكرا وهما لسة مجوش يفرشوا
هند _ نفرش اااايه ياما صلي ع النبي انتي فاكراها جوازة بجد بقا وفرش وبتاع !! وبعدين احنا مالنا احنا ماييجو هما يتصرفو
ناهد _ ايوة جوازة بجد طبعا اومال لعب عيال يعني .. وبعدين هييجو امتى وازاي ومين اللي ييجي اصلا
اديكي شايفة زهرة لا ليها اخت ولا ام اختها الود ودها تخلص منها ومرات ابوها واخدة صف بنتها طبعا والبت لايصة في الحياة لوحدها
هند _ بقولك ايه ياماما ريحي نفسك انا مش هفرش شقق
عندك انتي شوية صحة زيادة عايزة تطلعي تضيعيهم في الشقة فوق اطلعي وربنا معاكي
ناهد _ انا غلطانة اني بكلم واحدة زيك اصلا .. براحتك ياهند انشاله عنك ما طلعتي
ياشيخة ربنا ما يحوجني لحد
هند _ ايوووون هنبدأ بقا في الاسطوانه
ناهد _ اوعي كدا كاتك القرف انا سايبهالك مخضرة وطالعة افرش الشقة
بدر وصل عند المقاپر لقى الناس ملمومة وبيحاولوا يفوقوها وهي يدوب بدأت تفتح عينيها بالعافيه
بدر بيجري عليها وبيمسكها
بدر _ زهررة مالك في ايه وايه طلعك م البيت أصلا
زهرة بتحاول تفتح عينيها وتفوق ومش قادرة تتكلم .. بيبص علي جنبها لقى الچرح پينزف
بدر _ يانهار اسود .. وسعوا ياجدعان وسعوا
شالها بدر وجري بيها بسرعة حطها في العربية طلع بيها عالمستشفي
دخلت ع الطوارئ جه الدكتور يبص عليها
_ الچرح ده من ايه وحصل امتى
بدر _ لسة امبارح .. كانت بتنضف البيت ووقعت علي الترابيزة الازاز اتكسرت بس احنا حاولنا نتصرف ونخيطها بس النهاردة اغم عليها في الشارع ووقعت
_ ماشي عموما هو الچرح مش عميق اوي بس انا هعملها اللازم وياريت ترتاح ومتتحركش كتير ع الأقل النهاردة كامل عشان الوقعة اللي وقعتها في الأرض هي اللي خلت الچرح ېنزف تاني
بدر تليفونه عمال يرن عاصم شوية فريد شوية امه شوية وهند شوية وهو ميردش
بعد ساعة
بدر سايق العربية وزهرة جنبه
بدر _ ممكن أفهم انتي ايه نزلك من البيت وانتي في الحالة دي
زهرة باصة قدامها ومبتردش
بدر _ على فكرة انا بتكلم
زهرة _ وعلى فكرة انا مش عايزة أرد
بدر _ لا والله تبقى في الحالة دي ومتدهولة بالمنظر ده وتنزلي وتقعي في الشارع وانا اكلمك مش عايزة تردي كمان!!
زهرة _ بقولك ايه
هو انت مش هددتني باختي واجبرتني اوافق اتجوزك ووافقت فعلا وهنتنيل نتجوز بكرا
بدر _ حصل
زهرة _ يبقى متتكلمش تاني بقا وسيبني في حالي ممكن
بدر _ اسيبك في حالك وانتي كلها سواد الليل وتبقي مراتي
زهرة _ بلا مراتك بلا بتاع .. دماغك بقا
بدر بيلف وشه بيبص من شباك العربية وهو بيلف الدريكسيون _ لو بتكلم فكهاني هتعامله احسن من كدا اقسم بالله
بعد نص ساعة وصلوا عند البيت
بدر نزل من العربية ولف فتح الباب الناحية التانية عشان ينزلها لسة هتحط رجلها عشان تنزل من العربية
راح مطلع رجلها تاني ووطي عشان يشيلها
زهرة بتزقه _ انت بتعمل ايه
بدر _ الدكتور قال لازم ترتاحي راحة تامة النهاردة يعني رجلك مش هتتحط في الأرض
زهرة _ وانا
مش هسيبك تشيلني يابد...
بدر بيقاطعها وهي بتتكلم وبيشيلها ويقفل باب العربية برجله وبيطلع العمارة
هنختصر بقيت الأحداث اللي حصلت لما طلعوا عشان نركز في الأهم
تاني يوم يوم الفرح
زهرة بتبدأ تصحى من النوم لما حست بالشمس طلعت وملت الاوضة نور .. بتفتح عينيها
لقت عبير في وشها
زهرة بتتخض _ بسم الله الرحمن الرحيم
بتدعك عينيها _ ايه ياماما واقفة كدا ليه
عبير بتريقة _ صباح الخير ياعروسة
ايه ياختي شوفتي عفريت
زهرة _ لا اټخضيت بس لما فتحت عيني لقيتك قدامي
عبير _ سلامتك م الخضة ياعينيا .. لا عايزاكي تنشفي كدا ده النهاردة فرحك علي الغالي
زهرة بتنزل عينيها في الأرض بحزن
مها داخلة الأوضة _ عروستنا صحيت أخيرا .. يلا قومي اجهزي ياعروسة ورانا حاجات كتير
زهرة بتبصلها بإستغراب !!
وبتفتكر قبلها وكانت ھتقتلها
مها _ مالك متنحة ليه كدا
زهرة _ مستغرباكي يامها بصراحة.. المفروض دلوقتي تكوني اكتر إنسانة كرهاني مش بتقوميني عشان اجهز
مها _ لا مانا الصراحة قلبتها في دماغي كدا ولقيت ان مدام ربنا عمل كدا يبقي دا اكيد خير لينا احنا الاتنين وفي الآخر خلينا متفقين دا نصيب
زهرة _ فعلا
فريد داخل الأوضة_ انتي ايه اللي
جابك هنا يابت انتي
انا مش قولتلك متهوبيش ناحية أوضة زهرة لحد ما تتجوز وتروح بيتها
عبير _ جرا ايه يا فريد ما تتعدل
فريد _ اتعدل واستناها تحاول ټقتلها تاني زي ما حصل امبا..
زهرة بتقاطعه _ فريد ... خلاص اللي فات ماټ ومش هنتكلم فيه تاني وانا بقيت احسن الحمدلله
وهما بيتكلموا الباب خبط ... راحت عبير تفتح الباب
ناهد ام بدر داخلة أوضة زهرة وفي ايديها شنط
زهرة بتتعدل
ناهد_ لا لا خليكي زي مانتي انا زي امك ياحبيبتي
انا جاية ومعايا كل حاجة ممكن تحتاجيها من فستان فرح لمكياج لاكسسوارت ل كل حاجة
زهرة پصدمة_ تعبتي نفسك ياماما ايه كل ده
ناهد _ مش انا اللي نقيت طبعا انا ست كبيرة مفهمش في الكلام بس كان معايا حد يعز عليه أمرك اوي وهو كان بينقي الحاجات وبياخد رأي البنت الموجودة في المحل كمان عايزينك تكوني أميرة النهاردة وتلوحي اي حد هيبص عليكي
زهرة بصالها مستغربة اللي هي بتعمله وانها تقبلت عادي فكرة ان ابنها يغير واحدة ويتجوز اختها !!
ناهد _ يلا قومي معايا بقا هدخلك تاخدي شاور في السريع كدا وابدأ اجهزك عشان كتب الكتاب هيبدأ الساعة 5 خلاص مفيش وقت
عبير ومها بيبصولها ب غل واستغراب
الساعة 5
زهرة واقفة قدام باب الشقة .. لابسة فستان فرح تركي سيمبل وعاملة ميك اب هادي وفي نفس الوقت طالعة زي الملاك الأبيض
ناهد _ زي القمر ياحبيبتي ربنا يحميكي من العين
زهرة _ انتي اللي ليكي الفضل في ده كله يا ماما .. ربنا يخليكي ليا
عاصم واقف بيبص علي زهرة وعينه مدمعة
ناهد _ يلا عشان منتأخرش عليهم
زهرة لسة
هتتحرك عشان تنزل فريد وقف قدامها
فريد _ زهرة احنا لسة فيها .. فكري ياحبيبتي انتي لسة معاكي وقت
زهرة بتبصله وعينيها بتدمع
فريد _ يازهرة ابوس ايديكي متدمريش حياتك وسعادتك ولو فيه
حاجة هنحلها
زهرة بتحضنه وبتتماسك _ اختك قد اي حاجة يا فريد وراضية بنصيبها أيا كان هتوحشني يافريد
فريد بيحضنها وعينه بتدمع وهو مش عارف يعملها حاجة
مها واقفة بصالهم ومبتسمة ابتسامة عجيبة .. عبير عمالة تبصلهم وتبص ل مها باستغراب !!
بدر واقف تحت البيت لابس بدلة سودا وجزمة سودا مع شعره الاسود وريحة البرفيوم اللي مالية الشارع هو إسم علي مسمى وبدر منور بجد
نزلت زهرة ماسكة ايد عاصم ابوها ..
بدر قرب خطوتين وهو عينه في عين زهرة اخد ايدها من ايد عاصم وركبها العربية لف ركب الناحية التانية وبدأوا يتحركوا في إتجاه الفرح
كافيه كبير محجوز ليهم لوحدهم .. متزين كله ورد وإضاءات ومكان مخصص ل كتب الكتاب المعازيم قليلين بحكم أنهم عازمين قرايبهم ومعارف قليلة عشان الموضوع على الضيق
بدر ماسك ايد زهرة وداخلين .. الناس قامت وقفت وسقفولهم زي أي فرح
زهرة باصة في الأرض وحاسه إنها
داخلة جنازتها مش فرحها .. بدر عينه علي زهرة ومش مركز مع الفرح
قعدوا علي ترابيزة كتب الكتاب وبدأوا يكتبوه
مها واقفة متوترة وعمالة تبص حواليها كأنها مستنية حاجة او مستنية حد
بدر حط ايده في ايد عاصم وعلي ايديهم المنديل وبدأوا يقولوا والمأذون .. زهرة عينيها في الأرض وماسكة دموعها بالعافية علي يمينها واقفة ناهد ماسكة ايديها ومبتسمة
هند واقفة عينيها علي مها ومستغربة بصاتها يمين وشمال .. فريد واقف عينه على هند وبيبصلها من تحت لتحت
المأذون _ بارك الله لكما وبارك عليكما وجمع بينكما في خير
زهرة بترفع عينيها وبتبص للمأذون ودموعها بتنزل ڠصب عنها ..
بدر بيغمض عينه وبينه وبين نفسه _ الحمدلله.. انت تخطيت مشوار
كبير يابدر وخلاص فاضل خطوات بسيطة وتوصل لهدفك وتكشفهم كلهم .. بس لازم كل شئ يبان طبيعي دلوقتي قوم اعمل اي لقطة
قام وقف بدر بص لزهرة .. قومها
زهرة بتبرق عشان مكانتش متوقعة رد الفعل ده !!
وبعدين بعد عنها وبيلف عشان يحضن امه ... وفجأة
الكهربا قطعت في المكان كله والدنيا ضلمت كحل
حصل ارتباك في المكان كله وإدارة الكافيه بقوا مستغربين ازاي المولد مشتغلش كل ده وفضلوا دقايق يجروا في الكافيه كلهم بيحاولوا يتصرفوا لحد ما قدروا يرجعوا الكهربا
بدر بيبص جنبه ...
وكانت المفاجأة...
بدر ايه ده
انتي جيتي هنا ازاي!! وليه
هند ده بدل ما تقولي أهلا بيكي في شقتي اللي بتزوريني فيها أول مرة بعد جوازي
بدر هو اهلا بيكي اكيد بس بردو عايز افهم انتي ډخلتي هنا ازاي
هند بالمفتاح يا بدر .. ايه نسيت إنك سايب معانا المفتاح عشان نفتح الشقة ونطلع نفرشها !
بدر تقومي تطلعي في وقت زي ده بالذات وانتي عمرك ما عتبتي شقتي أصلا غير مرة ولا مرتين من ساعة ما بدأت اوضب فيها مش غريبة شوية
زهرة ايه يابدر في ايه ما تدخل ولا تخرج براحتها دي شقة أخوها في الآخر .. أهلا يا هند
بتقرب عشان تسلم عليها
هند انتي هتعملي فيها صاحبة بيت بقا ولا ايه
زهرة بتقف مكانها تاني وبتستغرب !!
بدر يعني ايه هتعملي فيها
ما هي صاحبة بيت فعلا
هند لا يا بدر دا مكانش هيبقي بيتها لحد من كام يوم ده بيت اختها وكلنا عارفين
زهرة بتبص في الأرض وعينيها بتدمع
هند بتقرب منها وبتبص في عينيها ازاي قدرتي تعملي كدا في اختك يازهرة
بدر هند .. تعالي معايا انا عايزك
هند عايز تاخدني وتهزقني صح .. بقولك ايه يابدر انا مبقولش حاجة غلط انا بتكلم في الصح ها
بدر اقسم بالله يا هند كلمة كمان وهديكي بضهر ايدي انزلي شقتك يا هند عشان احنا راجعين تعبانين وعايزين ننام ولما اصحى هكلمك عشان عايزك
اتفضلي
هند حاضر يااخويا متزقش كدا .. نازلة
هند خدت بعضها ونزلت
بدر انا آسف يا زهرة ع اللي قالته
زهرة آسف على اللي قالته ولا آسف ان انت السبب في اللي هي قالته وانت اللي حطتني في الموقف ده
ماعلينا .. شوف كنت عايز توريني ايه
بدر بيفتح الدولاب .. بتبص زهرة لقيته مليان على عينه هدوم
بدر الهدوم دي امي نزلت جابتهالك قبل فرحنا علي طول عشان مكانش معاكي وقت تنزلي تجيبي حاجة واكيد مش هتاخدي جهاز اختك زي ماكانو بيقولوا
دي هدوم خروج دريسات وبناطيل وچيب وشميزات وكل مستلزماتها وهدوم بيت بكل مشتقاتها زي مانتي شايفة
لو لقيتي حاجة مش مقاسك قوليلي وانا هغيرها
زهرة باستغراب هي لحقت تجيب كل ده امتي !
بدر بيضحك لا أمي فولاذية في الحاجات دي خلي بالك تعالي اوريكي بقيت الشقة والمطبخ
زهرة لا متورينيش حاجة خلاص لاني مش عروسة بجد ولا هفرح بكل ده .. بس بردو كتر الف خيرها علي كل اللي عملته وتعبها
ممكن تخرج عشان عاوزة اخد دوش واخرج انام
بدر اكيد طبعا .. انا هروح أنام في اوضة الأطفال ولو عوزتيني اندهي عليا
خرج وسابها .. دخلت زهرة قلعت الفستان وخدت شاور
خرجت لبست هدوم من الدولاب وطفت النور ونامت
وده نفس اللي عمله بدر كمان
في المكان اللي محپوسه فيه مها
مصطفى رايح جاي جنب الباب .. سامع مها پتتوجع بصوت كأن فيه حاجة واجعاها بجد
فتح الباب ودخل عليها .. قاعدة علي السرير وكل مكان في جسمها عليه شاش او بلاستر او ملفوف برباط ضاغط وماسكه رجلها پتتوجع وبتعيط
مصطفى في ايه
مها بټعيط رجلي واجعاني اوي
مصطفى
رجلك وجعاكي نامي ياختي وهي تخف
مها رجلي ۏجعاني بجد مش بهزر يامصطفى
مصطفى بيلف وماشي انا مش فاضي بقا لۏجع الدماغ ده
وهو خارج من باب الأوضة وقف وحس بتأنيب الضمير ..
رجع تاني ووقف قدامها رجلك وجعاكي منين يامها
مها من عند العضمة دي
مصطفى بيبص ع الحتة اللي ۏجعاها ..
مصطفى العضمة محتاجة تترد مكانها
امسكي المخدة وحاولي تستحملي لحظات بس ..
وفجأة مسك رجلها ورد العضمة مكانها
مها بتصوت ااااااه رجلي
وبعد لحظات حست ان الۏجع بدأ يهدا فعلا
مها شكرا
مصطفى بيضحك ده بدر باين عليه روقك
بس حلال عليكي يعني تستاهلي كل خير
مها طب ياسيدي شكرا بردو
مصطفى بيبص ع الأكل ايه ده انتي لسة ممدتيش ايدك في الأكل
مها مش قادرة اكل
مصطفى لا بقولك ايه انا مهمتي هنا إنك متموتيش للأسف ده غير ان بدر موصيني ان ميحصلكيش حاجة اصلا .. هتاخدي الاكل وتاكلي بالذوق ولا نستخدم الطرق التانية
مها وانا مش هاكل قولتلك
مصطفى يبقى هنضطر نستخدم الطرق التانية
جاب الاكل حطه وقعد قدامها مسك وشها وبقى يأكلها بالعافيه ويجيب العصير يشربها بعد الاكل عشان تبلع وكل ده ماسك وشها بالعافيه وهي مش قادرة تقاوم عشان تعبانه ومدغدغة أصلا ... لحد
ما خلصت أكل
جاب علبة العلاج طلع منها برشامة مسكنة
مصطفى خدي دي عشان تسكن الألم معاكي .. مع إنك متستاهليش يعني بس المشكلة ان عندي شوية إنسانية للأسف
بعد ساعتين
بدر نايم في أوضة الاطفال .. سمع صوت في الريسبشن
قام جري على برا بسرعة يشوف مين برا
زهرة لابسة هدوم الخروج وواقفة بتلبس الكوتشي وبتفتح باب الشقة
بدر استني هنا رايحة فين
زهرة ايه ده انت مش
كنت نايم
بدر نومي خفيف ياستي وصحيت علي صوتك
رايحة فين بقى
زهرة بتفتح الباب رايحة مشوار يا بدر
بدر حط ايده ع الباب رزعه قفله هو ايه اللي رايحة مشوار يابدر شايفاني قرن فلفل مسلوق قدامك
انا جوزك ومن حقي أعرف انتي رايحة فين ويا اوافق يا ارفض كمان
زهرة والله !!
طيب يا بدر .. انا رايحة الفيوم أشوف مها وأحاول ارجعها معايا البيت ارتاحت كدا خلاص
بدر اممممم .. بس للاسف انتي مش هتروحي المشوار ده يا زهرة اعذريني
زهرة نعم
انت من أولها هتتحكم فيا .. بقولك رايحة أشوف اختتتي
بدر وانا بقولك مش هتروحي ايه مسمعتيش
زهرة وده ليه يعني
بدر معنديش اسباب اقولهالك دلوقتي يازهرة
زهرة طيب لما تلاقي الأسباب ابقى حاول تمنعني بقا
بتفتح الباب وتجري على برا بسرعة .. بدر بيجري وراها وبيمسكها
بدر پغضب هو انا مش قولتلك مش هتروحي في حتة لازم اعيد كلامي كتير .. ادخلي يازهرة بالذوق احسن ما اشيلك ادخلك بالعافيه
زهرة بصوت عالي وانا قولتلك هروح لاختتتي يعني هروووح
بدر شكل الذوق مش جاي معاكي .. تعالي بقا عشان انا خلقي ضيق
شالها بالعافيه دخل بيها على جوا وهي بتصوت وبتزعق بعلو صوتها ... ناهد سمعت الصويت اللي ع السلم فتحت الباب وطلعت تجري
كانو هما دخلوا الشقة خبطت ودخلت وراهم
زهرة انت فاكر انك تقدر تحسبني في البيت يا بدر
بدر اه أقدر احبسك يا زهرة وامشي حياتك كلها بدماغي كمان عشان خاېف عليكي واللي يقدر يعارضني في ده يعارضني
زهرة والله
ناهد مبدأيا انا آسف اني طلعت فجأة واتدخلت بينكو بس صوتكو كان عالي اوي بجد وانا اټخضيت وطلعت اجري
ثانيا بقى .. تاني مرة يا بدر لو لقيتك بتتكلم بالاسلوب ده مع مراتك هغضب عليك وربنا ما يوريك ڠضب الأم ممكن يعمل فيك ايه
ثالثا .. انزل اقعد في الشقة تحت عشان انا عايزة اقعد انا وزهرة لوحدنا واهو منها افكها بعد النكد ده كله
بدر ماشي هسيبكو وانزل بس زهرة متخطيش برا عتبة الشقة دي ياماما .. اللهم بلغت
عن اذنكو
سابهم بدر ونزل علي تحت .. راحوا قعدوا ع الانتريه
ناهد اول حاجة حمدالله على سلامتك ياحبيبتي .. نورتي شقتك ونورتي العماره كلها
زهرة منوره بأهلها يا طنط ربنا يباركلك
ناهد تاني حاجة بقى .. طبعا انا زعقت ل بدر وقولت الكلمتين دول منها عشان انتي تحسي ان ليكي ضهر وسند من بدايتها ومتزعليش ولا تشيلي في نفسك ومنها عشان هو قبل ما يفكر يعلي صوته عليكي تاني يفكر قبلها
بس صدقيني يا زهرة بدر بېخاف عليكي بجد وعشان كدا مكانش عايزك تنزلي .. اللي حصل مكانش قليل بردو يابنتي
زهرة عارفه ان اللي حصل مكانش قليل والطريقة اللي اتجوزنا بيها اصلا كلها غلط .. بس انا بجد تعبت ومبقتش قادرة احدد مين معايا ومين عليا فين الصح وفين الغلط
حياتي كلها اتشقلبت في ثواني وكل حاجة اتغيرت وفتحت عيني لقيت نفسي متجوزة خطيب اختي وحاجة نيلة يعني بټعيط وحاليا انا في أضعف اوقات حياتي محتاجة اللي يطبطب عليا ويوجهني مش اللي يزعق ويشخط
ناهد بتاخدها في حضنها وبتطبطب عليها انا موجوده ياحبيبتي وهطبطب عليكي لحد ما تزهقي كمان
زهرة بتحضنها جامد وبتعيط
ناهد بتعدلها وبتمسك وشه انا عارفه ان عمر ما حد هيقدر يملى مكان والدتك الله يرحمها بس انا من اول دلوقتي هبذل كل جهدي إني املى جزء بس من مكانها واكونلك أم موجودة معاكي طول الوقت في
الحلوة والمره
زهرة بتبتسم وبتدمع دموع فرحه وانا هبقى أسعد واحدة في الدنيا لو عملتي كدا ويكون ليا الشرف ياطنط
ناهد خلاص بلاش طنط دي بقا
زهرة هيكون ليا الشرف .. ياماما
ناهد بتحضنها احلي ماما سمعتها والله
يلا احكيلي
بقى ايه اللي حصل معاكي الفترة اللي فاتت دي كلها عشان اديكي نصيحتي واتابع
معاكي الأحداث من اول دلوقتي
زهرة حاضر هحكيلك
في بيت ناهد تحت
هند ماسكه طبق لب وبتتفرج ع التليفزيون .. لقت بدر بيفتح باب الشقة وداخل .. اول ما شافته اتخضت والطبق اتنطر من ايديها
هند پخوف هي فين ماما منزلتش معاك ليه
بدر بيقرب ناحيتها ماما فوق .. عندها مهمة تانية بتعملها
بس متقلقيش انا مباكلش يعني
هند والله يا بدر لو ضړبتني لا اصوت واطلع انده ل ماما
بدر بيقرب ناحيتها اكتر
هند بدر والله ما كان قصدي اقول اللي قولته ل زهرة فوق انا بس من غيظي منها طلعت كلمتين فش غل
بدر سيبك من الهري اللي حصل فوق ده كله عشان هحاسبك عليه بعدين .. خلينا في المهم
هند وايه هو المهم
سند رجل على كنبة الانتريه جنبها بالظبط والرجل التانية في الأرض وبينه وبينها سنتيهات بسيطة جدا وهي بصاله وقلقانه
بدر من كام يوم سألتك سؤال واجابتك معجبتنيش ف هسألك نفس السؤال تاني في ظروف مختلفه
ووقت مختلف واتمنى أسمع اجابه مختلفه بردو
هند أسأل
بدر يوم الخروجة الي حصل من شهر اليوم مشي ازاي بالتفصيل .. ولو وقعتي تفصيله واحدة والله يا هند ما هخلي فيكي حتة سليمة وانتي متعرفيش انا بالڠضب اللي جوايا منكو ده ممكن أعمل ايه دلوقتي
هند حاضر هحكيلك اللي حصل بالظبط ورزقي على الله
بدر بيرجع بضهره وبيقعد علي ترابيزة الانتريه قدامها حلو .. كلي آذان صاغية
هند احنا نزلنا من هنا روحنا مول كدا اكلنا وحلينا ولفينا شوية في المول .. خلصنا ودخلنا كافيه نقعد شوية ونشرب حاجة طلبنا المشروبات وقبل ما تيجي مها دخلت جوا على أساس عايزة تقولهم يغيروا المشروب بتاعها من كابتشينو ل نسكافيه بلاك عشان مصدعة .. رجعت شربنا الحاجات وخرجنا
زهرة كان باين عليها التعب والدوخه .. لقيت مها بتقولي انها ليها واحدة صحبتها دكتوره ساكنه قريب من المكان اللي كنا فيه هتاخد زهره وتطلع تكشف عليها عشان تعرف مالها عرضت عليها اطلع معاها قالتلي لا لا العياده بتبقي زحمة فوق وهي صغيرة اصلا ف خليكي تحت في اي كافيه علي ما نخلص
خادتها وطلعت وانا قعدت تحت .. طولت اوي اوي
قعدت حوالي ساعتين او ساعتين ونص وانا قاعده تحت ارن عليها ولا بترد .. لحد ما لقيتها بترن عليا بتقولي انا في المكان الفلاني تعالي قومت روحت لقيت زهره قاعدة في الأرض شبه مغم عليها ومها واقفه ماسكه الفون بتطلب اوبر .. اومال انتي كنتي فوق بتعملي ايه لما اختك نازله تعبانه اكتر من الاول!!
ترد تقولي هي ضغطها واطي بس وهيتظبط
بيني وبينك مرتاحتش للكلام كله .. ركبت معاهم وروحنا جيت انا ع البيت هنا ومن ساعتها بتعامل مع مها بحذر لحد مااعرف اللي حصل ده تفسيره ايه يمكن انا مكبره الموضوع ع الفاضي
بدر اه
ده اللي حصل بس متأكدة
هند والله العظيم انا ما فوتت كلمة وحكيتلك اللي حصل بالتفصيل اهو .. انا معرفش انت بتسأل ليه او ايه اللي حصل بس اللي لازم تعرفه اني ورحمة أبويا مليش دخل في اي حاجة
بدر طيب انتي هتعملي اللي هقولك عليه
في بيت عاصم
عبير رايحة جاية وماسكه الفون
عاصم في ايه يا عبير مالك
عبير بحاول اتصل بالزفته اللي اسمها مها تليفونها مقفووول .. قلبي واكلني وعايزة اتطمن عليها
عاصم ماتسيبيها يعني هيكون جاريلها ايه ما قاعده عند صحبتها پغضب لما ترجعلي بس وانا هشوف الموضوع ده
عبير هي يعني مشيت من فراغ ماهو من اللي شافته مفيش بشړ يستحمله ابدا
عاصم بقولك ايه متبدأيش انا تعبان ومش ناقص ها
فريد خارج عليهم .. بقولكو ايه ياجماعة
عاصم خير في ايه انت كمان
فريد انا بفكر اخطب قريب .. ايه رايكم
عبير بجد أخيرا حبيب أمه هيتجوز ويفرحني بيه
عاصم طب ده خبر حلو .. بس ياترى انت مجهز نفسك وعامل حسابك في اللي داخل عليه
الدنيا بقت صعبه يابني ومفيش حاجة هتتعمل بسهولة لازم تبقى مجهز حالك كويس اوي قبل ما تدخل علي اي خطوة
فريد ياحج ماهي الشقة موجودة واديني شغال شغلانه حلوة وواحدة واحدة هجهزها واتجوز
عاصم طب ياترى مين سعيدة الحظ اللي قلبك اختارها بقى وقررت تتجوزها
فريد لا ده هتعرفوه قبلها علي طول بقي
عبير مين ياواد اللي
شغلتلك بالك متخبيش علينا ده انا ھموت واعرف
فريد مانا قولتلك هقول قبلها بقا ياماما انتي عارفاني بحب اتكلم في كل حاجة في وقتها المناسب
تفتكروا فريد عايز يخطب مين
زهره قاعده في اوضتها .. جابت شنطة هدومها وحاجتها
زهرة هقوم ارصص الحاجات دي في الدولاب بقي كفايه عليها قاعدة في الشنطة لحد كدا
قامت وقفت وفتحت الشنطة .. بدأت تطلع الحاجات منها .. لحد ما جه في ايديها التقرير اللي اخدوه من المستشفي يوم الحاډثة
زهره صحيح انا مجتش فرصه افتح التقرير ده خالص من يومها
جالها فضول تفتحه تشوف مكتوب ايه .. فتحته
وبعد ثواني ... قرأت الجمله اللي
بدر داخل الاوضة بالصدفه وبيبص لزهره
زهره بتتلفت بتبصله پصدمة وبترفع التقرير
زهره ايه ده
بدر باصصلها وساكت مصډوم ..
زهرة انا بكلمك على فكرة ايه ده
بدر بيقعد على طرف السرير
زهرة هو انت بلعت لسانك .. بدر انا بسألك سؤال
بدر مانا بصراحه مش عارف أرد اقولك ايه ..
هو انتي لقيتي التقرير ده ازاي
زهرة مش موضوعنا يابدر لقيته ازاي عايزة أفهم اللي فيه ده صح ولا غلط .. رد ب أه او لا
بدر بيبص في الارض آه يا زهرة .. اللي شايفاه صح
بيرفع عينه وبيبصلها بتضحكي علي ايه يازهرة
زهرة بضحك على انك
كداب
بدر نعم
زهرة زي ماسمعت كدا .. انت كداب و انا سكتلك كتيييييير اوي بس لحد هنا وكفايه واقف عندك بقى يابدر
بدر انتي شايفه إني كداب يعني وبحور عليكي
زهرة بصوت عالي ايووووة دي الحقيقة انت كداب وبتحور ..
لو ده حوار من حواراتك وفاكر إنه هيخيل عليا تبقى غلطاااان ايه حاجة عشان أصدق الكلام الفاااارغ ده
بدر باصصلها وساكت
بدر بينه وبين نفسه دلوقتي انا لو قولتلك ان الكلام ده حقيقة وخدتك عند دكتور ااكدلك كمان هتبدأي تبحثي في الموضوع وهاتعرفي ان اختك السبب وساعتها هتفقدي ثقتك فيها وفي نفسك وفي الحياة
لا يبقى تفقدي ثقتك فيا انا أحسن
زهرة بصوت عالي ما ترررررد عليا .. اعترف
بدر اه انا اللي عملت كدا وزورت التقرير قبل ما نتجوز عشان لو رفضتي تتجوزيني اهددك بيه
زهرة هي وصلت معاك لكدا
انت إنسان معندكش لا ډم ولا دين ولا مبادئ
حسبي الله ونعم الوكيل فيك ياشيخ
بدر عينه في عينيها وساكت خالص
زهرة حتى مش متأثر بدعوتي عليك
بدر حسبي الله ونعم الوكيل أخاف منها لو كنت ظالم
وانا بيني وبينك ربنا لو كنت ظلمتك في حاجة يابنت الناس تصبحي علي خير
سابها وخرج على برا قبل ما تلحق ترد عليه
في المكان اللي محپوسه فيه مها
مها قايمة بتتسحب .. فتحت باب الاوضة وخرجت براااااحة .. بتبص على مصطفى لقته مغمض عينه و نايم على الكرسي مكانه .. لفت قفلت باب الأوضة عشان لو فتح عينه ميحسش
بدأت تتسحب واحدة واحدة على برا وفجأة ..
لقت حد بيحط ايده علي كتفها
مصطفى على فين كده يا مها
مها بتبرق يالهوي عليا بقى ياعم انت مش كنت نايم
مصطفى بيضحك فاكراني هنام وانا عارف ان فيه عقربة زيك كدا في الاوضة اللي جنبي .. ده انا لو قافل عليكي بالمفتاح اخاڤ تنزلي من تحت الباب
وجنبك اكل وشرب وواحد واقف حراسه ع الباب كمان يعني فندق خمس نجوم اهو
مها ايوة بس
مصطفى بصوت عالي هو انتي هتبسبسي
انتي مخطۏفة ياماما مش جايبك تنزلي البسين خشي يامها اترزعي جوا ده انتي مصيبتك سودااا
بيدخلها الأوضة تاني
مصطفى آل اروح بيتي ارتاح آل
وانتي اللي زيك يرتاح ليييييه اصلا
في بيت بدر وزهرة
في اوضة بدر
بدر واقف بياخد العلاج عشان ينام .. بيبص في المراية لقى زهره واقفة جنبه
بدر بيلف بسرعة بسم الله الرحمن الرحيم .. انتي ډخلتي امتى يابنتي
زهرة انا عايزة اروح عند ابويا
زهرة بدر بعد اذنك متختبرش صبري .. خليني أروح لابويا عشان مخلكش توافق بطريقتي
بدر وايه هي طريقتك بقي
زهرة هاتها من قاصرها يابدر احسنلك انت لحد دلوقتي متعرفنيش
بدر لا
لا معلش أحب اجرب بنفسي واحكم
زهرة كدا طيب افتكر اني طلبتها منك بالذوق الاول وانت اللي رفضت وجبته لنفسك .. لما اكرهك في عيشتك بقى متزعلش
بدر وانتي من أهله يا تفاحتي
عشان ينام
زهرة لقيته اتكسفت وجريت من الأوضة بسرعة
تاني يوم الصبح ..
بدر بيفتح عينه على صوت عالي اووووووي وخبط ورزع .. خارج بسرعة يشوف ايه ده
لقى زهره واقفة في نص الريسبشن .. وشايلة السجاجيد وبتمسح الشقة
بدر بيدعك في عينه ايه الجنان ده ع الصبح
انتي شايفة الساعة كام معاكي
زهرة مالك في ايه بنضف
بدر تنضفي في الوقت ده
وبعدين تنضفي ايه اصلا الشقة لسة مفروشة مبقالهاش يومين تلاتة
زهرة خش انت بس كمل نوم متشغلش بالك بيا وانا هخلص على طول متقلقش
بدر بيضرب كف على كف شكلها مچنونة اقسم بالله
بيلف داخل على اوضته اتزحلق في الصابون وقع على رجله الرجل اللي أصلا ۏجعاه مسك رجله واتوجع جامد
زهره جريت عليه ومسكت رجله .. انت كويس
بدر كويس ايه بقي وبتاع ايه بالالغام اللي حطاهالي في البيت دي
سندته عشان يقوم يقعد ع الكرسي .. جريت جابت علبة الادوية وقعدت تغيرله ع الچرح
بدر بيبصلها وبيتأمل في ملامحها المنمنمة اللي مش لايقة خالص ع الازعرينا اللي عاملاها .. بيتفرج عليها وهي بتغير ع الچرح وبيبص ع الكحكة اللي عاملاها فوق ومخلية شكلها شبه الأطفال
زهرة بتبصله بالصدفة ما تبص قدامك على ما اخلص اللي بعمله واقوم ايه رأيك
بدر مراتي مبصلهاش
خلصت تغيير ع الچرح وقامت وقفت اول حاجة انا مش مراتك ولو كررتها هقولك كلمة
مش لذيذة
تاني حاجه ودي الأهم اوعي تفتكر اهتمامي بيك وبرجلك ده عشان سواد عيونك .. توء توء توء
ده بس عشان الچرح ده كان بسببي مش اكتر
يلا اتفضل ادخل نام .. ولا اقولك
خليك نايم هنا ع الانتريه عشان هدخل انضف الاوض جوا
وسعلي كدا بقي ..
ومن هنا بدأت زهرة تشتغل في الأزرق ل بدر
من إتجاه تاني ناهد امه مخلية بالها منها وبتطلعلها كل يوم تتطمن عليها ويتكلموا سوا
هند بتلقح عليها في الرايحة والجاية ..
مصطفى مازال خاطف مها
وبيعاملها زي الزفت.. بدأت تتحسن والچروح اللي فيها تخف .. وبدر بيكلمه يتطمن عليها من بعيد لبعيد من غير ما يروح ولا يشوفها
وفي نفس الوقت مباشر الشغل في المكتب وبيعمل دوره ودور مصطفى ..
بعد أسبوعين
في الجامعة
هند قاعدة على
مقعد في ساحة الجامعة مستنية اصحابها .. فجأة حست بشاب بيحوم حوالين المكان اللي قاعدة فيه وعمال يبصلها من تحت لتحت .. لحد ما جه قعد جنبها
الشاب هو الحلو بيحضر في سكشن كام
هند افندم
الشاب اقصد انتي قسم ايه يعني
هند وانت مالك اصلا قوم من هنا احسن ما اندهلك الأمن
الشاب و ليه الغلط طيب ده انا داخلك بالوش المحترم حتى ولا كل ده عشان حلوة حبتين يعني ف بتتقلي
هند بتقوم تقف وبصوت عالي انت قليل الأدب على فكرة
فجأة الناس بدأت تتلم عليهم طبيعي لأنها جامعة طبعا
الشاب تصدقي إنك عيله مش متربية وانا غلطان اني فكرت أسأل واحده زيك عن حاجة جوا المنهج اصلا
هند بتبرق حاجة جوا المنهج ده انت كمان بتحور
الشاب بت اسكتي خلاص
وفجأة طلع فريد قدامه عيله مش متربية .. وبت كمان ده انت ليلة امك سوده
هند بتبصله باستغراب !!!
ضربه بالدماغ ونزل عليه رنه علقة مۏت والناس ملمومه بتحوش بينهم ومش عارفين يشيلوا فريد من فوقه .. لحد ما الأمن جه خرجهم هما الاتنين برا الجامعه خالص
الواد جري بسرعة واختفى .. فريد واقف بيمسح مناخيره من الډم
هند انت بتعمل ايه في الجامعة وظهرت فجأة كدا ازاي اصلا
فريد تعالي نقعد في أي كافيه طيب وهحكيلك كل حاجة
في الكافيه
هند مبدأيا شكرا على اللي عملته مع الواد اللي مترباش ده
فريد شكرا على ايه يا هند انتي كدا بتشتميني
هند اه قولتلي جيت ليه و ازاي بقي
فريد بصراحه كنت مراقبك
هند مراقبني !
فريد اه مراقبك .. بس أكيد عندي سبب يعني مش هراقبك فراغ
هند وايه هي أسبابك
فريد أسبابي اني كنت مستني فرصه عشان عايز اتكلم معاكي
هند ايوة تتكلم معايا في ايه بردو
فريد تتجوزيني
هند بصاله پصدمة ...
فريد انا بحبك يا هند من يوم ما شوفتك اول مرة وانتي جايه
مع بدر تطلبوا ايد مها .. علقتي معايا لدرجة ان مش شايف ولا عايز غيرك وبصراحه انا عايز أكمل نص ديني واتجوز واستقر بقى
وشايف إنك أحسن واحدة منكن تبقى زوجة ليا ونصي التاني
هند امممم .. عارف عيبك فين يا فريد
فريد بعد سكوت لحظات فين
هند إنك متسرع ومبتفكرش قبل ما تتكلم
لأنك لو كنت فكرت دقيقتين بس قبل ما تكلمني كنت هتستنتج إجابتي من غير مااسمع منك حاجة
جواز ايه يافريد اللي جاي تكلمني فيه
احنا مش شبه بعض لا شكلا ولا موضوعا ولا فكرا ولا حتي في الثقافة .. من الاخر كدا مش انت الاستايل اللي بدور عليه
فريد باصصلها ومصډوم من رد فعلها
هند انا عارفه ان زمانك مصډوم دلوقتي وطبعا هتكمل كلامك وتقولي لا فكري تاني يمكن توافقي ومش عايز منك رد دلوقتي وجو المسلسلات ده لكن للاسف انا ...
فريد بس بس .. انا لا هقولك فكري تاني ولا تالت ولا حتى هعمل جو المسلسلات لأن احنا عايشين على أرض الواقع والواحد ميملكش أغلي من كرامته
ربنا يوفقك يابنت الناس وتلاقي الاستايل اللي بتدوري عليه ويكون شبهك شكلا وموضوعا .. انا آسف اني ضيعت من وقتك خمس دقايق
بيقوم يقف عن اذنك
بيطلع الفلوس من جيبه وبيحطها ع الترابيزه عشان المشروبات وبيخرج على برا
هند بينها وبين نفسها ايه ده بالسهولة دي
غريب اوي البني آدم ده !!!
في المكان اللي محپوسه فيه مها
مصطفى بيفتح الباب وداخل وفي ايده صينية اكل ..
مها رايحة جاية في الاوضة متنرفزة وعماله تنفخ
مصطفى الاكل اهو
مها مش عايززززة طفح
مصطفى استغفر الله العظيم .. اتكلمي عدل عن نعمة ربنا عشان متزولش من وشك
ممكن أفهم في ايه بقي
مها لا مفيش عايشة اجمل أيام حياتي ف متبطرة شوية وحاسه بملل
فيه اني اتخننننننننقت .. حابسني بقالي اسبوعيييين
اسبوعين حپسه وخنقه وملل وتعب .. اسبوعين مشوفتش أهلي ولا اعرف عنهم حاجة .. اسبوعين وشي في وشك مشوفتش
بني ادميييين .. اسبوعين عقااااااب
ما كفايه بقي اعتقوني ل وجه الله
مصطفى الاسبوعين اللي انتي قاعدة هنا محپوسه فيهم اختك محپوسه هي كمان في بيت مش حاباه مع واحد مش حاباه واتجوزته بسببك وبسبب اذيتك ليها
يارب نكون اتعظنا بقى شوية
مها طب بالله عليك تخرجني من هنا ابوس ايدك وانا هعمل اللي انتو عايزينه والله ومش هأذيها تاني
مصطفى لما بدر يقرر ده هبقي اخرجك من هنا .. وكلي عشان متموتيش قبل ما تلحقي تتوبي
وتبقي اتعاقبتي دنيا وآخرة
خرج من الأوضة واتصل ببدر
مصطفى أيوة يابني .. اخرتها ايه في اللي حابسيها جوا دي ده احنا بقالنا اسبوعين يا بدر وانت حتى مش مفهمني ايه اللي جاي
بدر هقولك ايه اللي جاي وهفهمك هتعمل ايه بالظبط وهننهي القصة دي ازاي .. بس مش دلوقتي عشان في المكتب وفوق دماغي مليون حاجة والله
مصطفى خلاص ماشي هستنى تليفونك
زهره نايمة في اوضتها
فجأة تليفونها رن جنبها .. وبعد كام جرس بدأت تفوق ومسكت الفون تشوف مين
رقم غريب .. فتحت المكالمة
زهرة بتفوق احم احم .. الو
صحي النوم يا زهرة قلبي .. كل ده نوم
زهرة بتفتح عينيها بسرعة مين
معقول نسيتي صوتي
بتتعدل بسرعة شريف
انت خرجت ازاي وبتكلمني منين اصلا
معاكي ساعة بالظبط تقومي تلبسي وتجهزي حالك وتيجي تقابليني في اللوكيشن اللي هبعتهولك بس متقلقيش المرة دي مفيهاش خطڤ
زهرة اقابلك مين يا حيوان انت صدقت نفسك انت شكلك هربت م السچن وانا هعرف ازاي ارجعك تا...
ولو قولتلك ان معايا ليكي واعتقد انها تخصك
زهرة حاطة الفون علي ودنها ومصډومة !!!!
شريف ايه بلعتي لسانك
زهرة ايه اللي بتتكلم عنها ياشريف
شريف لما تيجي هتعرفي كل حاجة
زهرة انت كداب .. ولا فيه ولا نيله وبتشتغلني
شريف والله انتي حره بقى فارق معاك سمعتك وشكلك وسط الناس تيجي في المكان اللي هبعتهولك .. هانت عليكي نفسك بقي وعندك استعداد تتفضحي انتي حره بردو .. يلا سلام
قفل المكالمة وزهرة قاعدة عمالة ټضرب أخماس في اسداس ياترى يقصد ايه
وهل ممكن يكون معاه حاجة ضدها فعلا ويستغلها ولا بيحور وبيقول أي كلام .. خرجت من الاوضة بسرعة تشوف فين بدر
افتكرت إنه في المكتب
رجعت الاوضة بسرعة لبست هدوم الخروج .. فتحت الباب ونزلت
بعد 20 دقيقة كانت وصلت المكان اللي فيه مكتبه
دخلت بسرعة ولسة هتفتح باب المكتب لقت السكرتيره جاية
السكرتيرة رايحه فين يااستاذه
زهرة داخلة أشوف بدر
السكرتيرة بدر
لا حضرتك أستاذ بدر مش فاضي دلوقتي عنده إجتماع وبعدين المرة الجاية لما تحبي تجيله خدي معاد الأول
السكرتيرة معاد
معاد ايه اللي بتتكلمي فيه .. بقولك اوعي من قدامي عايزة ادخله
السكرتيرة وانا مقدرش ادخلك يافندم هو منبه عليا اني مدخلش حد عليه عشان هو بيتعصب من كدا وانا مبحبش اعصبه خالص
زهرة مبحبش اعصبه !!
ما تتكلمي عدل عن مديرك ايه الطريقة دي هو صاحبك في الجامعة
السكرتيرة لا هو انتي اللي تعدلي طريقتك معايا عشان انا سكرتيرته يعني أقرب حد ليه بعد أهله .. انتي من بقيت أهله
زهرة لا خالص مش بقيت أهله .. انا مراته
السكرتيرة ايه
هو حضرتك مراته
زهرة آه حضرتي مراته
وتاني مرة قبل ما تتكلمي بالاسلوب ده تشوفي مين اللي واقف قدامك الأول عشان انا على اخري
جايه بتفتح الباب عشان تدخل السكرتيرة وقفت قدامها تاني
السكرتيرة لا بس مش انتي اللي كان خاطبها وهيتجوزها
زهرة والله
طب اوعي كدا بقي
زهره استنت لما الناس اللي كانو معاه خرجو على برا والاوضة فضيت
بدر ايه يا زهره خير في حاجة ولا ايه
زهرة عرف سكرتيرتك اللي خاېفة علي زعلك اوي انا ابقى مين يا بدر
بدر بيبص للسكرتيرة دي تبقي مراتي يا بسنت
ايه هو حصل حاجة ولا ايه
السكرتيره بتحط ايديها على بوقها انا آسفة والله مكنتش اقصد انا كنت بتأكد بس
زهرة بتتأكدي
بتبص ل بدر ياترى بقي كانت بتتأكد عشان خاېفة على شغلها ولا عشان خاېفة عليك وغيرانه
بدر بيضحك غيرانه ايه يا زهرة انتي مش فاهمة حاجة
زهرة بلا فاهمه بلا زفت انا همشي
بدر استني طيب انتي اكيد جاية عشان حاجة معينة قوليلي طيب كنتي عايزة ايه
زهرة لسة هتحكيله عن شريف ..
مسكت نفسها وفكرت للحظات في اللي حصل حست انها مش طايقة تحكيله حاجة
زهره لا مفيش قولت اجي اشوف الدنيا عندك ماشية ازاي وياريتني ما جيت .. انا هروح البيت
لفت عشان تخرج
بدر ماشي انا ساعة بالكتير وهخلص واجي وراكي اهو
زهرة ركبت تاكسي عشان تروح وتشوف هاتعمل ايه
وهي في التاكسي جالها رسالة من شريف
كدا فاضل ربع ساعة يازهرتي .. ربع ساعة والخبر اللي بفلوس هيبقي ببلاش في كل حتة وخلي بالك لو شميت خبر انك قولتي لمخلوق او لعبتي بديلك بأي شكل اناي حره .. اللهم بلغت
فتحت تقرا في الرسالة .. طلعت جابت اللوكيشن اللي كان باعته قبلها
زهرة لو سمحت انا غيرت الطريق وعايزة أروح اللوكيشن ده
قبل ما توصل اللوكيشن بشوية نزلت من العربية اشترت اسبراي فلفل حامي حطته في شنطتها وركبت تاني
في اللوكيشن زهرة نزلت من التاكسي .. بدأت تمشي واحدة واحدة وهي ركبها بتخبط في بعض وخاېفه
فجأة لقته في وشها .. اتخضت طبعا واتفضت .. غمضت عينيها خدت نفسها وبلعت ريقها وفتحتها تاني
شريف ايه مالك يابا ما تمسك نفسك كدا هو انا بعوض
زهرة فيديوهات ايه اللي بتتكلم عنها بقي
واقسم بالله لو طلع حوار من حواراتك انا ..
شريف بس بس اهبطي كدا وابردي علي نفسك عشان ميطقش ليكي عرق وهتفهمي كل حاجة
زهرة اتفضل سمعاك
شريف أول حاجة كده نقول بيها بسم الله الرحمن الرحيم ..
زهرة بتبرق انت مچنون
ازاي يعني!!
شريف ايه متعرفيش انك الحاډثة اللي عملتيها انتي وبدر
زهرة ايه انت ....
وقبل ما تكمل كلام دماغها عملت فلاش باك وافتكرت التقرير بتاع يوم الحاډثة اللي فتحته وجملة ان المړيضة .. وافتكرت بقيت المحادثة اللي دارت بينها وبين بدر كلها
زهره الدنيا بدأت تلف بيها .. رجعت ل ورا قعدت على المقعد اللي وراها
زهرة پصدمة بشعة وبدر مكانش بيحور عليا ولا حاجة
طب ازاي ازاي
شريف ومين قالك
زهره بتقوم
تقف امتى وازاي انت كدااااب .. انت اللي عامل الحوار ده كله ومزور التقرير ده يا حيوان
شريف كنت عامل حساب اللقطة دي وعشان كدا عملت حسابي
طلع تليفونه
زهره ماسكه مبرقة ومصډومة .. وقع من ايديها
شريف تاخدي الكبيرة بقى ..
زهره باصه قدامها پصدمة وعدم استيعاب مين
شريف مها أختك
وطبعا بدر حبيب القلب لما فهم الكلام ده مقدرش يستحمل وقال يعمل معاكي لقطة جدعنة ويتجوزك هو فاكرني هسيبك ليه
المهم يعني .. طبعا انتي عارفه مها اختك جميله قد ايه وبتحب الفلوس زي عينيها غريتها بقرشين كدا وخليتها تقوم هي بالمهمة كاملة وتجيبك في المكان والزمان اللي حددتهم ليها .. وطبعا لو
مش مصدقاني تقدري ترجعي بالذاكره وتفتكري اليوم اللي خدتك وخرجتو فيه ورجعتي من برا تعبانه ومدريتيش بالدنيا إلا تاني يوم
وطبعا انا كان اتفاقي معاها ان لا انا اجيب سيرتها ولا هي تجيب سيرتي .. بس حبيت اعرفك واقولك الكلمتين دول عشان هي اللي غيرت اتفاقها معايا الاول يوم ما غدرت بيا وخلتني اقولها ع المكان اللي خاطڤك فيه وتبعتلي بدر
زهره مازالت باصة في اتجاه واحد وفي عالم تاني..
شريف عارف إن زمان الصدمة جامدة عليكي شوية بس معلش خلينا دلوقتي في المهم
لو مش عايزة تما هتعملي ال حاجات اللي هقولك عليهم حالا
أول حاجة هتروحي القسم زي الشاطره كدا تتنازلي عن المحضر اللي عاملاه ضدي عشان ابقي انا في السليم
تاني حاجه هتروحي دلوقتي البيت الاولاني اللي كنت خاطڤك فيه وهتخرجي اختك من الحبس اللي جوزك حابسهولها وتاخدي منها كل التسجيلات اللي معاها ضدي وبتتهدني بيها وهبعتلك لوكيشن البيت دلوقتي
تالت حاجة ودي الأهم من كل ده .. هتتطلقي من بدر بأي شكل انشاله ترفعي قضية طلاق حتي
معاكي 48 ساعة تكوني عملتي فيهم كل ده .. يا كده
يا انتي عارفه الباقي بقي
زهره استنت لما خلص كلام وسابته ومشيت .. ماشية باصه قدامها زي اللي مدلوق عليه جردل ماية سقعة .. لا شايفة ولا سامعه ولا دريانه بالدنيا حواليها
كل اللي بيتردد في دماغها كلام شريف .. .. تصرفات مها
الايام اللي فاتت كلها .. اليوم اللي حاولت ټقتلها فيه .. كلام شريف عن مها واللي حاولت تعمله .. بدر واللي عمله الأيام اللي فاتت كله ومعاملتها ليه وطريقتها معاه .. يتردد تاني في دماغها
وبعد نص ساعة مشي وفي شارع فاضي خالص .. وقفت
زهرة ازاي كده
ازاي الدنيا وحشة اوي بالشكل ده
طب ليه
انا عملتلكو ايه عشان تعملو فيا كدا انا عملت ايه في حياااتي أصلا عشان أعيش اللي بعيشه دلوقتي ده
لا لا انتو أكيد مش بني ادمين .. انتو اكيد مش بني ادمييييييين
بدأت تفقد أعصابها ووعيها وتلطم علي وشها بعزم ما فيها وتصوت بعلو صوتها انتو اكيد مش بني ادمين تصوت وتصرخ وهي بټعيط وتلطم لحد ما الناس بدأت تتلم علي صويتها ولطمھا ... وقبل ما حد يحاول يمسكها كانت وقعت من طولها اغم عليها في الأرض
بدر بيفتح باب الشقة وداخل
بدر زهرة
انتي يابت يا مقموصه انتي
مبتردش ليه دي
رمي الشنطة من ايده ودخل علي جوا بت يا قصيرة
بيبص حواليه ملقاش زهره
بدر ايه ده هي راحت فين !!
بيفتح أبواب الاوض كلها يبص عليها ملقاش اي حاجة
طلع تليفونه وبيتصل بزهره .. تليفونها مقفول
بدر وشه جاب ألوان وحواجبه
الاتنين قفلوا
بدر راحت فين دي
بيحاول يتصل تاني .. مازال الفون مقفول
نزل جري علي تحت يشوفها فين ..
في الشارع
الناس حوالين زهره بيفوقوها ويرشوا عليها مايه .. واحدة واحدة بدأت تفوق
فتحت عينيها وبصت حواليها .. مسحت دموعها
قامت وقفت بالراحة
شريف تاني حاجه هتروحي دلوقتي البيت الاولاني اللي كنت خاطڤك فيه وهتخرجي اختك من الحبس اللي جوزك حابسهولها وتاخدي منها كل التسجيلات اللي معاها ضدي وبتتهدني بيها وهبعتلك لوكيشن البيت دلوقتي
رجعت من الفلاش باك
طلعت تليفونها فتحته .. دخلت ع الواتس اب طلعت لوكيشن البيت .. راحت ناحية البيت
بعد ساعة
زهره داخلة البيت اللي مخطۏفة فيه مها
فتحت باب الأوضة ودخلت عليها ..
مها جريت خادتها بالحضن جامد هما لاقوكي أخيرا ياحبيبتي .. الف حمد وشكر انتي متعرفيش انا خۏفت عليكي قد ايه يا زهرة انتي جاية عشان تاخديني معاكي ونمشي من هنا صح
زهره بعدت عنها وراحت رزعاها قلم ملو خبطتها في الشباك
مها بتحط ايديها على ليه كده يازهره انا عملتلك ايه !!!
زهره طلعت من شنطتها وراحت شاده مها .. مها بتصوت
زهره كل اللي بدر عمله فيكي لحد دلوقتي كوم .. واللي انا هعمله من اللحظة دي كوم تاني
انا معنديش أغلي من شرفي .. ولو معملتيش اللي هقولك عليه دلوقتي بالحرف اقسم بالله لا هموتك يا مها واعمل اللي انتي منجحتيش انك تعمليه معايا قبل كده
مصطفى واقف مبرق ومصډوم مش مصدق اللي شايفه ..
مها بتبرق زهره انتي عايزة تموتيني
زهره اشمعنا انتي كنتي عايزة تموتيني قبل كدا ولا هو حلال ليكي وحرام ليا
انا عفاريت الدنيااااا بتتنطط قدامي دلوقتي هتعملي اللي انا عايزاه ولا اسحب السحبه دي وارجعك للي خلقك
مها لااااا لا خلاص والله هعملك اللي انتي عايزاه بس اهدي وشيلي دي
زهره مش هشيل سكاكييييين .. هاتعملي اللي انا عايزاه زي ما هي
فين تليفونك
مها پخوف معرفش والله واخدينه مني
مصطفى بيحط ايده في جيبه اهو تليفونها يا زهره
زهره هات
مصطفى قوليلي بس هتعملي بيه ايه الأول لا تودي نفسك في داهية
زهره بقولك هات الزززززفت
مصطفى حاضر حاضر خدي اهو التليفون
زهرة بتمسك الفون انا عرفت إنك ماسكه على شريف تسجيلات وحاجات توديه في داهية .. واكيد كلها موجودة علي التليفون ده تمسكي التليفون دلوقتي و تطلعيهم من عليه
مها انتي عرفتي منين
زهره بتتك لحد ما شبه عرفت وخلاااااص هاتي ام التسجيلات
مها پتتوجع اااه حاضر حاضر هاتي التليفون اجيبهوملك
مصطفى تليفونه بيرن بدر
بيخرج علي برا بسرعة يرد
مصطفى أيوة يابدر
بدر بخضة انا مش لاقي زهره يا مصطفى وقلبت عليها الدنيا ودورت في كلللل البيوت اللي اعرفها ملقتهاش
اقفل علي مها كويس وتعلالي بسرعة نشوف هنعمل ايه
مصطفى زهرة عندي يا بدر
بدر ايه !!!
عندك ازاي يعني
مصطفى معرفش
يا بدر بس الوضع ميطمنش خالص و شكلها ناوية علي نية سودا وھتحرق الاخضر واليابس النهاردة
بدر اقفل انا جاي حالا
في الاوضة
مها ماسكة الفون بتطلع التسجيلات ..
دي اول حاجة .. تسجيلات لمكالمات بيني وبينه وهو بيعرفني هخطفك ازاي عشان اوديكي ليه ساعة اللي حصل
ودي فيديوهات بتثبت إنه شغال شمال ومن تحت الترابيزة وكل فلوسه جايبها من السكك الملتوية دي .. هكرت تليفونه ولقيت الفيديوهات دي معاه وعرفت انه كان شاريها من حد ماسكها عليه
وطبعا الفيديوهات دي لو حد مسكها هيروح في ستين داهية وفلوسه كلها هتتصادر
زهره وايه تاني
مها دي آخر حاجة بقا .. بس اخطرهم كلهم يا زهره
زهره بتبص ع الصور .. بتداري وشها وبتبص لمها
زهره وانتي جبتي الصور دي منين
مها بصراحه هكرت تليفون بنت اخته كمان عشان كنت عايزة امسك عليه اي حاجة
زهرة بقرف ده انتي شيطانة ياشيخة .. شيطانة ايه ده انتي الشياطين تاخد عندك كورسات
بس هقول ايه .. ما جمع إلا ما وفق بصراحة متتخيروش عن بعض انتو الاتنين
مها پخوف طب ينفع تنزلي السکينة بقي انا عملتلك اللي انتي عايزاه
اهو
زهرة ايه اللي انزلها انتي لسة معملتيش حاجة اصلا .. انتي هتتصلي بشريف دلوقتي وتعملي اللي هقولك عليه بالحرف
والنهاردة انا يا هنهيكو انتو الاتنين .. يا هنهي نفسي واخلص بقى
بعد ربع ساعة
مها الو ياشريف
شريف الو .. هي لحقت تخرجك!
مها اه لحقت وانا سيبتهم ومشيت بس لسة موصلتش البيت .. هو انت صحيح هددتها وبتاع
شريف اه هددتها هي قالتلك
مها اه حكيتلي انك هددتها وعشان كدا جت تخرجني مانت عارفها قلبها خفيف وپتخاف من خيالها.. وقالتلي حاجة كمان
هو انت بتخلي بالاتفاق وتروح تقولها اني ساعدتك ياشريف
شريف انتي اللي بداتي واخليتي باتفاقنا الاول والبادي أظلم بقي
مها مش هعتب عليك دلوقتي .. بس انا عندي ليك إتفاق أحلى من ده بكتير
شريف لا شكرا مش عايز منك اتفاقات بعد آخر مكالمة بيني وبينك لما غدرتي وروحتي قولتي لبدر علي مكان مها انا مش عايز منك حاجة تاني
مها بطل عبط بقي وشغل عيال واسمعني عشان اللي عندي يخصك .. من الآخر كدا ياشريف
انا مش عايزة زهره تعمل اللي انت عايزه وبعدين تاخد منك الفيديو ده وتبقي الحكايه خلصت علي كدا .. عندي حاجة أحلي من دي هترضي جميع الأطراف
شريف واللي هي ايه
مها انت هتديني انا الفيديو ده وانا هعرف استغله كويس
شريف والله
وايه المقابل بقي
مها المقابل ان انا كمان هديلك كل حاجة تخصك ومسكاها عليك .. وانا هاخد
شريف وايه يضمني ان ميكونش معاكي نسخ تانية للحاجات اللي مسكاها عليا
مها وايه ضمني انا كمان ان ميكونش معاك نسخة تانية للفيديو
وعشان كده انا عملت حسابي في النقطة دي .. انت هتكتبلي ورقة تنازل بكل املاكك وتمضي عليها .. وانا هكتبلك وصل أمانة علي بياض
عشان اللي يصيع فينا علي التاني ويلعب بديله التاني يعرف يجيبه .. اظن عداني العيب وازح
شريف متأكدة انك هتعرفي تستخدمي الفيديو ده لصالحي
مها نفترض اني قولتلك لا مش متأكدة وانت خليت زهره تعملك اللي انت عايزه واديتها الفيديو .. وساعتها انا مكنتش راضية عنك ورميت طوبتك خلاص بما انك قولتلها سري وروحت
متابعة القراءة
