تزوجت أختها بقلم Alaa Hosny
المحتويات
استغليت الحاجات اللي مسكاها عليك هتكون ساعتها استفادت ايه
اول حاجة هتتحبس تاني حاجة كل فلوسك هتتصادر من الحكومة وهتخسرها تالت حاجة هتتفضح وبنت اختك مستقبلها هيضيع وسمعتها هتبقي في الأرض
.. وقتها هتفرح بزهره اللي رجعتلك
شريف شوفي المكان والزمان اللي هنتقابل فيه وكلميني
مها الوقت كمان ساعتين بالظبط .. والمكان هبعتلك اللوكيشن بتاع ويبقي معاك ورق التنازل زي ما اتفقنا
بعد ساعتين
مها داخلة المكان اللي قالتله عليك .. شارع فاضي مفهوش ناس كتير وفيه مقاعد بس كدا شريف قاعد علي مقعد فيهم وفي ايده ورق
شريف يا اهلا .. فين الحاجات
مها هنقلهم علي تليفونك دلوقتي وهوريك انهم اتمسحوا من عندي مسح نهائي
بس قبل ما اعمل كدا هتنقل انت الفيديو عندي وهتمضي ع الورق
شريف والنبي
واشمعنا انا اللي انقل الاول بإذن الله
مها هو كيفي كدا
شريف بيقوم يقف ولو قولتلك اني مش لاعب
انتي شكلك بتشتغليني اصلا
بيمسكها بالعافيه وبياخد منها الفون
شريف وانا بتعب نفسي مع واحدة زيك ليه لما انا ممكن اتصرف بنفسي
مها اتصرف بنفسك واعمل اللي انت عايزه
كدا كدا انا سايبة نسخة تانية علي موبايل صحبتي
شريف بيبرق يابنت ال.....
هو احنا مش اتفقنااااا
مها ميخصكش في حاجة سواء معايا نسخة تانية ولا لا اعتقد اننا اتفقنا اني همضيلك علي وصل أمانة علي بياض
وانا بالنسبالي مش خاسس عليا حاجة لو نشرت فيديو زهره بس انت اللي هيخس عليك لو نشرت الحاجات اللي تخصك
انا بقول تمضي بقي وتجيب الحاجات
شريف بغيظ مااااشي يامها .. ماشي
سابلها تليفونها وطلع تليفونه نقلها الفيديو جاب الورقة مضى عليها
مها بتطلع بصامه من شنطتها وتبصم كمان يا معلم .. انت متضمنش بردو
بصلها بغيظ .. مسك البصامه وبصم ع الورقة
شريف ممكن تبعتيلي حاجتي بقي وتخلصي وتمضي انتي كمان بدل مااكسرلك عضمك دلوقتي
مها عينيا حاضر
طلعت تليفونها وبعتتله الحاجات .. مسك الوصل عشان تمضي
عليه
ولسة هتكتب اول حرف
شريف بيتلفت لقي عربية الحكومة داخله عليهم .. وجنبهم عربيتين
عربية بدر ومعاه
زهره وعربية عاصم جاي وراهم
شريف بيبرق انتي بتغدري بيا تااااااني .. تاني يامها
الظابط والعساكر نزلوا جري مسكوه
الظابط بتهرب مننا .. دا انت ليلتك سودا يا شريف
بدر بياخد من مها التليفون وبيديه للظابط
بدر التليفون ده عليه كل حاجة يا فندم .. اللي زي ده مكانش ينفع يقعد دقيقة برا السچن من ساعة مااتولد
زهره بتمسك ورق التنازل من مها وبتبص ل شريف وريني بقي هتعمل ايه بالفيديو اللي معاك وانت
جوا السچن عشان يبقى مۏت وخړاب ديار .. وافلاس كمان بس اوعي تفتكر اني كدا خدت حقي منك ولا انت هتكفر عن ذنبك بدخولك السچن
اللي عملته فيا سواء لما كنا بنسيب بعض او بعدها مفيش حاجة تكفر عنه .. ويوم القيامة يا شريف هنقف قدام بعض وهتترجاني اسامحك وانا هقتص منك كل حاجة عملتها فيا .. ومن هنا ليومها مش هفوت فرض صلاة غير لما هقول حسبي الله ونعم الوكيل فيك وفي اللي زيك
بدر بيبص ل شريف سبق وقولتهالك آخر مرة شوفتك فيها .. قولتلك
كلمة حطها حلقة في ودنك
الحساب بيني وبينك لسة مخلصش ولو حابب تتحاسب على الجديد والقديم فكر تقرب من مراتي تاني ياشريف
وللأسف انت مركزتش يومها في الجمله ولا عملت بيها وادي اخرتها انك في السچن وخسړت شغلك وفلوسك كمان .. يلا غور في ستين داهيه مش عايزين نشوف وشك تاني
الحكومة اخدت شريف ومشيت .. وهنا دوره في الرواية خلص .. بس الرواية مخلصتش بالعكس لسة فيه أحداث كتييير هنعيشها سوا وحكايات لسة هتبدأ مع باقي الأبطال
مها اعتقد انا كده عملت كل اللي قولتيه عليه وكفرت عن ذنبي يازهره .. هاتنسي بقي اللي انا عملته ولا ايه
زهره انسى اللي انتي عملتيه
هو انتي كنتي معدية من جنبي و دوستي علي صوباع رجلي فقولتلي سوري انا آسفة ف هنسالك اللي عملتيه واعديها اللي انتي عملتيه دلوقتي ده فديتي بيه نفسك عشان انا كنت ھقتلك فعلا لو مكنتش عملتيه .. لكن للأسف انا مش بالمثالية الكافيه اللي تخليني أسامح واحدة زيك وارجع اامنلها
مها بس احنا اخوات يازهره
زهرة
اخوات ضحكتيني يا مها والله
عاصم اتحرك ناحية مها .. وقف قدامها وبص في عينيها
مها اضربني يا بابا انت كمان .. اضربني لأني استاهل
استاهل الضړب اللي خدته من فريد واللي خدته بعدها من بدر واللي خدته من زهره النهاردة واستاهل اكتر ان انت كمان تضربني
عاصم وانا مش هضربك ولا همد ايدي عليكي يامها .. عارفة ليه
الضړب ده اوبشن الاب بيعمله مع ابنه عشان يربيه ويعرفه الصح من الغلط .. إنما انتي من اللحظة دي لا بنتي ولا ليكي اي صلة بيا ولا بأهلي وبقيت عيالي
مها بتبرق يعني ايه يابابا
عاصم يعني زي ما سمعتي .. انا برئ منك ومن كل شعرة فيكي يامها ومن اول دلوقتي هكمل اللي باقي من عمري بستغفر ربنا علي غلطتي اللي غلطتها لما جبتك الدنيا
بيتي اتقفل في وشك ومش هيتفتح لو قطعتي نفسك حتت قدام الباب .. اخواتك لو عرفت هتقطعي علاقتك بيهم نهاااائي .. امك هحلف عليها يوم ما هتكلمك تبقي طالق
الكريديت كارد اللي سايبهالك تصرفي منها انا هقفلها واصحابي اللي بتشتغلي و تاكلي عيش من وراهم همنعهم عنك
روحي بقي عيشي الحياة اللي تستحقيها في الشارع وده اصغررررر جزاء ممكن اعمله معاكي دلوقتي .. واحمدي ربنا اني مقتلتكيش ووسخت ايدي بدمك
مها بتجري وراه لا لا لا بابا انت بتقول ايه ازاي يعني لا متهزرش يابابا ابوس ايدك حياة ايه اللي هعيشها في الشارع
بتنزل في الأرض وتمسك رجله لاااا يابابا انت مش هتسيبني وتمشي ابوس ايدك ورجلك انا مليش حد غيركو ياابابا ازاي هتسيبني لكلاب السكك بالمنظر ده سامحيني وانل والله ما هعمل حاجة تاني وهمشي زي الالف ما تقولي حاجة يازهره قول حاجة يا بدررررر
عاصم بيزقها بيوقعها ع الارض وبيركب عربيته ويمشي .. زهره وبدر بيركبوا عربيتهم هما كمان .. سابوها في الشارع ومشيوا
طول الطريق زهره عمالة تبص ل بدر وساكته تماما
في نص الطريق
بدر وقف العربية فجأة في مكان شبه بارك عام كدا .. فتح الباب ونزل .. لف فتح الباب لزهره
بدر انزلي
يازهره
زهره نزلت وقفلت الباب .. مسك ايديها واتحركو بعيد شوية عن العربية ووقف بيها في مكان فاضي خالص
بدر عيطي يا زهره
زهره ايه
بدر زي ما سمعتي .. بقولك عيطي
زهره مش عايزة اعيط يا بدر
بدر انتي موجوعة ۏجع بشع ومصډومة في اختك ومصډومة في الدنيا اللي طلعت اوحش من تخيلك انتي متعرفيش حاجة و و و الخ .. ولازم تفكي الكتمة اللي مكتوماها دي بقولك عيططططي
بټعيط بشحتفه زي العيل الصغير انا آسفة يا بدر انا آسفة .. انا فهمتك غلط وغلطت فيك وهينتك مرة واتنين وحاولت اكرهك فيا وفي حياتك وانت كل اللي كنت بتعمله انك بتحاول تحميني وتحمي سمعتي
حتي مكنتش عايز تحكيلي علي اختي عشان متزعلنيش وشيلت كل اللوم لوحدك .. انا آسفة يا بدر
بدر بيبعدها عشان يبص في عينيها ويهديها .. حضنته تاني
زهرة خليني
كدا يا بدر انا مش قادره ابص في عينك ولا لاقية وش عشان انا مكسوووفه من اللي عملته فيك كنت سايبه اللي المفروض اخد حقي منها بجد وماسكه فيك انت وبحاول اخد حقي منك عشان غبيةةةة ومغفلة عياطها بيزيد انا آسفة يا بدر حقك عليا
بدر بيضمها اكتر وبيطبطب عليها وعينه بتدمع شششش بس بس متقوليش الكلام الاهبل ده .. هو انتي كنتي هتشمي علي ضهر ايدك يا زهره ماهي حاجة مفيش عقل بشړي يستوعبها اصلا ازاي كنتي هتفهمي ده .. اوعي تعتذري تاني يازهره انا والله ما زعلان
بيبعدها وبيمسح دموعها وبيمسك وشها اللي بقي احمر من كتر العياط
بدر انا اللي فارق معايا دلوقتي بس اني اشوفك بخير وانك تتخطي كل اللي حصل وتقفي علي رجلك تاني زي زمان وترجعي زهره القوية اللي متعود عليها واللي كنا دايما أصحاب مش عايز اشوفك مکسورة ولا واقعة
انتي قد اي حاجة ومادام بخير وبصحتك ارمي اااي حاجة ورا ضهرك وانا في ضهرك ومش هسمح لحاجة تأذيكي تاني مهما حصل
زهره وانا اوعدك اني ارجع بالقوة اللي كنت عليها الأول .. بس هقولك تاني انا آسفة
بدر على فكرة انتي لو قولتي آسفة تاني همد ايدي عليكي ها
زهره طب دلوقتي هنعمل ايه الفتره الجايه
بدر سكت لحظات ...
بدر مفيش هنقعد شوية كمان لحد ما نكمل 6 شهور ع الأقل وبعدين ...
زهره وبعدين ايه
بدر بينزل عينه في الأرض وبعدين نتطلق
زهره بصاله وساكته ..
بتبلع ريقها وايه لزمتها ال٦ شهور
بدر لزمتها ان الشكل العام يبقي طبيعي اتنين قعدوا مع بعض ٦ شهور مرتاحوش فاتطلقوا .. مش عايزين حد يحس بحاجة غير كده
زهره امممم ... تمام
رجعوا ركبوا العربية واتحركوا في إتجاه البيت
فريد رجع من الشغل ملقاش عاصم في البيت .. وامه قالتله إنه راح مع زهره وبدر مشوار وممكن يرجع معاهم .. راح على بيت زهره
طالع ع السلم .. لقى هند نازله قدامه
ركن علي جنب على ما هند تنزل .. لقاها وقفت مكانها وبصتله .. فقد الأمل انها تكمل نزول فقرر يطلع هو وخلاص
هند بتقف قدامه على فين كدا
فريد طالع اشوف اختي عندك مانع ولا ايه
هند اختك مش هنا ولا هي ولا اخويا .. حاجة تاني
فريد بيرفع عينه وبيبصلها هو انتي بتتكلمي كدا ليه معلش وبتتكلمي كدا بصفتك مين اصلا كاتبه العماره باسمك مثلا
بدر وقف بالعربية قدام البيت .. نزلوا من العربية هو وزهره وفتحوا باب العماره عشان يطلعوا .. وفجأة سمعوا صوت زعيق جامد جاي من الدور التاني
زهره ايه ده مين اللي بيزعق كدا
بدر ده صوت هند !!!!!
طلعوا هما الاتنين يجروا علي فوق ..
هند بصوت عالي انت كماااان هتبجح معايا
بدر ايه ده ايه ده في ايه !!!!
زهره بتبص لفريد في ايه يا فريد
هند في ان اخوكي مش عايز يجيبها ل بر يازهره .. عمال يقل أدبه عليا في الرايحة والجاية وانا ساكتاله بس خلاااص مش هسكت اكتر من كده بقي
فريد واقف مربع ايده باصصلهم وساكت تماما
زهره اخويا بيقل أدبه عليكي انتي
هند ايوووة بيقل ادبببببه ايه هتيجي في صفه عشان اخوكي
بدر بيقل ادبه ازاي ياهند عملك ايه يعني
هند اول حاجة انه
طلب ايدي للجواز وطلع عينه مني يعني مش شايفني اخته زي ما كنا فاكرين ولما انا رفضته قاعد من ساعتها يدايقني في الرايحة والجاية ومش سايبني في حالي واخرتها جاي النهاردة يوقفني ع السلم ويدايقني ويبجح فيا فاكرني هسكتللله
بدر هند ايه الطريقة اللي بتتكلمي بيها دي ما تعدلي نفسك !! وبعدين فريد من امتى
كان وحش مع حد ولا بيدايق حد اصلا
زهره سيبيها يابدر سيبها تكمل
هند لو مبعدتيش اخوكي عن طريقي يا زهره انتو حرين عشان النهاردة الڤضيحة كانت مننا فينا جوا العماره المرة الجاية ھفضحه في نص الشارع
زهره امممممم
طيب بصي يا هند .. انا لحد دلوقتي سكتالك علي حاجة بتعمليها
تلقحي عليا في الطالعة والنازلة بطنش ترمي كلام زي الدبش في وشي بطنش تدخلي بيني انا وجوزي ع الفاضية والمليانه وبردو بطنش .. وكله عشان خاطر اخوكي اللي انا في بيته والاهم عشان خاطر امك الست اللي ربنا يعلم غلاوتها في قلبي قد ايه وعوضتني عن امي الله يرحمها واللي لو موجودة دلوقتي كان زمانها خدت قلمين
لكن لحد أخويا وهقولك استوب يا هند .. انا اخويا ده اللي طلعت بيه من الدنيا واللي هيفكر يبصله بصة واحدة بس هقل منه وهزعله يا هند .. ولو مش عايزة تزعلي مني تلزمي حدودك ومتجيبيش سيرة اخويا علي لسانك
اتفقنا
هند اوباااااا .. ده القطة المغمضة فتحت عينيها وطلعلها ضوافر وبقت تخربش اهي
بټهدديني يا زهره
زهره رفعت حواجبها وعينيها احمرت وبصوت عالي
اه پهددك وعندي إستعداد أنفذ دلوقتي وامسح بيكي رخام السلم ده كله تحبي تشوفي
هند بترجع لورا وبتبص لبدر ايه انت مش هتتكلم ولا ايه
بدر لا مش هتكلم عشان انتي تستاهلي ولو قلعت اللي في رجلها اديتك بيه دلوقتي يبقي حقها
واتفضلي اطلعي فوق عشان اقسم بالله انا فاضلي تكة وهاكلك نص ع السلم اكسرلك رقابتك
هند طلعت علي فوق
بدر بيبص لفريد انا عارف انك راجل وعشان كدا مردتش عليها بكلمة .. حقك علي راسي انا يااخويا امسحها فيا المرة دي وانا هأدبها ع اللي عملته النهاردة
فريد ولا يهمك يا بدر
انت ملكش ذنب في حاجة
انا اللي غلطت من الاول لما فكرت انها ينفع تبقي زوجة ليا وقولت اتكلم معاها هي الاول واخد رأيها انا اللي جبت ده كله لنفسي .. عن اذنكم
فريد سابهم ونزل وحتي نسي يسأل عن أبوه اللي جاي مخصوص عشانه
مها قاعدة في نفس المكان في الشارع في الأرض بټعيط وبتندب حظها .. وفجأة
طلعت من شنطتها تليفون
في شقة بدر
بدر داخل الاوضة .. زهره قاعدة علي طرف السرير وحاطة ايديها على دماغها
قعد جنبها وطبطب عليها
بدر احنا اتفقنا علي ايه يا تفاحتي .. مش اتفقنا ان احنا مش هنتكسر ولا هنقع
زهره لا انا مش مکسورة ولا حاجة بس الأحداث اللي بتحصل كتير عليا مش اكتر
وبعدين ايه تفاحتي دي كمان جايبها منين
بدر اصلك قصيره كدا وبتفكريني بالتفاح الصراحه
زهره
ماشي ماشي مش هرد عليك دلوقتي عشان مش فايقالك
وهما بيتكلموا تليفون زهره رن رقم غريب
زهره الو ..
مها ايوة يا زهره
زهره مها !!!!
انتي بتتكلمي منين
مها من تليفوني
زهره تليفونك ازاي يعني هو احنا مش ادينا تليفونك للحكومة بالحاجات اللي عليه
مها آه منا نسيت اقولك
أصل انا كنت متوقعة حركة الغدر دي منكو وان ساعة الجد انتي هتسيبيني في وش المدفع وتمشي بس انا اكيد مش هطلع من المولد بلا حمص كدا
وانا في طريقي ل شريف بعد ما سبتكو .. نزلت من العربية دخلت محل دهب قلعت الحلق بتاعي بيعته وبفلوسه خرجت دخلت محل موبايلات اشتريت موبايل
ولما كنت مع شريف خليته ينقل الفيديو علي التليفون الجديد عشان كنت عارفه انكو هتاخدو التليفون القديم باللي عليه
ودلوقتي ياستي .. قدامك حل من اتنين .. يا تروحي تقنعي بابا إنه يرجعني البيت ويرجعلي الكريديت كارد وكل حاجة زي ماكانت على مانتي تطلقي من بدر وانا ارجعله .. يا نلجأ للاوبشن التاني وانتي عارفاه كويس
بدر بيشد التليفون من زهره بس فيه اوبشن تالت احلى منهم الاتنين .. كنت لازم اعمله من زمان بس كنت بمنع نفسي في آخر لحظة واقول
لا اعقل يا بدر دي في الاول وفي الآخر أخت مراتك
بس مدام الحقارة وصلت بيكي ل كدا اشربي بقي
مها انت تقصد ايه
بدر عايزك تقفلي معايا دلوقتي وتعدي من 1 ل 100
قبل ما هتكملي نص العد هيكون وصلك ردي
مها اللي عندك أعمله يا بدر
قفل السكة
زهره بتبصله انت ناوي على ايه
بدر لا من أول دلوقتي مش عايزك تشغلي بالك بكل التفاصيل دي بقي .. انا عايزك ترتاحي خااالص وانا هحل الباقي
زهره أيوة بس انا ..
بدر قولنا سيبك م التفاصيل دي بقي ..
بيعدلها ع السرير انا هخرج اعمل مكالمة سريعة كدا واجيب حاجة من المطبخ واجي
خرج من الأوضة وغاب شوية .. ورجع ومعاه صينية كبيرة عليها أكل وجبن وعصاير
بدر انا للأسف ملحقتش اجهز اكل محترم كدا انا طبعا مش حريف مطبخ يعني بس حاولت اسعف اللي قدرت عليه
عايزك تمسحي الصينية دي كلها بقي
زهره تسلم ايدك يابدر بس انا مش قادره اكل بجد
بدر امممم .. خلاص بلاش اكل
زهره بتبصله باستغراب انت زعلت
بدر لا ابدا مزعلتش ولا حاجة .. بس انا كمان مكلتش لقمة من صباحية ربنا ف لو عندك إستعداد تنيميني علي لحم بطني بقي انتي حرة
زهره خلاص خلاص هاكل .. بس انت هتاكل معايا
بدر حاضر ياتفاحتي هاكل معاكي
بدأوا ياكلوا .. زهره بتزق اللقمة بالعافيه وتبلعها عشان مش قادره تاكل لحد ما بدر لاحظ
بقي يعملها هو سندوتشات ويأكلها بايديه ويشربها عصير عشان تبلع .. زهره بتاكل وعينيها عليه مبتتاشلش
مها قاعدة في نفس المكان ماسكة الفون بتقلب في اي حاجة .. مكملتش 10 دقايق وجاية بتقوم وبتلف وشها
لقت حد بيحط ايده علي بوقها بمنديل مخدر
حاولت تقاوم لكن فشلت وبعد لحظات كانت فقدت وعيها واتخدرت .. الشخص ده شالها وراح حطها في العربية ودور العربية واتحرك
في بيت بدر
خلصوا أكل وكل واحد نام في اوضته .. بعد ما ناموا ب ساعة
زهره قامت نزلت من علي سريرها فتحت الباب وخرجت من الاوضة .. راحت على أوضة بدر وفتحت الباب
براحة
دخلت بخطوات بطيئة ومن غير ما تعمل صوت لحد ما وقفت قدام سرير بدر وهو نايم .. بدأت تبصله وتتأمل في ملامحه لدقايق
زهره انت طلعتلي منين يا بدر .. كنت قدامي طول الوقت ومش شايفاك غير أخويا وخطيب اختي الوحيدة وصديقي اللي بيقف جنبي في الأزمات
مكنتش أتخيل إن الدنيا فجأة هتدور والاقيك جوزي اللي بيدافع عني وبيجيبلي حقي من الدنيا والناس وبيحميني بروحه
وجودك جنبي ده فرق معايا اوي يابدر وحتي لو اتطلقنا اللي عملته معايا انا مش هنساهولك لا في سما ولا في أرض وهفضل عايشة مستنية اليوم اللي اردلك فيه كل جميل عملته معايا في الوقت اللي كنت انا بچرحك فيه وبهينك وبقل منك روح ربنا يحميك ل شبابك ويحبب فيك خلقه ويسترها معاك زي ما سترت عليا يا بدر
خلصت كلامها .. مدت ايديها خدت التيشيرت بتاعه اللي قلعه قبل ما ينام من جنبه
راحت علي اوضتها اخدت التيشيرت في حضنها ونامت
في بيت عاصم
عاصم وفريد وعبير قاعدين .. عاصم حاطط ايده علي دماغه وفي عالم تاني
عبير لسة معرفتش حاجة عن اختك يا فريد
عاصم بينزل ايده بقولك ايه ياعبير
انا مخلفتش غير عيلين زهره وفريد
بالنسبة لمها انا اتبرأت منها ومن كل حاجة تخصها ومن هنا ورايح هي لا بنتي ولا هتتعامل مع حد يخص العيلة دي
وهقولك كلمتين دول تخليهم قدام عينك طول الوقت وابقي انا كدا اخليت زمتي قدام ربنا .. يوم ما لسانك يخاطب لسان مها قبل ماانا اديلك الموافقة اعرفي انك طالق .. اللهم بلغت
عاصم بصوت عالي بقول اللي سمعتييييه .. ومش عايز كلام تاني في الموضوع ولا حتي هبرر
عبير اااايه اللي بتقوله ده لا طبعااا هتبررلي
فريد اهدي ياماما ثواني .. يابابا طب فهمنا ايه اللي حصل عشان نبقي في الصورة ع الأقل
عاصم وانا قولت مش عايز اتكلم في تفاصيل تخص بنت الكلب دي .. واللي عندي قولتكو
انا قايم أنام .. قام دخل علي جوا
عبير ايه اللي ابوك بيقوله ده يا فريد
فريد متقلقيش ياماما هتتحل وهو اكيد ليه أسبابه .. انا بكرا هروح لزهره افهم منها ايه اللي حصل يمكن
عندها اي فكره عن الموضوع
مصطفى ايه ده انتي مش فاكره اي حاجة خالص اخس عليكي زعلتيني
مها مصطفى متلعبش بأعصاااااابي .. انت جيبتني هنا ازاي بقولك وايه اللي حص...
وهي بتتكلم افتكرت آخر مشهد حصل لما جت تقوم لقت حد بيحط منديل مخدر علي بوقها
مها اه انت خطفتني بقى
مصطفى برافو عليكي مانتي ذكية اهو
بيبص ع الملاية مش بس خطڤتك ده الموضوع كان أكبر من كدا
مها بتبرق اكبر من كدا اييييه انت هتستعبط
انت كداب ومتقدرش تقربببببلي
مصطفى عندك حق متصدقيش بردو ان واحد محترم وابن ناس زيي ينزل مستواه ويعمل فيكي كدا
بس متقلقيش انا عملت حسابي
طلعت تليفونه وفتح فيديو ودور الفون قدامها
مصطفى داخل شايل مها علي ايده حطها على السرير
مصطفى عدل الفون بسرعة اللقطة دي كفاية عليكي والباقي خليه يبقي حصري بقي لما انزل الفيديو
مصطفى نفس جنس ملتك .. واللي بيته من ازاز ميحدفش الناس بالطوب يا حلوة
والجزاء من جنس العمل
مها ايه المطلوب
مصطفى هتقومي تلبسي هدومك زي الشاطرة كدا وتجهزي عشان المأذون مستنينا برا
مها مستنينا يعمل بينا ايه
مصطفى اكيد مش مستنينا نلعب عشرتين طاولة يعني
مستني عشان هيكتب كتابنا بإذن الله
مها پصدمة انت بتهزر صح
مصطفى آه بهزر .. تحبي اكمل هزار
مها شكلكو نسيتوا ان انا كمان بردو
مصطفى اه .. شكلي انا اللي نسيت اقولك ان تليفونك معايا .. وعشان تبقى المعلومة كاملة تليفونك اتفرمت باللي عليه ها تحبي نزيع ولا هتقومي تلبسي هدومك ونكتب الكتاب
مها بټعيط لا يا مصطفى .. لا أبوس ايديك متعملش فيا كدااااا
مصطفى انا هستناكي برا على ما تلبسي .. متتأخريش
تحت عمارة بدر
فريد داخل علي البيت بالعربية ولسة هيركن لقى هند واقفة علي باب العماره بتعمل حاجة .. وقف زي ماهو ومرضيش ينزل علي ما هي
تخلص وتمشي عشان يتفادى لسانها ومشاكلها
هند واقفة بتطلب اوبر عشان تروح الجامعة
طلبت اوبر ووقفت قدام البيت مستنياه .. بعد دقايق وصلت عربية فخمة .. الشباك الازاز اتفتح
اللي سايق شاب .. حلو شكلا ولابس افخم لبس وساعة بمبلغ وقدره وريحة برفيوم مفحفحة في العربية كلها
الشاب اوبر صح
هند بتردد اه .. انا اللي طالبه
الشاب تمام يافندم اركبي
ركبت معاه العربية وهي قلقانة وبتبص حواليها
بينها وبين نفسها هو الشخص ده بالعربيه دي والفلوس دي كلها محتاج يشتغل اوبر ليه اصلا
حاجة غريبة اوي
الشاب مالك متوجسه ليه كدا
مټخافيش مباكلش بني ادمين والله ده انا نباتي حتى
هند مش متوجسه ولا
حاجة انا بس مستغربة الطريق اللي انت ماشي منه .. ده مش طريق الجامعه اللي متعوده عليه
الشاب لا ده طريق مختصر .. ده حتى ظاهر ع الابليكشن قدامك اهو
هند بتوطي تبص ع الفون عشان تتأكد من اللوكيشن .. وفي ثواني لقت السواق بيبخ في وشها مخدر
المخدر كان بطيئ إلى حدا ما .. الدنيا لفت بيها وبدأت تفقد الوعي ببطئ وهي شايفة كل حاجة حواليها وبتحاول تطلع صوت بس هو حط ايده علي بوقها كتم صوتها
وبعد مااتأكد انها فقدت وعيها تماما واغم عليها .. طلع الفون
بعد ساعة الا ربع
هند بتبدأ تفوق واحدة واحدة وقبل ما تفتح عينيها سمعت صوت حد جنبها
السواق ايوة يادكتور ..
يادكتور انا وصلت المكان اللي قولنا عليه بقالي بتاع نص ساعة والبت قربت تفوق هو ده اتفقنا يعني
السواق طب انجز يادكتور وتعالي خلينا نخلص المصلحة دي ونشوف اللي ورانا ده احنا في عز النهار يعني
وهنا هند اكتشفت إنها اتخطفت سړقة أعضاء
فتحت عينيها بسرعة بتبص حواليها لقت نفسها نايمة في مكان غريب
هند پخوف انت مييييين
السواق بيبرق يانهار اسودددد
بيبص حواليه علي اي حاجة يضربها بيها عشان تنام تاني قامت وقفت بسرعة عشان تتحرك ..
وقعت في الأرض حطت ايديها علي دماغها بس مفتقدش الوعي .. حاولت تقوم تاني بس كانت مدروخة
السواق بيتلفت لقى الدكتور داخل المكان ومعاه ست شبه الممرضة
هند بتبرق وعينيها بتدمع .. بتحاول تقوم تقف عشان تجري
السواق جري كتفها ومعاه الست الممرضة .. الدكتور طلع من الشنطة حقنة مخدرة وبدأ يتحرك ناحيتهم عشان يديها الحقنة وهي متكتفة وبترفص وټعيط
حرام عليكو عايزين مني ااااايه .. يامامااااا
يابدرررر
السواق شششش متفضيحناش بقي اسكتتتتي
كتفوها بالعافيه
واول ما الدكتور بدأ يحط في ايديها سن الحقنة وقبل ما يكملها لقوا حد داخل عليهم
فريد انتو بتعملوا ايه
يا مجرمين
الدكتور شال الحقنة بسرعة رماها في الأرض ..
هند بتزقهم وبتجري تحضن فريد وبتعيط الحقني يافريد هيقتلووووني
فريد طبطب علي هند .. وبعدها بعيد عنه وراح عليهم السواق جري مسك في فريد
السواق انت مين وعايز ايه
فريد عايز اخد روحك .
مسكه فريد رزعه في الارض ونزل عليه ضړب يمين وشمال لما دشمل ملامحه .. وفي أثناء ده الدكتور والممرضة خافوا وجريوا اختفوا
فريد دغدغ السواق لحد ما شبه اغم عليه ..
هند واقفة دايخة ودماغها .. وباصة لفريد ومبتسمة
فريد شال السواق حطه في العربية .. رجع مسك ايد هند ورجع بيها ركبها العربية قدام
راح القسم سلم السواق للحكومة وحكي للظابط علي كل اللي حصل .. اخد هند وراح بيها المستشفي
طهروا الچرح اللي في دماغها ولفوه كويس وادوها الأدوية اللازمة ... ومازال كل ده مش بيبص في عينيها حتي
هند قاعدة علي السرير بتجهز حاجتها عشان يخرجو من المستشفي
هند بتبص لفريد بامتنان شكرا يافريد
فريد بيحط الأدوية في الشنطة الشكر لله يا هند انا معملتش حاجة
هند لا طبعا عملت وكتير كمان .. وانا مش هنسالك جميلك ده العمر كله
فريد بيبصلها مفيش داعي لكل الشكر ده .. انتي زي زهره اختي واعتقد انها لو مكانك مكنتش هسيبها ولا ايه
هند زي اختك
فريد اه طبعا زي اختي .. يلا نقوم نمشي بقي
هند امممم .. يلا
خدها فريد وركبوا العربية عشان يوصلها البيت
في البيت اللي فيه مها
مها قاعدة في الأرض بهدوم كتب الكتاب مهرية عياط وعيونها ورمة وحمرا .. من اللي حصلها واللي لسة هيحصل لما تتجوز مصطفى
مها يارب انا عارفة إني غلطت كتير وانا فهمت ده واستوعبته والله .. بس اللي بيحصل ده كتير عليا بردو
يارب انا مش هستحمل اتجوز واحد غير بدر .. انا مش هستحمل اصلا اتجوز واحد كل هدفه من جوازتي انه يعذبني ويطلع عليا كل عملته بټعيط اكتر يارب انا كان نفسي يوم مااجي البس هدوم كتب كتابي اكون اسعد واحدة في الدنيا مش اكون بالمنظر ده
يارب والله انا توبت ومش هعمل حاجة في حد تاني بس الحقني من الموقف ده يارب
مصطفى بيفتح الباب ها خلصتي
مها بتمسح دموعها اللي بقت عامله زي كاسات الډم
وبتقوم تقف بالعافيه
مها بصوت مش طالع اه جاهزة يا مصطفى
بعد ساعة في شقة بدر
بدر تليفونه بيرن مصطفى
بدر ايه يابني عملت ايه
مصطفى عملت اللي اتفقنا عليه بالحرف .. ومن شوية كتبنا الكتاب وخلصنا خلاص
بدر اوعي تكون لمستها يا مصطفى امبارح هي مكانتش مراتك واحنا مش قد ڠضب ربنا علينا
مصطفى عيب عليك يا بدر مش انا اللي تقوله الكلمة دي
انا سبكت الفيديو زي ما يكون حقيقة ومن غير ماالمسها ولا اجي جنبها وهي صدقت
بدر كنت عارف انك قدها ياصاحبي .. ودلوقتي فاضل تكة واحدة .. اسمعني كويس وخليك جاهز عشان اول ما اديك رنة تعمل اللي هقولك عليه بالظبط
وهو بيكلمه سمع صوت عالي اووووي جاي من برا باب الشقة بتاع واحدة بتخبط ع الباب وبتزعق
بدر اقفل اقفل اما اشوف فيه ايه .. وركز مع الواتس عشان لو بعتلك حاجة
زهره جاية من جوا بتجري عشان تفتح الباب
فتحت لقت عبير في وشها
زهره ايه ياماما مالك في ايه
عبير كلمة ماما دي مسمعهاااااش انا مش امك امك مااااتت عملتي في بنتي اااااايه يازهره
مكفاكيش كل اللي عملتيه فيها وجوازك من خطيبها وانها سابتلك الدنيا كلها ومشيت عملتي فيها ايه تاني
زهره بصالها وساكتة
عبير انطقي عملتي فيها ايه يا وش المصاااايب عملتي فيها ايه يخلي ابوها يتبرا منهااااا
بدر جه وقف جنب زهره
زهره انا معملتش حاجة ياماما بنتك هي اللي عملت في نفسها وفينا كلنا
عبير وكمان بتتبلي عليها لا ده انتي محتاجة تتربي من اول وجديد
بترفع ايديها عشان تلطشها بالقلم راح بدر ماسك ايديها
بدر لا اعذريني ياماما .. الكلام ده كان زمان
إنما دلوقتي زهره مراتي وفي حمايتي ومحدش ليه الحق يمد ايده عليها
والبيت اللي واقفة فيه ده بيتها وملكها ف بعد اذنك لو عايزة تكوني موجودة فيه يبقي تحترميه وتحترميها
عبير الله الله
.. بيت بنتي بقي بيتها وملكها وبتطردوني منه كمان !!!
يااخي ده انت طلعت زبا.....
زهره بقوووولك ايه ياام فريد .. اللي عايزة تغلطي فيه ده جوزي وانا اسمح بأي حاجة إلا دي
زهره بتاعة زمان اتبخرت خلاص واللي موجودة دلوقتي لا هتسمح لحد يدوسلها ولا يدوس لجوزها علي طرف .. واه بدر عنده حق لو مش هتحترمي البيت اللي واقفة فيه يبقي بلاش تدخليه احسن
كلامي ده مكنتش عمري هقوله لأمي بس للأسف انتي مش أمي ولا عمرك اعتبرتيني بنتك والقشة اللي قطمت ضهر البعير قولتيها من شوية لما حرمتيني حتي من كلمة ماما .. يبقي انا آسفة ملكيش عندي غير الوش ده وكفايه أذية اوووي لحد كدا منكو بقي
عبير واقفة بصالها ومصډومة
وفجأة .. لقوا مها داخله من باب الشقة وماسكة ايد مصطفى
مها زهره عندها حق ياماما
انا فعلا كنت السبب في كل حاجة حصلت
عبير بتبصلها بإستغراب وصدمه انتي ايدك في ايد مصطفى كده ليه يامها
مها انا اتجوزت مصطفى ياماما
مها زهره عندها حق ياماما
انا فعلا كنت السبب في كل حاجة حصلت
عبير بتبصلها بإستغراب وصدمه انتي ايدك في ايد مصطفى كده ليه يامها
مها انا اتجوزت مصطفى ياماما
وبعد لحظات سكوت من الكل .. زهره بتبرق وبتبص ل بدر
بدر بيبتسم بخباثة .. فريد نازل ع السلم بعد ما وصل هند شقتها لقى باب شقة زهره مفتوح .. خبط خبطة ودخل لقاهم كلهم مبلمين وساكتين
عبير بترجع ل ورا خطوة من صډمتها انتي بتقولي ايه يامها
مها بقول اللي سمعتيه ياماما .. انا اتجوزت مصطفى وهكمل معاه حياتي
فريد بيبرق وعروقه بتنفر هي حصللللللت .. بتتجوزي من وراااااانا .. ده انا هدغدغ دماغك
ولسة رايح ناحيتها ..
عاصم داخل من الباب فررررريد .. اقف مكانك
فريد بيلف بيبصله اقف مكاني ايه يابابا دي بتقولك اتجوزززززت البت دي لازم تموووووت
عاصم وانا سبق وقولتلك البت دي مبقتش اختك اصلاااا تتجوز ولا تولع بجاز انت مالك
دي خلاص عيارها فلت ومبقتش تبعنا ولا تخصنا
فريد مش فاهم !!
عاصم يعني كل اللي حصل لأختك زهره ده كان بسبب الشيطاااانة اللي واقفة دي خلت الكلب اللي اسمه شريف يخطفها وبدر ساب مها واتجوز زهره عشان يحميها ويحافظ علي سمعتها وبعد كللل ده حاولت ټقتلها ومكافهاش راحت اتفقت مع شريف تاااني عشان يخطفها تاني ..
دي شيطانة وعدلها المۏت ومتستاهلش لحظة تكون وسطنا
بيبص ل مصطفى وانت يابني أيا كان السبب اللي اتجوزتها عشانه ف انت ظلمت نفسك
فريد واقف مصډوم ومبرق ومبينطقش ولا بيدي أي رد فعل ... زهره واقفة عينيها مدمعة
عبير بتتحرك ناحية زهره پصدمة ..
عبير العيب
كله كان مني انا من البداية يا زهره انا اللي دلعتها واديتها حريتها تالت ومتلت وحسستها طول الوقت انها أحسن منك واغلي منك عشان انا امها هي مش امك انتي رغم انك كنتي بتوديني عنها
واخرتها بعد ده كله سابت الدنيا كلها وجت تأذيكي انتي وانا كنت بساعدها في اذيتك من غير مااحس .. حقك علي راسي وفي رقابتي يازهره
بتلف ناحية السفرة وبتمد ايديها تاخد السکينة من طبق الفاكهة وحقك ده انا هاخدهولك دلوقتي واكفر عن كل اللي عملته السنين اللي فاتت .. عاصم كان عنده حق لما قال البت دي لازم ټموت واديها ھتموت بإيد امها اللي وصلتها للحاله دي
وفي ثانية جريت علي مها ... رفعت عينيها وبصتلها وهي وشها غرقان دموع
مها خدت الضړبة ووقعت في الأرض
كلهم مبرقين ومصډومين من اللي شايفينه من ناحيه ومحدش عنده قابلية يجري عليها من ناحية تانية
عاصم غمض عينه جامد وخد نفسه
زهره بتتحرك ناحيه مها .. وبتقعد جنبها في الأرض وبتبصلها بسكوت ودموعها نازلة
فريد بيبرق ايه اللي عملتيه ده ياماما ليه وسختي ايدك پدمها ليييييه هتودي نفسك في داهية عشان واحدة زي دي حرام عليييييكي
بيبص علي مها لااا يامها انتي مش ھتموتي وتلبسيني انا اسود علي امي قووومي
بيجري عليها شيل معايا يابدر تعالي يامصطفففى
شالوها بسرعة ونزلوا يجروا بيها حطوها في العربية وجريوا ع المستشفي
بعد ساعة
في المستشفى
مها في غرفة العمليات ..
قصاد غرفة العمليات زهره وبدر وهند وعاصم وفريد وعبير
واقفين
مستنيين وكلهم قلقانين
الدكتور خارج من اوضة العمليات ووشه مش مبسوط ..
فريد خير يا دكتور طمننا
مها عدت الخطړ هتعيش يعني
الدكتور بيبص في الأرض للأسف الخبر اللي هقولهولكو دلوقتي مش حلو ف حاولوا تتماسكوا
عبير باصة قدامها ومبتنطقش بكلمة ولا حتي بتتلفت ع الدكتور
زهرة قربت من الدكتور خبر ايه
فريد ماټت !
الدكتور لا مماتتش متقلقوش هي عايشة وقدرت تتجاوز الخطړ وخيطنا الچرح الحمدلله
بس
الخبر اللي مش حلو إننا عملنا استئصال للرحم
كلهم اتصدموا ااااايه
فريد استئصال للرحم !!!
ليه استئصال وازاي تعملوا كدا من غير ما تقولونا ونمضي علي إقرار سواء موافقين ولا لا
الدكتور كانت قوية جدا ومكانش فيه وقت نخرج نقولكم ولا ناخد إذن واضطرينا نعمل استئصال بسرعة عشان نحافظ علي حياتها .. انا آسف جدا بس ده قدر
واحنا لازم نرضى بقضاء الله وقدره ..
فريد بيدب بايده ع الحيطة
مصطفى بيغمض عينه وبيحط ايده على عينه من الصدمة رغم إنه متجوزها اڼتقام وعارف انهم مش هيكملوا بس الإنسانية توجب عليه يزعل عليها في موقف زي ده
زهره دموعها نزلت وقعدت في الأرض مكانها .. عبير مازالت باصة قدامها وبتعيط بصمت من غير ما تعمل اي رد فعل
الدكتور هي حاليا في الافاقة وشوية وهتتنقل في اوضتها
بس انا محتاج افتح محضر بالحاډثة اللي حصلت دي او حد منكم يفهمني هي حصلت ازاي يمكن انا فاهم الموضوع غلط
فريد لا لا تعالي يادكتور انا هفهمك كل حاجة
فريد اخد الدكتور ومشي عشان يحاول يتصرف بعيدا عن المحاضر
عاصم انا مش عايز حد يعيط
ده أقل عقاپ من ربنا ليها علي كل حاجة عملتها ويارب اللي حصل ده يكفرلها عن جزء من ذنوبها .. امسحي دموعك يازهره
بدر راح على زهره سندها وقومها من الأرض وخدها وخرج بيها من الطرقة .. دخل بيها طرقة جانبيه مفيهاش حد عشان يبعد عنهم
بيمسحلها دموعها اجمدي يا زهره مش كده
بدر معقول بټعيطي عليها بعد كل اللي عملته فيكي !
زهره بټعيط زياده مش قادرة أكون زيها يا بدر
مش قادره احجر قلبي ومزعلش إن مستقبلها ضاع وعمرها ما هتعرف تبقي أم
انا عارفة انها غلطت واوي كمان وتستاهل اكتر من كدا ومفيش عقاپ هيكفر عن اللي عملته بس العقاپ ده ۏجع قلب اوي
بتتشحتف مش قادره أنسى إنها اختي يا بدر
بدر عينه بتدمع وبياخدها في حضنه جامد
بدر انا عمري ما شوفت
حد زيك يا زهره
انتي مكانك مع الملايكة اقسم بالله مش معانا هنا ..
بتحضنه وبتعيط .. وفجأة بتغمض عينيها وبتفوق
بتبعد عنه وبترجع ل ورا
زهره انا آسفة
بدر بيمسح دموعه وبيضحك آسفة ايه يازهره انا اللي حضنتك أصلا وبعدين المفروض اني جوزك لو نسيتي يعني
زهره بمناسبة الجواز .. هو انت اللي خليت مصطفى يتجوز مها صح
بدر صح
زهره وعملت كده ازاي !
بدر ازاي دي مش وقتها ولا مكانها بس اللي مهم اقولهولك دلوقتي واطمنك
إن مبقاش فيه خلاص .. فركش
زهره بتتفاجئ ايه ده بجد
بدر أيوة بجد .. من هنا ورايح تقدري تتنفسي بقي الهم اللي كان علي قلبك خلاص انزاح
زهره انا مش عارفة اشكرك ازاي يا بدر على كل اللي عملته
معايا ومازلت بتعمله
بدر اشكريني بإني أشوفك قوية وماسكة نفسك ومشوفش عينك وارمة عياط بالطريقة دي تاني .. ممكن
زهره
بعد ساعتين
في الغرفة اللي فيها مها
مها نايمة ع السرير ومتعلق محاليل في ايديها .. قدامها واقف بدر وزهره وفريد ومصطفى وعاصم وعبير
مها بتبدأ تفوق براحة .. بتبص حواليها
مها باستغراب وتعب انتو ... انتو واقفين كلكو كدا ليه
هو انا فين
مصطفى انتي في المستشفي يامها
مها ليه هو ايه اللي حصل
جاية بتتعدل عشان تقوم لقت ۏجع بشع في بطنها بس الچرح والخياطة .. قالت ااااه بصوت عالي ورجعت لورا تاني بسرعة ..
حاطه ايديها على بطنها والايد التانية علي دماغها وبتفتكر شريط اللي حصل كله
بتفتح عينيها تاني على صوت عبير
عبير أيوة يا مها انا حاولت اقټلك ولو رجع بيا الزمن
مها بتبصلها ودموعها نازلة ماما حقك عليا انا اس...
وهي بتتكلم حطت ايديها براحة علي بطنها وبتحسس
علي البلاستر اللي محطوط كله وپتتوجع
مها بإستغراب المفروض الچرح في مكان واحد ليه حاطين اللزقة دي كلها علي بطني !!!
عبير بتبص الناحية التانية وبتسكت .. فريد فتح الباب وخرج
مصطفى بعدين يا مها
مها يعني ايه بعدين
فهموني ايه اللي حصلي .. ليه اللزقة دي كلها علي بطننني اااه پتتوجع لما علت صوتها
عاصم من حفر حفرة ل أخيه وقع فيها يا مها
خططتي ورتبتي وعملتي كل الأفكار الشيطانية دي عشان ټأذي اختك قام ربنا لغبط كل حساباتك وعاقبك عقاپ هتعاني منه بقيت حياتك لحد ما ټموتي
مها عقاپ ايه يا بابا فهمني
عاصم شالولك الرحم يا مها .. يعني انتي عمرك ما هتقدري تكوني أم خلاص
مها بصاله ومصدومه .. بتنزل عينيها لتحت وبتبلع ريقها
مها انت بتقول ايه يابابا
عاصم بقول اللي سمعتييييه .. ده ربنا إسمه الحق يمهل ولا يهمل .. وده كله لسة عقاپ الدنيا بس
مها دموعها بتنزل ومبتعلقش ب ولا كلمة
بتتعدل وبتنزل من عالسرير بتقعد في الأرض وبتمسك بطنها
وشها بيحمر وبيزرق من الۏجع وبصوت عالي
بتقول اااااااه ممزوجة بعياط وقهرة
زهره وبدر وعاصم وعبير ومصطفى عينيهم بتدمع من ۏجع قلبهم
ومحدش فيهم بيروح يطبطب عليها ولا بيبصلها
فضلت مها قاعدة في الأرض عمالة پتتوجع وتتأوه من ۏجع بطنها وۏجع قلبها .. لحد ما ممرضة سمعت صوتها
دخلت تجري علي جوا ياجماعة انتو ازاي سايبينها ع الأرض كدا حد ييجي يعدلها معايا
عدى حوالي 3 ساعات وجه الوقت إن كلهم يروحوا ويفضل شخص واحد معاها مرافق ..
مصطفى انا هقعد معاها الليلة دي ياجماعه يلا روحوا انتو ارتاحو وبكرا الصبح بإذن الله هعمل إجراءات الخروج واجيبها وارجع ع البيت
عاصم تجيبها وترجع علي بيتك انت .. انا بيتي مقفول في وشها ومش هتعتبه برجلها تاني
مصطفى حاضر يا حج اللي تؤمر بيه
بدر وزهره وعاصم وعبير وفريد خرجو ركبوا العربيات ورجعوا علي البيت
في بيت عاصم
عبير وعاصم وبدر وفريد قاعدين ..
زهره داخله عليهم انا جهزت الأكل ياجماعة تعالوا ناكل لقمة يلا
عاصم لا يا زهره انا مش قادر احط لقمة في بوقي اعفيني انا
زهره ازاي يعني يابابا وده اسمه كلام عشان خاطري قوم ناكل لقمة
بدر اسمع كلامها ياحج وقوم نزل اي حاجة معدتك قلة الاكل مش هتفيد يلا يا مرات عمي قومي ناكل لقمة كدا يلا يافريد
وهما بيتكلموا الباب خبط ..
زهره راحت فتحت الباب .. لقت هند في وشها
سابت الباب مفتوح ودخلت علي جوا قعدت
هند داخلة طب مش تقوليلي اتفضلي يازهره وانا داخله بيتكم ..
بدر هند
ايه اللي جابك فجأة كدا
عاصم أهلا يا بنتي اتفضلي
هند سمعت ان مها دخلت المستشفي وبتعمل عملية وكدا روحت علي المستشفى مرضيوش يدخلوني وقالولي ان معاها مرافق والباقي ييجي بكرا فقولت اجي هنا ع البيت
هو ايه اللي حصلها
بدر مش وقته ياهند بعدين ابقي اعرفي اللي حصل
المهم هي خلصت العملية وبقت بخير الحمدلله بس لسة هتخرج بكرا
هند يعني هي كويسة الحمدلله
بدر اه الحمدلله
هند تمام .. بما انكو قاعدين كلكو بقي ومتجمعين انا عاوزاكم في موضوع مهم
كلهم بيبصولها بتركيز .. عبير بتمسح دموعها وبتبص ناحيتها
عاصم اتفضلي ياحبيبتي عايزة تقولي ايه
هند انا عارفه ان ممكن ده ميكونش الوقت المناسب اللي افتح فيه موضوع زي ده .. وممكن ميكونش صح إني انا اللي اقول اللي هقوله من الأساس بس انا عندي هدف ونية خير والله
عاصم قولي احنا سامعينك ..
هند بتقدم كام خطوة وبتقف قدام فريد
هند انا جيالكم قدام أهلك كلهم عشان يكونو شاهدين علي اللي هقوله ليك
فريد عايزة تقولي ايه يا هند
هند تتجوزني يا فريد
هند تتجوزني يا فريد
زهره بتبرق
بدر انتي خرفتي يا هند ولا ايه
هند لا مخرفتش يا بدر دي الحاجة الوحيدة الحقيقية اللي شايفاها اصلا
هكررلك السؤال تاني يافريد .. تتجوزني
فريد
هو انا فجأة كده بقيت استايلك
هند انا عارفة إني غلطت معاك كتير وقولت كلام ميتقالش ورفضتك بطريقة بشعة ودلوقتي ادركت الغلط ده وعرفت إنك راجل بجد وإني أكبر خسارة هخسرها في حياتي لو سيبت واحد زيك يضيع من ايدي بالذات بعد اللي عملته معايا وتركيزك لما شوفت العربية الغريبة اللي ركبت فيها وانك تمشي ورايا عشان تخلي بالك مني وبعدين تنزل تنقذني وتعمل اللي عملته لو واحد غيرك كان خاف وقال انا مالي بس انت مش كده
وعشان كده انا موافقة على عرض الجواز اللي عرضته عليا يافريد
فريد ومين قالك إن العرض ده لسة مستمر
هند بإستغراب يعني ايه !!
فريد يعني انا هقولك كلمتين فيهم الخلاصة
إن كان ع اللي عملتيه معايا سواء لما كنت بطلبك او الڤضيحة اللي عملتيها ع السلم ف انا تمام خلاص ومش زعلان من حاجة وإن كان على اللي عملته معاكي فانا قولتلك من ساعتها انك زي اختي وطبيعي هعمل معاكي كده
إنما جواز .. انا آسف
انا مش عايزك يا هند ولا عايز اتجوزك
فريد مش هردلك الكلمة بتاعتك واقول مش استايلي عشان انا راجل وده مش أسلوبي
بس هقولك كلمة واحدة .. لو فيه راجل قبل على نفسه إنك تقوليله اللي قولتيه وبعدها يوافق يتجوزك سيبيه واهربي
عشان اللي يهون عليه نفسه ورجولته متستبعديش إنك تهوني عليه يرميكي في الشارع بعد كده .. وانا قولتهالك قبل كدا وهرجع اقولهالك تاني يا هند
ربنا يوفقك وتلاقي الاستايل اللي بتدوري عليه
هند فريد انا بحبك
فريد وانا عارف
هند پصدمة عارف ازاي يعني !
فريد انا مش اهبل ولا صغير يا هند الإعجاب اللي حسيته ناحيتك اول يوم شوفتك فيه شوفت زيه بالظبط في عينيكي وطول السنتين اللي فاتوا انا كنت شايف نظراتك وحركاتك وقربك من مها وزهره عشان تيجي عندنا البيت بسبب ومن غير سبب وتشوفيني كنت شايف رفضك الغير مبرر لأي عريس بيجيلك ورفضك حتي ترتبطي بأي حد من كل اللي حاولوا معاكي في الجامعة
الحب اللي كان بيتطور جوايا ليكي كنت شايفه بيتطور جواكي ليا انتي كمان .. وعشان كدا قررت اصارحك واقولك اني عايز اتجوزك بس للأسف نسيت تفصيلة مهمة جدا
هند وايه هي
فريد نسيت إنك بتحبي نفسك اكتر ما بتحبي اي حد تاني وان صفة النرجسية واخدة حقها معاكي اوي
فضلتي سنين بتحبيني من تحت لتحت وبتتعاملي معايا بطريقة زفت عشان محسش بحاجة ويوم ماجيت اقولك انا بحبك وعايز اتجوزك رفضتيني وقولتيلي اسوء كلام في الدنيا وده ليه
عشان كنتي منتظرة اني اتحايل عليكي وانزل علي رجلك ابوسها واقولك لا ارجوكي توافقي بيا انا بحبك بقالي سنين وبلا بلا بلا بلا وساعتها صفة النرجسية اللي عندك تتشبع ويوم ماتوافقي بيا تعيشي بقيت حياتك زلاني ومحسساني انك عطفتي عليا لما وافقتي بيا
بس بعدها اتفاجئتي إني راجل وعندي كرامتي رقم 1 ولو الحب هو اللي هيهين كرامتي هرمي قلبي تحت عربية نقل يتهرس ومش همشي وراه
هند پصدمة
انت بترفضني يا فريد !!!!
فريد بيهز دماغه ايوووون برفضك ويارب رفضي ليكي ده يعمل لدماغك صدمة كدا ويعالج نسبة من النرجسية اللي بتجري في دمك دي
هند بتمشي خطوات وبتقف قدام زهره انتي مش هتعملي حاجة يا زهره
زهره بتبص ل بدر بدر انا لا عايزة ازعلك ولا ازعل ماما وهي تخصكوا .. ف رد انت عليها
بدر مش كفاية فضايح لحد كده بقي
هند فضايح ايه يا بدر انا بحبه والله العظيم بحبه
بدر اقسم بالله كلمة كمان وهرزعك كف اسخطك عيلة صغيرة تاني واربيكي من أول وجديد .. قدامي يا هند
هتيجي معايا يا زهره ولا هتخليكي معاهم
زهره لا هخليني معاهم
عاصم لا يابني خدها معاك انا هكون متطمن عليها اكتر في بيتها ومعاك
بدر تمام .. يلا يا زهره تعالي معانا
اخدهم ونزلوا على تحت
عاصم بيبص ل فريد ليه يابني كدا
رفضتها ليه دي هند محترمة بردو وواثقين في تربيتها
واللي نعرفه احسن م اللي منعرفوش
فريد ولو اللي نعرفه ده نعرف عنه انه هيتعبنا
في حياتنا هنروحله بردو
عاصم انا معرفش تفاصيل اللي حصل بينك وبينها بس شكلك شايل بزيادة عموما يابني فكر تاني وانت كبير وعارف مصلحتك فين
واللي فيه الخير يقدمه ربنا
عبير انا هقوم أنام عشان تعبانة
فريد استني ياماما
بيروح بسرعة ناحيتها وبيقعد جنبها
فريد انا عارف إنك قاعده معانا دلوقتي ومخك في عالم تاني بس بالله عليكي ياماما ما تيجي علي نفسك زيادة عن اللزوم عشان متتعبيش
انا لحد دلوقتي ماسك نفسي ومش عايز اعمل حاجة عشانك انتي وابويا بس لو حصل لحد فيكو حاجة لا قدر الله انا هعمل ياماما ومش بقول اي
كلام
عبير عينيها بتدمع بتحط ايديها علي وشه من غير ما تنطق ب ولا كلمة .. وبتقوم تدخل علي اوضتها وتقفل الباب
في المستشفى
مصطفى رايح جاي قدام الغرفة اللي فيها مها .. وفجأة حس بصوت منازعة
فتح الباب ودخل ع الاوضة بسرعة
لقى مها نايمة ع السرير رايحة في النوم وعمالة تتوجع وتخرف بكلام غريب وټعيط في نفس الوقت
بص عليها من بعيد شوية .. وبعدين قرب عليها وحط ايده علي دماغها
مصطفى يالهوي ده انتي سخنة ڼار
!!!
خرج على برا بسرعة ينده الممرضة تيجي تديها خافض حرارة
في بيت بدر
بدر بيبص لهند ممكن أفهم ايه اللي حصل هناك ده!!
هند بدر انا بحب فريد
بدر انتي مبتحبيش إلا نفسك ياهند فوووقي
هو اللي يحب حد يعمل فيه اللي انتي عملتيه فيه !!
اللي يحب حد يزله ويهينه ويكسر نفسه وقلبه بالشكل ده لمجرد انه يلففه وراه شوية ويشبع شعور الأنا اللي عنده
لازم قبل ما تنطقي كلمة بحبه دي تعرفي الاول يعني ايه حب وتتعلمي ازاي تحبي وبعدين تبقي تحبي وتدخلي في علاقة
وحتي لو ده حصل المفروض تتبعي الأصول احنا مش عايشين في اوروبا عشان تروحي بنفسك ووسط كل الناس دي تقوليله يلا تعالي اتجوزني انا موافقة عليك ايه ملكيش اهل ولا فاكره نفسك طالعة من مسلسل تركي!
هند انا آسفة يا بدر .. بس ابوس ايدك ساعدني انا بجد بحبه وعايزاه وخلاص فهمت غلطي
زهرة بتتقدم وبتقف قدامها انا اكتر واحدة عارفة اخويا
وعارفة ان عزة نفسه عنده رقم واحد ومش بسهوله هيوافق بيكي بعد اللي عملتيه .. بس في نفس الوقت مش مستحيل
هند بمعنى ايه
زهرة بمعنى انك لو عايزة تكفري عن اللي عمليته بجد وترجعي لمكانك في نظره تاني لازم قبل ما تفكري تصلحي علاقتك بيه تصلحيه من نفسك ومن تفكيرك وهو لما يشوفك بتتغيري قدامه بجد يمكن يرجع يفكر فيكي تاني ويوافق بيكي
بس خليكي فاكره اني قولتلك مش بالساهل خااالص
هند بتبتسم وانا هعمل المستحيل عشان ارجع مكاني في قلبي تاني وعايزة اشكرك اوي على انك بتنصحيني بعد كل اللي عملته معاكي
زهره بتبص في الأرض وبتسكت
قامت هند فتحت الباب ونزلت على شقتها
زهره مش ناوي تقولي بقي مصطفى اتجوز مها ازاي
بدر هقولك ..
Flash back
بدر
مصطفى ايه يا بدر .. فيه جديد ولا ايه
بدر اه بدر بيحكيله اللي حصل قبلها بدقايق
بدر فاكر الخطة اللي كنت قولتلك عليها قبل كدا وكنا مأجلين تنفيذها وحاطينها احتياطي لو حصل حاجة
مصطفى الخطة اللي تخص مها يعني
بدر اه
مصطفى اه فاكرها .. مالها
بدر هننفذها دلوقتي
هتخطفها وتوهمها إنك عملت معاها كللل حاجة وفيه إثبات بفيديو كمان فيه فضيحتها وهتسبك الموضوع سبكة محترمة بس اهمممم حاجة يا مصطفى
مصطفى تمام ..
بدر هتوصله بأي طريقة وتمسحه
مصطفى وايه يضمنك انها متحاولش تعمل اي حاجة تاني وتأذيكو
بدر تقصد ايه
مصطفى اقصد اننا لازم نعمل حاجة أكبر من كدا نعجزها بيها ونزيح من دماغها فكرة
متابعة القراءة
