حكاية شمس بقلم ياسمين الكيلاني

ساعة
لو سمحت فين استاذ سليم
ايوه انا ف اي
الحاله فاقت ومحتاجاك ضروري
دخل بسرعة عشان يطمن عليها
طب واحنا مش هندخل
للأسف لا الدكتور مبلغني بكده دي اوامر
خلاص يا معتز لحد بس ما نطمن عليها
دخل سليم پخوف عشان يطمن عليها لقاها نايمه بتعب لكنها بتحاول تفوق وتقاوم
سندها بهدوء لكنها مكنتش حاسه ب اي حاجه لكنها مطمنه!
مطمنه لانها لمحته مطمنه لأنه الانسان الوحيد اللي وقف جنبها ف كل حاجه بجد من غير ما يقول انا اي ذنبي مطمنه لانه عوضها عن اهم شيء كانت عايزاه هو الامان! الأمان اللي محستهوش مع اهلها علي قد ما حسته معاه هو
فتحت عينها بهدوء وشافته قصادها ابتسم ليها عشان يطمنها ذي عادته لكنها ف لحظه ادركت اللي حصل ورجعت تاني تتوجع
كنت عارف صح
اتكلم بحزن
ڠصب عني مكنش ينفع اقولك عشان مبقاش اناني! افتكرت انك ممكن تقبلي ذي ما فهمني عمي انه غني وهترتاحي معاه بس مكنتش اعرف ان كل دا هيحصل
سليم انا خاېفه مش عايزه البني ادم دا
ابتسم بحب وقرب منها بحنان مسح دموعها
اطمني محدش هيجبرك علي حاجه طالما انا موجود مهما حصل ومش عايزك تخافي تاني او تزعلي فاهمه مهما يحصل اوعي تخافي انا موجود
ابتسمت بحب وحضنته وهي متمسكه بيه كأنه بقا النجاه بالنسبالها وهو مصدر قوتها
هو كمان بدون شعور منه وساها عشان يطمن انها لسه جمبه ويطمن انها مش هتكون غير لي مهما حصل هيوقف قصاد الكل عشانها
دق الباب بهدوء ودخلت الممرضة مسكت ايدها تقيس نبضات القلب
ياااه انت بقيتي عال اهو دا اهلك قلقانين عليكي بره لو حبه ادخل
لا
قالتها پخوف لكنه طمنها عشان مترجعش تاني وحالتها تسوء
لا مدخليش حد انا هقعد معاها

لحد ما تطلع من هنا وهاخدها ونمشي
تمام تحت امرك عن اذنكم
اتكلمت شمس بقلق
سليم انت هتدخل ف مشاكل بسببي
ضحك واتكلم بمدعبه
واي الجديد منا طول عمري ف مشاكل ولا نسيتي الخروجات
ابتسمت شمس ڠصب عنها ف اتكلم بهدوء وحنان
شمس متفكريش ف اي حاجه غير انك تقومي بالسلامه سيبي بعدين لربنا ثم انا واطمني محدش هيجبرك علي حاجه
ابتسمت بهدوء وقلبها اطمن كانت بتبصله بنظرة احتياج كبيره وف نفس الوقت كانت حاسه احساس حلو عمرها ما حسته مع حد أبدا
عدت ايام ف المستشفى وبدات حالتها تتحسن وهو بيراعيها وبتمشي علي العلاج كويس وكان محذرهم محدش يدخلها ابدا ومأكد علي امه ف غيابه والممرضة
دخلت الممرضة تطمن عليها
مش محتاجه حاجه
لا هو سليم مجاش
لا بس مأكد عليا اونسك لحد ما يجي
ابتسمت بهدوء لكنها مكنتش مطمنه مش عارفه ليه
عدت كام ساعة بدات تقلق لحد ما دق الباب فتحت بسرعة لما افتكرته هو لكنها اټصدمت لما شافت معتز قصادها
رجعت كام خطوة لوراء واتكلمت بشجاعه مصطنعه
انت عايز اي اطلع بره
ڪ ياسمين الكيلاني
يتبع
حكاية شمس 3 والاخير
رجعت كام خطوة لوراء لما شافت معتز قدامها مش سليم واتكلمت بشجاعه مصطنعه
انت عايز اي اطلع بره
اتكلم بتسليه
كده بقا خطيبك يطلع بره وسليم حبيب القلب يقعد
اخرس اي اللي بتقوله دا
مش بس كده دا يقعد ويتكلم ويهزر عشان الهانم مزاجها كده
انت لو مخرجتش دلوقتي مش هيحصل طيب سليم ه
قاطع كلامها ببرود وسخريه
سليم!! سليم اي يا شمس ما خلاص بح
انت بتقول اي تقصد اي بكلامك دا!
قرب منها كام خطوة
اقصد ان سليم مش راجع انهارده تقدري تقولي واخد اجازه عايز يرتاح منك شويه
انت بتخرف تقول اي سليم ب
مسكها جامد من دراعها واتكلم بغيظ كبير
اسمعيني كويس مفيش سليم تاني انسيه ذي ما هو بالظبط نسيكي بعد ما

اديتله قرشين عشان يسافر ويبعد عن طريقنا
قول اي حاجه عن اي حد هصدق الا سليم لا يمكن يعمل كده لانه
ضغط علي دراعها جامد
لانه اي اااه تقصدي انه بيحبك!
اټصدمت من كلامه ووقاحته لكنها دفعته بكل قوتها وبعدت عنه واتكلمت بكره وعدم خوف لأول مره
لا يا استاذ يا محترم سليم عمره ما جرحني بالكلام ذي ما انت بتعمل كده ولا عمره اجبرني علي حاجه عشان اعملها وكنت اقصد انه بېخاف عليا ومستحيل يتفق معاك ضدي
اومال اي سبب تأخيره! وليه مش بيرد علي مكالماتك لي! اقولك علي حاجه بصي كده
رفع ايده ب سلسلة كانت جيبهاله يوم حفل تخرجه بس ازاي خدها منه!
قربت منه وخدتها واتكلمت بحيره
السلسلة دي بتاعت سليم خدتها ازاي! سليم عمره ما قلعها من رقبته حتي لما كان پيتخانق معايا عمره ما فرط فيها اشمعنا انت واشمعنا دلوقتي!!
اتكلم ببرود واستهزاء
يمكن عشان لقي الفلوس اغلي منها !!
سليم ضحي بكل حاجه مقابل الفلوس والسفر والشغل ف بلاد بره يعيشه ملك اي يجبره يقعد مع واحده مريضه ذيك ولسه محتاجه مسئوليات!
نزلت دموعها ڠصب عنها وهي مش مصدقه
لا كلامك مش صح سليم سليم لا يمكن لا مستحيل
قرب منها واتكلم بسخرية وتلاعب ف اعصابها
شمس متخاليش الدنيا تخدعك اي يخلي سليم ميوافقش دي حياته ومستقبله اللي مهما يحصل عمره ما يختارك انت ذي ما اهلك لما جتلهم الفرصة اختاروا حياتهم بعيد عنك
اتكلمت پانكسار واسي
طب وانت ليه متمسك بيا مدام انا منفعش
اتكلم باعجاب
بالعكس مين قالك كده انا معجب بيكي من ساعة ما شوفتك غير انك اول بنت تقف قصادي ومتحبنيش حتي بعد ما عرفتي اني غني دا خلاني اتمسك بيكي اكتر
مسك ايدها بحب واتكلم بابتسامه
شمس انا بجد بحبك ومستعد اعمل اي حاجه عشانك حتي لو طلبتي ثروتي كلها تحت امرك بس وافقي نتجوز
حست بداخه والدنيا بتلف بيها من تاني لكن المره دي ڠصب عنها مسكت فيه هو عشان متوقعش وهو كان مبسوط انه بدا يأثر عليها ذي ما خطط
بعدت عنه واتكلمت بتعب
لو سمحت اخرج انا تعبانه شويه
حاضر بس كده انت تؤمر
خرج وهي قفلت الباب بسرعة ووقفت تستوعب اللي بيحصل مستحيل اللي بيقوله
رنت عليه كتير التليفون مغلق ف اتصلت ب زينب
الو زينب سليم فين
ابعدي عن سليم يا شمس كفاية اللي حصله بسببك
قفلت زينب بسرعة قبل حتي ما تفهم ف اي لكنها شكت ان ف حاجه
فتحت الباب بهدوء سمعته وهو بياكد علي الرجاله اللي معاه ميمشوش من مكانهم
حست انها ف حصار ومش عارفه تخرج منه لحد ما دق الباب تاني بس المره دي الممرضة
مالك خاېفه كده ليه
اسمعيني كويس انا هقولك علي حاجه وعايزاكي تساعديني فيها ممكن
اكيد بس اي
خرجت شمس ف زي الممرضة بهدوء لحد ما خرجت خالص من المستشفى وركبت تاكسي بسرعة وصلها البيت لقت رجاله وقفه عرفت انهم تبع معتز
فكرت شويه لحد ما لقت حل
عمو عمو
نعم عايز اي
انا شوفت واحد من الباب الوراني بيدخل العمارة
باب وراني!! معتز بيه مقالش يعني ان فيه باب طب تعالي نشوف وريني فين
مشيوا ودخلت هي بسرعة ودقت الباب لحد ما فتحت زينب
انت مين
قلعت الطرحة واتكلمت پخوف
فين سليم!
انا مش قولتلك يا شمس متجيش هنا احسن
مش مهم كل دا فين سليم
سمعت صوته وهو بينادي عليها دخلت بسرعة واټصدمت من اللي شافته كان قلبها حاسس ان ف حاجه وان كل اللي قاله معتز كدب
قربت منه بقلق واتكلمت پخوف
اي حصل مين عمل فيه كده
هيكون مين يا شمس معتز