مكالمة بالغلط
المحتويات
راضيين عن الجوازه لكن حصلت والراجل مش بيستخسر فيكى حاجه زى ماشوفت امبارح وانتى لازم تتقى ربنا فيه وفى ماله أوعى الطمع يابوسى
بوسى لا والله ياماما انا امبارح كنت محتاره شبكه بسيطه وهو إللى اختارالاغلى وقاللى ان مالى هو ماله واشترى إللى نفسى فيه ده حتى عطينى فلوس كتير اوى علشان لو عجبتنى حاجه اشتريها
الام لا ياحبيبتى أوعى تعرفى منهم حاجه انا شايله فلوس علشانك انا وابوكى وحنزل انا وخالتك نشتريلك جهازك زى كل العرايس
بوسى هى خالتوا عرفت
الام قولتلها قرينا فاتحه وان مش حنعمل خطوبه لان العريس مستعجل
بوسى لكن انا مكتوب كتابى
الام انتى عبيطه انا لو قولت كتبنا كتابها الناس حتقدر ان فيكى حاجه لا سمح الله
بوسى فهمتك ياماما خلاص ماشى هو بابا قال كده برضه لاعمامى
الان أيوه حتى الجيران
بوسى تعالى بقى شوفى الحاجه
الام يلا قبل أبوكى ماييجى
دخلت الام وبوسى واتفرجت على كل حاجه وفرحت جدا لكرم سمير مع بنتها وحست امه حبها بجد لكن كان مخوفها فرق السن
عدت الأيام بسرعة الصاروخ بين تجهيزات الفرح وشراء طلبات العروسه وكان سمير كل اجازه بينزل اسكندريه يخلص حاجه مع بوسى وجه اليوم الموعود
سمير حجزلها فى فندق الفور سيزون والناس كانت مبهوره من جمال بوسى وفستانها والقاعه والفرح كله
لكن بوسى كان جواها شرخ كبير بعد ماحاولت بكل الطرق مع ابوها لكنه رفض يسامحها والمفروض انها دلوقتى حتمشى من الاوتيل على الغردقه وماترجعش لبيت اهلها تانى وتقطع صلتها بيهم تماما
كانت طول الفرح دموعها محپوسه فى عيونها
سمير حبيبى مالك عيونك حزينه كده ليه
بوسى بابا مش راضى يسامحنى
سمير بوسى انا لسه ماسفرناش لو تحبى تختارى اهلك انا انسحب من حياتك
بوسى انا بتقول كده ليه انا عمرى مااستغنى عنك أبدأ
سمير انا عارف ان مش سهل عليكى بعدك عنهم لكن انا حجيبك ليهم ونحاول مع بعض نراضيهم تانى وتالت ماتخافيش
بوسى بجد ياحبيبى
سمير طبعا ياقمر ى بجد
خلص الفرح وودعوا الضيوف وبدأوا طريقهم للغردقه
لبداية جوازهم
الطريق من اسكندريه للغردقه طويل وسمير كان حابب يسافر هو وبوسى بعربيته طول الطريق كان ماسك ايديها وهو بيسوق فرحان
بيها وبوسى
كمان كانت فرحانه جدا وهى شبه الاميرات ومعاها حبيبها لكن حبيب الاميرات بيكون أمير وسيم من نفس سنها عمر حبيب الاميره كان من عمر الملك نفسه
سمير حبيبى لو تعبانه نامى شويه الطريق طويل
بوسى انا مانمتش من امبارح فعلا لكن خلينى صاحيه معاك اونسك
سمير لا ياقلبى ارتاحى انتى انا متعود على السفر العربيه مسافات طويله
بوسى خلينى صاحيه هو مافيش اغانى اسمعها
سمير اه ياحبيبى حتلاقي شنطة السى دى فى تابلوه العربيه طلعيها
بوسى مدت ايديها وفتحت التابلوه وطلعت شنطه السى ديهات وقعدت تدور فيهم
بوسى ايه ده ياحبيبى دى كلها اغانى قديمه او اجنبى
سمير ماانا مش بسمع غير كده ياحبيبتى بحب اسمع الست وفيروز عبد الوهاب وعبد الحليم وبحب اوى سيلين ديون علشان صوتها جميل ودى الاغانى الغربى إللى حتلاقيها
بوسى يعنى مافيش عمرو دياب ولا حماقى
سمير اسف ياحبيبتى أول مانوصل حعملك شنطه سي ديهات خاصه بيكى انتى علشان لما تحبى تسمعى تلاقى إللى على مزاجك
بوسى طيب مش ممكن اشغل من الموبايل
سمير أيوه طبعا ممكن
بوسى وصلت اليو اس بى بين كاسيت العربيه وموبايلها وشغلت اغنيه عمرو دياب
وانت ويايا ياما قولت ان شاء الله ياحبيبى ان شاء الله
.تبقى ليا ان شاء الله
قلبى اتمناه من بين الدنيا بحالها نداله وجاله
الله الله اهو ده إللى مافيش اتنين فى جماله
مين يبقى معاه كل ده ويفكر او يشغل باله
بناس وخياه .لا لا لا
وانت ويايا ياما قولت ان شاء الله
ياحبيبى ان شاء الله تبقى ليا ان شاء الله
عمرى ماحنساه وده وعد عليا وكلمه هاكدهاله
ومن اليوم ده لو فاتوا سنين عمرى هاعيدهاله
مين يبقى معاه كل ده ويفكر او يشغل باله بناس وحياه .لا لا لا
وانت ويايا ياما قولت ان شا الله ياحبيبى ان شاء الله
تبقى ليا ان شاء الله
خلصت الاغنيه وسمير وقف الكاسيت
بوسى هى ماعجبتكش
سمير وهو بيبص فى عيونها بالعكس دى عجبتنى جدا دى وصلت كل كلمه نفسى اقولهالك كأن انا إللى كتبت كلماتها وليكى انتى مخصوص
بوسى بحب ربنا يخليك ليا ياحبيبى انا عمرى ماحبيت حد اد ماحبيتك
سمير هو انتى حبيتى قبل كده
بوسى ببراءه أيوه حبيت واحد زميلى فى ابتدائي كان بيجيبلى شوكولاته كل يوم
سمير مقهها ههههههههه يعنى كنتى بتحبى الشيكولاته ياروحى مش هو
بوسى بصراحه ايوه اصله كان طيب اوى اصحابنا كانوا بيضحكوا عليه
سمير وهو فاتح ذراعه لبوسى تعالى فى حضنى ياقلبى
سمير ده مكانك الوحيد أوعى تسيبيه خليكى دايما فى حضنى
بوسى يسلملى حضنك وقلبك وكل حته فيك
سمير بحبك يابسنت طلعتيلى منين وجعتى قلبى وخلتينى اخاڤ على عمرى ليخلص قبل مااشبع منك
بوسى بعد الشړ عنك ياحبيبى ربنا يخليك ليا أوعى تقول كده تانى انا ماليش غيرك فى الدنيا دى
سمير ربنا يقدرني وأسعدك
سمير كان مبسوط وهو شايفها نايمه وكان كل شويه يبص على ملامحها البريئة على عكس لما بتكون صاحيه وعيونها مليانه شقاوة
عدى الطريق وبوسى ماسبتش حضڼ سمير خالص
وصلوا الفيلا وفتحلهم رجل الأمنالسيكيورتى المخصص للفيلا
اسلام اهلا ياباشا حمد الله على السلامه الف مبروك
سمير الله يبارك فيك يا اسلام عقبالك
اسلام ربنا يخلى سعادتك الف مبروك ياهانم
بوسى الله يبارك فيك
دخلت بوسى الفيلا وهى عيونها بتدور فى كل مكان من الجمال صحيح سمير كان بيبعتلها كل الديكورات على النت لكن الحقيقه مختلفه شكل الفيلا باللون الابيض والاضاءه البيضاء المنتشره فى كل مكان من جوانب الفيلا عاطيها شكل رائع ده غير الموبيليات أول مادخلت ومنظر الانتريه الأول وايت والمشغولات المحيطه بيه من اللون الفضى والاضاءه البيضاء أيضا
وغرفة السفره الكلاسيكية التى تشبه السفرات الملكيه
بوسى كانت مبهوره بكل حاجه حواليها
سمير ايه يااقمرى عجبك بيتك
بوسى بانبهار عجبنى ده تحفه ده روعه
سمير انتى إللى خليتى ليه طعم ومعنى البيت ده من غيرك كان مهجور انا كنت برجع للنوم وبس
بوسى وهى بتمسك فى ايده خلاص ياحبيبى بعد كده حتقضى معظم وقتك معايا
سمير طبعا ياقلبى هو انا حقدر اسيبك بعد كده
بوسى بحبك
سمير وهو بيغمز بعينه ايه ياقمر ى مش حتشوفى أوضة النوم ولا ايه
بوسى ماشى ياحبيبى يلا
سمير نزل بوسطه وحط ايده عند وسطها والايد التانيه من تحت ركبتها وشالها وطلع بيها للدور التانى بوسى كانت مكسوفه من سمير جدا ووشها كان لونه لون الفراوله لكن لفت ايدها حوالين رقبته وخبت وشها فى صدره
وصلوا غرفة النوم وزاد انبهارها خصوصا أن دى الغرفه الوحيده إللى سمير عملهالها مفاجأه لكن كانت اجمل مفاجأه الغرفه كانت من اللون البيج وبنفس الاضاءه البيضاء الخافته مع الشموع الذهبيه كانت جميله جدا
سمير ضمھا لحضنه وباسها من رأسها
سمير حبيبى تدخلى تغير لبسك يلا الشغاله رصت كل لبسك فى الدولاب من يوم ماجبته معايا
بوسى بحزن ربنا يخليك ليا ياحبيبى انت مانسيتش حاجه خالص كان المفروض ماما هى إللى تعملى كل ده
سمير ياقلبى مش عاوز أشوف الحزن ده فى عيونك أبدأ من انهارده عاوز أشوف ضحكتك وبس وماتنسيش ان المسافه طويله وماما ماكنتش حتقدر تيجى كل المسافه دى
بوسى هزت رأسها بالموافقه ودخلت تغير لبسها
وسمير غير لبسه ولبس بنطلون لكن فضفاض خرجت بوسى ومنزله شعرها الاسود على ظهرها
سمير باعجاب ايه ده القمر نزل فى أوضتى هنا
بوسى بخجل ودلع سمير بس بقى
سمير عيون سمير قلب سمير وروحه تعالى بس اقولك كلمه.. يتبع
الحلقه الحادية عشر
بعد ماسكتت شهرزاد عن الكلام المباح وبعد ماعدت ليله سمير بخبرته عرف بوسى ببراءتها ايه معنى العلاقه الزوجيه بدفاها وحنانها سمير كان حنون لاقصى درجه تعامل معاها بحرص انها مرتها الأولى اما بالنسبه له حدث ولا حرج هو صحيح كان من جواه إحساسه مختلف جدا لان هو كمان ولأول مره يكون هو الرجل الأول فى لمس امرأته فحتى زوجته الأولى كانت متزوجه من قبله لكن المره دى مختلفه بكل معنى الكلمه بوسى طفله وهو أول راجل فى حياتها وده كان مخلى قلبه طاير بيها اشرقت شمس الغردقه ونورت فى عيون عروستنا بوسى بدأت تفتح عيونها وتحرك جسمها لكن حست بأيد سمير وهى بتحضنها وبيقربها لصدره وكأنه بيطمنها انه معاها
سمير صباح الورد والفل والياسمين على عيون قمرى وقلبى
بوسى بخجل صباح الخير ياحبيبى
سمير وايه الكسوف ده بقى بس تعرفى ان كل ماتكسفى ووشك يحمر كده ويبقى لون الفرولايه بمۏت فيكى اكتر
بوسى خلاص بقى ياحبيبى والله شوف وشى حاسه انه وينفجر من السخونيه
سمير وهو بېلمس خدها بايده يا خبر ده حبيبى سخن خالص
بوسى انت مش حتقوم ولا ايه
سمير بمكر لا اقوم ليه
بوسى احم احم يعنى تقوم تدخل التواليت مثلا تاخد شاور
سمير لا قومى انتى الأول
بوسى وهى بتبص عل نفسها لا قوم انت بقى علشان خاطرى
بوسى كانت مكسوفه تقوم وتشيل الغطا من عليها وسمير كان فاهم ده كويس لكن حب يعاكسها
سمير خلاص خلاص انا حقوم اهو قبل وشك ماينفجر ويغرق السرير فراوله
بوسى هههههه ماشى يلا قوم
سمير يعنى اقوم كده من غير ماتدفعى تمن قومتى من جنبك
بوسى مش معايا فلوس دلوقتى
سمير ومين قال انى عاوز فلوس انا عاوز حاجه تانيه
بوسى عاوز ايه
سمير وهو بيشاور على خده بايده عاوز حاجه من تحت الحساب
بوسى اااااه لا خليك بقى وانا حنام
سمير هههههه خلاص اهو انا قايم
دخل سمير التواليت إللى فى الاوضه وبوسى وماصدقت قامت لبست القميص والروب
سمير كنت عارف على فكره انك بتمشينى علشان كده
بوسى انا حدخل اخد شاور
سمير ماشى ياقلبى بس بسرعه علشان خارجين
بوسى خارجين انهارده
سمير أيوه حبيبتى ولا انتى تعبانه
بوسى لا مش تعبانه لكن أعرف أن العروسه مش بتخرج من البيت علطول كده
سمير ياحبيبى ده كان زمان وبعدين احنا كمان مسافرين مش خارجين وبس
بوسى بفرحه مسافرين بجد يعنى شهر عسل وكده
سمير اه ياحبيبتى سهر عسل بس هو ايه كده
بوسى مش عارفه اقصد يعنى حنتبسط
سمير انا اصلا موجود علشان ابسطك وافرحك بس ممكن يلا بقى علشان نلحق نخرج
بوسى فوريره ثوانى واخرج
سمير ههههههه بيبى صغنن بس بمۏت فيكى
دخلت بوسى أخدت شاور وخرجت لبست برموده روز وعليه بادى ابيض كت وبليروه روز من نفس خامة البرموده ونظاره شمس بيضاء مع حذاء رياضى ابيض وشراب قصير ابيض
سمير أول ماشافها لابسه كده عجبه شكلها جدا لكن اللبس ده كان موضح انها سنها صغير لكن ماحبش يبين لها
بوسى ايه رأيك ياحبيبى حلو كده
سمير قمر طبعا
خرج
خلصوا فطار وسط دلع سمير لبوسى وأنه يأكلها بايده ويعاكسها ويسمعها احلى كلام غزل
خرج سمير وهو ماسك بوسى فى ايده وكأنها بنته
ركبوا العربيه وكان سايس الجراج راجل سنه كبير وهو بيمسح زجاج العربيه شاف بوسى جواها سمير كان بيدى تيبس الراجل
الراجل شكرا ياباشا ربنا يخليلك الهانم الصغيره وتفرح بيها
سمير مشى بالعربيه بسرعه ووشه بقى ستين لون فى بعض وبدأ عقله يفكر معقول من أول يوم كده الناس حتحسسنى انها بنتى لا ماهى لابسه لبس عيله صغيره مش واحده ست متجوزه أبدأ ده
بوسى حست ان سمير اتضايق من كلام الراجل وحبت تتكلم معاه وتغير الموضوع
بوسى حبيبى هو احنا حنسافر امتى انهارده
سمير اه ياحبيبتى لكن الفجر ان شاء الله معاد الطياره
بوسى هو احنا حناخد ايه معانا
سمير عادى ختحضرى شنطتك زى أى سفر
بوسى باحراج اصل انا ماسافرتش قبل كده ومش عارفه اخد ايه معايا
سمير ولا يهمك ياقلبى انا ححضرها معاكى
بوسى ربنا يخليك ليا ومايحرمنيش منك أبدأ ياجوزى وحبيبى واخويا وابويا
سمير ياااه كل ده علشان احضر الشنطه
بوسى لا كل ده علشان انا بحبك اوى
سمير اخدها فى حضنه وباس رأسها وانا بحبك اوى يانور عينى
رجعوا على البيت بعد مافرجها على البلد وكانوا أخدوا معاهم غدا فى الطريق دخلت بوسى تجهزه وخرجت بيه قعدوا اتغدوا وطلعوا يرتاحوا شويه قبل مايحضروا الشنط وطبعا زى أى عرسان جداد ماارتاحوش ولا حاجه و..............
سكتت شهرزاد عن الكلام المباح
سمعت بوسى صوت اذان العشاء وفتحت عيونها شافت سواد الليل والقمر ظهر فى السما من شباك أوضة نومها لفت نفسها وقامت قبل سمير مايصحى أخدت شاور ولبست وراحت تصحيه
بوسى حبيبى قوم ياقلبى
سمير ايه يابوسى تعبان مش قادر
بوسى سمير احنا بقينا بالليل ولسه ماحضرتاش الشنط
سمير هى الساعه كام دلوقتى
بوسى الساعه حوالى تسعه
سمير تعالى طيب اقولك حاجه
بوسى لا قوم بقى وبعدين قولى
سمير تعالى بس
بوسى سمير قوم علشان خاطرى انا صحيت من بدرى واخدت شاور ولبست وعملت كل حاجه وانت نايم
سمير حاضر يا ستى ادينى قومت اهو عاوزه ايه بقى وبحركه سريعه كان رافعها من على الأرض واخدها بين ذراعاته وعلى رجله حضنها جامد وهى مكسوفه اوى
سمير ههههه يادى الفراوله بتاعتك دى ياحبيبتى انا جوزك
بوسى كده
خضيتنى اهون عليك
سمير لا ياقلبى ماتهونيش وعلشان كده لازم اتأسف
سمير فضل يبوس فى كل جزء فى وش بوسى بوسات هاديه بسيطه
بوسى بحبك
سمير وانا بمۏت فيكى ماتيجى اقولك موضوع
بوسى يلا بقى ياحبيبى الشنط
سمير قومى يابوسى قومى يادى الشنط
دخل سمير اخد شاور وخرج جهز الشنط معاها وهما اخر انسجام وضحك وهزار
بوسى حبيبى انت ليه حاطط لبس تقيل اوى كده
سمير علشان المكان إللى ريحينه الجو فيه بارد
بوسى مش حتقولى برده مسافرين فين
سمير ده مفاجأه
بوسى بحب مفاجأتك اوى
سمير وانا بحبك انتى وبموت فيكى انتى وكل ليكى انتى
قفلت الشنط ونزلها وطلع تانى لبوسى علشان يختار لها لبس للسفر سمير قرر مايحطش نفسه فى موقف زى موقف السايس ده تانى
وقف قدام دولابها محتار كل اللبس لبنوته صغيره مش لليدى لكن اخيرا قدر يلاقى طقم كلاسيك عباره عن بدله سودا وبلوزه حرير لونها نبيتى ونقالها شوز نبيتى بكعب وشنطه كريستيان ديور نبيتى
بوسى ده انا حلبس ده وانا مسافره
سمير أيوه ياحبيبى
بوسى بس ده مش حيريحنى فى السفر
سمير حبيبتى وماينفعش تلبسى جينز انا معروف فى المطار وفى الاوتيل إللى حتنزل فيه ولازم مراتى تكون طلتها الأولى انها من أشيك ستات مصر
بوسى بحبك وبحب كلمة مراتى دى منك اوى بحس بالغرور
سمير غرور ايه
بوسى انا بكون
مغروره انى مرات اجمل راجل فى الدنيا
سمير وهو بيقرب منها وبيحضنها اتغرى براحتك ياقلبى بس كده بقى لازم اقولك على موضوع
وسكتت شهرزاد عن الكلام المباح
الحلقه الثانية عشر. ...ج
بعد ماسكتت شهرزاد وبعدها بشويه بوسى سمير دخلوا فى نوم عميق صحى منه سمير مڤزوع على رنة المنبه
سمير بسبوسة قومى ياقلبى حنتاخر على الطياره
بوسى بصوت نايم ايييه ياحبيبى شويه صغننه بس
سمير قومى يابوسى مش هينفع لازم نجهز وننزل علطول
بوسى اهو خلاص صحيت
سمير طيب يلا قومى خدى شاور والبسى انتى الأول انا مش بتاخر فى لبسى
بوسى حاضر
دخلت بوسى أخدت شاور وخرجت لبست البدله إللى مختارها سمير وعملت ماكياج هادى وسمير جهز نفسه وخرجوا من البيت على المطار طبعا كان فى استقبال سمير واحد من موظافينه اسمه عمر
عمر حمد الله على السلامه ياباشا ادينى الباسبورات اخلص الإجراءات
سمير الله يسلمك ياعمر ماشى اتفضل
اخد عمر الأوراق ودخل خلص إجراءات السفر لسمير وبوسى وبعدها سلم سمير الباسبورات
عمر اهلا بحضرتك يامدام الغردقه نورت
بوسى اهلا بحضرتك منوره بأهلها
بوسى حبت تتذاكى وتعرف من عمر هما رايحين بلد ايه
بوسى هو حضرتك اسمك ايه
عمر أسمى عمر ياافندم وبشتغل مع الباشا فى الشركه
بوسى بقولك ايه ياعمر هو احنا مسافرين فين لانى نسيت
عمر حضراتكم مسافرين تركيا
بوسى اه صحيح تصور كنت ناسيه
عمر اهو الباشا وصل اهو
سمير بعد ماخلص باقى الإجراءات رجع لبوسى إللى كان سايب عمر معاها لكن وهو جاى شافها وهى بتتكلم مع عمر وده ضايقه
عمر خلاص ياباشا
سمير أيوه ياعمر خلاص شكرا ليك تعبت معايا
عمر تحت امرك ياباشا فى أى وقت
سمير تسلم ياحبيبى
عمر استأذن انا بقى أى أوامر منى
سمير شكرا
بوسى شكرا ياعمر ميرسى على المعلومه
عمر هز راسه وابتسم ومشى لكن جنب بوسى كان فى بركان متمثل فى هيئة راجل اسمه سمير
سمير پغضب .هو ايه إللى شكرا ياعمر انتى ازاى تكلميه كده وايه المعلومه بقى ان شاء الله انتوا اتناقشتوا مع بعض كمان
بوسى لا يا حبيبى انا بس كنت عاوزه اعرف احنا رايحين فين واغيظك وسألته
سمير پغضب اكبر ايه التفاهه دى بطلى شغل عيال زراعة انك مرات الراجل إللى مشغله واخر مره يابسنت تتعاملى مع حد من موظفينى من غير القاب
بوسى پخوف وحزن انا اسفه ماكنتش اقصد مش حعمل كده تانى
سمير لا اعملى براحتك علشان تشوفى الوش التانى
بوسى خلاص انا اسفه
سمير حس انه زودها وان خوفه من سن بوسى بدأ يعمله مشكله
سمير وهو بيحاوط كتفها بذراعه خلاص مافيش حاجه ماتزعليش منى بس علشان خاطرى راعى غيرتى عليكى
بوسى بدموع حاضر
سمير يلا بقى علشان نلحق الطياره
طلعوا الطياره وكانت أول مره بوسى تركبها وكانت خاېفه جدا لكن سمير فضل حاضنها يطمنها وفضل يشغلها بالكلام لحد ماحلقت الطياره فى الجو وبعد شويه كانت بوسى اتعودت على الموقف
سمير حبيبى لو عاوزه تنامى شويه لحد مانوصل نامى
بوسى لا مش هعرف انام
لكن بعد دقايق بوسى استسلمت للنوم وسمير كمان صحوا على تنبيه المضيفه بربط الاحزمه لهبوط الطائره
نزلوا فى المطار وكان فى ليموزين تابع لشركة سياحه بتتعامل مع شركة سمير مستنيهم
أحدهم ووصلهم لمنطقه جبليه فى تركيا هى منطقه جميله بتتميز بالهدوء وشكل بيوتها الرائع والخضره المحيطه بالمكان
بوسى كانت بتتفرج وهى مبهوره كان حلم عمرها تسافر تركيا وتشوف مهند والسلطان ابراهيم وامير حبيب فريحه افتكرت انها فى مره حكت لسمير على حلمها ده ودلوقتي عرفت هو ليه اختار تركيا
بوسى حبيبى شكرا
سمير بدهشه شكرا على ايه ياقمرى
بوسى انك حققت حلمى زى مادايما بتحقق احلامى
سمير مش انا قولتلك انا اتخلقت علشان اسعدك
بوسى ربنا يخليك ليا
سمير ويخليكى ياقلبى
وصلوا عند البيت إللى حيقضوا فيه شهر العسل
بوسى ايه ده ياحبيبى انت مش قولتيلى حتنزل فى اوتيل
سمير ما هى دى المفاجاه تعالى بس افرجك
اخدها سمير ودخل البيت وكان شبه الفيلا الصغيره فيه حديقه جميله مليانه بأجمل الأزهار وشكل الثلج وهو نازل على زجاج الشبابيك مزود جمال البيت
دخلت البيت كان سمير مجهزه باشيك زينه وشموع فى كل مكان وبالونات هيليوم طايره فى السقف
بوسى بفرحه الله ايه الجمال ده كله
سمير عرفتى انا ليه ماحجزتش فندق
بوسى حبيبى ربنا يخليك ليا ومايحرمنيش منك
سمير يلا ياقلبى نرتاح شويه وبعدين ننزل افرجك على تركيا
بوسى وحتورينى مهند وامير
سمير بهزار انتى يابت عاوزه تشوفى رجاله غيرى وبتقوليلى كده عادى
بوسى هههه معلش بقى ياحبيبى دول مش رجاله دول ممثلين يعنى
سمير اڼفجر فى الضحك وهو الممثلين مش رجاله طيب كويس والله معلومه جديده
بوسى قصدى يعنى انهم مش حيعرفونى
سمير خلاص ياحبيبتى انا بهزر معاكى انا اصلا جيبتك تركيا بعد ماعرفت ان فى مهرجان وان الممثلين بتاعك دول حيكونوا موجودين
بوسى بفرحه هيييه وعمر كمان حيحضر
سمير وايه إللى حيجيب عمر وفرحانه كده ليه
بوسى مش انت بتقول ان كل الممثلين حيكونوا موجودين فى المهرجان وعمر ده حبيب ديما فى حب للإيجار
سمير بتنهيده أيوه اكيد ياحبيبتى
سمير أرتاح بعد ماعرف مين عمر واخدها وطلعوا يرتاحوا
ارتاحوا شويه وبعدها سمير طلب غدا من مطعم تركى مشهور لكن طلبه فى البيت لما حس ان بوسى تعبانه ومرهقه من السفر
بوسى هو احنا مش حتخرج
سمير حبيبتى انتى مش حاسه بارهاق
بوسى بصراحه عندى صداع جامد اوى وحاسه بدوخه
سمير ده طبيعى ياقلبى علشان أول مره تركبى طياره
بوسى خلاص نتغدى هنا وترتاح انهارده لكن بكره ضرورى ان شاء الله نخرج
سمير حاضر ياقلبى
وصل الغدا واتغدوا وطلعوا اوضتهم يرتاحوا سمير كان بيتعامل مع بوسى زى البسكوته إللى خاېف عليها من الهوا فضل واخدها فى حضنه وهما فاردين جسمهم على السرير بوسى كانت سانده رأسها على صدره هو محاوطها بذراعه لكن هى كانت حاسه انه محاوطها بقلبه وحنانه
بوسى الصداع بيزيد اوى ياحبيبى
سمير حاضر ياقلبى حجيبلك مسكن
سمير عطاها قرص مسكن ومسكلها كوباية المياه يشربها
بوسى أخدت المسكن ونامت وهى بين أحضان سمير
وسمير كان فرحان بيها بيبص عليها وهى نايمه شايف ملاك قدامه شايف براءه ملهاش حدود وشقاوه لبنت صغيره كل ده كان بيزيد من حبه ليها لكن كانت دايما مشكلة السن بتيجى فى باله خاېف ليظلمها فى يوم من الأيام نام من كتر تفكيره وساب كل حاجه للايام
الحلقة الثانية عشر
هل النهار بنوره على تركيا واظهر جمالها اكتر
فتحت بوسى عيونها وحست ان حالتها احسن بكتير ولقت نفسها فى حضڼ سمير وهو لافف ايده عليها محتويها بجد وكأنه بيقولها انا مخبيكى بين ضلوعى
سمير فتح عيونه ولقى بوسى بتبصله نظره كلها حب فرح من جواه
سمير
بوسى ده انت إللى قمر
بجد
سمير بتعاكسينى لا ده مراتى تاكلك
بوسى انا بحبك اوى هو انت ممكن تسيبنى فى يوم
سمير تعرفى ان انا إللى خاېف تندمى انك اتجوزتى راجل أكبر منك تسيبينى
بوسى انا مااقدرش اسيبك انا بحبك واتخليت عن الدنيا كلها علشانك
سمير ماما وبابا وحشوكى
بوسى اكيد وحشتنى ماما اوى وبابا طبعا لكن ماتوقعتش ان قلبه يكون قاسى كده
سمير طيب ماتقومى تكلميهم
بوسى بابا مش حيوافق
سمير خلاص ياقلبى علشان مايحصلش حاجه تضايقك واحنا فى شهر العسل خلينا لما نرجع نكلمهم
بوسى يلا بقى علشان نلحق نتفسح
سمير يلا ياقلبى علشان نخرج نفطر كمان
لبست بوسى بعد مااخدتش شاور ولبس سمير واخدها وخرجوا كانت فى انتظارهم عربيه بالسواق
سمير فهم السواق يروح فين
بوسى انا رايحين فين
سمير خليها مفاجأه
وصلوا المكان ودخلوا وسمير ماسك ايده فى ايدها
بوسى الله ده المكان إللى بييجى فى المسلسلات التركية انا حفطر فى المكان إللى كانت بتقعد فيه ديما وعمر وسمر ومهند
سمير ههههههه عجبتك المفاجأة
بوسى بس انت عرفت منين المكان ده
سمير اتفرجت على المسلسلات وشوفت الاماكن إللى بيرحوها
بوسى بغرحه انا فظيع انت حبيبى ربنا يخليك ليا
سمير افطرى كويس علشان لسه فى مفاجأت تانيه
بوسى حاضر حاكل اكلى كله انت بتغذينى من دلوقتى علشان البيبى لما يوصل اكون متغذيه
سمير اتغيرت ملامح وشه لكن ماحبش يوضحلها انه اتضايق
سمير انتى البيبى بتاعى ياقلبى وانا لازم اهتم بيكى
بوسى انا بحب الأطفال جدا انت بتحبهم
سمير اكيد مين مش بيحب الأطفال
بوسى نفسك نجيب كام بيبى
سمير بعصبيه يوووه يلا يابوسى شوفى حنفطر ايه علشان نلحق نمشى
بوسى پخوف حاضر ياحبيبى اختار انت
سمير طلب الفطار
أول ماوصل الجرسون بالأطباق شغل نفسه بالاكل وماتكلمش ولا كلمه
بوسى حبيبى انا شبعت
سمير كملى اكلك
بوسى پغضب طفولى لا ماليش نفس
سمير بوسى ماتعصبنيش وبلاش دلع
بوسى بجد خلاص مش قادره اكل
سمير خلاص يلا بينا
بوسى يلا
سميراخد بوسى من ايديها كأنه ماسك بنته مش مراته
ركبوا العربيه وطبعا سمير كان قايل السواق على خط سيره
سمير بوسى انا اسف
بوسى لا عادى مافيش حاجه
سمير وهو بيرفع ايدها عند شفايفه يقبلها خلاص بقى بقولك اسف
بوسى بدموع انا ماعملتش حاجه وانت زعقتلى
سمير حقك عليا ماتزعليش انا بس عندى مشاكل فى الشغل وعرفت بيها انهارده علشان كده متنرفز
بوسى لو تحب ننزل مصر ماشى ياحبيبى
سمير لا ياقلبى ده شهر عسلك وانا اضحى بأى حاجه الا إللى يخص حبيبى
بوسى ربنا مايحرمني منك بس ماتزعقليش تانى علشان انا بخاف
سمير حاضر ياقلبى
وصل سمير وبوسى لمحل ملابس مشهور فى تركيا وشافت هناك لبس شبه إللى بتلبسه البطلات إللى بتحبهم
بوسى وااااو ايه الشياكه دى
سمير يلا ياحبيبى اختارى كل إللى يعجبك
بوسى بس انا مش بلبس كده انا بحب الجينز والكاجوال
سمير خلاص ياحبيبتى مابقاش ينفع تلبسيهم انتى دلوقتى حرم
رجل الأعمال سمير الكردى ولازم تكونى أشيك ست فى مصر
بوسى خلاص اختارلى انت
سمير من عيونى ياقمرى
سمير اختار لبس كتير جدا كان كله بدل كلاسيك باختلاف أشكالها وألوانها وكلها مع الاحذيه بالكعب العالى والشنط إللى من الماركات العالميه الملابس كلها كانت بتدى بوسى سن ابر من سنها بكتير وده هدف سمير الأساسى من اختيار نوعية الملابس دى
بوسى كفايه كده ياحبيبى احنا اشترينا لبس كتير جدا
سمير الدنيا كلها مش كتير عليكى
خرج سمير وبوسى من المحل اتفرجوا على اماكن سياحيه فى تركيا بإسطنبول بالأخص وراحوا على ميدان تقسيم
واتغدوا فى أشهر المطاعم وبعدها رجعوا على البيت
سمير حبيبى تعالى نرتاح شويه وبعدين ننزل نقعد فى الجنينه
بوسى نرتاح من ايه احنا ماتعبناش ولا انت إللى شكلك عجزت
سمير سمع الكلمه وزى مايكون انكب عليه دورق مياه مثلجه
بوسى انتبهت لكلمتها وحطت ايدها على فمها وفضلت باصه على تعبيرات وش سمير لكن للاسف هو كان مصډوم من الكلمه
بوسى حبيبى والله العظيم انا مقصد ش حاجه انا اسفه والله كنت بهزر معاك عادى
سمير ولا يهمك مافيش حاجه
بوسى جريت وراه ومسكت ايده وهو شد ايده وطلع على اوضتهم دخل وقفل الباب لكن هى فتحت الباب ودخلت وراه
بوسى سمير والله العظيم ماقصدش انا اسفه
سمير حبيبتى عادى انا فعلا كبير لكن انا كان قاصدى نقعد مع بعض شويه
بوسى انا كنت بهزر وانت مش كبير ولا حاجه انا قولت كلمه عاديه كنت ممكن اقولها حتى لو كنت شاب
سمير بعصبيه بسنت كفايه انتى عماله تعالى وانا اقول مش قاصده مش قاصده لكن بس بقى انا مابجرحكيش يبقى انتى كمان ماتضايقنيش اكتر من كده ولو سمحتى عاوز اقعد لوحدى شويه
بوسى حاضر انا حنزل تحت
خرجت بوسى وفضل سمير لوحده ساعات وبوسى قاعده تحت دموعها مش بتقف هى بتتكلم بتلقائية لكن جرحته كانت قهرانه من جواها ازاى هو فرحها وازاى هى وجعته كده
سمير بعد ماهدى نزل يشوفها لقاها لسه بټعيط وصوت شهقاتها مسموعه قلبه رق وصعبت عليه بالرغم من انها وجعته
سمير خلاص يابوسى ماتعيطيش
بوسى نزلت قعدت على الارض تحت رجل سمير ومسكت ايده وفضلت تبوس فيها وهى بتزيد فى البكاء
بوسى سامحنى حبيبى انا ماقصدش انا عيله هبله عبيطه علشان خاطرى أوعى تزعل منى
سمير وهو بيرفعها من الأرض خلاص ياقلبى قومى انا إللى آسف فهمتك غلط واوعى تقعدى تحت رجلى كده تانى انتى حبيبتى وبنتى ومراتى انتى القمر إللى فى السما
بوسى انا بحبك اوى
سمير يلا بقى علشان عاوزك فى موضوع فوق
بوسى وهى بتمسح دموعها بايدها زى الأطفال ماشى يلا بينا
كانت فرحانه بحب سمير ليها
وصلوا اوضتهم كالعاده بتسكت شهرزاد عن الكلام المباح
عدت ايام شهر العسل من غير أى جديد سمير بيحاول يسعد بوسى بأى طريقه وبوسى فرحانه بعينها الجديده لحد ماجه اليوم إللى حينزلوا فيه مصر
جهزوا شنطهم وراحوا على المطار خلص سمير الإجراءات وبعدها ركبوا الطياره
الحلقه الثالثة عشر.
أعلنت المضيفه عن وصول الرحله القادمه من اسطنبول للقاهره هبطت الطائره على مطار الغردقه
خرج سمير وفى ايده بوسى وكان فى انتظارهم عمر الموظف إللى كان وصلهم
عمر حمد ال٣له على السلامه سعادتك .حمد الله على سلامتك يامدام
سمير الله يسلمك ياعمر
بوسى الله يسلمك
سمير كانت عينه على بوسى وفى نيته لو كررت غلطها واتكلمت مع عمر تانى حيسود عيشتها
سمير عمر انا حاروح على الشركه ولو سمحت توصل المدام الفيلا
عمر تحت امرك ياباشا اتفضلى يامدام
ركبت بوسى مع عمر العربيه التابعه للشركه وسمير ركب عربيته إللى كان راكنها فى المطار من يوم السفر
بوسى لو سمحت هو مافيش كاسيت فى العربيه دى
عمر فى يامدام حضرتك تحبى تسمعى حاجه معينه
بوسى سمعنى على ذوقك
عمر حاضر وشغل اغنيه الله على جماله لعمرو
دياب
بوسى واو حلوه اوى الاغنيه دى انا بحبها جدا شكلك ذوقك زى ذوقى
عمر شكرا ياافندم
وصل سمير للشركه ودخل على مكتبه وطلب من سكرتيرته منع دخول أى شخص
سمير أول مداخل المكتب راح على جهاز الكمبيوتر بتاعه فتح الجهاز وقعد يفتح فى الأنظمة جواه وبدأ يسمع صوت اغانى فى العربيه إللى راكبها بوسى وعمر
سمير عمل استرجاع للتسجيل الصوتى وسمع كلام بوسى وعمر عن الاغانى من أول ماركبت العربيه
سمير اټجنن وبدأ وشه يحمر والڠضب اتملك من كل ملامحه قام من كرسى مكتبه بعصبيه لدرجه وقعت الكرسى الجلد المبطن
وصلت عربية عمر وبوسى عند بوابة الفيلا عمر نزل وفتح لبوسى باب العربيه
بوسى ميرسى تعبتك معايا
عمر مدام كنت بس عاوز انبه حضرتك لحاجه
بوسى اتفضل
عمر بعد كده ياريت حضرتك تنتبهى لو ركبتى عربيات الشركه
بوسى ليه
عمر عربيات الشركه فيها اجهزه مراقبه على أعلى مستوى علشان خدمة وأمان السياح
بوسى طيب وانا ايه علاقتى
عمر يعنى انا عارف والله ان حضرتك بتتكلمى بطبيعتك لكن سمير باشا طبعه صعب شويه انا بشتغل معاه من زمان وعارفه انا اسف انى قولتلك لكن انا اعتبرتك زى اختى الصغيره
بوسى شكرا ياعمر انا فعلا من انهارده حعتبرك اخويا
عمر ده شرف ليا ياافندم
دخلت بوسى الفيلا وكان فى استقبالها الشغاله
بوسى سلام عليكم ازيك
الشغاله اهلا ياهانم الف مبروك وحمد الله على سلامتك
بوسى الله يبارك فيكى شكرا انتى اسمك ايه
الشغاله انا ماجده
بوسى وانا بسنت وقوليلى يابوسى
ماجده اهلا بيكى ياحبيبتى
بوسى طنط ماجده انا حطلع اغير لبسى وارتاح شويه
ماجده حضرتك الهانم قولى ياماجده بس
بوسى لا معلش مقدرش حضرتك فى سن ماما
ماجده ياحبيبتى انا يشرفنى انى أكون بدل ماما
بوسى شكرا ياطنط
طلعت بوسى على أوضة نومها غيرت لبسها بلبس بيت مريح عباره عن بيجاما قطن من اللون الرمادى وعليها رسمه لشخصية باربى
وقعدت ترتاح على سريرها راحت فى النوم
وصل سمير الفيلا وكان باين على وشه الڠضب
ماجده حمد الله على سلامتك ياباشا
سمير ازيك ياماجده الله يسلمك المدام وصلت
ماجده من بدرى ياباشا وطلعت على أوضتها طلعت علشان اشوف حتتغدوا امتى لكن لقيتها نامت ماردتش اصحيها
سمير نامت كمان
ماجده اه والله ياباشا دى نايمه شكلها تعبان جدا
سمير ماشى انا طالع أرتاح انا كمان ساعتين وحضرى الغدا وبلغينى
ماجده أوامرك ياباشا
طلع سمير على اوضتهم وأول مادخل وشاف الملاك إللى نايم على السرير نسى كل عصبيته قرب منها وفضل يملس بايده على شعرها ويمشى صوابعه على وشها
سمير بصوت خاڤت حتعملى فيا ايه يابوسى انا بقيت مچنون بيكى وخاېف تضيعى منى مسيرك تحسى بالفرق إللى بينا وتحسى برغبتك فى الأطفال وانا مش حقدر احققلك الرغبه دى وخاېف تبقى دى نقطة الخلاف بينا
سمير قام من جنب بوسى والدموع محپوسه فى عينه حس انه ظلمها بجوازه منها غير لبسه وراح نام جنبها ضمھا ليه وشدد على احتضانه ليها كانه خاېف لتهرب منه
بوسى فتحت عيونها لما حست بحاجه تقيله وطبعا دى كانت ايد سمير بوسى بصت فى عيونه شافت دمعه نازله على خده
بوسى بحب قامت باست خد سمير الدمعه الساقطھ ڠصب عنه وقتها سمير حس بيها وبدأ يفوق من نومه
بوسى مالك ياحبيبى كنت بتحلم ولا ايه
سمير بكدب اه ياحبيبتى كنت بحلم بيكى
بوسى بيا انا طيب شوفت ايه
سمير شوفت انك بتسيبينى وتمشى
بوسى پغضب انا انا ممكن اسيبك انت ازاى تشوف كده حتى لو فى حلمك
سمير مقهقها
بوسى بدموع وهى بتضربه بأيديها فى صدره أوعى تهزر كده تانى أوعى
سمير حاضر ياحبيبتى انتى مفكره انك تقدرى تسيبينى ده أنا أقتلك
بوسى بدلع وأهون عليك برده ټقتلنى
سمير وهو بيقبلها قبلات متفرقه على وجهها كده غلط عليكى كده انتى بستدرجينى للمواضيع وانا بعشق المواضيع
بوسى بطفوليه بس انا جعانه اوى
سمير ياخبر قلبى جعانه يلا بينا ياقمرى زمان ماجده حضرت الغدا
بوسى بمرح يلا بينا
نزل سمير وبوسى وفعلا ماجده كانت مجهزه الغدا واول مانزلوا حضرت سفره مليانه بما لذ وطاب
.....
بوسى بعد ماشافت السفره الجميله إللى حضرتها ماجده عجبتها جدا
بوسى واو ايه الجمال ده ياطنط ماجده تسلم ايدك
ماجده بحرج تسلمى يامدام بالهنا والشفا
بوسى يوووه ايه بقى ياطنط مش قولتلك بلاش مدام دي انا بوسى قولها حاجه ياسمير
سمير خلاص ياماجده طول ماانتوا فى البيت لوحدكم قوليلها بوسى
ماجده حاضر ياباشا اتفضلوا بالهنا والشفا
سحب سمير كرسى السفره لبوسى وقعدها وقعد هو بعدها
سمير بخبث عملتى ايه بقى انهارده بعد ماسيبتك فى المطار واضح انك اتصاحبتى على ماجده اتصاحبتى على مين تانى
بوسى بتلقائية هو انا قابلت حد من بعد ماسيبتك مافيش غير عمر وصلنى اه صح ياحبيبى لاقيت فى العربيه السى دى بتاع عمرو دياب وعمر شغلى الاغنيه إللى بحبها
سمير ده هو إللى شغلها من نفسه كويس انه فهم ذوقك
بوسى ههههه انا قولتله كده برده
سمير حبيبى مش انا قولتلك انى بغير عليكى وان ماينفعش تكلمى حد
بوسى بس انا ماسألتوش عن حاجه ولا كان فى حوار يعنى ده انا طلبت منه يشغل الكاسيت وده عادى ولما شغل حاجه انا بحبها قولتله ان ذوقه زى ذوقى
سمير ماشى ياقلبى وانا مش زعلان منك علشان عارف ان قلب حبيبى صافى وبيحب يعامل الناس بطبيعته
بوسى اه والله ياحبيبى انا مش بكون قصدى حاجه وحشه ولا انى اضايقك طبعا
سمير بسعاده ياااه ليكى كتير اوى مسمعتنيش كلمة طبعا دى إللى وقعتنى فى حبك
بوسى ططططططبعا
سمير مقههها هههههههههه بحبك بحبك بحبك
بوسى سمير انا نفسى اكلم ماما وخاېفه بابا يرد عليا
سمير كلميها ياحبيبتى ولو بابا رد عليكى سلمى عليه
بوسى تفتكر حيرد عليا بابا قاسى وصعب اوى
سمير جربى ياقلبى
بوسى طيب انا خلاص شبعت حقوم وأكلمهم
سمير خلاص اطلعى كلميهم من فوق براحتك وانا مستنيكى هنا افرجك على فيلم حلو
بوسى ماشى ياحبيبى
طلعت بوسى على أوضتها أخدت موبايلها واتصلت على رقم بيتهم قلبها كان بيدق من كتر خۏفها من مواجهة اهلها وبعد ثوانى سمعت صوت ابوها
الاب سلام عليكم
بوسى پخوف وعليكم السلام يابابا عامل ايه
الاب مين حضرتك
بوسى بدموع انا بوسى يابابا مش عارف صوتى
الاب پقسوه أنا معرفش حد بالاسم ده
بوسى پبكاء انا عاوزه اكلم ماما يابابا علشان خاطرى
الاب انا بنتنا ماټت
قفل الأب التليفون وفتح چرح فى قلب بوسى
بوسى فضلت تبكى وشهقاتها ابتدت تعلا وتعلا وهى بكائها كان بشكل هيستيرى حست بقسۏة ابوها عليها
بوسى فى وسط بكائها كانت بتتكلم بصوت عالى
ليه ليه كده يابابا ليه طول عمرك جامد عليا وقاسى عليا انا عارفه انى غلطانه وانى صدمتك باختيارى لكن اعمل ايه خفت منك انت السبب
يابابا انت السببببببب
سمير طلع على صوتها وصريخها فتح الباب كان مفكر انها بتتكلم فى التليفون لكن اتفاجئ انها بتكلم نفسها
سمير وهو بيحضنها وبيهديها حبيبتى اهدى وفهمينى ايه إللى حصل وحياتى عندك خلاص ماتزعليش
بوسى بهيستيريه قفل فى وشى السكه ياسمير قفل فى وشى وقالى بنتى ماټت بابا موتنى علشان
حبيتك
سمير بحزن طيب اهدى بس مش عاوز أشوف دموعك انا مش مكفيكى ياقلبى
بوسى بس انا عاوزه اشوف ماما واكلمها وحتى قسۏة بابا وحشتنى اوى باعونى ياسمير باعونى
سمير لا ياحبيبتى هما كان نفسهم انتى إللى ماتبيعهمش
بوسى يعنى انا غلطت انى إختارتك حتى انت بتلومنى دلوقتى خلاص زهقت منى وحترمينى
سمير بحب وحنيه بوسى انا مقدر حالتك وعلشان كده مش حزعل منك لكن انتى حاسه انى زهقت منك حاسه انى اقدر اسيبك ابعد عنك انا بخاف عليكى من نفسى
بوسى وهى بتشد على حضنه انا اسفه مقصدتش والله بس تعبانه اوى ياسمير حاسه ان قلبى وجعنى
سمير ارتاحى دلوقتى وكل حاجه وليها حل
بوسى حطت ايدها على فمها وقامت تجرى دخلت التواليت
سمير جرى وراها وفضل حاضنها وماسكلها رأسها وهى بتتقيئ
سمير حبيبتى حاسه بأيه تعالى ارتاحى وانا حجيبلك دكتور
بوسى لا مافيش داعى انا بيحصلى كده من العصبيه دايما
سمير بقلق لا انا عاوز اطمن عليكى
بوسى وهى بتترعش سمير علشان خاطرى عاوزه أنام غطينى
سمير غطاها وفضل حاضنها وسهر طول الليل عينه ماغابتش عنها كان خاېف عليها وهو شايفها بتترعش وتمسك بطنها وملامح وشها بتتغير من الألم وكل ده وهى نايمه
سمير لنفسه ياترى يابوسى حاسه بأيه معقوله كل ده من الزعل انا لازم انزل اسكندريه واروح اتكلم مع باباكى صحيح انتى غلطى لكن ربنا غفور رحيم وانتى مهما كان بنته وانا مش مقصر فى حقك.
الحلقة 14
سمير عانى طول الليل من انشغاله على بوسى وقرر ماينمش غير بعد مايروح لاهلها علشان يفرحها صحيح هو ماكنش عارف ايه رد فعل ابوها لكن لازم يحاول
بوسى صحيت من نومها على ضوء الشمس إللى جه فى عينيها لكن أول مافتحت شافت سمير بيلبس
سمير صباح الفل ياحبيبى انا ماردتش اصحيكى قولت اسيبك ترتاحى
بوسى صباح الخير انت خارج ولا ايه
سمير بكدب ايوه ياقلبى عندى شغل واحتمال اسافر القاهره بسرعه وارجع ان شاء الله
بوسى ماشى ياحبيبى ترجعلى بالسلامه
سمير يلا قومى خدى شاور وانا حخلى ماجده تحضرلك الفطار انا مش هينفع اتأخر
بوسى طيب افطر معايا
سمير معلش ياقمرى انا همشى وانتى افطرى
بوسى حاضر ياحبيبى
سمير حبيبتى عاوزه منى اى حاجه
بوسى سلامتك ياقلبى
سمير باس رأسها وحضنها وخرج من الاوضه نزل لماجده يقولها تحضر الفطار
سمير ماجده لو سمحتى حصرى الفطار لبوسى وخدى بالك عليها علشان كانت تعبانه جدا طول الليل ولو حصل أى حاجه كلمينى
ماجده تحت امرك ياباشا
خرج سمير اخد عربيته وبدأ طريقه للاسكندريه عند اهل بوسى
اما بوسى بعد مااخدت شاور نزلت علشان تفطر
بوسى صباح الخير ياطنط ماجده
ماجده صباح النور ياحبيبتى انا جهزتلك الفطار
بوسى ممكن تيجى تفطرى معايا انا مش بعرف اكل لواحدى
ماجده انا سبقتك والله يابنتي لكن حقعد معاكى لحد ماتفطرى
بوسى بفرحه شكرا ليكى بجد
قعدت بوسى تفطر وماجده قعدت معاها على ترابيزة السفره
بوسى عندك اولاد ياطنط
ماجده ايوه ياحبيبتى لكن متجوزين كلهم
بوسى ماشاء الله ربنا يخليهملك
ماجده ويخليكى يا حبيبتى
بوسى بحزن بتسألى على ولادك ولا شغلك لاهيكى عنهم
ماجده مافيش حاجه تشغل ام عن ولادها
بوسى حتى لو جوزك إللى هو أبوهم منعك عنهم
ماجده ازاى أي يمنع ام عن ولادها الا ان كان فى مشكله او الولاد دول زغلول أبوهم وبيعاقبهم
بوسى لكن ازاى قلبه يطاوعه
ماجده لو حابه تعتبرينى زى مامتك وتتكلمى معايا انا اسمعك
بوسى انا فعلا محتاجه اتكلم لانى تعبانه اوى
ماجده احكى يا حبيبتى وفضفضى وبعد ماتخلصى تعتبر انى ماسمعتش منك حاجه
بوسى حطت لماجده كل إللى حصل من وقت المكالمة الغلط
ماجده ياااه بس اقولك ياحبيبتى انتى غلطانه وباباكى غلطان
بوسى انا غلطانه فى ايه
ماجده غلطى لما فهمتى خوف أبوكى انه قسوه وعلى لما اختارتى سمير باشا ومش قصدى هو بالذات لكن حتى لو كان أى انسان مكانه
بوسى علشان سمير أكبر منى
ماجده السن سبب من الأسباب لكن الاهم ان مافيش حد حيعوضك اهلك تعرفى لوكنتى اخترتى اهلك يمكن وقتها كان أبوكى وافق على الباشا
بوسى بيتهيألك بابا عنيد وصعب ده رغم أن سمير صدق فى كلامه واتجوزنى وزى ما انتى شايفه بيعاملنى ازاى لكن بابا فى التليفون قاللى بنتى ماټت
ماجده حبيبتى انتى موتيه يوم مارميتى تربيته ليكى وتعب امك فيكى
بوسى انا عارفه انى غلطانه حتى سمير قاللى كده
ماجده تعرفى يابوسى لو كنتى اتجوزتى راجل تانى فى نفس عمر الباشا وكل مواصفاته لكن مش بنفس أخلاقه كنتى حتتعبى اوى سمير باشا ومش علشان انا بشتغل عنده لكن شهادة حق انه راجل ابن أصول وابن ناس تربية بشوات بجد بيفهم وعاقل يمكن غيور لكن بيحكم عقله فى كل حاجه وانا شايفه انه بيحبك اوى خدى بالك منه
بوسى انا كمان بحبه اوى لكن نفسى بابا يفهم ويرجع ماما تكلمنى من تانى
ماجده ربنا يصلح الحال يابنتي
بوسى يارب
ماجده انتى مش مأكلتيش حاجه خالص
بوسى مش قادره ماليش نفس وحاسه انى عاوزه ارجع
ماجده طيب اطلعى ارتاحى وانا حشيل الفطار اعملك حاجه دافيه تشربيها
بوسى لا خلينى هنا انا حقعد فى الليفنج
ماجده تعالى اوصلك الأول طيب
بوسى قامت وماجده وصلتهاقعدت على الشيزلونج وفردت نفسها وبدأت تقلب فى قنوات التليفزيون
ماجده اتفضلى ياحبيبتى عملتلك ينسون دافئ اشربيه حيهدى معدتك ويعدى اعصابك
بوسى تسلم ايدك
ماجده تسلمى انا حروح احضر الغدا على الباشا مايوصل
بوسى ده حيتأخر قاللى انه مسافر ارتاحى شويه وبعدين حضريه
عدى وقت وبوسى قاعده تتفرج على افلام ومسلسلات تركى من إللى بتحبها لكن الألم كان بيزيد فى معدتها
ماجده ايه ياحبيبتى مش جعانه لسه احضرلك الغدا
بوسى وهى بتجرى وحاطه ايدها على فمها لا
دخلت ماجده وراها لقيتها بتتقيئ وكانت لسه حتقع لقطتها ايد ماجده ونزلت بيها على الأرض لكن ببطئ
ماجده ريحتها على الأرض خالص وحاولت تفوقها
قامت جابت برفان وفضلت ترشلها عند انفها وتدلك ايديها لحد مابدات تفوق وتوعى
بوسى بتعب ااه انا تعبانه اوى ساعدينى اقوم
ماجده من عينيا ياحبيبتى استنى بس تفوقى اكتر
بعد دقايق ماجده سندتها وطلعتها أوضتها وغيرتلها لبسها ونزلت على تحت تكلم سمير فى التليفون
فى الوقت ده كان سمير وصل عند بيت اهل بوسى
سمير خبط على الباب وتليفونه كان بيرن شاف رقم بيته لكن ماردش لحد مايقابل عبد الله
باب الشقه اتفتح وكان عبد الله هو إللى بيفتح واول ماشاف سمير زى أى
أب خوفه على بنته ظهر علطول
عبد الله بلهفه استاذ سمير بنتى فيها حاجه
سمير لا هى بخير بس اهدى
عبد الله طيب هى فين انت طلقتها
سمير لا يا استاذ عبد الله بوسى بخير وفى بيتها مافيش أى حاجه حصلت
عبدالله طيب فى ايه هى مش معاك ليه
سمير يعنى حتسيبنى على الباب كده
عبد الله اسف اتفضل ادخل
دخل سمير وحس ان مهمته مش صعبه بعد ماشاف منزلة بوسى فى قلب
سمير يعنى حضرتك خاېف عليها اهو وملهوف عليها كمان ليه بس الفراق والعڈاب إللى انتوا الاتنين فيه واكيد مامتها نفسها تطمن عليها برده
وصلت ام بوسى وقطعت الكلام إللى كانت سمعاه من بره
الام قوله يا استاذ سمير ده انا حتجنن عليها ومش راضى يدينى رقمك ولا رقمها اكلمكم
عبد الله جرى ايه ياام بوسى انتى ماصدقتى
سمير خلاص بقى ياأبو بوسى سامح ده ربنا بيسامح
عبد الله ونعم بالله لكن انت ترضى بنتك تعمل معاك كده
سمير هى غلطت واعترفت بغلطها هى كانت فاكره ان لو إختارتكم انا حسيبها وامشى وتكون خسړت حبها لكن لو اختارتنى حتكون ضمنت انى معاها وأنكم حتنسوا اتفرجوا
متابعة القراءة
