مكالمة بالغلط
المحتويات
لفرحتها
عبد الله حسبتها غلط
ام بوسى عيله يا عبد الله ولسه ماتعرفش
سمير وان شاء الله حسبتها حتكون صح وحضرتك مش حتكسفنى وحتسامحها
الام خلاص بقى يا عبد الله الأستاذ سمير ضيفك ولو كان وحش ماكنش جه دلوقتى علشان يراضيك على بنتك
رن موبايل سمير وقطع الكلام وسمير قلق لما شاف رقم البيت تانى فقرر يرد
سمير الو
ماجده ايوه ياباشا
سمير ايوه ياماجده فى حاجه
ماجده المدام تعبانه ياباشا وكل شويه بتتقيئ واغمى عليها انا طلعتها أوضتها لكن قولت أبلغ حضرتك
سمير بقلق تعبانه اوى ياماجده ابعتلكم دكتور حالا
ماجده لا ياباشا لما حضرتك توصل
ام بوسى مقاطعه بنتى دى إللى تعبانه هى فين انا اروحلها
سمير اقفلى ياماجده وأكلمك تانى
عبد الله بوسى إللى تعبانه
سمير ايوه الشغاله بتقولى انها بتتقيئ واغمى عليها
ام بوسى تكون حامل
سمير وشه اتغير وماردش عليها بيقولها ايه انا مش بخلف وضحكت عليكم
ام بوسى پبكاء بالله عليك يا عبد الله سيبينى اروح اشوف بنتى
عبد الله تروحى فين دى فى الغردقه
سمير استاذ عبد الله لو سمحت ياريت حضرتك توافق تيجى معايا انت والمدام اكيد كل إللى هى فيه ده من زعلها
عبد الله حاضر يا استاذ سمير انا حلبس وانتى ياام بوسى البسى ولبسى مهند ويلا بينا
سمير شكرا يا استاذ عبد الله انك ماخذلتنيش
عبد الله انا إللى اسف ان نظرتى ليك من الأول كانت غلط
الام پبكاء وفرحه ربنا يخليك لينا يعبد الله انا حلبس بسرعه يامهند انت ياابنى يلا بسرعه البس
لبست الام والا ومهند اخوو بوسى الصغير ونزلوا ركبوا مع سمير
طول الطريق كان سمير بيتصل يطمن على بوسى من ماجده وعرف انها نايمه
وصلوا الغردقه بعد ساعات طويله من السفر وقبل مايوصلوا الفيلا كان سمير اتصل بالدكتور يقابله فى الفيلا
وصل سمير ومعاه اهل بوسى وكان الدكتور فى انتظاره
طلعوا لبوسى فى الاوضه
ام بوسى شافت بنتها نايمه ووشها اصفر جريت عليها وفضلت تبوس فيها وهى نايمه
بوسى فتحت عينيها كانت لسه مزغلله من النوم شافت امها زى الخيال
بوسى وهى بتدعك فى عيونها بأيديها الاتنين ماما انا بحلم ولا ايه
ام بوسى لا ياحبيبتى مش بتحلمى انا هنا جنبك وابوكى ومهند كمان هنا
بوسى قامت منطوره من فرحتها ماما بجد انتى هنا وبابا
وقامت بوسى تجرى من السرير تبوس فى ايد ابوها ورجله انا اسفه يابابا سامحنى والنبى إللى زورته أوعى تسيبنى تانى انا بحبكم اوى يابابا وسمير طيب اوى وبيحبنى وبيخاف عليا والله انا اختارت صح
عبد الله وهو بيوطى يشيلها من الارض قومى ياحبيبتى قومى انا عارف وعلشان كده جيتلك
ام بوسى ماشى يابوسى يعنى أبوكى بس إللى وحشك وانا إللى كنت حموت عليكى شفت يا استاذ سمير
سمير هههههههه معلش ياام بوسى خلينا احنا نتفرج
بوسى جريت على امها وحضنتها أوعى تقولى كده ياماما ده انا بحبكم اوى وانتى كنتى وحشانى وكلمت بابا علشان اكلمك صح يابابا قولها ياسمير انا جرالى ايه بعدها
سمير خلاص ياحبيبتى انسى بابا وماما معاكى اهو والأستاذ مهند كمان
بوسى تعالى ياابنى فى حضنى ماوحشتكش ياواد
مهند وحشتينى يابوسى ووحشتنى غلاستك
ام بوسى بس يا ولد
سمير حبيبتى انا حخرج انا وبابا والدكتور حبدخلك مع ماجده علشان اطمن عليكى
بوسى انا خلاص خفيت مالوش لزوم
سمير لا ياقلبى ماجده
قالتلى على إللى حصل والدكتور موجود اقوله امشى يعنى
بوسى خلاص ماشى ياحبيبى
خرج سمير وعبد الله ومهند وډخلها الدكتور ومعاه ماجده
الدكتور كشف على بوسى وسألها عن الأعراض إللى بتحس بيها بعدها خرج من معاه شريط تحليل وجهاز صغير وسحب عينة ډم منها
الام بقلق خير يادكتور حضرتك شاكك فى ايه
الدكتور لا ماتقلقيش ثوانى وحنعرف
بعد دقايق الدكتور مبروك يامدام حضرتك حامل ودى أعراض طبيعيه حكتبلك على شويه تحاليل ومقويات
ام بوسى ماصدقت الدكتور خرج وفضلت تزرغد
سمير سمع الزغاريد تزامنا مع نزول الدكتور
سمير خير يادكتور المدام مالها
الدكتور مبروك ياأستاذ سمير المدام حامل
سمير حضرتك متأكد
الدكتور أيوه طبعا انا عملتلها تحليل ډم بأحدث جهاز ده انا لسه جايبه من المانيا
سمير ماشى اتفضل يادكتور
خرج سمير مع الدكتور والف سؤال بيدور فى عقله وقرر بفهم من الدكتور
سمير دكتور انا عاوز أسألك فى حاجه
الدكتور خير ياسمير بيه
سمير انا كنت متجوز قبل كده وما خلفتش من زوجتى الأولى
الدكتور مش شرط ممكن تكون زوجتك مش بتخلف او ان ماكنش فى توافق بمعنى أن كل واحد فيكم ماعندوش عيب يمنعه من الخلفه لكن انتم الاتنين مع بعض مش بيحصل تخصيب
سمير اعرف ازاى السبب
الدكتور حضرتك عدى عليا بكره اعملك فحوصات وتحاليل واطمنك
سمير حاضر ان شاء الله لكن مش حوصيك الكلام ده سرى جدا
الدكتور سمير بيه انا حالف قسم انى اصون اسرار المرضى
سمير شكرا يادكتور
مشى الدكتور وطلع سمير صحيح ماكنش واضح عليه الفرحه لكن موضاحش كمان إللى جواه
...
بوسى كانت فرحانه حاسه ان ربنا حققلها كل إللى بتتمناه جوزها بيحبها وبيدلعها وأبوها سامحها وكمان حتجيب لسمير بيبى حته منهم هما الاتنين سمير أول ماطلع دخل لقاها فرحانه لكن هو كانت ملامح وشه خاليه من أى تعبير بوسى لما شافته ماكنتش عارفه هو فرحان ولا زعلان كان عادى جدا
بوسى بفرحه حبيبى قابلت الدكتور
سمير ايوه ياحبيبتى مبروك
ام بوسى يتربى فى عزك يا استاذ سمير
سمير شكرا ربنا يخليكى
ام بوسى استأذن انا اشوف عبد الله وانت خليك مع مراتك
سمير طبعا اتفضلى البيت بيتكم
خرجت ام
بوسى وسابتهم لوحدهم سمير راح قعد جنب بوسى على السرير وفضل باصصلها وساكت
بوسى ايه ياحبيبى مالك انت ليه مش فرحان
سمير بكذب لا ياحبيبتى فرحان طبعا بس المفاجاه
بوسى تعرف انى فرحانه اوى
سمير علشان كان نفسك فى بيبى
بوسى لا طبعا علشان حجيب بيبى منك انت
سمير اه ياحبيبتى ربنا ليا
بوسى حتسميه ايه بقى
سمير بعدين يابوسى انا تعبان من السفر رايح جاى ساعات طويله من غير نوم انا حرتاح شويه وانتى انزلى شوفى مامتك وباباكى بيحبوا ايه خلى ماجده تجهزه
بوسى صحيح ياحبيبى شكرا على انك أقنعت بابا وصالحتنى عليهم
سمير بعصبيه يوووه يابوسى ماشى يا ستى العفو يلا بقى سيبينى انام
بوسى كانت مستغربه رد فعله ومش عارفه هو بيعمل كده ليه لكن رجعت قالت لنفسها سيبيه ينام هو برده يومين وهو صاحى سايق
قامت نزلت تخت تشوف اهلها لكن مالقتهمش ولقت البيت هادى خالص
بوسى طنط ماجده
ماجده نعم ياحبيبتى
بوسى هو فين بابا وماما
ماجده طلعوا يرتاحوا فوق
بوسى طيب لوسمحتى حضرى عشا حلو
ماجده من عينيا شوفتى بقى ربنا صلح الأحوال ازاى
بوسى اه والله دعوتك استجابت
ماجده تسلمى ياحبيبتى
بوسى انا حطلع اشوفهم علىماتخلصى
طلعت بوسى تشوف اهلها لكن قبل ماتخبط علىةباب الاوضه سمعت امها وأبوها بيتكلموا
ام بوسى مالك يا عبد الله انت مش فرحان ولا خاېف تبقى جد
الاب انتى بتهزرى انتى مش شايفه جوزها شكله مش فرحان ازاى
الام ده تلاقيه من المفاجأة ياخويا هو كان يصدق أن بعد العمر ده يجيب عيل
الاب مش يمكن من الخۏف
الام وېخاف من ايه بقى ان شاء الله
الاب خاېف مايلحقش يربيه صدق بتوع زمان لما قالوا ابن الشيبه يتيم
الام ليه يا عبد الله بتقول كده هو مش كبير اوى كده
الاب ده شكله إللى مش كبير انتى عارفه لما استلمت قسيمة الجواز اكتشفت ان عنده ٤٦ سنه يعنى أكبر من بنتك بثلاثين سنه
الام ياخبر اسود
عبد الله ايه مش كنتى فرحانه دلوقتى
الام انا مفكرا سبعه وثلاثون ولا حاجه
الاب يا سلام فرقت قوى يعنى
قطع كلامهم صوت خبط الباب بوسى كانت اكتفت من إللى سمعته وخاڤت امها تعمل حاجه وتضايق سمير بيها خصوصا وهى عارفه حساسيته من الكلام عن السن
فتحت ام بوسى الباب لقيتها بوسى
الام تعالى يابوسى ادخلى اومال فين جوزك
بوسى سمير تعبان من السفر ايديكى شوفتى الطريق طويل ازاى
الام اه والله عند حق ده احنا تعبنا واحنا جايين لكن هو كمان كان لسه جايلنا
بوسى وحشتنى يابابا
الاب وانتى كمان ياحبيبتى
بوسى هونت عليك يابابا تقولى بنتى ماټت
الاب وانا هونت عليكى يابوسى واختارتى سمير وانتى لسه عرفاه من كام يوم
بوسى انا مقصدتش إللى فهمتوه يابابا
الاب أوعى يابنتي تفكرى خوفى عليكى وحدتى معاكى قسوه ده انتى واخوكى نور عينى وانتى حتبقى ام وتجربى وتعرفى وقتها ان الاهل مايهمهش غير سعاده ولادهم وراحتهم
الام خلاص بقى يا عبد الله انت وبنتك الحمد لله ان ربنا جمعكم على خير من تانى
بوسى الحمد لله انتوا طلعوا فوق ليه يلا بينا ننزل نتعشى
نزلت بوسى وامها وأبوها يتعشوا
الام هو جوزك مش حيتعشى
بوسى لا ياماما هو قالى اعتذرلكم لانه نام حتى بلبسه من التعب
الاب سيبيه يرتاح يابنتي
اتعشوا مع بعض التلاته بعد ماحاولوا يصحول مهند لكن رفض وكمل نوم
الام جوزك حنين عليكى يابوسى
بوسى ياااه ده حنين دى شويه ده نفسه يجيبلى نجمه من السما بكره لما يروح الشغل حفرجك جايبلى ايه
الاب الهنا مش بالحاجات ياحبيبتى
بوسى هو حنين فى كل حاجه والله يابابا
خلصوا عشاهم وقاموا يناموا عدى الليل على الكل
وظهرت نهار يوم جديد سمير قام من نومه بدرى كلم الدكتور وعرف ان المعمل بيبدأ شغله من الساعه ثمانيه الصبح خرج بسرعه قبل مابوسى تصحى او اهلها سمير ماكنش حابب أى حوار من أى نوع مع بوسى إللى صحيت من نومها مالقتهوش جنبها فضلت نور عليه فى كل مكان لكن مالقتهوش وده ضايقها اوى لان كده اهلها ممكن يزعلوا كفايه انهم قدروا تعبه وأنه مانزلش يتعشى معاهم فقررت تكلمه فى التليفون
بوسى الو ايوه ياحبيبى انت خرجت بدرى قوى كده ليه
سمير مشغول يابوسى عندى شغل مهم وحرجع علطول
بوسى حبيبى كده بابا وماما حيزعلوا يفكروا انك مش مقدرهم
سمير لا ماتقلقيش نص ساعة وراجع
بوسى ماشى ياحبيبى سلام
سمير مع السلامه
سمير كان وصل المعمل أخد منه الدكتور العينات المطلوبه للفحص
سمير ارجوك يادكتور انا عاوزهم فى اسرع وقت
الدكتور انا فاهمك ومقدر موقفك ادينى ساعتين بالكثير وتعرف النتيجه
سمير طيب انا عندى ضيوف حروح اقعد معاهم شويه وممكن تبلغنى فى التليفون
الدكتور ايوه طبعا اتفضل
خرج سمير من المركز الطبى وهو خاېف ومړعوپ ركب عربيته علشان يرجع الفيلا قبل اهلها مايصحو
لكن طول الطريق وهو بيكلم نفسه
سمير لنفسه يارب ماتكسرش فرحتى وفرحتها انا حبيتها
يكون هو ده الموضوع إللى قالت إنها عاوزه تقوله ليا قبل ماتموت ياااه انا فعلا ممكن اكون أب يارب ادينى العمر اربيه وافرح بيه
وصل سمير للبيت وكان وقتها صحى اهل بوسى ونازلين تحت
سمير سلام عليكم معلش انا اسف كان فى ورق لازم امضيه خلصته بسرعه ورجعت
عبد الله ولا يهمك ربنا يكون فى عونك احنا كمان عاوزين نحجز الاتوبيس ونرجع
سمير لا طبعا لازم تقعدوا معانا يومين
عبد الله لا والله مش هينفع علشان شغلى
سمير حضرتك كده بتحرجنى لازم تقضوا معانا كان يوم علشان خاطر بوسى وانتوا كمان تتفسحوا فى الغردقه
بوسى اه والنبى يابابا خليك معانا
عبد الله اللهم صلى عليك يانبى
الجميع عليه افضل الصلاة والسلام
ماجده اتفضلوا ياجماعه الفطار جاهز
دخل الجميع لغرفة السفره فطروا
لكن بوسى كانت حاسه ان سمير متغير معاها وبيحاول يتجنب الكلام معاها لكن مرحب بأهلها جدا
خلصوا فطار وخرج سمير وعبد الله يقعدوا فى حديقة الفيلا يشربوا الشاى
بوسى أخدت امها وطلعت تفرجها سمير جابلها ايه وتحكيلها على تركيا والممثلين إللى شافتهم
اما عند سمير وعبد الله
سمير هو حضرتك بتشتغل ايه يا استاذ عبد الله فى المصنع
عبد الله انا مدير الحسابات هناك
سمير يعنى حضرتك خريج تجاره
عبد الله ايوه
سمير بس بيتهيألي الشغل اليومين دى مش زى الأول ولا ده فىالسياحه بس
عبد الله هى الأحوال الاقتصاديه عموما صعبه على الكل لكن اعتقد ان عندكم فى السياحه اصعب بكتير
رن جرس موبايل سمير وكانت دقات قلبه أعلى من رنة الموبايل
سمير استأذن من عبد الله وقام
يرد على التليفون
سمير الو
الدكتور استاذ سمير
سمير ايوه يادكتور طمنى
الدكتور حضرتك زى الفل وبعد ماقريت التقارير بتاعة المدام الاولانيه اكتشفت فعلا ان السبب فى عدم الخلفه كان منها هى
سمير بفرحه دكتور انت متأكد م كلامك
الدكتور حضرتك تقدر تيجى تاخد النتائج وتعرضها على أى دكتور غيرى او تعيد التحاليل فى أى معمل تانى
سمير لا لا انا اسف مقصد ش طبعا
الدكتور انا عارف والله وحابب انك تطمن اكتر لكن محتاجين من المدام شوية فحوصات واشعه علشان نطمن على صحتها وصحة البيبى
سمير اكيد طبعا بكره ان شاء الله لا بكره ايه انهارده حتيجى لحضرتك
الدكتور خلاص مستنيكم الف مبروك ياسمير بيه
سمير الله يبارك فيك يادكتور
قفل سمير التليفون وسجد على الأرض يشكر ربنا
سمير اللهم لك الحمد والشكر يارب
فاق لنفسه وراح لعبد الله لكن كان واضح على ملامحه الفرحه
عبد الله شكلك التليفون ده فرحك
سمير فعلا والله اكتر من ما تتصور
عبد الله مع انى ماشوفتش الفرحه دى فى عيونك امبارح وقت ماعرفت ان بسنت حامل
سمير بكدب معلش ماهو سبب فرحتى دلوقتى هو نفس السبب إللى كان مانع فرحتى امبارح
عبد الله بقلق ياساتر يارب ليه بس كده
سمير حضرتك عارف السياحه مش مظبوطه وانا كنت داخل صفقه لو مانجحتش كنت خسړت كل فلوسى فتخيل بقى حضرتك ان ابنك إللى بتتمناه ييجى وانت بتعلن افلاسك لكن الحمد لله دلوقتى افرح من قلبى
طبعا سمير اخترع أى موضوع لانه مش معقول يقول لعبد الله انا كنت شاكك فى بنتك او انه كان عارف انه مش بيخلف
عبد الله الحمد لله ربنا يجعله وش السعد عليك
سمير ماتيجى نشوفهم بيعملوا ايه
سمير كان نفسه يطير ويطلع لبوسى ياخدها فى حضنه ويفضل ماسك بطنها بأيده
وفعلا دخل عبد الله ومعاه سمير لكن لقوهم فوق فى الاوضه بتاعة بوسى
سمير ماجده لو سمحت بلغى المدام ومامتها ان احنا هنا
ماجده حاضر ياباشا
طلعت ماجده بلغتهم ونزلت بوسى وامها
بوسى كانت نازله بطبيعتها زى مابتنزل كل يوم وبتجرى على السلم
سمير ايه يابوسى ماتجريش كده انتى ناسيه انك حامل
ام بوسى اهدى يابنتي
جوزك عنده حق كده غلط
بوسى فى ايه ماانا كل يوم بنزل كده
سمير لكن دلوقتى الموضوع مختلف ولازم تاخدى بالك من إللى فى بطنك
بوسى بفرحه حاضر ياحبيبى
سمير يلا انزلىةبقى بالراحة ولا اقولك خليكى
وراح شالها وسط ذهول امها وأبوها وفرحتها لكن ابوها وامها كمان كانوا فرحانين لفرحتها
سمير كويس كده اقعدى بقى وماتتحركيش كتير
بوسى انت مش قولت حتفسحنا
سمير لا ياقلبى قولت حفسح بابا وماما ومهند لكن حبيبتى حتروح معايا للدكتور نطمن عليها وعلى البيبى ونرجع ترتاح
بوسى لا بقى انا عاوزه اخرج معاهم
سمير حبيبتى نتكلم بعد الدكتور مايشوفك
بوسى حتيجى معانا ياماما صح
سمير اكيد طبعا مش لازم تشوف حفيدها او حفيدتها
ام بوسى حاضر ده يوم المنى ربنا يجيبه بالسلامه
سمير من قلبه يارب
الحلقة 15 ...قبل الاخيرة
خرج سمير وبوسى ومامتها علشان معاد الدكتور
سمير كان بيسوق العربيه ببطئ جدا وده إللى استغربته بوسى لانها عارفه ان سمير سواقته سريعه
بوسى حبيبى انت ماشى بالراحة كده ليه
سمير علشانك ياقلبى وعلشان البيبى
بوسى ههههه بس عادى يعنى مش للدرجه دى
سمير لا واكتر من كده كمان ده كويس انى ماجبتش الدكتور فى البيت لانه قاللى لازم تعملى سونار
ام بوسى ماتخافش يا استاذ سمير صحيح الحركه فى الأول مش كويسه لكن ربنا موجود
سمير ونعمه بالله لكن مايمنعش انها تحافظ على نفسها
بوسى وهى بتمسك ايده بحبك وبحب خۏفك عليا
رفع ايدها إللى ماسكه ايده وباسها وهو بيبص على بطنها وبيبص لطريقه
ام بوسى ربنا يخليكم لبعض وتفرحوا بولادكم يملوا عليكم البيت
سمير بفرحه الله جميله الدعوه دى
وصلوا عند المركز الطبى ونزل سمير ام بوسى لكن مارضاش يخلى بوسى تنزل
بوسى ليه يا حبيبى اومال الدكتور حيكشف عليا ازاى
سمير حجيبلك كرسى متحرك وادخلك عليه
بوسى لا انا مش حقعد عليه لا لا لا
سمير بوسى لما أقول حاجه تتسمع ماشى ياقلبى
بوسى خاڤت من طريقة سمير الجديده معاها وهزت رأسها بالموافقه
ام بوسى كمان كانت مستغربه خوفه ده
سمير طلب الكرسى ورفض ان أى حد من التمريض يزقها بيه لربما يحركها بسرعه فزقها بنفسه دخل بيها غرفة الكشف الدكتور بعد مااتكلم معاها طلب منها تنام على السرير يفحصها بوسى كانت لسه حتقوم
سمير استنى حبيبتى
بوسى لسه حتساله ليه لقيته بيشيلها ينيمها على السرير
ابتسم الدكتور لانه هو الوحيد إللى فاهم تخوف سمير على حمل بوسى من انه لا قدر الله يحصله حاجه
كشف الدكتور على بوسى وقاس الضغط وبدأ يعمل السونار
الدكتور حضرتك كده قفلت الاسبوع الخامس الحمل تقريبا حصل من ليلة الزفاف
سمير يعنى هو كده عنده شهر واسبوع
الدكتور ايوه تمام
بوسى هو ينفع اشوفه
الدكتور ايوه طبعا هو النقطه الصغيره دى
سمير وهو بيشاور على شاشه جهاز السونار هو ده ده ابنى
الدكتور هو ياسمير بيه
سمير كان بيحسس على شاشة السونار وكأنه بيلمسه هو فى الحقيقه وعيونه كانت مليانه دموع محپوسه
ام بوسى هو امتى يادكتور يسمعوا ضربات قلبه
الدكتور المتابعه الجايه ان شاء الله
سمير انا عاوز صورته انهارده وان شاء الله المره الجايه عاوز سى دى عليه صوت نبضات قلبه
سمير كان واقف تايه فى ملكوت تانى بتخيل ابنه او بنته وهما بيكبروا قدامه
الدكتور كده تمام يامدام بسنت البيبى بخير اتفضلى نتكلم بره
خرج الدكتور من غرفة الفحص وراح لمكتبه وسمير هو إللى لبس بوسى هدومها وشالها تانى لحد الدكتور
سمير حضرتك شايف ان البيبى بخير
الدكتور فى الحقيقه البيبى بخير لكن إللى محتاج عنايه خاصه هو مدام بسنت
سمير ليه يادكتور فيها حاجه
الدكتور مدام بسنت سنها صغير جدا وده معناه ان فى خطوره عليها من الحمل ومحتاجه تغذيه وفيتامينات غير المتابعه المستمره علشان نطمن على حالة الرحم ووضع الجنين
سمير دكتور ل ينفع اشترى جهاز السونار وحضرتك تيجى تتابعها فى البيت
الدكتور لا طبعا مش للدرجه دى ده غالى جدا
سمير لو بمليون جنيه حشتريه المهم ابنى مايحصلوش حاجه
ام بوسى الدكتور طمنا على الجنين الخۏف على امه يا أستاذ سمير
سمير هما الاتنين واحد واى حاجه حتحصل لحد فيهم حاضر التانى
الدكتور ده حقيقى فعلا لكن الخۏف الأكبر على المدام
انا كتبت لحضرتك نظام غذائي وعاوزك تمشى عليه بالحرف وكتبتلك حقن للتثبيت واقراص بتساعد على النمو العقلى الجنين
بوسى حاضر يادكتور
سمير طيب انا محتاج حد ترشحه حضرتك من التمريض علشان الحقن
الدكتور حاضر انا حبعت ممرضه كل يوم تديها الحقنه
سمير فى أى حاجه تانيه
الدكتور ايوه حتعملى التحاليل دى وتجيبها المره الجايه
اخد
سمير الروشته من الدكتور وسند بوسى قعدها على الكرسى المتحرك وشكر الدكتور ولسه حيزق الكرسى ويخرج لكن الدكتور وقفه
الدكتور سمير بيه لو سمحت وصل المدام للعربيه على مااكون طبعتلك صورة السونار
سمير اااه كنت حنسى حاضر حوصلها وارجع
وصل سمير بوسى للعربيه ورجع للدكتور
الدكتور سمير بيه انا مش عاوزك علشان الصوره انا عاوز افهم حضرتك ان نفسية المدام مهمه جدا لاكتمال الحمل بلاش تخلى فرحتك بالمولود تنسيك والدته انا لاحظت انها أخدت بالها من كلامك عن البيبى وشكلها اتغير وده غلط
سمير فهمتك يادكتور شكرا لحضرتك
الدكتور انا اسف على تدخلى لكن دى مصلحة المريضه
سمير لا مافيش حاجه كويس ان حضرتك لفت انتباهي
خرج سمير ومعاه صورة السونار كان ماشى بيبص فيها ويبوسها مش عارف يدارى فرحته
وصل للعربيه وركب وبدأ الطريق وكان ماشى بنفس السرعه
سمير وهو بيمسك ايد بوسى سمعنى ياقلبى كلام الدكتور لازم تاكلى كويس اوى وماتتحركيش
بوسى بحزن حاضر ان شاء الله
سمير حبيبى ماله مكشر ليه
بوسى لا مافيش حاجه تعبانه بس
سمير بلهفه تعبانه من ايه علي ونرجع تانى للدكتور
بوسى بعصبيه لا انا مش تعبانه من الحمل انا عاوزه ارجع البيت بسرعه بقى
سمير استغرب عصبية بوسى وماكنش حاسس ان طريقة كلامه عند الدكتور وخوفه الزايد على ابنه هو سبب زعلها
سمير خلاص خلاص اهدى ياحبيبتى بلاش تتعصبى الدكتور قال العصبيه خطړ على البيبى
ام بوسى كانت قاعده ورا وحتتجنن زى ماهو خاېف على ابنه هى خاېفه على بنتها وحاسه انه مهتم بالجنين وبس
وصلوا الفيلا ونزل سمير علشان يشيلها
بوسى لا ياسمير انا حمشى وادخل البيت
سمير لا انا حشيلك
بوسى يوووووه لا انا حمشى شكرا
بوسى دخلت وطلعت على أوضتها بعصبيه وقعدت على السرير فضلت ټعيط من قلبها بوسى بعد ماكانت هى كل حاجه عند سمير بقى ليها
سمير طلع يجرى وراها على الاوضه دخل وقفل الباب لقاها مڼهاره من البكاء
سمير حبيبتى مالك ليه بتعملى كده وطالعه بتجرى بالطريقه دى ينفع برده
بوسى ايوه ينفع مش انت خاېف على ابنك ومش خاېف عليا انه مش عوزاه
سمير شه انقلب وكان العفاريت بتتنطط قدام عينيه
سمير بعصبيه مش عاوزه ايه مش عاوزه ابنى ايوه انا خاېف عليه حقى ده ابنى زى ماانا خاېف عليكى أوعى اسمعك تقولى كده تانى والا حتشوفى سمير تانى خالص
بوسى يعنى هو أهم منى عندك
سمير حاول يسيطر على أعصابه بعد ماافتكر كلام الدكتور عن نفسيتها
سمير وهو بيحضنها حبيبى غيران ولا ايه طبعا يا حبيبتى انتى اهم حاجه عندى وانا يعنى لسه شوفته لكن ده حته منى انا وانتى بتقول للدنيا كلها ان احنا كنا صح لما حبينا بعض ودى نتيجة الحب ده البيبى القمر إللى جوه بطنك عرفتى بقى انتى لازم تحافظى عليه ليه
بوسى يعنى بتحبينى انا اكتر ولا هو
سمير انتى وهو واحد هو ابنى او بنتى وانتى كمان بنتى الأولى
بوسى أوعى ياخدك منى
سمير مافيش حاجه تاخدنى منك أبدأ
طبعا سمير كان بيقول كده علشان يهديها لكن من جواه ابنه أهم من الدنيا بحالها
عدت ايام طويله وكان اهل بوسى رجعوا اسكندريه بعد يومين من ماكانت عند الدكتور وطبعا سمير رفض خروج بوسى حتى لتوصيل اهلها للمطار
اما باقى الأيام كانت بوسى ممنوعه من الحركه بأمر سمير ومواظبه على الادويه والغذا زى ماقال الدكتور
عدى تانى شهر من الحمل بسلام وجه معاد متابعة الدكتور سمير كالعاده شال بوسى للعربيه وراحو للدكتور
سمير مساء الخير يادكتور
الدكتور اهلا اهلا ايه المدام عامله
سمير اهى حضرتك بقى تقولنا اخبار البيبى ايه
الدكتور اتفضلى يامدام على الفحص
شالها سمير ونيمها على سرير الكشف
الدكتور ايه يا مدام انتى مش بتاكلى كويس ولا ايه
سمير ليه يادكتور البيبى حصله حاجه
الدكتور لا أبدأ ماتقلقش هو النمو بس ضعيف شويه
سمير كان بيبص لبوسى بتوعد وعقله كان بيجيب ويودى ياترى هى إللى قاصده ولا ده طبيعى مع سنها
...
الحلقه الخامسة عشر ..الجزء الثانى
سمير كان واقف يسمع كلام الدكتور عن ضعف الجنين وعيونه مابتتحركش من على بوسى وكلها توعد ليها بوسى خاڤت من نظرته ولأول مره تخاف منه
الدكتور تمام يلا مدام انا حكتبلك محاليل وحقن حديد علشان نحافظ على تغذية الجنين
قامت بوسى من على سرير الكشف وهى متشاله زى كل مره لكن المره دى كانت حاسه پقسوه فى ايد سمير إللى شيلاها وقلب سمير إللى حاضنها
قعدها قدام الدكتور واستنى يسمع منه سبب الضعف علشان يبدأ طريقة معامله تانيه مع بوسى ان كان ليها يد فى كده
الدكتور انا كنت متوقع ضعف الجنين بعد نتيجة تحليل الهيموجلوبين لان النسبه قليله جدا وده ممكن يعرضك لنقل ده أثناء الولاده طبعا انا من البدايه مفهمكم ان السن له عامل كبير فى ده ده غير ضعف الام نفسها
سمير يعنى هى مش بتاكل
الدكتور ده مالهوش علاقه بالاكل ده له علاقه بانواع الاكل وواضح أن المدام كانت بتعانى من الانيميا من قبل الجواز
بوسى ايوه فعلا وده كان بيسسبلى إغماء كتير
الدكتور طيب يعنى طبيعى ان بعد مايكون فى جنين بياخد الغدا منك ان الانيميا تزيد علشان كده كتبتلك المحاليل وحقن الحديد ده غير الفيتامينات دى كمان
بوسى حاضر يادكتور لكن انا كمان بحس انى عاوزه اتقيئ كتير اوى
الدكتور ده طبيعى وحتنتهى مع نهاية الشهر الثالث واشوفك ان شاء الله بعد ثلاث اسابيع من دلوقتى
سمير شكرا يادكتور
سمير أخد بوسى على الكرسى وخرجوا ركبها العربيه ورجعها البيت
سمير اطمن ان ده خارج عن إرادتها وأنه يأذيها اكتر مايأذى الجنين لكن هو بقى كل همه ابنه وبس
سمير بقى عنده حاله مرضيه اسمها ابنه وخصوصا بعد ماعرف مع تقدم الشهور على بوسى انه ولد وحيشيل اسمه
كان كل مابوسى تعدى شهر حمل ويكبر الجنين فى بطنها يزيد بعد سمير عنها واهتمامه بصحتها علشان ابنه وأصبح مهووس بيه مت قبل ماييجى عمله اوضه جهز فيها كل حاجه غير انه كان بيكبر صور السونار كل شهر ويحطها فى براويز ملا بيها أوضة نومهم ومكتبه فى الفيلا والشركه سمير يوميا كان بيشغل السى دى اللى عليها الاشعه بتاعة الجنين ويسمع ضربات قلبه ولا كأنه بيسمع مقطوعه موسيقيه لبيتهوفن
او اغنيه لام كلثوم
بوسى كانت بتحس كل يوم بيعدى ببعده عنها وفقدانها أهم حاجه هو قدمهالها وهى اهتمامه وحنانه
عدت شهور الحمل عڈاب على بوسى وانتظار من ڼار على سمير
لحد اليوم المنتظر وولادة ولى عهد سمير الكردى
بوسى وهى نايمه بالليل حست پألم شديد فى بطنها
بوسى سمير سمير انا تعبانه اوى
سمير بلهفه مالك تعبانه
من ايه
بوسى بصړاخ حاسه انى بولد اااااااه الحقنى ياسمير
سمير قام شالها على العربيه وسط صړاخها ودموعها والالم وفجأة لقت مياه بتنزل منها ودم
بوسى ااااااااااه انا بمۏت
سمير شاف المياه والدم وقلبه كان كانه سيتوقف عن النبض كان كل خوفه على ابنه يجراله حاجه بعد طول انتظار
وصلوا المستشفى بأعجوبة بعد ماسمير كان حيعمل كام حاډثه
سمير جرى ونادى على التمريض وبسرعه اتعاملوا معاها ونقلوها على العمليات
بعد حوالى نصف ساعه من القلق على سمير سمع صوت بكاء طفل ولمح ممرضه خارجه من العمليات
سمير وجسمه بينتفض لو سمحتى هو ده اااااا
الممرضه ايوه ياافندم مبروك جالك ولد زى القمر
سمير بفرحه ودموع شكرا شكرا
الممرضه هو فين لبس المولود
سمير انا جيت علطول لكن ثوانى واجيبه هو كده ممكن يتعب ارجوكى اتصرفى لحد ماابعت اجيبه وطلع مبلغ كبير وعطاه الممرضه
الممرضه ماتقلقش انا حتصرف لكن هاته بسرعه
راحت الممرضه جابت بامبرز ودخلت لبست المولود ولفته بملايه كبيره معقمه
سمير اتصل بالبيت
سمير الو ايوه ياماجده
ماجده نعم ياباشا تحت امرك
سمير بسنت ولدت هاتى شنطة هدوم البيبى وتعالى المستشفى بسرعه خلى اسلام بتاع الأمن يوصلك بالعربيه الصغيره بسرعه
ماجده حاضر ياباشا دقايق واكون عندك
سمير بسرعه ياماجده الولد مش لابس
ماجده حاضر ياباشا حاضر
قفل التليفون مع ماجده وكان ساعتها الممرضه خارجه بالمولود
سمير بصوت مهتز ده ده ابنى
الممرضه اتفضل ياباشا شوفه قبل مااوديه أوضة الأطفال
سمير لا احسن يتبدل
الممرضه بدهشه لا ياباشا اسم مامته مكتوب على ايده فى الشريط اهو
سمير معلش هاتيه فى أوضة لوحده وانا ادفع أى حاجه مش مهم
الممرضه ماينفعش ياافندم لازم يروح الدفايه بتاعة الأطفال
سمير قولتلك لأ انا عاوز ابنى
الممرضه طيب تعالى حضرتك انا ححطه قدامك وحتكون شايفه من الزجاج
سمير ماشى
راح سمير وفضل واقف عينه على ابنه ونسى الطفله التانيه إللى حتى ماسألش عليها هى فاقت ولا لأ
خرجت بوسى من العمليات ولا كان معاها امها ولا جوزها لكن رحمة ربنا وقفتلها ممرضه بنت حلال فضلت جنبها لحد مافاقت وطمنتها على مولودها
وصلت ماجده المستشفى وسلمت لبس المولود وكانت جايبه معاها لبس لبسنت بالرغم ان سمير نسى كمان يقولها عليه
راحت ماجده على أوضة بوسى
ماجده حمد الله على سلامتك ياحبيبتى مبروك
بوسى بتعب الله يسلمك ياطنط
الممرضه كويس ان حضرتك وصلتى اسيبهالك انا بقى بس خليكى معاها هى مش حتعرف تتحرك لوحدها
ماجده ماتقلقيش انا معاها
الممرضه بصوت خاڤت ياحاجه قولى لجوزها ييجى يشوفها من ساعة ماخرجت وهى بتنادى عليه وهو راح ورا المولود وماشفهاش لدلوقتى
ماجده حاضر يابنتي كتر خيرك
خرجت الممرضه وقربت ماجده من بوسى
بوسى بدموع سمير سابنى ومش عارفه هو فين
ماجده عند المولود هو اطمن عليكى وراح للمولود
بوسى انا قولتله انه بيحبه اكتر منى
ماجده اهدى ياحبيبتى هو بيحبكم انتوا الاتنين لكن هو خاېف عليه لحد يأذيه
بوسى طيب وانا ده حتى ماما مالحقتش تيجى
ماجده انتى ولدتى قبل المعاد ده انا إللى معاكم فى نفس البيت ماحستش غير بعد مامشيتوا
بوسى اتصلى بماما خليها تيجى
ماجده حاضر من عينيا
بوسى ناديلى سمير
خرجت ماجده تدور على سمير واول ماشافته راحت عليه
ماجده سمير باشا مدام بسنت عاوزه حضرتك
سمير هى خرجت
ماجده دى خرجت من بدرى وفاقت ومالقتش حد معاها لولا صعبت على الممرضات وواحده مهم فضلت جنبها
سمير معلش بقى انا اتلهيت فى ادهم
ماجده هو حضرتك سميته ادهم
سمير ان شاء الله ادهم سمير الكردى
ماجده يتربى فى عزك ياباشا لكن معلش روح طيب خاطرها غلط عليها الزعل دى لسه والده
سمير يوووه بقى لازم تبطل شغل الأطفال ده دى بقت ام
ماجده بقصد صغيره ياباشا
سمير الصغير بيكبر عموما انا رايحلها وانتى خلى عينك على ادهم أوعى حد يحركه من مكانه
الحلقة 16 والاخيرة
رواية مكالمة بالغلط
انتظرونا ف الجزء الثاني اسياد العشق نوفيلا
الاخيرة
سمير دخل لبوسى أوضتها فى المستشفى لكن كان متضايق انه ساب ابنه اللحظات دى واعتبر أن ده دلع من بوسى قرب منها وهو مبتسم نص ابتسامه
سمير حمد الله على سلامتك ياام ادهم
بوسى بحزن سميته ادهم
سمير ايوه ايه رأيك
بوسى پقهر الرأى رأيك ده ابنك وانت حر
سمير يعنى مش ابنك انتى كمان حبيبتى انا عاوزك تكبرى بقى وتعرفى انك بقيتى ماما ولازم تاخدى بالك من ابنك حبيبك
بوسى پبكاء عاوزنى أكبر ازاى انت ناسى انت وعدتينى بأيه
سمير لا ياحبيبتى مش ناسى وانا ماقولتش انى مش منفذ وعدى لكن كمان عاوزك تنتبهى على ابنى وده حقى
بوسى وانا مين ينتبه عليا
سمير يابوسى ياحبيبتى الزوجه والأم هى إللى بتهتم وتراعى ابنها وجوزها
بوسى بۏجع فى قلبها حاضر حهتم بيكم
سمير برافوا عليكى ياقلبى ربنا يخليكى لينا انا وادهم
بوسى روح شوف ادهم واطمن عليه
سمير ماشى ياحبيبتى انا رايح وحبعتلك ماجده
سمير مصدق هى قالت كده وقام بسرعه
بوسى طلبت منه يمشى علشان كانت خاېفه أعصابها ټخونها قدامه لكن بمجرد خروجه دخلت فى حاله هيستيريه بوسى كانت بتصرخ وبتتكلم بصوت عالى سمعته المستشفى كلها وقتها دخلت ماجده
بوسى بصړاخ ااااااااااه يابابا انا غلطانه سامحنى من قلبك ياابويا ياريتنى سمعت كلامك
ااااااااه كان بيكبر عليا انا ولا حاجه ولا حاجه
يارب يارب خدنى انا بكره ابنى انا كان نفسى اكون ام لكن الاقى إللى بيحبنى علشان اعرف احب ولادى هربت من قسوتك يابابا ولقيت قسوه أكبر
ماجده مهدئه بس ياحبيبتى اهدى يابنتي الناس بتتفرج عليكى
بوسى بصړاخ اعلى الناس أى ناس الناس خيتفرجوا على العيله الصغيره إللى لازم تبقى ام وزوجه
سمير
ماجده بيحبك ياحبيبتى بس هو كمان اتفاجئ انه بيخلف علشان كده فرحان بابنه عاش عمره كله فاكر انه مش بيخلف
بوسى زادت صډمتها ايه يعنى كدب عليا وخبى عليا كمان انا بكرهه وبكره ابنه مش عوزاه مش عوزاااااااه
بوسى كانت بتصرخ لحد مادخلت فى غيبوبة
ماجده الحقونى ياناس الست حتموت منى
الممرضه دكتور بسرعه
راحت الممرضه إللى كانت قاعده مع بوسى وكانت متضايقه من تصرفات سمير جدا مهما كان فرحته بابنه مايهملش مراته
الممرضه يا استاذ
سمير نعم بتكلمينى انا
الممرضه ايوه حضرتك المدام بتاعتك مڼهاره والناس كلها فى أوضتها وحضرتك هنا لولا مراتك ماكنش بقى ابنك موجود حرام عليك راعى ربنا دى عيله من دور ولادك
سمير انتى مجنونه ازاى تكلمينى كده
الممرضه علشان ماعندكش رحمه ومهما كان حيجرالى كان لازم اقولك انك انانى وظلمت الغلبانه دى
سمير انا حقطع
عيشك انتى ماتعرفيش انا مين
الممرضه عارفه انت مين وعارفه ان فى ربنا إللى مايرضاش بالظلم ومش خاېفه منك روح شوف مراتك إللى دخلت فى إغماء وهى لسه خارجه من ولاده وابقى شوف لو لا قدر الله جرالها حاجه ابنك إللى انت فرحان بيه ده حيلومك وحيكرهك اد ايه انك حرمته من امه
سمير سمع كلامها وسابها ومشى راح يشوف بوسى إللى كانت لسه فى حالة الاغماء والدكتور مش عارف يفوقها
سمير خير يادكتور فى ايه
الدكتور پغضب استاذ سمير انا نبهتك ان نفسيتها وحشه وان تصرفات حضرتك بتتعبها اكتر الممرضات قالولى انك ماكنتش معاها وطول الوقت مع ابنك
سمير وده ايه علاقته بحالتها
الدكتور المدام جالها حمى نفاس وربنا يستر وتنجى منها غير انها دخلت فى غيبوبة ومش بتفوق وبعت استدعى دكتور من وأعشاب يشوفها
سمير پخوف يعنى ايه يعنى ممكن يجرالها حاجه
الدكتور انا قولتلك قبل كده انها صغيره ومحتاجه معامله خاصه
خرج الدكتور يستعجل دكتور المخ والأعصاب وفضل سمير جنب بوسى شايف بشرتها البيضاء كانت باللون الأصفر وجسمها وهو بيلمسها ببرودة التلج
سمير شرد بعقله وافتكر بوسى حبيبته وشقاوتها وجمالها إللى جننه من ساعة ماشافها
سمير لنفسه معقول انا ظلمتك كده انا كنت مفكرك بتدلعى عليا طيب وايه يعنى لو اتدلعتى عليا ماانتى بنتى الكبيره وحبيبتي ومراتى معقول اكون اتجوزتك اعوض حرمانى من الأطفال ولما جاللى ادهم نسيت حبى ليكى لا لا لا انا بحبك انا مقدرش اعيش من غيرك
فاق من شروده على صوت ماجده
ماجده سمير باشا سمير باشا
سمير هااا نعم ياماجده
ماجده مش المفروض نستعجل اهلها ياعالم يجرى ايه
سمير قصدك ايه هى ممكن يجرالها حاجه
ماجده دى كانت مڼهاره خالص يا حبيبتى وبتصرخ جامد وطول عمرى اعرف انا حمى النفاس دى إللى بينجى منها بيكون رحمة ربنا معاه
سمير بعصبيه لا ياماجده متقوليش كده انا مقدرش اعيش من غيرها
ماجده سامحنى ياباشا حضرتك جيت عليها جامد بعد ماكان اهتمامك ليها كله ومدلعها نسيتها من غير مقدمات
سمير معاكى حق ياماجده هى تقوم بس بالسلامه وانا حعوضها عن كل ده
وصل دكتور المخ والأعصاب وكشف على بوسى
وأثناء الكشف كان وصل اهل بوسى ومايعرفوش غير انها ولدت
الدكتور المدام دخلت فى غيبوبة نتيجة المعيار العصبى
سمير يعنى ايه يعنى مش حتفوق حسفرها بره حالا لو محتاجه ده
الدكتور المدام هى إللى رافضه الرجوع للواقع واضح ان الفتره الاخيره فى حياتها كانت صعبه
عبد الله وهو بيمسك فى سمير عملت ايه فى بنتى قولى عملت ايه وصلتها لكده ازاى
سمير بانهزام ماعملتش حاجه والله ماعملت حاجه غير انى فرحت بأبنى
ام بوسى بعد خروجها عن سلبيتها بببببس انتوا الاتنين انتوا الاتنين السبب وانا معاكم
عبد الله انا انا السبب انا إللى قولتلها تتجوز راجل أكبر منها
ام بوسى انت إللى قسيت عليها انت إللى مااخدتهاش فى حضنك حتى لما غلطت بعدتها عننا ...... وانت يتجوز بنتى وماصدقت لقيت عيله صغيره تبدأ بيها حياتك ومهمكش انك بتنهى حياتها بقت ام وهى لسه ماكملتش السابعة عشر سنه تعرف ايه دى عن الامومه
سمير انا حبيتها وعملت كل حاجه علشان اسعدها حتى علاقتها بيكم انا إللى رجعتها
ام بوسى وعملت ايه أول مابقت حامل سحبت منها حبك واهتمامك إللى هى اتجوزتك علشانهم
انا مش بقول انتوا لوحدكم غلطانين انا كمان غلط غلط لما سيبت بنتى ماتعرفش حاجه فى الدنيا سيبتك انت تعلمها سيبتهالك تلعب بعقلها ومشاعرها ......
حتى بنتى غلطت لما ماسمعتش كلامنا وخاڤت مننا كان حيعمل ايه ابوها حيضربها لكن مع الوقت حينسى زى مانسى إللى عملته وجالها غلطت لما فكرت ان الاهل مش بيسامحوا
سمير هى تقوم بالسلامه وعمرى ماحزعلها تانى
ام بوسى لا قول هى تقوم بالسلامه وترجع معايا أكبرها واعلمها ازاى تبقى ام ازاى تحكى ولادها وتقف فى ضهرهم
وماتكونش سلبيه زيى
ماجده اهدوا ياجماعه هى تقوم بالسلامه وتشوف ابنها إللى كرهته قبل ماتشوفه وبعدها تاخد قرارها وانا متأكده انها المره دى حناخد القرار الصح
الكل كان واقف عند غرفة العنايه إللى انتقلت ليها بوسى لكن اصعبهم حال كان سمير إللى حس بحبه لبوسى وظلمه ليها من أول مااتجوزها وهى أصغر منه بكتير
عدت ايام وأيام والكل منتظر ان بوسى تفوق من الغيبوبة انها ترجع للحياه تانى وكل واحد فيهم يعوضها عن غلطه فى حقها سمير كانت حالته تصعب على الناس كلها ساب شغله وفضل قاعد فى المستشفى بين مراته وابنه كان واضح عليه التعب وظهر عليه سنه من طول لحيته إللى كان دايما بيهتم بيها
اما عبد الله اخد اجازه من شغله ومكانش بيسيب المصحف من ايده ليل نهار بيسجد يستغيث بالله يردله بنته ويصلح غلطه معاها
ام بوسى كانت ويلها بنتها وويلها الطفل إللى محتاج حضڼ امه
ماجده كانت بتحاول تراعيهم كلهم وقلقانه على بوسى كأنها بنتها
وهما قاعدين كانت الممرضه إللى قعدت مع بوسى من وقت خروجها من الولاده وهى نفسها إللى سمعت سمير إللى فوقه من توهته دايما بتيجى تشوف بوسى وتدخلها العنايه وفى اليوم ده لقوها داخله لبوسى كالعاده لكن المره دى معاها الطفل ابن بوسى وسمير
ام بوسى استنى ياحبيبتى انتى مدخله الولد ليه هى بنتى فاقت ولا جرالها حاجه
الممرضه لا ياحاجه ولا فاقت ولا جرالها حاجه انا داخله اعمل محاوله معاها يمكن تفوق
سمير جرى عليها بلهفه يعنى فى امل انها تفوق
الممرضه بتنهيده قولوا يارب
الجميع پقهر يارب
دخلت الممرضه وحطت البيبى فى حضڼ بوسى وهى فاقده الوعى تماما ونايمه على السرير متوصل بكل اجزاء جسمها اجهزه ومحاليل فضلت الممرضه سانده البيبى بأيد بتخرج صدر بوسى لابنها يرضع منه باليد التانيه بعد محاولات عرفت توصل فم البيبى بصدر امه
الممرضه فضلت تتكلم مع بوسى وتحسها على الرجوع للواقع علشان ابنها بعد مااكدلها الدكتور انها بتكون سامعه الكلام لكن عقلها رافض الرجوع
الممرضه قومى ياحبيبتى قومى شوفى ابنك محتاجك أوعى تسيبيه زى ماالكل سابك قومى ابنك جعان عاوزك تأكليه انتى سنده وضهره زى ماانتى كنتى محتاجه السند هو محتاجلك
بكى الطفل وصوت بكائه كان واصل لبوسى حست بابنها وبدأ جسمها يحصل فيه رعشه خفيفه
الممرضه حست بيها وهى سانده البيبى على جسم امه
الممرضه پبكاء قومى قومى انتى حاسه بابنك ردى عليا شوفى ابنك مش لاقى فى صدرك لبن هو بيعيط علشان جعان ومع كلام الممرضه كان بكاء الطفل بيزيد ويعلى وجسم بوسى الاهتزاز والرعشه بتزيد وكأنها بتحاول ترجع وتحضن ابنها قلب الام هو إللى بدأ يحرك مشاعرها واصلت الممرضه كلامها يلا قومى انتى قويه لازم ترجعى ابنك مش لاقى حد يهتم بيه جوزك بېموت من غيرك أبوكى مستنيكى وامك مڼهاره قومى ياحبيبتى الكل عاوزك وأولهم ابنك ابنك جعان وعاوز حضنك يدفيه مع كل كلمه بتقولها كان صوت الطفل بيعلا وجسم بوسى بدأ يتنفض اكتر واكتر
ضغطت الممرضه على الجرس جنب السرير تطلب مساعده دكتور وبسرعه جاتلها واحده من زميلاتها
الممرضه روحى ناديلى دكتور الجسم بيستجيب
خرجت الممرضه التانيه تجرى وبدأت حاله من الفوضى دكاتره وممرضات اتجمعوا على غرفة العنايه
والممرضه مكمله مع بوسى بتحسها على الرجوع وبوسى بدأ عقلها يستجيب وجسمها بيزيد من اهتزازه وصړاخ البيبى بيزيد لحظات صعبه بتمر على الكل بوسى ورضيعها والممرضه إللى اعتبرتها اختها وسمير وام بوسى وأبوها الكل بيعدى ربنا ده الامل الوحيد فى رجوعها للحياه تانى وفى لحظه الجسم اهتز بأعلى درجه ايد بوسى بدأت تتحرك وتضم ابنها ليها وصدرها نزل لبن فى فم الطفل
الممرضه پبكاء الحمد للله يارب يارب ابتدت تفوق يادكتور بترجع ابنها
بدأ صړاخ الطفل ينتهى ويسحب من صدر امه اللبن ويحس بأمانها وحنانها وبوسى جسمها إبتدى يرجع لدرجة حرارته الطبيعيه بعد ماكان بارد زى التلج وابتدت عيونها ترمش قرب منها الدكتور وكشف عليها وهى متشبثه فى ابنها وكأنها خاېفه تسيبه من حضنها
اادكتور ياااه حمد الله على السلامه يامدام بسنت قلقتينا عليكى يلا فتحى عيونك وشوفى ابنك
بوسى فضلت ترمش بجفونها وتفتح عيونها وتقفلها لحد مافتحتها بالكامل شافت ابنها وهو فى حضنها
خرج الدكتور وجرى عليه سمير وعبد الله وام بوسى
الدكتور حمد الله على سلامة المدام حقيقى إللى حصلها معجزه ربنا كتبلها عمر جديد
سمير هى فاقت ممكن اشوفها
الدكتور معلش سيبوها انهارده مع ابنها بس وهى حتخرج غرفه عاديه بعد مانطمن عليها
الام پبكاء انا امها اطمن عليها بس
الدكتور ممكن تشوفوها خمس دقايق بس ومش حقولكم أى انفعال ممكن يخليها ترجع لحالتها واكتر من الأول كمان
سمير لا والله مش حنضايقها خالص حنطمن عليها ونخرج
الدكتور ماشى اتفضلوا وبعد اذنك ياسمير بيه بعد ماتطمن على المدام عاوز حضرتك فى مكتبى
سمير حاضر اطمن عليها واجى لحضرتك
فى وقت ماكان الدكتور بيكلم سمير وعبدالله دخلت ام بوسى أول واحده تطمن على بنتها شافتها وهى حاضنها ابنها والممرضه سانداه ليها
ام بوسى پبكاء وابتسامه حبيبتى يابنتي حمد الله على سلامتك كنت حموت عليكى ياحبيبتى سامحينى يابوسى سامحى امك يابنتي امك إللى بتحبك وغلطت فى حقك
بوسى بتعب شديد سامحينى انتى ياماما
الام مسمحاكى يابنت عمرى احنا إللى غلطنا فى حقك ومن انهارده مش حغلط فى حقك تانى
الممرضه اهدى ياحاجه علشان هى ماتتعبش تانى
ام بوسى وهى بتشد ايد الممرضه انتى هاتى ايدك ابوسها لولاكى بنتى ماكنتش فاقت انتى ربنا يسعد قلبك زى ماسعدتى قلبى بشوفه بنتى
الممرضه وهى بتشد ايدها من ام بوسى استغفر الله ياامى دى زى اختى الصغيره بس انتوا خلوا بالكم عليها
الام
قطع كلامهم سمير من على الباب وهو يستأذن الدخول
الممرضه اخرجى ياحاجه معلش لحد ماهو يدخل
خرجت ام بوسى دخل سمير واول ماشافها مقدرش يمسك دموعه من انها تنزل
سمير وهو ماسك ايد بوسى انا اسف انا اسف انا سبب كل إللى جرالك والله العظيم بحبك انا عارف ان فرحتى بأبنى ظلمتك بس انتى كمان عارفه ان دى اخر فرصه ليا يكون لى طفل يشيل أسمى انا غلطان وعارف غلطى لكن عارف انك بتحبينى وحتسامحينى حتسامينى ياقلبى ....اوعى تسيبينى باباكى عاوز ياخدك معاه وانا مقدرش اعيش من غيرك بصى
متابعة القراءة
