امنيه ورامي
الفصل الاول
طلقها يا عز لو عايزني افضل معاك أنا وابنك طلقها
قالتها ضرتي لجوزي وهي شايلة ابنها كنت واقفة مصډومة وانا ببص علي البنت اللي أنا اعتبرتها اختي مش ضرتي بتطلب من جوزي أنه يطلقني انا اتجوزت عز جواز صالونات لكن بجد حبيته اووي واعتبرته حياتي كنا مبسوطين سوا لكن اللي كان منغص عيشتنا تأخر الخلفة فضلنا سنتين من غير خلفة والناس بدأت تسأل كتير وقتها اتوترنا كل واحد فينا خاېف ان يكون عندنا عيب ومنقدرش نخلف لحد ما قررنا نروح للدكتور واللي اكتشفناه هناك كسرني فعلا كسر قلبي وروحي لما عرفت اني مستحيل اخلف وعندي عقم أنا فاكرة كل حاجة حصلت في اليوم ده فاكرة العياط اللي عيطته قلبي اللي وجعني جوزي اللي اټصدم فاكرة أن لا أنا ولا هو نمنا للصبح احنا الاتنين كنا عاملين نفسنا نايمين بس كنا بنعيط وطبعا لما عرفوا أهله كلهم انقلبوا ضدي في ثانية الناس اللي كانت مفروض بتحبني وبحبهم الناس اللي كنت بخدمهم بعنيا اتقلبوا عليا وبقوا يكرهوني ومن هنا ابتدا يزنوا علي جوزي عشان يتجوز عليا قلبي كان واجعني وانا بسمع كلام زي السم بس كنت بستحمل عشان عز بس مؤخرا حسيت أن عز كمان اتغير عليا بقا يزعقلي وبدأ يكون عصبي وفي يوم حصل حاجة ډمرتني خالص
فلاش باك
امنية
بلعت ريقي ودموعي نزلت وقولت
عايز تتجوز !
هز رأسه فمسحت دموعي وقولت
وماله يا عز ده شرع ربنا وحقك يكون ليك ابن وانا مش هعترض طريقك وابقي عايشة معاك وهكتفي اني اكون معاك وبس
ابتسم هو وحضني وقال
انتي احسن ست في العالم ده كله يا أمنية انتي ست البنات
دموعي نزلت اكتر وانا بحضنه صحيح ده شرع ربنا أنا مقدرش اتكلم بس قلبي كان بيتحړق اووي
باك
بعدين عز اتجوز منال واللي وقتها اعتبرتها اختي حاولت كتير اني اصاحبها محبتش أشيل كره في قلبي من ناحيتها رغم أن عيلة جوزي كانت بتفضلها عليا بطريقة واضحة بيخرجوها معاهم ولو فيه مناسبة عائلية بيقولوها هي مش أنا وزاد التفضيل لما هي حملت وقتها قررت اني مهتمش الا بجوزي بس واللي كان بيعاملني كويس اووي زي ما يكون عايز يعوضني عن جوازه عليا لكن طبعا الاهتمام قل لما هي حملت وانعدم لما ولدت مبقتش وقتها اشوفه خالص الا نادر بس قولت عادي ده عنده ابن ودلوقتي هو الأهم لكن اللي بتقوله ضرتي ده صعب ازاي تطلب كده منه بس عز بيحبني مستحيل يعمل كده
بتقولي ايه يا منال حرام عليكي أنا خليت جوزي يتجوزك وقبلت بالوضع
مني لكن ده افترا
بصت منال لعز وقالت
وانا مش عايزة ضرة يا عز يا تطلقها يا تطلقني وانت اختار!!!
يتبع
الفصل التاني
عز
قولتها وانا بعيط لعز المصډوم اتكلمت منال وقالت
عز عقبال ما تقرر أنا هاخد ابني واروح بيت بابا
ولسه هتمشي قال بسرعة
استني يا منال هطلقها خلاص
حسيت بحد كب ماية ساقعة عليا حسيت أن قلبي فعلا بيتعصر من الالم كنت مصډومة وانا بشوفه بيتخلي عني بالطريقة دي
عز !
قولتها پصدمة
بس هو رفض حتي يبصلي وقال وهو بيبص لمنال بحب
امنية أنا مش هخسر مراتي اللي بحبها وابني عشان خاطرك أنا عارف ان مش ذنبك انك مبتخلفيش بس انا دلوقتي بقت ليا
حياة مختلفة
بصلي فجأة وشوفتها في عينيه اني مبقتش موجودة اني خرجت من
قلبه او حتي مكنتش موجودة أصلا هو فعلا عمره ما حبني لان الحب مش بيختفي بالسهولة دي
اتكلم بهدوء وقال
انا هطلقك عند مأذون عشان ميكونش فيه امل ليكي اني هرجعلك وهديكي كل حقوقك متقلقيش
اتجمدت مكاني ودموعي بدأت تنزل اكتر حسيت قلبي واجعني وشريط حياتي معاه بيمر سنة افتكرت الوعود والحب الكبير اللي كان معيشني فيه كان بيقول أنه بيحبني اووي ومستحيل يتخلي عني معقول نسي
دموعي بدأت تنزل اكتر وفضلت ابكي وانا حاطة راسي في الأرض
اهو ابتدينا اسلوب الشحتفة الكدابة
قالتها منال بتريقة بصتلها پقهر وبعدين بصيت لعز وقولت
عندك حق لازم نتطلق عند مأذون لأني أنا اللي مش عايزة ارجعلك وحقي هاخده كامل مش فلوس بس يا عز لا أنا واثقة أن ربنا هيحرق قلبك زي ما حړقت قلبي ربنا هيحاسبك عشان معدلتش لما اتجوزت عليا
بصيت لمنال وقولت
وانتي كمان ربنا هيحاسبك عشان طلبتي منه يطلقني ربنا هياخد حقي منكم
وبعدين خرجت من البيت ونزلت تحت في بيت حمايا وحماتي لقيت الكل بيبصلي كانوا عارفين بصتلهم پقهر وقولت
هو ده جزاء اللي بيعاملكم كويس عايزة اعرف أنا عملتلكم ايه عشان تعملوا معايا كده ده انا كنت بخدمكم بعيوني ويوم ما طلبتوا عز يتجوز أنا معترضتش ليه كده ليه الكره ده انا لو بنتكم مكنتوش هتعملوا
فيا
كده
محدش كلف نفسه ورد عليا فقولت
بس ربنا مبيسبش حق حد والله
وبعدين
انا رايحة بيت اهلي
