امنيه ورامي
المحتويات
وخلي ابنكم يجيب المأذون كل حقوقي توصلي والا والله هجرجره في المحاكم
وبعدين مشيت وسبتهم
بعد يومين تم طلاقي واخدت كل حقوقي كنت قاعدة في البيت وانا مڼهارة رافضة
اطلع وامي كانت بتأكلني بالعافية حاولوا كتير يخرجوني لكن رفضت
بعد ما خلصت عدتي
لقيت عز جالي البيت زيارة وصمم يشوفني
طلعتله وانا لابسة حجابي وقولت
خير عايز ايه !!
وقف وقال بإبتسامة
انا اتعمدت اجي بعد العدة واقولك اني مش قادر اعيش من غيرك يا أمنية أنا فعلا بحبك وعندي حل نكون مع بعض من غير منال ما تعملنا مشاكل ايه رايك نتجوز تاني بس عرفي!!!
يتبع
الفصل التالت
افندم بتقول ايه !!
قولتها پصدمة ومن جوايا كنت عايزة اضحك من سخافة الموقف اتجوزه عرفي عرفي ده اكيد مچنون يخربيت العته!!!علي قد ما الموقف كان كوميدي بالنسبالي بس من جوايا برضه كنت بغلي حاسة ببركان بينفجر وقلبي كان بيتقطع من القهر للدرجادي بقيت رخيصة عشان يعرض عليا عرض زي كده !!
قول تاني عرضك يا عز عشان ميبقاش ليا حجة واضربك لحد ما يبان ليك صاحب !!!
ابتسم عز بتوتر وقال
فيه ايه يا أمنية أنا قولت ايه غلط
انا لحد دلوقتي بحبك بحب اهتمامك بيا وحبك ليا منال من اول ما خلفت بطلت تهتم بيا حتي بطلت تنام في اوضتنا فأنا محتاجك ومتنكريش انتي
ام ابني مقدرش ازعلها مني
بصيت له پصدمة لا اكيد ده مچنون مستحملتش وبدأت اضحك اضحك بصوت عالي
بتضحكي ليه !
قالها هو بعصبية فقولت
انت شارب حاجة اكيد صح !
لا ليه
!
بروده غاظني محستش بنفسي الا وانا پصرخ وبنادي بابا واخويا جم بسرعة وهما بيقولوا پخوف
فيه ايه يا أمنية !
شاورت ليه وقولت
البيه اللي انتوا طلبتوا اقعد معاه واترجتوني يمكن ارجع معاه وتتخلصوا مني رغم اني انا اصلا مكنتش هوافق جاي يطلب مني ارجعله بس بعقد عرفي شوفت البجاحة
اتوتر عز وهو بيشوف نظرات ابويا واخويا وبجد دي كانت احلي لحظة في حياتي وانا بشوفه بيضرب
راح عز لأهله اول ما شافته أمه صړخت وقالت
مين اللي عمل فيك كده يا حبيبي !
اتنهد عز وقال
مفيش يا امي اتخانقت خناقة بسيطة
بسيطة ايه يا بني ده وشك كأنه عدا عليه قطر يا حبيبي يا ابني
نزلت منال واول ما شافته فصلت من الضحك وقالت
يا اخويا عمرك ما تيجي من خناقة ضارب الا دايما مضړوب يا ميلة بختك يا منال
ما تتكلمي ما جوزك كويس يا منال واحترمي
زعقت فيها حماتها فزعقت منال وهي بتردح
لا يا حبيبتي اتكلمي عدل معايا أنا مش عبيطة زي اللي ما تتسمي أمنية واخد جمب واقعد اعيط
ده انا ام الواد دلوقتي يعني امسح بكرامتك انتي وابنك الأرض فأهدي كده يا حلوة بدل ما اخد ابني واخليكي تبوسي رجلي عشان تشوفيه
وبعدين منال اخدت ابنها من حماتها بالعافية وطلعت علي شقتها وسط ذهول الكل محدش كان مصدق ان دي منال الطيبة اللي فضلوها علي أمنية
مر يومين
ام عز كانت طالعة السلالم للسطح عشان تنشر كانت بتنهت وعيونها مدمعة وهي بتفتكر أمنية اللي كانت بتساعدها وبتعاملها كأنها امها بس هي مقدرتش النعمة فربنا عاقبها بمنال اللي مطلعة عينيها طلعت اخيرا ولسه هتدخل السطح سمعت صوت حد بيضحك سابت سبت الغسيل وراحت ببطء تشوف مين ده واټصدمت لما لقيت منال بتتكلم في التليفون وبتتفق مع واحد أنها تقابله في بيته !!
اه يا مقصوفة الرقبة !
صړخت ام عز وهي بتمسك منال من شعرها وقالت
وديني هوريكي يا خاېنة يا رخيصة هخلي ابني يقتلك
ولسه ام عز هتنزلها راحت منال زقتها لحد ما اختل توازنها ووقعت علي السلالم
وقتها عز كان بيطلع السلم لما سمع أمه بتزعق لمنال واتجمد مكانه وهو شايف أمه واقعة علي الأرض بتڼزف!!!
امي
قالها عز ودموعه بتنزل
يتبع
الفصل الرابع
عز عز والله ما كان قصدي اوقعها
قالتها منال والضابط بيزقها لبرا كانت مصډومة مش قادرة تصدق انها ودت نفسها في داهية عز حتي مفكرش يدافع عنها هو بس باصص للأرض وهو بيعيط ومصډوم
بعد اسبوع
مدام أمنية المړيض في اوضة 203 عامل مشكلة
قالتها الممرضة الصغيرة ليا وهي متوترة وبما اني ممرضة ليا خبرة كبيرة طلبت مساعدتي قبل ما اتجوز عز كنت ممرضة ليا وضعي في المستشفي دي كنت شاطرة جدا أي دكتور كان بيطلب مني ادخل معاه العملية وعشان كده لما طلبت ارجع رجعوني فورا
روحت للمريض اللي عامل مشاكل كالعادة وابتسمت وانا بشوفه بيزعق زي كل يوم وبيهدد الممرضين لما اللي جوه شافوني عرفوا اني اقدر احل الموضوع طلعوا بهدوء وسابوه
فقولت بهدوء
مش هتبطل مشاكل يا استاذ رامي
ابتسم لما سمع صوتي وقال
لو معملتش مشاكل مش هسمع صوتك
حاولت مضحكش وقولت بصرامة
انت بتعاكسني بقا
ايه رايك
ابلغ مدير المستشفي
ان ابنه بيعاكسني هو أكيد هيطردك علطول دكتور عماد مبيحبش الحال المايل حتي لو كان من ابنه
مد رامي شفايفه كأنه زعلان وقال
انا بعاكس حرام عليكي يا أمنية أنا راجل كفيف مسكين محروم من نعمة البصر يعني معرفش شكلك اصلا
ابتسمت مقدرتش امنع نفسي
من
متابعة القراءة
