يونس اسكريبت كامل بقلم ريم خالد
المحتويات
الترابيزة بعد ما ضحكت معاه طلع مذكراتي وأنا بكتب اللي بيجي في بالي رفعت عيني لجدو وهو بيهزر مع الشباب كأنه جدهم بجد شاورتله قرب مني وهو بيقولي
أومري يا حبيبة جدو
ضحكت وأنا بقوله
عايزه أعرف السبب !
شد كرسي وهو بيقولي
سبب أي !
سبب أن حضرتك بتخلينا نقولك يا جدو
أخد نفس عميق وهو بيقولي
أبدا ياستي أنا فتحت الكافيه بعد ما طلعت معاش بسنتين كانوا أسوأ سنتين في حياتي اللمه اللي حواليا أتفضت وأولادي وأحفادي مسافرين محدش جنبي غير حياه الفكره جاتلي من شاب جاري كان هو الوحيد اللي بيجي يونسني لما قالي الفكره مستنش وتاني يوم الصبح كنت بدور علي مكان عشان أعمل الكافيه وأهو بقاله كام شهر فاتح بس اتشهر وأتونست بالناس التاني
كنت بسمعهه وأنا مبتسمه بهدوء
أنا سمعت عن كافيه العيلة كتير بس للحق مجتش قبل كدا أول مره دخلته كانت المره اللي فاتت
أنا عارف كل احفادي اللي بيجوا هنا انا عارفهم
أبتسمت بهدوء حضرتك حنين اوي
أبتسم لي وهو بيسألني
قوليلي بقا عامله اي دلوقت !
انا بخير جدا الحمد لله بحاول أتعافي
هتتعافي وتبقي زي الفل وبعدين مفيش حاجه تستاهل تتعبي عشانها اصلا
هو طبعا مش هتعافي بسرعه كدا بس يعني في نوع من الراحه مخلوقه جوايا ودا مطمني
أبتسم بحنية وسابني عشان يكمل شغله بعد شويه كنت قاعده سرحانه وأنا ببص علي النيل سمعت صوت ضحك لفيت وشي كان فيه شاب مديني ضهره وواقف مع جدو وبيهزر معاه وواقف جنبه بنت بس باين عليها أنها مش مرتاحه
عمر ممكن يلا !
كانت كلمتها اللي طالعه منها بأنفعال ملحوظ بصلها الشاب بتحذير بس هي مهتمتش طبطب جدو عليه وهو بيقوله
ماشي
ردت البت بقله ذوق أنا مش هقعد هنا
رد بأنفعال سيدرااا !
يوه بقا
كټفت أيديها وهو بتطلع برا المكان قرب الشاب باس دماغ جدو وهو بيعتذرله بأحراج
محصلش حاجه روح وراها عشان متزعلش
هز رأسه وهو بيلف بضيق في نفس الثانيه عينيه جات في عيني بعدت عيني بأحراج وأنا ببص علي النيل من تاني بعد ما خرج وقفت وأنا بقرب من جدو
جدو حضرتك كويس !
أبتسم وهو بيقولي ايوه الحمد لله متقلقيش دا عمر جاري اللي قولته عليه أنه صاحب الفكره
هزيت رأسي وأنا ببتسمله كان باين عليه الحزن بس بيحاول يداريه علي ډخله حياه وهي بتقرب منه
مالك يا عبدو !
رد عليها بهدوء أنا كويس يا حياه متقلقيش مصدع شويه
لا أنت مش كويس هو أنا مش عارفاك !
لفيتلي وأبتسمتلي بحب وهي بتسلم عليا وسألتني
ماله يا ريم !
هو يبقي يحكيلك بقا معلش أنا مضطره أستاذن دلوقت
شيلت شنتطتي وقربت منهم وهي بتحاول تخليه يتكلم قربت منه وأنا بقوله
حقك علي قلبي أنا
ضحكلي وهو بيطبطب علي كتفي سلمت عليهم وفي لحظة خروجي كان عمر داخل بأندفاع كنت هقع بس مسك أيدي بسرعه وهو بيعتذر سابني وقرب من جدو وهو بيتكلم معاه بهدوء وضحك أبتسمت ابتسامه خفيفه علي ضحكتهم هما التلاته مع بعض وخرجت من المكان وأنا ببتسم
أتعودت أروح كل يوم هناك أفصل شويه العالم اللي برا كنت قاعدة وبكتب حاجه في النوت بتاعتي لحد ما سمعت صوت عارفاه كويس لفيت رأسي بسرعه لقيته هو معاذ خطيبي القديم واقف مع جدو وبيتكلموا مع بعض وجنبه بنت ماسكه في أيده
أهدي أهدي
أخدت نفس عميق وبدأت ألم حاجاتي بأرتباك وانا كل شويه ببص عليه وبغمض عيني
المكان غمضت عيني من غبائي قرب جدو مني بسرعه وهو بيقولي
مفيش حاجه عادي أهدي
أنا أسفه جدا
مفيش حاجه يا ريم أهدي أنتي كويسه
رفعت عيني ليه كنت لسه هتكلم لقيته جنبي وهو بيقولي
ريم أنتي كويسه !
رفعت عيني ليه بالعافيه وهزيت رأسي مسك جدو أيدي اللي كانت بتترعش وقعدني مكاني وهو بيقوله
طيب يا معاذ روح أقعد علي ترابيزتك أنت
مشي بعد ما رمي عليا نظره سريعه فيها قلق غريب جه حد شال الكوباية المكسوره ونضف المكان قعد جدو قدامي وهو بيقولي
كل اللي حصلك دا عشان كوباية أتكسرت !
رفعت عيني اللي كانت مليانه دموع ليه بصلي بأستغراب قولتله بحزن
كنت متوقعه أني تجاوزت الموضوع بس طلعت غلطانه أتخضيت لما سمعت صوته وقلبي اتنفض من مكانه لما حس بيه قريب أنا كدابه أنا لسه متجاوزتش لسه
رفع عينيه علي معاذ اللي كانت عينيه علي ترابيزتي
قصدك معاذ !
هزيت رأسي وأنا بحاول أمسك دموعي ضحك وهو بيقولي
حاولي تبيني أن مفيش حاجه عينيه علينا أضحكي وأقعدي عدل اوعي تبيني ضعفك
بعد كلامه اتعدلت في قعدتي وانا بأخد نفسي كمل كلامه بنفس الابتسامه
طبيعي اللي انتي فيه المهم ميكونش أشتياق !
مش عارفه بس أنا كارهه أني موجوده معاه في مكان واحد مكنتش أتمني يجمعنا مكان ولا طريق تاني
رد جدو انا عمري ما شوفته دي أول مره بس البت اللي معاه كانت دائما بتيجي هنا مع صحابها يعني هي اللي جابته
كان تصرف غبي مني اللي عملته مش كدا !
ولا غبي ولا حاجه الكوباية أنقذتك انها أتكسرت وأن توترك دا كان بسبب الكوبايه مش بسببه هو وبالاماره أنك لسه قاعده
مكانك
بصيتله بأمتنان وأنا بشكره بهمس غمزلي بتسليه وهو بيقول بصوت عالي
شوفلي يابني الكوبايه اللي أتكسرت دي بكام عشان الانسه تدفع تمنها !
ضحكت وأنا بخبط كف علي كف مع ضحكه معظم اللي كانوا في الكافيه فضل جدو قاعد معايا وهو بيكلمني في أي حاجه لحد ما حسينا بحد بيشد الكرسي اللي جنبنا وبيقعد پغضب
قال جدو بأستهزاء يا قاعدين يكفيكوا شړ الجايين
بصله عمر بطرف عينيه ورجع بص قدامه تاني كنت ببصله بأحراج وبعدت عيني عنه بعد ما بصلي
اسف أني قعدت فجاه كدا بس مفيش مكان فاضي زي ما أنتي شايفه
قولتله بهدوء لا مفيش مشكلة
مالك يا عمر أشجيني
لما تيته تيجي
بعد خمس دقائق كانت تيته حياه قاعده جنبي وقدامها جدو وعمر قاعد قصادي
طيب هستأذن انا عشان تعرفوا تتكلموا
رد عمر بهدوء لا اقعدي أحنا اللي أحتلينا ترابيزتك اصلا أقعدي
قعدت مع شدت تيته علي أيدي أني أقعد وهي بتبصلي بخبث سند علي الترابيزة وهو بينفخ بضيق
أنا تعبت مفيش حاجه بترضيها كل اللي بعمله مش عاجبها لا هي ولا أهلها بغض النظر عن طريقتها وغرورها اللي مكنتش بيه قبل كدا غيرتها زايده اوي مش عارف اصلا دي غيره ولا تملك بس الغيره بتبقي ناتجه عن حب وأنا مش بشوف منها أي حب انا بتنازل كتير اوي عشان خاطرها وبرضي بحاجات كتير مش عجباني عشان خاطرها وهي ولا فارق معاها اصلا !
وقف كلام وهو بيأخد نفسه پغضب وبيمسح علي شعره بضيق واضح جدا رد عليه جدو
أنت شايف أنها تستاهل التنازل اللي بتقدمه دا !
بصله عمر بتوهان يشبه توهاني في أول مره
مش عارف ومش فاهم ومش قادر أقدم أكتر من اللي بقدمه تعبت خلاص !
اققولك علي حاجه متنازلش علي اي
نفسيتك أنت ومن قلبك
متابعة القراءة
