يونس اسكريبت كامل بقلم ريم خالد
بهدوء وأنا بفرك في دماغي لحد ما سمعته وهو بيصفر بأعجاب
أي الحلاوه دي !
بصيتله بتحذير رفع أيديه بأستسلام وهو بيقولي
أنا بحب أقول للجميل أنه جميل مش بعرف أكدب
ضحكت وأنا بهز رأسي بصيت علي لبسه مكنش لسه جهز سألته بأستغراب
أنت لسه مغيرتش الناس علي وصول !
بص علي لبسه وهو بيقولي ببرود
جبت لبسي هغير هنا بس لما أخلص اللي في أيدي
شديت الورقة اللي ماسكها وأنا بقوله
طب قوم غير عشان تكون جاهز وانا هخلص الحاجات دي
رد بهدوء في ناس عايز أكلمهم في التلفون عشان تأكيد المعاد هكلمهم وأقوم
رديت ببساطه هكلمهم أنا قوم بقا
كنت عماله بزق فيه وقف بأرهاق وهو بيفرد جسمه رفع صوباعه قدام وشي وهو بيقولي
عارف لو نسيتي حد أنا هعمل فيكي أي !
حطيت أيدي في وسطي وأنا بقوله بعدم أهتمام
هتعمل أي !
بصلي من فوق لتحت بأعجاب وهو بيقولي
مش عارف بس الأكيد أني هعمل
ضړبته في كتفه جامد وأنا بقوله بتحذير
ياريت تحترم نفسك عشان كلامك بدأ يأخد صيغه مش عجباني
ضحك وهو ماشي وبيشوح بأيده بعدم أهتمام كنت ببص عليه لحد ما أختفي من قدام عيني قعدت مكاني تاني وبدأت أكلم الناس اللي هو كاتب أساميهم وأنا بأكد عليهم المعاد بعد ما خلصت سندت ضهري بتعب علي الكرسي وبصيت علي الورقة لمحت أسم معاذ من المعزومين
هو دا كمان أتعزم بتاع اي !
قومت وقفت وانا بروح ناحيه المرايا وببص علي نفسي وبفتكر كلام عمر ضحك بكسوف وبدأت ألف حوالين نفسي وأنا مغمضه عيني خبطت في جسم جامد فتحت عيني بسرعه كان عمر قصادي بيبصلي بتسليه وهو ماسكني بعدت عنه بسرعه وأنا بقوله
في أي !
رد بضحك في أي !
بصيت عليه كان لابس قميص أسود علي بنطلون أسود عليهم بليزر رصاصي بعدت عيني عنه وأنا بقوله
أنا كلمت الناس اللي قولتلي
قاطعني وهو بيقولي مقولتيش رأيك في الشياكه
رفعت أكتافي وأنا بقوله كويس مناسب
كويس أي هو أنا بقولك شوفي حرارته كام !
ضحكت وأنا ببصله كان بيبصلي بغيظ أديته ضهري وأنا بقوله بأحراج
شكلك حلو
جري وقف قدامي وهو بيقولي بتسليه
بجد
هزيت رأسي وأنا ببص عليه
الجامد مش مستني حد يقوله أنه جامد
كنت لسه هرد ضحك وهو بيقولي بسرعه
بس أنا بستني عادي
أبتسمت عليه وأحنا بنبص في عيون بعض لحد ما حسينا بالباب بيتفتح وناس بدأت تدخل رحبنا بيهم ووقفنا جنب بعض بنستقلبهم نزل عمر لمستوايا وهو بيقولي
تيته بتقولي أنهم خلاص علي وصول
هزيت رأسي وأنا بقوله طيب أنا هروح أتأكد أن كل حاجه تمام
مشيت كنت لسه هدخل جوا لمحت معاذ وهو داخل ونفس البنت ماسكه في أيده أتنهدت بعمق ووقعت عيني علي عمر وهو بيقابل الناس بابتسامه هاديه أبتسمت تلقائي وأنا ببصله
كنا واقفين جنب الباب من ناحية وعمر واقف من الناحية التانية منتظرين دخول جدو عبد الرحمن وتيته حياه وأتفتح الباب وحصل صوت تصقيف عالي وأحنا بنغني الاغاني المشهوره لأعياد الميلاد أتخض جدو ورجع لورا وتيته مسكت من أيدي التورته وهي بتغني معانا وهو بيبص للمكان حواليه پصدمه بعد ما خلصنا بدأوا اللي موجودين يقربوا منه وكل واحد فيهم بيديله هديته
كل سنه وأنت طيب يا عبدو
بصلنا أنا وعمر وهو بيضحك بفرحه باينه في عينيه وهو بيهزر معاه وهو بيقوله
بس اي رأيك في المفاجاه !
ضحك
وهو بيهز رأسه بفرحه وسألنا
بس أنتوا عرفتوا ازاي !
بصينا أنا وعمر علي تيته حياه وغمزناله
قربت منه وهي بتقوله
حبيت أفرحك وأعرفك أن الناس لسه حواليك واللي أعتبرتهم أحفادك كانوا أول الموجودين في عيد ميلادك
ضمھا ليه وهو بيقولها بصوت غلبه الحب
أنتي بالنسبالي بيهم كلهم وجودك بيكفيني ومش عايز غيره دا أنتي أطيب وأحن ما في العمر والله
كنت ببصلهم بدموع وبتمني يكون ونيسي في الدنيا بنفس الحنيه والحب رغم مرور السنين صفر عمر وهو بيشاور لحد وأشتغلت الأغنية المفضلة لجدو بتونس بيك بتونس بيك وأنت معايا
بتونس بيك وبلاقي في أقربك دنيايا
لما تقرب أنا بتونس بيك
كان جدو وتيته ببرقصوا علي لحن الأغنيه وبدأوا كل واحد في المكان يمسك شريكه ويشاركهم الرقصه بكل حب كنت واقفة متابعه اللي بيحصل بعيون بتلمع ضرب عمر كتفه في كتفي وهو بيقولي
عقبال ما تلاقي اللي تتونسي معاه
بصيتله وضحكت
إنشاء الله كمان سنتين تلاته كدا
نعم هو أنا لسه هستني !
بصتله بأستفهام كان لسه هيرد لما سمعت أسمي بصوت أكتر حد محبش أنه ينطقه
أتفضل يا معاذ في حاجه !
بص عليا وعلي عمر اللي كان بيبصله بأستغراب
ممكن نتكلم شويه !
أخدت نفس عميق وأنا بقوله بملل
نتكلم في أي
رد بأنفعال في حياتنا يا ريم
قربت منه وأنا بقوله بأنفعال مشابه
ملوش داعي أننا نتكلم في حاجه كدا كدا أنتهت وأبعد عن طريقي بقا وراعي ربنا في البنت اللي معاك لو مش بتحبها سيبها ولا أنت لازم توجعها يعني !
هسيبها بس ترجعيلي !
رديت وأنا بضحك هو أي دا ! خلاص خليك معاها انا وأنت مفيش حياه بينا بعد كدا أنتهينا !
قولتها آخر كلمه وأنا ببص في عينيه جامد كان لسه هيمسك دراعي حاش عمر بيني وبينه وهو بيشدني وراه وهو بيقوله
روح أقعد ومتعملش مشاكل عشان مقلش منك
زقه في صدره وهو بيقوله
لا بقا أنا عايز أشوف أنت هتقل مني ازاي !
عدل عمر البليزر بتاعهه وبص حواليه محدش كان مركز معانا مسكه عمر فجأة من رقبته وهو بيشده برا المكان وأنا وراهم بحاول أحوش بينهم
عمر سيبه مينفعش كدا !
الأتنين كانوا بيض ربوا بعض بغل واضح دخلت جري علي جدو وانا بناديله يلحق الموضوع قبل ما يكبر طلعوا كل اللي كانوا في المكان وبما فيهم جدو وهما بيسلكوا بينهم لحد ما بعدوا عن بعض
شوفت ازاي !
قالها عمر وهو بيبص علي معاذ اللي بالمعني الحرفي كان متبهدل تحت أيده حاول معاذ يقرب من عمر تاني والناس كانوا مسكينه
سألهم جدو پغضب أي اللي حصل دا أنتوا اتجننتوا !
رد عمر بأنفعال قولتله يقعد مكانه عشان مقلش منه بس هو حب يجرب
ورحمه أمي ما هسيبك
بصلهم جدو پغضب وهو بيقول لمعاذ يقول اي اللي حصل كنت واقفه في جنب ببصلهم بړعب وتيته ماسكه في أيدي بعد ما كل الأنظار وقعت عليا بعد كلام معاذ وهو بيشاور عليا پغضب مشي جدو الناس والبنت اللي كانت مع معاذ ركبته العربية وبصتلي بنظره كره غريبه دخلت أنا وهما لجوا بعد ما العيد ميلاد باظ وتيته عمال بتطمن علي عمر وبتشوف وشه
أنا كويس يا تيته متقلقيش
قعد جدو جنبي وهو بيبصلي بهدوء
ريم أنتي
سكت شويه وبعدها بصيت عليهم وأنا بقولهم بحزن
أنا أسفه علي اللي حصل
وأنتي أي ذنبك !
مسكت فيها وأنا بتكلم بحزن
بسببي عيد الميلاد اللي حضرتك عماله تحضري فيه باظ وكسرت فرحه جدو كله بسببي أنا بجد أسفه
رد جدو وهو بيقولي بهدوء
ولا اي حاجه من اللي أنتي بتقوليه دي حصلت عيد الميلاد كمل وفرحتي لسه موجوده محصلهاش
حاجه وعمر أهو كويس دا هو اللي ضارب الواد لحد
ما أختفت ملامحه
بصينا علي عمر كان مركز معايا أول ما عينيه جات في عينيا وهو بيقولي
اللي أنا عملته دا كان أبسط حاجه ممكن حد يعملها محدش ليه حق إنه يطاول عليكي بالكلام أو حتي يقرب منك !
كنت ببصله بأستغراب طبطب علي كفي بحنية وهو بيقولي بهمس دافي
سبحان الوهاب خلق عينيك بكل هذا الجمال !
حسيت بوشي اللي أحمر من الخجل قرب بكرسيه مني وهو بيقولي
حتي قلبي نحوها مال
ضحكت بكسوف وأنا ببصله ميل برأسه شويه وهو بيقولي بمشاكسه
مش ناويه تتونسي بيا !
رديت بهمس مش ناوية أتونس غير بيك
بعد سنتين أفتتاح الفرع التالت لكافيه العيله دخلت أنا وعمر المكان وهو علي أيده يونس أبننا وكان لابس شبهه وكأنه نسخه مصغره منه أول ما لمح جدو عبد الرحمن نزل من علي أيد عمر وجري عليه أول ما شافه ساب كل اللي في أيده
حبيب جدو
أومال لو مكنتوش امبارح مع بعض !
بصلي جدو وهو بيقولي برجاء
ما تسبهولي هأخد بالي منه والله
ضحكت وأنا ببص علي عمر وهو بيقوله بفرحه
ياريت بدل ما هو عامل زي ضرتي كدا
ضربت عمر في كتفه وأنا بضحك علي طلعه تيته أول ما شافت يونس جرت عليه وهو رمي نفسه عليها
كدا بقا ضرتي أنا وانت
قالها جدو ببرود وهو بيمد أيده يسلم علي لعمر بعد شويه كنا واقفين علي جنب بنتكلم لحد ما أشتغلت اغنيه بتونس بيك ضحكنا وكل واحد فينا مسك شريكته وهو بيرقص معاها بعد دقيقتين شاورلي عمر بعينيه علي يونس أول ما عيني وقعت عليه كان معاه بنوته بيرقص معاها وهما مندمجين ضحكت وأنا ببصله پصدمه ميل عمر عليا وهو بيقولي بحب
مش سهل الواحد يلقي ونيس ربنا حبني خلاني لقيتك
بصيتله بعيون بتلمع وضحكت بخجل
وعيني علي يونس والاغنيه شغاله من حوالينا
ريم خالد
هابي أسكريبت بدل هابي فلانتين
