بعد النهاية
المحتويات
ارضيكي واكون جنبك .. بس سبحان الله عمرك ما حبتيني
وقفت مصډومة من كلامه
شريف بس عارفة يا دارين انا حبيتك ... حبيتك من قلبي ... وعلى قد ما حبيتك على قد ما كرهتك
نظرت اليه في صدمة وكادت تبكي لكنها تماسكت
شريف عارفة يا دارين انا طول عمري عارف ان عندك كبرياء بس عمري ما توقعت ان كبريائك ده يوصلك انك توجعي اللي حواليكي بالمنظر ده .... كبريائك ده مضيعك ولأول مرة بكتشف انك اتجوزتيني إرضاء لكبريائك وبتعاتبيني دلوقتي برضو إرضاء لكبرياءك
صمت منتظرا منها أي رد
فقالت بثبات وكبرياء ها خلصت كل كلامك ولا لسه في حاجة مقولتهاش
ضحك بسخرية على كبريائها الذي يأبى ان يتحطم ونظر اليها طويلا وقال انتي طالق يا دارين
تقبلت الصدمة بثبات حتى لا ټنهار
شريف وصدقيني هعرف اوجعك ذي ما وجعتيني
دارين بقوة مصطنعة اطلع برا يا شريف
ذهب شريف وهو يكن الحقد والغل بداخله من خداع دارين له
أما دارين فبمجرد خروج شريف من الغرفة أغلقت الباب وبدأت في البكاء
___________________________________
نور البقاء لله يا عائشة
عائشة انا انتهيت يا نور انا كده هرجع البلد خلاص وحلمي راح
نور استهدي بالله هو خالك ميقدرش يخليكي معاه
عائشة بابا مش هيوافق واصلا خالي عنده ولد هقعد معاهم ازاي
نور مش تقعدي معاهم تقعدي في بيت جدتك العادي يعني
عائشة بابا مش هيوافق هيقولي مش هتقعدي لوحدك وخالي معروف من زمان انه مشغول في الشغل وبيسافر لمحافظات تانية بابا مستحيل هيوافق
نور طب مفيش حد تاني من قرايبك في القاهرة
عائشة بدموع مفيش يا نور
نور طب تعالي اقعدي معايا
عائشة مستحيل بابا يوافق اقعد عند اي حد ميعرفهوش
نور طب اكلمه انا اقنعه
عائشة ريحي نفسك مش هيوافق انا كلمتك اسلم عليكي
نور طب والدك هيعرف منين ان جدتك ماټت
عائشة خالي قاله
نور طب....
قاطعتها عائشة فلا فائدة من هذا الحديث مع السلامة يا نور هتوحشيني
وأغلقت الخط وأطلقت العنان لدموعها
___________________________________
في شركة فؤاد
دخل فؤاد الى مكتب تامر
فؤاد تامر انا مسافر كام يوم شغل ومحبتش أقول
لدارين علشان متضايقش فعاوزك ترجع الفيلا تقعد معاها علشان متقعدش لوحدها
تامر وانا مالي
فؤاد انت مش اخوها
تامر يا فؤاد بيه انا مبحبش الخناق على الصبح والظهر والعشا
فؤاد ولكأنك شايفها انت أصلا مش هتشوفها هتقعد هي طول اليوم فوق مع ابنها ...وبعدين انت ناوي تقعد في الفنادق ولا ايه
تامر اكيد لاء
فؤاد خلاص ارجع الفيلا
تامر ربنا يسهل
فؤاد تامر ارجوك متسبش دارين لوحدها
تامر أولا هي مش لوحدها معاها علياء ثانيا انا قولت ربنا يسهل واحتمال كبير فعلا ارجع الفيلا
فؤاد تمام انا مسافر دلوقتي سلام
تامر ببرود سلام
وذهب فؤاد
رن هاتف تامر الخليوي
تامر الو
صفاء بلهفة هي دارين ولدت امتى
تامر ومكلمتهاش ليه
صفاء بأسى اصل احنا مټخانقين
تامر طيب ولدت سلام
صفاء طب سميته ايه
تامر معنديش فكرة ولو حبيتي تسألي عن أي حاجة تخص دارين فيا تكلميها يا تكلمي فؤاد بيه يا تكلمي شريف
صفاء وانت
تامر انا ايه
صفاء عامل ايه
تامر انا مش صغير علشان تسأليني الأسئلة دي
صفاء هي الأسئلة دي بتتسأل للأطفال بس
تامر انا ورايا شغل سلام
واغلق الخط
وفجاءة دخل شريف الى مكتبه
تامر شريف!
جلس شريف
تامر انت رجعت امتى
شريف مش مهم
تامر دارين ولدت امبارح مش هتروح تشوفها
شريف روحت واتكلمنا
تامر طيب تمام
شريف انا ودارين اتطلقنا
تامر پصدمة ايه ..اتطلقتوا ليه
شريف نصيب
تامر بلاش استفزاز يا شريف اتطلقتوا ليه وانا هصلح الوضع
شريف حكايتنا انتهت دارين خدعتني وانا مش عاوز اشوفها تاني
تامر خدعتك ازاي
شريف هي عندك ابقى اسألها
تامر شريف بلاش الموضوع ده يطلع برا تمام
شريف لا اتطمن...بس انا عندي طلب
تامر طلب ايه
شريف عاوز ابني يعيش معايا
تامر طبعا بس لما يبلغ السن القانوني ولحد ما ده يحصل تقدر تشوفه في أي وقت
شريف لا دلوقتي من سنه دلوقتي عاوزه معايا
تامر بلاش جنان يا شريف الطفل في حضانة دارين دلوقتي
شريف وانا قولت دلوقتي ايه قولك
تامر بهدوء اطلع برا يا شريف
شريف كده
تامر واكتر من كده برا يا شريف
شريف طيب يا تامر يبقى بيني وبين دارين المحاكم
ينهض تامر محاكم ايه انت اټجننت عاوز تفضحنا
شريف خلاص يبقى نحلها مع بعض بدل ما ارفع قضية واطالب بحضانة الطفل واثبت ان دارين غير متحملة للمسؤولية وفي طرق كتير اقدر اثبت بيها ان دارين غير متحملة للمسؤولية حتى لو اضطريت اوجد الطريقة دي
تامر انت بتهددنا ولا ايه
شريف افهمها ذي ما تفهمها وتخيل اسم عائلة الحكيم بعد الكلام ده كله
صمت تامر
شريف ابني يبقى عندي بكرا وكل حقوق دارين هتوصلها بكرا
تامر بس الطفل محتاج لرعاية الام دلوقتي
شريف يعني هي دارين هتعمل ايه زيادة عن اللي هعمله ... الحاجة الوحيدة اللي بتعملها أي ام انها بترضع ابنها ودارين مش هتعمل كده دارين هتجيب مرضعة يعني نفس اللي هعمله تمام
صمت تامر وجلس
فنهض شريف كده يبقى متفقين ...بكرا يا تامر
وغادر شريف
كان واثقا من موافقة تامر بالطبع فهو يعلم طريقة تفكيره ونقاط ضعفه التي يستطيع اصابتها من الطلقة الأولى
لم يكن يوما ذلك الشخص لكن انفطار قلبه كان كفيلا بالأمر يتساءل لماذا فقط الذين نحبهم هم الذين يئذوننا
_____________________________________
جلست في غرفتها تبكي بصمت فسمعت طرقات على الباب فمسحت دموعها سريعا
دارين ادخل
دخلت علياء حاملة الصغير واعطته إياها
دارين رضعته
علياء اه يا هانم ولو اني افضل ان انتي ترضعيه
دارين بإنفعال سبيني لوحدي مش ناقصة
ذهبت علياء في هدوء
وبدأت دارين تبكي في صمت
الفصل 18 و
في شركة عماد
فارس بقولك ايه يا فندم
عماد خير يا فارس
فارس انا عارف ان مش من حقي اتدخل بس كنت عاوز أقول رأيي يعني على سبيل نصيحة
عماد انت بتتكلم عن ايه
فارس انا لما صاحبت ابنك وليد عرفت ان عنده فكرة مشروع هايلة بس هو قالي انك مش موافق
تغيرت ملامح عماد اقفل الموضوع ده
فارس ليه يا فندم الفكرة كويسة ويمكن دي الحاجة اللي نفسه فيها بجد وهينجح فيها
عماد لما ينجح في دراسته يبقى ييجي يكلمني في مشروع
فارس مش يمكن ده يكون حافز ليه
عماد بصرامة اقفل الموضوع يا فارس
فارس لكن ي...
عماد فارس وبعدين
صمت فارس
عماد ويلا انا عاوزك معايا في اجتماع
فارس تمام
_____________________________________
دخل تامر الى الفيلا يحمل حقيبة سفر
كانت دارين جالسة على مائدة الطعام شاردة
ترك تامر حقيبة سفره وجلس على المائدة مقابلا لها
تامر دارين
انتبهت له هاه..
تامر انتوا اتطلقتوا ليه
دارين انت لحقت تعرف
تامر هو اللي جالي وقالي
دارين طيب تمام مقالكش بالمرا ليه
تامر قالي اسألك
دارين ده شيء يخصني يا تامر جواز كان او طلاق
تامر انتي عملتي ايه علشان يطلقك
دارين تامر انا فيا اللي مكفيني وقايمة من ولادة وتعبانة فأرجوك اقفل الموضوع
تامر ما انا عاوز افهم
دارين لا انت عاوز تغلطني مش اكتر
تامر انا عاوز اعرف المشكلة
دارين كداب ...ولو كلامك صح ليه مسألتش شريف عمل ايه بدل ما انت بتسأل انا عملت ايه
تامر كلنا عارفين شريف ممتاز وبيحبك ومش هيغلط في حقك
دارين اه بيحبني اوي لدرجة ان انا ولدت وهو مش جنبي ... لدرجة ان انا روحت المستشفى مع بابا والسواق علشان البيه بعيد وعايش حياته
تامر انتي قصدك ان شريف غلطان
دارين اطلع برا الحكاية دي يا تامر احنا حكايتنا خلصت ومتحاولش تدخل المرة دي مش ذي المرة اللي فاتت
ثم اردفت بعد لحظات مش هينفع
نظر اليها في دهشة
دارين ايه مستغرب اني عرفت ...لعلمك انا عرفت من تاني يوم علطول اصل ده مش ذوق شريف ابداااا وغير كده كان واضح انه ميعرفش عنها حاجة وكنت عارفة ان انت اللي عملت كده علشان خاېف على سمعة العائلة
تامر بسخرية ياااه اول مرة تطلعي ذكية يعني
دارين انا هقوم احسن علشان انا مش ناقصني تعب زيادة
تامر آمال فين ابنك او بنتك
دارين وانت مالك
ونهضت وغادرت الفيلا
تامر علياء
أتت علياء ايوه يا بيه
تامر فين الولد او البنت
علياء بفرحة ولد يا بيه ومع المرضعة
تامر اعمليلي نسكافيه
وبعد دقائق أتت المرضعة ومعها الصغير
المرضعة دارين هانم فين
تامر خرجت
أتت علياء ووضعت النسكافيه لتامر
المرضعة طب انا اعمل ايه دلوقتي معاه ودارين هانم مشيت
علياء هاتيه اخود بالي منه
تامر لاء هاتيه يا علياء
علياء بفرحة تأخذه وتعطيه لتامر قائلة سمي يا بيه
حمله تامر متجاهلا حديثها ونهض
علياء النسكافيه يا بيه
تجاهلها تامر وغادر الفيلا
__________________________________
وصلت نور الى الشركة التي تعمل بها وجلست على مكتبها فرن هاتفها الخليوي
نور الو
دارين ازيك يا نور
نور الحمد لله ازيك انتي
دارين الحمد لله
نور اوعي تقوليلي انك برا البيت
دارين انا فعلا برا البيت ليه
نور يا بنتي ما تهمدي بقى حتى بعد الولادة بتخرجي امال فين ابنك
دارين مع المرضعة وعلياء مش حكاية هي يا نور
نور طب انتي كنتي متصلة ليه
دارين انا عاوزة اعمل تمارين علشان متخنش بعد الولادة وكده
نور طب ما تعملي
دارين ما انا معرفش اسامي ناس ذي كده في النادي
نور هبعتلك على الواتس اب
دارين تسلمي يا حبيبتي
نور دارين اوعي تقولي انك سايقة العربية
دارين لاء طبعا هو انا قادرة
نور طب ليه خرجتي كنتي ارتاحي
دارين انا لو ارتحت شوية احتمال اتخن بقية حياتي
نور يا بنتي هو انتي والدة قيصري دي ولادة طبيعية واصلا مفيش مدرب هيوافقك وانتي ليه والدة
دارين ولو انا خاېفة وبعدين انا بقالي مدة مبتمرنش ثم انا هتفق مع حد على الاقل
نور على راحتك سلام
دارين سلام
____________________________________
في فيلا أشرف
شريف تمام شكرا ...لا المعاد مناسب جدا ...سلام
وأغلق شريف الخط فسمع رنين الجرس
نهض شريف ليفتح الباب فلم يكن هناك غيره
فتح شريف الباب فوجد تامر يحمل صغيره
ابتسم شريف لطفله اهلا برائد حبيبي
وحمل شريف رائد
تامر بيتهيقلي ان انا كده نفذت اتفاقنا
شريف عداك العيب
تامر بس انت بقى هتتفاهم مع دارين في الموضوع ده
شريف مش هنلحق نتخانق أصلا
تامر قصدك ايه
شريف بعدين هتفهم
تامر ولا فارق معايا أصلا المهم مش عاوز مشاكل
شريف متفقين يا تامر
تامر ومش عاوز اعرفك تاني ويكون التعامل بنا في حدود الشغل وبس
شريف ليه كل ده ...علشان طلقت دارين يعني
تامر مش مهم بقى السبب
وغادر تامر
أغلق شريف الباب وعانق صغيره واجلسه على الأريكة
شريف اما انا عندي ليك حتة سفرية ايه بقى ...جنان
__________________________________
في شركة عماد في مكتب فارس
امسك هاتفه الخليوي واتصل بوليد
فارس الو
وليد خير يا فارس
فارس كنت عاوز اقابلك بخصوص المشروع في كام حاجة كده عاوز اقولك عليها
وليد وليكن
فارس امتى
وليد انا فاضي طول اليوم انت امتى تكون فاضي
فارس نتغد اسوا
وليد تمام
فارس سلام
وليد سلام
_____________________________________
في شركة
أحمد هو انت مش كنت ناوي على ماجستير ودكتوراة
مازن مش فارق معايا دلوقتي
أحمد قصدك علشان موضوع تعبك
مازن مش عارف كل اللي انا عارفه ان مبقاش ليا نفس ليه
أحمد الماجستير والدكتوراة بس ولا الحياة عمتا
مازن هتصدقني لو قولتلك هما بس واني عايز أعيش عادي جدا
أحمد كداب
مازن ليه
أحمد لانك لو عاوز تعيش كنت عملت العملية
مازن يادي موضوع العملية ده ما ترحمني
بقى انت وحسام
أحمد هو حسام كمان بيكلمك
مازن ايوه
أحمد تمام
مازن اسمع يا أحمد انا اه مش عاوز اعمل العملية بس عاوز أعيش الكام يوم اللي فاضلين في حياتي ذي ما انا عاوز وكل لحظة فاضلالي في الحياة عاوزها اجمل لحظة
حبس أحمد دموعه
مازن تعرف انا جاي على بالي فكرة جنان
أحمد بصوت مخټنق ايه
مازن بفكر بعد الشغل اروح الملاهي
ابتسم أحمد بتلقائية
مازن بتكلم جد
أحمد عارف
مازن طب ايه تيجي معايا
أحمد اكيد
مازن يبقى اتفقنا
وانتبه مازن لعمله بينما الحزن يسكن أحمد
__________________________________
عادت دارين الى الفيلا وصعدت الى غرفتها فلم تجد رائد
دارين عليااء..علياااء
جاءت علياء ايوه
دارين هاتي رائد
علياء ما هو تامر بيه اخده
انتبهت دارين اخده ازاي يعني
علياء اخده وخرج
دارين وانتي ازاي تسيبيه ياخده
علياء انا قولت يعني انه اكيد هيفسحه ويرجعه تاني
دارين ايه الكلام ده ...الموضوع ده ميتكررش تاني فاهمة ولا لاء
علياء فاهمة يا هانم ...تحبي اجهزلك الغدا
دارين امشي دلوقتي
غادرت علياء
امسكت دارين هاتفها الخليوي واتصلت بتامر
دارين الو
تامر نعم
دارين رائد فين
تامر مش عارفة تستني شوية لحد ما اجي الفيلا
دارين پغضب انطق ابني فين
تامر انا جاي سلام
وأغلق الخط
___________________________________
في منزل شادي جلسوا يتناولون الطعام
ليلى نور كلمتني النهارده
شادي خير
ليلى انت عارف فرحها على اخر الأسبوع وكانت عوزاني اروح معاها علشان تشتري فستان الفرح
شادي تروحي فين بس وانتي حامل
ليلى ايه المشكلة يعني هو انا بولد
شادي ليلى خليكي مرتاحة علشان الجنين
ليلى متقلقش يا شادي انا تمام انا لسه في الشهور الأولى يعني
شادي طب انتو امتى هتروحوا افضي نفسي واروح معاكم علشان متلفوش وتتعبي
ليلى يا سيدي خليك انت في شغلك احنا هنروح بعربيتها
شادي اه صح نور معاها عربية...طب خودي بالك على نفسك
ليلى ماشي يا حبيبي متخافش عليا
شادي لو مكنتش أخاف عليكي انتي واللي في بطنك أخاف على مين يعني
ابتسمت ليلى في حب
_____________________________________
وليد ايه ده
فارس مكان كويس بس محتاج طبعا شوية شغل وهيكون ممتاز
وليد شغل ايه ده محتاج إعادة تأهيل
فارس ههههههههه أيا يكن انا هجيب مهندس ديكور يشتغل على الموضوع ده
وليد بس انا برضو مش فاهم نشتغل عليه ليه
فارس انت مش عاوز مطعم
وليد انت عاوز تفهمني ان ده مكان كويس
فارس طبعا ده موقع ممتاز بالنسبة لمطعم
وليد وايه كمان
فارس انا اشتريته امبارح علشانك
وليد علشاني
فارس طبعا مش انت صاحب المطعم
وليد ايوه بس انت ليه تشتريه انا المفروض اشتريه
فارس مش مهم المهم انه دلوقتي موجود
وليد لا مينفعش يا فارس قولي انت دفعت كام وانا اردلك المبلغ
فارس وهترده ازاي
وليد من فلوسي
فارس والدك هيعرف
وليد هقوله صرفتهم في أي حاجة
فارس ولما يدور ويعرف انك كداب
وليد هو المبلغ كبير اوي كده لدرجة انه يدور ورايا
فارس سيبك من المبلغ ابقى رده يا سيدي لما نقنع والدك
وليد وانت بتعمل كده ليه يا فارس
فارس بمرح لامس فيك مدير مطعم ناجح
وليد هههههههههه لا بجد
فارس يا سيدي عاوز اقف جنبك فيها مانع
وليد انت جدع اوي
فارس سيبك من الكلام ده لما يبقى الشغل في المكان ده يكمل
وليد انا مش عارف اقولك ايه
فارس متقولش حاجة بس اوعدني تركز شوية في مذاكرتك مش هيحصل حاجة لو نجحت من غير ملاحق السنة دي
وليد هههههههههههههههه هحاول
فارس يلا نأكل أي
وليد لو عاوز ترجع الشركة مفيش مشكلة
فارس لا يا عم انا ھموت من الجوع يلا بينا
وليد هههه يلا
وذهبا معا لاحدى المطاعم
_____________________________________
في فيلا فؤاد الحكيم
قرع جرس الباب فذهبت دارين بلهفة لتفتح فوجدت شابا غريبا ذو اناقة
دارين خير
الشاب انا من طرف شريف بيه
دارين پغضب قول للبيه بتاعك ملوش حاجة هنا واتفضل انت كمان من هنا
الشاب استني من فضلك انا جاي لدارين هانم
دارين انا دارين وبقولك امشي من هنا
الشاب يا فندم انا معايا رسالة منه
دارين رسالة منه
أعطاها ظرفا كبيرا
دارين ايه ده
الشاب معنديش علم عن اذنك
وذهب الشاب
فتحت دارين الظرف فوجدت قسيمة الطلاق وشيك بمؤخر الصداق
فتماسكت
دخل تامر ونظر الى الظرف في يدها فخبأته خلف ظهرها
نظر تامر اليها واضح ان شريف متأخرش وبعتلك حقوقك
دارين تغلق الباب قائلة ابني فين يا تامر
تامر ابنك مع ابوه....مع شريف
صدمت دارين وسقط الظرف من يدها انت اكيد بتهزر
تامر لا يا دارين انا عمري ما هزرت
دارين وازاي تعمل كده
تامر عملت وانتهى الموضوع يا دارين ومن حقك تروحي تشوفي ابنك في أي وقت
دارين انت عاوزني اروح اتذل ليه... انا دارين فؤاد الحكيم
تامر مين قال تتذلي انت رايحة تشوفي ابنك مش اكتر
دارين تامر انت هتروح حالا وتجبلي ابني انت فاهم
تامر وانا من امتى فهمتك يا دارين
دارين انا عاوزة ابني يا تامر والا...
قاطعها متقوليش كلام انتي مش قده تمام
دارين اسمعني كويس يا تامر لما بتأخد مني حاجة بعرف ازاي اخودها منك ...فكرك لما تأخد حتة مني هعمل فيك ايه
لم يجبها تامر وصعد الى الطابق العلوي
ودارين في حالة صدمة نزلت الدموع من عينيها وچثت على ركبتيها تبكي
دارين لاء لاء لاااااااااا
____________________________________
في احدى الكافيهات
باسم ايه يا عم الكآبة دي مالك
مصطفى محتار نور بتحبني ولا لاء
باسم انتو مش حددتوا معاد الفرح
مصطفى باباها اللي حدد مش هي
باسم بس هي وافقت
مصطفى الله اعلم
باسم بص يا مصطفى بدل ما تعرف هي بتحبك ولا لاء اعرف انت بتحبها ولا لاء
مصطفى ازاي يعني
باسم فكر ازاي تفرحها وشوف شعورك وقتها هيكون ازاي ووقتها هي كمان مشاعرها هتبان
مصطفى تفتكر
باسم ايوه جرب انت بس
مصطفى تمام
ثم أردف قولي انت ايه اخبار روايتك
باسم اه صحيح ابقى تعالى احضر حفل توقيع اول رواية ليا
مصطفى ممتاز مبروك يا باسم
باسم الله يبارك فيك
مصطفى على كده بقيت متلاحق من الصحافة
باسم هههههههههههه دي لسه اول رواية يا مصطفى
مصطفى طب
انت مش ناوي ترجع لتصميم الإعلانات تاني
باسم لاء مش ناوي
مصطفى ليه
باسم لاني أخيرا لقيت نفسي
مصطفى عقبال ما تفرحنا بيك
باسم هههههههه اما نخلص منك انت الأول
مصطفى نخلص ...يا ملافظ السعد
باسم هههههه يا عم ما انت خنقتنا اتجوز وريحنا
مصطفى ما انا كتبت كتابي خلاص الدور عليك انت
باسم لا الفرح اول
مصطفى هانت خلاص اخر الأسبوع بعد بكرا
باسم مظبوط انتو خلصتوا كل حاجة خلاص
مصطفى اه خلاص ظبطنا كل شيء
باسم طب ايه اشتريت بدلة من غيري
مصطفى هو انا يعني لاقيك يا عم المؤلف
باسم هو الفرح فين
مصطفى بلاش هزار
باسم هزار ايه انا بتكلم جد
مصطفى ما انا بعت دعاوي
باسم مفيش حاجة وصلتني
مصطفي لا ابقى اسأل خالتو سامية بقى
باسم ممكن برضو
__________________________________
في صباح اليوم التالي
في احدى المولات بإحدى محلات الفساتين
ليلى ايه رأيك في ده
نور لا بايخ اوي من تحت
ليلى طب واللي جمبه
نور لا بايخ اوي من فوق
ليلى طب ما نركب الاتنين ونرمي الباقي ونخلص
نور الاتنين ابيخ من بعض أساسا
ليلى طب وبعدين
نور تعالي نشوف محل تاني
ليلى طيب يلا بينا
نور انا حاسة اني تعبتك
ليلى لا انا تمام بالعكس ده انا حتى مستمتعة جدا معاكي
نور طب تمام
ليلى بتسألي ليه
نور مسمعتيش انتي يعني الوصايا العشر اللي جوزك قعد يدهاني
ليلى هههههههههه معلش اصله خاېف اوي على الجنين
نور وعليكي انتي كمان
ليلى لما تتجوزي هتفهمي الكلام ده
نور صباح الفل يا ليلى ما انا متجوزة مالك
ليلى انا قصدي ان المشاعر دي بتبان بعد الفرح
نور اشمعنى
ليلى الحب كله هيبان اول ما يتقفل عليكم باب
نور مش مقتنعة
ليلى هتشوفي بنفسك
نور اشوف ايه يا حبي المحڼ بتاع شادي لا الف شكر مش عوزاه ده احلى حاجة في مصطفى انه جد
ليلى قولي مش عاوزة بس انتي برضو عاوزة وكله بيبان من اول حركة رومانسية
نور مش معايا انا ومصطفى انا وهو ملناش في الرومانسية والكلام ده
ليلى هنشوف
نور طب بدل ما نشوف الرومانسية خلينا نشوف الفستان علشان انا فرحي بكرا
ليلى طب ما نزلتيش قبلها ليه
نور انشغلت بكام حاجة واصلا ملحقتش ده بابا فجاءة قال الفرح نهاية الأسبوع بس بيني وبينك انا عارفة ان ماما ورا الموضوع
ليلى انتي مامتك مستعجلة عليكي وانا بابا مستعجل عليا
نور انا مش عارفة عاوزين يخلصوا مننا ليه بكرا يعرفوا قيمتنا
ليلى هههههههههه
___________________________________
في فيلا فؤاد الحكيم
شريف يفتح علبة لدارين ايه رأيك في الخاتم ده
دارين بفرحة الله يا شيكو تحفة يا حبيبي ربنا يخليك ليا
يعانقها شريف ويخليكي ليا يا حبيبتي
.......
دارين شيكو انا زهقانة
شريف ازاي وانا موجود
دارين شوفت بقى
شريف طب تعالي اقعدي جنبي عندي ليكي مفاجاءة
جلست دارين بجواره ايه
شريف يعطيها cd مش ده الفلم اللي كنتي عاوزاه ايه رأيك نشوفه سوا
دارين بفرحة شريف انت تجنن
.....
شريف يا دارين احنا لفينا باريس كلها
دارين انت زهقت ولا ايه
شريف عمري ما ازهق وانا معاكي بس جوعت
دارين عندك حق انا كمان تيجي نأكل
شريف ياريت
دارين طب اجري ورايا بقى
شريف يا دارين انا تعبان
لم يكمل جملته وركضت هي فركض خلفها وهو يحمل الأكياس وظل يركض وهو يناديها حتى تعب وسقط ارضا فتوقفت هي وظلت تضحك
دارين تقترب منه وهي تضحك انا اللي هختار المكان وهأكلك على مزاجي كمان يلا قوم
شريف يتعب مينفعش المطعم ييجي هنا
دارين لا بلاش كسل
شريف حرام عليكي
دارين طب قوم هتفرج الناس علينا
.......
غادرا الفندق
شريف مش فاهم عيد ميلاد ايه بس انتي لحقتي تعرفي ناس امتى
دارين انا لازم أكون صداقات في أي مكان اروحه
شريف انا نفسي افهم انتي ازاي مبتتعبيش
دارين ايه يا شيكو انت عجزت
شريف عجزت طب انا هوريكي
واعطاها جاكيته
دارين هتعمل ايه
حملها شريف وركض بها
دارين تضحك يا مچنون
..................
في المشفى
شريف دارين يا حبيبتي ردي عليا ...دارين مټخافيش هتبقى كويسة
نزلت دمعة من عيونه على خدها فبدأت تستعيد وعيها
دارين بتعب اااه انا فين
شريف بلهفة مټخافيش يا حبيبتي هتبقي كويسة
دارين شريف متسبنيش
شريف مټخافيش انا هستناكي مش هتحرك من هنا
افاقت دارين من ذكرياتها والدموع تنسال من عينيها بشدة
دارين في نفسهايا ترى مين غلط في حق التاني وليه شريف طالما بيحبني يسبني....وليه يعمل فيا كده .....وليه انا مقولتش لاء من البداية....اه يا قلبي ااااه
___________________________________
في شركة
دخل مازن الى مكتبه واخذ مسكن للسيطرة على الام رأسه
لم يستطع ان يحتمل فذهب الى مكتب المدير وأخذ اذنا بأجازة بقية اليوم فوافق المدير على طلبه
خرج من مكتب المدير فقابل أحمد
مازن أحمد انا ماشي تمام
أحمد ايه مالك
مازن مفيش تعبان شوية
أحمد طب خود تاكسي بلاش تسوق
مازن لا ملوش لزوم هبقى تمام
أحمد اسمع الكلام بلاش عند
مازن خلاص يا أحمد انا كويس سلام
وذهب مازن
____________________________________
في منزل ماهر
ريهام كويس انك اخدتي إجازة علشان ترتبي امورك
نور هو أصلا مفيش حاجة تترتب
ريهام يا بنتي مش هترتبي شنطة سفرك علشان شهر العسل
نور لا عادي أصلا مليش في السفر والكلام ده
ريهام لا متروحيش تنكدي عليه هناك يا نور
نور بنفاذ صبر حاضر يا ماما مش هنكد عليه
ريهام ايوه كده وخليكي دايما هادية وبلاش تضايقيه يا نور
نور هو انتي أم مين فينا بالظبط انا ولا هو
ريهام بحنان بقيتوا انتو الاتنين ذي اولادي
نور لا مش هينفع والله كده منجوزش لبعض
ريهام
بغيظ اهي لطافتك دي يا نور هي اللي مضيقاني منك
نور طب تسبيني بقى لوحدي شوية
ريهام طيب ولو احتجتي حاجة اندهيلي
نور طيب
وتركتها ريهام فأغلقت نور الباب
وجلست نور امام المرآة وفردت شعرها ومر على خاطرها كلام ليلى عن الرومانسية فحركت رأسها يمينا ويسارا
نور لا لا رومانسية ايه انا دمي پيتحرق أصلا
رن هاتفها الخليوي
نور الو
مصطفى ايوه يا حبي عاملة ايه
شعرت نور بالخجل فلم يقل لها تلك الكلمة من قبل
مصطفى نووور الوووو
نور ايوه معاك
مصطفى ازيك
نور الحمد لله ..انت عامل ايه
مصطفى الحمد لله يا حبيبتي بقولك ايه
نور ها
مصطفى انا فكرت في مكانين لشهر العسل ومحتار بينهم اختاري معايا علشان احجز في واحد منهم
نور قول
مصطفى مارينا ولا الساحل
نور اممم ...
صمتت للحظات ثم قالت مش عارفة
مصطفى متشكر يا نور مكنتش عارف من غير رأيك هعمل ايه
نور ههههههه طب اعمل ايه طيب ما انا مش عارفة انهي احلى
مصطفى الاتنين حلوين بس اختاري
نور خلاص الساحل
مصطفى تمام هحجز هناك
نور تمام
مصطفى انتي مش ناقصك أي حاجة
نور لا تمام كل حاجة جاهزة
مصطفى اه صحيح جبتي الفستان
نور اها
مصطفى طب عاوز اشوفه
نور المهم انت بعت الدعاوي
مصطفى من زمان وانتي عارفة
نور ممتاز
مصطفى بقولك عاوز اشوف الفستان
نور والقاعات ظبطتها يا مصطفى
مصطفى بغيظ من زمان يا نور
نور هايل سلام يا مصطفى
مصطفى استني بقولك عاوز اشوف الفستان
نور بنفاذ صبر النهاردة بليل
مصطفى مش يمكن ميعجبنيش
نور لا والله ما هغيره انا قعدت يوم كامل اختار فيه
مصطفى ليه يعني
نور ايش فهمك انت في حاجة ذي دي
مصطفى ان جيتي للحق انا فعلا مش فاهم ايه اللي يخليكي تختاري فستان في يوم
نور مكنش في حاجة عجباني يا دارش
ابتسم مصطفى اول مرة تقوليلي دارش
نور مش كده برضو انسى بقى موضوع الفستان
مصطفى ااه انتي عوزاني بقى انسى موضوع الفستان
نور بالظبط
مصطفى عارفة لو معجبنيش يا نور
نور هتعمل ايه يعني هتطلقني
مصطفى انتي خفة دمك دي جبتيها منين
نور معرفش بس تقريبا عائلة بابا
مصطفى لا بجد بتكلم عارفة هعمل ايه
نور مش هتعرف تعمل حاجة هنكون قدام الناس وبعدين يا مصطفى مش مهم يعجبك المهم انه يكون مناسب اظهر بيه قدام الناس ده طبعا ثانيا واولا بقى انه يكون عاجبني
مصطفى لا مقنعة يا نور
نور شكرا
مصطفى اسكتي مش ماما قاعدة بقالها ساعتين توصيني عليكي
نور احمد ربنا انا ماما بقالها أسبوع بتوصيني عليك
مصطفى هههههههه ده انا على كده طلعت غالي اوي عندها
نور لا وانت الصادق هي عاوزة تجوزني وما صدقت اني وافقت على حد
صمت للحظات
مصطفى نور
نور نعم
مصطفى هو انتي عمرك ما اعجبتي بحد قبل كده من اللي اتقدمولك يعني
نور هههههههه
مصطفى سؤال يضحك اوي كده
نور محاولة الكف عن الضحك لا اصل غريبة حد يسأل مراته سؤال ذي ده افرض قولتلك اه هتعمل ايه
مصطفى كابحا غضبه يعني في
نور بلاش السؤال ده تمام
مصطفى بإصرار لا انا مصمم جاوبي
نور ليه الإصرار ده
مصطفى وانتي ليه مش عاوزة تجاوبي
نور لانه سؤال عجيب
مصطفى انا مش من حقي احاسبك على اعجابك بشخص بس انا حابب اعرف وبس
نور اممممم ....طب بص الصراحة الصراحة
مصطفى بفضول ايوه
نور انا مرا اتقدملي شخص كويس جدا ومحترم وكل حاجة مميزة في صراحة
شعر مصطفى بالغيرة كملي وايه كمان
نور ولا حاجة انا كنت وقتها في سنة رابعة في الكلية فهو قالي اسيب الكلية ومشتغلش وكده وقالي جملة ضايقتني اوي
مصطفى بتساؤل جملة ايه
نور قالي انا عايزك ذي ما انتي عايزك جاهلة عايزك ليا ولاولادي وبيتي
مصطفى وانتي قولتيله ايه
نور قولتله هتدفعلي كام علشان اشتغل أم الصبح و زوجة بليل
مصطفى هههههههههههه وده كان عاجبك فيه ايه
نور لا ده كان بيدهشني كل يوم عن اللي قبله ويوم ما قالي الكلام ده دهشني اكتر لاني كنت بشوفه انسان تاني لانه كان معايا في الكلية بس كان اكبر مني بسنة وكان شخصية هادية كده وفي نفس الوقت بتضحك وتهزر وعندها صداقات كتير و الناس بتحترمه انا شخصيا كنت بحترمه .....بس لما دخل البيت احتقرته
مصطفى برضو ايه الحلو اللي فيه
نور ده كان بالنسبالي افضل شخص اتقدملي يمكن كانت بتعجبني شخصيته بس اللي انا عارفاه ان انا محدش اتقدملي وعجبني يا مصطفى مفيش حد قدر حتى يوصل لقراية فاتحة معايا
مصطفى كنتي بتحبي الشخص ده
نور بقولك شخصيته كانت بتعجبني وفهمت في الأخر انه كان احترام مني ليه وقلب احتقار
مصطفى براحة طب وانا
نور انت ايه
مصطفى بتحبيني ..معجبة بيا أي حاجة
توترت نور وفجاءة اغلق الخط فنظرت الى الهاتف وتعجبت
مصطفى ده وقته الرصيد يخلص يا ربي على الفصلان
____________________________________
في شركة عماد
في مكتب فارس رن هاتفه الخليوي
فارس الو
شريف ازيك
فارس الحمد لله ...وانت
شريف تمام...كنت بكلمك اسلم عليك
فارس تسلم عليا
شريف اه انا في المطار ومسافر سلام يا صاحبي
فارس ايه السفر المفاجئ ده
شريف انا حاجز من امبارح
فارس واضح ان عندك مهمة مسافر علشانها عموما تسافر بالسلامة
شريف الله يسلمك
واغلق فارس الخط فرن هاتف المكتب
فارس الو
عماد تعالا يا فارس عاوزك
فارس تمام يا فندم ثواني واكون عندك
واغلق فارس الخط وذهب الى عماد
فارس خير يا فندم
عماد عرفت اللي عمله المحامي اللي اسمه سامح
فارس والله انا شايف احسن حل اننا نبلغ عنه
عماد انا مش عاوز اظلمه عاوز اتأكد اول
فارس يا فندم الأمور واضحة لازم نبلغ عنه او على الأقل نديله إجازة لحد ما نتأكد
عماد وهنتأكد ازاي بس
فارس سيب الموضوع ده عليا انا
عماد طيب يا فارس اللي تشوفه صح اعمله
فارس اتطمن يا فندم
عماد والله يا فارس انا مبثقش في حد غيرك في الحياة دي كلها
فارس بإبتسامة وانا ان شاء الله مش هخذلك ابدا
عماد ملاحظ ان انت و وليد بقيتوا أصحاب
فارس اها انا فعلا اندمجت معاه
عماد اه بس بقولك ايه خليه هو يتأثر بيك مش انت اللي تتأثر بيه
فارس مش فاهم
عماد انا عاوز وليد يتعلم منك انت يأخد شخصيتك
فارس وليد يأخد شخصيتي انا ده بيقول عليا كئيب
عماد مشكلته فاهم ان الحياة بجدية كآبة
فارس لسه شاب صغير خليه يعيش سنه
عماد وانت يعني اللي كبير يا فارس ما انت صغير انت كمان
فارس مش هينفع انا أعيش حياته ولا هو ينفع يعيش حياتي احنا ممكن نكون أصحاب واحنا فعلا بقينا أصحاب بس مش هينفع نوصل لتأثير ان حد فينا يغير حياة التاني
عماد على أي حال خليك جنبه احسن من صحابه السلبيين اللي مصاحبهم طول اليوم دول
فارس ان شاء الله
عماد اتفضل انت يا فارس ومعلش دوشتك
فارس لا ولا يهمك يا فندم
عماد اتفضل على مكتبك انت
فارس تمام
ونهض فارس وذهب الى مكتبه
____________________
رن هاتف مازن الخليوي
مازن الو
أحمد ازيك دلوقتي
مازن انا تمام
أحمد انت في البيت
مازن لاء
أحمد آمال فين
مازن رايح على البيت
أحمد وكنت فين
مازن كنت بعمل مشوار وبعدين اتفسحت وبعدين اتغديت في مطعم وبعدين اتمشيت على النيل شوية وحاليا في طريقي للبيت
أحمد مازن انت كويس
مازن انت شايف ايه
أحمد انا شايف انك متغير
مازن انا تمام متخافش
أحمد طب مشوار ايه اللي روحته
مازن كنت بشتري كام حاجة وبلاش الاستجواب ده بكرهه
أحمد طب خود بالك من نفسك
مازن حاضر يا ماما ما انت خلاص بقيت ذي ماما ده ماما مبتعملش كده
أحمد لا ماما ايه انا مراتك يا جدع
مازن ههههههههههه طب اقفلي يا انشراح
أحمد انشراح...مش كنت تستنضف شوية وانت
متابعة القراءة
