بعد النهاية
المحتويات
بتختار
مازن انتي بتتريقي على نفسك يا انشراح
أحمد هههههههه طب اقفل وركز في الطريق
مازن طب بقولك ايه
أحمد ايه
مازن انا هروح البيت اغير هدومي واروح سينما تيجي معايا
أحمد ما ترتاح يا ابني بقى
مازن انا مش عاوز ارتاح عاوز اروح سينما هتيجي معايا ولا لاء
أحمد هاجي معاك
مازن تمام انا هروح البيت هغير هدومي واكلمك
أحمد لعلمك انا متغدتش فهنشتري حاجة في الطريق
مازن تمام مفيش مشكلة
أحمد يلا هعدي عليك تمام
مازن تمام
واغلق مازن الخط
__________________________________
في منزل أيمن
في غرفة عائشة كانت تتحدث مع نور على الهاتف الخليوي
عائشة من ساعة ما جيت وانا حاسه اني في سجن
نور مش عارفة اقولك ايه والله يا عائشة
عائشة متقوليش حاجة هو اصلا مفيش كلام يتقال
نور كان نفسي تحضري فرحي
عائشة وانا والله يا نور كان نفسي بس اديكي شايفة الظروف
نور ظروف زفت انا معنديش صحاب غيرك
عائشة انا عارفة وكان نفسي ابقى جنبك بس الظروف جات كده
شعرت بالحزن الذي اصاب صديقتها ولكن ما ذنب عرس الليلة
فأكملت حديثها في مرح ها احكيلي تظبيطات الفرح كانت عاملة ازاي وايه الأخبار
نور اكيد يا عائشة انتي مش عاوزة تسمعي حاجة ذي دي
عائشة لا والله عاوزة اسمع اهو اي حاجة تنسيني اللي انا فيه
نور طيب يا ستي اسمعي بقى انا شخصيا مش فاكرة حاجة بس كل اللي اعرفه ان كل حاجة جهزت وخلاص مش فاضل غير نجهز ونروح القاعة
ضحكت عائشة وقالت ايه يا بنتي الرغي ده كله لما الموضوع طويل اوي كده كنتي قوليلي طيب
نور قولت لازم تشاركيني التفاصيل
عائشة الف شكر
نور ها تحبي تسمعي ايه تاني
عائشة هو انا فاتحة الراديو
نور هههههههه
تتفاجئ عائشة بوالدها يدخل اليها انتي بتكلمي مين
كانت لهجته تحمل اتهاما صريحا ودت لو تصرخ في وجهه وتخبره أن لا
شأن له لكن أنى لها ذلك
هدأت من أنفاسها التي تسارعت اثر اقتحامه الغرفة وقالت نور صاحبتي
نظر لها في شك لتناوله الهاتف في ثبات كلمها لو مش مصدقني
انسحب فورا وغادر
لتعيد السماعة على اذنها مرة اخرى وتقول يلا يا نور سلام
نور وقد كان الحديث وصل لاسماعها هتقفلي علطول كده ليه
عائشة معلش يا نور جايبة اخري نتكلم بعدين ثم انتي اكيد وراكي حاجات تعمليها يلا سلام
نور سلام ...ابقي طمنيني عليكي من وقت للتاني
عائشة حاضر يا حبيبتي سلام
نور سلام
وأغلقت نور الخط وهي تشعر بالإشفاق على ما وصلت إليه صديقتها فبعد أن كانت ستصبح طبيبة انقلبت الظروف في لحظة وأصبحت شخصا آخر غير ما ارادت ربما حكم عليها بأن تكون ربة منزل الأن
____________________________________
أوقف باسم سيارته امام عمارته فرن هاتفه الخليوي
باسم الو
مصطفى الو باسم ظبطت اللي قولتلك عليه
باسم اها ظبطت يا اخويا
مصطفى وزوقت عربيتك ذي ما قولتلك
باسم اها انا حاسس ان انا اللي هتجوز
مصطفى اكيد يعني مش عاوزني اروح المطار بعربيتي
باسم لا ازاي روح بعربيتي لا وكمان هكون السواق بتاعكم
مصطفى نرودهالك في الافراح
باسم تمام يا حبيبي مبروك
مصطفى الله يبارك فيك...الحق ارتاح بقى قبل الفرح تعبتك معايا النهاردة
باسم ولا يهمك سلام
مصطفى سلام
_____________________________________
وفي المساء وأمام محل الكوافيرة
وقفت سيارة باسم تنتظر وبجانبها مصطفى واقفا غادرت نور محل الكوافيرة وسط التصفيق والتهنئة والزغاريط
اقترب مصطفى منها فتعلقت بذراعه نزل باسم وفتح لهم باب السيارة
نور بنفسك يا باسم
باسم طبعا بنفسي مبروك
نور الله يبارك فيك
باسم يلا علشان نتحرك بقى
نور هتوصلنا المطار كمان
باسم طبعا انا معاكم للنهاية يا بنتي
مصطفى مأجرهولك النهاردة
نور ههههههههههه ودفعت كمان
مصطفى مش كتير هكرمشله 50 جنيه في الاخر
اغلق باسم الباب
في ڠضب مصطنع 50 جنيه ودي اعمل بيها ايه ان شاء الله
نور ومن عندي انا كمان 50 ايه رأيك يا عم
مصطفى افتح الباب بقى متحرجناش قدام الناس
باسم اعمل ايه بقى في قلبي الطيب
وفتح الباب لهم اتفضلوا يا عرسان
وركبت نور وبعدها مصطفى اغلق باسم الباب وانطلق بالسيارة وخلفهم سيارات أخرى
ووصلوا القاعات
وفي قاعة السيدات
نور كان هيبقى الفرح احلى لو دارين كانت معانا
ليلى معلش انتي مش قولتي ان هي تعبانة من الولادة
نور عارفة بس محضرتش لا كتب كتاب ولا فرح والموضوع مضايقني ثم انتي كمان حامل وحضرتي اهو
ليلى يا ستي كل واحدة وقدرتها بقى المهم فكك واضحكي بقى ده فرحك
ابتسمت نور
ليلى ايوه كده اضحكي يا شيخة
جاءت ريهام مبروك يا نور
نور الله يبارك فيكي
جلست ريهام
نور دي ليلى يا ماما مراة شادي
ريهام تصافح ليلى اهلا وسهلا
ليلى اهلا
بدت متعبة بعض الشئ وقد لاحظت نور ذلك
نور قولتلك متتعبيش نفسك لو مش هتقدري تيجي
ليلى يا بنتي والله انا كويسة
نور طيب تمام ..شادي جه معاكي طبعا
ليلى اكيد يعني مستحيل ميحضرش فرحك
نور ميرسي
___________________________________
عاد فارس الى الفيلا مساء فوجد والده نائما على الأريكة
اقترب فارس منه
فارس بابا ..بابا
استيقظ إبراهيم
فارس انت ايه اللي منيمك هنا
إبراهيم مفيش كنت مستنيك والظاهر غابت عليا نومة
فارس طب قوم نام فوق
إبراهيم مش عاوز تعرف كنت عاوزك في ايه
فارس والله مخڼوق يا بابا ومش فايق اسمع أي حاجة
إبراهيم خير في ايه
جلس فارس بتعب عندنا شوية مشاكل في الشركة في محامي عامل مشاكل والنهاردة اټخانق معايا
إبراهيم بقلق ليه
فارس عامل مصايب في الشركة والكل بيشتكي منه قولت للمدير نبلغ عنه قال نتأكد اول فقولتله نديله إجازة لحد ما نتأكد من الكلام ده فهو مخڼوق مننا احنا الاتنين
إبراهيم انا خاېف عليك
فارس متخافش عليا انا اعرف اتعامل كويس مع الاشكال دي
إبراهيم طب خود بالك من نفسك
فارس حاضر يا بابا انا هطلع انام بقى علشان الحق اصحى بدري تصبح على خير
إبراهيم وانت من اهله
____________________________________
في فيلا كمال
جلس مازن في غرفته يشاهد التلفاز فسمع طرقات على باب غرفته تبعها دخول والدته
مازن خير يا ماما
صفاء متضايقة شوية ممكن اقعد معاك أتكلم شوية
مازن اكيد اتفضلي
واغلق مازن التلفاز
ودخلت صفاء وجلست مقابلة له على طرف الفراش
مازن خير مالك
صفاء انا مكلمتش دارين من يوم ما اتخانقنا
مازن وبعدين
صفاء عرفت انها جابت ولد
مازن قولي من الاخر يا ماما
صفاء عاوزة اشوفها وحاسة بۏجع في قلبي من انها طردتني وفي نفس الوقت إحساس جوايا بيقول انها عملت كده علشان كانت في فترة حمل
مازن طيب يا ماما قومي كلميها
صفاء غريبة يعني مش هتقولي اطنشها او افضل مخاصمها
مازن مش مستهلة تكملي بقية حياتك مخاصماها الحكاية مش مستهلة يعني يا ماما
صفاء ايه الكلام الجديد ده ايه اللي غيرك
مازن عادي متغيرتش ولا حاجة بس شايف ان الزعل مش هيفيد بحاجة
صفاء طب وانت هتكلمها تباركلها
مازن لا انا طلعيني برا الحكاية دي كلها
صفاء ليه بس
مازن ماما مش علشان كلمتين قولتهم يبقى انا خلاص صفيت انا مش هكلم حد منهم كفايا انتي تكلميهم وخلاص
صفاء ربنا يحنن قلوبكوا على بعض
ابتسم بحزن وفي نفسهيمكن انا كمان نفسي اكلمهم وانسى كل اللي فات بس بلاش ...بلاش نصفي اللي فات ونحب بعض ونتعود على بعض وفي الأخر هسبهم واموت
صفاء مازن
مازن هاه ..
صفاء روحت فين
مازن معاكي يا حبيبتي
صفاء طب انا هقوم انام هبقى اكلم دارين بكرا بقى
مازن طيب تصبحي على خير
صفاء وانت من اهله
_____________________________________
بعد رحلة طويلة وصلت نور مع مصطفى الى الفندق بالساحل الشمالي
مصطفى استني اجيب مفتاح السويت
نور انت حاجز سويت
مصطفى طبعا يا بنتي ده اللي يليق بيكي
نور بخجل طب بسرعة علشان بردانة وتعبانة
خلع مصطفى سترته ووضعها على كتفيها
مصطفى ثواني وراجع
ابتسمت نور بفرحة
مصطفى لو سمحت في حجز سويت باسم مصطفى شهاب
الاستقبال ثواني
وبعد لحظات
الاستقبال يعطيه مفتاح اتفضل يا فندم والف مبروك
مصطفى بإبتسامة ميرسي
الاستقبال محسن مع العرسان
وصعدا الى السويت
مصطفى لمحسن متشكرين اتفضل انت
واعطاه بعض النقود
فتح مصطفى الباب همت نور بالدخول
مصطفى لا لا استني
نور ايه
مصطفى عاملك مفاجاءة
نور مفاجاءة ايه
مصطفى غمضي عينك
أغمضت نور عيناها ودخلا معا ومصطفى يمسك بيدها يرشدها للدخول واغلق الباب بقدمه ثم اوقفها
مصطفى يلا فتحي
فتحت نور عيناها وشهقت من المفاجاءة
_____________________________
الفصل 20 و
رأت نور الكثير من القلوب الحمراء والبالونات وبعض الأزهار مشكلة على الأرض اسمها وبوستر مكتوب عليه
نورتي حياتي يا نور حياتي
التفتت نور الى مصطفى في فرح
نور هو ده بجد
مصطفى اه بجد
نور كل ده علشاني
مصطفى وقليل كمان
ذهلت نور من كل هذا
نور بعفوية انا بحبك
مصطفى وانا بمۏت فيكي يا نور حياتي
ثم حملها
مصطفى ده وزنك ولا وزن الفستان
نور احنا هنتريق بقى من أولها
مصطفى هههههههههههه خلاص بهزر مينفعش الواحد يهزر معاكي
نور لا ينفع
_________________________________
عاد باسم الى منزله مع والدته ودخل غرفته ومدد على سريره في تعب فوجد نسمة تتصل به
باسم الو
نسمة ازيك
باسم الحمد لله وانتي عاملة ايه
نسمة بخير الحمد لله ...مال صوتك
باسم لا ابدا مجهد بس شوية اصل النهاردة كان فرح مصطفى ونور
نسمة بجد
باسم اه
نسمة طب كنت قولي ابعتله هدية او ابعتله مبروك حتى
باسم لا كده احسن
نسمة يمكن برضو
باسم لا ده اكيد
نسمة طيب
باسم انتي زعلانة علشان هو اتجوز
نسمة لا بالعكس فرحان جدا ويارتني كنت سبته من زمان يشوف حياته
باسم ندمانة
نسمة الصراحة اه واكيد هو كارهني جامد
باسم لا معتقدش
نسمة عموما كرهه ليا اقل واجب .... في يوم من الأيام هاجي وهطلب منه يسامحني انا فوقت متأخر
باسم سيبك من ده كله هتيجي امتى
نسمة قريب ان شاء الله
باسم تيجي بالسلامة.... ودلوقتي بقى تصبحي على خير علشان تعبان
نسمة وانت من اهله
واغلق باسم الخط وغط في نوم عميق دون ان يشعر
___________________________________
في صباح اليوم التالي في منزل أيمن
دخل أيمن إلى المطبخ فوجد عائشة تقوم بأعمال البيت فأسعده كونها عادت ابنته هو لا ابنة القاهرة
أيمن صباح الخير
عائشة صباح النور
أيمن صاحية بدري يعني
عائشة آه قلقت قولت أقوم أعمل أي حاجة تسليني
أيمن لو زهقانة اوي كده ابقي اخرجي مع قرايبك
عائشة اه اكيد طبعا لو احتجت أخرج مع حد هبقى أشوفهم متقلقش
ابتسمت عائشة ولم ترد على جملته الحنونة لينصرف هو بينما هي تلوم حظها الذي رمى بها إلى هنا مجددا لتكون كالخادمة لهذا الدار بل وعليها تقبل الأمر تمنت لو تعود إلى حياتها السابقة لكن هيهات كيف العودة وقد ماټ الراعي الرسمي لرحلة الطب خاصتها
زاد حنقها فرمت ما بيدها واتجهت إلى غرفتها تندب حظها
_________________________________
في فيلا إبراهيم
جلسوا يتحدثون معا
إبراهيم مش مصدق انك قاعد بتتكلم معايا أخيرا ....هو انا مش هشوفك غير في الاجازة ولا ايه
فارس معلش يا بابا شغل والله
إبراهيم طب ممكن تسيب اللاب توب ده وتقفل الموبيل ده علشان نقعد مع بعض في هدوء
فارس اللاب توب ماشي لكن الموبيل صعب
إبراهيم أي حاجة بس احس انك معايا شوية
فارس يغلق اللاب حاضر
ابراهين شوف بق...
قاطعه رنين هاتف فارس الخليوي
فارس معلش يا بابا لحظة ....الو
وليد فارس صباح الخير
فارس صباح النور في حاجة ولا ايه
وليد هو بابا عرف حاجة
فارس لا بتسأل ليه
وليد اصله راجع امبارح متعصب
فارس لا ده في حوار كده في الشركة متقلقش
وليد طيب تمام طمنت قلبي
فارس انا النهاردة إجازة لو عاوز تكلمني في أي حاجة اهلا وسهلا
وليد يا راجل حتى في الاجازات بتستقبل مكالمات بس مبتخرجش خالص كده
فارس انا عجباني حياتي كده تمام يا لولو يلا سلام
وليد ههههههههههه لولو ..سلام
واغلق فارس الخط
إبراهيم كنت عاوزك في موضوع امبارح
فارس اتفضل يا بابا
إبراهيم امتى تنتبه لصحتك يا فارس
فارس قصدك ايه
إبراهيم يعني بلاش الشغل طول اليوم ده يرضي مين بس ان انت تقعد لحد الليل في الشركة بتشتغل
فارس انا مرتاح وكويس
إبراهيم بيتهيقلك انك مرتاح
فارس طب ازاي بقى
إبراهيم يا فارس انت جسمك بيتعب
فارس متقلقش يا بابا انا بنام وبريح جسمي
إبراهيم واضح ان مفيش فايدة
فارس يا بابا ارجوك متشغلش بالك انا تمام
إبراهيم طيب يا فارس ربنا معاك
فارس ومعاك يا بابا
لم يكن راضيا عن تصرفات فارس لكن الحديث يبدو أنه يصل إلى طريق مسدودة لذلك فضل الصمت لم يعد الأب الذي يملك كلمة على ابنه لقد أصبح فارس رجلا ولم يعد ذاك الطفل الذي يستمع لكلمات والده بل إن إبراهيم لم يعد ذاك الشخص الذي يملك النفس الكافي للجدال معه
____________________________________
في فيلا فؤاد الحكيم
دخلت علياء إلى غرفة دارين التي لم تخرج منها منذ ما حدث كانت لديها تساؤلاتها عن طفلها الذي اختفى فجأة وكذلك كانت قلقة من مكوث دارين الدائم في الغرفة فذهبت إليها
فتحت علياء الباب و وجدتها جالسه على سريرها ضامة ساقيها إليها وتبدو في حالة غير طبيعية فتقدمت إليها وجلست مقابلة لها
علياء مالك يا بنتي قاعدة كده ليه بس
وتساءلت مجددا مالك يا دارين
لم تكن دارين تحتمل أكثر لقد بلغ الألم النفسي منتهاه لديها تجمعت الدموع في عينيها وقالت انا اتطلقت
شهقت علياء من الصدمة لتبدأ دارين في البكاء فتداك علياء الأمر وتقول وهي تربت على كفها خير متضايقيش نفسك أحيانا بيكون افضل اننا نخسر بعض الأشخاص في حياتنا ويمكن شريف واحد منهم
دارين أو العكس
علياء باستغراب العكس ازاي يعني
دارين ان انا الشخص اللي من الأفضل ان شريف يخسره
علياء في الحالتين الحكاية انتهت خلاص ولو حكينا فيها من هنا للصبح مش هنستفيد حاجة
دارين انا مش زعلانة علشان اتطلقت الموضوع كان هيحصل دلوقتي او بعدين طول عمري بشوف شريف ابن عمي او اخويا عمري ما شوفته جوزي ولما اتجوزنا حاولت اتجاهل الموضوع ده واتعامل مع الوضع الجديد واقنعت نفسي ان كل احاسيسي قبل كده وهم بس هي كانت حقيقة
وتنهدت پألم قائلة وأدي النتيجة
علياء آمال ايه اللي مضايقك
وبدأت في البكاء
علياء في ڠضب ازاي يعمل حاجة ذي دي شرعا وقانونا الطفل في حضانتك
علياء لا يا بنتي ده أخوكي مستحيل يعمل كده
انفعلت دارين وصاحت يعني إيه مستحيل إذا انتي بنفسك مديهوله وهو كمان قالي إنه عمل كده
صدمت علياء وقالت وفين فؤاد بيه أكيد عنده حل كلميه يابنتي
دارين بسخرية ما انا كلمت بابا ومردش عليا علشان مشغول وانا مش اهم من شغله
عائشة كلمي عمك وفهميه ان ابنه غلطان
دارين حتى عمي مشغول
علياء خلاص يا دارين كلمي شريف نفسه
دارين پغضب ما شاء الله يأخد ابني وأكلمه كمان
علياء مش وقته الكلام ده
دارين انا مش هكلم شريف مش هكلم شخص باعني يا داده ...وبعدين خلاص الكلام مش هيفيد شريف داس على قلبه وانتهى الموضوع وأنا مش هكلمه وأترجاه يرجعلي ابني
علياء آمال هتعملي ايه
دارين معرفش بقى
علياء ارفعي قضية اطلبي حضانة الطفل
دارين قضية ايه مش لما اعرف شريف فين أصلا
علياء قصدك ايه
تمسح دارين دموعها لما جيت
اكلم عمي النهاردة اتصلت على الفيلا وعرفت ان عمي مش موجود وان شريف كمان مسافر
علياء وبعدين
دارين هي دي فيها بعدين
علياء انتي لازم تكلمي والدك يتصرف
دارين هو انا كنت لقيت بابا وقولت لاء
علياء كلميه تاني
دارين وبعدين لما يرد هيعمل ايه ...هيتخانق مع تامر...ما هما طول عمرهم بيتخانقوا مع بعض مش هستفيد حاجة لما تسوء العلاقة بينهم اكتر
علياء بۏجع ليه بس يا تامر تعمل كده في أختك
دارين بمرارة اللي يعيش مع تامر هيعرف ايه نقطة ضعفه وهيعرف يستغل الموضوع ده كويس اوي وانا متأكدة ان شريف عمل كده
علياء انتي تقصدي ايه
دارين تامر اهم حاجة عنده سمعتنا قدام الناس اكيد شريف هدده بحاجة تأثر على سمعتنا وبالتالي وافق على طلبه
علياء يادي السمعة اللي تخلي حد يعمل كده
دارين هو ده أخويا قاسې ومعندوش قلب
علياء مشفقة متظلمهوش يا بنتي انتي عارفة اللي حصل معاه زمان أثر فيه ازاي انتي ناسية قصة جوازه من سارة وابنهم نادر ده نادر ده كان صاحبك مش ابن أخوكي وكانوا عائلة مع بعض لولا الحاډثة اللي حصلت ومۏت ليلى ونادر يمكن مكانش بقى الشخصية اللي انتي شايفاها دي
دارين بسخرية برافو انتي هتخلقيلوا اعذار كمان
علياء لاء طبعا هو اكيد غلطان بس مش عوزاكوا تكرهوا بعض اللي انكسر ممكن يتصلح
دارين مستحيل
ثم أردفت قائلة وبعدين انا جيباكي نتكلم عنه ولا عني
علياء والله يا بنتي ما عارفة أقولك ايه بس اكيد في حل للمصېبة دي
دارين صح يا داده دايما في حل
علياء بفرحة لقيتي حل
تبتسم دارين لقيت ...وهروح أتكلم مع تامر كمان
لم تكن دارين تعي الحل الذي وصل لأذهان علياء وإنما قصدت الاڼتقام من شقيقها على فعلته بها ليس شقيقها وحسب بل إن شريف سيكون له نصيبه
من هذا الاڼتقام عندما يظهر أمامها أنى له أن يجرح كبريائها ويختطف صغيرها أيود رؤيتها منكسرة أمامه فليحلم إذا فدارين لن تنكسر أمام أي شخص
____________________________________
في فيلا كمال نزل مازن الى الطابق الأول فوجد والدته جالسة على الأريكة فجلس بجوارها
مازن مالك
صفاء مليش
مازن دارين ردت عليكي
صفاء لاء مردتش
مازن ده اللي مضايقك
صفاء اكيد مضايقني
مازن طب ما تروحي تزوريها
صفاء لا مش هينفع مش هقدر اروح ازورها وتطردني تاني
مازن مين قال انها هتطردك
صفاء ذي ما عملتها مرة هتعملها تاني
مازن هو انتي ايه اللي خلاكي تطلقي من فؤاد الحكيم
نظرت اليه صفاء ايه السؤال العجيب ده!
مازن لا مش عجيب ولا حاجة
صفاء طيب يا سيدي كنت متضايقة من الحياة معاه اللي كلها شغل وفلوس وسمعة وبس ومفيش مشاعر
مازن ومخدتيش تامر ودارين معاكي ليه
صفاء علشان هما كانوا محتاجين مستوى كويس يعيشوا فيه وانا مكنتش هقدر اوفره بس كنت بزورهم كل يوم واقعد معاهم كانت علاقتنا لحد ما كويسة لحد ما اتجوزت وقتها بدأوا يعاملوني وحش
مازن ليه مكملتيش مع فؤاد علشان ولادك
صفاء لاني مكنتش عاوزة اظلم نفسي...عارف يا مازن اكتر قرار صح اخدته في حياتي اني اتطلق منه ...وتاني قرار صح اني اتجوز كمال ....وانت ربنا بعتك هدية ليا بعد ما دارين وتامر بعدوا عني كنت انت عوضي
ابتسم مازن في حزن هيرجعولك يا ماما هيرجعولك
صفاء تبتسم يا رب ...نفسي انتو تبقوا اخوات بجد
مازن اكيد هنكون
صفاء انما انت ايه اللي مغيرك الأيام دي
مازن عادي بدأت احسبها صح
صفاء ياريتك تحسبها كده دايما
مازن طب عن اذنك
صفاء على فين
مازن هخرج انا وأحمد
صفاء هتروحوا فين
مازن معرفش لسه ممكن نسافر وممكن نروح نلعب وممكن نتفسح وممكن نتجنن برضو عادي جدا
صفاء هههههههه لا هو انت فعلا اټجننت الأيام الأخيرة دي ومش فاهمة مالك
مازن يخفي إحساس بالمرارة بعيش حياتي اللي معشتهاش قبل كده علشان مكنتش بفكر صح
صفاء مش فاهمة
مازن متاخديش في بالك
رن هاتفه الخليوي
مازن أحمد جه سلام
صفاء بحيرة سلام
وغادر مازن
_____________________________________
بعد يومين من الهروب من الواقع والألم استيقظت دارين مبكرا قبل تامر واخذت حماما ساخنا ووقفت امام خزانتها تنتقي ملابس تليق بالمكان الذي ستذهب اليه
فانتقت جاكيتا جلديا اسود اللون وبلوزة بيضاء وجيبة سوداء وضبطت شعرها للخلف وعندما همت بأخذ حقيبة وجدت الحقيبة التي احضرها شريف لها عندما ذهب برفقة تامر الى باريس
دارين بحزن كنا محترمين بعض وقتها
نفضت تلك المشاعر السلبية عن رأسها بل إنها أمسكت بالحقيبة وقذفت بها من الشرفة فلم تعد تريد شيئا يذكرها به حتى أنها انتبهت لخاتم الزواج ذلك الذي مازال يحتل بنصرها الأيسر لتنتزعه بقوة وتلقي به هو الأخر ثم تغادر المنزل
____________________________________
في فيلا عماد جلسوا يتناولون الفطور
عماد انت مش هتروح المدرسة يا وليد
وليد لا طبعا اكيد هروح
عماد طب ما يلا
وليد مستني فارس هيوديني
عماد بإبتسامة سبحان الله كأن خروجاتكم كترت
وليد مش كنت عاوزني ابقى صاحبه
عماد اه طبعا ياريت تكون اتعلمت منه حاجة الفترة اللي فاتت دي
وليد طبعا اتعلمت
عماد ممتاز ايه بقى
وليد اتعلمت اقفل موبايلي وانا قاعد مع الناس
عماد بغيظ اتريق اتريق
وليد والله بتكلم جد
عماد للدرجة دي مش طايقه
وليد لاء هو ممتاز موبيله بقى مستفز
عماد سيبك من موبيله خليك معاه هو
وليد هو موبيله بيدينا فرصة ده علطول شغال
عماد من الآخر يا وليد عاوز تقول ايه
وليد ولا حاجة فارس ممتاز
رن هاتفه الخليوي
وليد عن اذنك بقى علشان فارس جه
عماد طيب
وليد عموما انا مش هأخره معايا هيوصلني ويرجعلك الشركة
عماد تمام
وغادر وليد
عماد غريبة ايه الحكاية دي مقابلاتهم بقيت تقلق
____________________________________
في فيلا كمال
استعد مازن للذهاب الى عمله وفجاءة شعر بالتعب فدخل الى الحمام وتقيأ غادر الحمام وهو يمسك برأسه من التعب فاتصل بالعمل
مازن بتعب الو ...ايوه انا بعتذر جدا مش هقدر اجي النهاردة لاني تعبان...الله يسلمك يا فندم ...ان شاء الله ...لا انا مش هطول بس النهاردة علشان ارتاح وهاجي بكرا بإذن الله ....متشكر سلام
واغلق الخط وهوى على السرير في تعب رن هاتفه الخليوي
مازن الو
أحمد انا قدام الفيلا تيجي نروح الشغل النهاردة مع بعض
مازن بتعب انا مش هقدر اروح الشغل النهاردة يا أحمد
أحمد بقلق انت كويس
مازن محاولا إخفاء تعبه متخافش انا كويس بس مليش مزاج
أحمد انت تعبت مش كده
مازن منهيا المكالمة انا هقفل يا أحمد سلام
أحمد طب ممكن طلب بس
مازن ايه
أحمد ممكن تروح لدكتور
مازن دكتور ايه بس ما انت عارف اللي فيها
أحمد ممكن يساعدك بأي حاجة
مازن هما معندهمش غير حل واحد بس وانا رفضته خلاص سلام يا أحمد انا هبقى كويس متخافش عليا
أحمد بأسى سلام
واغلق مازن الخط ونهض بتعب وأخذ مسكن
____________________________________
وصل تامر الى الشركة ودخل مكتبه برفقة أحد الموظفين فوجد دارين جالسة على مكتبه
تامر متعجب من الموقف
حازم اهلا اهلا دارين هانم نورتي الشركة
دارين بإبتسامة شكرا
والتفتت الى تامر ايه رأيك في المفاجاءة دي
تامر مخفيا انزعاجه هي مفاجاءة بعقل
حازم زيارة مفاجاءة يا دارين هانم
دارين تلتفت اليه يا ...اسمك ايه
حازم حازم يا فندم
دارين حازم..هحاول احفظ اسمك
ثم التفتت الى تامر دي مش زيارة انا جاية هنا اشتغل
هنا ظهر الڠضب على ملامح تامر
تامر لحازم بهدوء طب اتفضل انت يا حازم
وذهب حازم
تامر ايه الجنان ده
دارين جنان ايه
تامر تشتغلي ايه وفين
دارين اشتغل هنا في الشركة اما بقى هشتغل ايه فأنا مديرة هنا يا باشا
تامر ولو قولت لاء واطلعي برا هتعملي ايه
دارين اطلع برا ليه هو انا مش من حقي اشتغل هنا ولا ايه
تامر تشتغلي فين وانتي بتفهمي ايه في الشغل أصلا
دارين صح انت صح وانت اللي هتعلمني
تامر ارجعي الفيلا يا دارين ولو عاوزة فلوس خودي
دارين هههههه هو انا مستنياك علشان اخود فلوس انا لو عاوزة هأخد
تامر امال انتي عاوزة ايه
دارين انا قولتلك جاية اشتغل
تامر امشي يا دارين علشان مفقدش اعصابي
دارين مش هينفع تفقدها أصلا لان الناس هنا حوالينا كتير
تامر طب يا دارين ملكيش شغل
دارين يعني ايه مليش شغل
تامر يعني ملكيش شغل اتفضلي بقى من غير مطرود
دارين وكمان هتطردني
تامر لو دي الطريقة الوحيدة علشان امشيكي هعمل كده
دارين لا يا تامر اصحى وفوق انا ليا في الشركة ذي ما انت ليك
تامر يعني ايه هتشتغلي ڠصب
دارين بالظبط كده
تامر طب وريني شطارتك
دارين هخلي غيرك يعلمني أمور الشغل
وسحبت حقيبتها واتجهت الى باب المكتب في خطوات بطيئة وهي على يقين انه سيناديها
تامر كابحا غضبه استني
توقفت وابتسمت ابتسامة انتصار
دارين ملتفتة اليه نعم
تامر همسكك شغل معين وملكيش دعوة غير بيه تمام كده
دارين تمام
تامر وارجوكي بلاش فضايح
دارين انا جاية اشتغل مش اټخانق
تامر ماشي يا دارين وانا عارف أصلا ان انتي مش هتستحملي وعلشان كده هأخدك على قد عقلك
دارين هنشوف
وجلست على الأريكة في المكتب
تامر انا هكلم واحدة وهتروحي تشتغلي معاها وترحميني من الحوار ده تمام
دارين تمام وبالمناسبة انا عاوزة مكتب ليا
تامر متجاهلا كلامها اه طبعا اكيد
دارين في نفسهاهنشوف يا تامر مين فينا نفسه أطول
كان يعلم أن دارين ان تولت نصيبها في الشركة فحتما ستؤدي بالشركة إلى الافلاس كما أنها اذا لجأت لأحدهم هنا فسيكون الوضع سيئا لذا عمد إلى أن يوليها بعض الأعمال التافهة وهو على ثقة أنها سترحل بعد أيام قليلة فدارين المدللة لن تحتمل العمل هنا لم يعلم أنها أتت للاڼتقام وأن الاڼتقام أعمى
___________________________________
امام مطعم وليد
وليد واو اشتغلت عليه فعلا
فارس اجل الانبهار لسه بدري حتى المهندس مجاش النهاردة مش عارف ليه
وليد على كل حال مش هينفع تفضل تدفع انت الفلوس قولي محتاج قد ايه
فارس ليه الكلام ده بقى
وليد ده حق يا فارس وبعدين ده مشروعي انا
فارس وانا قولت هساعدك
وليد ساعدني في أي حاجة الا الفلوس
فارس واحنا سبق واتكلمنا قبل كده في موضوع الفلوس
وليد ايوه احنا احتمال منقدرش نقنع بابا
فارس وقتها نبقى نشوف حل تاني
وليد ماشي يا فارس بس انا بجد مكسوف منك جدا
فارس مفيش داعي للكسوف ويلا بقى خليني اكلمك شوية عن الشغل
وليد شغل ايه
فارس شغل المطاعم
وليد ليه ما انا عارف
فارس أحيانا بنفتكر اننا عارفين كل حاجة وبنطلع مش عارفين أي حاجة
وليد لا والله
فارس اسمع مني انا في عالم الاعمال ده بقالي مدة وفاهم
وليد طيب كلمني يمكن استفيد
فارس يبقى يلا بسرعة هكلمك وانا بوصلك علشان الحق انا شغلي وانت مدرستك
وليد طيب
وركبا سيارة فارس سويا
___________________________________
شادي ارتاحي بقى ذي ما الدكتور قال
ليلى ماشي يا حبيبي انا أصلا كلمت ماما تيجي تقعد معانا شوية علشان يعني تبقى جنبي
شادي ماشي ياستي هيبقى احسن برضو
شادي انا مش هقدر اروح الشغل قبل ما هي تيجي
ليلى روح يا شادي شغلك زمان ماما جاية يلا قوم روح
شادي انا معاكي لحد ما هي تيجي
ليلى يا شادي خ...
سمعوا رنين الجرس
شادي اكيد ماما
ونهض ليفتح فوجد والدته قد أتت ومعها حقيبة صغيرة فأخذها منها
شادي اتفضلي يا ماما
دخلت سناء وجلست على أول كرسي قابلها
شادي كويسة يا حبيبتي
سناء اه يا حبيبي متقلقش انت عارف التعب اللي عندي
شادي انا
اسف يا ماما تاعبينك بس حمل ليلى ميطمنش وعاوز حد معاها
سناء يا حبيبي انا مش متضايقة وبعدين الاقي حد اقعد معاه بعد ما انت سبتني والبيت فضي عليا
يبتسم شادي منورانا
أتت ليلى ترحب بسناء لينتبهوا لرنين الهاتف
شادي الو
لتتبدل ملامحه من ما سمعه مستحيل
_____________________________________
بدأت دارين في العمل وهي تعلم أن تامر قد أمسكها أتفه أمور الشركة ولكنها تتجاهل الأمر فقد حققت مرادها
وغادرت دارين الشركة بعد ان انهت عملها
وعندما وصلت الى الفيلا وجدت سيارة تامر تعجبت لماذا جاء الى الفيلا باكرا قرعت الجرس
فتحت علياء اهلا يابنتي اتفضلي
دارين تامر جه من امتى
علياء من شوية انتو اتكلمتوا صح
تجاهلتها دارين بيتغدا
علياء لاء طلع اوضته
دخلت دارين وصعدت الى الطابق الثاني ودخلت غرفة تامر فوجدته يجمع ملابسه في حقيبة
دارين انت بتعمل ايه
تامر وهو مازال يجمع ملابسه مخبطتيش على الباب ليه
دارين جاوب طيب
تامر سايبلك الفيلا وماشي
دارين كل ده علشان اشتغلت
تامر بالظبط كده
دارين لو كنت اعرف كده كنت اشتغلت من زمان
تامر معلش كل شيء بأوانه
دارين على رأيك
تامر خليلك الفيلا بقى
واغلق حقيبته وحملها واتجه مغادرا فقابل علياء
علياء الغدا جاهز
تامر خليها هي تتغدا
ورحل تامر
علياء لدارين هو في ايه انتو اټخانقتوا
دارين ملكيش دعوه
علياء يا بنتي مش حلو دي العلاقة اللي تبقى بنكم مهما كان انتو اخوات
دارين پغضب ملكيش دعوة
علياء بإنكسار انا مقصدش يا بنتي بس عاوزة اتطمن عليكي
دارين انا مش طفلة علشان تطمني عليها فاهمة ولا لاء
علياء طب راعي اني ربيتك لحد ما كبرتي واتكلمي معايا احسن من كده
دارين لو مش عاجبك اسلوبي الباب عندك مش همنعك
علياء بإبتسامة سخرية ياااه ده انا خدمتك عمري ضيعت شبابي وانا بربيك يوم بعد يوم بس واضح ان هي دي كلمة شكرا عندكم
دارين مخدمتنيش ببلاش حضرتك كنت بتاخدي تمن لخدمتك دي
علياء هي بالفلوس يا بنتي
دارين اه هي بالفلوس كل حاجة في الدنيا بالفلوس
علياء ياااه ده الدنيا على كده رخيصة اوي في نظرك
دارين انا مش فاكرة ان حد وظفك هنا علشان تديني محاضرة
علياء صح انتو جبتوني دادة علشانك انتي بس انتي مش محتجالي دلوقتي
دارين ولا عمري كنت محتجالك
علياء بإبتسامة سخرية فعلا ....امال انا كنت بأخد مرتب على ايه
دارين علشان رعيتيني وانا صغيرة واظن انتي عارفة ده كويس
علياء بتحدي يعني كنتي محتجالي
دارين بتكبر دارين الحكيم مبتحتجش لحد
علياء بۏجع افهم بقى من كده اني مش فارقة معاكي مش كده
دارين تقريبا كده
علياء الحق مش عليكي الحق عليا انا ان انا صبرت على اھانتك ليا
دارين ولزمته ايه الكلام ده خلاص عاوزة تمشي امشي
علياء ماشية يا دارين ماشية
دارين ابقي عدي بكرة أكون حضرتلك مكافاءة نهاية الخدمة نهاية 12 سنة من عمرك في الفيلا
علياء اسمحيلي أسألك سؤال
دارين ايه
علياء هي قلة الأصل وراثة عندكم في العائلة
دارين پغضب انتي اټجننتي ازاي تتكلمي معايا بالأسلوب ده امشي اطلعي برا
علياء مش بقولك قليلة اصل بقى انا تعبت وربيتك وانتي صغيرة واستحملتك كتير علشان
دارين پغضب انتي فعلا ولا حاجة امشي اطلعي برااا
علياء ماشية ماشية يا اللي في يوم من الأيام اعتبرتك ذي بنتي بس انا بنتي مش قليلة اصل
وغادرت علياء
دارين پغضب في ستين داهية
رن هاتفها فوجدت والدتها
دارين الو
صفاء ازيك يا دارين
دارين پغضب بصي بقى انا عوزاكي متتصليش بيا تاني انتي فاهمة ولا لاء انا عوزاكي تنسيني خالص انا بسببك كنت ذي يتيمة الأم ....وبرضو بسببك كنت ذي مکسورة الجناح لكن ده بعد أي حد ان يكون في شيء يقدر يكسر دارين الحكيم مش عاوزة حد فاهمة يعني ايه مش عاوزة حد ومش محتاجة حد اطلعوا برا حياتي بكرهكوا كلكم
متابعة القراءة
