بعد النهاية
المحتويات
كلكم ډمرتوني
صفاء بدموع هو ايه اللي حصل
دارين اللي حصل اني قوية وقوية جدا كمان وهكسر كل انسان دمرني فاهمة ولا لاء
وأغلقت دارين الخط وشعرت برغبة في البكاء لكنها تماسكت
دارين لا يا دارين انتي اقوى من كده انتي مش ضعيفة
____________________________________
في منزل باسم سمع رنين الجرس فذهب وفتح الباب فوجد نسمة
باسم پصدمة ده بجد ولا بحلم
نسمة بمرح الف وارجع تاني
باسم يستحسن برضو
نسمة بقى كده
همت نسمة ان تذهب
فأمسكها
باسم وحشتيني اوي
نسمة وانت كمان وحشتني اووووووووي
باسم طب تعالي تعالي ماما هتفرح اوي لما تشوفك
نسمة طب هات الشنطة بقى
باسم طيب
ودخلت نسمة وباسم بعدها ومعه الحقيبة واغلق الباب
سامية من المطبخ مين يا باسم
باسم ده البواب يا ماما
لكزته نسمة في كتفه قائلة بخفوت بواب انا بواب
باسم مش مفاجاءة
نسمة طيب انا هدخلها
وذهبت نسمة في هدوء ووقفت خلف والدتها
نسمة ماما انا جييييت
التفتت سامية في فزع بسم الله الرحمن الرحيم
نسمة مفاجاءة مش كده
سامية ټحتضنها وحشتيني حمدا لله على السلامة
نسمة الله يسلمك يا حبيبتي
سامية تعالي احكيلي كل حاجة من وقت ما سافرتي
نسمة لا انا جعانة جدا ووحشني اكلك وكويس انكوا لسه متعشتوش
سامية طب روحي ارتاحي وانا ثواني والعشا يكون جاهز
نسمة طيب يا ست الكل
ذهبت وجلست بجوار اخيها على الاريكة وهي تنظر لكل ركن في البيت
نسمة ياااه البيت وحشني اوي
باسم انتي جاية بشنطة واحدة
نسمة هقول كل حاجة بعد ما أكل
باسم طب انتي عملتي ايه هناك في أمريكا
نسمة قولتلك هقول كل حاجة بعد ما أكل بقى ...انا هقوم اغير هدومي على السريع واجي
باسم طيب يا نسمة
اما نشوف اخرتها
نهضت نسمة واتجهت لغرفتها
_____________________________________
امام مطعم وليد جلسوا يتناولون العشاء على سيارة فارس
وليد بقيت بحسك صاحبي من زمان اوي
فارس بمرح ده طبيعي اللي يعرفني بيحبني
وليد ههههههه بتكلم جد
فارس هههههههه انت كمان حاسك صاحبي بس مش من زمان انا عندي اصحابي برضو ومحدش يقدر يأخد مكانهم
وليد سبحان الله انت عندك صحاب
فارس لاء بلاش خفة ډم بقى
وليد خلاص بهزر
فارس طيب
وليد طب اقولك على حاجة
فارس ايه
وليد انا من يوم ما عرفتك وانا بدأت احب الدراسة على فكرة حتى المدرسين مستغربني
فارس لو اعرف كده كنت طلبت من والدك يعرفني عليك من زمان
وليد هو انتو فارق معاكم اوي كده انجح
فارس اكيد
وليد مع ان ده شيء يخصني يعني
فارس مش مهم يخص مين المهم هيفرح مين
وليد ممكن برضو
وصمت للحظات ثم قال مغيرا الموضوع انت كنت شاطر في الدراسة يا فارس
فارس ايه الاحراج ده
وليد ههههههه يا عم قول عادي يعني
فارس مش اوي يعني ببقى شاطر بمزاجي
وليد بمزاجك
فارس يعني لما بقرر اشد حيلي اوي بجيب مجموع كويس اوي
وليد ممتاز
فارس على ايه ما انا عمري ما قررت القرار ده في ثانوي وده خلاني ادخل الجامعة الأمريكية
وليد وانت كنت عاوز تدخل ايه
فارس مش فكرة كنت عاوز ايه بس عمري ما توقعت اني انجح في ادارة الأعمال
وليد يعني عمرك ما فكرت في حاجة معينة
فارس كنت برسم وكنت فاهم اني هدخل فنون جميلة
وليد ومدخلتش ليه
فارس منجحتش في امتحانها
وليد زعلت انها راحت منك
فارس لاء دخلت بعدها الجامعة الأمريكية ونسيت كل حاجة
وليد اها لقيت هدف تاني يعني
فارس تقريبا
وأردف فارس فكك من موضوع الدراسة ده انا اكتشفت اني منفعش غير في إدارة الاعمال
وليد طيب انا هقوم اروح علشان بابا ميقلقش ويتصل
فارس طيب يلا بينا
وركبا السيارة سويا وانطلقا
___________________________________
جلسوا يتناولون العشاء
باسم ما تحكلنا بقى حصل ايه في امريكا
نسمة بصوا مبدئيا كده انا مسكت فرع الشركة هناك في امريكا
سامية بفرحة بجد
نسمة بفرحة اه بجد
باسم مبروك
نسمة الله يبارك فيك ....عمتا انا مش هقدر اقعد كتير هنا ولازم ارجع أمريكا تاني واكمل شغل لاني سايبة الشركة لوحدها
سامية بحزن هتسافري تاني
نسمة مش بإيدي يا ماما ده شغلي
سامية هتسافري امتى
نسمة يعني أسبوع كده ولا حاجة ومسافرة تاني
سامية بسرعة كده
نسمة بس اكمل انا أسبوع الأول
سامية للدرجة دي
باسم سيبيها يا ماما هي برضو دلوقتي بقيت مديرة شركة
نسمة وانت بقى بقيت مشهور دلوقتي
باسم ههههه مش اوي يعني
نسمة هو التواضع حلو برضو
باسم يا بنتي والله انا لسه في البداية
نسمة لا انا مينفعنيش الكلام ده انا عايزة اسمع عن لقاء مع المؤلف الكبير باسم السليماني
باسم هههههههههه يا سلام
نسمة شايفة ابنك بيستقل بنفسه ازاي
سامية ههههههههههه ربنا يوفقكوا ويفرحني بيكوا
نسمة هو انتي مش فرحانة بإنجازاتنا ولا ايه
سامية هفرح اكتر لما اشوفكم متجوزين
باسم اتوكلي على الله يا نسمة وانا بعدك
نسمة لا ميصحش انت الأول انا لازم اتطمن على اخويا الصغير برضو
باسم لا ودي تيجي انتي البنت لازم نتطمن عليكي
سامية بس انتو الاتنين انتو بتعزموا على بعض
باسم ونسمة ههههههههههههههههههههههههههه
__________________________________
وكأنما اطمأن قلب والدها ليرحل في سلام ويترك لهم الحزن يخزو حياتهم دون رحمة
شادي اهدي يا ليلى شوية
ليلى باكية كان نفسي يحضر ولادتي كان نفسي يشيل الحفيد اللي كان نفسه فيه
شادى يا ليلى ادعيله هو دلوقتي ارتاح
ليلى هو ارتاح وانا تعبت يا شادي
شادي اهدي طيب
ليلى مش قادرة ااااه يا قلبي
عانقها لتعانقه بقوة كما لم تعانقه من قبل وكأنما تتشبث به خوفا من غدر الزمان ان يأخذه هو الآخر
شادي علشان خاطري تهدي متنسيش انك حامل يا ليلى
بدأت تفكر في طفلها و تحاول الهدوء قدر المستطاع
__________________________________
مر أجمل شهر في حياة نور كلها
وأسوأه في حياة دارين وهي تظن انه الأفضل
____________________________________
في منزل مصطفى دخلا سويا
مصطفى بإبتسامة حمدا لله على السلامة
نور الله يسلمك
مصطفى انا على فكرة مسافر بكرا
نور بحزن بسرعة كده
مصطفى بأسى لو مكنش بسرعة كده مكناش رجعنا النهاردة القاهرة
نور بحزن طيب
مصطفى ارجوكي يا نور متزعليش
نور خلاص يا مصطفى شوف شغلك
مصطفى طب مش عاوزة مني حاجة وانا جاي
نور لا يا حبيبي عاوزة سلامتك
مصطفى الله يسلمك
نور انا كمان هنزل الشغل من بكرا
مصطفى ماشي يا حبيبتي على راحتك
نور انا هكلم ماما
مصطفى وانا هأخد شاور وانام
نور طيب تمام انا هعمل كام مكالمة كده وانام
مصطفى طيب
وتركها فأمسكت الهاتف واتصلت بوالدتها
نور الو ماما عاملة ايه
ريهام بفرحة الحمد لله انتو وصلتو القاهرة
نور اه يا ماما وصلنا
ريهام طب ما تيجو تتعشوا عندي النهاردة
نور مش هينفع يا ماما احنا جايين تعبانين
ريهام طب ما انا بقول عشا
نور اصل مصطفى عنده سفر بكرا
ريهام طب شوفيه وقوليلي
نور اجليها يا ماما وخلاص
ريهام هتخسري حاجة لو سألتيه
نور حاضر يا ماما هسأله سلام
ريهام سلام يا حبيبتي
وأغلقت نور الخط واتصلت بعائشة
لم تجب اول مرا فاتصلت مرا أخرى فأجابت
نور عاملة ايه وحشتيني
عائشة ازيك يا حبيبتي عاملة ايه
نور انا تمام انتي طمنيني عليكي وصلتي لايه
عائشة ولا حاجة ذي ما انا
نور لأسى بجد
عائشة بجد ومش لازم تضايقي نفسك لان مش هتفدني مشاعرك بحاجة
نور انا نفسي اساعدك والله بس مش عارفة ازاي ومش عارفة اصلا لسه في امل حد يساعدك ولا لاء
عائشة لسه في يا نور طالما انا لسه عايشة يبقى لسه في
نور
عائشة مع الاسف لاء
نور ربنا هيفرجها قريب ان شاء الله
عائشة يا رب ....بالله عليكي يا نور عاوزة طلب
نور قولي علطول
عائشة
لو جتلك اي فرصة تساعديني اطلع من المستنقع ده اعمليها بالله عليكي ما تسبيني هنا ماشي يا نور
نور من غير ما تقولي اي فرصة تيجي بس وانا هساعدك علطول متقلقيش
عائشة تبتسم شكرا يا نور
نور اجلي الشكر ده لما الاقي حل بجد
عائشة ربنا هيفرجها قريب بإذن الله
نور بإذن الله
وأغلقت مع عائشة اتصلت بدارين لكن الخط كان مشغول جربت مرارا لكن الخط ظل مشغول فقررت الاتصال في وقت لاحق
____________________________________
في شركة فؤاد كانت دارين في مكتب تامر تتابعه وهو يتحدث الى احد الموظفين
تامر الصفقة دي مهمة جدا بالنسبالي خسارتها بالنسبالي خسارة كل شيء ركزوا معايا
هاني احنا تحت امرك يا فندم
تامر يلا اتفضل انت
هاني حاضر يا فندم
وغادر هاني المكتب فلاحظ تامر انظار دارين المتجهة نحوه
تامر في حاجة
دارين مش هتحكيلي عن الصفقات اللي بتعملها بقى
تامر لسه بدري عبال ما تفهمي الشغل ده
دارين يا تامر انت مديني اتفه حاجة في الشغل وده مش أسلوب بقى
تامر وياريتك فالحة فيها
دارين قولي على غلطة واحدة عملتها
تامر دارين انا مش هستنى لما تعملي الغلطة دي وعلشان كده مش هتمسكي اكتر من كده انا مش مستعد اصحى الصبح الاقيكي ضيعتي الشركة
دارين يا تامر ...
يقاطعها كفايا رغي بقى ورايا شغل وانتي كمان
دارين ماشي يا تامر عن اذنك
وتوجهت نحو باب المكتب
تامر انتي رايحة فين
دارين هو انا مقولتلكش
القى تامر القلم في ڠضب هببتي ايه في الشركة يا دارين
دارين انت شايفني مصايب ماشية على الأرض وخلاص
تامر دي الحقيقة
دارين عموما انا مش هرد عليك
تامر عملتي ايه يا دارين اخلصي
دارين ولا حاجة خلتهم يجهزولي مكتب هنا في الشركة
تامر ليه
دارين ما انا قولتلك قبل كده اني عايزة مكتب وانت معملتش حاجة فاتصرفت انا
تامر لا وانتي ما شاء الله بتعرفي تتصرفي اوي
دارين طبعا هو انا قليلة ولا ايه
تامر امشي يا دارين على مكتبك
دارين يستحسن برضو اقعد في مكان ملكي انا
وغادرت الغرفة وهو يستشيط ڠضبا
دخلت دارين مكتبها واتصلت بسكرتارية مكتبها
دارين ايوه سما ابعتيلي الموظف اللي اسمه هاني..هاني...اه هاني حسين
بعد دقائق سمعت طرقات على الباب
دارين اتفضل
دخل هاني اؤمريني يا فندم
دارين تعالا اقعد
جلس هاني
دارين انا عوزاك تكلمني عن صفقات الشركة الأيام دي اصغرهم واكبرهم لحد الصفقة اللي كنت بتكلم تامر فيها في المكتب
هاني تحت امرك يا فندم
دارين الأول تشرب ايه
هاني ملوش لزوم يا فندم
دارين لاء لازم علشان شكل قعدتنا هتطول
هاني خلاص قهوة
دارين تمام
ورفعت سماعة الهاتف ايوه يا سما اتنين قهوة
والتفتت الى هاني قهوتك ايه
هاني مظبوط
دارين اتنين قهوة واحدة مظبوط و واحدة سكر زيادة
و وضعت السماعة والتفتت اليه تستمع في اهتمام
__________________________________
في شركة
أحمد مازن انت رايح فين
مازن استلمت شغل من كام يوم و خلصت اللي اتطلب مني فرايح اقابل صاحب الطلب...ازيك
أحمد الحمد لله ...انت عامل ايه
مازن الحمد لله ..كنت عاوز حاجة
أحمد بتطمن عليك
مازن انا تمام اتطمن
أحمد تمام
وذهب مازن وهو يشعر بالتعب
________________________________
في شركة عماد
عماد ها يا فارس ايه رأيك في التعاقد ده
فارس هي شركة فؤاد الحكيم ممتازة بدرجة كبيرة
عماد يعني ايه رأيك
فارس تعاقد مع شركة ذي دي صفقة مربحة بالنسبالنا وهيكون شغل كويس جدا بالنسبة للشركة
عماد يعني انت موافق
فارس انا موافق جدا بس طبعا الرأي رأيك في النهاية
عماد لا يا فارس انا بثق فيك وطالما انت قولت موافق يبقى انا كمان موافق
فارس بإبتسامة متشكر يا فندم على الثقة دي
عماد عارف يا فارس كل حاجة لما بتزيد عن حدها بتقلب ضدها
تغيرت ملامح فارس مش فاهم
عماد انا دلوقتي بفكر يا ترى ثقتي فيك الزايدة قلبت ضدي ولا لاء
فارس پخوف هو انت شوفت مني حاجة ضايقتك
عماد لا ابدا عمري ما شوفت منك حاجة تضايق
فارس امال ايه لزمته الكلام ده
عماد اسمع يا فارس انا بثق فيك فمتخونش ثقتي علشان انا زعلي وحش اوي
فارس پخوف هو في حد قالك عني حاجة
عماد لا يا فارس
فارس يبقى ملوش لزمة الكلام ده انا طول عمري بخدم الشركة دي وعمري ما قصرت
عماد سيبك من الشركة انا بتكلم عني انا
فارس بثقة وانا عمري ما قصرت مع حضرتك برضو ..عن اذنك عندي شغل برا الشركة
عماد اتفضل
ونهض فارس وغادر المكتب وهو يشعر بالقلق من كلمات عماد له
____________________________________
في منزل باسم
جلسوا معا في غرفة المعيشة
باسم مبسوطة في شغلك يا نسمة
نسمة اوي يا باسم ...عارف يا باسم أحيانا بنمر بمواقف فيها الاختيار صعب بس اهم حاجة ان الواحد ميظلمش نفسه في الاختيار
باسم قصدك ايه
نسمة قصدي لما كان قدامي يا مصطفى يا شغلي
باسم انتي شايفة بقى ان شغلك كان هو الصح
نسمة اه طبعا بس للأسف انا بقى فهمت متأخر ان وجودي مع مصطفى كان ظلم ليا وليه
باسم المهم انك فوقتي بقى لنفسك
ابتسمت وهزت رأسها إيجابا
باسم انا كمان مريت باللي انتي بتتكلمي عنه ده وكنت هودي نفسي في داهية بمعنى الكلمة
نسمة مش فاهمة
باسم مش مهم المهم اني عديت من الموقف وذي ما بتقولي مظلمتش نفسي
نسمة انا مش فاهمة حاجة بس طالما انت تمام يبقى خلاص
باسم يا حبيبتي
وعانقها
____________________________________
في المطعم وقف مازن بتعب
فارس على فكرة انت بتغيب كتير وده مش هينفع
مازن معلش انا تعبان شوية بس اوعدك هعملك شغل تمام
فارس لما نشوف
وقطع حديثهم رنين الهاتف الخليوي لمازن
مازن معلش لحظة
فارس اتفضل
مازن الو
حسام ازيك عامل ايه
مازن الحمد لله ...انت عامل ايه
حسام الحمد لله
مازن انت متصل ليه يا حسام
حسام علشانك
مازن اقفل الموضوع بقى انا ورايا شغل ومش فاضيلك
حسام شغل ايه
مازن انا بشتغل حاليا وبجد مش فاضي
حسام طب معلش عاوزك شوية بعد شغلك
مازن حسام اقفل موضوع العملية بقى
حسام لا مش هكلمك في موضوع العملية
مازن امال
حسام اما تيجي
مازن بتعب اجي فين بس انت بتهزر
حسام مال صوتك
مازن سؤال سخيف ما انت عارف اني تعبان
حسام تعبت زيادة
مازن تقريبا كده يا حسام
حسام طب تعالا يا مازن علشان نتابع حالتك على الاقل
صمت مازن وسقط الهاتف من يديه وامسك رأسه پألم
فارس انت كويس
سمع حسام الصوت الو مازن انت معايا
سقط مازن فاقدا لوعيه
حسام مازن انت روحت فين رود عليا
جثى فارس بجوار مازن يحاول افاقته
فارس يا بشمهندس انت كويس
سمع حسام صوته الوووو مازن انت روحت فين
سمع فارس صوت حسام فالتقط الهاتف
حسام الو مازن
فارس المهندس مازن اغمى عليه
حسام اغمى عليه ...طب اسمع هديك عنوان مستشفى تنقله عليها وانا هقوم بالازم
_________________________
الفصل 22 و
عادت دارين الى الفيلا قابلت علاء
دارين تعطيه بعض المال تروح تجبلي غدا ومتتأخرش
علاء ذي كل مرا يا فندم ولا عاوزة حاجة معينة
دارين ذي كل مرا يلا روح
علاء حاضر يا هانم
دخلت دارين الفيلا رن هاتفها الخليوي
دارين الو
فؤاد ايوه يا حبيبتي ازيك عاملة ايه
ابتسمت دارين بسخرية ايه ده ما شاء الله انت فاضي
فؤاد اه ليه
دارين كلمتك ومردتش عليا يعني
فؤاد معلش انشغلت في الشغل ...مقولكيش بقى يا دارين شغال مع عمك أشرف على مشروع قرية سياحية وان شاء الله هتكون اكبر قرية سياحية
دارين بابا انا دارين على فكرة مش تامر علشان تكلمني
فؤاد وهو كله علشان مين ما علشانكم في النهاية
دارين اه اكيد...المهم انت متصل ليه
فؤاد بتطمن عليكي انتي مش عاوزة حاجة
دارين في نفسهاجاي بعد ما الۏجع ملاني تسألني عاوزة حاجة...لاء كتر خيرك اكيد مش هعوز منك انت حاجة
فؤاد معايا يا دارين
دارين لا شكرا يا بابا مش عاوزة حاجة سلام
فؤاد سلام
أغلقت دارين الخط واتصلت بأشرف
دارين الو
أشرف دارين ازيك يا حبيبتي
دارين الحمد لله
أشرف و رائد عامل ايه
دارين بۏجع الحمد لله
أشرف معلش مجتش فرصة اجي اشوفوا بس انا شوفت الصورة اللي انتي نزلتيها وهاجي قريب بإذن الله
دارين انا وشريف اتطلقنا
أشرف پصدمة ايه
دارين شريف فين
أشرف انا مش فاهم حاجة
دارين مش لازم تفهم انا عاوزة منك خدمة وهي انك تقولي شريف فين
أشرف وانا هعرف منين ده انا مش عارف انكوا اتطلقتوا
دارين يعني معندكش معلومات عن ابنك
أشرف ولا كلمني أصلا
دارين طيب تمام سلام
أشرف استني بس فهميني اللي حصل
دارين سلام يا عمي مش فاضية
وأغلقت الخط
_____________________________________
في فيلا كمال
كمال هو مازن مش هيتغدا معانا
صفاء لسه مجاش من الشغل
كمال مكلمتهوش طيب
صفاء لاء اكيد عنده شغل
كمال طيب
رن هاتف كمال الخليوي فوجد مازن يتصل
كمال الو ....ايوه....خير....طب اديني العنوان ...متشكر ..سلام
واغلق الخط ومازال محتفظا بهدوئه
صفاء ايه
كمال ينظر اليها ممكن تحافظي على هدوئك
سقطت الشوكة والسکين من يدها في ايه
كمال مازن في المستشفى
صدمت صفاء
كمال صفاء انتي كويسة
صفاء ومازالت في حالة صدمة انا هلبس بسرعة استناني مش هتأخر
وصعدت الى الطابق الثاني بسرعة
_________________________________
في شركة عماد
غادر فارس مكتبه لتناول غداءه في المطعم القريب فرن هاتفه الخليوي
فارس الو
وليد ازيك يا فارس
فارس تمام
وليد مالك..ومكلمتنيش ليه
فارس والدك شكله بيشك فيا هو انت عملت حاجة تخليه يشك
وليد لا ابدا
فارس طب بقولك ايه
اقفل دلوقتي وهكلمك بعدين او نتقابل الليلة سلام
وليد سلام
واغلق فارس الخط وهو يشعر بالقلق
___________________________________
في منزل شادي بعد ان انهوا طعام الغداء سندها الى الفراش
شادي انتي كويسة يا ليلى
ليلى تمام الحمد لله
شادي تعبك زاد ايه رأيك نروح للدكتور
ليلى يا حبيبي انا كويسة الحمل بس تاعبني شوية
شادي طيب
سناء متقلقش الحمل بيغير 180 درجة
شادي ربنا يقومك بالسلامة يا حبيبتي
ليلى امين
شادي غير مقتنع بكلامهم وقلبه يحدثه ان شيئا ما سيحدث
ليلى انتي تعبتي معايا اوي النهارده يا ماما خلاص ارتاحي واهو شادي موجود جنبي اهو
سناء شادي ايه هو ده بيعرف يعمل كوباية شاي أصلا
ضحكت ليلى بتعب
شادي متشكرين على التسييح ده يا ماما
سناء الحقيقة متزعلش
شادي على فكرة متصدقهاش بعرف اعمل حاجات كتير
ليلى ذي ايه
شادي حاجات كتير طبعا بس مش فاكرها دلوقتي
ليلى انت هتضحك عليا انا يا شادي
شادي انتي هتسيحي انتي كمان ولا ايه
ليلى ههههههه ...ااه
شادي خلاص خلاص مش هضحكك
ليلى شادي انا عاوزة مانجا
شادي نعم
ليلى ايه هو اللي نعم بقولك عاوزة مانجا
شادي دلوقتي
ليلى لا بعد أسبوع ....اكيد دلوقتي طبعا
شادي طيب خلاص هنزل اجبلك مانجا
ليلى بسرعة
شادي حاضر
سناء استنى هاجي معاك انت مبتعرفش تشتري حاجة أصلا
شادي ما كفايا تسييح بقى الله
سناء طب يلا بس بسرعة
شادي يلا
وذهبا استطاع كلاهما ازاحة جزء من ذاك الألم الذي اقتحم حياتها بعد ۏفاة والدها لكنها دائما كانت متعبة وكثيرا ما كانت تمر بنوبات بكاء عندما تتذكره
___________________________________
في المشفى
أفاق مازن وبدأ يدور بنظره في الغرفة فعلم انه في المشفى شعر بيد تلمس على شعره فنظر بجواه فوجد والده ووالدته بجانبه
مازن مصډوم ولا يجد كلاما
كمال بإبتسامة حمدا لله على سلامتك كده تقلقنا عليك
صفاء صامتة تسيل الدموع من عينيها تحاول ان تبتسم بلا فائدة
مازن بتعب انا كويس متخافوش عليا
صفاء لم تحتمل اكثر وبدأت في البكاء
كمال وبعدين يا صفاء
مازن پألم على حال والدته متعيطيش انا كويس
كمال خلاص بقى يا صفاء
صفاء پبكاء انت ازاي متقولناش ازاااي
مازن مكنتش عاوزكم تزعلو وتشغلوا بالكم بيا
كمال ايه الكلام
ده ان مكناش نشغل بالنا بيك امال نشغل بالنا بمين
مازن ينظر الى والدته وهو يشعر بالحزن على حالها
كمال لصفاء صفاء من فضلك اهدي بقى
صفاء تمسح دموعها في محاولة منها للهدوء
كمال المهم احنا اتكلمنا مع الدكتور
مازن انا حافظ الكلام بتاعه كله
كمال لاء هو قالنا كلام جديد
مازن كلام ايه
دخل حاتم حمدا لله على السلامة
صفاء لم تحتمل اكثر وانسحبت من بينهم
مازن هو في جديد في حالتي
حاتم مازن الورم بيكبر وبيضغط على مناطق الابصار والنطق
مازن وبعدين
حاتم لازم تعمل العملية بسرعة
مازن وانا قولت لاء
كمال مازن
حاتم طب هستأذن انا
وغادر حاتم
مازن بابا من فضلك انا مش هعيش عاجز
كمال پألم مين قال كده
مازن هو الدكتور مقالكش النتايج ولا ايه
كمال لاء قالي بس كمان قالي ان ده الأمل الوحيد
مازن مش هقدر يا بابا على حاجة ذي دي
كمال مازن من فضلك
مازن من فضلك انت يا بابا
كمال انت فاكر ان انا ممكن أعيش من غيرك
مازن بۏجع الدنيا مبتقفش على حد وبعدين ما انا عايش اهو قدامك
كمال ايوه بس انت عارف ان الورم ده ممكن يعمل فيك ايه
مازن يا بابا ارجوك
كمال خلاص يا مازن ارتاح انت دلوقتي
مازن انا عاوز اروح ارتاح في الڤيلا
كمال لاء انت هتفضل في المستشفى
مازن ملوش لزوم وجودي في المستشفى
كمال لاء خليك في حالة تعبت لا قدر الله الدكاترة يكونوا جنبك
مازن يا بابا انت عاوز تحبسني في مستشفى علشان اتخنق يعني
كمال انا مش بحبسك انا خاېف عليك
مازن يا بابا دي اول مرة يغمي عليا على فكرة
كمال هي كلمة يا مازن هتفضل يعني هتفضل
مازن طب وشغلي
كمال انسى الشغل انا هكلم الشركة واعرفهم انك خلاص سبت الشغل
مازن لا بجد حرام هتنهوا حياتي علشان العملية
كمال انت عاوز تزعلني انا ومامتك يا مازن
صمت مازن للحظات ثم قال
مازن طب انا مستفيد ايه من قعادي هنا طالما مش هعمل عملية ولا غيره
كمال لا يا مازن انت هتعمل العملية بس مش دلوقتي ولا هنا ... انا طلبت الأشعة وهأخدها وهتواصل مع دكاترة برا وهسأل عن افضل مكان تعمل فيه العملية
مازن بابا انت أكيد بتهزر
كمال لا انا مش بهزر يا مازن وانت اللي بتهزر لو فاهم اني ممكن اسيبك ټموت
مازن مش هعمل حاجة ڠصب عني
كمال هشوف طرق واقنعك بيها ما انا مش هسيبك
صمت مازن بنفاذ صبر
كمال انا هسيبك ترتاح
وتركه كمال وغادر الغرفة فوجد صفاء تبكي بالخارج فجلس بجوارها
كمال اهدي يا صفاء انا مش هسيبه
صفاء قالك ايه وافق على العملية
كمال لاء مش موافق
صفاء طب وبعدين
كمال هخليه يعملها حتى لو ڠصب
صفاء مش هينفع موضوع الڠصب ده لازم تكون برضاه يا كمال
كمال على كل حال اجلي كل ده لحد ما اعرف هتواصل مع مين وازاي واشوف الحكاية دي
صفاء انا خاېفة اوي عليه
كمال مټخافيش ربنا موجود
صفاء ونعم بالله
كمال على كل حال هيفضل هنا في المستشفى تحت عيون الدكاترة
صفاء انا هفضل جنبه
كمال تفضلي فين وانتي بالحالة دي انتي عوزاه يشيل الهم كل ما يشوفك
صفاء خلاص يا كمال هفضل هنا برا ومش هدخله
كمال ويفيد بإيه وجودك قومي روحي اديله وقت يكون
صمتت صفاء لبعض الوقت ثم قالت بيتهيقلي لازم اجبله شوية حاجات من الفيلا بما انه هيقعد هنا
كمال هيكون كويس برضو يلا بينا
ونهضا معا وغادرا
____________________________________
في فيلا عماد استعد وليد للخروج
عماد على فين يا وليد
وليد رايح لواحد صاحبي
عماد صاحبك مين
وليد انت متعرفش اصحابي يا بابا
عماد اه صح ...ابقى عرفني عليهم
وليد حاضر يا بابا هعرفك عليهم كلهم في حفلة التخرج بإذن الله
عماد ايه ناوي تعدي من غير ملاحق
وليد ليه كده بقى يا بابا
عماد انا اللي المفروض اسأل ليه كده
وليد هنجح ومش هشيل ملاحق وهتشوف
عماد انا سمعت الكلام ده كتير اوي
وليد ولو نجحت السنة دي من غير ملاحق
عماد اعملها اول
وليد حاضر هعملها ..وعن اذنك دلوقتي بقى علشان اتأخرت
عماد طيب يا وليد
وغادر وليد
عماد اما نشوف الحكاية دي
___________________________________
في فيلا كمال
أحمد يا عمي والله انا كنت عاوز اقولكم بس هو كان منبه عليا مقولش لحد
كمال برضو غلطان يا أحمد
أحمد طيب يا عمي انا غلطان بس دلوقتي مش وقت عتاب خلينا نتصرف وكويس انكم عرفتو
كمال هنتصرف ازاي وصاحبك رافض العملية
أحمد انتو لازم تقنعوه
كمال وهقنعه ازاي بس هو كل اللي في دماغه انه لو عمل العملية هيكون عاجز
أحمد طب والعمل
كمال معرفش بس لازم اتصرف وأول حاجة اعملها اني اشوف دكاترة كويسين برا مصر علشانه
أحمد طيب يا عمي وانا اسف والله بس بجد مش بإيدي هو قالي مقولش لحد وكان لازم افضل جنبه ذي ما هو عاوز
كمال بهدوء اللي حصل حصل يا أحمد خلاص اهم حاجة نلحقه
أحمد ان شاء الله
كمال عطلتك يا ابني اتفضل انت
أحمد ايه الكلام ده يا عمي ده مازن ده صاحب عمري كله
ابتسم كمال
وغادر أحمد
__________________________________
في المساء بالمشفى
دخل حسام الى مازن
حسام عامل ايه
مازن انا كويس
حسام مفيش صداع او أي حاجة
مازن حاليا لاء
حسام ممتاز
مازن هو مين قال لبابا وماما
حسام دكتور حاتم بلغهم
مازن وطبعا انت السبب في اني اجي المستشفى اللي انت شغال فيها
حسام تفتكر المستشفى هتفرق ما هما كده كده هيعرفوا
مازن صح مظبوط
حسام مازن انا عوزك تفكر شوية في والدك ووالدتك انت بنفسك شوفت حالتهم
مازن حسام هو انا لو دخلت غيبوبة هتقدروا تعرفوا انا هفوق امتى
حسام انت ليه بتتوقع الأسوأ دايما
مازن بسرعة جاوب يا حسام
حسام اكيد لاء
مازن ولو فضلت في غيبوبة هتتيقنوا ان مفيش أمل مني وهيبقى كلامكم وقتها لأهلي ان انتو متطرين تفصلوا الأجهزة عني مش كده
حسام انت بجد ازاي بتفكر في السلبية دي واضح ان الافلام مسيطرة عليك
مازن انا ابدا مش سلبي بالعكس انا مبسوط جدا بمرضي ده انا حتى عشت حاجات عمري ما عشتها قبل كده وانا فعلا مبسوط بس فعلا موضوع العملية بيجبلي اكتئاب وبيجبلي كل المشاعر السلبية وكمان قعادي هنا في المستشفى بيخليني متوتر بيخليني عاوز افكر اكتر في تعبي
حسام ليه التوتر مش انت كويس
مازن يا حسام انا خاېف ومړعوپ على فكرة من وجودي هنا حاسس اني قاعد هنا علشان العملية و إصرار اهلي على العملية مخليني مش قادر استحمل
حسام اهدا يا مازن مفيش داعي للخوف
مازن سهل تقولي اهدا سهل تقولي متخافش بس مش هتقدر تسيطر على مشاعري
حسام طيب ممكن تنسى العملية وتنسى كل حاجة وتنام دلوقتي وترتاح
مازن يهز رأسه إيجابا
ويغادر حسام
يرن هاتف مازن الخليوي
مازن الو
أحمد انا اخدت التمام من والدك أي خدمة تانية
مازن يبتسم بتلقائية اسف يا أحمد
أحمد لا يا عم ولا يهمك هي اول مرة يعني ما ياما اهلك هزقوني بسببك
مازن ههههههههههه ده انت شايل مني اوي
أحمد هههههههههه تقريبا كده ...المهم انت بتعمل ايه دلوقتي
مازن الزهق هيموتني وحسام قالي أنام شايف الملل اللي انا فيه
أحمد معلش شدة وتزول يا جدع
مازن هههههههههه هتزول
أحمد خلي عندك ثقة في الله
مازن ونعم بالله
أحمد عموما يا سيدي في أي وقت تحتاجني انا معاك على مواقع التواصل الاجتماعي 24ساعة
مازن تمام
أحمد علشان بس تعرف انك مش لوحدك
مازن تسلم يا صاحبي
أحمد انا خاېف اقولك تنام تتعصب عليا
مازن هههههههههههه لا قول ولا يهمك يعني هي جات عليك
أحمد هتنام ولا أسليك شوية
مازن لا هنام تصبح على خير
أحمد لو معرفتش كلمني
مازن طيب سلام
أحمد سلام
واغلق مازن الخط وحاول النوم
__________________________________
في صباح اليوم التالي
استيقظت واستعدت للذهاب الى عملها
سمعت قرع الجرس فذهبت وفتحت الباب فوجدت علاء قد أحضر لها الفطور
دارين شكرا يا علاء جهزلي العربية دلوقتي
علاء حاضر
وأغلقت الباب وجلست تتناول فطورها وهي تتابع بعض الأمور على اللاب توب الخاص بها
انتبهت لرنين هاتفها الخليوي
دارين الو
نور كلبة
دارين ميرسي
نور انتي فينك بكلمك كتير على فكرة
دارين حمدا لله على السلامة يا عروسة
نور متغيريش الموضوع فينك كل ده
دارين موجودة يا نور بس للأسف مشغولة شوية بالشغل
نور انتي اكيد بتهزري
دارين ليه يعني
نور انتي اشتغلتي بجد
دارين اه
نور معقولة دارين الحكيم اشتغلت
دارين بلاش اللطافة دي علشان مقفلش الخط
نور هههههههه خلاص خلاص اسفة
دارين على فكرة الشغل طلع حاجة مسلية جدا
نور انتي اللي بتقولي الكلام ده
دارين انسي اللي فات بقى كنت غلطان بخصوص موضوع الشغل
نور طيب يا ستي عموما انتي وحشاني
دارين وانتي كمان
نور طب ما تيجي نتقابل
دارين مش عارفة امتى هبقى فاضية
نور طيب نتكلم سوا الواتس نشوف معاد نكون فاضيين فيه
دارين شوفي وقت وابقي كلميني
نور تمام سلام
دارين سلام
ونهضت دارين لتذهب الى عملها
____________________________________
جلس مازن يملأ فراغه بالاستمتاع على الآيباد الخاص به فرن هاتفه الخليوي
مازن الو
فارس مهندس مازن
مازن ايوه
فارس انت كويس
مازن نعم
فارس انا اللي نقلتك المستشفى لما تعبت ..انا فارس بتاع المطعم لو تفتكر
مازن اه اهلا معلش اصل انا مش مسجل رقمك باسم
فارس عادي ولا يهمك ...المهم انت كويس
مازن الحمد لله
فارس معلش لما نقلتك المستشفى مقدرتش استنى معاك انت اكيد احسن دلوقتي
مازن احسن...لا انا ذي ما انا وعلى فكرة انا مش هقدر أكمل معاك لاني سبت الشغل
فارس هو انت تعبان اوي كده
مازن تقريبا
فارس اسف اتدخلت في حاجة متخصنيش
مازن لا ابدا عادي يعني هي جت عليك ما اللي كنت خاېف انهم يعرفوا عرفوا خلاص
وصمت للحظات ثم قال انا عندي ورم في المخ وحاليا في المستشفى بأمر من أهلي
فارس مصډوم اه انا اسف الف سلامة عليك
مازن الله يسلمك ...على فكرة انا هتدخل و هخلي الشغل في ايد واحد صاحبي
فارس لا ملوش لزوم تتعب نفسك انا هتصرف
مازن لا مينفعش الموضوع كان في ايدي وكان المفروض اكمله وبعدين مفيش تعب الحكاية كلها مكالمة تليفون مش اكتر
فارس طيب ذي ما تحب عموما ربنا يشفيك
ابتسم في حزن فهو يعلم ان الحل الوحيد هو العملية
فارس انا مضطر اقفل دلوقتي عندي اجتماع
مازن اه طبعا اتفضل سلام
فارس سلام
واغلق فارس الخط
ونهض ليحضر الاجتماع ولاحظ ان الاجتماع غريب بعض الشئ فعماد لا يأخذ برأيه في الاجتماع وهذا ليس من عادته
_____________________________________
في شركة فؤاد في غرفة تامر
طرقت دارين الباب ودخلت
دارين صباح الخير
تامر مش هنخلص بقى
دارين طب انا بقول صباح الخير رد عليا طيب
تامر اخلصي يا دارين عاوزة ايه
دارين هعوز ايه
تامر اسمي تامر وراعي اننا في الشغل
دارين پتخاف اوي على شكلك قدام الناس
تامر اخلصي يا دارين
دارين مقولتليش ليه ان كان في اجتماع
تامر دارين متعمليش نفسك صاحبة شركة تمام
دارين انا صاحبة شركة فعلا وان كنت ناسي اننا اخوات افكرك
تامر دارين متعصبنيش يا دارين وامشي
دارين تامر انا همشي لما اخد منك وعد ان أي حاجة في الشركة تخليني على علم بيها
تامر اسمعي يا دارين ان تحمدي ربنا ان انا مش مديكي المسؤولية المفروضة عليكي في الشركة علشان لو ادتهالك هتفلسي بكرا
دارين مش فاهمة ايه التخاريف اللي انت بتقولها دي
تامر دي مش
تخاريف ...انتي عارفة كويس ان ليكي نصيب في الشركة بس متعرفيش بقى ان انا المسؤول عنه يعني لو ادتهولك
متابعة القراءة
