بعد النهاية
المحتويات
هتخسر حاجة لو ادتنا ربع ساعة من وقتك
مازن تاني يا أحمد
أحمد خلاص خلاص انا اسف
مازن وصلني من سكات
أحمد طيب لينا قعدة تانية مع بعض
مازن انت بتحلم
أحمد يلا يا مازن
مازن يستحسن توصلني عند عربيتي
أحمد أخاف عليك تسوق
مازن حد قالك اني مش شايف
أحمد لاء بس انا عارف انك تعبان فهوصلك البيت وهبقى اجبلك عربيتك
مازن انا كويس يا أحمد
أحمد بلاش عند وتعالا اوصلك
مازن هتوصلني لعربيتي يا أحمد
أحمد مالك بقيت عصبي كده ليه
مازن انا مش عصبي بس بتخنق بسرعة
أحمد طيب ماشي يلا
مازن ولعربيتي
أحمد حاضر يا مازن حاضر يلا بقى
وذهبا وركبا سيارة أحمد معا
___________________________________
وفي فيلا فؤاد الحكيم
سمعت دارين طرقات على باب غرفتها
دارين اتفضل
دخل فؤاد صباح الخير
دارين صباح النور يا بابا
فؤاد آمال فين شريف
دارين بإنتباه يعني ايه فين شريف هو مش مسافر سفرية تبع الشغل
فؤاد سفرية تبع الشغل
دارين هو مفيش سفرية تبع الشغل
فؤاد معتقدش بس هسأل تامر
دارين طيب وابقى قولي
فؤاد طيب
امسكت دارين هاتفها الخليوي واتصلت بشريف فقد لفت انتباهها الموضوع
لكنه لم يجب اتصلت مرة أخرى وأيضا لم يجب فانشغل بالها
____________________________________
اوصله الى السيارة فنزل مازن فتبعه أحمد
مازن شكرا امشي انت خلاص
أحمد طب ممكن سؤال
مازن لو في نفس الموضوع لاء
أحمد معلش استحملني هو انت عرفت امتى
مازن من مدة
أحمد اليوم اللي اختفيت فيه صح
مازن صح يا أحمد ممكن تسبني بقى
أحمد هتقول لأهلك امتى
مازن انت اټجننت يا أحمد انت عاوزني اقولهم
أحمد انت لازم تقولهم حقهم يعرفوا
مازن يعرفوا علشان يتعبوا ويزعلوا مش كده
أحمد لاء علشان يقنعوك بالعملية
مازن أحمد احفظ السر اللي انت عرفته ومتقولش لحد
أحمد مش قبل ما اعرف هتعمل ايه
مازن مش هعمل حاجة هرجع البيت وانام
أحمد انت اكيد بتهرج انت لازم تعمل العملية
مازن بعصبية مش هعمل يا أحمد مش هعمل مش هعيش عاجز او اكمل حياتي في غيبوبة
أحمد طب اهدا يا صاحبي
مازن أحمد انا ماشي ومتجيش ورايا ولا نتقابل الأيام الجاية
أحمد ايه الكلام ده
مازن مش عاوز اشوف حد الفترة الجاية انساني ولكأنك عرفتني تمام كده
وهم أن يذهب فأمسكه أحمد انت اكيد مش في وعيك
مازن لا انا في وعيي واحفظ سري يا صاحبي
وسحب ذراعه وذهب
وأحمد في حالة صدمة
_____________________________________
عائشة مبروك يا حبي
نور الله يبارك فيكي عقبالك
عائشة ربنا يسهل
نور هتيجي
عائشة طبعا هي دي عاوزة كلام
نور خلاص هستناكي يا حبيبتي
عائشة ماشي سلام
نور سلام
_____________________________
يتبعالفصل 16و
في منزل سناء
شادي هو الجو كان رخم شوية
ليلى بس عموما القعاد كان تحفة
ماجد اهم حاجة انكو انبسطوا
شادي انبسطنا بس...ده احنا انبسطنا جدا مش كده يا لولو
ليلى اه والله كانت سفرية حلوة
سناء ربنا يسعدكوا
وأردفت شدوا حيلكوا بقى عاوزين نفرح بحفيد
شادي لا انا عاوز بنت وعاوزها شبه ليلى كمان
ليلى بإحراج احم احم
شادي احم ... انا قصدي يعني ان البنت حبيبة ابوها
ماجد بحنان هي فعلا حبيبة ابوها
ليلى بحب هو انا وحشتكاوي كده
ماجد طبعا وحشتيني اوي
ليلى خلاص هاجي اقعد معاك يومين
شادي هههههه ايه يا لولو انا قاعد والله خودي رأيي حتى
ماجد ههههههههه خليكي في بيت جوزك يا بنتي
وأردف ولد او بنت مش هتفرق المهم فرحونا بمولود ينور العائلة
شادي يا عمي كفايا عليكوا انا نورت حياتكو كلها
الجميع ههههههههههه
ليلى لاء ومتواضع اوي كمان
شادي وطيب والله كمان
ليلى هههههه كنتي متوحمة على ايه يا طنط وانتي حامل فيه
سناء جوافة
ليلى هههههههههه مش بصل يعني
شادي بصل في عينك قومي يا بت هاتي طشت مياه بملح واتعكيلي رجلي
ليلى يا بيئة
شادي عاجبك كده يا عمي بتهزقني وانت قاعد شوفلك صرفة انا مش هتكلم
ليلى لا يا روحي إتكلم ما عاش ولا كان اللي يخرصك
شادي يا حنينة
سناء طب بس بقى وكملو اكل
ليلى تسلم ايدك يا طنط لازم ادوقك اكلي قريب
شادي مش لما ادوق انا اول
ليلى على فكرة انا طباخة محترفة
شادي اهو كلام حد شاف حاجة
ماجد لا يا شادي الا الطبخ محدش يجاريها فيه
شادي ده انا على كده معايا كنز
ليلى بتكبر مصطنع علشان تعرف بس قيمتي
شادي طب قومي نروح بيتنا وتأكليني على ذوقك
ليلى انت مش اتغديت خلاص خليها بكرا بقى
شادي وكنسلتي على العشا يا مفترية
ليلى ههههههههه لا احنا بننام خفيف يعني قضيها فاكهة
شادي لا انا شكلي هشوف أيام ذي الفل
ليلى لا انا فعلا هظبطك في الأكل
شادي تسلمي يا حبيبتي
وأكملو طعامهم وسط الاحاديث
____________________________________
في فيلا فؤاد الحكيم
في غرفة دارين كانت ممدة على سريرها تفكر اين ذهب شريف فكرت ان تسأل والدها عن جواب تامر لكنها غير قادرة على الحركة وبالتأكيد انه الآن يتناول الغداء بالأسفل
امسكت هاتفها الخليوي لتتصل به فوجدت تامر يتصل بها فتفاجئت
دارين الو
تامر شريف كلمك
دارين لاء هو مش في سفرية تبع الشغل
تامر مفيش الكلام ده
دارين طب هو مراحش الشركة مقالش حاجة
تامر ولا شوفته أصلا مختفي ومبيردش على حد ليه
دارين معرفش انا فكراك انت تعرف
تامر وانا هعرف منين
دارين مش بيشتغل معاك
تامر لو كلمك قوليله يكلمني ضروري
دارين طيب
وأغلق تامر الخط
دارين هو في ايه...هو شريف راح فين
رن هاتفها الخليوي مرا أخرى
دارين الو
نور حبي اخبارك
دارين تمام انتي عاملة ايه
نور هكون عاملة ايه عروسة وكتب كتابي النهارده
دارين مبروك يا قلبي
نور اخبار الحمل ايه
دارين الحمد لله بس تعبانة اوي
نور بتتابعي مع الدكتور
دارين هو انا قادرة اتحرك يا نور
نور يا بنتي بالتليفون
دارين معييش رقم دكتور أصلا
نور طب هكلملك بابا
دارين لا خليكي في اللي انتي فيه انا هبقى اروح لدكتور مش مرتاحة كده
نور طب ابقي طمنيني
دارين حاضر
نور راجعي نفسك وتعالي شمي هوا يا بنتي
دارين اشم هوا ايه بس انا مش قادرة
نور الف سلامة
دارين الله يسلمك
نور على فكرة الحركة مفيدة للجنين
دارين اه ما انا عارفة بحاول من وقت للتاني اتحرك جوا الفيلا بس مش بقدر اتحرك كتير
نور طيب يا حبي ربنا يقومك بالسلامة
دارين يا رب سلام
نور سلام
_____________________________________
في منزل باسم جلس يكتب فرن هاتفه الخليوي فوجده رقم من خارج مصر
باسم رد بإستسلام
نسمة الو
باسم .............
نسمة مش هترد عليا يا باسم
باسم ........................
نسمة طب مش عاوز تطمن عليا
لم يجب باسم
نسمة مكنتش عارفة ان انا مش فارقة معاك للدرجة دي .... عارف طول عمري بقول عمري ما اهون على باسم حتى لو هونت على كل الناس ... بس واضح اني كنت غلطانة ... على كل حال انا اسفة على اتصالي اللي شكله ازعجك بجد انا اسفة
باسم لا يا نسمة انتي عمرك ما هونتي عليا علشان انتي عمرك ما كنتي اختي وبس انتي كنتي ذي بنتي اللي بخاف عليها من الهوا الطاير .... انا اللي هونت عليكي يا نسمة لما قولتيلي كلام قاسې وخلتيني شخص متطفل في حياتك مع اني كنت خاېف عليكي مش اكتر
سالت الدموع من عينيها انا اسفة
باسم هي سهلة مثلا يا نسمة
نسمة بصوت مخټنق بسبب الدموع انا بجد اسفة الكلام طلع مني لحظة ڠضب بس انت اغلى شخص في حياتي
لحظات صمت بين الاثنين لا يقطعها الا صوت بكاء نسمة
باسم قوليلي يا نسمة
توقفت عن البكاء وانتبهت
باسم ازيك
ابتسمت بفرحة كويسة اوي .... اوي
ابتسم
نسمة بمرح يلا يا كداب يا
اللي مهنش عليك ترفع سماعة تليفون تقولي عملت ايه في موضوع الشغل
باسم ولا حاجة يا ستي حاولت في كام شركة ومعرفتش وحاليا بنشر قصة من تأليفي في مجلة
نسمة ايه ده بجد اول مرا اعرف ان ليك في الكتابة
باسم انا كمان اول مرا اعرف اني بحب الكتابة اوي كده
نسمة بالتوفيق يا حبي
باسم يا رب وانتي شغلك عامل ايه هناك
نسمة ماشي تمام الحمد لله
باسم ربنا يوفقك ... مش هتنزلي قريب
نسمة سبها بظروفها
باسم ماشي
نسمة هسيبك دلوقتي سلام
باسم سلام
نسمة اه صحيح ابقى ابعتلي قصتك دي وانا هبقى افضى كده واقرا واقولك رأيي
باسم ربنا يسهل سلام
نسمة هتبعت يعني هتبعت سلام
وأغلقت الخط وابتسم باسم في سعادة
_________________________________
في منزل نور بالمساء تم كتب الكتاب وجلس مصطفى ونور سويا
اقتربت عائشة منهم
عائشة مبروك
نور ومصطفى الله يبارك فيكي
عائشة هستئذن انا بقى
نور ليه ما خليكي شوية
عائشة لا خلاص بلاش أتأخر سلام
نور سلام حبيبتي
مصطفى انا هعدي عليكي بكرا نظبط كام حاجة في الشقة
نور خليها بعد بكرا
مصطفى لا يا نور بعد بكرا مسافر
نور مقولتليش يعني
مصطفى احنا لسه كاتبين الكتاب حالا هقولك امتى
نور طيب يا مصطفى خلاص هفضي نفسي ونروح سوا
مصطفى تمام ...بقولك ايه يا نور هو ممكن طلب
نور ممكن
مصطفى بلاش حد ييجي معانا
نور ايه الطلب العجيب ده
مصطفى عادي يعني وياريت طلب كمان
نور ايه تاني
مصطفى وانا مسافر ظبطي انتي بنفسك الشقة مش عاوز حد يتدخل في شقتنا
نور ليه
مصطفى عادي يعني يا نور مش لسبب معين بس ده هيبقى بيتنا
لا تدري لما تلك الطلبات لكنه هو الآخر يشعر ان تلك الخطوة كانت سريعة للغاية وربما هو ليس مستعدا بعد رغم قراره بالمضي قدما لذلك يود منها تولي الأمر فهي أيضا تبدو مرتبكة مما يعطيه مساحة هو الآخر على عكس ما اذا تدخل احد فسوف ينهي الأمر سريعا
____________________________________
في فيلا الانصاري
عاد فارس الى الفيلا يتحدث في الهاتف الخليوي
فارس المهم عجبك يا وليد....تمام...مفيش الكلام ده والدك عزيز عليا جدا....لا اكيد مش بعمل كده علشان والدك انا بعمله علشانك .....حقيقي...لا انا هفضل معاك للنهاية ...سلام
واغلق الخط
فارس ديانا ...ديانااااا
جاءت ديانا yes
فارس where is my dad ?
ديانا in his room
فارس تمام
وصعد فارس الى غرفته ومدد على السرير في تعب
دخل إبراهيم اليه انت جي....
___________________________________
ومرت الأيام وبدأت الدراسة
في بيت هناء
عادت عائشة إلى المنزل فوجدت خالها ورامي جالسون وبعض الجيران والجميع يبكي تجمدت مذهولة لا تدري ماذا حدث لما تلك الدموع ولما هنا..وأين جدتي
تقدمت احدى الجارات لها وعانقتها بدموع البقاء لله كانت ست طيبة اوي
ابتعدت عائشة بسرعة وسألت مين دي اللي كانت ست طيبة اوي مين ماټ يا جماعة
نظر رامي إليها جدتك ماټت عائشة
وابتسم في حزن نونو ماټت
صعقټ عائشة لا بتهزر دي لسه عايشة لاء مش دلوقتي لاء
نظر اليها في صدمة من آخر جملة نطقت بها وقال مستنكرا مش دلوقتي!
تجاهلته وانطلقت تبحث عن جدتها بدءا من المطبخ حيث كانت تنتظرها كل يوم وانتهاءا بغرفتها حيث كانت تستريح لكن ليس هناك اي شئ فقط جسد ممدد لا روح فيه
هوت على ركبتيها لقد انتهى كل شئ راح السبب الوحيد الذي كان يبقيها على قيد الحياة لقد ذهبت وذهب معها حلم الدراسة والسفر ذهبت مع أحلامها ...لا ...بل ذهبت وأخذت معها حياتها
___________________________________
في فيلا كمال في غرفة مازن
رن هاتف مازن الخليوي
مازن الو
حسام ازيك يا مازن
مازن الحمد لله ..ازيك انت
حسام انا كنت عاوز اشوفك
مازن بخصوص ايه
حسام انت عارف
مازن مش فاضي
حسام يعني وراك ايه يعني
مازن ورايا اللي ورايا بقى انت مالك
حسام مازن اللي بتعمله ده مش في مصلحتك انا بقولك اهو
مازن انا ادرى بنفسي وبحياتي شكرا لنصيحتك
حسام طب ممكن تيجي بس اشوف وضعك بقى ازاي
مازن مش رايح في حتة يا حسام ومتكلمنيش تاني بقى
واغلق الخط و رمى بالهاتف بجواره
ونهض وقد شعر بالضيق وقرر ان يقوم بحركة مليئة بالجنان لربما تفك ضيقته
____________________________________
ذهب مصطفى لزيارة نور بالمنزل
ريهام منور يا حبيبي
مصطفى ده نورك يا خالتو
ريهام خالتو ايه بقى قولي يا ماما
مصطفى طب هي نور فين يا ماما
وقبل ان تتحدث ريهام غادرت نور غرفتها وهي ترتدي بجامة و تتثاءب كالأطفال
نور صباح النور يا مام...
وصدمت من وجود مصطفى وهي بتلك الهيئة
نور بإرتباك انت انت ازاي تيجي هنا وايه اللي جابك
كتم مصطفى ضحكاته
ريهام ايه يا بنتي اللي بتقوليه ده
نور يا ماما ليه مقولتيش انه هنا
ريهام ده على أساس انك كنتي صاحية مثلا
مصطفى ايه يا نور هو انا غريب ده انا جوزك تعالي عاوز أتكلم معاكي
نور هغير هدومي واجي
مصطفى تعالي يا نور بقى عاوزك ذي ما انتي كده
ريهام تنهض هسيبكم انا
وذهبت ريهام وجلست نور وعقدت ذراعيها في مشهد طفولي
مصطفى مالك يا نور
نور يا مصطفى كان لازم تقولي انك جاي مش اقوم من النوم الاقيك
مصطفى انتي عاوزة تظبطي نفسك يعني قبل ما تشوفيني
وابتسم مكملا طب انتي كده شكلك احلى
نور بتحذير مصطفى!
مصطفى على فكرة مامتك سابتنا لوحدنا عارفة ليه علشان انا جوزك
نور لسه معملناش الفرح
مصطفى هو بالفرح ولا بكتب الكتاب
نور ما علينا انت كنت جاي تتكلم في ايه
مصطفى انا روحت الشقة
نور شقة ايه
مصطفى شقتنا يا نور اللي المفروض انتي بتوضبيها
نور قصدك ايه
مصطفى يعني الشقة متغيرتش امال بقالك شهور بتظبطي في ايه
ارتبكت نور طربيزة الاكل يا مصطفى طربيزة الاكل مكانها وحش جدا غيرته
مصطفى المدة دي كلها بتغيري مكان طربيزة الاكل
نور والاوضة كلها سخيفة فغيرت فيها شوية
مصطفى ايه بقى اللي غيرتيه في الاوضة انا داخلها وشايفها ذي ما هي
نور ازاي بقى انا مغيرة مكان اللوح
مصطفى بدهشة لوح
نور اه اللوح دي كانت مخلية منظر الاوضة سخيف
مصطفى تحبي نرميها يا نور
نور نرمي الاوضة ازاي بس يا مصطفى
مصطفى اوضة ايه انا بتكلم عن اللوح
نور لا خليها عاملة منظر شيك كده في الاوضة
مصطفى هنستهبل بقى على الصبح
نور انت قصدك ان انا تافهة
مصطفى لاء العفو انا اللي تافه علشان مختش بالي من سخافة اللوح
نور هي مكانها سخيف بس هي شيك
مصطفى طب وايه تاني يا نور
نور معرفش بقى هبقى اروح واشوف تاني ...انت مستعجل على حاجة
مصطفى انا..اطلاقاا
نور طب تمام انا هقوم اعمل نسكافيه اعملك معايا
مصطفى الفرح امتى يا نور
نور لو مش عاوز نسكافيه في شاي
مصطفى محاولا الهدوء الفرح امتى يا نور
نور انا لسه مخلصتش الشقة
مصطفى بإبتسامة قصدك لسه مخلصتيش سخافة
نور نعم
مصطفى انا ماشي
ونهض مصطفى
نور يا مصطفى استنى
وغادر مصطفى
نور يوووووه
ريهام هو مشي ليه
نور هيبات يعني يا ماما
ريهام اوعي تكوني زعلتيه يا نور
نور لا اطمني يا ماما
ريهام طب تعالي افطري
نور جاية يا ماما
لم يدري لما أتى ليتشاجر معها هذا الصباح هل استنكر حياة المخطوبين بل المتزوجين دون شجار فاختلق احدهم أم أنه اقتنع اخيرا انه اتخذ الخطوة الاخيرة ولا مجال للتراجع
_____________________________________
دارين الو
فؤاد ايوه يا دارين
دارين مفيش اخبار عن شريف
فؤاد لاء
دارين طب مش المفروض نبلغ البوليس
فؤاد لا يا دارين لان في جواب من البنك بيوصل بيثبت انه بيسحب فلوس من حسابه
دارين يعني ايه
فؤاد يعني هو بخير
دارين طيب يا بابا شكرا
فؤاد
دارين بسرعة وتكبر لاء طبعا
فؤاد امال
دارين كنت عاوزة شوية طلبات وعلاء اخد إجازة فشوفلي حد يجبهالي
فؤاد حاضر يا حبيبتي سيبي الطلبات مع علياء وانا هتصرف
دارين طيب سلام
فؤاد سلام
وأغلقت دارين الخط
دارين لا واضح انه عايش حياته اوي ولكأني موجودة في حياته
وضحكت معقولة ... بقى كده يا شريف ...تمام تمام اوي ... انت كمان برا حياتي
_____________________________________
في منزل شادي
جلست ليلى تتحدث مع سناء وفجاءة شعرت بالتعب فنهضت متجهة الى الحمام وتقيئت
ساعدتها سناء في الجلوس
سناء مالك يا ليلى
ليلى معرفش يا ماما تعبانة بقالي كام يوم
سناء انتي عندك برد ولا ايه
ليلى معرفش
سناء بفرحة جايز تكوني حامل
ليلى مش شرط يا ماما
سناء انا مقولتش شرط انا قولت جايز
ليلى طيب يا ماما هبقى أقول لشادي علشان اروح اكشف
سناء لا اتأكدي اول
ليلى ما انا عاوزة اروح معاه
سناء خليكي انا هنزل مشوار ورجعالك
ليلى هتروحي فين يا ماما
سناء اصبري
وغادرت سناء
_____________________________________
في فيلا كمال عاد عصرا من الخارج
صفاء انت بجد سافرت العين السخنة
مازن مين قالك
صفاء انت اللي منزل على صفحة الفيس بوك النفسية محتاجة العين السخنة
مازن اه سافرت
صفاء من امتى وانت بتسافر
مازن معرفش حسيت اني مخڼوق من قاعدة البيت فسافرت
صفاء باباك كان عاوزك
مازن طيب هو فين
صفاء في اوضة المكتب
دخل مازن الى والده
مازن خير يا بابا
كمال اقفل الباب وتعالا
اغلق مازن الباب وذهب وجلس على احدى الكرسيين التابعين للمكتب
مازن خير
كمال انت مش قولتلي انك عاوز تشتغل
مازن اه
كمال انا جبتلك شغل في شركة كويسة جدا
مازن ممتاز استلم شغل امتى
كمال من بكرا لو حبيت
مازن تمام متشكر اوي يا بابا
كمال بلاش الكلمة السخيفة دي
مازن ههههههههه طيب ... ده كان واجب أصلا عليك تمام كده
كمال لا متصاحبنيش اوي كده
مازن هههههههههههههههه ان مكنتش اصاحبك اصاحب مين يعني
كمال صاحب مامتك هههههههههه
مازن انت عارف انا وهي عقول مختلفة تماما
كمال حتى انا معرفتش أوصل لتفكيرك
مازن بابا انا تفكيري تفكير عباقرة صعب توصلوله
كمال طب يلا امشي من هنا وانسى الشغل
مازن ههههههههه لاء الا الشغل بقى
كمال ايوه كده اتعدل
كمال انت اللي سندي في الدنيا دلوقتي
تبدلت ملامح مازن وحاول اخفاءه حزنه بإبتسامة لا متقولش كده انا مقدرش أعيش من غيرك
كمال ولا انا
مازن ربنا يخليك ليا
كمال ويخليك ليا
وامسك كمال ورقة واعطاها الى مازن العنوان هنا
مازن يأخذ الورقة تمام
كمال وعلى فكرة
عاملك مفاجاءة
وغمز له
مازن بتعجب مفاجاءة ايه
كمال بكرا تعرف لما تستلم شغلك
تعجب مازن واتجه الى غرفته وأخذ احدى المسكنات فقد اشتد عليه الألم
عاد شادي الى منزله فوجد ليلى معدة الطعام ومتألقة
شادي بفرحة ايه الجمال ده
ليلى هههه وحشتيني على فكرة
شادي ما انا كنت معاكي الصبح
ليلى لا انت وحشتني علشان عاوزة اقولك على خبر هيفرحك جدااا
شادي قولي ياما نفسي افرح
ليلى ده على أساس انك مش فرحان ده كفاية اني في حياتك
شادي انتي نور حياتي أصلا
ليلى حبيبي يا شادي
لفت ذراعيها حول رقبته حذر فزر انا عاوزة اقولك ايه
شادي انا راجع تعبان ومفياش دماغ
ليلى مرا واحدة
شادي امممم...هنطلع نصيف
ليلى لا مش علشان قولتلك مرا واحدة تستهبل
شادي هههههه ليه بتقولي كده
ليلى هو السفر ده بإيديا مثلا ما انت اللي بتقرر يا باشا
شادي هههههههه طب خلاص.... امممم...عملالي الاكلة اللي بحبها النهاردة
ليلى شادي انت بتحب كل اكلي
شادي لا كده انتي مفترية انتي قولتي مرا وقلبتيها عشر مرات
ليلى ههههههههه خلاص خلاص هقول
شادي ها
ليلى انا حامل
شادي بفرحة بتهزري
سحبت ذراعيها والله
شادي ما انا مش مصدق امتى عرفتي
ليلى ماما كانت عندي النهاردة وتعبت شوية جابتلي اختبار حمل عملته وعرفت اني حامل
شادي ليلى انا فرحان اوي
ليلى وانا كمان.. مش مصدقة نفسي
حملها ودار بها
ليلى هدوخ يا شادي نزلني
شادي انزلها
معلش من الفرحة يا حبيبتي
ليلى طب اهدا براحة على نفسك
شادي لازم نروح للدكتور ونتابع معاه
ليلى انا كنت عاوزة اقولك كده برضو
شادي هتخافي على بنتي اكتر مني
ليلى ايش عرفك انها بنت
شادي احساسي وكمان انا نفسي اوي في بنت
ليلى بس ممكن ولد
شادي يا ستي هكون راضي برضو المهم انه ييجي
ليلى ههههههه طب تعالا علشان تأكل
شادي يلا بينا
وجلسا لتناول الطعام معا
_____________________________________
في فيلا فؤاد الحكيم استيقظت دارين على ألم شديد نظرت في هاتفها الخليوي فوجدت الساعة الواحدة بعد منتصف الليل حاولت النهوض فلم تستطع وزاد الألم
دارين ااااااااااه بابااااااااا ....يا باباااااااااا اااااه
استيقظ فؤاد بفزع على صرخات ابنته واتجه اليها دخل فؤاد واشعل المصابيح وذهب الى جوارها
فؤاد مالك يا دارين
دارين بتعب الحقني يا بابا شكلي بولد اااااااه
تأتي علياء پخوف في ايه
فؤاد دارين بتولد ساعديها عبال ما اغير هدومي
علياء حاضر
وغادر فؤاد الغرفة وبدل ثيابه سريعا هم ان يذهب الى تامر فتذكر انه ليس في الڤيلا وأيضا شريف غير موجود وعلاء في إجازة اتصل بمحمود
فؤاد محمود جهز العربية و اطلعلي الفيلا بسرعة
جهز محمود السيارة و دخل الى الفيلا يرتدي جاكيتا فوق ملابس نومه
محمود خير يا فندم
فؤاد دارين بتولد لازم ننقلها المستشفى بسرعة ساعدني نوصلها العربية
وفي غرفة دارين كانت قد استعدت بمساعدة علياء
دارين ااااه يا بابا مش قادرة
حاول محمود وفؤاد مساندتها فلم تستطع ان تقف فحملها محمود واتجه بها الى السيارة واخذ فؤاد حقيبة صغيرة لملابس الصغير كانت قد أعدتها دارين منذ مدة بمساعدة علياء ولحق بمحمود
علياء بسرعة اجي معاكم يا بيه استنى
فؤاد لا خليكي انتي
وذهبوا الى مشفى تخصصي قريب
وامام العمليات حاول فؤاد ان يتصل بشريف وفي النهاية اتصل بتامر
تامر بنوم الو
فؤاد انت فين
تامر في الفندق هكون فين
فؤاد بفرحة دارين بتولد
تامر ببرود طيب
فؤاد ايه اللي طيب... بقولك بتولد
تامر وانا مالي ما تولد
فؤاد ده بدل ما تيجي تدعلها تقوم بالسلامة وتشاركنا الفرحة
تامر تعبان عاوز انام
فؤاد طب انت لسه موصلتش لشريف
تامر لاء
فؤاد طب وبعدين
تامر انا هنام
فؤاد قوم شوف شريف فين هاتوا من تحت الأرض
تامر انت مصحيني من احلى نومة وكمان عاوزني انزل الشارع في الوقت ده وكمان عاوزني ادور على شخص مجهول مكانه دلوقتي لا معلش ممكن تنزل انت انا شخصيا هنام
فؤاد خلاص انا غلطان اني بطلب منك حاجة أصلا سلام
واغلق فؤاد الخط پغضب وارسل رسالة الى هاتف شريف الخليوي
دارين بتولد ...انت مختفي فين
وبعد وقت ليس بالقليل خرج الطبيب من العمليات
فؤاد خير يا دكتور
الدكتور بإبتسامة مبروك ربنا رزقكم بولد
فؤاد بفرحة الحمد لله
ثم اردف بقلق ودارين عاملة ايه
الدكتور كويسة بس تعبانة شوية علشان الولادة في السابع بس الطفل حالته كويسة والحمد لله وهنأخده الحضانة
فؤاد الحمد لله
وذهب الطبيب
___________________________________
في صباح اليوم التالي في فيلا إبراهيم
استيقظ فارس على صوت هاتفه الخليوي فوجد ان النوم قد غلبه وهو يقوم ببعض الاعمال على اللاب توب الخاص به رفع رأسه من على الطاولة وشعر پألم في رقبته
فارس ااه
امسك هاتفه وأجاب الو
وليد صباح الخير
فارس صباح النور
وليد انت كنت نايم ولا ايه
فارس كنت
وليد اسف
فارس لا بالعكس كويس انك صحتني
وليد طب بالنسبة لموضوع المشروع انت قولتلي اشيل ايدي من الموضوع وانت هتتصرف في كل حاجة وانا الصراحة وثقت ثقة عمياء
فارس طيب تمام قلقان ليه بقى
وليد يمكن علشان مكلمتنيش ومقولتليش أي حاجة
فارس ما انا شغال على الموضوع ...وبقولك ايه انا مش عاوزك تقلق ولو متعرفنيش لما بستلم مشروع يبقى تسأل والدك عني هيقولك كلام يخليك متتصلش بيا تاني
ابتسم وليد واثق من نفسك
فارس تقريبا كده
وليد طيب يا سيدي تمام
فارس قولي بقى انت فين
وليد في كافيه
فارس انت بتهزر يا وليد
وليد لاء ليه
فارس مروحتش المدرسة ليه
وليد مدرسة ايه بس...بقولك انت هتعمل ايه دلوقتي
نهض فارس ودخل الى المطبخ فوجد ديانا
فهمس لها بنيسكافيه فأومأت برأسها إيحابا
وغادر فارس المطبخ
فارس ايوه يا وليد
وليد ايوه ايه كنت بقولك هتعمل ايه دلوقتي
فارس ولا حاجة هأخد شاور واشرب نسكافيه واصلي واطلع على الشركة
وليد طب ما تيجي نفطر سوا النهاردة
فارس بتفهم ااه انت عاوز ترغي بقى النهاردة لا يا حبيبي انا عندي شغل كتير مش فاضي ذي سيادتك ولو انك مش فاضي انت كمان
وليد مفيش امل اشوفك النهاردة
فارس تعالا الشركة
وليد لا انا لو جيت بابا هيبهدلني
فارس اه هو فاكرك في المدرسة
وليد ايوه بالظبط كده
فارس حرام عليك مستقبلك
وليد انت هتقولي نصايح بابا نفسها
فارس لا يا عم وعلى ايه سلام يومي مشغول
وليد سلام
واغلق فارس الخط واتجه الى الحمام
___________________________________
في فيلا كمال
نزل مازن الى الطابق الأول فوجد والداه يتناولان الفطور
صفاء لابس ومتشيك كده على فين
مازن هو بابا مقالكيش
صفاء مقاليش ايه
كمال انا جبتله شغل بدل قعدته في البيت دي
مازن والله يا بابا انا كنت زهقان بس مكنش فيا دماغ ادور
كمال انا اتوليت المهمة اشتغل انت بس
مازن ماشي
صفاء والله احسن ده طول اليوم في اوضته او برا البيت وخلاص مبقتش فاهمة حاجة
مازن والله ولا انا بقيت فاهم نفسي بقيت مچنون الأيام دي
كمال طب كويس اني جبتلك شغل بقى
مازن ههههههه اه فعلا ...انا هقوم
صفاء اقعد كمل فطارك
مازن لا انا متحمس لأول يوم
امسك كمال هاتفه الخليوي وقام بإرسال رسالة عبر الواتس آب
استقل مازن سيارته وغادر الفيلا وفتح الراديو يستمع لاي برنامج من برامج الصباح فسمع صوت بوق سيارة خلفه تقوم بمضايقته
مازن بإنزعاج ايه الغتاتة دي ما الطريق واسع
افسح مازن الطريق فأصبحت بجاوره فسمع بوقها مرا أخرى فالټفت اليها وهو في قمة الڠضب ففوجئ بأحمد
مازن هو انت
خلع أحمد نظارته الشمسية وهز رأسه إيجابا بإبتسامة
فابتسم مازن بتلقائية
فأشار أحمد بيديه بمعنى انهما معا
اقترب مازن من سيارة أحمد وفتح الزجاج
مازن انت ماشي ورايا يا كابتن
أحمد لا وانت الصادق انت اللي ماشي ورايا
مازن لا والله
أحمد لما نوصل الشركة هتفهم
مازن انت رايح معايا الشركة
أحمد بالظبط كده
مازن ازاي
أحمد قولت لما نوصل واقفل الشباك ده وركز في الطريق بدل ما نعمل حاډثة
اغلق مازن النافذة وركز على الطريق
_____________________________________
في غرفة دارين بالمشفى كانوا مجتمعين وفؤاد يحمل الصغير بفرحة
الټفت فؤاد لدارين انتي كويسة دلوقتي يا دارين
دارين بإبتسامة باهتة الحمد لله
فؤاد عموما حمدا لله على سلامتك
دارين الله يسلمك .... شريف جه
فؤاد مبيردش اكيد مشغول او نايم او في حاجة
شعرت دارين بالڠضب
دخلت علياء لولولولييي مبروك الف مبروك
واقتربت من الطفل ما شاء الله تبارك الله يتربى في عزك
دارين بإنزعاج بلاش الحركات دي بقى
علياء من فرحتي اعذريني
فؤاد السواق وصل يا دارين نمشي
دارين يبقى احسن انا عاوزة اروح البيت
فؤاد طيب ... اه صحيح انتي وشريف اتفقتوا على اسم
دارين انا هسميه رائد
فؤاد اتفقتوا عليه
دارين لاء هو كان موجود علشان نتفق على اسم
فؤاد طب استنيه
دارين انا مبستناش حد يا بابا
فؤاد بس ده جوزك يا بنتي
نظرت دارين اليه ثم الى علياء ففهم انها لا تود الحديث امام علياء
دارين علياء ساعديني أقوم
علياء حاضر
وساعدتها واتجهوا الى السيارة ففتح محمود باب السيارة لها فركبت وركب فؤاد بجوارها وعلياء بالمقعد الامامي بجوار السائق
فؤاد محمود هتودينا الفيلا وبعدها هتوديني الشركة
محمود تمام يا فندم
دارين الشركة ..علطول كده يا بابا ماتخليك معايا
فؤاد معلش يا حبيبتي شغل
دارين ما هو تامر اكيد هيروح الشركة
فؤاد ولو انا لازم اتابع الشغل انا كمان
دارين طيب يا بابا
فؤاد مش عاوزة حاجة مني
دارين لا شكرا
_____________________________________
سامية انت رايح فين يا باسم مش هتفطر
باسم لا يا ماما معنديش وقت عندي معاد مع مكتب النشر علشان روايتي
سامية طيب ربنا يوفقك
باسم تسلمي يا حبيبتي
فرن هاتفه الخليوي
باسم الو
كريم على فكرة انا بقالي يومين بكلمك
باسم كنت مشغول جامد يا كريم
كريم انت هتعمل ايه دلوقتي
باسم عندي معاد في مكتب نشر
كريم بفرحة اه علشان الرواية انت خلصتها بقى على كده
باسم بالظبط كده
كريم مبروك يا صاحبي
باسم قول مبروك لما انشر الرواية
كريم ان شاء الله هتنشرها وهتنجح كمان
باسم يا رب
كريم يلا هسيبك انا مش هعطلك سلام
باسم سلام
___________________________________
وصلا الى الشركة
مازن ايه الحكاية بقى
أحمد مفيش والدك كان بيسألني عن اذا كنت اشتغلت او لاء ولما عرف انه لاء قالي انه هيجبلي شغل معاك
مازن اها مظبطنا مع بعض يعني
أحمد طبعا انا كان نفسي أقوله بلاش شغل بس حفظت سرك
مازن لڠضب مكبوح هو انا عيل صغير مش هعرف اشتغل
أحمد مازن من فضلك بلاش الكلام ده لانك فاهم قصدي
مازن أحمد لو عاوز تفضل جنبي وتفضل صاحبي يبقى ياريت تنسى الموضوع ده تماما تنسى أصلا انك عرفته
أحمد انسى
مازن اه تنسى وتتعامل معايا على ان مفيش حاجة نهائي علشان انا مش عاوز احس بحاجة
احمد حاضر يا مازن هفضل جنبك بالطريقة اللي انت عاوزها
مازن تمام يلا بقى نشوف موضوع الشغل
أحمد بإبتسامة يلا يا صاحبي
_____________________________________
كانت تلك الرسالة التي تلقاها شريف من فؤاد كافية ليذهب فورا الى الفيلا
قرع الجرس پجنون ففتح علياء وعندما رأت شريف
علياء بفرحة مبروك يا شريف يا ابني جالك ولد ذي القمر
أكملت كلماتها وهو يصعد السلم الى الطابق الثاني بسرعة
شريف حبيبي ...الحمد لله يا رب الحمد لله
تحرك الصغير
شريف اسميك ايه
وفجاءة سمع شريف صوت دارين من خلفه
دارين انا سميته رائد
نهض شريف والټفت اليها فوجدها واقفة عاقدة ذراعيها ويبدو عليها الڠضب
دارين ايه في اعتراض على الاسم
شريف لا بالعكس اسم جميل جدا
دارين ايه اللي جابك يا شريف
شريف في اعتراض اجي بيتي
دارين بسرعة ده مش بيتك ده بيتي انا
شريف بسخرية طب ما تقوليلي بالمرة اطلع برا
واقتربت منه
دارين ازاي هونت عليك طول المدة دي ومتكلمنيش.... وازاي مرتاح ومختفي وانت عارف اني احتمال اولد ولادة مبكرة ... ازاي قدرت
دام الصمت لحظات
شريف خلاص خلصتي أسئلتك أتكلم انا بقى
دارين انت كمان عاوز تتكلم
شريف طبعا ده انا مستنيكي تولدي علشان أتكلم وبعدت علشان مفقدش اعصابي واتكلم وانتي حامل فالجنين يتضرر
دارين تفقد اعصابك ليه بقى
شريف علشان انا مبحبش الخداع يا دارين ...علشان انا بستحمل أي حاجة الا اني اتخدع من أي حد قريب مني
واكمل پغضب علشان انا مبحبش اوجع حد يا دارين ولا بحب ان حد يوجعني
دارين تنظر اليه بإستغراب
شريف
دارين قصدك ايه
شريف بسألك سؤال جاوبي
دارين هتكون ايه يعني جوزي طبعا
شريف كدابة جوزك دي على الورق وقدام الناس لكن انا بتكلم عن انا ايه جوا قلبك ايه المكانة اللي انا اخدتها جوا قلبك
دارين انت شكلك فاضي وجاي تخرف
شريف لا انا مش جاي اخرف انا جاي اقولك اني محتلتش مكانة الزوج والحبيب جوا قلبك انا احتليت مكانة واحدة بس
صمت للحظات انا اللي ازاي هونت عليكي يا دارين
دارين بإستغراب من كلامه ايه الكلام ده يا شريفهو في ايه
شريف بضحكة سخرية في ايه
وأكمل في اني سمعتك انتي وصحبتك
تغيرت ملامح وجهها وشعرت بالتوتر سمعت ايه
شريف سمعت انك عمرك ما حبتيني
وعمرك ما قدرتي وانك مش مرتاحة معايا رغم اني عملت المستحيل علشان
متابعة القراءة
