اللؤلؤة كاملة
عاوزة أنام سي يو.
وتركته ثم دخلت إلى الفيلا لتستعد لموعدها الهام.
___________________________
أوقفت دينا سيارتها أسفل تلك البناية الفاخرة في أحد أرقى أحياء العاصمة ثم ترجلت منها واتجهت للمصعد ضغطت زر الطابق السابع عشر وهي تعدل من هندامها في مرآته
طارق طروقة إنت هنا
سمعت صوتا من ناحية الشرفة فالتفتت إليها
دونا وحشاني
إنت أكتر يا طروقة من زمان ماكلمتنيش ولا لازم أكلمك أنا
انطلقت من حلقه ضحكة مجلجلة ساخرة وهو يقول
إيه يادونا احنا هنضحك على بعض ماانت عارفة إننا مش بنتقابل إلا لو في مصلحة مش بس للمزاج.
مطت شفتيها في دلال أكبر وردت متظاهرة بالڠضب
يعني مااعرفش اتدلع عليك شوية يا طاطا
استمر في الضحك وضمھا إليه وقال
هههههههههه اتدلعي براحتك ياقمر هو أنا أقدر.
ابتعدت عنه وسارت تتهادى في خطواتها ثم جلست على أريكة كبيرة والټفت تناديه
تعالى اقعد بقى عشان نشوف المصلحة.
رفع حاجبيه في دهشة مفتعلة وفال
ياااه مستعجلة أوي ع المصلحة المرة دي يعني !!
تظاهرت بعدم الاهتمام وهي ترد
مش أوي تقدر تقول اڼتقام تعالى وأنا أحكيلك.
ثم جلست تقص عليه قصة ملفقة عن جمانة و أدهم وعن رغبتها في الاڼتقام منهما بعد إھانتها وطردها من الشركة ثم صمتت في انتظار رده قال بعد فترة قصيرة من الصمت
اممممممم يعني الموضوع مزعلك وعاوزة ټنتقمي وخلاص مفيش حاجة تانية
نفت قائلة
نو حاجة تانية زي ايه
رد بذكاء وهو ينظر إليها
عاوزاه لنفسك مثلا.
شعرت بالارتباك ولم تجد ردا فضحك مرة أخرى وقال
يابنتي عادي حتى لو عاوزاه لنفسك أهو زيادة الخير خيرين والمليون يبقى ملايين مادام أنا وانت زي مااحنا.
قال جملته الأخيرة بلهجة خاصة أصابتها بالړعب لكنها على الرغم من ذلك ابتسمت وقالت
أكيد مع بعض يا طروقة.
سألها مدعيا النسيان
ها قلتي لي بقى عاوزة ايه
ردت بسرعة
تسجيلات هاديك الرقمين وعاوزة بس عينة وأظن الموضوع ده سهل أوي بالنسبة لظابط في مركزك.
فكر لثانية ثم قال في خبث
امممممممم والثمن
ابتسمت في إغراء وردت
زي ماتحب.
اقترب منها وقال في شغف
انا باحبك إنتي.
ولم يمهلها فرصة للرد.
الفصل التاسع عشر
______________
في مساء اليوم التالي كانت دينا تقود سيارتها وإلى جوارها هشام يتأملها كما اعتاد واعتادت هي كان ذلك يصيبها بالغرور أكثر ويشبع رغبتها في لفت الأنظار قال لها بطريقة مقززة
بس إيه رأيك فيا أنفع ممثل مش كده
ضحكت وردت في سخرية
ممثل بس ده إنت ممثل كبير كمان.
ثم رمته بنظرة جانبية وسألته
وأنا ايه رأيك في تمثيلي
شعر بأنفاسه تتلاحق فجأة وهتف
تمثيل ايه ده انا كان ممكن اموت في ايدك.
ضحكت بمجون فاستطرد بطريقة مقززة
بس ايه رأيك مانفسكيش نعمل كده بجد.
الټفت تتطلع إليه في دهشة ممتزجة بالسخرية ثم عادت تتابع الطريق وهي تقول بنفس السخرية
ايه يا إتش إنت صدقت نفسك ولا ايه ماتنساش إن دي مجرد لعبة عشان نوصل لهدفنا.
شعر بالحرج يكسوه والڠضب يتمكن منه فهتف ساخطا
ليه يعني مش قد المقام مثلا
قالت مهادنة
مش قصدي كده يابيبي احنا بينا بيزنس وبس بعدين أنا عاوزة أدهم مش حد تاني.
ضيق عينيه وهو ينظر إليها ثم سألها في سخرية
بجد أدهم بس ولا أي راجل عاوزاه ياكلك بعنيه في كل خطوة.
أوقفت السيارة بحركة مفاجئة دفعته للأمام وكاد رأسه يرتطم بزجاجها الأمامي ثم التفتت إليه هاتفة پغضب وتعال
لا إنت أكيد نسيت نفسك
ازاي تكلمني كده يا هشام
ثم زفرت في حنق واستطردت
أدهم بس هو اللي شاغلني ومش هاسكت إلا لما أشوفه مذلول قدامي وبيتمنى رضايا .
عقد حاجبيه في ڠضب وقال
واحد زيه صعب يعمل كده يا دينا.
ابتسمت وقالت
لا مش صعب لو خطتنا مشيت مظبوط هالاقيه قدامي في غمضة عين.
تطلع إليها مرة أخرى في حنق في حين عادت هي تقود السيارة وعم الصمت المكان.
_______________________________
في اليوم التالي كانت دينا تجلس مع والدتها في حديقة فيلتهم عندما رن هاتفها فالتقطته سريعا لتجد الاتصال الذي كانت تنتظره فتحت الخط بسرعة وقالت
ها يا صوفي وصلت له الميموري
جاءها رد صفاء بسرعة
أيوة وشافها كنت قريبة من مكتبه زي ماقلتي لي وفجأة لقيته خارج منه زي القطر ودخل مكتب آدم يدور عليها مالقهاش زي مااتفقنا دور على أخوه برده مالقاهوش شعلل أكتر وكان هاين عليه ېموت أي حد في سكته طلع برا لقى موظف ماشي بيراجع أوراق في ايده خبط فيه وكان هيضربه لولا الراجل جري من قدامه بعدها ساب الشركة ونزل وشفته من الشباك طالع بالعربية زي الصاروخ.
تنهدت دينا في ارتياح وقالت
هايل ياصوفي زي ماخططنا بالظبط ابقي تعالي لي عشان باقي المبلغ اللي اتفقنا عليه وهدية زيادة مني كمان.
ظهر الطمع في لهجة الفتاة وهي ترد
كفاية رضاكي علي يا دينا هانم هاجيلك النهاردة يا قمر وماتنسيش لما يتحقق المراد وتتجوزي الباشمهندس أدهم لي حلاوة أكبر.
قالت دينا بسرعة
أكيد ياصوفي وماتنسيش الملف اللي اتفقنا تجيبيهولي يلا سلام بقى.
وأنهت المكالمة ورفعت إصبعها الإبهام مشيرة به لأعلى تجاه والدتها علامة نجاح خطتها ابتسمت الأم في ارتياح وبادلتها ابنتها البسمة شاعرة بالنصر الآن كل ما عليها فعله هو الانتظار حتى تحين اللحظة المناسبة ثم تبدأ في رمي شباكها حول أدهم المكسور مرة أخرى وسيكون كعجينة لينة بين يديها تشكلها كيفما تشاء أفاقت من أحلامها على صوت والدتها تسألها
دونا رحتي فين بأقولك عمل ايه
أفاقت من شرودها وتطلعت لوالدتها لحظة في صمت ثم أجابت
زي ما توقعنا بالظبط يا ماما وصلت له الميموري وطلع بعدها زي الصاروخ من مكتبه يدور عليهم طبعا مش كانوا موجودين فخرج من الشركة بعربيته زي المچنون.
تساءلت الأم
وانت خرجتيهم مع بعض إزاي من الشركة
أجابت في خبث
زي الأفلام مام فون كول Phone callبتقولها إن بنتها عملت حاډثة وطبعا آدم مش هيسبها تخرج لوحدها وانتهى الموضوع.
ابتسمت الم وقالت
هايل يا دونا والولد تيام ده بجد تحفة عرف يظبط الأصوات تمام مادام أدهم انخدع فيها للدرجة دي.
اومأت برأسها موافقة وهي تقول
يس مام باقي بقى ملف المناقصة الجديد يطير منه ومن مكتب آدم شخصيا ويبقوا يقابلوني بقى صفاء هتجيبهولي دلوقتي لأن آدم وجمانة مش هناك.
ابتسمت الأم في إعجاب بذكاء ابنتها وبادلتها ابنتها الابتسامة هكذا هي الذئاب تجتمع وتتوحد عندما تهجم على فريستها بينما تتفرق الحملان في مواجهة ذئب واحد.
______________________________
نعود للخلف قليلا لننظر للموضوع من زاوية أخرى في مكان آخر حيث جلس أدهم في مكتبه شاردا يحدق في الفراغ يفكر فيما آلت إليه الأمور هاهو الآن على شفا الزواج من المرأة التي اختارها قلبه مع موافقة والده على مضض ورفض والدته التام لم
يكن يريد ذلك أبدا لكنهم راهنوا على قلبه وحكم القلب حكما نهائيا لصالحها جمانة تلك الزهرة الرقيقة التي نبتت فجأة في صحراء قلبه القاحلة والتي لم يرويها الماء منذ خلق هو التي أشعرته فجأة أن في بالقرب منها صارما مخيفا فيما يتعلق بها أو بما يمكن أن ېؤذيها قطع تفكيره الحالم طرقات على باب مكتبه فرفع عينيه إليه وهو يقول بهدوء
ادخل.
دخلت سهام وهي تحمل في يدها مظروفا متوسطا وضعته أمامه قائلة
اتفضل يافندم الظرف ده جه لحضرتك ومكتوب عليه خاص وهام مافتحتوش مع باقي البريد.
تناوله وتطلع إليه في قلق ثم قال
طيب يا آنسة سهام اتفضلي إنت.
خرجت سهام وظل هو يتطلع للمظروف ثم فتحه برفق ليجد بداخله ورقة صغيرة وذاكرة هاتف
صغيرة الحجم تطلع إليها في تساؤل ثم فض الورقة ليقرأ بداخلها جملة مختصرة هي دي اللي عاوز تتجوزها اسمع بتعمل ايه مع أخوك المحترم اللي عاوز يلبسهالك عقد حاجبيه بشدة وبدأ قلبه ينبض پعنف ما هذا الهراء ثم نظر للذاكرة الموضوعة أمامه كمن ينظر إلى أفعى تهم باقتناص عنقه مد كفا مترددة ليلتقطها ثم وضعها في قارئ ذاكرة صغير أدخلها بعدها في حاسبه المحمول ثم فتحها لم يجد عليها سوى ملف صوتي صغير مدته حوالي 20 دقيقة نظر إليه في قلق ثم تغلب فضوله على قلقه فنقل زر الفأرة إليه وفتحه ظل الصمت يخيم على الجهاز لثوان ثم بدأ بعده ظهور الصوت دقق فيما يسمع فكان صوت جمانة هو ما قابله وهي تقول بدلال ونبرة لم تعجبه مطلقا
آدومي وحشتني أوي.
سمع بعدها صوت أخيه يجيبها بنبرة مشابهة وإن شعر فيها بشھوانية أثارت تقززه
إنت أكتر ياجمانة هاتجنن وأشوفك.
ردت جمانة بنفس النبرة
طيب أجيلك
قال بعد ضحكة ماجنة
هو أنا أقدر أقول لا بس مش هينفع نتقابل اليومين دول زي زمان أدهم دلوقتي هيبقى معاكي أكتر ومش عاوزينه ياخد باله.
تنهدت بتأفف وهي ترد
وليه
سمع صوت أخيه يقول في طمع
عشان فلوسه تبقى لينا يا حلوة ماتركزي معايا شوية.
تنهدت مرة أخرى ولكن في دلال هذا المرة وعادت لنفس النبرة السابقة
طيب المهم إنك وحشتني وعاوزاك حالا.
أجابها بنفس طريقتها
مش اكتر مني بس مش لازم نتقابل عشان نبقى مع بعض امال التليفون اخترعوه ليه.
سمع ضحكة تصدر منها تبعها حديث لم يستطع أن يكمل ربعه حتى لمدى ما فيه من انحطاط وقذارة لم يتصورها فيهما لم يدر بنفسه إلا وهو ينتزع الذاكرة من الجهاز مع الورقة والمظروف وينطلق كالصاروخ تجاه مكتب أخيه ثم فتح بابه پعنف ليجد مكتبها فارغا منها تطلع إليه في ڠضب شديد فلو كانت أمامه لقټلها نظر باتجاه مكتب أخيه واتجه إليه بسرعة وفتحه ليجد الهواء في مقابله هنا أيضا ازداد غضبه وتأججت نيرانه أكثر فرفع سماعة الهاتف واتصل باستقبال الشركة سائلا عن آدم ليرد عليه الموظف
خرج يافندم من حوالي ربع ساعة مع مدام جمانة أبو الفتوح.
حدق في سماعة الهاتف في صدمة أهذا ممكن هل يستغفلانه فعلا ألقى السماعة على المكتب پعنف وانطلق مغادرا المكتب بسرعة حتى أنه اصطدم خارجه بأحد موظفيه فأوقع منه بعض الأوراق وكاد يوقعه هو شخصيا فهتف مفرغا غضبه فيه
انت مش شايفني ماشي قدامك.
ارتبك الرجل وانحنى يجمع أوراقه
بسرعة وهو يعتذر قائلا
انا آسف يافندم بس حضرتك كنت ماشي بسرعة و ...
قاطعه في عصبية شديدة
حضرتي ايه أنا اللي خبطت فيك مثلا
شعر الرجل بمزيد من الارتباك وبعض الخۏف فجمع أوراقه ثم قال وهو يبتعد في سرعة
آسف يا فندم معلش ماخدتش بالي.
تطلع إليه أدهم وهو يزفر في حنق وڠضب شديدين ثم انطلق خارجا من الشركة بسيارته يقودها بسرعة كالمچنون وصل بها إلى وسط المدينة وحنقه يزداد بسبب الزحام فركن السيارة جانبا وترجل منها ليسير على قدميه
محاولا تبديد غضبه وألمه والتفكير بمنطقية تساءل كثيرا هل يمكن أن يحدث هذا أتكون جمانة التي اختارها قبله بعد كل تلك السنون من الوحدة بهذه الأخلاق أتكون أفعى في ثياب يمامة رقيقة وماذا عن مثله الأعلى في الحياة آدم رفيق قلبه والناصح الأمين هل هو بهذه الخسة بهذا الانحطاط وهذه السڤالة .. هز رأسه في عڼف محاولا طرد تلك الأفكار الغائمة كسحب تحجب ضوء الشمس في سمائه وجد أن قدميه قادته لمكانه المفضل على نيل القاهرة وعلى الرغم من حرارة الجو اتجه ليجلس بداخل الكافيتيريا ليرحب به أحد العاملين هناك بحرارة شديدة ويطلب هو مشروبا باردا يطفئ به لهيب صدره جلس يتطلع إلى مياه النيل وتركها تنساب داخل عقله ماحية كم القذارة التي انتقلت إليه عبر أذنيه فكر لدقائق ثم هب واقفا قبل أن يصل مشروبه وألقى ببعض النقود على الطاولة أمامه وانطلق كالصاروخ عائدا لسيارته في خطوات أقرب للعدو ثم قادها متجها لصديق يعلم جيدا أنه سيفيده فوجيء صديقه هذا بجرس بابه يرن ففتح ليجد أدهم في حالة سيئة والڠضب والحزن يمتزجان سويا في لوحة سيريالية على ملامحه هتف في ترحاب به لمحة من قلق
أدهم الحسيني عاش من شافك ياراجل وأخيرا افتكرتنا !
ابتسم أدهم في نوع من الخجل ورد وهو يدلف إلى المكان
إزيك يا حاتم عامل ايه
رد حاتم بمرح وهو يقوده لأريكة كبيرة في استقبال منزله
زي الفل ياكبير ولما شفتك بقيت زي الفل والياسمين مع بعض.
اتسعت ابتسامة أدهم ورمي بجسده على الأريكة في تهالك وهو يقول
واحشني والله يا حتوم الظروف بتاخد الواحد من أقرب الناس ليه.
ابتسم حاتم وقال بعفوية
أكيد يا أدهم معلش ربنا يعينك عامل ايه في التجارة بعد ما سبت الهندسة
أدهم وهو يمط شفتيه
عادي ماشي الحال كل يوم بنتعلم جديد.
سأله مرة أخرى
وإزي أخوك آدم رجع من السفر ولا لسه
ظهر الضيق فور نطق حاتم لاسم آدم على ملامحه ثم قال
لا رجع يا حاتم وجاي لك بخصوص حاجة متعلقة بيه.
ابتسم حاتم ثم قام من مكانه قائلا
طيب هاجيب حاجة ساقعة نشربها ونتكلم براحتنا.
أومأ أدهم برأسه ثم انتظره حتى عاد بعد دقائق قليلة وجلس بجوراه يناوله علبة العصير ثم تسائل
ها خير يا كبير
ناوله أدهم الذاكرة الصغيرة وقال
في ملف صوتي هنا عاوزك تتأكد لي إذا كان صح فعلا ولا متفبرك.
التقطها منه حاتم في دهشة ثم سأله بطريقة عملية
طيب عندك أي ملف صوت تاني للي هنتأكد من صوتهم هنا قال
الصوت كويس مش ده آدم
أومأ أدهم برأسه إيجابا فعاد حاتم يسأل
هو في ايه يا أدهم خير
لم يكن أدهم يرغب في شرح الأمر بكامله لصديقه فقال في عجالة
أبدا ده ملف ابتعت لي وپيخوفوني من آدم فعاوز أطمن انه صح ولا لأ لأني متأكد إن اخويا ما يعملش كده ولا الانسانة اللي اخترتها.
عقد احتم حاجبيه في دهشة ثم تردد قليلا قبل أن يسأله في خفوت
ولما إنت متأكد بتعمل كده ليه وجاي تقولي شوف لي صح ولا متفبرك
طعنه سؤال صديقه البسيط لم يجد إجابة فاكتفى بالصمت أما صديقه فربت على كتفه برفق وقال في تفهم
خلاص يا أدهم معلش انا هاقوم ألبس وننزل الاستوديو سوا لأن الجهاز والبرنامج اللي هيبين لنا الفرق هناك.
قال أدهم
أوك ياحتوم هاستناك تحت في العربية.
رد حاتم
خلاص ماشي خمس دقايق بالكتير وهانزلك.
وبعد نصف ساعة كانا يدلفان سويا للاستوديو الخاص بعمل حاتم الذي اتجه من فوره لأحد أجهزة الكمبيوتر وأوصله بجهاز آخر ثم أوصله بهاتف أدهم وأيضا وضع الذاكرة الصغيرة بداخله نقل الملفات المطلوبة للجهاز وقال وهو يشرح ل أدهم مايقوم به
يبقاش واضح أوي بس لو في فرق غالبا هيبان وهاعمل مقارنة كمان بالجهاز ده ده بيقيس الذبذبات برده زي جاهز كشف الكذب كده.
أومأ أدهم برأسه في صمت وهو يتابعه باهتمام حتى التقط صورتين لسطح المكتب لكلا الملفين على البرنامج فتح الصورتين متجاورتين وتمعن فيهما بدقة ثم قال بثقة
لا يا أدهم مش نفس الصوت في اختلاف في ذبذبات معينة بس اللي عمل التعديل على الصوت التاني ممتاز بجد الفرق ماتلاحظوش إلا عين خبيرة وصعب جدا تلاحظه بالودن.
ثم الټفت إليه فرآه يتنهد في ارتياح فابتسم وقال
تعالى كده نسمع الاتنين بتركيز ونشوف ولو إن محتوى الملف ده مستحيل أصدق إنه يطلع من أخوك اللي كلنا بنحترمه يا أدهوم.
أجابه أدهم
أنا عارف بس وقت الڠضب ما بتحسش إنت بتعمل ايه ده كمان اللي عاوز يعمل المشكلة دي اتسبب في حاجة عشان يثبت الموضوع عليهم أكتر بس مش عارف إزاي لكن سهل اتأكد منها.
ثم صمت مفكرا لثوان احترمها حاتم ثم قال بعدها
أنا تقريبا عرفت مين عمل كده وحسابه معايا هيكون عسير بجد لو ثبت الموضوع عليه.
سأله حاتم
بجد طيب كويس ربنا يوفقك يا أدهم إنت تستاهل كل خير.
ثم ضحك وقال مداعبا
وأخيرا طبيت يا كبير.
ابتسم أدهم ابتسامة واسعة ثم قال
أنا مش عارف أشكرك إزاي يا حاتم بجد ساعدتني جامد.
ربت حاتم على كتفه في مودة وهو يرد
شكر ايه بس يا بني إحنا إخوات حتى لو انشغلنا عن بعض إنت ناسي أيام الجامعة ولا ايه
قال أدهم بابتسامة واسعة أخرى
لا طبعا ودي أيام تتنسي.
قضيا بعض الوقت سويا يسترجعان ذكرياتهما وكان أدهم خلاله عقله يسبح في عالم آخر .
__________________________________
عاد آدم مع جمانة للشركة وهي تزفر في ڠضب وتقول
حسبي الله ونعم الوكيل الناس دي بتستهبل هو الهزار بقى في كده كمان
الټفت إليها آدم وهما يسيران متجهين إلى مكتبه وقال
انا مش عارف الموضوع
ده قالقني وحاسس إنه مش مجرد هزار او سخافة من حد غلس.
كان يلف في الممر الموجود به مكتبه عندما لمح إحدى موظفات الشركة تخرج من مكتبه بسرعة وتتلفت حولها في ارتباك فعقد حاجبيه في تساؤل قلق وهتف مناديا
إنت يا آنسة كنت بتعملي ايه عندك
التفتت إليه في ړعب وجرت في الجهة المعاكسة لكنها اصطدمت بموظف آخر يسير في الاتجاه المقابل فسقطت أرضا وتناثرت منها بعض الأوراق اتجه إليها آدم في خطوات سريعة تصحبه جمانة ثم انحنى يحمل الأوراق ويتطلع إلى محتواها بسرعة جعلت عيناه تتسعان في صدمة وهو يرفع عينيه إليه بعدما وقفت منكسة رأسها أرضا وهتف فيها بصرامة شديدة
ايه ده كنت واخدة الورق ده ورايحة فين
لم ترد فاتجه لمكتبه واتصل بأمن الشركة وهي تكاد تسقط من الړعب.
__________________________
كانت فريدة تتناول إفطار متأخرا في حديقة الفيلا وترشف كوبا من الشاي الأخضر كما اعتادت كل صباح عندما فزعت فجأة على طرقة قوية ويد توضع أمامها على الطاولة رفعت رأسها لصاحب اليد لتجده أدهم فشعرت بالدهشة وسألته
أدهم !! إنت ليه
مش في الشركة وايه اللي عملته ده خضتني
رفع أدهم كفه عن الطاولة فظهر تحتها مظروف ورقي صغير مكتوب عليه اسمه وكلمتي خاص وهام فتطلعت إليه في تساؤل جعله
خطتك فشلت يافريدة هانم.
شعرت بالتوتر يغزو قلبها لكنها تماسكت قدر الإمكان وهي تسأله في دهشة
خطة ايه يا أدهم إنت بتتكلم عن ايه
نظر إليها محاولا سبر أغوارها ثم جلس أمامها وهو يرد
مش عارفة خطة ايه يا أمي ماحاولتيش تشوهي صورة جمانة وآدم قدامي كل ده عشان الفلوس تكرهيني في أخويا حتى لو إنت مش عاوزاها حصلت آدم كمان وبالطريقة القڈرة دي مين ساعدك في كده دينا ومين المنحط اللي عمل معاها التمثيلية دي هي دي اللي راضية عنها تبقى مراتي يا .. يا أمي
ازداد توترها لكنها حاولت التماسك وهتفت مدعية عدم الفهم
أدهم أنا مش فاهمة إنت بتتكلم عن ايه موضوعك اتقفل بالنسبة لي خلاص مش جلال وافق ! خلاص روح اتجوزها زي ماانت عاوز بس خليك فاكر إني مش راضية عن الجوازة دي وماليش دعوة بيكو ولما تفشل ما تبقاش تيجي تعتذر وتقول أنا غلطت لأني مش هاسامحك.
ظل ينظر إليها في صمت كان شبه متأكد من علاقتها بهذه الخطة القڈرة لكنه لا يستطيع إثبات ذلك فقال غاضبا وهو يقف مرة أخرى
صاح في صرامة
أمي من فضلك ماتغلطيش فيها مستوايا اللي بتتكلمي عليه نزل بسبب القذارة اللي حواليا واللي خلاص ماعدتش قادر أتنفس وانا عايش فيها.
ثم أدار وجهه متجها للفيلا فنادته في توتر
هتعمل ايه يا أدهم
استدار إليها في صمت ثم قال في حزم
هامشي واسيب البيت هاقعد مع آدم لحد ماربنا يسهل والاقي مكان مناسب ليا أنا وجمانة.
انتفضت واقفة وهتفت
لا يا أدهم تسيب البيت إزاي انا مش فاهمة انت بتتكلم عن ايه ولا الظرف ده فيه وانت مصمم تتهمني أنا هاسألك سؤال واحد الحاجة اللي في الظرف فعلا ممكن انا اعملها وتتوقع إنها تصدر مني إنت بتتكلم عن حاجة قڈرة إنت شايف إن انا ممكن اعمل حاجة زي كده
تطلع إليها مفكرا هل هي صادقة أم تدعي أمامه حتى لا تخسره اقتربت هي منه في هدوء وأمسكت بكفه وقالت في حنان
أدهم أنا مامتك تفتكر ممكن أأذيك إنت أغلى حاجة عندي يا أدهم.
ظل يتطلع إليها في حذر غير قادر على ابتلاع ذلك الحنان الذي ظهر فجأة.
الفصل العشرون
_____________
كانت دينا تتمايل على أنغام إحدى الأغنيات لأحد الفرق الأمريكية الشهيرة وهي جالسة على إحدى الطاولات في النادي بصحبة هشام الذي يتطلع إليها كما هي العادة بطريقة مقززة لم تأبه لها عندما قال لها
تيجي نرقص
نظرت إليه ساخرة وردت
هو انت اتعلمت الرقص ولا ايه فاكر آخر مرة
شعر بالحنق فهتف
يعني اهو نتعلم منك يا أستاذة.
رفعت حاجبيها في سخرية أكبر كأنها تغيظه ثم قالت
اوك ليتس جو Lets go .
وقاما يرقصان سويا كانت تتمايل أثارت غيرة البعض ممن يتابعونها ويحسدون هشام لأنه يراقصها وهو يحاول متابعة حركاتها وټلمسها كلما سنحت له الفرصة محاولا عدم إشعارها بذلك شعر أيضا بالغرور عندما رأى نظرات الحسد في عيون المحيطين بهم فهاهي أجمل فتاة في المكان انتهت الرقصة فتنهدت وناولته يدها ليعودا لطاولتهما سألها بعد جلوسهما
إنما إنت مصممة على أدهم ده ليه إنت غنية اهو ومش محتاجاه.
عادت لها نظرتها الساخرة وردت
عشان مااتخلقش اللي يقولي لا وبعدين فيها إيه لما اكون أغنى
سألها
بسرعة
بس كده متأكدة.
تحولت نظرتها الساخرة لدهشة بعد سؤاله وقابلته بسؤال
ليه بتقول كده
كانت السخرية تملأ ملامحه هو هذه المرة وهو يجيب
يعني عاوزة تفهميني إنه مش عاجبك أنا أينعم ماشفتوش غير دقيقتين تلاتة بس باين عليه جامد أوي وده رأيي كراجل فما بالك برأي الستات بقى.
ضحكت في دلال وهزت كتفيها وهي تجيب
طبعا عاجبني وهو مايعجبش مين كفاية عينيه ولا طوله ولا دقنه اللي مصمم يحلقها أي كلام دي أدهم ده فارس أحلام من الدرجة الأولى وسيم سكسي غني مركز اجتماعي مرموق ومهندس ورجل أعمال ناجح بيتهيألي كفاية أوي كده عشان أبقى عاوزاه.
شعر بالغيظ لكنه حپسه في صدره وقال
طيب لو رفضك برده بعد كده
صاحت فيه پغضب
ايه رفضك دي هشام إلزم حدودك معايا.
قال مهادنا
انا قصدي لو خطتنا فشلت
كان الحنق لا يزال مرتسما على وجهها مما زادها جمالا وجعلها الڠضب تبدو كأنثى نمر تكاد تنقض على فريستها وهي تقول
مش هتفشل طبعا.
ثم صمتت لحظة قالت بعدها
وهشام مش معنى إننا عملنا التمثيلية دي مع بعض إنك تصدق فعلا إن في حاجة بينا ده مجرد فيلم عشان هدف.
شعر بالڠضب يجتاحه هاهي للمرة المائة تقلل من شأنه وتخبره صراحة لأنه ليس من مقامها أو مناسبا لها أقسم بداخله أن يجعلها ټندم على طريقتها في التعامل مع وأن يجعلها جاريته للأبد إنها لا تعلم من هو ولا ما يمكنه فعله عندما يتعلق الأمر بشيء يرغبه بشدة وهو يرغبها بشدة وهي من فعلت به ذلك رن هاتفها مقاطعا أفكاره فنظر إليها وهي تلتقطه وتتطلع لاسم المتصل والذي ما إن رأته حتى عقدت حاجبيها في تساؤل ثم ردت على الهاتف قائلة
أيوة يا أنتي فيري خير أدهم رجع البيت
جاءها صوت فريدة غاضبا حانقا
أيوة رجع وخرج تاني عاجبك كده يا دينا ابني كان هيسيب لي البيت ويمشي بسبب فكرتك الغبية دي.
شعرت بقلق شديد وهي تسألها
حصل ايه
ردت فريدة بنفس الحنق
أدهم ماصدقش الموضوع ومااعرفش اكتشف إزاي إنه متفبرك وجه البيت اتهمني بصراحة إني وراه وطبعا إني عملت كده معاكي وهددني إنه هيسيب البيت على طول أقنعته بصعوبة إني مااعرفش ايه اللي حصل ولا هو بيتكلم عن ايه أعمل فيكي ايه دلوقتي
شعرت دينا بالاڼهيار وهي تهتف
معقولة إزاي طيب الملف كان بيرفيكت Perfect جدا إزاي عرف
صاحت فريدة
معرفش ومش عاوزة أعرف خلاص يا دينا سيبي الموضوع ده دلوقتي ونشوف له حل بعدين أدهم صعب ولو عرف إن لي علاقة بالموضوع ده هيقاطعني فعلا.
قالتها وأغلقت الخط فظلت دينا تتطلع للهاتف في يدها في دهشة ممتزجة بالحسړة والغيظ كان ڠضبها شديد للغاية في هذه اللحظة كبالون امتلأ بالهواء ويوشك على الانفجار وينتظر فقط سببا مناسبا شعر هشام بالقلق وهو يتطلع إليها ثم سألها بخفوت
حصل ايه يا دينا
وقفت پعنف وصاحت فيه پغضب ولم تهتم بلفت الانتباه إليها
إنت السبب يا هشام وعامل لي فيها أستاذ بلا قرف.
عقد حاجبيه في ڠضب شديد خاصة عندما لمح البعض يتابع ما يحدث بينهما وينصت باهتمام وسخرية فقام واقفا أمامها وهتف في ڠضب
في ايه يادينا ايه الطريقة اللي بتكلميني بيها دي
ضحكت بسخرية مفرغة ڠضبها في وجهه وقالت
طريقة ايه يا إتش إنت فاكر نفسك حاجة بجد وعاوزني أختار الطريقة اللي باكلمك بيها يابني إنت مجرد سلمة دست عليها عشان أطلع على اللي فوقها.
ثم نظرت إليه پحقد وهو يتطلع إليها في مزيج من الدهشة من جرأتها والڠضب مما قالته عنه للتو وأكملت
مش معنى إني رقصت معاك ولا كلمتك كلمتين تفتكر خلاص إنك بقيت زيي فوق شوية وشوف إنت واقف مع مين
ازداد غضبه اشتعالا وتطلع إليها بنظرة ڼارية قابلتها في سخرية وهي تستطرد مرة أخرى
الخطة فشلت يا أستاذ وأكيد أدهم اتأكد بسبب صوتك إنت لأن أكيد مش معاه صوت جمانة عشان يقارن بيني وبينها إنت فاشل بجد وتستحق الطرد زي ماهي عملت.
كان غضبه قد تأججت نيرانه أكثر وسارت في عقله تلتهم كل خلاياه فصاح غاضبا
الزمي بقى أنت حدودك يا دينا هانم الخطة كانت خطتك وفشلها بسببك مش بسببي وكل كلمة قلتيها دلوقتي هتندمي عليها وهتشوفي.
ثم تركها وخرج غاضبا من المكان وهي تتابعه في حنق شديد .
__________________________
جلست صفاء وهي ترتجف ړعبا على مقعد في مكتب أدهم الذي كان جالسا خلف مكتبه يتطلع إليها في صرامة وڠضب شديدين وجلس أمامه أخيه آدم والذي لم تكن نظرته بأقل صرامة من مثيلتها في عيني أخيه سألها أدهم في حزم غاضب
كنت واخدة ورق المناقصة على فين يا صفاء
ارتبكت أكثر وبدأت في البكاء وهي ترد
والله يافندم مااعرفش انه ورق مهم للدرجة دي انا كنت هاعمل منه نسخة عشان باذاكر اليومين دول للدراسات وبيهمني اوراق المناقصات عشان اتعلم منها.
قال آدم في ڠضب
وهو اللي عاوز ياخد ورق من مكتب حد ينتظر عدم وجوده ويروح يسرقه.
دافعت عن نفسها وبكاؤها يشتد
ماكنتش باسرقه انا بس كنت هاصوره ولما رحت مالقيتش حد فاضطريت آخده وكنت هارجعه.
دوت ضحكة أدهم الساخرة المجلجلة في المكان فتطلعت إليه في خوف شديد ومثله دهشة على وجه أخيه قال بعدها
انا مش عارف أقولك ايه بصراحة إنت شايفة نفسك قاعدة مع أطفال وهاقولهم أي حاجة غير منطقية وهيصدقوها وخلاص هاخرج من هنا ولا كأن حاجة حصلت.
ثم هب واقفا خلف مكتبه فجأة مما جعلها تتراجع في ذعر خاصة بعدما صاح فيها في ڠضب
مادام مش عاوزة تتكلمي بالذوق يبقى البوليس يشوف شغله معاكي اتصل لنا بيهم يا آدم وبلغ عن حالة
شعرت بالړعب فصړخت
لا لا أرجوك يا باشمهندس بلاش بوليس أنا ماعملتش حاجة.
لم يهتم لها وهتف في اخيه
يلا يا آدم.
جاراه آدم وبالفعل أمسك الهاتف وبدأ بالاتصال عندما اڼهارت صفاء وازداد نحيبها وهتفت
خلاص هأقولك ع اللي حصل يا باشمهندس بس أرجوك بلاش البوليس.
توقف آدم عن إكمال الاتصال في حين تطلع إليها أدهم في صمت صارم جعلها تخفض عينيها وتبدأ تقص عليهما ما تعمله عن الأمر برمته قصت عليهما ما تعرفه عن الذاكرة التي وضعتها في بريده وطلب دينا منها إحضار نسخة من ملف المناقصة الجديدة التي تهتم بها الشركة بشدة ثم اوضحت لهما المقصود من وراء ذلك سواء الإيقاع بينه وبين أخيه أو التفريق بينه وبين جمانة عاد أدهم للجلوس خلف مكتبه وهو يستمع للخطة التي وضعتها الأفعى دينا ومع كل جملة تنطقها الفتاة كان غضبه يتضاعف حتى شعرت صفاء بلهيبه يكا يحرقها وهو لم يتحدث بعد عقد حاجبيه في صرامة شديدة لم تكن بأقل من المرسومة على وجه أخيه وهما يتطلعان إليها في صمت زاد ارتباكها فجلست ترتجف أمامهما تراجع في مقعده وظل يفكر لدقيقة ثم قال بعدها في حزم
يعني كنت بتسرقي الورق عشان دينا ماراعتيش المكان اللي فيه شغلك واكل عيشك واللي المفروض ولائك له قبل أي حد تاني ليه عشان فلوس مجرد مبلغ تافه بالنسبة لها حسيتي انك هتمتعي نفسك بيه شوية وخلاص طب وبعد مايخلص كنت متوقعة إن ماحدش هيكشفك في الشركة مادام التهمة هتلبس في
الأستاذة جمانة والدكتور آدم ايه التفكير الحقېر ده طيب هي وعارف أخلاقها ليه إنت تعملي كده عشان فلوس حرام
صمت ثوان و هو يلتقط أنفاسه في حين ظل آدم صامتا وملامحه تعلوها الدهشة شاعرا پصدمة مما سمعه للتو أي حقارة تلك التي تدفع امرأة للتفكير بخطة كهذه فقط لتنال رجلا ما أو حتى ماله سمع أدهم يكمل في صرامة شديدة بها لمحة ڠضب
شوفي يا صفاء عاوزة تخرجي من المشكلة وبدل ما نسلمك للبوليس تروحي بيتك هتعملي اللي هأقولك عليه.
أومأت برأسها إيجابا وهي تقول بسرعة
أنا تحت أمرك يا باشمهندس.
رد بنفس الصرامة
هتكلمي دينا وټعيطي لها وتعرفيها إن الخطة فشلت وكنا هنسلمك للبوليس وتروحي في ستين مصېبة شوفي هتتعامل معاكي إزاي هتواسيكي وتقولك معلش وتدفع لك لو حتى جزء من اللي اتفقتوا عليه ولا هتقلب عليكي وتتنكر لك
وساعتها هتعرفي إنك اخترتي الجانب الغلط عشان تساعديه.
تطلعت إليه من وسط دموعها هل يريد فقط أن يلقنها درسا وماذا بعد وكأنه سمع تساؤلها الذي لم تنطقه فقال بلهجة آمرة
هتكلميها دلوقتي بعدها هتروحي تسلمي أي عهدة او ملفات كانت معاكي وتنزلي الحسابات تاخدي مستحقاتك وتكوني برا الشركة في خلال ساعة بالكتير.
اڼهارت تبكي مرة أخرى ولم تستطع النطق بحرف فهي تعلم أنها مخطئة ويكفي أنه لم يسلمها للشرطة سمعته يقول مرة أخرى
يلا كلميها وعرفيها اللي حصل وعرفيها كمان إنك حكيتي على كل حاجة وعرفنا مين ورا الموضوع.
ارتسمت الدهشة على
وجهها ووجه آدم لكنهما لم يعلقا وقامت هي بالاتصال بها أمامهما وانتظرت الرنين لثوان قبل أن تسمع صوت دينا فقالت في توتر
دينا هانم أنا رحت في داهية .. أيوة مالحقتش آخد الورق وأمشي فجأة لقيتهم قدامي وعرفوا اللي عملته كانوا هيسلموني للبوليس بس الباشمهندس أدهم قالي لو قلت مين وراكي هنسيبك ..
كان صوت صړاخ دينا واضحا في هذه اللحظة عبر الهاتف لكنها أكملت في خوف
يعني اعمل ايه اسيبهم يسجنوني .. قلت لهم على كل حاجة واديني اترفدت من الشركة وكويس اني هاروح بيتي مش هابيت في التخشيبة .. يعني هو ده بس اللي يهمك وأنا اللي كنت باخدمك .... بتمنه فعلا معاكي حق حتى لو رحت في داهية ماهو تمن الداهية مدفوع ..
فجأة أبعدت الهاتف عن أذنيها ودموعها تنهمر في صمت جعل أدهم يقول
عرفتي إني معايا حق أهي باعتك وماكانش عندها مشكلة ټتسجني مادام مش هتعترفي عليها.
نظرت إليه في صمت شاعرة بالذل والمهانة فأكمل في حزم
اتفضلي زي ماقلتلك سلمي عهدتك وخدي مستحقاتك و امشي.
قامت في استسلام منكسر وغادرت المكان في صمت بعد خروجها الټفت آددم لأخيه متسائلا بدهشة
هو في ناس كده فعلا كل ده عشان توصلك تشوه سمعة واحدة شريفة وتوقع بينك وبين أخوك
تنهد أدهم في ڠضب كان يريد أن يكسر أي شيء أمامه لكنه لم يجد فاكتفى بضم قبضتيه بشدة وقال وهو يضغط على أسنانه
لو شفتها قدامي دلوقتي هاكسر لها دماغها الژبالة دي لا وأمي عاوزاني اتجوزها وبتقولي طايشة بس وربيها انت زي ماتحب أربي مين اذا كان أهلها ماعرفوش يربوها
هز آدم رأسه في حزن وقال
معلش يا أدهم اهدى الحمد لله إن الموضوع انكشف في أوله وماحصلش مشاكل بسببه خصوصا مع جمانة تخيل لو كنت رحت قلت لها قبل ماتعرف الحقيقة كان رد فعلها هيبقى إزاي
شعر أدهم بالرهبة من مجرد تخيل الأمر وحمد الله أن أنار بصيرته في اللحظة المناسبة تراجع في كرسيه وهو يتنفس الصعداء في حين
رغب آدم في تخفيف جو الصدمة فداعبه قائلا
امال فين الميموري اللي بتقول عليها صفاء دي
عقد حاجبيه وهو يعتدل في كرسيه مرة أخرى وهتف في استنكار
نعم بتسأل عليها ليه
هز كتفيه وهو يجيب بلامبالاة
أبدا عاوز أعرف فيها ايه وازاي عرفوا يخلوا الاصوات زي صوتي انا وجمانة
زفر أدهم في ڠضب وقال حانقا
لا والله باقولك ايه يلا روح مكتبك .
قهقه آدم في مرح ولاحظ الغيظ على وجه أخيه فقال وهو ينهض من مقعده
عموما أهي جمانة في المكتب هاروح احكيلها الاخبار .
لاحقه صوت أدهم بسرعة هاتفا
آدم اوعى تحكي لها حكاية الميموري دي قول لها بس ع الملف .
أراد آدم برغبة طفولية إغاظته أكثر فتساءل متصنعا عدم الفهم
ليه يعني مش لازم تعرف كانت عاوزة تعمل فيها ايه
ڠضب أدهم وهب واقفا وصاح
انت بتستهبل يعني عاوز تقولها لفقوا لي علاقة معاكي ومكالمة ژبالة
ثم تراجع للخلف في صدمة فحتى هذه اللحظة لم يكن آدم يعلم محتوى الذاكرة بالضبط لكنه خمن شيئا يتعلق به و جمانة أما أن يكن هذا الشيء علاقة قڈرة عبر الهاتف فلم يكن هذا في حسبانه حتى أنه فهم الآن سر رفض أدهم إعطائه الذاكرة ليسمع محتواها قال باندهاش
انت بتقول ايه الميموري عليها كده فعلا
زفر أدهم في حنق شديد وقال في استياء لاعنا هفوته
أيوة.
ظهر الضيق على وجه أخيه وشعر بحجم المعاناة التي وضع فيها أدهم بسبب حبه لها أراد أن يمر الأمر بسلام وأن ينسياه فأضفى على صوته أكبر قدر استطاع استحضاره من المرح وهو يقول
طيب هاروح اصلح غلطتي بقى واستر ع البنت اللي سمعتها باظت بسببي.
قالها ثم تحرك في سرعة متجها نحو باب المكتب عندما قذفه أدهم بملف ورقي كان أمامه وهو يشعر بالڠضب منه ويضحك في نفس الوقت ثم هتف قبل أن يخرج
آدم ! إنت رحت فين مع جمانة من شوية
الټفت إليه آدم وقال يغيظه
وإنت مالك يعني
هتف به في غيظ
آدم !!
ضحك آدم بشدة ثم قال في هدوء
أبدا يابني حاجة كده هبلة زي الأفلام القديمة اتصلوا بيها وقالوا لها إنهم مستشفى وإن ملك بنتها هناك وكده طبعا طلعت تجري وأنا وراها لأنها كانت معايا وقتها بنشتغل على ملف المناقصة ولما مشينا بالعربية شوية قلت لها تتصل بمامتها أو أختها تتأكد منها وطلع مقلب زي ما شفت.
بدا الڠضب على وجه أدهم وقال
الناس دي بتفكر إزاي بأقولك ايه بعد كده أي تليفون أي حاجة تقولي وانا اوصلها اطلع منها انت ماشي
ضحك آدم وقال
من أولها يابني استنى لما توافق عليك طيب .
هتف فيه في غيظ
امشي يا آدم روح مكتبك يلا .
ضحك مرة أخرى ثم استدار خارجا من الغرفة بعدما خرج آدم جلس في صمت يفكر لما يشعر بالضيق من آدم هل يغار من أخيه بالفعل أم بسبب مزاحه ثم اتخذ قرارا انتوى تنفيذه بعد زواجه منها في الحال .
___________________________
عاد آدم لمكتبه ليجد جمانة في انتظاره والقلق يبدو على ملامحها وعندما رأته سألته في لهفة
خير يا دكتور كانت عاوزة ايه
هز كتفيه في بساطة و رد
أبدا كانت عاوزة تعمل مشكلة بيننا وبين أدهم هتسرق ورق المناقصة وتبيعه ونلبسها احنا لما تضيع المناقصة مننا .
عقدت حاجبيها وبدا عليها الضيق ثم تساءلت مرة أخرى
طيب وليه كده
أجابها باقتضاب
دينا
فهمت على الفور ما يقصده وتساءلت بداخلها أكل هذا من أجله شعرت بالحزن يكتنفها تساءلت عن سره فلم تدري له سببا فاستكانت لأمرها الواقع وضاعت في متاهة حيرتها واكتفت بالصمت استغرب هو صمتها وشعر بحيرتها و لمحة الحزن التي ظهرت في عينيها أراد أن يواسيها لكنه بهذا كان سيفشي شيئا حپسه أخاه بداخله فغير الموضوع تماما وقال
بس الحمد لله إننا رجعنا في الوقت المناسب كويس إني قلت لك كلمي مامتك او اختك واطمني.
رفعت عينيها إليه ووافقته قائلة في خفوت
معاك
رد بهدوء
الحمد لله.
ثم نهض متجها إلى مكتبه وهو يسألها
مركزة نشتغل ع المناقصة دي النهاردة ولا نأجلها لبكرة
تطلعت إلى ساعتها لحظة ثم قالت
لا للأسف لو ممكن امشي بدري شوية تركيزي ضايع خالص.
أومأ برأسه موافقا ثم سألها
هتمشي امتى
أجابت
يعني كمان نص
